تم دور وأدور .. الكابلي

كلمات وألحان: خليل فرح
أداء: عبد الكريم الكابلي

تم دور وادور
عم نوره شال
فات الحله نور
زي بدر التمام
واحدين قالوا نور
واحدين قالوا دوب
مروي ما بتنور
زي بدر التمام
مين يقوم يتهور
يبري القيف هناك
تحته الدابي كور
زي بدر التمام
قالوا الكون اتطور
لا عاشق عفيف
لا جميل إتصور
زي بدر التمام
الحسود يتضور
ناره ماكله لسانه
كله زور ومزور
زي بدر التمام
الطريق الحور
دمي ما بروح
سيدة ليش يتجور
زي بدر التمام
هز شوقي وتور
يا نديم إزاي
جرحي المخفي غور
زي بدر التمام
يا قليب إتجبر
قوم وريني كيف
الكرام تتصبر
زي بدر التمام
نحن ما بنتعبر
النفوس أن حبت
تستحى وتتكبر
زي بدر التمام
ما خبير أتخبر
في الزمان الفات
والجديد إدبر
زي بدر التمام
أوعي لا تتشبر
هل رأيت لك عاشق
بالغرام يتنبر
زي بدر التمام
نحن ما بنطفر
ما بنهاب سفيه
إلا ما بنتزفر
زي بدر التمام
قولوا لي البتنفر
ما شالن قناع
المعاك تتوفر
زي بدر التمام
يا زميل إتشطر
شن بتشوف حداك
إلا حور مبطر
زي بدر التمام
يبقي يومنا مطر
ماله الكون دهين
والفريق معطر
زي بدر التمام
النحر مغمر
والسباته حارة
والمجال مضمر
زي بدر التمام
الشعر مخمر
يرشح كله ند
عردب المجمر
زي بدر التمام
قام محمد بشر
هز فوق تيجانن
سل سيفه وكشر
زي بدر التمام
قول معاي وإتفشر
نحن سياج عروضن
نحن يوم المحشر
زي بدر التمام
يا حسن اتذكر
طيب ليلتنا ديك
والصباح السكر
زي بدر التمام
المدام ما اتنكر
لا من ديكنا صاح
فوق رؤوسنا اتحكر
زي بدر التمام
كل شىء مفسر
ما في شىء غريب
والعسير ميسر
زي بدر التمام
ما في عين تتحسر
دام عريسنا دام
والحسود إتحسر
زي بدر التمام

الصديق ... راكوبة

واصل ومتعنا بالدرر

ياملك ( التكنشن )

أبو محمد
سلامااات
كل الدرر و(الوداد) لك ، وكل أملنا و(رجائنا) بدوام طلتك البهية.

المبدع / راكوبه

تحياتى ، دايما بتجيب لينا الإبداع ،

أستاذنا بشير
تحياتي لك يارائع، وناس امتداد الدرجة التالتة كلهم ناس خطرين ورائعين، شكراً دوام المتابعة والتشجيع

عودا حميدا ،،،

يا معلم ،،،،

ودالعباسية
ولدنا
مرحب بيك كتير ومشتاقين والله.

راكوبة
عودا حميدا ...
كمّل جميلك وسوي لينا لينك الحفظ ...

استاذنا ودقاسم
تحياتي
والرابط بيصلك