مابين شارع النيل وعبيد ختم نجاح المشروع الحضاري وفشل ثورة الشعب .

عدت للسودان هذه المرة وفي ذاكرتي قيم الشعب السوداني ومورثاتة الجميلة اذا بي اجد شعب بلا قيم ولا يعرف من الموروثات الا طرق الوصول للمال او البحث عن الذات في ظل ثقاقات دخيلة اصبحت لوحة اعلان المشروع الحضاري الذي خططت له الانقاذ منذانقلابها المشؤم فطمست هوية شعب من اجل مشروع التمكين الذي سقته دماء شباب السودان فاتت اكلة للزمرة الحاكمة فسادا في السلطة والثروة وبيوت شاهقات تمتد مابين ضفتي النيل الازرق فتمدد كافوري رجلها اليسري لتعانق رجل المنشية اليمني وبينهمايلهث الفقراء خلف السيارات المظللة التي تقف عند الاشارات متسولين يبحثون عن مايسد رمقهم واصحاب المشروع الحضاري مابين الحور الطين وفردوس الدنيا ونعيم المال يرفلون .
شارع عبيد ختم احد شوارع التي ارتكزت عليها بنية المشروع الحضاري الذي اضاع حضارة شعب ليدخل ثقافات شعوب اعجمية وعربية تتعدد الوانها والسنتها ولكنها تتحدث بلسان واحد هو طمس هوية الشعب السوداني ففي شارع عبيد ختم بنيت العمارات الشاهقات وتهتكت الاعراض وتعرت القيم فاكتست ثوب لتهتك حجب الحياء من اصحاب المشروع الحضاري اولا ثم اصدقاء استثماراتهم المادية او العقدية فتممدت السنة الفساد في جوف الرياض والمنشية وهنالك في قلب شارع الستين يرقد مسجد السيدة سنهوري الذي تهد اركانة رزيز سيارات اهل السلطة حتي اصبح مقصورا عليهم تزينة الاعشاب الخضراء والتكييف ضد هجير الشمس التي لا يتحملها ارباب السلطة وذويهم وخلف ابواب المسجد تقف النساء يحملن اطفالهن يتسولن المصليين اصحاب اللحي الطويلة والبطون الكبيرة وهم يدويرون وجوههم عنهم تاففا ويتبادلون التبريكات والجزاءات الخيرية التي قسمت لهم . ويقية الشعب يفترشون حصي الرمضاء في مساجد تهدمت وتكثرت وبعضهم يصلي في العراء .
اما المعلم الاخر من معالم نجاح المشروع الحضاري فهو شارع النيل من تحت كبري كوبر متجها شرقا حتي نهاية المنشية فهو مشروع السلطة التي دمرت فيها جيل من الشباب ترعرع في كنف الانقاذ ورضع من سدي السلطة فتلبس ثوب الثقافة الغربية الدخيلة فيجبون شارع النيل بسارات فارهة لم نشاهدها الا في الافلام وبنات يضاهين جميلات هوليود في عراهم وتبرجهن حينما تمر بهم كانك في احدي نوادي باريس الليل التي تتميز علي شارع النيل بالاحترام والنظام المفقود لان الذين يرتادون هذا الشارع هم ابناء الوزراء وامراء الدولة فهم فوق القانون لا احد يحاسبهم فهم يفعلون مايحلو لهم فالدولة دولتهم والمرافق ملكتهم يحتسون الخمور ويتعاطون حبوب الهلوسة .

Quote: اما المعلم الاخر من معالم نجاح المشروع الحضاري فهو شارع النيل من تحت كبري كوبر متجها شرقا حتي نهاية المنشية فهو مشروع السلطة التي دمرت فيها جيل من الشباب ترعرع في كنف الانقاذ ورضع من سدي السلطة فتلبس ثوب الثقافة الغربية الدخيلة فيجبون شارع النيل بسارات فارهة لم نشاهدها الا في الافلام وبنات يضاهين جميلات هوليود في عراهم وتبرجهن حينما تمر بهم كانك في احدي نوادي باريس الليل التي تتميز علي شارع النيل بالاحترام والنظام المفقود لان الذين يرتادون هذا الشارع هم ابناء الوزراء وامراء الدولة فهم فوق القانون لا احد يحاسبهم فهم يفعلون مايحلو لهم فالدولة دولتهم والمرافق ملكتهم يحتسون الخمور ويتعاطون حبوب الهلوسة .

معقولة وصلت الحد ده؟؟



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

الاخ العزيز الشايقي
تحياتي

Quote: معقولة وصلت الحد ده؟؟

اخي العزيز ماكتبتة قليل من ما استطعت ان اصفة بالكلمات وهنالك لم استطع وصفة ولكن حال السودان اسواء مما تتخيل شعب تايه في مدارات كسب العيش وضائع بين طاحونة الغلاء ومرحات تجار الانقاذ يلهث عن كسب رزق وقلة تسبح في بركة من الاموال .

ابورامى حمد لله على سلامتك الوطن اصبح غير يا صديقى
21 سنه يا يوسف غيرت مفاهيم كل الجيل الفى العمر دا
للاسف الاحزاب مازات تديرها عقول عفا عليها الزمن
والحزب الحاكم لديه اجنده مرتبه

ابواحمد
تحياتي لك وللاسرة
رمضان كريم

Quote: ا21 سنبورامى حمد لله على سلامتك الوطن اصبح غير يا صديقى ه يا يوسف غيرت مفاهيم كل الجيل الفى العمر دا للاسف الاحزاب مازات تديرها عقول عفا عليها الزمن والحزب الحاكم لديه اجنده مرتبه

لاشك ان للمؤتمر الوطني اجندة لتجهيل جيل باكملة وضياع شباب في متاهات القيم الدخيلة .
والمشورع الاسلاموي تم دسة داخل الادراج والاوراق .

التحية لك يا صديقي يوسف
مشتاقين


تعال انت وكل الشرفاء بهناك
وانضم لطلائع الثورة لكنس مافيا الانقاذ


منبر الجبهة الديموقراطية العريضة بالفيس بوك


المنبر تحالف قوس قزح يصم الشرفاء من كل بقعة في ارض السودان من كل الوان الطيف السياسي لهدف رئيسي واحد هو اسقاط مافيا الانقاذ بتعبئة الشباب من اجل التظاهر و الاعتصام و نهاية بالعصيان المدني حتي زوال الدولة الكيزانية

نداء الي كل الشرفاء الرجاء دعوة كل الشرفاء من معارفكم للانضمام للمنبر نحن نحتاج لحشد قوة كبيرة لاسقاط مافيا الكيزان وشكرا

العزيز يوسف السماني حمد لله علي سلامة الوصول ونأسف لعدم توديعك فانت رجل تستحق الكتير

وأقدر لك صدى الصدمة ولكن هذا هو الحقل المطلوب محاولة نثر بذور التغيير الايجابي الفعلي على ارضه وما ذكرت جزء من معطياته الحالية والاكيد انها باكتملها لن تكون بكل هذا السوء فهناك صورة اخرى تدعو الي التفائل والامل الدافع لبذل المجهود تجاه شعب يستحق رغم قشور الاشياء وطفح الاجسام الاكثر فراغا
كن بخير وارم مصادر بركة الفساد بحجرك مع احجار الشرفاء ولا تنسى انها اكثر من عشرون عام من التخبط تحت مظلة مشروع مشوه ً

الاخ العزيز محمد علي شقدي
لك الود والتحايا

Quote: اخرى تدعو الي التفائل والامل الدافع لبذل المجهود تجاه شعب يستحق رغم قشور الاشياء وطفح الاجسام الاكثر فراغا كنصورة بخير وارم مصادر بركة الفساد بحجرك مع احجار الشرفاء ولا تنسى انها اكثر من عشرون عام من التخبط تحت مظلة مشروع مشوه

اخي العزيز التفائل هو اساس اي تغيير ولكن التعامل مع معطيات الواقع يحتم اصطحاب كل المتغيرات لنجاح عملية التغييير ولذا علينا تغيير ادواتنا النضالية ودعوتنا للثورة لان غالبية الشعب السوداني في ثبات عميق ومناقشة قضايا الوطن تعتبر ضرب من ضروب الرفاهية لشعب ادمن الخنوع للواقع .

العزيز د. مصطفي محمود
لك التحايا

والحمدلله علي سلامتك وشفائك

Quote: تعال انت وكل الشرفاء بهناك وانضم لطلائع الثورة لكنس مافيا الانقاذ

الانقاذ سترحل اذاء وضعنا لبنات الثورة بالداخل لان من بالداخل لا يابهون بما يدور في السودان .

كلامك تمام مية في ميو و من اجل هذا الهدف نعمل

ولهذا عملنا القروب و الغدد في يومين وصل 430 وسوف بعمل سويا فمرحبا بك من الداخل

والموضوع كله لتنسيق التحرك من الداخل من الفيس بوك



بحن في حوجة للشرفاء من امثالك

المنبر تحالف قوس قزح يصم الشرفاء من كل بقعة في ارض السودان من كل الوان الطيف السياسي لهدف رئيسي واحد هو اسقاط مافيا الانقاذ بتعبئة الشباب من اجل التظاهر و الاعتصام و نهاية بالعصيان المدني حتي زوال الدولة الكيزانية

نداء الي كل الشرفاء الرجاء دعوة كل الشرفاء من معارفكم للانضمام للمنبر نحن نحتاج لحشد قوة كبيرة لاسقاط مافيا الكيزان وشكرا


ايد في ايد تجدع الكوز بعيد
ايد في ايد تجدع الكوز بعيد
ايد في ايد تجدع الكوز بعيد

ّّّّّّّّ------------------------------------------------------
ويتبادلون التبريكات والجزاءات الخيرية التي قسمت لهم .
------------------------------------------------------


تحياتى يا ود السمانى، أوجزت و أوفيت.. لكن الجزاءات الخيرية دى أحلى ما فى الموضوع..

و الجاتك فى وطنك سامحتك أو كما قيل....

الحمدلله على سلامة وصولكم لأرض الوطن ( البقى ما ياهو ) !
تمنياتى القلبية لكم أخى يوسف بالتوفيق و طيب المقام رغم كل شىء ،
أعتذر بشده لتغيبى عن حفل وداعكم ( الشديد القوى )،
صادق مودتى .

الاخ يوسف سلام

الف حمدلله على سلامه الوصول
يا اخوى يطرشنا سفركم كان على الاقل نقول مع السلامه
ارجو ان لا تكون الصدمه قويه لدرجه استدعاء اسعاف
وانت مالك ما اخذت معاك حبوب صدمه الواقع بدل كبسولات هلوسه الحاصل


يا اخوى تاوق لينا بناقو معاك لمن الله رفع قدمك

يوسف السماني
السلام عليكم
وحمدا لله على السلامة
وان شاء الله الاهل بخير
ظروف قاهرة حالت دون حضورنا وداعك بالرياض فعذرا
ولنا لقاء ان شاء الله يا تجينا يا نحصلك.

استاذ السماني
اسمح لي ان اختلف معك فيما يتعلق بوصفك لشارع النيل من كوبري كوبر و حتي كبري المنشية فأنا من رواده ولست ابن وزير او ابن رأسمالي ولا اقود عربة فارهة راكب عربية اتوز موديل 98 واداوم علي تناول الشاي والقهوة بالقرب من كبري المنشية مع اسرتي الصغيرة او الاصدقاء وزملاء العمل هربا من الاجواء الحارة وضغوط الحياة
ولك الود

Quote: استاذ السماني اسمح لي ان اختلف معك فيما يتعلق بوصفك لشارع النيل من كوبري كوبر و حتي كبري المنشية فأنا من رواده ولست ابن وزير او ابن رأسمالي ولا اقود عربة فارهة راكب عربية اتوز موديل 98 واداوم علي تناول الشاي والقهوة بالقرب من كبري المنشية مع اسرتي الصغيرة او الاصدقاء وزملاء العمل هربا من الاجواء الحارة وضغوط الحياة ولك الود

اوافقك في النقطه دي يا حبيب الكل
انا ايضا من رواد شارع النيل .. نجتمع نحن زملاء العمل وبعض الاصدقاء لنرتاح قليلا من رهق العمل واليوم الطويل
ينضم الينا بشر مختلف ألوانه .. فيهم ابن الغني وابن الفقير وابن المعدم الذي لا يملك قوت يومه
نكمل جلستنا بسيدة الجلسات ( القهوه ) ونتجاذب اطراف الحديث والاونس النبيل ثم يذهب كل في حال سبيله .. وهكذا اغلب رواد شارع النيل
بل ان اكثرهم يخرج من المساجد ثم يتجه الي شارع النيل .. والدليل تعافي الجو هناك هو وجود الاسر

قد يكون هناك بعض الاشياء الاخري والتي لا تصل الي مرحلة الذكر .. ناهيك ان تصل الي مرحلة هذا التعميم المخل


لك التحايا اخي يوسف ورمضان كريم





.......
التعديل لاضافة كلمة

الاخ العزيز
7abib_alkul
تحياتي

اعتذر لتأخري في الرد علي مداخلتك لظروف خاصة.
لم اتفق معك ان ابناء الفقر او الاسرة المتوسطة يرتادون شار النيل في
جلسات اسرية محترمة وقد جلست مع اسرتي ولكن ما اقصدهم هو اولاد الزوات
الزين يركبون السيارات الفارهه المظللة ويرقصون ويصرخون متناسين كل
قيم شعبنا الجميلة ويقلدون فتات الحضارة الغربية ولا احد يستيطع التحدث
اليهم او زجرهم لانهم اولاد الورزاء والوجها .

الاخ العزيز معاذ حسن
رمضان كريم

شكرا للمشاعر الطيبة وما بتقصر تحياتي لك وللاسرة

الاخ موسي الراجل
رمضان كريم

يا اخوى تاوق لينا بناقو معاك لمن الله رفع قدمك



ماتخاف انا بتاوق ليكم السودان كلة وانشاء الله لو ربنا اراد اصل هناك

الاخ الفنان الرائع مصدق حسين
رمضان كريم

انت تشكل حضور دائم بيننا وغيابك يشفقنا لانك صاحب واجب كنت اتمني رؤيتك ووداعك ولكن
الظروف اقوي من الواقع
لك التحايا ولاسرتك الكريمة

الاخ ابوذر عمر
رمضان كريم

Quote: و الجاتك فى وطنك سامحتك أو كما قيل....

الجات في الوطن جات في اسرنا واولادنا واجيال قادمة تعيش في عذاب وضياع امة من جل حفنة من سارقي قوت الشعب باسم الدين

أخى العزيز يوسف عودآ حميدآ مستطاب......


يحضرنى قول ألأمام الشافعى رضى الله عنه...((((((فعين الرضا عن كل عيب كليلة ** ولكن عين السخط تبدي المساويا)))))

تزامن وجودى معك بالسودان وقد تكون صادق فى كلامك ولكن لم أشاهد معكسته بعينك فى هذا البوست....

لو خفضت البوست ده بنسبة 70 بالمئة ممكن نتناقش بعد كده...نعم هناك بعض ألأمور المشينة وبعض المناظر الخادشة والغير أخلاقية وهذه فى أى مجتمع....وقد زادت فى الفترة ألأخيرة لأسباب عدة لا ننكرها منها الظروف الأقتصادية الطاحنة...ولكن مازال الشعب السودانى بخير..لك التجية والتقدير.

الاخ اسماعيل عباس
تحياتي
اعيد قول المتنبي الذي رايتة بعين واحدة والاخري ربما اصابها الرضا او العور

Quote: فعين الرضا عن كل عيب كليلة ** ولكن عين السخط تبدي المساويا

اذا نظرت لصدر وعجز البيت تدرك بطلان الحجه .

Quote: تزامن وجودى معك بالسودان وقد تكون صادق فى كلامك ولكن لم أشاهد معكسته بعينك فى هذا

قضيت في السودان قرابه ثلاثة اشهر ماكتبته منظر يومي اشهاهده كل ليلة وانا مار به الي سكني بالمنشية
التي كتبت عنها ولو سكنت فيها وتفرست ملامح القيم فيها تدرك صدق ما كتبت ولك ان اصدق او لا تصدق
ولكن كثيرون من ابناء السلطة التقبتهم بشارع النيل وتحاورت معهم في تبدل الحال والقيم واكدوا اندثار كثير من القيم السودانية الاصيلة فلم يدافعو عن الانحلال وتغير الشارع كما فعلت ياعزيزي
فتلك حريتك ولكن ان تطعن في مصداقية ما اكتب فهذ شانك لم اتعود ان افتراء علي احد فقد ترعرعت علي قول الصدق والحق ولودفعت من اجلهما عمري .

يوسف السماني سلام وحمدا لله علي السلامة..
طيب يايوسف..
لنسلّم بما كتبت .. أو رأيت..
أها الكلام ده كان وانت جالس بالشارع المذكور..
كل يوم في التلاتة شهور القضيتها في السودان؟
ولاّ يعني كم مرة؟؟
وكل مرة في عدد ( المرات ) دي كان نفس المنظر؟؟
وديل اولاد ( المسئولين) الشفتهم ( كم مرة ما عارفين نحن لسة)..
أتأكدت انو اولاد مسئولين كيف؟؟
ولاّ مجرد رايك ونظرتك ( ياصاحب النظرة) بتكفي؟؟
يعني انت ما شايف انو ده بوست انطباعي لدرجة التطرف؟؟
ده الشق الأول من الموضوع..
نجي للشق التاني..
أها شفت شنو شيئ كويس بالسودان؟؟
ولاّ كلو الشفتو زي ده؟؟
يعني ناس حسن الخاتمة ديلك..
ولا تجهيز الاكفان..
ولا رعاية الايتام..
ولا المساجد وعدد المصلين واعمارهم..
ولا الشارع بصورة عامة واماكن واوقات مختلفة..
الناس البساعدو الفقرا والمحتاجين ( من عامة الناس سيب الدولة)..
يعني الشعب السوداني كلو اختصرتو في منظر قابلك مرة؟؟
تحياتي وعودا حميدا مرة اخري..
وسؤال بعد الختام..
العنوان بتاع بوستك:
: مابين شارع النيل وعبيد ختم نجاح المشروع الحضاري وفشل ثورة الشعب .
عرفناهو المشروع الحضاري..
فشل ثورة الشعب دي شنو؟؟
ولو ياها فهمها زي أسمها..
تفتكر السبب شنو؟

الاخ يوسف الخضر
تحياتي

Quote: وديل اولاد ( المسئولين) الشفتهم ( كم مرة ما عارفين نحن لسة).. أتأكدت انو اولاد مسئولين كيف؟؟

عرفتهم من رجال الشرطة الكانو موجودين في شارع النيل بعد ان طلبنا منهم
القبض علي الاولاد لمخالفتهم القيم والاخلاق وخدش الزوق العام .
العسكري قال لينا انتو جايين من وين, منو البقبض علي ديل الا يكون داير
يقطع عيشو ديل اولاد المسئوليين

Quote: يعني انت ما شايف انو ده بوست انطباعي لدرجة التطرف؟؟

هذة مشاهدات يومية يشهد عليها كل من يقطن اويمر حول شارع النيل وحقيقية ليست انطباعات ,
التطرف ياالخضر هو عدم الاعتراف بالخطأ, والجزم بأن نظام الانقاذ هو الخلافة الراشدة
التي لا يأتيها الباطل من خلفها او امامها .

الاخ يوسف كلامك كله صحيح انا شوفت كل ماقلت وكمان اولاد في كلامهم بنات في لبسهم امشي امام برج الاتصالات باليل تشوف العجب والمشكله الاولاد ديل ماخايفين من حد وعاملنها ظاهره ومن غير خوف

الاخ حاتم المكي
تحياتي

Quote: الاخ يوسف كلامك كله صحيح انا شوفت كل ماقلت وكمان اولاد في كلامهم بنات في لبسهم امشي امام برج الاتصالات باليل تشوف العجب والمشكله الاولاد ديل ماخايفين من حد وعاملنها ظاهره ومن غير خوف

هذا التغيير المجتمعي السريع مصدره الثراء الحرام من اموال الشعب السوداني ونتاجة فساد اخلاق المسئولين واولادهم
وخطورة ذلك علي المجتمع وقيمة .