حركات تغير معاني الكلمات .. بوست للترفيه والفائدة

فكرة البوست بسيطة جدا وياريت كلنا نشارك ونستفيد من بعض
وعي أن هناك بعض الكلمات تتغير معانيها بمجرد تغيير حرف
أو تشكيل حرف

مثلا

كلمة فار = هارب
اذا اضفنا لها همزة قطع في الألف ستصبح
فأر = الفأر الحيوان المعروف

السودانيون يطلقون كلمة (فار) على الاثنين
فيقوم يقول ليك
امشي كدا يا (فار)
أو يا فارة عند بعضهم

بعض هذه التغيرارت تكون خطيرة جدا

مثل أن يقول أحدهم
(انّ الله لغويٌّ عزيز) تعالى الله عن ذلك علوا كبيرا
وهو يقصد أن يقول
(انّ الله لقويٌّ عزيز)

غوي = من الاغواء
قوي = من القوة

كلمة
بار = من البر
اذا غيرت النقطة من الأسفل الى الأعلى
تصبح
نار = النار المعروفة

وشتان ما بين البر والنار

إن تغيير تشكيل حرف واحد من كلمة واحدة قد يترتب عليه تغيير حكم شرعي
طبعا دون الدخول في الخلاف الشرعي في هذه المسألة
نتحدث فقط من الناحية اللغوية النحوية

مثلا في قوله تعالى :

أعوذ بالله من الشيطان الرجيم

يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ وَإِنْ كُنْتُمْ جُنُباً فَاطَّهَّرُوا وَإِنْ كُنْتُمْ مَرْضَى أَوْ عَلَى سَفَرٍ أَوْ جَاءَ أَحَدٌ مِنْكُمْ مِنْ الْغَائِطِ أَوْ لامَسْتُمْ النِّسَاءَ فَلَمْ تَجِدُوا مَاءً فَتَيَمَّمُوا صَعِيداً طَيِّباً فَامْسَحُوا بِوُجُوهِكُمْ وَأَيْدِيكُمْ مِنْهُ مَا يُرِيدُ اللَّهُ لِيَجْعَلَ عَلَيْكُمْ مِنْ حَرَجٍ وَلَكِنْ يُرِيدُ لِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ

صدق الله العظيم

كلمة (وأرجلَكم)
قرأها بعضهم بفتح اللام
عليه تكون معطوفة على وجوهَكم بفتح الهاء (مفعول به)
فيكون حكم الأرجل في الوضوء (الغسل) مثل حكم الوجه

وقرأها بعضهم بكسر اللام (وأرجلِكم)
عليه تكون معطوفة على برءوسِكم بكسر السين (مجرورة بالباء)
فيكون حكم الأرجل في الوضوء (المسح) مثل حكم الرأس

والله أعلم

الفاضل معتز القريش
كلمه بار نفسها لو لم تجدها في جمله مفيده بتبقي مشكله

Quote: الفاضل معتز القريش كلمه بار نفسها لو لم تجدها في جمله مفيده بتبقي مشكله

صحيح

نجي لمداخلتك انت ذاتك يا فدياس

Quote: الفاضل معتز القريش كلمه بار نفسها لو لم تجدها في جمله مفيده بتبقي مشكله

كلمه = حدثه وانت تقصد كلمة
جمله = بعيره وانت تقصد جملة
مفيده = ما يفاد منه وانت تقصد مفيدة
مشكله = غير الواضح او غير الجليّ منه وانت تقصد مشكلة

طبعا دا ما تصحيح لمداخلتك ولكن بعض بيان لما أوردناه أعلاه

يحكى أن تلميذا في الخلوة يقرا على شيخه
فلما وصل قوله تعالى (ربنا انك من تدخل النار فقد أخزيته)
قرأها
(ربنا انك من تدخل النار فقد أخريته)
فغير (الزاي) في اخزيته الى (راء)

فضحك الشيخ وقال له

يا ولدي المعنى واحد إلا الله ما قال كدي

الشاهد من ذلك وما لم أجده بسهولة الا في بعض القراءات المختلفة للقرآن
ان تتغير حروف الكلمات وتتفق في نفس المعنى أو تزيد عليه في التوسع
مثل كلمة (ملك) و (مالك) في سورة الفاتحة
وان شاء الله سأحاول ايجاد بعض الأمثلة

Quote: فضحك الشيخ وقال له يا ولدي المعنى واحد إلا الله ما قال كدي الشاهد من ذلك وما لم أجده بسهولة الا في بعض القراءات المختلفة للقرآن ان تتغير حروف الكلمات وتتفق في نفس المعنى أو تزيد عليه في التوسع مثل كلمة (ملك) و (مالك) في سورة الفاتحة وان شاء الله سأحاول ايجاد بعض الأمثلة

ود القريش كبف حالك الليله شايف مزاجك رايق

Quote: ود القريش كبف حالك الليله شايف مزاجك رايق

والله رايق روقة
كابي ليهو (كيلو شب)

Quote: كلمة فار = هارب اذا اضفنا لها همزة قطع في الألف ستصبح فأر = الفأر الحيوان المعروف

في التسعينات ايام مافي مواصلات وتم تحويل الدفارات بقدرة قادر من نقل البقر الي نقل البشر واصبحت مواصلات
واحد عندو دفار شين شديد شغال في خط السروراب .. الناس طوالي ناقين فيهو وفي دفارو الشين
قام كتب عليهو من الخلف ( في نظري دفار ) جاء واحد شفت مسح حرف الدال وبقت الجمله ( في نظري فار )


سلامات قريش

كلمة
بار = من البر
اذا غيرت النقطة من الأسفل الى الأعلى
تصبح
نار = النار المعروفة

وشتان ما بين البر والنار
وبار بمعنى البورة
وبار بمعنى انداية بتاعة خواجات
بوست فارو معلق في السلك
ونارو مولعة
وبارو قزازو بااااارد

العزيز نوفل
تحياتي واحترامي

Quote: قام كتب عليهو من الخلف ( في نظري دفار ) جاء واحد شفت مسح حرف الدال وبقت الجمله ( في نظري فار )

والله كتلتني بالضحك وذكرتني نكتة لأحد ظرفاء مدينة الدويم وكان من الجماعة شبه المتخلفين
هو ومعه صديقه مثله
بجو كل يوم يتعشو في فوال في الدويم
اليوم داك سيد الفوال قال ليهم بسألكم سؤال البجاوب قبل التاني بعشيهو فتة مجاني
قالوا ليه خلاص أسال
قال ليهم : حاجة طويلة بربطوها هنا (وأشار الى رقبته)
بلبسا عادل بنك تعرفوها لي شنو ؟
الجماعة صنقعو ودنقرو
صاجبنا بي وارهو الشباب
بقولوا ليهو في أضانو (وسوسة)
كرفتة كرفتة
صاحبنا نط وقال ليهو عرفتها عرفتها
فتة فتة
صاحو نطا وقال ليهو
لالالالالا
وروت ليها وروت ليها (قاصد وروك ليها)

واحد سأل طبيبة أسنان: إنتِ متزوجة؟..
قالت ليهو: لثة

قالوا ليك واحدة لجنا
جات في باب المستشفى
البواب وقفا
قلت ليهو
داية داية
قال ليها خلاص خشي

داية داية = جاية جاية

السني يا حلو
قالو ليك

Quote: وبار بمعنى البورة

وبايرة عكس نايرة برفع النقطة الى أعلى
وشتان ما بين البايرة والنايرة

صراط الذين انعمت عليهم بفتح التاء اي الله (المخاطب)
وبعض الناس يقراها بضم التاء فينسب النعمة اليه
فتصبح التاء لـ (المتكلم)

كتب صديق مهدي علي

Quote: محامى القفلة

فرد عليه أحمد محمد عمر

Quote: قفلة المولد؟

انظر كيف تغير المعنى
من محامي الغفلة الى محامي القفلة
الى قفلة المولد الى غفلة المولد

المصدر

Re: خبر مؤكد هروب البشير بصحبته عائلته الى جيبوتى بعد مضايقةعلى عثمان

الكلمات عبارة عن حروف
والحروف لو اضفت ليها نقطة فوق الحاء بتبقى

(خروف)

وشتان ما بين الحروف والخروف

اتخيل عادل التجاني غلط وختا نقطة في (منتدى الحروف)
ح تبقى شنو ؟

ح تبقى (منتدى الخروف)