...قصص مأسى وعناء وبلاوى البناء فى السودان تجارب خاصه وعامه ...أأأنتبهوا لتفاديها...؟؟؟؟؟

بناء منزل هو الحلم الزى يراود كل مغترب وحتى من هم داخل السودان


ولكن؟؟؟؟؟؟؟


هنالك مأسى واشياء مؤسفه فى عالم البناء تبدء بغلاء المواد واستهتار العماله سودانيه كانت

او اجنبيه

لتفاديها نطرح قصص كل ما هو سئ ومخفى حتى لا يقع من لم يولج بعد فى تلك المخاطره

بلا شك هنالك معانه كبيره وللاسف تبدء بالمهندس او المقاولين

وهنا يجب ان لا نشمل الجميع وان هناك من هم امناء ومخلصين فى عملهم ولكنهم قلة....

وللاسف فان المغتربون فهم الشريحه الاكثر تضررا ويرجع زلك لثقتهم فى من يوكلون

لهم متابعة البناء

سنواصل سرد كل الخطوات فى عالم البناء واتمنى ان يكون السرد ايضا من المتداخلين لتعم

الفائده للجميع

ليس من السوء ان نفكر فى البناء ولكن من الافضل ان نعلم كيف لنا ان نحققه

والنصيحه للجميع هى الانتباه فهنالك غش وعدم اخلاص

بكل بساطه يمكنك فقد مبالغ كبيره لاخطاء فى البناء كان يمكن تفاديها لو اخلص فى البناء

اكبر اخطاء البناء فى السودان ودا محير جدا انو المهندسين يبنوا ليك

بيت ويعملوا مدخل السلم صغير

يعنى بمجرد عمل الردميه والسراميك يكون الارتفاع اقل من متر ونص

ولما تسال ليه يقول بكل بساطه ما انتبهت ليها او انا مشيت على الخرطه

طيب الحلل شنو ؟؟؟؟؟

اما تكسر الصبه كما فعلت او تعمل حفره ويكون مدخلك كم سلم نازلين بعدها كم عتب للصعود

ودى تكلفك مبالغ تاثر فى مشوار البناء واكيد انت الضحيه

اهم شى الانتباه لها قبل الشروع فى البناء لتفاديها


نواصل .

شكرا على هذا البوست المفيد

ارجو ان تواصل فيه ، و بالتفصيل الممل ، خد راحتك فى الكتابة

تسلم

شكرا يا صديق

مريت بتجربة بناء وبنصح اي زول داير ابني بالاتي

1/ ما يتفق مع اي مقاول او اي عامل بمجرد السماع والتوصيات لازم تشوف شغله ووتتاكد انه هو تحديدا العمله ( ممكن يوريك شغل جميل ما عمله هو ) لانه معظم عمال السودان الحاليين ديل جربندية ساي وبتاعين كلام
2/ ما تدفع اي قروش مقدما لغاية ما تستلم الشغل الانتا عايزه وده يكون شرط من الاول عشان اذا فيه اي اخطا يتحملها هو وبعدين هو زاته بعمل حسابو وما بكلفتك
3/ تتفق مع مهندس استشاري وتدفع ليهو بالزيارة عشان يتابع معاك الشغل شرطا ما يكون عنده علاقة بالمقاول
4/ اي مواد بناء تشتريها بنفسك مهما كانت الظروف منعا للكروبات
5/اذا قدرت تلقي ليك اي اجانب يعملوا ليك الشغل بتاعك يكون احسن من وجع الدماغ دا كله

وفي انتظار تجاربكم

صدقي يا حبيب سلامات

أنا الان بمر بنفس الظروف


إ إستمر في الحكي للفائدة

وسندلي بدلونا ماإستطعنا

حبيبنا صدقي

الموضوع هام جدا والكثير من الاخوة المغتربين

راحت فلوسهم شمار في مرقة من ضعاف النفوس

كانوا مقاولين ام مهندسين

وانا اعتقد من ياكل فلوسك ولا يبني ليك

خير من ان يبني ليك بناءا به اخطاء لا تعالج

واتحدى اي مغترب يكون أكمل بنائه دون ان يتعرض

للغف فلوسه ...

موضوع مهم جدا

وبرجع ليك ......

Quote: شكرا على هذا البوست المفيد ارجو ان تواصل فيه ، و بالتفصيل الممل ، خد راحتك فى الكتابة تسلم

الاخ محمد الامين

حكاوى وبلاوى بجد ونتمنى ان تفيد الجميع


مودتى

Quote: شكرا يا صديق مريت بتجربة بناء وبنصح اي زول داير ابني بالاتي 1/ ما يتفق مع اي مقاول او اي عامل بمجرد السماع والتوصيات لازم تشوف شغله ووتتاكد انه هو تحديدا العمله ( ممكن يوريك شغل جميل ما عمله هو ) لانه معظم عمال السودان الحاليين ديل جربندية ساي وبتاعين كلام 2/ ما تدفع اي قروش مقدما لغاية ما تستلم الشغل الانتا عايزه وده يكون شرط من الاول عشان اذا فيه اي اخطا يتحملها هو وبعدين هو زاته بعمل حسابو وما بكلفتك 3/ تتفق مع مهندس استشاري وتدفع ليهو بالزيارة عشان يتابع معاك الشغل شرطا ما يكون عنده علاقة بالمقاول 4/ اي مواد بناء تشتريها بنفسك مهما كانت الظروف منعا للكروبات 5/اذا قدرت تلقي ليك اي اجانب يعملوا ليك الشغل بتاعك يكون احسن من وجع الدماغ دا كله وفي انتظار تجاربكم

الاخ بكرى عباس

ساواصل فى سرد ما مررت به وغيرى

اكيد من تجاربك سنستفيد

مودتى

Quote: صدقي يا حبيب سلامات أنا الان بمر بنفس الظروف إ إستمر في الحكي للفائدة وسندلي بدلونا ماإستطعنا

العزيز ياسر

مشتاقين والله

واصل فى مشوار البناء بس خليك حريص وربنا يوفقك


مودتى

Quote: حبيبنا صدقي الموضوع هام جدا والكثير من الاخوة المغتربين راحت فلوسهم شمار في مرقة من ضعاف النفوس كانوا مقاولين ام مهندسين وانا اعتقد من ياكل فلوسك ولا يبني ليك خير من ان يبني ليك بناءا به اخطاء لا تعالج واتحدى اي مغترب يكون أكمل بنائه دون ان يتعرض للغف فلوسه ... موضوع مهم جدا وبرجع ليك ......

اخى العزيز ود الباوقه

سلامى

تعرف من المفارقات انو المغترب بيعاملوه كانه ما سودانى

يعنى حمامه يجب نتف ريشها

المشكله ممكن تجيك من اقرب الناس ؟؟

وترجع بحسرتك وتبدا من الصفر


مودتى

قررت عمل صبه لغرفتين وبعد سؤال وبحث بعض المعارف عملت اتفاق مع مهندس

ليس سئ ولكن الشغله تجاوزت السعر المتفق عليه وامكن الضعف

المهم لخبطت كل حساباتى

سألتو ياخى انت حددت سعر وتجاوز المتفق عليه السبب شنو

المهم كان صريح وواضح وقال لى بامانه لو قلت ليك التكلفه ما كنت بديت ولا اشتغلت معاى

يعنى الشغله الاتبلبل يعوم

يعنى الشغل ساى من غير عقد وملزم وسعر محدد مخاطره مهما كان علاقتك مع المهندس

المهم دقست وشربت المقلب

نواصل


.

اكثر شئ مؤسف لى جار يعمل بالسعوديه وزوجته باطفالها فى السودان وتتابع البناء

مهندسهم صديق للعائله؟؟؟؟؟؟؟؟؟؟؟؟

عمل ليهم عمود فى الطابق الثانى وشكله مايل وواضح بس واصل فى الصبه رغم الخطاء الهندسى

... تخيلو المهندس اقنعها بانو عادى جدا وما تشيل هم

ح انزل ليكم صورة العمود التحفه لاحقا


نواصل


.

طبعا اهم شئ فى البناء موضوع السباكه والكهربه

دى فيها حاجات حدث ولا حرج

اى واحد يعمل ليك فيها انو خبير وعندو ماجستير فى المهنه وهو ما بيعرف حاجه

دى ح نجيها بالتفصيل


نواصل


.

مواد البناء وكل ما يتعلق بها ماليه السوق ومن اسوء الانواع الصيتيه يعنى درجه ميه

توجد مواد جيدة الصنع بس اسعارها نار


نواصل


.

اى عامل كل همه انو يكسب من غير الاخلاص فى العمل الا ما رحم ربى

عندى قصه مع واحد جى يركب لى شبابيك وسالته السعر طبعا شطح وبالغ

المهم العمل الشبابيك جار وقال انو السعر خرافى وعندو واحد ح يجيبه لى

المهم صاحبنا ما عارف علاقتى بالاخر ومشى ليهو وقال ليهو انت مالك عملت الشبابيك وربحت

خليهو داقس ونربح نحن كمان مش دا مغترب ..........

غيتو مصيبه انو يفكروا بالطريقه دى فاحزروهم ؟؟؟


نواصل


.

وهنالك من هم مخلصين ولديهم امانه وودت التنبيه لكى لا يفهم خطاء تطرقى لتلك المشكله

وانه ليس هجوم على الجميع ولكن الكثير اكتوى بنار البناء

الجميع منا يعمل ليل نهار ويعانى فى الغربه لتوفير ما يمكنهم عبره تحقيق حلم امتلاك منزل

فكيف يكون سهل عليهم وهم يروا حصادهم يبعثره قله من المستهترين عديمى الضمائر

Quote: عمل ليهم عمود فى الطابق الثانى وشكله مايل وواضح بس واصل فى الصبه رغم الخطاء الهندسى ... تخيلو المهندس اقنعها بانو عادى جدا وما تشيل هم ح انزل ليكم صورة العمود التحفه لاحقا

الاخ صدقي,

مآسي من جملة المآسي,

كان الله في العون


أحمد الشايقي

Quote: الاخ صدقي, مآسي من جملة المآسي, كان الله في العون أحمد الشايقي

الاخ احمد

حقيقه هناك ماسئ واهمال وعدم مسئوليه وربنا يكون فى العون





اسع شوف زى العمود دا .. وبرضو مصر ان يصب رغم الاخطاء الفنيه واعوجاج العمود...؟؟؟؟


نواصل

.

طبعا البياض بقت ليه مصطلحات غريبه جدا

يمكن ان تتفق باليوميه او المتر وعادةه المتر فى حدود الثلاثه الف وبيجو يحسبوه ليك بخمسه الف

دى ما المشكله ...المشكله بتاعت الشوكه ودى اى زاويه تحسب شوكه

وبالجد مافى شوكه بس دى نوع من المبالغه وتحسب بالمتر الطولى زياده على سعر المتر

عموما الناس الصاحيه ما بتعرف شوكه ولا غيره ...انتبهوا قبل الاتفاق ...

اما يوميه او متر وبس.؟؟


نواصل


.

بطريقة الاستهتار وعدم الامانه يمكن ان تفقد كم كيس اسمنت والعمال ما هاميهم اى شئ

مسالة المتابعه مهمه عشان ما تضيع قروشك ساى والجمره بتحرق الواطيها

دى اشياء تجعلك تصاب بالاشمئزاز ...استهتار واستهتار لا غير



نواصل

فى جار حيرنى وضع منزله متجه للشمال على شارع 6 متر مع انو بيته فاتح على ميدان جهة الشرق

وكان يكون اجمل لو واجهته شرقاعلى الميدان ودا الطبيعى....

اخبرنى انو كان فى السعوديه والمقاول صديقه بنى ليه لانو القطعه الامامه كانت فاضيه وافتكرها برضو

سهله .....؟؟؟

يعنى جى ولقى بيته كده غلبوا يسوى شئ والمقاول تاسف وقال ليهو معليش .....


يعنى ما تعب وشاف الخرطه للحى ولا اى حاجه دا كلو من الاستهتار وعدم الامانه؟؟؟؟


نواصل




.

تحياتى يا ريس ..

والف حمد الله على السلامة... متابعين رغم اننا عارفين ... وبنفس التجارب مارين... وكتر خيرك على اهداء تجاربك الثرة للملايين...

Quote: والف حمد الله على السلامة... متابعين رغم اننا عارفين ... وبنفس التجارب مارين... وكتر خيرك على اهداء تجاربك الثرة للملايين...

على يا ابو سجى

لك سلامى

ياخى دى محن وبلاوى البناء فى السودان نحاول لفت الانتباه لها ....

ياخى ديل انا قاعد معاهم نتفوا ريشى ناهيك تكون بعبد منهم ...

كاريبو ليس ببعيد.. خلوهو يشتغل طلبه براهو وقرب يدق المقاول لو ما قريبه

وماخفى اعظم .....


نواصل .

ياصدقي ماتخلي المقاول يضحك عليك وانت من معلمين السوق








وكتر خيرك على اهداء تجاربك الثرة للملايين...








والف حمد الله على السلامة... متابعين

سلامات
قصة بسيطة ...قبل عام ونصف ذهبت السودان وأشتريت بيت جاهز ... غرفتين وصالون زايد المنافع
وقررت إنو أصينو ...بياض وردم فقط ...جبت عمال البياض وكالعادة أصدقائى ودفعت أكثر مما طلبوا
شريطة الإلتزام بالمواعيد ...بدل أسبوع بقت اسبوعين ...عندما وصلنا للسكينة ...والصيف سخن بدو يتزاوقوا
أحضرت عمال زيادة ؟؟؟؟وقررت أن يتم العمل اليوم وبأى ثمن ...وفعلا تمّ العمل ..وقبل أن ينزلوا قلت لمعلم البياض
الذى أحضرته عونا ...يا بيتر أضرع شغلك وأنزل ...فضرع 28 مترا وكان صادقا ..وأخذ حسابه زايدا وشكرنى وذهب
وضرع عمالى شغلهم ..,الذى ضرع إبن خالى فقلت له كم السكينة فقال لى 74 متر ...فقلت يا إبن خالى هم غرفتين وصالون
وبيتر إشتغل 28 متر وظاهرة من هنا ياخ كل المبنى ما يجيب 74 متر ...إنت حرامى ...لكن شرط ورقتك وأقعد ...
ونضرع البيت ونحنا قاعدين هنا ...
وفعلا قلت أعلى المبنى كم ...كم عرض الغرفة ..كم طول الصالون وعرضه ...البرندات ...أنسى الشبابيك والابواب ...المهم فى أثناء عملهم أخذوا
كل قروشهم ..ولم يبق لهم سوى شىء بسيط معى ..أعطيتهم أضعاف ما لهم عندى ...وشكرتهم ...
عمال البنيان السودانيين ...كلهم حرامية ,,هذا غير أنهم لا يعرفون شغلهم ...لا تثقوا فيهم ...ولا تصدقوهم ...أعطوهم أوامر واجبة التنفيذ
عوض مختار

ربنا يعين المغتربين
يحكى أن أحد المغتربين وثق في أحد معارفه وهو مقاول
ثم بدأ يرسل قروش البناء
وقدرما يرسل زولك بيشيل و يلهط
و لا شغال بالبيت المفروض
ونهايتها غش
المغترب يسأل أها وصلت و ين
يقول ليهو و الله وجدنا مشكلة في حفر الساس و الحمدلله الآن إنتهت
وعايزين مصارف تانية
وهكذا دواليك
تاني المغترب يسأل أها الأمور بقت كيف
زولك يقول ليهو خلاس رمينا الحجر
و زاتو الحجر لقيناهو بعد مشكلة كبيرة و السعر زاد الضعف
و ناس المحلية ما خلونا و ناس الكسارة كانو مضربين
عشان كدا حصلنا بي دعم سريع
بعد فترة يرسل الدعم و بتاع القريدبيم
أها وصلتو وين
و الله زيادة السيخ و الأسمت عملت فرق أسعار رهيبة
و الحمد لله قدرنا إتجاوزناها
زولك المغترب خلاص زهج
طوالي قال للمقاول
أسمع أقول ليك حاجة إنت أعرش على كدا بس......

احييييييييي يا مصارينى ..

جبت لى واحد يحفر لى بير السايفون ..
شال اكتر من قروشو المفروض ياخدا...
البير الان فى المتر ال 15 وعمك زاغ ...

قاعد افتش لى فى زول يتم لى الحفر وباقى الشغل ..

وحالتى مهندس مدنى

نهايتو :
اوعك تدى العامل اكتر من حقو .. لانو اكييييييييييييد حيركبك الماسورة ..

ــــــــــ

صاحب البوست والضيوف سلام ..

Quote: ياصدقي ماتخلي المقاول يضحك عليك وانت من معلمين السوق

حاتم

تحياتى

يا زول ديل خطيرين ما بنفع معاهم معلمين ولا غيرو والله ينفضوا ريشك زى المافى حاجه

والله .. شفت حصانك العثل دا لو مشى يبنى هناك يخلو يهنق بمزاج بدل يضحك .....

غيتو دير بالك منهم ........


مودتى

والله انا عندي نجربة لو حكيتها تخلو المنبر دا عديل

لكن الله في .....

شكرا صدقي

وان شاء الله نلقاها قدام ...

Quote: ...جبت عمال البياض وكالعادة أصدقائى ودفعت أكثر مما طلبوا شريطة الإلتزام بالمواعيد ...بدل أسبوع بقت اسبوعين ...عندما وصلنا للسكينة ...والصيف سخن بدو يتزاوقوا أحضرت عمال زيادة ؟؟؟؟وقررت أن يتم العمل اليوم وبأى ثمن ...وفعلا تمّ العمل

الاخ عوض مختار

تحياتى

المشكله انو بيكون عندك وقت محدد وتريد انجاز شئ وعشان كده بتجيب معارفك للمساعده

للاسف المشكله بتجى منهم ....؟؟؟؟؟؟؟؟؟؟

برضو لما يعرفوا استعجالك للعمل لضيق وقتك يتم استغلالك بطريقه واضحه وهم عارفين انك ح ترضخ

عموما حمدلله انك انجزت ما تريده.....



مودتى

.

Quote: ربنا يعين المغتربين يحكى أن أحد المغتربين وثق في أحد معارفه وهو مقاول ثم بدأ يرسل قروش البناء وقدرما يرسل زولك بيشيل و يلهط و لا شغال بالبيت المفروض ونهايتها غش

الاخ محمد ادم

والله القصص المؤلمه دى كميات اضافه لقصة صديقك


وموضوع ما ارسل لوكيله ان ينى له منزل وعمك بقروش المغترب بنى ليهو عماره....؟؟؟؟؟


وقطعتة المغترب المغلوب على امره سهله ليومنا...؟؟؟؟


غيتو ربنا يستر على الجميع



مودتى

.

الشاذلى خيرى عبد الله

Quote: احييييييييي يا مصارينى .. جبت لى واحد يحفر لى بير السايفون .. شال اكتر من قروشو المفروض ياخدا... البير الان فى المتر ال 15 وعمك زاغ ... قاعد افتش لى فى زول يتم لى الحفر وباقى الشغل .. وحالتى مهندس مدنى نهايتو : اوعك تدى العامل اكتر من حقو .. لانو اكييييييييييييد حيركبك الماسورة

الاخ الشاذلى خيرى

تحياتى

يا اخى تسلم مصارينك ......المصارين هينه ديل بيفقعوا المراره عديل ..عليك بالحلبه واحتسب ؟؟؟؟؟

انت مهندس دقسوك ونحنا ناس قريعتى راحت نقول شنو...........

ما قلت ليكم ديل بقوا متمرسين وما بينقدر عليهم بالساهل؟؟؟؟؟؟؟؟؟؟؟

غيتو اكيد ح تلقى مخرج وبقت ليك كلها مترين تلاته خليك صاحى ...

تمنياتى لك بالتوفيق


مودتى

..

Quote: والله انا عندي نجربة لو حكيتها تخلو المنبر دا عديل لكن الله في ..... شكرا صدقي وان شاء الله نلقاها قدام ...

ود الباوقه يا حبيب

والله شكلك ممكون وصابر وربنا يعوضك يا اخى افضل واحسن ...

بس ما براك الممكون الكل دفع ثمن ثقته فى المقاولين والمعارف

ربنا يعوضك احسن بمشيئته تعالى


مودتى

.

تخيلو الاستهتار دا تركوا الاوساخ كما هى وكان النتيجه...؟؟؟

كل المنهولات قفلت وكلفت قروش لصيانتها لانها اتملت اسمنت وجبص

تقول شنو بس ... واى واحد ينكر دا ما هو العمل دا

المهم تدفع وتقفل خشمك؟؟؟؟؟



نواصل

.

شوف المسكين دا المهندس عمل ليهو المدخل كيف للعماره غالبو يسوى سراميك لانو

المدخل ضيق وارتفاعه اقل من متر وسبعين سنت

دا مش تكون مرارته بس الانفقعت دا جاتوا نفسيات عدييييل كده ..؟؟؟

نواصل



.

الأخ صـدقي،، تحيــة طيبـة وتشكر على هذا البوست الهادف،

خصوصا،ً ومن خلال المداخلات، يتحصل المغترب على كم هائل من النصائح والتحذيرات

والإشارات الحمراء حتى لا يقع في الفـخ.

أنا الآن محتار في مسـألة البنا دي..

أملك ثلاث قطــع درجة ثالثة.. قطـعة في الخرطوم وقطعـة في بحري وقطعـة في امدرمان

يعنــي توزيـع بالتســاوي.

فماهي نصيحتكم دام فضلكم: هل أبيــع الثلاث قطـع واشتري بيت جـاهز أم أبيـع

اثنين وأدخل في معركة بناء الثالثـة مع المقاولين إيـاهم؟

Quote: الأخ صـدقي،، تحيــة طيبـة وتشكر على هذا البوست الهادف، خصوصا،ً ومن خلال المداخلات، يتحصل المغترب على كم هائل من النصائح والتحذيرات والإشارات الحمراء حتى لا يقع في الفـخ. أنا الآن محتار في مسـألة البنا دي.. أملك ثلاث قطــع درجة ثالثة.. قطـعة في الخرطوم وقطعـة في بحري وقطعـة في امدرمان يعنــي توزيـع بالتســاوي. فماهي نصيحتكم دام فضلكم: هل أبيــع الثلاث قطـع واشتري بيت جـاهز أم أبيـع اثنين وأدخل في معركة بناء الثالثـة مع المقاولين إيـاهم؟

الاخ طه

تحياتى

اشعر بقلقك وانت تريد السير فى طريق البناء

انصحك بالاتى

عدم البيع فى الوقت الحالى ومحاولة اختيار اى قطعه تريد بناءها

لانو قروش القطع الاخرى قطعا ح تحتاج ليها فى مرحلة التشطيب لا محاله....

التأنى فى اختيار المهندس والسؤال والسؤال ثم القرار

البيت الجاهز له مساوى وهو عدم مطابقة الخرطه لما تتمناه وان كانت هنالك اسعار مغريه

محاولة ايجاد الوقت للاشراف بنفسك حسب امكانياتك واجازتك

عدم تصديق كل ما يقال لك والتاكد عبر زيارة مواقع اعمالهم التى نفزوها

تلك رؤيتى وان كان احد الاخوه لديه راى مغاير يفيدك فرجاء سرده

وربنا يوفقك ويحميك من المنافقين فى هزا المجال


مودتى

.

ممكن حسب ثقتك تدقس بمزاج مع المقاول او المهندس

مثلا يقول ليك حاجات زى لازم تعمل كده وكده مهمه للبيت ودى كلها عشان يفتح بس ابواب عمل يلهفك

بيها من غير حق

عشان كده لازم تكون عارف بتعمل شنو وما تخليهم يشطحوا بيك ساى

ما تعمل الا الاشياء المهمه وما تتورط ساى لانو التمن غالى...؟؟؟؟

ياخى ديل خلونى اعمل صبه للحوش مافى ليها داعى على اساس انها بتحمى البيت دفنوا فيها المنهولات

وكيبل الكهربه بالصبه

وببساطه قالو ما شافوها شوف جنس دا...؟؟؟؟

عشان اكسر الصبه و السراميك والقاها طبعا خسرتنى قروش...المهم لغفو القروش وبس



الصوره اهى دى ؟؟؟؟؟؟؟؟؟؟؟








نواصل



.

البناء بالبلوك من اكبر الاخطاء لانو هش وخفيف ومجوف

بالزات فى الابواب والشبابيك لازم تكون طوب احمر اى بولوك ما بيمسك ليك لا الشباك ولا الباب

انتبه ان حلوق الابواب تكون بنيان متين ويفضل الطوب الاحمر عشان الابواب تكون ثابته

طبعا البلوك سهل البناء لهم وبيفضلوه بالزات الاجانب منهم



نواصل


.

كما قلنا اهم شئ السباكه

يجب التركيز عليها

يعنى قبل بدء العمل التعاقد مع السباك ومراجعة عمله بصرامه وقبل العمل

يجب ان يكون لديك استشارى متخصص فى المجال

التركيز على شراء المواد الجيده مهما كانت غاليه لاهمية امر السباكه لمنزلك

ومراجعة كل التوصيلات وتجربتها قبل عمل السراميك او دفن المواسير

لانو كثيرا ما تكون غير موصله بصوره جيده ويحصل لها تسريب فيما بعد تاثر على البناء

يوجد استهتار منهم ولا يقبلون متابعتك ولكن لا تهتم وكن صارم جدا

اغلب المواد يقولو ليك امارتيه وسعوديه واروبيه وكلها صينيه عليها اختام ما يريدون ترويجه


نواصل


.

تجربه مؤلمه لشخص اعرفه حق المعرفه

اعرف عنائه وعمله ليل نهار لسنين من اجل جمع مبلغ لبناء منزل يئوى اسرته

للاسف وقع ضحية قريبه وبنى بيت له بفلوسه والمسكين الان يطالب بقروشه

قريبه لم ينكر وقال انو قروشك موجوده... بس اصبر اوفرها ليك قريب

قريب دى ممكن تكون سنين وامكن لا



الله المستعان




نواصل

.

العماله الاجنبيه

كلنا يعلم جنسياتها وهى فى السودان لكسب لقمة عيشها لا اختلاف فى الامر

يغروك بسرعتهم فى العمل

اعمل حسابك يدهم خفيفه وبيسرقوا المواد ويبيعوها ..

ثانيا بيستهلكوا مواد بصوره مزعجه وبيختاروا الطرق السهله للعمل وبعدها تكشف العيوب

يحتاجو لمراقبه شديده وما تديهم قبل انتهاء العمل كل قروشهم

بالنسبه لهم الانجاز السريع اهم بند لهم لكسب المال ودى ليها اخطائها

فيهم عماله غير سيئه بس راقبهم شديد


نواصل.

البناء بالبلوك من اكبر الاخطاء لانو هش وخفيف ومجوف

بالزات فى الابواب والشبابيك لازم تكون طوب احمر اى بولوك ما بيمسك ليك لا الشباك ولا الباب






يعني ياصدقي البنا الوصل لنص نكملو بالفحم ولا جالوص احلنا الله من البنا والمقاولين الله يورينا فيهم يوم
تخريما ياصدقي

كم اللف طوب عشان نكمل
الايام دي السلفيات قالو اسمنت وطب

الأخ / صدقي مطر
لكم التحية وللمشاركين


فعلاً هاجس بناء البيت مؤرق ومقلق خاصة للذين لا يملكون أي دراية بمجريات الأمور ، فقد خضت التجربة خلال العام 2008 و2009 وقد حالفني التوفيق لأننd توكلت على الله ووضعت الخطة التي يجب أن أتبعها .
أولا : قررت أن أقوم بكافة المهام بنفسي ولا أركن لأحد مهما كان علاقته معي ، تفادياً لأي حرج في المستقبل وفرغت نفسي في تلك الأجازة تماماً لموضع البناء
ثانياً : لجات لبعض المعارف أسألهم عن الاجراءات الرسمية في الشروع لبناء منزل ، وسألتهم عن طرق البناء وكيف أجد المقاول أو البناء .
ثالثاً : حينما لملمت بعض الأفكار توجهت لموقع الأرض ، وهناك كانت أجمل المفآجات إذ خرج جاري الذي بنى منزله وسكن فيه ، وبعد السلام والتعارف السريع ، شرحت له نيتي في هذه الأجازة بالبدء في البناء ، وهنا قال لي أنا على أستعداد على مساندتك ودعمك معنوياً ، وجدته رجلاً صادقاً أميناً هميما ، وقلت الحمد لله وجدت ( الجار قبل الدار) .
وبدأت في الشروع بإستخراج رخصة البناء من جانب وفي نفس اللحظة وجدت عدد من المقاولين لأفاوضهم وشرحت لهم ما أريد ، وحينما شعرت أن أسعارهم في العلالي ، لم أتردد رجعت لجاري وشرحت له أني فاوضت مقاولا وقال لي التكلفة كذا وآخر قالي كذا ،
وأشار جاري لمنزل قريب وقال لي هناك شاب من الجنوب يعمل في نفس المجال وهو ذو خلق وماهر في عمله وأسعاره أفضل لانه يعمل بنفسه وليس كالمقاول الذي يحضر البناءين والعمال ويأخذ منك ويحاسب العمالة ، فعلا بعد التفاوض معه وجدته قديراً وشرح لي نفس شرح المقاول وكانت المفاجأة أن التكلفة مخفضة بنسبة 25% .
تم الاتفاق مع الأخ كودي وفي اليوم التالي جاء بعامل آخر وخطط الأرض حسب الخريطة الموضوعة للبيت ، ومن جهة أخرى بدأت من خلال جاري العزيز الاتصال على أصحاب محلات مواد البناء للتفاوض في الأسعار ، وتم التحديد المحل الذي سنتعامل معه ، ويلا بعون الله بدأ العمل أصبحت لا أكل ولا أمل من المتابعة الدقيقة والوقوف والأشراف على العمل وتلبية طلباتهم ، وكنت أعاملهم بكل اريحية ، وحينما تشتد أشعة الشمس كنت أجلب للعمال ( حاجة باردة) وكانت معاملتي لهم يترك فيهم أثراً جميلا ، وجدتهم يعملون بهمة وإخلاص ، كنت أعتمد على تحفيزهم وتشجيعهم ببعض المبالغ الرمزية ، بالرغم من يومياتهم تدقع من قبل الشخص المسئول عنهم ، ولكن معاملة العمال بطلف ولين له أثر كبير في إخلاصهم نحو العمل .
وظل جاري العزيز يقدم المساندة والمشورة حتى إنتهت إجازتي ووقفت العمل ، آملا العودة في إجازة 2009 وكان التوفيق أيضا مصاحبني في تلك المرة إذ إنخفضت أسعار الحديد والأسمنت ، وبنفس الخطى مشيت ، وكان التوفيق .

وفي نهاية الاجازة وجدت نفسي أنني أملك منزل في الخرطوم عبارة عن سور وبداخله غرفتين وحمام ومطبخ والحمد لله .

من خلال التجربة أنصحكم بالتالي :-

1/ عند الشروع في بناء منزلك تفرغ له تماماً يعني الاجازة قصاد أرضك .
2/ تنجب توكيل الأقارب والأصدقاء ، ليس عدم ثقة فيهم ولكن حتى لا تختلف معهم في أي موضوع مستقبلاً وتفقد ودهم أو صداقتهم .
3/ تنجب التفاوض مع المقاولين لأن معظهم سماسرة وكثير منهم ليسوا متخصصون في البناء ، بل أنهم يديرون العمل ، يحضر لك البناء والعمال ، ويحاسبك بالشئ الفلاني ويعطى البناء مبلغ أقل ويكسب من وراء العملية أكثر من 25% .
4/ تأمين المواد من قبلكم والوقوف على إستهلاكها ، وإرجاع الفائض للمحل .
5/ الوقوف والمتابعة والتوجيه في حال وجود أي خلل .
6/ عدم التردد في طرح أي سؤال للمقاول أو البناء فيما يختص البناء .

الأخ / صدقي مطر
لكم التحية وللمشاركين

Quote: يعني ياصدقي البنا الوصل لنص نكملو بالفحم ولا جالوص احلنا الله من البنا والمقاولين الله يورينا فيهم يوم تخريما ياصدقي كم اللف طوب عشان نكمل الايام دي السلفيات قالو اسمنت وطب

حاتم يا صديق

انت ما بتجيك عوجه واصل البنيان ...تفتيحه شايفك ختيت الشبابيك قبل العرش دا شغل تمام

نحنا اتدقسنا ساى والله يعوضنا ....

غيتو انت بنيت بالطريقه البلجيكيه ودا النفعك ما عندك عوجه ...بلوكك السمح دا لو لقيناه كان ارتحنا..........

غيتو اعرش على كده


لورى الطوب 3500 طوبه بى 350000 جنيه



مودتى.

Quote: 1/ عند الشروع في بناء منزلك تفرغ له تماماً يعني الاجازة قصاد أرضك .2/ تنجب توكيل الأقارب والأصدقاء ، ليس عدم ثقة فيهم ولكن حتى لا تختلف معهم في أي موضوع مستقبلاً وتفقد ودهم أو صداقتهم . 3/ تنجب التفاوض مع المقاولين لأن معظهم سماسرة وكثير منهم ليسوا متخصصون في البناء ، بل أنهم يديرون العمل ، يحضر لك البناء والعمال ، ويحاسبك بالشئ الفلاني ويعطى البناء مبلغ أقل ويكسب من وراء العملية أكثر من 25% . 4/ تأمين المواد من قبلكم والوقوف على إستهلاكها ، وإرجاع الفائض للمحل . 5/ الوقوف والمتابعة والتوجيه في حال وجود أي خلل . 6/ عدم التردد في طرح أي سؤال للمقاول أو البناء فيما يختص البناء .

الاخ ولياب


تحياتى

نصائح ثمينه ....بجد الجمره بتحرق الواطيها ويجب عدم الاستهانه بامر البناء وتركه للغير يعبسوه فيهو...

تمنياتى لك بالتوفيق


مودتى .

بعض الاخوه استائو من ما تطرقت اليه فى مجال البناء فى السودان ومنهم من زعل عديل كده. وهم اصدقاء.......

وللامانه هنالك مهندسون ومقاولون ليس عليه غبار ومخلصون ولكن ايضا هنالك تجارب مريره لكثير منا ....

والغرض هو التنبيه لتعم الفائده وان لا يقع الاخرون فى الاخطاء ومن منا لم يكتوى بنار البناء ؟؟؟؟؟؟؟؟؟؟؟؟؟؟

اكرر تأسفى لمن هم مخلصين فى تلك المهنه..........

مواد البناء فى السوق اغلبها او كلها صينية الصنع

الجوده بتاعتها سيئه ودا لانو المستوردين بيجيبوا اسوء الانواع من هناك

وبرضو هناك انواع جيده ويجب ان تبحث عنها موجوده

بالزات مواد السباكه ركزوا عليها والكهربه



نواصل
.

Quote: مواد البناء فى السوق اغلبها او كلها صينية الصنع الجوده بتاعتها سيئه ودا لانو المستوردين بيجيبوا اسوء الانواع من هناك .

الواحد عايز يمشي يبني والله بس الكلام ده بيخوف .
يا ريت لو وريتونا اسعار المواد حاليا بي كم ..
وهل الافضل شراء المواد في الصيف ام الشتاء ..
وهل يشترط انو الخارطة تكون متوافق عليها في السودان ..

عندي عشرات الاسئلة .. شكرا ليك يا ود مطر على فتح البسوت ...

سلامات يا صديقي

ساقوم مرة اخري بانزال المواصفات مرة اخري لتعم الفاءدة

Quote: ثانياً: أعمال الحفر يأت و الردم: يتم الحفر طبقا للأبعاد المبينة على الرسم وبناءاً على المحاور الرئيسية للمبنى . إذا احتاج الحفر سند جوانب أو نزع مياه جوفية فعلى المقاول القيام بها بطريقة سليمة ودون المطالبة بأي مقابل من المالك بهذا العمل. يستمر الحفر حتى الوصول إلى الأرض الصالحة للتأسيس منسوب الأرض الطبيعية والتي لا يقل تحملها عن 2كجم/ سم2 ، كما يجب أن يتم نقل الأتربة الناتجة من الحفر بعيداً عن مكان العمل حتى لا تعوق المرور أو العمل . عند الإنتهاء من الحفـر وقبـل صب الخرسـانة يتم الإستـلام مـن قبل المكتـب الإستشاري . يتم الردم بأتربة نظيفة حول الأساسات وداخل المبنى ولا يزيد قطر الحجارة بالردم عن 10سم وطبقا للمواصفات القطرية. الردم على طبقات لا تتجاوز 25سم مع غمرها بالماء وأن تدك بواسطة الهزازات الميكانيكية والتي لا تقل وزنها عن 1000كجم وذلك منعاً لهبوط التربة مستقبلاً . يجب أن يكون الحفر خالي من المياه طوال فترة الحفر وصب الخرسانة وكذلك أثناء عملية الدفان.

Quote: مواصفات الخرسانات ثالثاً : المواصفات الفنية للأعمال الخرسانية : جميع الإختبارات التي سيرد ذكرها فيما بعد تكون على حساب المقاول ويتم إجراؤها في معمل معتمد لدي وزارة البلدية على أن يتم أخذ العينات بواسطة المالك وإرسالها للمعمل لإختبارها ويتم ذلك كله تحت إشراف المهندس المشرف مع ضرورة إعتماد المعمل . السطـح الخرسـاني المطلـوب لجميـع أعمـال الخرسانـة للأعمـدة و القواعـد والكمـرات والأسقف يكون ذا إنهـاء جيد كما يجب أن يكـون خالياً تمامـا من أي تعشيش أو فقاعـات (Honeycomb-Voids-Pinholes ) . جميع الفورم الخشبية المستخدمة تكون من البلايود الجيد الخالي من العيوب ، ويدهن سطحه الملاصق للخرسانة جيداً قبل الإستخدام لإمكانية الحصول على الإنهاء المذكور للأسطح المختلفة . مكونات الخرسانة : الأسمنت و الرمل والكنكري : الأسمنت المستخدم في جميع الأعمال أسفل منسوب الأرضية ولكل المراحل الأخرى يكون مقاوما للأملاح. على المقاول تقديم شهادة للمهندس المشرف توضح نوع الأسمنت وتأريخ صنعه وفي جميع الحالات لا يستخـدم الأسمنت الذي مـرت علـى إنتاجـه مـدة تزيـد عـن ستـة أشهـر. يتم تخزين الأسمنت في مسطح مظلل لحمايته من الأمطار والشمس على أن يكون مرتفع عن الأرض. الرمل مغسول حكومي والكنكري من النوع قبرو لكافة خرسانة المشروع حسب مواصفات دولة قطر . الميـــاه:- المياه المستخدمة في الخلط أو المعالجة أو أي غرض لاعمال الخرسانة يجب أن تكون نظيفة تماما وصالحة للشرب . يتم أخذ عينات من المياه المستخدم للتأكد من خلوها من الشوائب وتطابق نسب الأملاح بها بما هو مذكور في المواصفات القطرية للمباني. حديد التسليح:- حديد التسليح المستخدم ذو مقاومة عالية .

Quote: اختبارات اجتهادات الكسر و القمع : ضرورة وجود مخروط اختبار القمع (SLUMP TEST ) بالموقع ويحق للمهندس المشرف إجراء اختبار القمع للخرسانة بواسطة المقاول وتحت إشراف المهندس في أثناء الخلط والصب ويتراوح القوام من 60 مم إلى 100 مم. يتم أخذ عدد ثلاث مكعبات على الأقل لكل 30م3 من الخرسانة أو في كل يوم من أيام الصب تحت إشراف المهندس المشرف وعلى أن تختبر أحد المكعبات بعد 7 أيام والمكعبين الآخرين بعد 28 يوم في مختبر معتمد. ويحق للمهنـدس المـشرف تكسيـر جميع الخرسانـات التي لا تحقق الاجتهادات المذكـورة مـن قبـل . طريقة الخلط و الصب: يتم خلط مكونات الخرسانة خلطا ميكانيكياً مع ضرورة استخدام الهزاز الميكانيكي أثناء الصب على أن يراعي وجود ثلاث هزازات ميكانيكية تعمل بصورة جيدة بأقطار مختلفة في جميع أعمال الخرسانات المسلحة . يتم صب الخرسانة بطريقة سليمة لتجنب الانفصال الحبيبي على أن لا يزيد الارتفاع الذي يصب منه عن 2 متر . لا يسمح بالخلط اليدوي لأي أعمال خرسانية مهما كانت صغيرة إلا بإذن الإستشاري وبموافقة كتابية منه . يتم الصب باستخدام الخلطات الجاهزة للصب ( READY MIX ) ويجب أن يتم الخلط في محطة معتمدة وعلى أن يتم أخذ الموافقة مسبقا من المهندس المشرف على الشركة الموردة وعلى تصميم الخلطة المستخدمة مع ضرورة الالتزام بجميع المواصفات المذكورة مسبقا والاختبارات اللازمة ويتم ذلك بالتنسيق والإشراف من المهندس المشرف مع ضرورة الحصول على النتائج والشهادات الدالة على هذه الاختبارات ومدى مطابقتها للمواصفات من معمل معتمد . لا يتم خلط الخرسانة وصبها في درجة حرارة أعلى من 36م5 ويفضل دائما الصب في الصباح الباكر وعلى أن تكون درجة حرارة الخلطة الخرسانية أقل من 32م5. معدات الخلط والمعدات المستخدمة في نقل الخرسانة يجب أن تكون نظيفة تماما قبل الخلط. يجب أخذ موافقة المهندس المشرف مسبقا على أي إضافات يراد استخدامها في الخلطة الخرسانية لأي غرض خاص بزمن الشك أو التشغيل أو أي سبب آخر يؤدي لتغيير خصائص الخلطة الخرسانية . المعالجة: يجب رش الخرسانة بالمياه لمدة لا تقل عن سبعة أيام متتالية بعد الصب وذلك بتغطية سطح الخرسانة بالخيش. عند وجود أي تعشيش أو شروخ أو فقاعات هوائية في الخرسانة بعد إزالة الفرم الخشبية يجب إزالة الخرسانة السيئة حتى الوصول لسطح الخرسانة السليمة وتستخدم مونة مناسبة لمعالجة ذلك مع إضافة مادة تربط ( BONDING AGENT ) ويتم بع

Quote: مناسبة لمعالجة ذلك مع إضافة مادة تربط ( BONDING AGENT ) ويتم بعد موافقة المهندس المشرف أولا . الفرم الخشبية – وصلات الصب – مواعيد فك الفرم الخشبية : تكون طبقا للمواصفات القطرية الخاصة للمباني على أن يراعي دائما أن لا تفك الشدات ألا بعد مرور الفترة المحددة لها على أن لا تقل عن 2 يوم للقواعد والأعمدة وجوانب الكمرات ، 15 يوما للأسقف والكمرات ، 21 يوما للكوابيل والسلالم . سمك الغطاء الخرساني ووصلات الحديد : وصلات الحديد : في مناطق الضغط والشد وكذلك أماكن التكسيح تكون طبقا لما هو مذكور في التفاصيل الإنشائية . سمك الغطاء الخرساني : الأساس = 70مم الأعمدة =30 مم كمرات الأسقف = 30مم بلاطات الأسقف = 20مم الكمرات الأرضية = 30مم وتصنع بلوكات الغطاء من نفس الخلطه الخرسانية المستخدمة . الحماية والعزل للخرسانة : لجوانب القواعد الخرسانية المسلحة وأعلي القواعد المسلحة وكذلك الكمرات الأرضية والأعمدة تحت منسوب أرضية المبني تدهن ثلاثة أوجه من دهان بيتومين (AQUAPRUF RUBBRIZED) أو مماثلة له ( يعتمد من الإستشاري ) على أن يتم تغطية الأسطح الخرسانية بطبقة من البلاستيك سمك GAUGE 1000 بعد تطبيق الوجه الثالث مع ربطه جيدة حتى منسوب أرضية المبني . الطابوق بأسفل السور الخارجي المانهولات يكون ويصبغ بالبتيومين من الداخل ومن الخارج مع عمل بلاستر داخل وخارج المانهولات . الرجوع للمواصفات الخاصة والخرائط لإعمال العزل الاخري. المواصفات الفنية لإعمال الطابوق : يكون الطابوق المستخدم مصنوع من مخلوط الرمل والأسمنت والكنكري ويكون مطابقا للمواصفات القطرية على أن لا يقل جهد الكسر عن 7 نيوتن / مم2 . يكون الطابوق حاد الأركان ومنتظم الأبعاد كما هو موضح في الرسومات . يرش الطابوق جيدا بالماء قبل الاستعمال وترش الحوائط بالماء مرتين يوميا لمدة 7 أيام بعد البناء

Quote: تتكون المونة المستعملة في بناء الطابوق من 300 كجم أسمنت مقاوم للأملاح لكل متر مكعب من الرمل النظيف ( من محاجر الحكومة ) وعلى أن يكون سمك المونة المستعملة 20 ملم . لا يسمح ببناء أكثر من خمسة مداميك في اليوم الواحد . تدهن جميع أعمال الطابوق أسفل منسوب الصفر وأرضية المبني بثلاثة أوجه بيتومين كما في أعمال حماية الخرسانة . الطابوق الأحمر يكون من مصنع قطر للطابوق بقوة 12 نيوتن . الموصفات الفنية لأعمال البلاستر : تنفذ أعمال البلاستر لجميع الأسطح الداخلية والخارجية للحوائط والسقف والأعمدة وذلك حسب الطريقة الآتية : ترش جميع الحوائط والأسقف بالماء رشا غزيرا قبل البدء في عملية البلاستر . تعمل طبقة طرطشة (تخشين) ابتدائية بمونة الأسمنت والرمل بنسبة 400 كجم إسمنت بورتلاندي لكل متر مكعب رمل بحيث لا يقل سمكها عن 3مم0 يجب استعمال علامات والأوتار قبل البدء في أعمال البلاستر لضمان الحصول على أسطح مستوية ويجب ألا تزيد المسافة بين العلامات عن 150 سم . البلاستر ينفذ من طبقتين بمونة الأسمنت والرمل بنسبة 3:1 مع إضافة مادة (BONDING AGENT ) ويرش البلاستر لمدة ثلاثة أيام بعد إتمامه . تركيب شبك إستانس إستيل ( Expanded ####l ) بعرض 20 سم قبل البدء في أعمال البلاستر عند اتصال الطابوق بالخرسانة وكذلك أمام مواسير الكهرباء . تركيب زوايا من استانس استيل ( Angle Beads ) على الزوايا الخارجية للأعمدة والأعتاب وجوانب الفتحات قبل البدء في أعمال البلاستر . في بلاستر الواجهات الخارجية يتم تركيب ( Stop Beads ) من إستانس إستيل في أماكن الخطوط الرأسية والأفقية المبينة بالواجهات أو حسب اختيار المهندس الإستشاري. رابعاً : أعمال الطبقة العازلة : يتم عمل الطبقات العازلة للرطوبة والحرارة عن طريق شركه معتمدة ويتم أخذ موافقة المكتب الإستشاري عليها وتنفذ كالآتي : تجهيز السطح المراد عمل الطبقة العازلة له وذلك بعمل التنظيف اللازم، وإزالة أي شوائب وتطبيق مادة الأساس PRIMER. عمل الطبقة العازلة للرطوبة وذلك من مادة البيتومين بسمك لا يقل عن 4مم ماركة بيوتمات أو ما يماثلها مع عمل الوجه التحضيري قبل التركيب وعلى ألا يقل التداخل بين الشيتات عن 10 سم كما يجب تقديم ضمان لمدة 10 سنوات على أعمال العازل . عمل عازل حراري بسماكة 5 سم وبكثافة لا تقل عن كجم/سم3 – مع عمل طريقة فاصلة Terram Guage عمل طبقة من الخرسانة (screed ) حسب الميول المطلوبة بمتوسط 7 سم ، عمل فواصل كل ثلاثة متر لكل الاتجاهات مع مل الفواصل بمادة الماستك (ploy silphide). الرجوع للمواصفات الخاصة والخرائط لإعمال العزل

Quote: أعمال بلاط السيراميك : يجب أن تكون جميع أعمال البلاط المستعملة للأرضيات والحوائط من النوع الممتاز مع تقديم عينات من كل منها لاعتمادها من المهندس الإستشاري قبل التورد ( التوريد حسب الوارد بالمواصفات الخاصة ) . تشمل أعمال التبليطات توريد وتركيب البلاط شاملا أعمال تجهيز الأسطح للحوائط والأرضيات مع فرش رمل حكومي مغسول أو سكريد من الخرسانة أسفل بلاط الأرضيات بالسمك المطلوب لعمل الميول اللازمة قبل وضع المونة المكونة من 300 كيلوجرام أسمنت بورتلاندي لكل متر مكعب . تلصق جميع أعمال التبليطات بمونه مكونه مـن 300 كيلوجـرام أسمنت بورتلاندي لكل متر رمل وبسمك لا يقل عن 35mm وتسقى بعد اللصق بخلطة الأسمنت الأبيض مع مراعاة عمل فواصل للتمدد حسب تعليمـات المكتب الإستشاري ويشمـل توريد وتركيب ماستك في الأماكن التي يتم تحديدها مـن قبـل المهندس المشرف . بلاط الحوائط يكون سيراميك من المقاسات المختلفة للحمامات والمطبخ ويركب حتى منسوب السقف .

Quote: سادساً : أعمال الدهــــانات : يجب حف الحوائط الداخلية جيدا وتدهن برأيمر ثم عدد 2 وجه معجون ( 3ملم على الأكثر ) وثم 3 أوجه دهان من فينوماستك ماركة جوتن وعلى حسب اللون و النوع الذي يختاره المهندس الإستشاري والمحدد بالمواصفات الخاصة . تغطية الحوائط الخارجية تكون من ساند تكس أو ما يعادلها المقاوم للرطوبة و الأجواء الحارة وذلك بالأماكن الموضحة برسومات الواجهات على أن يكون اللون و العينه طبقا لاختبار المهندس الإستشاري . التنفيذ لجميع أنواع الدهانات المذكورة أعلاه يكون طبقا لتعليمات المصنع. سابعاً : المواصفات الفنية للأعمال النجارة : جميع أنواع الخشب المستعمل في هذا المشروع يجب أن تكون خالية من جميع العيوب مثل العقد والشروخ والالتواء وغيرها. على المقاول اعتماد جميع عينات الأخشاب المراد توريدها وتركيبها من المكتب الإستشاري. يجب أن يكون نوعية الخشب المستعمل لأعمال هذا المشروع على النحو الوارد بالمواصفات الخاصة . جميع فريمات الأبواب الخارجية والداخلية تكون بكامل عرض الحائط وبسمك لا يقل عن 3سم وعلى أن تكون السلايت بعرض 7سم وسمك 2مم . جميع أعمال الخردوات اللازمة من مفصل

Quote: جميع أعمال الخردوات اللازمة من مفصلات وأقفال ومصدات للأبواب DOOR CLOSER وخلافه تكون من ماركة معتمدة من المكتب الإستشاري قبل التركيب. توريد وتركيب درابزين السلم الداخلي من الألمنيوم حسب التفاصيل المعتمدة من المكتب الإستشاري وعلى أن تعتمد العينة قبل التوريد . توريد وتركيب فريمات المكيفات ( WINDOW TYPE ) ومراوح الشفط من الخشب المرنتي سمك 18 مم وبكل عرض فتحه التكييف أو المروحة وذلك يشمل التثبيت و الدهانات اللازمة . ثامناً: الأعمال المعدنية: على المقاول التحقق من مقاس كل فتحه ( شباك وباب ) على الطبيعة لتكون كل قطعة مطابقة لمقاس كل فتحه. كل شباك متحرك يجب أن يجهز بسلك مانع لدخول الحشرات. جميع أعمال الألمونيوم بحريني الصنع أو حسب ما ذكر بالموصفات الخاصة أو الخرائط ذا طلاء 22 مبكرون بوادر كوت ويكون قطاع الألمونيوم بعرض 10 سم وسمك 2 ملم مع تركيب الخردوات اللازمة و اعتماد العينات قبل التوريد واللون حسب اختيار المالك . يجب أن يكون نوعية الزجاج من النوع الأمريكي العاكس وملون وبسمك 6ملم . يتم توريد جميع الخردوات اللازمة من نوعية إيطالية الصنع مع اعتماد العينه من المهندس الإستشاري قبل التوريد . يجب تقديم عينه لقطاع كامل لاعتمادها من المهندس الإستشاري قبل التوريد . تاسعاً : الأعمال الصحية : جميع الأدوات الصحية وملحقاتها والأجهزة المختلفة والمواسير على اختلاف أنواعها يجب أن تكون صناعة إنجليزي وطبقا للمواصفات القياسية الإنجليزية ويجب اعتمادها من المكتب الإستشاري . للمهندس الإستشاري أو مندوبه الحق في طلب فك وإزالة جزء من الأعمال يكون قد تم تركيبها بدون اعتمادها . على أن يكون ذلك على حساب المقاول . يجب تنفيذ الأعمال طبقا للرسومات الصحية ويشمل ذلك عمل طبقة خرسانة خفيفة أسفل الأجهزة بالارتفاعات الموضحة بالرسومات وطبقا لتعليمات المهندس الإستشاري . عاشراً : خزائن المطابخ وتشمل الآتي : التوريد والتركيب على المقاول حسب ما هو موضح في المواصفات الخاصة . مروحة شفاط كهربائية : تركيب مروحة شفاط كهربائية معدنية للمطبخ ( 10 بوصة ) وللحمامات 8 بوصة حسب الوارد بالمواصفات الخاصة و ان تكون مطابقة لمواصفات الدفاع المدني. حادي عشر : أعمال الصرف : تكون مواسير الصرف ( P . V. C) سمك 1/4 حسب الأقطار الموضحة بالخرائط لاعمدة الصرف الخاصة بالحمامات والمطبخ وصرف المطر. وتركب رأسيا على الحوائط داخل دكتات. أما المواسير التي تمدد تحت الأرض تركب فوق فرشة من الرمل ويدفن عليها باستخدام رمل ناعم والمواسير الرأسية يركب في نهايتها من اعلي هواية. توصيل أعمدة الصرف الخاصة بالحمامات إلى التفتيش بالأبعاد الموضوعة بالرسومات ويجب أن تكون جميع لحامات المواسيـر ( P .V .C)) الرأسيـة و الأفقية بمادة لاصقة مانعة للتسرب شاملا كل ( FITTING ) على أن تكون FITTING صناعة إنجليزية ماركة ترين أو هيبورث . الخطوط التي بين المانهولات تكون من مواسير ( P .V .C) HEAVY DUTY بقطر حسب الوارد بالرسومات صناعة البحرين ويجب أن يكون مقاس غرفة التفتيش حسب الرسومات ويكون الغطاء من الحديد الزهر الثقيل HEAVY DUTY بأماكن مرور السيارات ومن النوع المتوسط التحمل بباقي الأماكن. يعمل بالأسطح ميازيب لصرف مياه الأمطار بالعدد الموضح بالرسومات وتتصل هذه الميازيب بأعمدة رأسية من مواسير (P . V. C ) 4 بوصة على أن تكون هذه الميازيب من البلاستيك صناعة بحريني أو ما يماثلها ذو غطاء من البلاستيك يسمح بمرور المياه ويمكن فك وتركيب هذا الغطاء في أوقات الصيانـة. على أن يتم التركيب وفقا لإرشادات التركيب من الجهة المصنعة . ثاني عشر : أعمال التغذية بالمياه : على المقاول توريد وتركيب خزانات المياه العلوية من روتمولد بالسعة الكافية الموضوعـة بالرسومات ويجب اعتماد مقاساتها من المهندس الإستشاري قبل التنفيذ وتوريد وتركيب مضخات المياه الاتوماتيكية لرفع الميـاه مـن الخزانـات الأرضية إلى الخزانـات العلويـة وعمل جميع التوصيلات الكهربائيـة اللازمـة لهـا . على المقاول توريد وعمل شبكة المياه اللازمة للتغذية من مواسير ثيرمو بايب صناعة إيطالية - ألمانية بالأقطار المناسبة حسب الرسومات على أن تعزل حسب أصول الصنعة . على المقاول توريد وتركيب المحابس حسب المواصفات البريطانية وذلك في الأماكن المناسبة والتي تحدد بمعرفة المهندس الإستشاري . يتم اختبار جميع مواسير التغذية تحت ضغط ( 10 BAR ) للتأكد من سلامة اللحامات . يركب محبس عوامة على كل خزان حسب المواصفات البريطانية وكذلك محبس عدم رجوع. ثالث عشر : أعمال سخانات المياه : يقوم المقاول بتركيب سخانات المياه والتوريد حسب الوارد بالموصفات الخاصة . رابع عشر : أعمال المانهولات : يتم بناء المانهولات على فرشه من الخرسانة العادية بسمك 20 سم . يعزل الطابوق من الخارج بالبيتومين ويلف بالبوليثين 400 ميكرون . يعمل بلاستر من أسمنت مقاوم للأملاح للسطح الداخلي . خامس عشر : الأعمال الكهربائية : تنفـذ الأعمال الكهربائيـة طبقـا للرسومـات الكهربية شامـلا أعمال الاختبار وتوصيـل التيـار . تشمل أعمال الكهرباء توريد وتركيب الأدوات وطبقا للمواصفات الإنجليزية والشروط الفنية لإدارة الكهرباء والماء بدولة قطر . تعتمد جميع عينات المهمات والمواد الكهربية من المكتب الإستشاري قبل التوريد. جميع أعمال التليفونات تتم حسب الشروط والمواصفات الفنية لكيوتل بدولة قطر جميع الأسلاك والكابلات الكهربائية تكون صناعة إنجليزية ماركة دلتا . جميع اللوحات والسيركت بريكر تكون مواصفات إنجليزية ( حسب المواصفات الخاصة) . جميع المواسير تكون صناعة الإمارات ماركة ديكودكت . جميع السويتشات تكون صناعة إنجليزية ( وحسب المواصفات الخاصة ) . يقوم المقاول بعمل التمديدات اللازمة لاعمـال الايريال المركـزي والانتركم والأجراس والتركيـب حسـب الرسومـات والمواصفات الخاصة . ملاحظة : جميع أعمال الكهرباء المذكورة أعلاه يجب أن تنفذ من خلال مقاول معتمد من إدارة الكهرباء بدولة قطر ، ويتم أخذ موافقة المكتب الإستشاري عليه

القعد والمهندس الاستشاري ضمان لجودة العمل وحفظ

حقوق جميع الاطراف

Quote: لحفظ حقوق الجميع المالك والمقاول هذه عينة عقد مقاولة في دولة قطر يا ريت لو يطبق مثله في السودان عـقـد مـقـاولـة أنه في يوم الاربعاء الموافق ‏ 23 يوليو 2008 ميلادية تم الاتفاق بالتراضي بين كل من :- السيد / ......................................... ( طرف أول ) تليفون : السادة / ....................................... ( طرف ثان) تليفون : فاكس رقم : وقد تم الاتفاق على التالي : أولاً : تنفيذ مكونات المشروع : يتعهد الطرف الثاني بصفتــه مقـاولاً بتنفيذ مشـروع ............... ملك الطرف الأول والكائنة بمنطقة ........... . وذلك طبقا للرسومات ودفتر الشروط والمواصفات العامة والخاصة المعدة بواسطة مكتب السد للاستشارات ومواصفات دولة قطر المرفقة والتي تعتبر جزءا لا يتجزأ من العقد . كما أن المواصفات الخاصة للمشروع مطابقة لمواصفات الفيلا القائمة ، وعلى الإستشاري إختيار الأصلح والأحسن للمالك في حالة حدوث أي إختلاف أو تعديل . ثانياً : قيمة المقاولة : يدفع الطرف الأول للطرف الثاني مبلغ وقدره ....000,... ( ........................ ريال قطري فقط ) وذلك مقابل التزام الطرف الثاني ببنود هذا العقد . ثالثاً : عقد المقاولة يشمل الأتي : حسب المواصفات المعتمدة في كراسة المواصفات المقدمة من مكتب الأقصى للاستشارات الهندسية :  حديد تسليح عادي اسود .  الطابوق الخارجي أسمني ( أسود).  أعمال تركيب فريمات الأبواب من نوع مرنتي.  أعمال الكهرباء بالكامل ما عدا المعلقات وحسب اختيار المالك.  أعمال نظام العازل بالكامل للمشروع. ثالثاً : مدة التنفيذ : يتعهد الطرف الثاني بالانتهاء من العمل والتسليم الابتدائي وذلك بالانتهاء من جميع الأعمال المتفق عليها حسب الخرائط والمواصفات وتنظيف الموقع والمشروع من الداخل والـخارج وإحضار شهادة إتمام البناء والبدء في إجراءات إستخراج كرت الكهرباء في مدة زمنية قدرهاأثنا عشر شهراً وتبدأ بعد تاريخ استلام الدفعة المقدمة والرسومات المعتمدة ورخصة البناء بأسبوعين ، وكذلك الموقع جاهز للعمل إيهم لاحق . رابعاً : غرامة التأخير : في حالة تأخر الطرف الثاني عن إتمام المشروع خلال مدة التنفيذ فعليه أن يدفع غرامه مالية على النحو التالي : 1. (1000 .رق _ الف ريال قطري) عن كل يوم أو جزء من تأخير للطرف الأول . 2. ( ........ ريال ) شهرياً للمكتب الإستشاري المشرف على المشروع مقابل زيادة مدة الإشراف . خامساً : الأشراف على التنفيذ : 1. على الطرف الثاني خلال أسبوعين من توقيع العقد تقديم جدول زمني لسير الأعمال ومراحل تقدمها حسب خطة التنفيذ خلال المدة الزمنية . 2. يتسلم الطرف الثاني دفتر مرقم من أصل وصورة يوقع على استلامه ويتم تسجيل محاضر زيارة المهندس المشرف فيه وكذلك أي تعليمات تصدر منه للمقاول ، والمقاول مسئول عن الحفاظ عليه بالموقع وعلى جميع أوراقه سليمة. 3. على الطرف الثاني أن يعين مسئول للتنفيذ (فورمن) مقيم إقامة كاملة في الموقع طوال فترة العمل والتي لا تقل عن 8 ساعات يومياً بحيث تكون له خبرة في تنفيذ المشاريع المماثلة لذلك المشروع وللمهندس الإستشاري أو المالك الحق في تغييره في حالة ثبوت عدم كفاءته . 4. على الطرف الثاني مراجعة المكتب الإستشاري المشرف على المشروع وذلك لاستلام المناسيب والأبعاد والتأكد من سلامة العمل وكذلك قبل البدء في صب الخرسانات ولا يسمح بالصب إلا بعد أخذ موافقة كتابية من المهندس المشرف وعليه إرسال جميع نتائج اختبارات الخرسانة للمهندس المشرف وعليه أخذ موافقة كتابيه في اعتماد عينات جميع المواد المستخدمة في البناء قبل توريدها وذلك لا يخلي مسئولية المقاول الكاملة عن جميع الأعمال . وللاستشاري الحق في رفض أي مواد يتم توريدها في الموقع من غير موافقة كتابية ومسبقة كما يجب على المقاول إخطار المكتب الإستشاري كتابياً قبل 48 ساعة من إستلام الأعمال . 5. الطرف الثاني مسئول عن مراجعة كافة خرائط المشروع والتأكد من سلامتها ومطابقتها مع بعضها وفي حالة وجود أي خلاف بين الخرائط والمواصفات فعلى الطرف الثاني إتباع الأفضل الذي يقرر بواسطة المكتب الإستشاري . في حالة وجود أي خلافات أو عيوب في التنفيذ يري المهندس الإستشاري عدم إزالتها فإن له الحق في خصم مبالغ نظير هذه العيوب . يلتزم الطرف الثاني بتوفير متطلبات الإشراف في الموقع وتكون خاصة باستخدام المهندس المشرف وذلك خلال 7 أيام من بدء العمل بالموقع وهي كما يلي :- أ‌ ) غرفة مكتب مسقوفة ومكيفة مقاس 3x3 متر بها باب وشباك . ب‌ ) مكتب ذو أدراج وعدد 2 كراسي . ت‌ ) ملفات لحفظ الأوراق والرسومات . على المقاول عمل الرسومات التفصيلية الخاصة بعملية البناء وعمل جدول زمني خلال 14 يوماً من تأريخ استلام الدفعة المقدمة . تصرف الدفعات مقابل شهادة من المكتب الإستشاري تفيد بأن المقاول قد أتم العمل بالمرحلة المذكورة وفقاً للرسومات والمواصفات وصلاحية المواد المستعملة . سادساً : التغير في حجم العمل : يسمح بزيادة أو نقصان في حجم الأعمال ونوعيتها أثناء سير العمل في حدود 25% من حجم المشروع دون زيادة أو نقصان في مدة التنفيذ وعلى المقاول عمل كشوف بقيمة الأعمال وذلك بحساب كمياتها لاعتمادها من المهندس الإستشاري ثم أخذ الموافقة على قيمتها من المالك ليتم المحاسبة حسب الاتفاق . سابعاً : العجز عن الالتزام ببنود العقد : في حالة عجز الطرف الثاني عن القيام بالتزاماته وبإنهاء الأعمال بطريقة صحيحة وفي موعدها المحدد فإنها تستكمل على حسابه عن طريق مقاول آخر وذلك بطرح ما تبقي من أعمال في مناقصة واختيار الأفضل وأنسب الأسعار دون الاحتفاظ للطرف الثاني بأي حق مع مصادرة شيك الضمان أو خطاب الضمان لحين تسوية كل حقوق الطرف الأول . وذلك ما لم يكن الطرف الأول مسؤولاً عن هذا العجز أو التأخير. وهذا الشرط غير خاضع للرقابة القضائية . ثامناً : التسليم النهائي للمشروع ودفعة الضمان : يقوم الطرف الثاني بتسليم جميع الأعمال موضوع العقد إلى الطرف الأول نهائياً بعـد 7 أيام من تأريخ التسليم الابتدائي وذلك بإصلاح أي عيوب أو أخطاء تظهر خلال هذه الفترة . وعلى الطرف الثاني القيام بأعمال الصيانة طيلة هذه الفترة متى ما طلب منه وذلك خلال 48 ساعة من إخطاره وأن لم يستجب لذلك فعلى الطرف الأول أن يسند تلك الأعمال لمقاول آخر وتخصم التكاليف من شيك الضمان دون الرجوع للطرف الثاني . تاسعاً : نظام الدفعات : • دفعة مقدمة ................................ • يتم سداد باقي الدفعات بمستخلصات شهرية حسب جدول الكميات والاسعار المرفق بالعقد. عاشراً : ضمان حسن الأداء : عند استلام الطرف الثاني الدفعة المقدمة من الطرف الأول فعليه إحضار خطاب ضمان يسلم للمالك من بنك أو شيك مصرفي بقيمة الدفعة المقدمة للمدة المتفق عليها في العقد ولا يحتوي على شروط تمنع صرف قيمة خطاب الضمان في حالة عدم إلتزام المقاول بما جاء بفقرات العقد تبدأ من تاريخ صرف الدفعة المقدمة وبنفس قيمة الدفعة المقدمة لضمان سلامة وحسن أداء العمل. وفي حالة عجز الطرف الثاني عن إحضار خطاب الضمان البنكي خلال إسبوع من تاريخ توقيع العقد يعتبر العقد مفسوخ تلقائياً من غير الرجوع للطرف الثاني في ذلك. حادي عشر : التحكيم في الخلاف : في حالة وجود أي خلاف بين الطرفين في تطبيق بنود هذا العقد يصير تحكيم طرف ثالث يرتضيه الطرفين وفي حالة عدم الاتفاق على الطرف الثالث تكون محاكم دولة قطر هي المختصة بالنظر في هذا الخلاف . ثاني عشر : أتفق الطرفان على أنه للطرف الأول ممثلا بالإستشاري الحق في سحب العمل من المقاول ومصادرة الكفالات البنكية والحجز على المواد الموجودة بالموقع الخاصة بالبناء وإيقاف مستحقات المقاول لحين إجراء تسوية حسابية لمستحقات الطرفين وهذا البند غير خاضع للرقابة القضائية وذلك في الأحوال التالية : 1. إذا تأخر المقاول في البدء في العمل أو أظهر بطئا في سيره لدرجة يري معها الإستشاري المشرف انه لا يمكن إنجاز العمل في الموعد المحدد ، وذلك ما لم يكن الطرف الأول مسؤولاً عن ذلك . 2. إذا ظل المقاول موقفا للعمل أو تاركا له مدة خمسة عشر يوماً متتالية من تأريخ إخطاره الإداري المرسل له مسبقا من الإستشاري عدا الظروف الطارئة كالحروب والأزمات . 3. في حال حل الشركة أو تصفيتها . 4. في حال عدم التزام المقاول بتعليمات الإستشاري أو ممثليه في الموقع وتكرار مخالفته للتعليمات وبعد إنذاره كتابياً بذلك . 5. إذا أخل بأي شرط من شروط العقد أو أهمل ولم يقم بإصلاح أثر ذلك الإهمال خلال خمسة عشر يوماً من إنذاره كتابياً بذلك . 6. إذا تكررت مخالفته لنصوص العقد أو المواصفات أو الشروط العامة أو الرسومات أو تعليمات الإستشاري . 7. في حالة غش صاحب العمل بإقرار المكتب الإستشاري المشرف سواء حدث ذلك من المقاول نفسه أو ممثليه أو عماله سواء كان الغش في مواد العمل أو في أصول الصنعة . ويكون سحب العمل بموجب خطاب موصى عليه ومسجل يرسل للمقاول علي العنوان المذكور أعلاه دون الحاجة إلى إنذار رسمي أو أي إجراءات ، على أن يتم سحب العمل بتحرير محضر جرد بالأعمال التي تمت والمواد التي استحضرها الطرف الثاني لموقع العمل بحضور المالك والإستشاري. ويتم الجرد خلال خمسة عشر يوما على الأكثر من تأريخ إخطار الطرف الثاني بالسحب وذلك بمعرفة مندوب الطرف الأول والطرف الثاني أو مندوبه بعد إخطاره بكتاب بموعد الجرد ، ويوقع على محضر الجرد كل من الطرفين أو من يمثلهم ، ويقوم الطرف الأول مع الإستشاري بإجراء تسوية حسابية لمستحقات الطرف الثاني وتؤدي إليه بعد استيفاء جميع حقوق الطرف الأول ، وهذا البند غير خاضع للرقابة القضائية.. ثالث عشر : على المقاول إحضار منسوب الطريق العام من مصلحة الطرق بطريقة رسمية وأن بخطر الإستشاري بذلك . رابع عشر : يتحمل الطرف الثاني كامل المسئولية تجاه العمل المنفذ وذلك طيلة عمر البناء وأن يكون مسئولا عن الأعمال المنفذة حتى بعد استلامها بواسطة المهندس المشرف . خامس عشر : على المقاول الالتزام بتوفير العمالة والمواد والمعدات المطلوبة طيلة فترة التنفيذ وأن لا يتوقف العمل داخل الموقع . سادس عشر : على الطرف الثاني أخذ موافقة كتابية مسبقة من الإستشاري لتنفيذ الأعمال . سابع عشر : أقر الطرف الثاني بأنه قد أطلع على الخرائط والمواصفات وعاين موقع العمل المذكورة أعلاه . ثامن عشر : عند الاستلام الابتدائي للمشروع على الطرف الثاني إحضار ضمان بنكي بقيمة 5 % لفترة ( 400 ) يوم من تأريخ الاستلام الابتدائي وألا تصرف الدفعة الأخيرة إلا بعد إحضار شيك الضمان . تاسع عشر :

عزيزي مطر

نرجو ان نكون ساهمنا في هذا البوست

نسال الله التوفيق للجميع

Quote: الواحد عايز يمشي يبني والله بس الكلام ده بيخوف . يا ريت لو وريتونا اسعار المواد حاليا بي كم .. وهل الافضل شراء المواد في الصيف ام الشتاء .. وهل يشترط انو الخارطة تكون متوافق عليها في السودان ..

الاخ هشام

تحياتى


يا زول ما تخاف وتوكل على الله وانشاء الله مسهله

اهم شى تقيف على البنيات لو امكن وتستفيد من ما تطرقنا له والاخوه والبيسأل ما بتوه

على ما اعتقد لو عندك خرطه من الخارج تحتاج لتصديق لا غير وما صعب.....

اسعار المواد كما تركتها كالاتى

طن الاسمنت 500000 الف سودانى بالقديم

طن الحديد 2700000 جنيه

لورى الخرصانه 18 متر 600000 الف

لورى الطوب 350000 الف

لورى الرمله 18 متر 430000 الف

دى الاسعار الاشتريت بيها

تمنياتى لك بالتوفيق ...اما بخصوص المواد ودى مرحلة التشطيب تريس فيها وشوف الاجود ...


مودتى.

Quote: عزيزي مطر نرجو ان نكون ساهمنا في هذا البوست نسال الله التوفيق للجميع

خليل

تحياتى

والله ما قصرت تب يا ابو خالد وبارك الله فيك ونشكر لك مساهمتك القيمه

اكتر حاجه عجبتنى فى العقد قصة البند الجزائى دا لو طبقوا فى السودان مشكله

لانو مافى زول بيلتزم هناك الا ما رحم ربى.....لينا الله بس ....



مودتى.

يازول المقاولون والبنايين في السودان كلهم ما بيخافوا الله وكلهم بيفتشوا لربحية اكثر
واسوأ شخص تمسكوا بنيانك هو ان يكون قريبك ... اهم حاجة تحفظ قريشاتك في جيبك
ولامن تنزل براك في الاجازة قزقز في بيتك لامن اجازتك تنتهي وين ما وقف بنيانك اليقيف
خليهو لامن تنزل الاجازة الجاية لكن تقول اديت مقاول واللا اديت قريبي فتستاهل يأكلوك
أخخخخخخخخخخخخخخخخخخ ياأنا زول عاض اصبعوا شديد ...

كان الله فى عونكم

الاخ على محمد خير برضو فتح بوست بهذا الموضوع

تحياتى يا صدقى

بوست موفق جدا يا صدقي


وإتضح لي إنو الحديث عن الذمة والامانة في هذا الموضوع يعتبر تضييع وقت, لانو الناس الشغالين في المجال دا الامور دي اتعدوها من زمن طويل, وممكن يضحكوا عليك كتير اذا طالبت زول بإنو يكون عندو ضمير....يبقي أنسوا المصطلحات دي وحاولوا تطلعوا بأقل الاضرار

فكرنا نبني وقالوا لينا اصبروا شوية لأنهم حيفتتحواخمسة مصانع اسمنت جديدة وأسعارو حترقد واطة ...!
الكلام ده صح يا أخوانا ؟؟؟؟

Quote: يازول المقاولون والبنايين في السودان كلهم ما بيخافوا الله وكلهم بيفتشوا لربحية اكثر واسوأ شخص تمسكوا بنيانك هو ان يكون قريبك ... اهم حاجة تحفظ قريشاتك في جيبك ولامن تنزل براك في الاجازة قزقز في بيتك لامن اجازتك تنتهي وين ما وقف بنيانك اليقيف خليهو لامن تنزل الاجازة الجاية لكن تقول اديت مقاول واللا اديت قريبي فتستاهل يأكلوك أخخخخخخخخخخخخخخخخخخ ياأنا زول عاض اصبعوا شديد ...

اخى وليد

تحياتى

والله كلامك دا ياهو الصاح .... بس الواحد احتار وبرضو فى الحالتين ضاربنك

عموما دا هاجس مؤرق كل الاخوه وافتكر انك تقعد تراقب براك دا الافضل والخساره اقل بالتأكيد



مودتى.

حاجة تحير يا صدقي.
خلااااااص نسكن في راكوبة مجيّهة كده

أهو جو البلد زاتووووو ما بارد
الراكوبة بتفنع.

Quote: كان الله فى عونكم الاخ على محمد خير برضو فتح بوست بهذا الموضوع تحياتى يا صدقى

المبدع ابراهيم

تحياتى

كيف اخبارك ....طبعا اخونا المرهف كاريبو زاق من كأس معاناة البناء قبل شهور.. لو شفتو الا تكتب فيهو قصيده

اخونا على فعلا عمل بوست فى المهنيين ونتمنى ان يثرى لنا البوست بحكاويهم لتعم الفائده



مودتى
.

Quote: وإتضح لي إنو الحديث عن الذمة والامانة في هذا الموضوع يعتبر تضييع وقت, لانو الناس الشغالين في المجال دا الامور دي اتعدوها من زمن طويل, وممكن يضحكوا عليك كتير اذا طالبت زول بإنو يكون عندو ضمير....يبقي أنسوا المصطلحات دي وحاولوا تطلعوا بأقل الاضرار

ياسر يا حبيب

سلامى

المشكله هم عارفين انو بيستهبلو فيك ومقتنعين بى كده

بس والله اولاد الحلال فى..غيتو البس ليك شورت وعوم عديل عشان ما يقولو ليك اتبلبت وعوم ..تعال ليهم جاهز...



مودتى.

Quote: فكرنا نبني وقالوا لينا اصبروا شوية لأنهم حيفتتحواخمسة مصانع اسمنت جديدة وأسعارو حترقد واطة ...! الكلام ده صح يا أخوانا ؟؟؟؟

عثمان

سلامى... يا زول اتوكل وشوف جوه الجره فى شنو امكن تطلع ليك بى طابق من غير خسائر

احسن تخت قروشك فى الواطه ولو الاسعار رخصت برضك كسبان


اتوكل والله معاك



مودتى
.

Quote: حاجة تحير يا صدقي. خلااااااص نسكن في راكوبة مجيّهة كده أهو جو البلد زاتووووو ما بارد الراكوبة بتفنع.

احمد

سلامى...ناس الرواكيب راقدين وعندهم قنا وسعف مستورد وبرضو ح يدقسوك ..

غيتو ضحكتنى واتوكل ابنى يا زول... بس خلى بالك اطلع منهم باقل استنكاح ممكن ...

تمنياتى لك بالتوفيق


مودتى
.

خارج النص
عندنا واحد اخونا نزل اجازه يشترى ارض

المهم باعوا ليه شرق بحر ابيض وكان فى الصيف جنب البحر

نزل فى الخريف يبنى وساق السمسار الباع ليهو يوريهو قطعته والبحر قايم طبعا

صاحبنا السمسار شال حصحاصه وجدعها فى البحر قال ليهو بس محل وقعت الحصحاصه دى واطاتك

عمك عرف مقلبوه ..بى مغصه قال للسمسار وهو قريبه طيب لو عزمتك غداء تجينى بى رفاس يعنى

الله يعوضه بس .

Quote: غيتو البس ليك شورت وعوم عديل عشان ما يقولو ليك اتبلبت وعوم .

(-:

الحبيب ياسر

طبعا دى لغة السوق هناك لما تتورط يقولو ليك اتبلبلت وعوم

..لك العتبى حتى ترضى... قصدت امزح معاك وبجد البناء زى العوم فى بحر يا غرقت يا جيت حازما


مودتى.

اسعار السراميك ارتفعت بصوره مزهله

سراميك مقاسات متوسطه فرز تانى اقل شئ 17000 الف للمتر

البورسلين فى حدود 41000 الف للمتر

الابواب الصينيه بتلقاها بى 500000 الف وكانت بى 400

الشبابيك المونيوم بى 350000 الف للمتر

المطابخ المونيوم بى 700000 الف المتر الطولى

البوماستك الجردل بى 37000 الف

البوهيه العلبه الصفيره بى 10000 الف

بعض الشركات بتبيع بوماستك بى 80000 الف للجردل حسب الجوده

وفى واحدين طلاء الخارج بيحصل 160000 الف للجردل

أخونا و حبيبنا: صدقى

سلامات، و كل لحظة انتم و الأهل بألف خير

أول حاجة حمده لله ألف على السلامة،

طبعا تجربة البناء فى السودان ما في شك إنها تجربة خطيرة جد، لكن في الم التجربة لذة المعرفة، شايفك ما شاء الله بقيت خبير عديل كدا.

و كما تعلم كانت عندي تجربة مماثله، لكن ربنا كريم كنت موفق جدا في المهندسين و الذين كانوا في منتهى الصدق، و الأمانة و الدقة في العمل، و كلما احكي الكلام دا معظم الإخوة يستمعون و كأنما اسرد لهم حكاية لا وجود لها في ارض الواقع.

دخلنا البوست عشان نسلم

عبدالرحيم منصور
نيويورك
[email protected]


*
**

center>



قبل اقل من سنه عملت اللون الفى الصوره تحت بعد الشمس ضربتوا بقى بمبى

الا الحته دى كان فيها عفش والشمس ما ضربتو

المهم مشيت عملت شمطه فى الشركه وهى ليها اسمها

اخيرا قرروا يعوضونى البوماستك وقالو كان فى خطأ فى مواد تركيبة اللون بس برضو ح اخسر حق عمال الطلاء

ويقولو ليك دى انواع جيده وتتحمل اجواء السودان

اهم شئ تشترى ويكون عندك ضمان لمدة صلاحية البوهيه

دا لو اشتريت من شركه معروفه



نواصل .

Quote: أخونا و حبيبنا: صدقى سلامات، و كل لحظة انتم و الأهل بألف خير أول حاجة حمده لله ألف على السلامة، طبعا تجربة البناء فى السودان ما في شك إنها تجربة خطيرة جد، لكن في الم التجربة لذة المعرفة، شايفك ما شاء الله بقيت خبير عديل كدا. و كما تعلم كانت عندي تجربة مماثله، لكن ربنا كريم كنت موفق جدا في المهندسين و الذين كانوا في منتهى الصدق، و الأمانة و الدقة في العمل، و كلما احكي الكلام دا معظم الإخوة يستمعون و كأنما اسرد لهم حكاية لا وجود لها في ارض الواقع. دخلنا البوست عشان نسلم

العزيز عبدالرحيم

مشتاقين والله....كيفك والاسره الكريمه

صدقت هنالك مهندسين يخجلوك بتعاملهم وامانتهم...الدنيا بخيرها

المشكله فى البعمل ليك فيها سيدها

تقول ليهو داير سباك يقول ليك انا ..كهربائى برضو انا .. ياخى حيرونا


مودتى.

بعض الاحيان عمل اليوميه مضر والافضل الاتفاق بالمقاوله

لانو عامل اليوميه يتكاسل فى العمل لكسب اكبر قدر منة للايام والقروش

مثلا يبدأ الساعه 8 ومحتاج يغير هدوما وبعدها يوقف تسعه ونص للفطور ويجيك بعد عشره مرات 11

الساعه تلاته قبلها بشويه يقول ليك يومى انتهى

عشان كده الاولو شرط اخروا نور



نواصل.

صدقي حمدالله سلامه وانشاءالله بنيانك يكون تم ؟؟؟!!!

غايتو ياصدقي امور البنيان والاراضي دي مشكله ما اظنها تتحل لي يوم الدين
سماسره في موضوع الاراضي وفوضي مبالغ فيها لدرجة الجنون ومسأله تطمم البطن
وموضوع البنيان ده كل الناس مكويه بناره من الفوضه والانتهازيه بتاعة عمال البناء !!!

بوست جميل
وكلنا انضربنا ضرب غرائب الإبل..

Quote: وموضوع البنيان ده كل الناس مكويه بناره من الفوضه والانتهازيه بتاعة عمال البناء !!]

ولا تنسى يا حبيب انتهازية الحكومة في الضرائب والرسوم والجمارك التي جعلت اسعار المواد نار متقدة إلا لأصحاب الاعفاءات الاستثناءات وناهبي مال الشعب..
بلد جل منازلها آيل للسقوط وسئ المواصفات أو مبني من مواد غير جيدة بسبب غلاء اسعار الموادالذي تتسبب فيه الحكومة بعدم منطقية تحديدها للرسوم والجمارك..
كسرة: صديقي المهندس بيكو قام المقاول الذي يعمل لديه برفده وفي لقاء ودي لي مع المقاول سألته عن سبب التفنيش فقال لي جبناه مهندس اشتغل علينا استشاري وعايز يفلس بينا بتطبيقه للمواصفات وجداول الكميات كما درسها بالكلية.. فقلت له ولكنه شاطر وامين في عمله .. فقال لي : الأمانة ليست من ضمن شروط مهنتنا والذي ينفع معنا هو صديقكم الآخر فلان (وحددة بالاسم) ..
كسرة تانية: صديقي بيكو اقتنع أنه لن ينفع مع المقاولين فاشتغل معلم زهاء 8 سنوات وهو الآن ومنذ عدة سنوات مهندس كبير ومعتمد في منشآت البترول ومحل ثقة بشركة خليجية كبيرة، فله التحية..
احتراماتي..

الاخ صاحب البوست الكريم بعد اذنك ولاهمية البوست سأقوم بنقل رابط البوست لمنتدانا الباوقة جنة الشمال
لتعم الفائدة الجميع ولما يحتويه البوست من تجارب حية حتى يستفيد الجميع ولكم شكري جميعاً
http://www.albawga.com/forums/

Quote: صدقي حمدالله سلامه وانشاءالله بنيانك يكون تم ؟؟؟!!! غايتو ياصدقي امور البنيان والاراضي دي مشكله ما اظنها تتحل لي يوم الدين سماسره في موضوع الاراضي وفوضي مبالغ فيها لدرجة الجنون ومسأله تطمم البطن وموضوع البنيان ده كل الناس مكويه بناره من الفوضه والانتهازيه بتاعة عمال البناء !!!

العزيز حمزه

تحياتى وشوق

غيتو الداير يبنى يا حمزه يبقى مفتح ويحرس بنيانه براه

مشكلة فوضى عمال البناء اتلمت عليها انتهازيت الباقيين ..كارثه

تعرف يا حمزه لما تضغطهم يجروا واطى لانو عارفين نفسهم مستهبلين



مودتى .

Quote: كسرة: صديقي المهندس بيكو قام المقاول الذي يعمل لديه برفده وفي لقاء ودي لي مع المقاول سألته عن سبب التفنيش فقال لي جبناه مهندس اشتغل علينا استشاري وعايز يفلس بينا بتطبيقه للمواصفات وجداول الكميات كما درسها بالكلية.. فقلت له ولكنه شاطر وامين في عمله .. فقال لي : الأمانة ليست من ضمن شروط مهنتنا والذي ينفع معنا هو صديقكم الآخر فلان (وحددة بالاسم) ..

الاخ عثمان

تحياتى

زى المهندس دا بيعانى كتير مع الانتهازيين ديل ...ونقول انو الدنيا بخيرهاوفيها كتير زى بيكو

تعرف انتباه الجميع للمشكله وحرصهم ومتابعتهم بصرامه للجميع اكيد نصل للافضل فى حل مشكلة البناء


مودتى.

Quote: الاخ صاحب البوست الكريم بعد اذنك ولاهمية البوست سأقوم بنقل رابط البوست لمنتدانا الباوقة جنة الشمال لتعم الفائدة الجميع ولما يحتويه البوست من تجارب حية حتى يستفيد الجميع ولكم شكري جميعاً

الاخ وليد

سلامى

تمنياتى ان يستفاد به اخوتنا بمنبر الباوقه... ولو كان عندهم ما يفيد الجميع نتمنى ان تنقله للجميع


مودتى.

بعد مشكلة المنهولات وصونى عبر معارفى بمعلم ممتاز حسب كلامهم

المهم جانى وقال انو ح يعمل وينظف ويسلمنى العمل جاهز

جينا للسعر تخيلو قال بى مليون ونص

المهم تركته وقلت ليهو بتصل بيك وطبعا الدهشه تمتلكنى وراسى ضرب

ضرب لى تلفون يسال قلت ليهو جانى احد تانى وقال بى 250 الف قلت اشوف اخره واصلو لا جانى زول ولا حاجه

بالله العظيم من غير خجله قال خلاص بيعملهم لى بى 350 الف

يعنى كان داير يلهف مليون جنيه ...مبالغه

الله يكون فى عون الجميع ...


نواصل.

كان محتاج لونش ينقل بعض الاشياء المهم طلبت معارفى واصدقاء يساعدونى

اقل واحد جاب لى 450 الف عشان الونش يجى

احترت وكان عندى بتاع البلاط شغال ومحتاج يكمل شغله وطالبنى انو الونش يجى

قلت ليه انا مشغول وواحد وعدنى يجيب ونش بى 100 الف وما جى....

عشان شغلك ما يتعطل امشى شوف ونش بس بى نفس السعر

المهم اتصل بى وقال لقى ونش بس مصر بى 150 الف

اصحابى جو لقونى جبت الونش ولما قلت بى 150 الف حمرو لبتاع البلاط

غيتو ديل الا تعمل ليهم كده والا حقك راح




نواصل.

متور المويه خسر وجانى واحد قال ح يصلحوا المهم كسروا زياده وشغلى وقف

محل ما امشى يطلبوا مبالغ خرافيه لتصليحه المهم بعد السؤال ربنا عترنى فى ود حلال فى السوق الشعبى بالخرطوم

بيقولو عليهو المغربى

والله العظيم قعدت جنبوا وفى نص ساعه صلحوا

تخيلو طلب كم...20 الف بس

عشان كده بنقول اولاد الحلال راقدين والسودان بخيره بس كيف تلم فيهم



نواصل.

سلام صديق ..

أدناه بوست مهم جدا كتبته حول هذا الموضوع وحول كسل السودانيين تحديدا وبه بعض النماذج والصور :

أرجو المراجعة :

المنافسة على سوق العمل في مجال البناء بين العمالة السو...ية ، من سيربح السوق؟

الاخ ناذر

تحياتى وسلامى

البوست جميل ويحكى عن الواقع ولك كل الشكر

استميحك عزرا لاقتباسى جزء من ما تحدثت عنه فى بوستك للفائده والتنبيه للاخوه

يستحق البوست قراءه من الاخوه للاستفاده

المنافسة على سوق العمل في مجال البناء بين العمالة السو...ية ، من سيربح السوق؟

بعض من ما تحدث عنه الاخ ناذر فى بوسته عن العماله بالسودان


زي ما قال عبد المحسن .. عندنا هنا نوعية من الصنايعية غير الفلسفة شي مضيعهم مافي ..!

وأديك مثال من الواقع المعاش ..!

في إحدى مواقع العمل إكتشفت أن عامل المحارة (المُبيض) قام ببياض السقف بطريقة عشوائية لدرجة أنه بيض الإسمنت وأغلق علب الكهرباء التي تخص تركيب لمبات السقف .. ، وكانت المشكلة أنه لا توجد خرطة توضح بالضبط أمكنة العلب ، فأستعنت بكهربائي سوداني بصورة مؤقتة لان الكهربائي الأساسي الذي يعمل عندي مشغول بموقع أخر ولن يحضر إلا بعد عدة أيام ، غفلت عن الكهربائي السوداني بعد أن أوضحت له المشكلة وطلبت منه البحث عن العلب المفقودة تحت الإسمنت ، غبت عنه لمدة خمسة ساعات ولما عدت فوجئت لما فعله ..!!

صاحبنا الكهربائي رغم أنه كبير في السن وصاحب خبرة كما يقول وجدته يحمل في يده شاكوشا وأجنة ..! وقد قام بتكسير بياض نصف سقف الغرفة ولا زال مواصلا في الكسر ورغم ذلك لم يجد العلب المخفية ..!! أصابني الغضب لفعلته وهجت ومجت فيه وهو مصر ان ذلك هو التصرف الوحيد الذي أمامه كي يجد العلب ، وصار يتفلسف لي بخبرته الطويلة وما أدراك ما الاعمال التي قام بها وأنا في شدة الغضب فإتصلت بالمصري وطلبت منه ترك ما في يده والحضور فورا وقد كان ..!!

المصري لدي دخوله للغرفة أصابه الذعر من منظرها المشوه وإستهجن أن يقوم السوداني بهذا التخريب ، فإستشاط السوداني غضبا وذكر أنها الطريقة الوحيدة ولا يوجد غيرها وبالغ في الرغي والفلسفة وسوق المبررات ..! المصري وبكل هدوء أحضر سلما وصعد للسقف على أقرب علبة مفتوحة في الهول المجاور واوصل خرطوشا للماء في إحدى المواسير وضخ المياه بإتجاه العلب المفقودة .. وبعد إنتظار حوالي خمسة دقائق ظهر بلل في السقف في بقع بعينها فاوقفنا ضخ المياه وصعد المصري للسقف وبواسطة شاكوش صغير وبكل سهولة ضرب على مناطق البلل فتكسرت وظهر تحتها العلب المفقودة جميعها..! والمشكلة ان التكسير الأول الذي قام به الكهربائي السوداني كان بعيدا تمام عن مناطق العلب التي وجدها المصري بمعنى أنه لو واصل في تكسير السقف لهده فوق رؤوسنا دون ادنى شك ..!!،

!! كل ذلك والسوداني يتفلسف ويبرر فعلته وخيبته ،، وقد تسبب ذلك في منصرفات مادية إضافية لصيانة وبياض ما كسره ..!!


مودتى

.

اخونا صدقي شكرا جزيلا على هذه الصفحة الفيدة

Quote: اخونا صدقي شكرا جزيلا على هذه الصفحة الفيدة

الاخ حاتم

تحياتى

اتمنى ان ينتبه الجميع لخفايا عالم البناء بالسودان والمساعده لمصلحة الجميع



مودتى

.

زى ما قلنا السباكه اهم شئ

مثلا فى الصوره تلقى السباك عمل المنهول بالصوره دى بس بيكون هناك

فتحه بين الاسمنت وماسورة التصريف ودى بتعمل مشاكل وتسرب مويه

تعمل اضرار ما بتنتبه ليها الا بعد ان تسقى البيت وتؤثر فى البناء

من الافضل ان تكون ماسورة بلاستيك عليها فتحه من فوق للنظافه وكدا تتاكد

انو مافى تسريب للماء


نواصل .

الاخ ود الخليفه

لك التحايا







نواصل .

the most important Post
thanks Sigi

Quote: the most important Post thanks Sigi

تحياتى الاخ شوقى

اتمنى ان تعم الفائده للجميع



مودتى

الاخوه والاخوات غير الاعضاء بالمنبر

يمكنكم ارسال نصائحكم واراءكم عبر الايميل



[email protected]








نواصل
.

ضريبة الغربه وانت تشيد منزلك عن طريق اشخاص تتخيل انهم مخلصين فى عملهم

تكون دوما نتائجه مؤلمه وفى اغلب الحالات لا يمكن اصلاحها مثل هزا المنزل وتبقى متحسرا طول الزمن

دا منزل لاحد الاصدقاء المغتربين بالسعوديه ترك متابعته وبنائه لاحد المعارف وكانت المفاجاءه المؤلمه

كان يجب ان يكون البناء جهة الشرق لان هنالك ميدان او فسحه امامه

للاسف تم تنفيز البناء متجها الى الشمال على شارع 6 متر

وصاحبه يعانى حتى من ادخال سيارته للمنزل

وكالعاده اعتزروا له بانهم تخيلوا ان الجهه الشماليه ايضا ميدان فاضى وكان قبل بناء جاره من الجهه الشماليه

يعنى بالله غلبهم يشوفو خرطة الحى قبل البناء

غيتو الله يعينوا وقال كل مره يجى من السعوديه ويشوف البيت بيصاب باحباط والم وحسره





دى الصور










نواصل

.

كل عام وانتم بخير

اللهم نسالك ان تصلى على نور البشريه وهاديها الى الصراط المستقيم سيدنا محمد وعلى اله وصحبه اجمعين

بمناسبة المولد النبوى الشريف

نسأل الله ان يحقق امانى الجميع




نواصل.

التحايا للجميع

شكرا الاخ ناذر واكيد ح تساعدنا فى سرد بعض الاسعار لمواد البناء

كل المواد بقت غاليه والملاحظ فقط هبوط الاسعار فى الاسمنت

ح احاول ايراد الاسعار الحاليه ما استطعت

اهم شئ عدم العمل ببند اليوميه والافضل هو المقاوله لانو عادى

تشغل العمال باليوميه وتجى تلقاه نايم او يمشى الفطور ويقعد بالساعات



نواصل

نجى للاسعار الان بالسوق طن الاسمنت فى حدود 400000 الف بالقديم

طن الحديد 3700000 برضو بالقديم

)))))))))))))))))))))))))))))))))))))))))

عموما فى غلاء فى المواد عامه

بالنسبه للعمال بحاولو يرفعو اسعارهم فى المصنعيه

عادى جدا واحد يقول ليك متر البياض 5000 الف وواحد يقول ليك 3000 الف

البلاط المتر يتراوح بين 6000 الف الى 9000 الف مصنعيه



نواصل

الاخ صدقى سلام
الله يكون فى عونك و عون كل من يمر بالتجربة
تحياتى

Quote: الاخ صدقى سلام الله يكون فى عونك و عون كل من يمر بالتجربة تحياتى

تحياتى اخى كبار

شكرا لدعواتك .......... طبعا هناك الكثير لسرده بس نروق شويه من رحلة العوده ونبدأ


مودتى .