سفاره السودان بالنرويج تعتم على برنامجه (التسوى تلقاها فى جلدها كرتى)

وزير الخارجيه السودانى على كرتى سيصل الى اوسلو ظهر اليوم الثلاثاء الموافق 13.سبتمبر 2011 فى زياره الى النرويج
الغريبه استلمت البرنامج فى الايميل من النراوجه وليس من السفاره السودانيه التى تقاطع السودانيين بالنرويج ومنذ وصول سفيرها الجديد (سفيرتها)
اهى اوامر رجل الامن ياترى؟؟؟
انه ليس من الدبلوماسيه او الذكاء ان تعادى او تغيّب المعلومات عمن انت اساس وظيفتك ان تخدمهم وتأخذ مرتبك من خزينه الدوله لتلك الوظيفه
هذا اذا سلمنا بانكم هنا لخدمه السودانيين او لتحسين الصوره المعروفه
و معروفاً ان العداوة ستولد عداوة مؤسسه
ان للسفاره السودانيه بالنرويج ان تحمد الله انه النرويج لا توجد فيها معارضين منظمين ولا مكاتب للاحزاب ولا يوجد بها الكوادر النضاليه التى يمكنها تنظيم المظاهرات وتخلق الهاجس لها بالنقد وتتبع تصرفاتها تجاه السودانيين وخدماتها لهم
ولكن فقط بتصرفات منسوبيها ومسئولى الامن فيها يمكنها ان تشعل النار لتقوم الثوره عليها وعلى سفيرها
ويمكن ان تنتظم الصفوف لنيل الحقوق واول الحقوق هى المعامله باحترام وعدم التفرقه بين ابناء الشعب الواحد فى المعامله
نعلم ان هنالك من تعاملونه باعتبارهم ممثلين للمؤتمر وأخرين باعتبارهم اعداء للمؤتمر وما بينهم من غواصات
ونعلم قول رجل الامن بأن بيده ملفات كل السودانين بالنرويج

اصل السودانيين عموماً بطبعهم مسالمين وقاعدين فى الواطه وجارين فى معايشهم وما هاماهم السياسه كتير, خربانه بما فيها من كيزان لاحزاب
واساساً الوصلوا لحدى هنا فى النرويج ياهم الخلوا البلد للمؤتمرجيه ونفدوا بجلدهم لكن تعال استفذهم وشوف......يعنى لاحقنيننا محل ما نمشى وتستفذونا كمان؟
هذه مقدمه ورساله مختصره لتصل الى اى مسئول اينما وجد...............وسنواصل ما انقطع من حديث

البرنامج كالاتى
يوم الاربعاء فى وزاره الخارجيه النرويجيه من الساعه 1300سيقابل وزير التنميه النرويجى ايريك سولهايم
الساعه 1430 الى 1530 سيلتقى وزير الخارجيه النرويجى يوناس قاهر استورا
وبقيه البرنامج ولقاءته ستضح خلال اليوم او الغد
وكذلك الحقائق

وياللشفافيه







املائيه

سياسه التعتيم على زيارات المسئولين هل سببها الخوف من المظاهرات او الضرب وما شابه
ام هنالك قصد اخر وهو تهميش السودانيين بالخارج عن كل ما له علاقه بالسودان؟
برغم انه لا يهم كثيراً
الا ان اعلان المعلومات التى تخص الشأن السودانى يعنى وجود قدر بسيط على الاقل من الشفافيه واحترام للسودانيين فى البلاد التى يزورونها
خصوصاً الاوربيه حيث يفترض ان تكون الحريات اكثر توفراً
ثم نتطرق الى دور السفارات فى بلاد المهجر وما عليها تجاه السودانيين فى تلك البلاد
هل توجيه العداء الى من لا يؤيد حكومه المؤتمر الوطنى هو دورها ومنطلق سياساتها تجاه السودانيين فى المهجر؟
واكرر ليعوا انه حتى ولو ان السودانيين فى المهجر ليس منظمون الا ان العداء السافر من قبل السفارات هو خير وسيله وسبب قوى لتنظيم الصفوف لتكوين معارضين
ولتعلم السفارات ان السودانيين من حقهم ان يكونوا معارضين للنظام ولكنها هى لا يحق لها ان تكون معاديه للسودانيين فى اى بلد كان





املائيه

Quote: سفاره السودان بالنرويج تعتم على برنامجه (التسوى تلقاها فى جلدها كرتى)

ولا فى الحقيقه المثل بيقول (التسوى كريت تلقاها فى جلدها),, وحقائق المثل بانه كان فى مناسبه عاوزين يضبحوا فيها غنمايه, والكان ح يضبحها ما لاقى سكين يضبح بيها الغنمايه, واثناء ما هو بيفتش كانت الغنمايه بتكرت الواطه بضلافينها بتبحت ليها فى شىء مدفون فحفرت حتى ظهر واتضح انه ده السكين الكان بيفتش عليها الضبّاح فقام الضباح شال السكين وقبل على الغنمايه وطوالى ضبحها وجاء المثل البيعنى انه الغنمايه براها جابت الشىء البيضبحها, او البتحك فى جلدها لحدى ما تكب الدم

اها السودانيين ناس النرويج ناس مسالمين وفى حالهم ولكن بوصول رجل الامن وما كانوا ناس معارضه ولا احزاب ولا ولا
ناس عايزه تعيش فى حالها لا نظره استفزاز ولا تعالى مسؤل اصل البلد العايشين فيها علمتهم انه السماء دى قريبه والناس كلها سوا وقاعذين فى الواطه من الملك للوزير والمدير والخفير والسفير
اها جونا ناس قالوا هم مسؤلين من الناس السودانيين
وهاكم يا خلافات وانقسامات وفرز كيمان وديل شنو وديل شنو
وبرضوا لحدى هنا ما قلنا مشكله لكم ولنا
بس بعد شويه المسألاه شكلها بقت فى خيار وفقوس وناسات وبعد ده كله جابات ليها كلامات انه ديل ناس شنو وشنو
علشان كده نرجع نقول قلتوا كده طيب... السؤال يا ناس هوى
ما هو دور السفارات بالظبط؟

وما هو دور مسؤل الامن فيها؟
من هو صاحب القرار النهائى فى السفارات السودانيه الان؟
اهو السفير ام رجل الامن؟

Quote: الغريبه استلمت البرنامج فى الايميل من النرواجه وليس من السفاره السودانيه التى تقاطع السودانيين بالنرويج

في مثل نرويجي بيقول: الخايف من دقة نافع، وخايف يكورك زي نافع "لا لا"، يتكتم على برنامج زيارتو

Quote: Murtada Gafar Quote: الغريبه استلمت البرنامج فى الايميل من النرواجه وليس من السفاره السودانيه التى تقاطع السودانيين بالنرويج في مثل نرويجي بيقول: الخايف من دقة نافع، وخايف يكورك زي نافع "لا لا"، يتكتم على برنامج زيارتو

سلام يا مرتضى
ده مثل بريطانى انحنا هنا الضرب بالكراسى ما عندنا ليهو امثله
عشان كده افتكرونا ضان ساكت
مع انه لو قالو علينا غنم بتكون شويه احسن لانه انا بفتكر فعلاً ان الغنمايه افضل من الضانيه حتى ولو المثل بيصورها انها حفتت السكين براها وجنت على نفسها
مش جايز كانت بتحاول تدفن وتدس.......وتعتم
وبما اننا ناس فنون فما مننا خوف وبالمناسبه دى نهديك اغنيه
حاول يخفى نفسه
لكن شفناه شفناه

وعلى غرار التسوى تلقاها
فلنفتتح هذا الملف عن دور السفارات ومعاملاتها مع السودانيين فى بلاد المهجر
من ناحيتى سابداء ملف النرويج

نبذه تاريخيه مختصره من معايشتى
تم افتتاح اول مره مكتب للسفاره السودانيه فى النرويج فى حوالى عام 2000 و1999
كان اول سفير فيها هو ممثل الحركه الشعبيه واسمه شارليس والحقيقه لم يكن واصلاً او معروفاً للسودانيين عموماً
كان اول قنصل قام بالافتتاح اسمه عاصم وهو من سجل السفاره فى سجل المنظمات النرويج وبأسمه
سنأتى لدور عاصم واتصاله بالسودانيين لاحقاً واذكر اول لقاء لى به فى منسبه عيد كنا نتناول وجبه طعام فى محل احد السودانيين وصادف اننا نجلس فى تربيزه واحده
وسألنى كيف عاملين فى البلد دى وقلت له احسن من السودان فضحك وقال لى حتى يعرفنى عن نفسه طيب ليه ما جيتونا فى السفاره لحدى هسه
فقلت له نحن هنا كلنا لاجئين يعنى هاربين من نظام الكيزان ودايرنا نمشى لسفارته؟فكان رده عباره عن ضحكه خفيفه وواصلنا فى اكلنا للطعام
وكان مضيفى يشعر بالحرج ولكنه يبتسم ويقول لى ياخ الدنيا عيد ما تخشوا لينا فى السياسه
كان عاصم هذا هو مسؤل الامن كما علمت لاحقاً وهو من يسيّر الامور فى السفاره

اول رجل امن فى السفاره لم يهتم بتتبع السودانيين حين وجد معلومه من الغواصات بانه لا توجد معارضه رسميه تذكر
فالتنظيم الوحيد كمعارضه هو مكتب الحركه الشعبيه من الجنوبيين الذين يدرسون او يعيشون فى اوسلو
حتى ان عدد السودانيين بشكل عام لم يتجاوز المائتين شخص فى كل النرويج تقريباً
ولكن ما فعله هو انه كوّن واسس البؤره الاولى للغواصات من السودانيين و كما يعرف باريتريين السودان
ايضاً لم يهتم السودانيين عموماً الا ناساته وكانت هنالك بعدالمصالح خصص بها لفئه محدده من ناسه وبسريه تامه افتضحت فيما بعد الى ان رجع الى السودان
وصل القنصل احمد المعتصم على ما اذكرو طاقم جديد
السفير محمد على التوم سفير وصل فى بدايه 2004 وبداء التقرب الى السودانيين وكان ساعياً بجد لان يكون قريباً وعمل لقائهم والاجتماع بهم
الصراحه كان هنالك اجتماع شهرى او سمى لمه السودانيين الشهريه وهو من يقف وراء تنظيمه بمعاونه بعض السودانيين
وحقيقه كان سفيراً ذكياً لم يتناول الامور السياسيه بل العكس كان يؤكد للجميع بانه ليس مع الكيزان وانه عاش 30 سنه فى السويد
وكان يحب الفنون والموسيقى والغناء وساهم فى اقامه الحفلات اى بأختصار استطاع فعلاً ان يجعل السفاره على اتصال وسلام مع السودانيين بالنرويج
كان رجل الامن الجديد اسمه عادل وكان اكثر ذكاءاً فى طريقه تقربه للناس فقد كان بسيطاً ومتواضعاً ولم يتعامل كرجل امن على الاطلاق بل ابدى انفتاحه نحو السودانيين من كل الفئات, الصراحه لم يبدى توجه فئوى او جهوى كما فعل عاصم فى معاملاته

عادل استطاع كسب ثقه السودانيين عندما كان يزورهم وكذلك يدعوهم الى زيارته فى بيته ويحضر الى المناسبات السودانيه مع زوجته وابنائه
علمنا لاحقاً بانه كان هنالك شخص ممن يعيش وسط السودانيين يذهب اليه فى مكتبه بالسفاره كل يوم احد بالتقارير عن نشاطات السودانيين
واذكر انه فى اشناء زياره وفد مؤتمر المانحين الذى ضم نائب الرءيس ذه وابو الداز فى 2005 كان هنالك لمه للسودانيين اقترحوا الخروج فى مظاهرات
وكنت رئيساً لمكتب رابطه السودانيين فقلت لهم هذه بلاد ديمقراطيه ومن حقكم التظاهر والتعبير بحريه ويمكننى ان اساعدكم كيف يمكن ان يكون ذلك
وفعلاً كنت معهم فى المساء وساعدت فى كتابه جمله الشعارات حتى تتماشى ومناسبه المظاهره فكانت شعارات مثل امنحوا دارفور سلام وامان قبل ان تمنحوا المال
و كنت مدعواً للمؤتمر من قبل الخارجيه النرويجيه واثناء حضورى جاءنى عادل وقال لى اريدك ان تقابل وتسلم على نائب الرئيس فوافقت وبعد المقابله والسلام
اخذنى عادل الى جنب وقال لى اريدك فى كلمه فقلت له خير فقال لى وقد تغيرت نبره صوته يا زكريا نحن نعلم انك لا خلفيه سياسيه لك فمالك ياخ عاوزنا نزعل منك
اتفاجأت وقلت ليهو فى شنو؟ قال لى ليه انت امس تمشى تكتب للناس ديل شعار المظاهره وتؤيدهم؟
طبعاً اتخلعت انه عرف كيف؟ يعنى معانا غواصات
ورديت عليه فى غضب ياخ انا عايش فى بلد ديمقراطى وفيها حريه التعبير متاحه لاى شخص المشكله شنو ؟ انا اكتب شعار واطلع اى مظاهره فى شنو؟
وهنا انتبه هو لان لا يغضبنى وبادرنى لا ابداً مافى مشكله بس انت زول بتمثل الناس كلها وما اظن كل الناس بتكون عاوزه تمثلها فى مظاهره زى دى
قلت ليهو قبل ما امثل اى شخص انا برضوا بمثل نفسى ومن حقى اعبر عن نفسى بالطريقه البشوفها
عادل كان ذكياً وامتص حاله التوتر والعداء وقال لى يا زول مافى مشكله عبّر عن نفسك زى ما داير
عادل لم يريد ان يصنع معارض والناس نيام فتدارك الامر بسرعه بل ارسل لى من يريد ان يدعونى لنفتح معهم مكتب لحزب المؤتمر الوطنى وهذه قصه تحتاج لبوست منفرد

ونواصل الكرّيت

بعد انتهاء فتره عادل فى 2008 وقد نظم من يحاولون التقرب من السفاره حفل وداع له والسفير بعد ان رفضنا ان نودعهم فى الرابطه
وكان عادل ما يزال يحاول بسط الامن والاستقرار لمن يأتون من بعده من طاقم الى السفاره
وفى مناسبه حفل اكد لى انه ينوى ان يعرفنى على من سياتىء محل وظيفته
وفعلاً فقد قدم لى شخصاً يبدو انه فعلاً قادم للتو من السودان فقد كان يبدو عليه الجديه ويفضل الانطواء او يبدى عدم ارتياحه وكان ملتزم الصمت الا من ابتسامات مجامله بين الحين والاخر
علمنا فيما بعد انه رجل الامن الجديد وانه كان يعمل فى بورتسودان
فيا ناس بورتسودان اين انتم؟ ممكن تفيدونا؟

مورتون سلام






___________________________________



ضرورى رقم تلفونك او الايميل مع شكرى

Quote: غادة مكى محمد مورتون سلام

اهلين يا غاده , وكيف اخباركم
خير ان شاءالله تلفونى ما ياهو زاتوا المع الايميل الفى الفيسبوك ولا القبيل ده ما انتى؟
على كل حال كدى تعالى بهناك فى الفيسبوك وح اخت ليك رساله

الايميل هو
[email protected]

والتسوى كرت تلقاهو فى جلدها

فى الايميل وصلنى

Quote: ولكن ما فعله هو انه كوّن واسس البؤره الاولى للغواصات من السودانيين و كما يعرف باريتريين السودان سلام من رب رحيم محمد زكريا ثمن الحرية دم ..... ارجع ارفع السلاح وحرر نفسك . كلامك ع ريتريين متاخر ٥٠ سنة هي عمر نضال الشعب الاريتري. دام الاحترام محمد صالح Black ertireaen woman on left fighting ....my copy of “Women and War”

المحترم محمد صالح
اولاً اشكرك على هذا التعليق والتنبيه المهم عسى ان يكون هنالك لبس فى المقصود
وحقيقه ان انبل واعمق واثمن نضال عرفناه فى التاريخ الحاضر اوالمعاصر هو تاريخ نضال الشعب الاريترى الشامق والذى اكن لهم كل التقدير والاحترام
فقد ثبت لى شخصياً بانهم شعب قوى ومتفق مع بعضه ومتعاون بشكل افضل من شعبنا السودانى برغم التعددات الاثنيه والدينه وقد شهدت كيف تكون مناسباتهم القوميه وشكل التنظيم والاحساس الوطنى والقومى لديهم
وما عنيت بغواصات هم نفر قليل عرف بأنهم سودانيين ويعيشون وسطهم كسودانيين اريتريين ولا يذكر انهم اريتريين الاصل اضافه الى بعض السودانيين ممن نعرفهم جيداً
والغواصات هم اشخص باسمأهم منهم من رحل من النرويج بعد ان افتضح امره عائداً الى السودان او الى دول اخرى ولا شك ان منهم من ينتظر فى عمق المحيط
ولا ادرى لماذا نخاف من ذكر اسماؤهم على الملاء

تحياتى

الاخ محمد زكريا سلام

Quote: واساساً الوصلوا لحدى هنا فى النرويج ياهم الخلوا البلد للمؤتمرجيه ونفدوا بجلدهم لكن تعال استفذهم وشوف......يعنى لاحقنيننا محل ما نمشى وتستفذونا كمان؟

وما حايخلوكم ابدا اصلو تنظيم العالمية مغرم بتجنيد حملة الجوازات الاجنبية لاغراض كثيرة بعضها عاجلة واخري مستقبلية
واهما نجاح حملة الجوازات الاجنبية في العملية التغويصية

Quote: وما حايخلوكم ابدا اصلو تنظيم العالمية مغرم بتجنيد حملة الجوازات الاجنبية لاغراض كثيرة بعضها عاجلة واخري مستقبلية واهما نجاح حملة الجوازات الاجنبية في العملية التغويصية

الجسور صائد الجواسيس والغواصات المناضل صلاح جادات سلامات وشرفت البوست بحضورك
ووجودك فعلاً مهم لكشف بعض الحقائق عن بعض تفاصيل احداث بورتسودان
اما ما حدث فى دارفور فسنتطرق اليه لاحقاً

قلت لى ما ح يخلونا فى حالنا , طيب والعمل؟ نسكت ليهم؟ لمتين؟

اصحابى هنا فى النرويج لمن قروا البوست ده قالوا لى ياخ مالك طنبجتها كده
انحنا ما بنرضى الحقاره وانحنا اى حاجه ممكن نكون الا ضان
والعارفينه تانى ما بنسكت بيهو
وفى ستين
ولا نامت اعين الجبناء
الناس خايفه من شنو ما عارف

منقول من قوقل كتر خيرو وبارك الله فيهو

Quote: لاتستهين بكيد الضعيف فقد هد فار سد مارب السلام عليكم ورحمة الله وبركاته سيل العرم الذي كسر سد سباء وشتتهم في البلدان كان سببه جرذان مخالبه واسنانه من حديد نقل ابو الفرج ابن الجوزي عن الضحاك ان الجرذ الذي خرب سد مارب مخلبه من حديد واسنانه اول من علم بذالك عمرو ابن عامر الازدي وكان سيد القوم وراى في المنام ان كانه انبثق علي العرم فاصبح مكروبا فانطلق نحو السد فراى الجرذ يحفر بمخالب من حديد فقال لاولاده ان الامر لعصيب واخذ هره وذهب بها الى الجرذ فهربت الهره فقال لاولاده واهله انه امر كائن ولازم نحتال لنا في حيله نخرج بها من هنا فقال لاولاده اذا كنا في مجلس القوم فسوف انادي على اصغركم فلايرد علي وسوف اوبخه امام القوم فقم والطمني على وجهي وانتم لاتحركون ساكن ووطو روسكم وعملها فلم يرد القوم عندما راو اولاده لم يعملو شياء فقام في المجلس واقسم قسما لاكفارة فيه اني مفارق هذه الارض التي اهنت فيها ولم يقم احد لنجدتي فحاولو القوم فيه ولكنه بر بدينه وباع املاكه ومزارعه باغلى الاسعار وسافر تاركا مارب وتوجه الى اعالي الجبال في اليمن وبعد ايام انكسر السد واخذ الاموال والحلال وخرب البساتين وكان امرا مفعولا وكان من بناء السد هوسباء بن يشجب بن يعرب بن قحطان ومات قبل ان يتمه واتموه من بعده ملوك حمير ويقال انه اول من سباء الذراري فسمي سباء وهو اول من توج من ملوك اليمن

وفى قصص الاولين تذكرة لاولى الالباب

كما علمت فأن زيارة وزير الخارجيه تهتم ايضاَ بالبحث عن شركات البترول الخاصه ذات الخبره والتى يمكن ان تبحث وتستخرج البترول فى السودان الشمالى
وقد يتوجه الوزير ووفده الى مدينه استافنجر حيث المكاتب الرئيسيه لمجموعه من شركات البترول العالميه
اذا نظرنا الى الموقف بزوايا اخرى ان نجد ان هنالك تغير فى السياسات الخارجيه السودانيه تجاه دول الغرب وعلاقتها بالصين فيما يختص باستخراج البترول
مكتب وزير الخارجيه النرويجى اكد انهم لم ينظموا ويضعوا برنامج الزياره وانما هى السفارة السودانيه من تقف خلف كل البرنامج واغراض واهداف الزياره
كنا اكدوا لى ان الاجتماعات السيايه بينهم ستكون مغلقه الا ان الخطوط العريضه من اجندة الاجتماع يمكن الحصول عليها فيما بعد
بل اكد انه يجوز لنا كسودنيين نرويجيين ان نلتقى وزير الخارجيه النرويجى لنستجلى الخطوط العريضه لاتجاه سياساتهم مع السودان والاجابه على اى تسأولات
عموماً لم اشاء ان احرق اعصابى بتقصى حقائق اكثر والاهتمام بامر الزيارة لاننا نعلم ان السياسه النرويجيه همها تأمين نشاءة الدوله الوليدة فى جنوب السودان
اما السفارة السودانيه فى النرويج فسنسرد ما يدور حولها لان ذلك ما يهم الان وهو كيف تتعامل مع السودانيين فى النرويج

الاخ محمد زكريا سلام

Quote: قلت لى ما ح يخلونا فى حالنا , طيب والعمل؟ نسكت ليهم؟ لمتين؟ اصحابى هنا فى النرويج لمن قروا البوست ده قالوا لى ياخ مالك طنبجتها كده انحنا ما بنرضى الحقاره وانحنا اى حاجه ممكن نكون الا ضان والعارفينه تانى ما بنسكت بيهو وفى ستين ولا نامت اعين الجبناء الناس خايفه من شنو ما عارف

لعلمك هولاء عبارة عن لوبي قوي جدا خاصة في الدول الاروبية والغرب بصورة عامة
وشغلهم كله سري جدا ومنظم جدا وطبعا تنظيم العالمية شامل كل الجنسيات وهنا تكمن الخطورة
وهم يتعاونون مع الاجهزة الامنية المختلفة في كل الدول تحت عدة مسميات فاعل خير او منظمات لكسب ثقتها والاستفادة من ذلك في تحقيق اغراضهم
في مصر اتحاداتهم الطلابية كانت تتعاون مع الامن المصري بتوفير كل المعلومات عن الطلبة الشيوعيين ولهم مبرراتهم في ذلك
والحديث في ذلك يطول وبعضه لايصلح للنشر

سلام محمد زكريا

مرور من أجل التحية والمعايدة

تصحيح للمثل. المثل بقول : التسوي كريت في القرض تلقاهو في جلدا

وأظن تفسير المثل هو أن كريت هو إسم دلع لغنماية كرتاوهو قصر الإذنين وشكلها كانت غنماية مشاغبة عاثت فساد في محصول القرض والقرض معروف بأنه كان يستخدم في دبغ الجلود.

بخصوص الموضوع فحقيقة العلاقة بين السفارة والجالية موضوع معقد جدا ويتراوح بين الشد والجذب حسب الظروف والشخوص

أؤيدك في أن السفارة يجب أن تنفتح علي الجميع ولكن كما هو معروف أن غالبية أعضاء الجالية هم من اللاجئين وبالتالي (نظريا) من المعارضين للحكومة فهنا بكون في تضارب في الموضوع هل السفارة هي المنغلقة عن السودانيين والله العكس هم النافرين من السفارة؟!

حقيقة عاوز أعرف وبصفتك رئيس الرابطة السودانية (وهي الكيان الوحيد النظامي الذي يمثل كثير من السودانيين في النرويج) ماهي حدود التعامل بين الرابطة والسفارة حسب ستور ولوائح الرابطة وهل الرابطة علي إستعداد للتعاون مع السفارة في أي شأن يخص الجالية السودانية إذا أبدت السفارة ذلك؟

حقيقة أتمني أن تسود روح من السودانية والود في التعامل بين الجالية والسفارة لخدمة قضايا السودانيين فلكل دور مكمل للآخر دون أن تبني السفارة تعاملهاعلي أساس الإنتماء السياسي أو الجهوي أو الديني أو التدخل في خصوصيات الجالية وأظن أن الجالية السودانية في النرويج جالية ناضجة ومثالية تفصل بين الإختلاف السياسي والتعامل الأخوي بين السودانيين.

أما بخصوص الأمن فأعمل حسابك ما تصطدم بغواصة نووية ونلقي ملفك منشور الأسافير (-:

الاخ الصديق اسامه البلال
شكراً على تصحيح المثل والله فعلاً كنت فاهمه بالروايه الاولى بتاعتى دي
المهم المغذى يوصل
ايضاً اشكر لك حضورك واثمن شجاعتك فى تناول الموضوع حيث ابتعد منه بقيه الزملاء قد بجوز لمدى حساسيته

Quote: بخصوص الموضوع فحقيقة العلاقة بين السفارة والجالية موضوع معقد جدا ويتراوح بين الشد والجذب حسب الظروف والشخوص

قبل كل شىء انبه على اننى اتحدث عن نفسى وارائى الشخصيه فى هذا البوست وليس بأى صفة غير ذلك
وفقط رداً على تعليقك اقول
ان الموضوع بأختصار واضح لان الجاليه يجب ان تسير بأستقلاليتها التامه وبدون تدخل من سفاره او غيرها
وايضاً عليها ان تأخذ حقوقها كتنظيم يسودانيين و باعتبارها كيان يهتم بالمسأله السودانيه كهدف غير مباشر حيث تربط وتلم شمل السودانيين على مختلف توجهاتهم
ولو انها تحاول ان تتفادى الامر السياسى الا ان الوضع الاجتماعى والثقافى يرتبط تلقائياً احياناً بالوضع السياسى فلا نستطيع ان نمنع انفسنا من تناول الامر السياسى بشكل غير مباشر من هذا المنطلق والمفهوم

Quote: أؤيدك في أن السفارة يجب أن تنفتح علي الجميع ولكن كما هو معروف أن غالبية أعضاء الجالية هم من اللاجئين وبالتالي (نظريا) من المعارضين للحكومة فهنا بكون في تضارب في الموضوع هل السفارة هي المنغلقة عن السودانيين والله العكس هم النافرين من السفارة؟!

كما ذكرت فى مداخله سابقه فى هذا البوست ان السفارة هى لخدمة السودانيين اولاً وليس العكس خصوصاً عندما تكون ممثلة لنظام سياسى وليس دولة تعدد احزاب سياسيه حقيقة
عليه حتى ولو نفر منها الناس لا يعنى ان تتجاهل مسئولياتها هى تجاههم.
وفعلاً حقيقة ان الغالبية لاجئين الا هذا لا يعنى ان يصنفوا كمعارضه فذلك خطاء لانهم ليسوا بمعارضه حزبيه منظمه بل يجب فقط ان ينظر اليهم كسودانيين وليس من وظيفتهم الاساسيه تصميف المعارض والمؤيد
وكما ذكرت من حق اى شخص ان يكون معارض وتكون له نفس الحقوق

Quote: حقيقة عاوز أعرف وبصفتك رئيس الرابطة السودانية (وهي الكيان الوحيد النظامي الذي يمثل كثير من السودانيين في النرويج) ماهي حدود التعامل بين الرابطة والسفارة حسب ستور ولوائح الرابطة وهل الرابطة علي إستعداد للتعاون مع السفارة في أي شأن يخص الجالية السودانية إذا أبدت السفارة ذلك؟

كما ذكرت انا لا اكتب بصفة غير صفتى الشخصيه هنا
الرابطه لها مكتب تنفيذى يتشاور ويقرر جماعياً
المسألة اكررها انها ليس عن تعاون ولكن عن حقوق اعتقد ان كل السودانيين يجب ان يتساوون فيها بدون شروط لان تضطر لكى تتعاون او تؤيد
مثال بسيط لتفسير تعاون ممكن ان يكون ان تقدم لك السفاره اى خدمه ثم تطالبك مثلاً بالترحيب بالوزير الفلانى وتهتف بشعارات يحددونها او رفع صورة البشير او او او هل هذا تعاون؟

Quote: حقيقة أتمني أن تسود روح من السودانية والود في التعامل بين الجالية والسفارة لخدمة قضايا السودانيين فلكل دور مكمل للآخر دون أن تبني السفارة تعاملهاعلي أساس الإنتماء السياسي أو الجهوي أو الديني أو التدخل في خصوصيات الجالية وأظن أن الجالية السودانية في النرويج جالية ناضجة ومثالية تفصل بين الإختلاف السياسي والتعامل الأخوي بين السودانيين.

ولتعلم ان من حق اى سودانى ان يكون معارضاً لنظام حزب المؤتمر الوطنى وتكون له نفس المعاملة مثل التى تكون للذى يؤيدهم

Quote: أما بخصوص الأمن فأعمل حسابك ما تصطدم بغواصة نووية ونلقي ملفك منشور الأسافير (-:

الامن ده هو الجايب اخلاقى ومنرفز اعصابى لانهم بيفكروا اننا لسه فى الدوله البوليسيه التى تخوف بالملفات الملفقه وكل السبل والطرق الملتويه
سنين الغربه والشتات علمتنا ان ننسي الخوف من تهديدات الامن وغيرهم من الخونه والمندسين من غواصات والعارف عزه نفسه مرتاح
ويا اسامه ياخوى ما ياهو الموت واحد ولا يهم اين يكون انظر للاعزاء السابقون, اذن فالمهم ما نتركه خلفنا من ملف واضح ومعروف للجميع وللتاريخ

تحياتى ياصديق

سلامات يا اخ محمد.
إنت لو عرفتَ أساس المشكلة حا تعرف ليه الناس ديل بتصرفو كدة مع السودانيين

المشكلة يا محمد في التعيّن البيتم في وزارة الخارجية لاختيار الاداري و الدبلوماسي و العامل المحلي وحتى السواقين, في الاونة الاخيرة و في التسعينات التعيين كان بيتم على حسب الولاء للمؤتمر الوطني , معظمهم مؤتمر وطني , إلا من رحم ربي بيكون صاحب لغات وثقافه.

قبل عام 1989 كان الدبلوماسي يتدرج حتى يصل الى سفير , الخارجية انتهت منذ 1989 , حيث انتشرت ظاهرة تعين السفراء سياسيا "بالولاء"دون التدرج في السلم الوظيفي.

الموظفيين (الطيبيين) القابلوكم طوال فترة وجودكم في النرويج أكيد بيكونو من ناس الرعيل الاول قل مجيء الانقاذ..... دائما الشخص المعين سياسيا من المؤتمر الوطني بيكون جاهل وبيتصرف بعقلية انه لابـد ان يعرف معلومات على الناس وبيحاول يمارس الاساليب البائسة في البلدان الديمقراطية و المتقدمة , كما يفعلو في الداخل مع الاحزاب السياسية.

و الناس ديل اذا كانو امنجية وبيتجسسو عليكم بالملفات وغيره , فقولو ليهم ابقو امنجيّة على روحكم, لانه الناس لمن ترجع السودان بترجع بي جوازات اجنبية وملفاتم دي يبلوها ويشربو مويتا, يبقى مافي خوف يا اخ محمد.

Quote: المشكلة يا محمد في التعيّن البيتم في وزارة الخارجية لاختيار الاداري و الدبلوماسي و العامل المحلي وحتى السواقين, في الاونة الاخيرة و في التسعينات التعيين كان بيتم على حسب الولاء للمؤتمر الوطني , معظمهم مؤتمر وطني , إلا من رحم ربي بيكون صاحب لغات وثقافه.

احمد محمد بشير
سلام الله عليك
كلامك فى محله وحتى لو قلنا كلهم كيزان ولا اظن ذلك فمنهم من هو انسان اصيل فى سودانيته من ناحيه المعامله والعلاقات العامه والمشاركه فى السراء والضراء
فمثلاً هنالك نفر من موظفى السفاره تجدهم فى كل صغيره وكبيره وفى كل بيت به عزاء او فرحه وهم نثق في انهم لا ينقلون تقارير او يتجسسون ونكن لهم التقدير والاحترام

Quote: الموظفيين (الطيبيين) القابلوكم طوال فترة وجودكم في النرويج أكيد بيكونو من ناس الرعيل الاول قل مجيء الانقاذ..... دائما الشخص المعين سياسيا من المؤتمر الوطني بيكون جاهل وبيتصرف بعقلية انه لابـد ان يعرف معلومات على الناس وبيحاول يمارس الاساليب البائسة في البلدان الديمقراطية و المتقدمة , كما يفعلو في الداخل مع الاحزاب السياسية.

فعلا الناس الكويسه هم موظفى وزارة الخرجيه من قبل مجىء الانقاذ والمعايش الجبارة هى التى تسوق اقدارهم ليكونوا تحت سياسات الحزب الحاكم الان
حتى المعينين سياسياً كان فيهم من يراعى الاصول فى تعاملاته مع السودانيين
فقط الامنجيه هم داء الدبلوماسيه السودانيه واولئك الموجهون حزبياً

Quote: لعلمك هولاء عبارة عن لوبي قوي جدا خاصة في الدول الاروبية والغرب بصورة عامة وشغلهم كله سري جدا ومنظم جدا وطبعا تنظيم العالمية شامل كل الجنسيات وهنا تكمن الخطورة وهم يتعاونون مع الاجهزة الامنية المختلفة في كل الدول تحت عدة مسميات فاعل خير او منظمات لكسب ثقتها والاستفادة من ذلك في تحقيق اغراضهم في مصر اتحاداتهم الطلابية كانت تتعاون مع الامن المصري بتوفير كل المعلومات عن الطلبة الشيوعيين ولهم مبرراتهم في ذلك والحديث في ذلك يطول وبعضه لايصلح للنشر

الاخ صلاح جادات
ده كلام خطير وحقيقة بيفتح الذهن وبيخلى الواحد يتلفت يمين وشمال ويشوف الفى الوراه والقدامه
طيب واذا سلمنا ووعينا بهذا كواقع معاش ما العمل وما الحل يا ترى؟
اسئله كثيره ستجوب الذهن وياليت ان يشاركنا الزملاء فى كيفيه الطرح والاجوبه

شكراً لك اخ صلاح جادات وانت تفتح مثل هذه الابواب التى لا يقترب منها احد خوفاً او عن عدم درايه
ارجوا ان تستكشف لنا مزيد من دواخل ولب الموضوع لتبصرنا قليلاً عما تخبئوه الدهاليز والغرف المغلقه لنجدد مفاهيمنا عن مثل هذه الاشياء التى تدور من حولنا


تحياتى

وصلنى فى الايميل

Quote: سلام من رب رحيم محمد زكريا تحية النضال والثورة على الأغلال من أجل الحرية والحقوق والمساواة! هذه كلمات نرفعها إليكم إن الحراك الثورى الشبابى الذى إنتظم المنطقة العربية فى كل من تونس ومصر خلق أجواء من التفاؤل بحدوث تغيير حتمى للأنظمة المستبدة التى تسيطر على سدة الحكم ناهبةً للخيرات و سالبةً للحقوق وحاكمةً بالحديد والنار،ـ أيها المناضلون في السودان الاخ الاكبر...السودان الجديد القادم بقوة الهامش المكبود لنسجِّل للناس جميعًا، وللأجيال القادمة؛ شكرنا وامتناننا وتقديرنا للإنجازات العظيمة التي تمكنتم من تحقيقها، فقد كسرتم بابًا مغلقًا عجز غيركم عن فتحه أو كسره، وسلكتم طريقًا خطرًا جبنَ غيركم عن طَرقه، وزلزلتُم بنيانًا متماسكًا يئس الناس من هدْمِه، فحُقَّ لألسنة الشرفاء أن تجهر بالثناء عليكم، وتُخلِّد ذكركم، وتعترف بسابقتكم وفضلكم. سطر جديد محمد زكريا.. المواقف الهش صناعة سودانية..( مثل حبشي ) ضعيت السودان ابقو عشر ع السودان الفضل ويدكم معانا في بشير ارتريا وفى الختام التحية لكل الشرفاء من بلادى الثاني. الذين يحاولون تسطير إسهاماتهم من أجل أزالة نظام القمع بما يستطيعون القيام به ولم ينزوا كما يفعل البعض وسوف يدون التاريخ للجميع بمن صدع بالحقوق أو من تخاذل وأننا على ثقة بأن المسيرة الوطنية القاصدة سوف تنتصر بإرادة الأحرار دام الاحترام محمد صالح

Quote: و الناس ديل اذا كانو امنجية وبيتجسسو عليكم بالملفات وغيره , فقولو ليهم ابقو امنجيّة على روحكم, لانه الناس لمن ترجع السودان بترجع بي جوازات اجنبية وملفاتم دي يبلوها ويشربو مويتا, يبقى مافي خوف يا اخ محمد.

يا أحمد بشير ما تخاف علي محمد زكريا فهو مواطن سوداني نرويجي وناشط في العمل العام وأي شئ يتعرض له ممكن أن يؤدي إلي أزمة دبلوماسية كبيرة بين النرويج والسودان (حقيقة أعني ما أقول) تترتب عليها أضرار علي الحكومة السودانية هي في غني عنها في وقت تسعي فيه لتحسين علاقتهامع النرويج لمساعدتها في أزمتها الإقتصادية والظروف الأمنية بعد إنفصال الجنوب.

حكومة السودان يمكن أن تضحي ببعض رؤوس منسوبيها لكن لا يمكن أن تتلاعب أو تضحي بمصالحها مع النرويج وفي هذا الظرف الحرج.

اهو يا ود زكريا زي ده لا تطمئنوا له ابدا

Quote: و الناس ديل اذا كانو امنجية وبيتجسسو عليكم بالملفات وغيره , فقولو ليهم ابقو امنجيّة على روحكم, لانه الناس لمن ترجع السودان بترجع بي جوازات اجنبية وملفاتم دي يبلوها ويشربو مويتا, يبقى مافي خوف يا اخ محمد.

الكيزان دائما ملفاتهم ملفات سمعة كيف يبلوها ويشربوا مويتا وهل الجوازات الاجنبية بتنفع في حالة السمعة والتهديد بالفضيحة يا جاهل ؟

Quote: الكيزان دائما ملفاتهم ملفات سمعة كيف يبلوها ويشربوا مويتا وهل الجوازات الاجنبية بتنفع في حالة السمعة والتهديد بالفضيحة يا جاهل ؟

ههههههههههههههه هههه,
إنت التعليق و الكاركاتير الانا صممتو ليك هنا Re: قوات عقار تزحف نحو الرصيرص والدمازين.والخزان علي مرمي حجر وتحذير ل الظاهر جاب كثافتك , وجيت ترد هنا
ليه نطيت و طنشت مداخلتي في بوستك؟ عشان ما قادر ترد عليها بإجابة منطقية؟ + أنا منتظرك في بوستك, ما تخرب للناس بوستاتهم

Quote: يا أحمد بشير ما تخاف علي محمد زكريا فهو مواطن سوداني نرويجي وناشط في العمل العام وأي شئ يتعرض له ممكن أن يؤدي إلي أزمة دبلوماسية كبيرة بين النرويج والسودان (حقيقة أعني ما أقول) تترتب عليها أضرار علي الحكومة السودانية هي في غني عنها في وقت تسعي فيه لتحسين علاقتهامع النرويج لمساعدتها في أزمتها الإقتصادية والظروف الأمنية بعد إنفصال الجنوب.

أكيد يا أسامة , مافي دستور في العالم بيسمح ليهم بالمساس بالاجانب.

عفوا اخ محمد زكريا
احمد محمد بشير
انا هنا ما رديت عليك ولكن حذرت منك
واليك الرد ::

Quote: احمد محمد بشير اولا انا لم افطك ولكن سفهتك لانو الرد عليك بديك قيمة ثانيا انظر الي مداخلتك وزمنها وزمن المداخلات بعدها لماذا حشرت مداخلتك حشر عشان تجي تقول فطوك وتوهم القاريء ان مداخلتك قوية يا جاهل ثالثا الكيزان ليهم حق يشمتوا وهم جديرين بالاحترام لموقفهم اي كان ام انت فلا رابعا هل انت حريص علي سمعة المنبر لهذه الدرجة اكثر من صاحب المنبر . خلاص كلمو يوقفني حرصا علي سمعة المنبر يا زمزغي خامسا انتظر كلما تتحرك القوات كيلو متر سوف تصدر لك بيان بتحركها بالله شفتو اجهل من ده . ( دائر بيان علي تحرك قوات ) الكيزان بجهلهم الفاضح لم يطلبوا بيان ولكنك اجهل من سكينة سادسا مسرحيات هكرو ايميلي وهكرو حسابي وماعارف ايه البتعمل فيها لتلميع نفسك قايلا مشت علينا . انت منو وبتمثل شنو عشان يهكروك ومنو بالهكرك واي خطر تمثله عليه ؟ وملاحقني عشان ارد عليك ياخ ما تحمد الله انو سفهتك وما رديت عليك ارعوي يا هذا واذا لم يرد عليك جادات فاعلم انه سفهك وليس لقوة مداخلتك كما تتوهم وانت شاطر في جمع المداخلات ارجع وشوف هل هناك مداخلة هرب منها صلاح جادات الا ان يكون سافها لها بل جادات هو من يهرب من مداخلاته المتزمزغين من اشباهك وارجع الي بوست الهوبلي الذي اردت ان تستعرض فيها بمداخلة وحيدة وردينا عليك وطالبناك باثبات قولك ولكنك وليت هاربا جادات يسفه ولا يفط

لو بقي نوعك ده بجيب كثافتي كان زمان خلينا المنابر

الاعزاء محمد احمد بشير وصلاح جادات
رجاءاً ان لا تختتفا فيشمت فينا الشامتين .................وكلاكما والقضيه واحدة




فى استراحة المحارب اهدى نفسى واياكم اغنيه تشحذ الاسنه وتشحن الطاقات وتعبىئوها من جديد
واحب ان اركز على هذه الجزئيه لقيمتها المعنويه

Emancipate yourselves from mental slavery
None but ourselves can free our minds
Have no fear for atomic energy
'cause none of them can stop the time
How long shall they kill our prophets
While we stand aside and look
Some say it's just a part of it
We've got to fulfill the book




النص الكامل

Quote: ongwriters: HAWKINS, EDWIN R./MARLEY, BOB Old pirates, yes they rob I Sold I to the merchant ships Minutes after they took I From the bottomless pit But my hand was made strong By the hands of the almighty We forward in this generation Triumphantly Won't you help to sing These songs of freedom 'cause they all I ever had Redemption songs, redemption songs Emancipate yourselves from mental slavery None but ourselves can free our minds Have no fear for atomic energy 'cause none of them can stop the time How long shall they kill our prophets While we stand aside and look Some say it's just a part of it We've got to fulfill the book Won't you help to sing These songs of freedom 'cause they all I ever had Redemption songs, redemption songs

Quote: يا أحمد بشير ما تخاف علي محمد زكريا فهو مواطن سوداني نرويجي وناشط في العمل العام وأي شئ يتعرض له ممكن أن يؤدي إلي أزمة دبلوماسية كبيرة بين النرويج والسودان (حقيقة أعني ما أقول) تترتب عليها أضرار علي الحكومة السودانية هي في غني عنها في وقت تسعي فيه لتحسين علاقتهامع النرويج لمساعدتها في أزمتها الإقتصادية والظروف الأمنية بعد إنفصال الجنوب. حكومة السودان يمكن أن تضحي ببعض رؤوس منسوبيها لكن لا يمكن أن تتلاعب أو تضحي بمصالحها مع النرويج وفي هذا الظرف الحرج.

يا اسامه لكن ما ما للدرجة دى ياخ اخوك انسان بسيط ولا يساوى النفخة دى, لكن تشكر على حسن التقدير والتقييم لشخصى الضعيف
طفشت مننا كل الامنجيه والغواصات ياخ هسه يعنى مافى زول ح يهبب لى بعد ده

لكن تعرف بالجد انا ما خايف ليه
لانه حقيقة لا املك ما اخاف عليه حتى ولو كما قال صلاح جادات عن انه ممكن يحاولوا يلوثوا السمعه وما ادراك من خباثات فالحمدلله العارف عزه الكلام ما بهزه
كمان عارف فى ضهرى فى منو , كل الشرفاء السودانيين رجال ونساء يضاهون عين الشمس اما النراوجه والله ما عارفهم بس الامان ده من ابسط الا شياء البتتوفر لاى مواطن نرويجى
احتمال الزياده بالنسبه لى هى عملى فى اللجنه الاستشاريه الخاصه بشئون منظمات الاقليات بمكتب عمدة اوسلو هى المهدت اتصالات وعلاقات مباشره مع اغلب المسئولين
عندك بس الناس الكانو فى محاضرة السبت ديل ممكن يوقفوا النرويج كلها على رجل واحدة اذا دعت الضروره
اما ناس ال بان افريكان ف ديل كوم براهم اسال منهم اى زول...........ولو ما محتاجه اى ضهر اصلنا مرقنا من يوم ما مرقنا

اسامه يا صديقى العزيز من يختار طريق فهو يعلم ما قد يواجهه وما فيه من مخاطر
وتبقى حجم قوة العزيمه فى اختيار اي طريق نسلك لنصل الى الهدف حيث العزة والكرامة ؟
اتختار طريق ملىء بالسكوت والصمت والخنوع لتاكل عيشك فى سلام ام طريق ثورات ومواجهات فيه الرد على الظلم والاستبداد والفساد ولو يكلف ما يكلف؟
نعم الخير فيما يختاره الله
ولكنها خربانه ام بناية قش ولا خوف وحرص عليها
وطالما فينا الزفير والشهيق لا لن نصمت بعد اليوم ولا للظلم والاستبداد وكل انواع الفساد

ومن بركات سن اليراع ان يصيب فى مقتل دون طعن


التحية لكل الشرفاء من بلادى






املائيه

توقفت عن الكتابه لفترة مؤقته لظروف خاصه ولكن اوعد بان يستمر هذا البوست الى الربع القادم
تفيد اخر المعلومات بانه رجل امن السفارة والذى كان من المقربين الى صلاح قوش سيستبدل بموظف امن جديد
وتفيد المعلومات انه كان ممن لهم دور هام فى دارفور واخيراً فى بورتسودان قبل المجىء الى النرويج لابعاده عن تطورات الاحداث فى تلك المناطق ودوره فيها
يقال انه لم تستمر السفيرة الهام شانتير الاستمرار نسبه لتدخله وفرض سلطاته فلم تستحمل وطلبت الاستقاله او النقل فنقلت الى السفارة فى فرنسا ويقال لانها حزب بعث لم يتوافقان
السفيرة الجديدة جفون برغم انه يقال انها تحسب على حزب الامه الا انه واضح تأثير توجيهاته على موقفها تجاه السودانيين فى النرويج
كما قلناها من قبل نحمدالله لا يهمنا وزير ولا سفير اما حقوقنا كسودانيين لن نتنازل عنها حتى ولو
وان تخلق تفرقه بيننا كسودانين فى التعاملات بمفهوم موالين ومعارضين لنظام المؤتمر الوطنى لن نسكت عليه ابداً

سلام محمد زكريا

الكتابة في بوستيك دا زي المشي في حقل الالغام عشان ذكا الناس عاملة منو ساتر ّ

لي تعليق علي ما ورد في مداخلتك الاخيرة وهو أظن أن السفيرة الجديدة لا تزال في بداية عهدها وهي وصلت للنرويج في ظروف سياسية صعبة في تاريخ العلاقة بين السودان والنرويج بعد إنفصال دولة جنوب السودان وأيضا وصول السفيرة ووزير مفوض جديد في وقت واحد وعدم حصول اوفرلابنغ مما يصعب مهمتما الإثنين في بداية عهدهما في السفارة. عموما لا اظن السفيرة بخبرتها الطويلة في العمل الدبلوماسي تتجاهل أهمية الدور التكاملي بين السفارة وإدارة الجالية في خدمة الجالية السودانية في النرويج وما أظن تكون أسيرة لإنطباع من شخص ما. عموما نتمني ان تتاح لها الفرصة الكاملة قبل الحكم لها أو عليها.

أود أن أصحح معلومة وردت في مكاخلتذ عن السفيرة السابقة الأستاذة إلهام فهي لم تنقل لفرنسا إنما عادت للخرطوم.

Quote: الكتابة في بوستيك دا زي المشي في حقل الالغام عشان ذكا الناس عاملة منو ساتر ّ

وعندك خصوصاً بورداب النرويج عملوا ساتر كبير قدر الليله وبكره ههههه, وكتر خيرك انت واحمد محمد بشير اللى ما خايفين من التداخل ورفع البوست
ما علينا كل زول على كيفوا وما مشكله البوست بيرفعوا الله كن اراد

Quote: لي تعليق علي ما ورد في مداخلتك الاخيرة وهو أظن أن السفيرة الجديدة لا تزال في بداية عهدها وهي وصلت للنرويج في ظروف سياسية صعبة في تاريخ العلاقة بين السودان والنرويج بعد إنفصال دولة جنوب السودان وأيضا وصول السفيرة ووزير مفوض جديد في وقت واحد وعدم حصول اوفرلابنغ مما يصعب مهمتما الإثنين في بداية عهدهما في السفارة. عموما لا اظن السفيرة بخبرتها الطويلة في العمل الدبلوماسي تتجاهل أهمية الدور التكاملي بين السفارة وإدارة الجالية في خدمة الجالية السودانية في النرويج وما أظن تكون أسيرة لإنطباع من شخص ما. عموما نتمني ان تتاح لها الفرصة الكاملة قبل الحكم لها أو عليها.

يا اسامة انت ما قادر تفرز انه انا ما بفتش لى علاقه او تعاون بين الجاليه والسفارة لان الجاليه خطّها وطريقها واضح وهى مستقلة تماماً فى كل اشيائها ولا تحتاج الى سفارة او غيرها
انا ادين تقسيم السودانيين الى مجموعتين من قبل السفارة وهما واحدة مواليه للمؤتمر الوطنى وعليه تحظى بمكانة وتعامل من نوع خاص والمجموعة الاخرى التى لا توالى احداً وهى المغضوب عليها من قبل السفاره
وغالباً ما يكون ان السبب المباشر لمثل هذه التفرقه هى تقارير رجل الامن التى يستمدها من غواصاته والله اعلم
والغريبه ان الاغلبيه فى المجموعتين وصلوا الى النرويج واقاموا فيها اقامات بصوره مباشره او غير مباشره عن طريق اللجوء اى بقضايا سببها النظام الحاكم فى السودان
زمع ذلك تم اصكفاء مجموعة على الاخرى ومن ثم التلويح والتهديد الغير مباشر من رجل الامن بانه يمتلك ملفات كل السودانيين بالنرويج
عليه يا عزيزى يا اسامة القصه وما فيها هى عدم الصمت على ما نراه ونشاهد من ممارسات خاطئه ولننقل الصوره على الملاء
هذا من ناحيه المعامله التى يجب ان يتساوى فيها الجميع اما بقيه الحقوق فهى يجب ان تؤخذ ولا تستجدى

Quote: أود أن أصحح معلومة وردت في مكاخلتذ عن السفيرة السابقة الأستاذة إلهام فهي لم تنقل لفرنسا إنما عادت للخرطوم.

هذه قد تكون حقيقه لاننى فعلاً غير متأكد وانما وصلت الى معلومة انها فى فرنسا ولكن بأى صفة لم تؤكد المعلومه
عموماً انا افتكر انها كانت مستقلة الى حد ما من سيطرة سلطات رجل الامن
برغم مشاهدتى له فى عدة مؤتمرات وندوات كيف كان يتصرف ويمد لها المذكرات الصغيرة لكى تقول او ترد حسب ما مكتوب لها الا انه تضايقها منه كان واضحاً
ولكن برغم كل السلبيات فلن ننسى لها وقفتها القويه فى وفاة المرحوم بكرى والتى لن انكره فقد فعلت اكثر مما يجب كسودانيه فى اداء الواجب....لها التحيه اينما كانت
ونشهد لها محاولاتها للتقريب فى المعاملات الى حد ما بين الموالين وغيرهم ولو انه يبدو تضايقها من الموالين او المتأسلمين احياناً فقد تكون اجبرت للتعامل بانحياز لهم والله اعلم
ولكن برغم فقد شهدنا لها الاستماته فى الدفاع عن نظام حكومة المؤتمر فى عدة مواقف
ايام قرار المحكمة الجنائيه, نشطت كثيراً من اجل البشير باسم سيادة الدولة ورمز الدوله الخ من شعارات تلك الفترة
اذن انها الوظيفة التى لا تعرف حزب بعث او غيره فقط ال NCP كما كانت تنطق اسم المؤتمر الوطنى
الا انه من المؤكد ان رجل الامن له دور كبير فى ان تتطالب بالعوده قبل انتهاء مدة فترتها حسب عرف وزارة الخارجيه السودانيه
مع مرور الايام ستظهر الحقائق من افواههم بالتفاصيل الخفيه


نواصل بعد الارشفه

جمعه مباركه على كل اهل الخير والشرفاء من اهل بلادى والمسلمين والعالم اجمع
اخر معلومة
ذكر ان رجل الامن قد ترك صلاة الجمعه فى مسجد الرابطه الاسلاميه ب اوسلو , المسجد الذى يصلى فيه اغلب مسلمى اوسلو من العرب والسودانيين هل يا ترى ليتفادى التلاقى بهم ؟
واصبح يصلى فى مسجد المغاربه الذى ياتى اليه الاغلبيه من دوله المغرب

لكن يا بورداب النرويج غايتو
ربو عيالكم ساى بس كان النقطه بتكفى لرفع البوست


==========
خربانه ام بناية قش

زكرياء سلام
العيال بسلموء عليك وبقول ليك مشتاقين
ملعيش كنا فى سفرة وعدناء ومتابعين

نقطة (-:

يا ناصر حمدالله على سلامه العوده
ويا اسامه شكراً كتير نقاطتك وصلت من زمان
والعقبال ناس كده
هوتانى فى منو يا ربى؟
عاطف عابدون وين يا ناس؟

شايف ناس امريكا ربنا حلاهم واضح انه عندهم كوميونيتى قوى
وداعا forever ....للأمنجي المجرم القاتل المغتصب عضو البورد محمد سليمان

سودانيي النرويج يبحثون عن العيش فى سلام وجنى الكرونات ان امكن بعيداً عن هموم السياسه والنضال
والله اعلم

سلامات يا زكريا ...

لو ما عندك مانع
سأقدم لكم نصيحة عامة من واقع تجربتنا في هولندا
مع البعثة الدبلوماسية وتتلخص نصيحتى في نشر صور واسماء الدبلوماسيين على الاسافير
مقرونة بوظائفهم ونشر الوقائع التى اساؤا فيها الى الناس او النشاط المعادى
الذى يقومون به تجاه السودانيين في المهاجر .

صدقنى ستصلكم المعلومات عنهم حتى من زملائهم داخل وزارة الخارجية .

ان اكثر ما يزعج رجل الامن هو ان يصبح اسمه مصحوبا بصورته
في متناول السنة الناس وعيونهم وحتى لو إستهان - رجل الامن - بهذا الامر
سيكتشف لاحقا ان ضررا ما - معنويا او حسيا - سيلحق به .

اما النصيحة الخاصة
فدى إلا بالتلفون .

عموما
فالنرويج بلد بعيد
والسودانيين هناك ما اظنهم كتيرين بالمقارنة حتى مع الدنمارك او السويد .
وحتى رجال الامن من بين البعثة الدبلوماسية بكونوا امنجية درجة تانية
وبكون شغلهم معاكم من باب الهواية ومضيعة الوقت وليس الاحتراف .
بالمناسبة يا محمد
زى دولكم دى يسمونها عندهم في جهاز الامن ( الدول الهامشية )
فهى ليست ذات شأن ويمكن السيطرة على المهاجرين فيها
بأسهل ما يكون وبأقل جهد .

من جهتى سأتبرع لكم ببعض الكاريكاتيرات .
بس مدونا بالصور والاسماء وشوية معلومات .

انا يا ابوحميد اصلو عندى هواية وغرام في السخرية من دبلوماسيين آخر الزمن ديل .

Quote: لعلمك هولاء عبارة عن لوبي قوي جدا خاصة في الدول الاروبية والغرب بصورة عامة وشغلهم كله سري جدا ومنظم جدا وطبعا تنظيم العالمية شامل كل الجنسيات وهنا تكمن الخطورة وهم يتعاونون مع الاجهزة الامنية المختلفة في كل الدول تحت عدة مسميات فاعل خير او منظمات لكسب ثقتها والاستفادة من ذلك في تحقيق اغراضهم في مصر اتحاداتهم الطلابية كانت تتعاون مع الامن المصري بتوفير كل المعلومات عن الطلبة الشيوعيين ولهم مبرراتهم في ذلك والحديث في ذلك يطول وبعضه لايصلح للنشر

شفت يا زكريا كلام الاخ صلاح دا هو مربط الفرس .
عشان كدا قلت ليك نشر الصور والاسماء للامنجية من الدبلوماسيين
هو اهم خطوة في مواجهتهم وفتح الباب واسعا امام تاريخهم
وعندما تعرف عدوك سيسهل عليك إيجاد الطريقة الفعالة في التعامل معه .

واخيرا واهم شئ هو ألا تخافوا منهم ولا تدعوا احدا يخافهم . فصدقنى فهم اجبن خلق الله واحط انواع البشر .

تحياتى

الفنان عمر دفع الله اهلين بك وسلام من رب رحيم
اولاً اشكرك على المداخله الثمينه (الشحمانه) وهى ادت بعد واضافه حقيقتين للبوست

Quote: لو ما عندك مانع سأقدم لكم نصيحة عامة من واقع تجربتنا في هولندا مع البعثة الدبلوماسية وتتلخص نصيحتى في نشر صور واسماء الدبلوماسيين على الاسافير مقرونة بوظائفهم ونشر الوقائع التى اساؤا فيها الى الناس او النشاط المعادى الذى يقومون به تجاه السودانيين في المهاجر . صدقنى ستصلكم المعلومات عنهم حتى من زملائهم داخل وزارة الخارجية . ان اكثر ما يزعج رجل الامن هو ان يصبح اسمه مصحوبا بصورته في متناول السنة الناس وعيونهم وحتى لو إستهان - رجل الامن - بهذا الامر سيكتشف لاحقا ان ضررا ما - معنويا او حسيا - سيلحق به .

اووووووو الكلام دخل الحوش
لكن دقيقه قلت لى

Quote: اما النصيحة الخاصة فدى إلا بالتلفون .

الرقم ح يكون عندك فى الخاص حالاً لان نصيحتك هسه بالحيل اهم لى من اى كلام تانى

ونواصل بعد المكالمه

تم تأكيد وصول البديل
وفى مرحله تسليم وتسلم الملفات




وفى الانتظار انتظروا معنا

Quote: فالنرويج بلد بعيد والسودانيين هناك ما اظنهم كتيرين بالمقارنة حتى مع الدنمارك او السويد . وحتى رجال الامن من بين البعثة الدبلوماسية بكونوا امنجية درجة تانية وبكون شغلهم معاكم من باب الهواية ومضيعة الوقت وليس الاحتراف . بالمناسبة يا محمد زى دولكم دى يسمونها عندهم في جهاز الامن ( الدول الهامشية ) فهى ليست ذات شأن ويمكن السيطرة على المهاجرين فيها بأسهل ما يكون وبأقل جهد .

اخخخخخ
نحن ساهلين يعنى ويمكن السيطره علينا بأقل مجهود؟؟؟
والله يا سودانيى النرويج استهنتم
لابد من تغيير هذا الواقع المهين
ولا نامت اعين الجبناء

Quote: ان اكثر ما يزعج رجل الامن هو ان يصبح اسمه مصحوبا بصورته في متناول السنة الناس وعيونهم وحتى لو إستهان - رجل الامن - بهذا الامر سيكتشف لاحقا ان ضررا ما - معنويا او حسيا - سيلحق به .

علي كدا نتوقع الفلم صوت وصورة

Quote: زى دولكم دى يسمونها عندهم في جهاز الامن ( الدول الهامشية ) فهى ليست ذات شأن ويمكن السيطرة على المهاجرين فيها بأسهل ما يكون وبأقل جهد .

الله يكون في عون ناس النرويج التهميش وراهم وهم في أقصي الكورة الأرضية

Quote: علي كدا نتوقع الفلم صوت وصورة

سلام يا اسامه
انت لسه ما شفت الفلم الجدجد؟
ولا ما سمعت؟
تحذير فيه تهديد ضمنى

الله هونينى

Quote: الله يكون في عون ناس النرويج التهميش وراهم وهم في أقصي الكورة الأرضية

وحتى ان لم نرفع السلاح بعد
القلم فقط يؤرقهم...او الكيبورد

هل ستكون النرويج ماليزيا الجديده؟