Post: #1
Title: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 09:40 PM
|
Post: #2
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 09:48 PM
Parent: #1
فترت من مغسة التصفح
|
Post: #3
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 09:55 PM
Parent: #2
بعد فطر الكبد ...فقع المرارة ؟؟؟؟
والله التصفح فقع مرارتى يا ملاسى الخمسة فى الاتنين
هردتنا كلانا واتت على ما بقى من حشانا
خلاص المروة كملت
القرف هين مرضننننا مرض ...
|
Post: #4
Title: Re: الان ....نفسى أرجع اقدر أكتب!!!!
Author: Ridhaa
Date: 09-09-2011, 09:55 PM
Parent: #2
بت المجمر ماتخلي الشيطان يلعب بي عقلك
أكتبي وأكتبي الكتابة فيها راحة للنفس .
كوني قوية كما عهدناك .....
هذه هي سنة الحياة وكلنا رايحين ...
تحياتي لك ولزوجك وبقية الأسرة الكريمة .
|
Post: #5
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 10:17 PM
Parent: #4
العزيز رضا سلامات و كل سنة وانت طيب
ونعم بالله
شكرا على التحايا
المغسة انك بتشوف وتسمع انو كل يوم عشرات فى عمر غادة واصغر
بيموتو و يتشردو كل يوم بلا ذنب جنوه
وتجى تتصفح هنا العجب
فتتسال الناس دى ما عندها عيال
والا الموت ده حق ناس تانين بس
ما ح يغشاهم!!!!
سبحانك ربى
كيف تضيع الارواح
ترا كل موت بسبب والله مسبب الاسباب
لكن زى ما قالت شيراز قبل كده اللهم لا تجعلنى سبب
لكن هنا تقرأ العجب
وتلقى ناس شغلتهم دق نحاس الموت
وهم بكامل وعيهم
اللهم لا تجعلنا سببا بأى شكل من الاشكال
اللهم لا تجعلنا ما حارقى بخور الموت
والشامتين على الجنائز المجندلة
غض النظر عن لونها او دينها او عمرها او جنسها
ذاد مرضنا يا رضا
عليمك الله انا بقرا لعدد من "العجوبات فى هذا المكان --رجالا ونساء"
واتمعن فى خلق الله الذى جعل لكل رجل وامرأة عقول يتفكرون بها
والله صحى الدين خشم بيوت
فسبحانك ربى
|
Post: #6
Title: Re: الان ....نفسى أرجع اقدر أكتب!!!!
Author: Safia Mohamed
Date: 09-09-2011, 10:21 PM
Parent: #4
هلا بسهام
منورة والله
والمنبر بجد يفتقدك
شايفة في غيابك المنبر بقت عليه
مقولة الحجاج بن اليوسف
"اني ارى رؤوسًا قد أينعت وحان قطافها وإني لصاحبها|
اها ورينا قطيفك سريع سريع
مشتاقييين والله
صفية
خارج النص:
جهزي المداحين/ات
قربنا
|
Post: #7
Title: Re: الان ....نفسى أرجع اقدر أكتب!!!!
Author: تبارك شيخ الدين جبريل
Date: 09-09-2011, 10:26 PM
Parent: #6
| Quote: الان ....نفسى أرجع اقدر أكتب!!!! |
هي بقولوها كدا؟ ولاّ
نفسي أقدر أرجع اكتب!!!!
(تعالي اكتبي زي ما تجي تجي ... ما حدش واخد منها حاقة)
... المهم ...
|
Post: #9
Title: Re: الان ....نفسى أرجع اقدر أكتب!!!!
Author: احمد التجانى احمد
Date: 09-09-2011, 10:33 PM
Parent: #7
سلام يا سهام
سلامتك من المغسة
كله محصل بعضه
|
Post: #10
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 10:49 PM
Parent: #9
Quote: هي بقولوها كدا؟ ولاّ
نفسي أقدر أرجع اكتب!!!! |
تبارك سلامات وكل سنة وانت طيب
انا كان عارفة الصاح ياتها فيهن اتنطر
ولدنا واخونا احمد التيجانى
المشكلة ما ياها دى زاتها وعلى كل المستويات
ووصلت كمان للموت الجماعى و التشريد وكما بى شماتتها !!!
|
Post: #8
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-09-2011, 10:30 PM
Parent: #6
سلامات يا صفية بركة بالشوفة وعقبال الجندرية
بنرا و نستبرأ ياختى من قطاف الرؤوس
انتى قايلة يمة القصة دى عندى الله هينها
كان رؤوس جد جد والا كان رمزلرؤوس الاقلام والا كيبوردات
كل زول امانة ما بلقى القدرو
ياخ قلت ليك الدين خشم بيوت والله
اسمعى كلامى ده سمح
|
Post: #11
Title: Re: الان ....نفسى أرجع اقدر أكتب!!!!
Author: تبارك شيخ الدين جبريل
Date: 09-09-2011, 11:16 PM
Parent: #8
| Quote: انا كان عارفة الصاح ياتها فيهن اتنطر |
انا زاتي لمن قريتا ... فيوزي ضربت وحوّصت ...
قلت دينااااك .... سهام المجمر داخلة بى نمرة عشرة ...
(البركة في العودة الحميدة المباركة ... وكل سنة وانتي طيبة)
... المهم ....
|
Post: #12
Title: Re: الان ....نفسى أرجع اقدر أكتب!!!!
Author: Deng
Date: 09-10-2011, 00:36 AM
Parent: #11
سهام مرحب بك في البورد مرة أخرى.
|
Post: #13
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 00:48 AM
Parent: #12
مرحب بيك يا دينق وسلامات ياخ
البورد انا ما فارقتو
انا فارقت كتابة البوستات يا اخوى
وما عارفة ارجع كيف مع مراعاة المحافظة على
احترام الكتابة وكظم الغيظ
|
Post: #14
Title: Re: الان ....نفسى أرجع اقدر أكتب!!!!
Author: صلاح غريبة
Date: 09-10-2011, 01:25 AM
Parent: #13
سهام
منتظرنك .... وكتاباتك الشيقة
وخليكي من حكاية المغصة دي
فالكتابة هنا في كل المنبر من والى ... كلها تجيب المغصة
والكحة
صلاح غريبة - قريبا بالخرطوم
|
Post: #15
Title: Re: الان ....نفسى أرجع اقدر أكتب!!!!
Author: عادل نجيلة
Date: 09-10-2011, 01:34 AM
Parent: #14
حبابك سهام وعودآ حميدآ .. لا مغسة لا إنفطار
|
Post: #46
Title: Re: الان ....نفسى أرجع اقدر أكتب!!!!
Author: رانيه محمد الشيخ
Date: 09-28-2011, 08:22 AM
Parent: #11
ضحكتينى يا تبارك
عديل بنمره عشره
:)))))))))))))))))
تحياتى لجميع ولسيده البوست
وبالنسبه لموضوع ما فاهما فيه ابو النوم لان لى فتره غايبه من المتابعه زاتو
|
Post: #16
Title: Re: الان ....نفسى أرجع اقدر أكتب!!!!
Author: M A Muhagir
Date: 09-10-2011, 08:42 AM
Parent: #1
مرحبا بك يا سهام
ولطالما فرحت بعودتك وعودة قلمك ليساهم مع اصحاب
الافكار النيرة فى هذا المنبر
تحياتى
مهاجر
|
Post: #17
Title: Re: الان ....نفسى أرجع اقدر أكتب!!!!
Author: محمد عبد الماجد الصايم
Date: 09-10-2011, 09:34 AM
Parent: #16
يا زولة تعالي راجعة .. إن شاء الله تبقي (تحللي) كورة!!
_
كل سنة وكلكم بألف خير
|
Post: #18
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 09:53 AM
Parent: #17
صلاح غريبة سلامات
او تنكر المغسة يا صلاح؟؟؟!!!!!
| Quote: صلاح غريبة - قريبا بالخرطوم |
الله يكتب السلامة ..اها نازل مع حبوبتك 
سلامات يا عادل وحباب طلتك هنا
| Quote: حبابك سهام وعودآ حميدآ .. لا مغسة لا إنفطار |
الانفطار اكبر مننا كلنا .
يموج داخل اجسادنا وارواحنا و ارضنا
خلفنا وامامنا
ومهرب قريب مافى
بس كده ده..وجع للطيش
|
Post: #19
Title: Re: الان ....نفسى أرجع اقدر أكتب!!!!
Author: قيقراوي
Date: 09-10-2011, 10:50 AM
Parent: #18
Quote:
فتتسال الناس دى ما عندها عيال
والا الموت ده حق ناس تانين بس
ما ح يغشاهم!!!!
سبحانك ربى
كيف تضيع الارواح
ترا كل موت بسبب والله مسبب الاسباب
لكن زى ما قالت شيراز قبل كده اللهم لا تجعلنى سبب
لكن هنا تقرأ العجب
وتلقى ناس شغلتهم دق نحاس الموت
وهم بكامل وعيهم
اللهم لا تجعلنا سببا بأى شكل من الاشكال
اللهم لا تجعلنا ما حارقى بخور الموت
والشامتين على الجنائز المجندلة
غض النظر عن لونها او دينها او عمرها او جنسها
|
المحيرني اكتر يا سهام انو الناس بعد كتلو الحسين يجوا يستفتوا في دم بعوضة!!؟
كل همهم رد (حقارة) عقار .. و لا خصاهم الدم السائل من قدحو!!
دي الدفتردار ما عملا ..
لا و يجوا يكلمونا عن حقوق اللنسان!!
هو في حق (إنسان) مقدس اكتر من الحياة و الرويحة الحلوة دي في تولاها دي!!؟
لوووووول
ميادة عاوزة تطرد بت عقار عشان ابوها حقار!!
طيب و الارواح الراحت دي كيف!؟
اللهم لا نسألك رد فقع المرارة .. اللهم نسألك اللطف فيه
|
Post: #20
Title: Re: الان ....نفسى أرجع اقدر أكتب!!!!
Author: د.محمد حسن
Date: 09-10-2011, 11:21 AM
Parent: #19
بت ناس المجمر
كل سنة وانت واسرتك بالف خير
مرحب بقلمك
|
Post: #21
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 12:24 PM
Parent: #20
الاخ مهاجر سلام والله فيك الخير
| Quote: الافكار النيرة فى هذا المنبر |
نيرة وين يا اخوى ده سابل ديس الكتابة الهنا ده بِشأن خلايق الله المجندلين
بالرصاص والدانات خلانا ان اخرجنا يدنا لم نكد نراها
يا ود الصايم سلامات بعد جيتنا من طه جعفر
| Quote: يا زولة تعالي راجعة .. إن شاء الله تبقي (تحللي) كورة!! |
والله ما طالبنى حليفة انا اظن ان هزيمة الهلال الخلتنى اتهور وافتح البوست ده (كدى صنقر عاين لزمنو)
كانت بالنسبة كما القشة التى قصمت ظهرى (رغم انى ما بعير) لكن اهو...
|
Post: #22
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 01:53 PM
Parent: #21
ولدنا قيقا مشتاغون يا عملاتك
Quote: لوووووول
ميادة عاوزة تطرد بت عقار عشان ابوها حقار!!
طيب و الارواح الراحت دي كيف!؟ |
شوفت كيف!!!
انت ما هبشت المرارة المفقعوقة مع سبق الاصرار والترصد
او كما قالت او كما اذكر او كما اكون مخرفة
|
Post: #23
Title: Re: الان ....نفسى أرجع اقدر أكتب!!!!
Author: Abubakr Osman
Date: 09-10-2011, 03:42 PM
Parent: #22
سهام
كل سنة وانت والاسرة بالف خير
مرحب بقلمك ولا بد ان ترجعى وتكتبى كما يحلو لك
قابلت همام المجمر وكمان لأول مرة أعرف بأسامة واقابله
تحياتى لمجتبى
|
Post: #24
Title: Re: الان ....نفسى أرجع اقدر أكتب!!!!
Author: عبدالكريم الامين احمد
Date: 09-10-2011, 03:46 PM
Parent: #23
هلا يا سهام
وتحياتي
وغير انو البيير الاسفيري يرجع وبكثافة كتابية كما كان في السابق
ماعندك معاي اي حل..
وحباك شديد يا سهام وحباب ابوبكر عثمان الفووق ده
ودوما في انتظارك
وتحياتي واشواقي للهندسة مجتبي
|
Post: #25
Title: Re: الان ....نفسى أرجع اقدر أكتب!!!!
Author: حواء سليمان ابراهيم
Date: 09-10-2011, 06:57 PM
Parent: #24
Quote: فتتسال الناس دى ما عندها عيال
والا الموت ده حق ناس تانين بس
ما ح يغشاهم!!!!
سبحانك ربى
كيف تضيع الارواح
ترا كل موت بسبب والله مسبب الاسباب
لكن زى ما قالت شيراز قبل كده اللهم لا تجعلنى سبب
لكن هنا تقرأ العجب
وتلقى ناس شغلتهم دق نحاس الموت
وهم بكامل وعيهم
اللهم لا تجعلنا سببا بأى شكل من الاشكال
اللهم لا تجعلنا ما حارقى بخور الموت
والشامتين على الجنائز المجندلة
غض النظر عن لونها او دينها او عمرها او جنسها
|
اهلا سهام يا حبيبة
وجعك ووجعى مافى شئ بداويه ، الله غالب
تعالى اكتبى وفضفضى وترجمى الالم حروف
وخلينا نقرأ حاجة ليها قيمة ، حاكم شايفة هنا فى
بعض الناس مسعورة وجاية تهوهو فى خلق الله
عيد سعيد
|
Post: #26
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 07:34 PM
Parent: #25
سلام يا بكور ياخ انشاءالله الدار رحبت بيك و عقبالنا
قول امين
اووووووووو البيييييير كيف ياخ ووين اراضيك
انت زاتك الفترة الفاتت اخدت ليك غتسة كدى
كدى انت امرق عشان نمرق معاك
امانة بوستاتك وطوابيرك ما قاعدة تفشنى
|
Post: #27
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 07:49 PM
Parent: #26
العزيزة حواء سلامات يا رفيقة الوجع
الله يصبرنا يا رب
Quote: حاكم شايفة هنا فى
بعض الناس مسعورة وجاية تهوهو فى خلق الله |
كان بقت على الهوهوه هين الكلام فى النهش يا حواء ياختى
للاسف منهم امهات ومشروع امهات
يعنى بالجد حالة تخلى الزول فاقد توازن عديل
كيف يعنى ديل بشوفوالاخر الانسان؟؟؟؟
|
Post: #28
Title: Re: الان ....نفسى أرجع اقدر أكتب!!!!
Author: خالد العبيد
Date: 09-10-2011, 09:10 PM
Parent: #27
سهام مرحب بك في البورد مرة أخرى.
|
Post: #29
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-10-2011, 09:53 PM
Parent: #28
اهلا وسلامات يا خالد
جابنى المغص وفقع المرارة
|
Post: #30
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-17-2011, 07:37 AM
Parent: #29
[Quote: الصادق المهدي يهاجم تحالف المعارضة
2011/09/16 - 11 :53
أم درمان - فاطمة مبارك
أكد رئيس حزب الأمة القومي «الصادق المهدي» إمكانية لقائه رئيس الجمهورية رئيس المؤتمر الوطني المشير «عمر البشير»، وقال: «لا أعتقد أن مقابلة البشير مشكلة، ويمكن أن تتم، ولكن لم نتفق عليها».
وهاجم المهدي - في حوار مع (الأهرام اليوم) أمس (الخميس) - تحالف المعارضة، على خلفية ما رشح عن مسعى الأخير لعزل (الأمة القومي) من التحالف، وقال إن (الأمة القومي) يمثل القوة الكبرى، ومن يعزل سيُعزل، وقال إن الحضور الشعبي في مسجد ودنوباوي الجمعة الماضية - استجابة لقرار تحالف المعارضة بالخروج في مسيرة سليمة للمطالبة بإيقاف الحرب في النيل الأزرق وجنوب كردفان - كان 95% منه من حزب (الأمة القومي) وهيئة شؤون الأنصار، وأن القوى المعارضة الأخرى في التحالف لم تكن لها جماهير فيه.
وأبان «المهدي»، الذي يتوجه إلى إيران اليوم (الجمعة) للمشاركة في المؤتمر الدولي للصحوة الإسلامية الذي سيستمر لـ (5) أيام، ولقاء عدد من المسؤولين الرسميين والشعبيين، أبان أن اختلافهم مع تحالف المعارضة في أن التحالف يدعو إلى إسقاط النظام، وأن الأمة القومي يدعو إلى نظام جديد تتم فيه هيكلة جديدة للدولة تنقلها من دولة الحزب إلى دولة الوطن، ويتحقق في سياساتها التحول الديمقراطي الكامل والسلام العادل، وأكد تمسك الأمة بطرحه وتقديمه للمؤتمر الوطني للاتفاق عليه كأساس للمشاركة في الحكومة، وأشار إلى أن الأخير رأى أن تتم المشاركة أولاً ثم تحسم من خلالها تلك القضايا. ورهن المهدي مشاركة حزبه بالاتفاق على تلك الأطروحات الهيكلية، وأبدى «الصادق» زهده في تولي منصب رئيس الوزراء أو أي منصب آخر حال اتفاقهم مع الوطني على المشاركة في الحكومة. |
نقلا عن بوست http://www.sudaneseonline.com/cgi-bin/sdb/2bb...=340&msg=13162128861
عليكم الله ما أخير التصفح
|
Post: #31
Title: Re: الان ....نفسى أرجع اقدر أكتب!!!!
Author: اسعد الريفى
Date: 09-17-2011, 07:40 AM
Parent: #30
| Quote: الان ....نفسى أرجع اقدر أكتب!!!! |
بالكاد اعمل forward
____________
تحياتى و اشواقى يا سهام
|
Post: #32
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-17-2011, 07:46 AM
Parent: #31
يا اسعد اخوى دوما انت فى البال والخاطر
الله يديك العافية
البركة فى الفورورد دى
والله الحالة صعبة
والالم يشتعل على كافة الجبهات
الله كريم
|
Post: #33
Title: Re: الان ....نفسى أرجع اقدر أكتب!!!!
Author: طارق ميرغني
Date: 09-17-2011, 07:51 AM
Parent: #32
اختنا سهام
الالم موجود والفقد واحد
لكن الحياة لن تتوقف
اتمني مواصلة الكتابة
|
Post: #34
Title: Re: الان ....نفسى أرجع اقدر أكتب!!!!
Author: نوفل عبد الرحيم حسن
Date: 09-17-2011, 11:40 AM
Parent: #33
حبابك سهام
أكتبي واتنفسي و ( اتفششي )
........
انت ألهام تومتك ولا القافيه بس جابت الاسماء كده ؟ هههه
تحياتي عبرك للباش مهندسه ألهام المجمر
|
Post: #35
Title: Re: الان ....نفسى أرجع اقدر أكتب!!!!
Author: lana mahdi
Date: 09-17-2011, 11:44 AM
Parent: #34
إنتي مش يكون نفسك ترجعي تكتبي وبس إنتي لازم ترجعي تكتبي
|
Post: #36
Title: Re: الان ....نفسى أرجع اقدر أكتب!!!!
Author: الفاتح ميرغني
Date: 09-17-2011, 03:49 PM
Parent: #35
Quote: والالم يشتعل على كافة الجبهات
الله كريم |
أكتبي يا سهام أكتبي الواجب وحلو.
النار تجلي نفيس المعادن بمثلما تغسل الدموع أحزان القلوب الطواهر.
كل سنة وأنت طيبة.
محبتي
|
Post: #37
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-26-2011, 08:45 PM
Parent: #36
طارق ميرغنى سلامات
الحياة لا تتوقف نعم لكنها تزداد نزيفا
سلامات يا نوفل الهام اختى لزم
لكن لو شافت الباشمهمدسة دى يتطير ليك فى رقبتك
اعمل حسابك
يا لنا مهدى يا اختى سلامات
تصدقى انا غتست اجيب البوست ده عشان
اكتب فيهو نفسى اتسدت تانى
لقيت مداخلاتكم المشجعة خجلت عديل كده
كتر خيركم والله
سلامات كتيرة شديد يا الفاتح
سلامات تجدك بالف خير وعافية
تلقاك طيب
النار ديل نان ما قلتنا قلى الحب
وما شايفاها مرقت ليها معدن نفيس
يانا نحن زاتنا غير ذدنا الم و نجاض فى البلد دى
ما شايفة لى شىء
هسه عليك الله يا الفاتح امشى اقرأ بوست سمرية
عن وفاة زمليتنا هوزان
ياخ ده فجر الغضب بركان ودفر الوجع غاادى
|
Post: #38
Title: Re: الان ....نفسى أرجع اقدر أكتب!!!!
Author: اسعد الريفى
Date: 09-26-2011, 10:40 PM
Parent: #37
يا سهام
سبحان الله
هسع نص الليل و انا مع طارق ميرغنى و خالد المحرب
و سبحان الله
كنت اسه بقول ليهم
الدنيا بالنسبة لينا "غير"
فالجرح .. إن كان جرحا
يزدد عمقا كل ساعة
و الحياة .. ما عادت تعني لنا ,, أكثر من رحلة .. طالت "لنا" رغما عننا ..
النزف . الموت .. العدم .."نحن"
سهام
لنا الله
.. عرفت ان همام .. قد يأتى
.. همام .. هدير عواطف.. و عواصف محبة
لا أعرف كيف الاقيه .. يوما
|
Post: #39
Title: Re: الان ....نفسى أرجع اقدر أكتب!!!!
Author: نوفل عبد الرحيم حسن
Date: 09-27-2011, 08:05 AM
Parent: #38
| Quote: لكن لو شافت الباشمهمدسة دى يتطير ليك فى رقبتك |
غايتو آخر حاجه قرتها كانت هندسة شبكات
يكون الشبكات دي تبعوها للطب ولا تخصص تاني ؟ هههههه
|
Post: #40
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-27-2011, 05:36 PM
Parent: #39
Quote: يا سهام
سبحان الله
هسع نص الليل و انا مع طارق ميرغنى و خالد المحرب
و سبحان الله
كنت اسه بقول ليهم
الدنيا بالنسبة لينا "غير"
فالجرح .. إن كان جرحا
يزدد عمقا كل ساعة
و الحياة .. ما عادت تعني لنا ,, أكثر من رحلة .. طالت "لنا" رغما عننا ..
النزف . الموت .. العدم .."نحن"
سهام
لنا الله
.. عرفت ان همام .. قد يأتى
.. همام .. هدير عواطف.. و عواصف محبة
لا أعرف كيف الاقيه .. يوما |
سلامات يا اسعد
الحياة لم تعد ولن تعد كما كانت اخوى
انا وانت نعلم هذا تماما
وفعلا اصبحنا نحس بطولها
لان هذا يعنى طول احزاننا
مرات بقول يا سهام الالم ده ما عندو حد
وحدو الوحيد ان نلتقيهم فى فسحة من اطمئنان ووقت
فى فسحة لا مجال لها ان تنتهى وتطمئن نفوسنا الى ذلك
و كما كنا نفعل معهم فى هذه الفانية
نسألهم عن ما فاتنا من امرهم
الحصل عليهم شنو؟ هل تذكرونا عند الفراق
ماذا قالو فى انفسهم..هل كانو خائفين
ام انزل الله سكينتهم عليه
كيف استقبلو ملائكة ربهم
كيف تعاملو مع امر غريب عليهم
قصر عمرهم ان يمهلم للتفكر فيه قبل ان يأتيهم بغتة
هل استغاثو بنا لحظتهم كما كانو يفعلون حين يستعصى عليهم
احد دروسهم
هل احتاجونا لحظتها ... كيف كان تقبلهم ان لا يجدونا رهن اشارتهم
كما تعودوا
ماذا احسوا اتجاهنا بالتقصير؟؟بلاهمال؟؟ بلامبالاة؟
ام فهموا ان لا طاقة لنا ان ننجيهم من هذا
او نمد لهم يد العون
هل فهمو انه ليس بيدنا
ولو كان لارجعناهم لارحامنا انا وايمان
ولقلوبكم انت و مجتبى
نخبأهم و تحتويهم مرة اخرى
هل فهموا
يا اسعد؟؟؟
ويقينى انهم فعلوا
بل ويقينى انهم ينظرون الينا الان
ويقولوا مالهم لا يفهمون
مالهم لا يستكينون
ومالهم لا يحسنون الانتظار
الله رحيم
|
Post: #41
Title: Re: الان ....نفسى أرجع اقدر أكتب!!!!
Author: طه كروم
Date: 09-27-2011, 05:47 PM
Parent: #40
سهـــام المجمر ..عودا حميدا مستطاب
وتبقى الحروف هى الملاذ.. لإحلال الهواء الساخن
.. أكتبى .. بلا توقف.. وتنفسى عافية دوما ..
|
Post: #42
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-27-2011, 06:01 PM
Parent: #41
Quote: غايتو آخر حاجه قرتها كانت هندسة شبكات
يكون الشبكات دي تبعوها للطب ولا تخصص تاني ؟ هههههه |
يا نوفل
اااى والله ذكرتنى انا بدأت تغير تخصصها
هسه انا ذاتى بقيت فى البمرقنى منها 
|
Post: #43
Title: Re: الان ....نفسى أرجع اقدر أكتب!!!!
Author: HAIDER ALZAIN
Date: 09-27-2011, 06:14 PM
Parent: #42
Quote: وما عارفة ارجع كيف مع مراعاة المحافظة على
احترام الكتابة وكظم الغيظ
|
اكظمي
لكن راعي برضو عشان خااطر
عزام
ـــــ
|
Post: #44
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-27-2011, 06:52 PM
Parent: #43
Quote: سهـــام المجمر ..عودا حميدا مستطاب
وتبقى الحروف هى الملاذ.. لإحلال الهواء الساخن
.. أكتبى .. بلا توقف.. وتنفسى عافية دوما .. |
سلامات يا طه
الله يقدرنا ونسألو ان يخرج الهواء الساخن مرة واحده
سلامات يا حيدر
كان على عزام ما دايرنى اكظم زاتو مع الحالة دى
مرات بيحرشنى عديل لكن انا بكظم شوفت كيف 
|
Post: #45
Title: Re: الان ....نفسى أرجع اقدر أكتب!!!!
Author: Balla Musa
Date: 09-27-2011, 08:46 PM
Parent: #44
كيفك ياسهام
عايز أحكى ليك قصة ربما تشابه حال المنبر ونوع الكتابة السوقا حار..
المكان مدينة الدامر
أبطال القصة بتاعين اللبن
جماعة من بتاعين اللبن بجوا المغرب من ريفى الدامر شايلين لبنهم وراكبين حميرهم..
يغشوا السبيل ويتموا اللبن موية
ماعدا واحد منهم بشيل لبن نضيف للسوق
الجماعة اللبنهم مزيود موية يبيعوا بسرعة
واللبن الصافى ببور
مشى لشيخ طريقتو حكى ليهو
قال ليهو شيل موية فى (هينك) وكبها فوق اللبن
عمل بنصيحة شيخو
وباع لبنو كلو ومن قولة تيت
واستغرب
ورجع سأل شيخو من السبب
شيخو قال ليهو الناس البشتروا اللبن أكثرهم كسبهم مخلوط بحرام عشان كدا مابقعوا فى الحلال المصفى!!
فاكتبى ياسهام
وماتزيديها كتير لكن أديها (لشغة) شوية بطرف الكيبورد!!!
|
Post: #47
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-28-2011, 05:46 PM
Parent: #45
رانية الشيخ سلامات
الموضوع ما بيكون فايتك خارج المنبر كان فاتك جواهو
بنتكلم عن نا ر الحرب التفتحت جبهات و تحديدا عن الناس القاعدين
الشايلة هبابات وقاعدة تولع فيها
والناس البتتكلم عن الانسانية والقيم والاخلاق ولا تستنكف عن تدق طبول الحرب
بنتكلم عن الناس الضاربة الطراوة فى الداخل والخارج
وقاعدة تنظر عن اخلاق المعارضة
بنتكلم عن الناس الما بتستنكف ان تنبذ وتشتم فى الناس
وتجى تلقى لنفسها المبررات لذلك وتنظر ليهو
وترى فى المعارضة ناس نبذ ولا اخلاق لهم
يعنى بنتكلم عن الناس البتفتكر نفسها ذكية شديدة
ويمكنها ان تدس السم فى العسل دون يراه الاخرون
ليشربوه حميما وغساقا
بنكتب عن الناس الما مات ليها زول بنارين الجانبين
وقاعدة تقول لى الناس الكان شغلتهم الدافنه
فرادى وجماعات
يدفنون اهلهم احبابهم وجيرانهم واصدقائهم
ويجو هنا يقولو ليهم خلو عندكم اخلاق
لانو نحن اخلاقنا عالية
وهم غارقون فى فى الاخلاق بدفن الحقيقة
خوف الزاد
وهم غارقون فى بيع افكار متناقضة
منهم من تحدثه نفسه انو هو كده تمام
وهو فووووووف البشر
لهم رجاء ونساء ارجعو لارشيفكم واقراءو ما كتبتم
وتانى تعالو قولو لينا نحن شاطرين شديد
ارجعو وما دايرن منكم تقولو والله اتلومنا
نعتذر للموتى والاحياء عن ما اصابهم من رشاشنا
فقد كنا نجهل اننا نجهل او قد كنا نتجاهل اننا ماشين فى السهلة ساى
او لا يعتذرو لاحد ولكن ان يتصالحوا مع انفسهم
ففى هذا خيرا لهم وللجميع
وقع ليك يا رانية يا اختى
وتحياتى ليك
تخريمة: تبارك يضحك عشرة زيك ومية زيى
رغم انو لامى الضلامية و الاستنارة
كيف ما عارفة ..بس هو عارف
|
Post: #48
Title: Re: الان ....نفسى أرجع اقدر أكتب!!!!
Author: Siham Elmugammar
Date: 09-28-2011, 05:57 PM
Parent: #47
Quote: شيخو قال ليهو الناس البشتروا اللبن أكثرهم كسبهم مخلوط بحرام عشان كدا مابقعوا فى الحلال المصفى!!
|
سلامات يا بلة
ان كان للبوست حكمة فهذه حكمتة شكرا ليك ياخ
|
|