البطولة الكونفيدرالية: المريخ يرقد (رز) في مالي!

خسر مريخ السودان مباراة ذهاب دور ال16 في البطولة الكونفيدرالية من فريق " إسبورتيف" باماكو المالي بثلاثية نظيفة، صعب معها مهمتة في مباراة الإيام التي ستقام في أم درمان بعد اسبوعين.
تقدم الفريق المالي في الدقيقة الأخيرة من زمن الشوط الأول، وواصل في التسجيل خلال الشوط الثاني.
وأضاع لاعبو المريخ عدد من الفرص المحققة، نجح فيها حارس الفريق المالي في إبعادها عن شباكه.
وكانت المباراة قد تأجلت من يوم أمس إلى اليوم، بعد تأخر وصول طاقم التحكيم المعين لإدارة المباراة والقادم من جزر الرأس الأخضر.
وكان المريخ قد وصل إلى مالي قبل عدة أيام ووجد كل الظروف المواتية التي تساعده على إحراز نتيجة إيجابية في هذا اللقاء، بدءا من تسهيلات الخطوط الأثيوبية بتعديل جدول رحلاتها للمريخ والإقامة الجيدة بمالي، والاهتمام الذي وجدته البعثة من الرسميين الماليين، والأجواء الجيدة التي تدرب وأقيمت عليها المباراة.

إذن المشكلة تكون إنفلونزا طيور ,
يعني بي كده:
الهلال
و المريخ
و قوات الفتح
الله كريم..
تحياتنا.

المعز
فعلاً .. الله كريم!

يجب أن يعترف السودانين بأن الكورة غلبتهم.
حتى يكون هناك طرق علمية حديثة لتدريب الكرة بالسودان من المستحسن صرف هذا المال والجهد في أنشطة رياضية أخرى خلاف كرة القدم.
يجب أن لا ندفن روؤسنا في الرمال ونخدع نفسنا.

دينق.

السترة والفضيحة متباريات ياراكوبة

الثلاثة ماكتيره على المريخ بعد اسبوعين

لو اعلام المريخ حيعمل العملوهو ناسنا قبل كورة الرجاء

الرمادة فى خشمكم

والله ياراكوبه يااخي العزيز ماشمتان لكن مشكلتكم لسانكم طويل جدا...ومابتقدموا السبت ومابتفوتوا فرصة عشان تشمتوا في الهلال....اها عاد اركزوا...
بعدين دا ياهو مستواكم الحقيقي ماعديتوا الدور الاول من بطولة الفدراليه ليكم تلاتة سنين...بس غراكم فوزكم المتهالك علي مصلحة الزكاة اليوغندي الفريق العمرو ماطلع بره يوغندا غير المره دي..اها استفردتوا بيهو يااهل مانديلا وفكيتوا اخركم فيهو...وعملتوا ليكم احلام ورديه زي الراعي الفكر من قزازة السمن العندو نسج احلامو لحدي ماوصلها انو يتزوج بنت السلطان بعدين كسر قزازتو وصحا من احلامو...اها انتو يااخوي مع انو فريق مالي دا فريق حواري وماسمعتوا بيهو قبل كدا لكن قومتوا الدنيا وقعدتوها وخلاص انتو غالبنو من تلاته ولي فوق وحتي الحبش اقلقتوهم

Quote: تسهيلات الخطوط الأثيوبية بتعديل جدول رحلاتها للمريخ

بس التقول ماشين تجيبوا الكاس هسي...
علي العموم ان شاء الله تعوضوا في الخرطوم بس كدي اقعدوا في الواطه واعرفوا قدر نفسكم عشان الله يفتحها عليكم...رحم الله امرئ عرف قدر نفسه فوعاه...وقدموا السبت كان فضل سبت وماتسمعوا كلام اعلامكم الضلالي خصوصا ناس الحواري امثال عجبكو وكركبكو وطلع فشنكو....هم ديل اللي نفخوا بالونتكم علي الفاضي .

وبرضوا في النهاية ياراكوبه ياخوي...العرجاء لي مراحها
وليك التحيه

الي متي التخبط من المدربين المستجلبين والي متي نستعين بمدربين انصاف لقد وضح من مجريات المعلق ان التغير الخاطي باخراج لاعب وسط قد خلق اهتزاز في الوسط والدفاع معآ والزج بمهاجم قليل خبره كان حريآ به من الاول ادخال مامون زولو في مكان السعودي الذي لايصلح ان يكون حتي في كشوفات الفريق الظروف ساعدت المدرب في الفتره السابقه وجعلته يثبت اقدامه في المريخ لكن لابد من وقفه جاده من ادارتي الهلال والمريخ لحل معضله التدريب التي تشمل حتي الفريق القومي

والله يا جماعة انتو بتأذنوا في مالطة بربكم اين الكورة ؟؟ هؤلاء كلهم انصاف لاعبين ولا يمكن ان نجني من ورائهم اي انتصار . ارجو لا تضيعوا وقتكم فيهم . فان رقد المريخ اليوم رزا فتأكد بان الهلال سوف يرقد هبطرش ...


ود الباوقة

Quote: والله يا جماعة انتو بتأذنوا في مالطة بربكم اين الكورة ؟؟ هؤلاء كلهم انصاف لاعبين ولا يمكن ان نجني من ورائهم اي انتصار . ارجو لا تضيعوا وقتكم فيهم . فان رقد المريخ اليوم رزا فتأكد بان الهلال سوف يرقد هبطرش ...

تروتسكي
إنته رشاشه ولا شنو

ودالباوقة

Quote: ارجو لا تضيعوا وقتكم فيهم

هات لينا بديل، وحنغير اهتمامنا الرياضي به!

Quote: هات لينا بديل، وحنغير اهتمامنا الرياضي به!

امشوا الدفاع الشعبي .............




ود الباوقة

الأخ محمود
استعجب من إدارة نادي المريخ التي دفعت المليارات في التسجيلات وإعادة تأهيل منشات المريخ، وتأتي بمدرب أقل من مستوى المريخ.
كل التعب والأموال التي صرفت سوف يبددها هذا المدرب!!

د.ياسر
سلامات
ذات الحديث العقيم" لم تفوتوا الدور الأول" " ثلاث سنوات لم تحصدوا الممتاز"!! يادكتور نحن الفريق السوداني الوحيد صاحب الإنجاز القاري رضيتم أم أبيتم، والمريخ عندما يحل في أي مكان يصبح قبلة لكل أهل البلد، ودونك ما حصل عليه المريخ من اهتمام رسمي كبير بمالي ذاتها، خف إليه وزير الشباب والرياضة وأركان حربه لزيارة المريخ والتعرف عن قرب على هذا الفريق.

Quote: بس التقول ماشين تجيبوا الكاس هسي...

ماسبق مشينا ومشينا وجبنا، الكلام في أخوانا ناس ودأزرق المغادرين بالطائرات الخاصة والتي ترجع محملة بكل ألوان الأهداف والإنبراشات، من غرب القارة إلى شمالها، لايهم بس ما عليكم هو مراعاة التوقيت! هدفين في جنوب القارة تساوي 5 في شمالها!!

مهندس مزاحم
تحياتي
كرة القدم لا تعرف المستحيلات، سبق للمريخ أن هزم من كانون ياوندي بالخمسة، ورجع وفاز بالأربعة، وخرج بفارق الهدف اللعين، وكذا الحال مع مباراة الأهلي المصري الذي هزم في استاد المريخ بثلاثية وخرج أيضاً بفارق الهدف.
ولكننا لانقبل مثل هذه النتائج للمريخ حتى خارج السودان، خاصة وأن حوالي 3 مباريات دخل هدف في مرمى المريخ في الدقيقة الأخيرة من الشوط الأول أو الثاني، ولم تلقى هذه النقطة العلاج المناسب من الجهاز الفني.
الهدف الذي جاء في الدقيقة الأخيرة من زمن الشوط الأول، أعطى الماليين دفعة معنوية كبيرة، على الرغم من أن المريخ كان قد أدى شوطاً جيداً.
أما

Quote: لو اعلام المريخ حيعمل العملوهو ناسنا قبل كورة الرجاء

لا اعتقد، لأن إعلامنا واعي ، ومهما بلغ به الأمر لن ينتهي لمثل كتابة مانشيت "التأر" مثلما فعلت صحيفة الأخطاء اليومية!

اخونا دينق
حال الكرة في المريخ والهلال يختلف عنه في الفرق القومية، فالناديان يمتلكان إمكانيات كبيرة، وكل معينات التدريب الحديثة، بل امتدت لتشمل المعسكرات الخارجية واستجلاب الفرق الأجنبية للتباري معها وعلى نفقتها الخاصة، واستجلاب مدربين من كل أنحاء العالم، إضافة إلى اللاعبين المحترفين، والذي توجه المريخ باستجلاب اللاعب رقم 2 في تصنيف الكاف للعام الماضي.
بعد كل هذا الاهتمام والصرف المبالغ فيه، تأتي النتائج سلبية للغاية.
أما الحديث عن صرف هذه الأموال، فدافعيها هم أصحاب تجارة ونفوذ ويغدقون بالمال على منشط كرة القدم لأنهم يعشقونها، ولو كفوا لإنتهت حتى باقي الرياضة الحاصلة في البلد.
وربنا يهون بس..

ياهو المريخ بطل الابطال محقق الاعجاز صانع الافراح في قلوب السودانين جميعا حتى اصحاب القلوب الزرقاء والبيضاء بفرحوا غصباً عنهم

لذلك فالهزيمة لاتعني نهاية المطاف خاصة في ظل الظروف التي مر بها المريخ العظيم من تأجيل وسوء معاملة وفي الاخير الهزيمة للمريخ لاتعني نهاية المطاف وذلك هو المريخ صاحب الكاسات المحمولة جوا لقادر على تحقيق المستحيل ومعركة الفهود الكيني ليست ببعيدة فقد ا نتصر المريخ باربعة اهداف في الخرطوم وخرج بفارق هدف

ولدينا تاريخ ناصع البياض بنرجع ليه دائما وخلينا نتمسك بالمريخ اكتر واكتر لكن المصيبة اصحاب الصفر الدولي ديل برجعوا لشنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ علامات استفهام من العرضه شمال لحدي جنوب افريقيا

ابومصطفى

والله ما رز ولا ويكة ياراكوبة بس تلاتة أقوان وبنسددها ليهم في العرضة جنوب وفوقها بوسة.

وياكيجا 2000 بالله قصر علامات الإستفهام الشتحت البوست لو سمحت.

والله يا كيجا إستفهاماتك (جرجرت) البوست زي إنبراشة (مرق) المغربية

الحل يا راكوبة هو تجميد كرة القدم فى السوان من المنافسات الإقليمية طبعا الدولية
لسع علينا كتير وصرف هذه المبالغ فى الاشبال، الدماء الشابة وتدريبهم بطرق صحيحة
حتى يصلوا سن المنافسة

بلا مريخ بلا هلال ، فضحونا داهية تلمهم ، بالله واحد فيهم يتغلب فى مالى
والتانى مش عارف ويين ودى دول لمن بدينا الكورة لسع ما كانوا فى الخريطة
وشوفوا بيبرطشوا فينا كيف ، نحن اللى كنا بنلعب كورة هواية ساكت لمن نتغلب
كنا بنبكى بى دموعنا ونحرد الاكل ، اما جماعتنا دييل إنعدم فيهم الحس
الوطنى والحرارة وبقوا دلاقين - يروحوا فى ستين داهية واملنا فى دماء
شابة قلبها على السودان مش على الكنجالات

وفتكم بعافية

ترهاقا

Quote: وصرف هذه المبالغ فى الاشبال،

الأموال التي يتم صرفها أموال (أفراد) يوجهونها حيث يريدون.
الدولة لا تنفق شيء على الرياضة، إذن ليس لديها الحق بالمطالبة بأي نتائج!!

Quote: واملنا فى دماء شابة قلبها على السودان مش على الكنجالات

الرياضة تحولت لصناعة، ولا مكان للهواية والصدف فيها، كل شيء يتم بدراسة وعناية تامة، حتى الوصول إلى النتائج المرجوة، وأصبحت الرياضة قبلة للاستثمار سواء في اللاعبين أو في المنشات الرياضية.
ورأس المال السوداني مازال بعيداً لطرق هذه الأبواب، على الأقل في الفترة الحالية.

كيقا

بخيت وبركه الجيت

الحمد لله علي ظهورك هنا

غايتو شماتك امس كانت حامضه يا مان

وربنا رداها ليك في 18 ساعه بس

كنت متوقع شنو يا اخوي

كل السودان احباطات

حال البلد كلها احباط

رفه عن نفسك وخلاص

Quote: تروتسكي إنته رشاشه ولا شنو

بخصوص رشاشه دى اقرا هنا..

Quote: ربما هي الصدفة ان تحدثنى نفسى قبل فتره عن هذا الصرح الشامخ ؛ولايتجسد فى كونه فريق او حي عادي فالموردة تعنى امدرمان بكل عراقتها وبكل غناها وتاريخ عريق.. نعم هي الصدفه وحدها حيث كنا قبل فتره مع الاصدقاء عندما نخلو للبعض المواضيع الجانيه بعدين عن زحمة السياسة ومطالعة الكتب وغيرها من الاشياء الضاغطه فى الحياة ؛ تطرقنا الى عن الرياضة بشكل عام وبالتاكيد فى خضم هذا الموضوع بالتاكيد سيكون لكرة القدم الحيز الكبيرفى مجمل نقاشات السودانين الرياضيه؛ لانه لايوجد غيرها وهذا حديث يقود الى عدة مداخل عن اهمية تفعيل بعض الرياضيات التى تاتى بعائد مشرف للسودان من خلال المشاركات التى تمت فيها بصوره اجتهاديه وفرديه مثل (العاب القوي؛التنس؛وهلمجرا..).. وعملية الاستثمار للرياضه بصورة علمية عن طريق تبنى الشركات للفرق وفك احتكار (هلاريخ )البغيض ؛ فقد اصبحت لااكره فرق فى هذه الدنيا اكثر من (هلاريخ) وادريه ولاعبين وكل من يمت لهما بصلة.. طلب منى بعضهم ان اطلع من اطار التقليد وان اتحدث عن هذه الفريق رغم اننى ليس من مناصرى كرة القدم فى السودان بشكل خاص وعام لكننى متابع للاحداث بشكل او باخر.. ووحتى الذين تحدثو معى لم يكن فيهم احدا موردابيا ؛ولكنها الغيره والحميه والشعور بالغضب لهذا الضلع المكمل للمثلث المشؤم فى مسيرة الفرق فى بلادى.. فما بالكم من قطنها نهل العلم منها؟؟!! وعندما كنت اتصفح فى هذا العالم الكبير وجدت ماكتبه الاستاذ (صلاح) وكانه وداء وقع لى فوق جرح وكانت هى الصدفه.. وعندما كانت الاولوية لكرة القدم كان لابد من التطرق لفريقها العريقه المسمى (الموردة). فقد اصبح حال هذا الفريق محزن بصورة لاتليق بسمعته ولا بسمعة اسم الحى العريق الذى يحملة؛ شى يتفطر له القلب لكل حادب على مصلحة الرياضه بشكل عام وكرة القدم بشكل خاص.. الموردة التى تقف غصة فى الحلق لكل من مر بها ناهيك ان يكون احد ساكنيها او كانت للتفاصيل حياته يوما من الايام مرتبطه بهذه البقعه.. وهى منبع الكوره حيث يشهد لها ( دار الرياضه) والافذاذ من الاشخاص المُشار اليهم بالبنان!! ماذا دهى المورده يا اهالها ؛ ماذا دهى الموره يا ادارتها ؛ ماذا وماذا؟!!!؟ (فالمورده ان ارادتها فعلتها).. وعندما يكون الحديث عن المورده يحتاج الى ملفات وسير لكن اقتضب ما ساقوله .. ان المورده بالفعل تحتاج الى اهلها ؛شى محزن ان يكون حالها هكذا بى شى مخجل فى حقنا.. ويشرفنى كل الشرف ان يكون اول موضوع رياضى لى هو عن (المــــــــــــورده)..  طلتِك فى ليلي كانت طلعت القمرة المهيبه  اصلى ماشفت المحنه الا يوم شفتِك قريبه  الدموع كان بتنزل منى فى الارض الخصيبه  عوضت تعبى التعبتو وانبتت اجمل حديقه  انتى ياعشم الازاهر زى غمامه تحن تجيها  يافرح طاف بالمداين والبوادى واى جيها  من سنين وانا روحى غرقت فى بحار شوق القيامه  وانتى ريدك ياحنينِه وليهاكان طوق السلامه  القليب الهام وراكي رافى بى جنحين حمامه..  والموردة بتلعب.. قبل أن يصدأ الهلب ؛ياتمبس وياشكوكو والاخرين؟؟!!

Quote: البطولة الكونفيدرالية: المريخ يرقد (رز) في مالي!

اكتر من العندنا ده تبقى مبالغه..
(老鼠爱大米 -lao shu ai da
بحبك كما يحب الفار الرز او حب الفار للرز (رغم انى اول مره اعرف انو الفار بحب الرز)
لكن بقت عليكم قرقرقرقرقرقرقرقر عقبال اخوانكم..





لكن انا زعلان منك..
وماتجى تقول لى الحنك البيش بتاع عمر داك..
لحن الحياة منك وماتقول نسينا الماضى وصرنا ناسينك محبوبى الجميل..
بقول ليك ..
بس تنسى كيفينك وانت الوحيد الكنا ذاكرنك محبوبي...

تروتسكي
الموردة السنة دي الله العليم تنجو من الهبوط!
وماتشوف لينا بطرفك محترفين صينيين، بس مابتكسروا من اول احتكاك

المحترفين هينين امشى السوق العربى بس ليه لمن نجيب من هنا ؛المحلى داخل عطبره....
والمورده ليها رب يحميها بس ربك يهون..

بس ماتعمل فيها قنفود اميلس وتتغابى كلامى داااااااااااااااااااااك
يالحن الحياه يا انت..

تعليق برنامج عالم الرياضة الإذاعي
إضغط للتشغيل

.

.

ياراكوبة

قول للوالى وصلاح ادريس ..يصرفو ما تبقى لهم من قروش على الجرى....اىىىىىىىىىىى الجرى
مالو مش رياضة...نجرى زى الحبوش والكينيييييييييييييين ديل..
حتى البنوت يجرن..ومشاء الله عندنا ناس طوال زى نخيل بلادى...
كيجا دا ياربى بعرف يجرى....لو كنت كيجا بتاع بونا...ممكن تشارك فى سباق الدراجات وسوف
تاتى باكاسات نظيفة محمولة ارضا..

ياراكوبة وين الانبراشة..بتاعة الفردة اليمين فى القون المفروض يكون الخامس
عموما خليكم رياضين ..ومن اسى مفروض يشدو حيلهم عشان مبارة الذهاب تكون واحد صفر لصالح مالى فى الخرطوم زى الرشاشات..عشان يبيضو وجوهنا
بوست يفتقر لعمر الفاروق...وسيف كلى....سيف كلى بقى عالم انساب وقد افادنا فى بوست البديرية..لكن عمر الفاروق مسجل غياب..بكون سافر ياربى...
لى كم يوم بفتش لبوست للكروة مالاقيوه ليه..ما عارف...

أبوقوته يا حبيب
الوالي الغالي وصلاح إدريس يدفعون بسخاء للعبة وانتماءات يعشقونها لا يرجون من ورائها أي مكسب، على الأقل ظاهرياً!!
والجري ده ما حقي
مباراة الإياب ستكون قوية، كعادة فرق القمة تؤدي مباراة دون المستوى ومباراة في القمة!

حاتم
والله لقيتك رسام رسم
المواهب دي كلها (راجية) هزيمة من زمان ولا شنو
مبروك على (الإتنين)، وشدوا حيلكم في الإياب، وآخر فريق جنوب أفريقي "سوبر سبورت" كان غلبكم رايح جاي!
وخليك قريب

.

Quote: والله لقيتك رسام رسم

هاهاهاها
تعرف يا راكوبة في الرسم ده أنا غايتو بعرف أرسم خط مستقيم .. وبالاستعانة بالمسطرة كمان ..غير كده ما بيطلع معاي حاجة تانية .. رغم حبي الشديد وتذوقي لهذا الفن ..
الرسومات دي عبارة عن رسومات " كليب آرت " جاهزة .. فقط انتقيت ما يعبر عن حالكم.. وقمت بتلوينه بالفوتوشوب ..
قمت بتصغير الصورة أملا في التقليل من فرشخة البوست .. ولكنها استفهامات كيقا ..الزول ده ( مالو) ظاهر عليهو لسة ما فاق من البيف باف المالي ذو القوة الثلاثية ..هاهاها
.

حاتم
إنت راجل فنان، وبس ناقصك لون أحمر

Quote: اللاعب السوداني ضعيف خارجيا : قال مدرب الحراس هشام السليني: اثبت اللاعب السوداني في كل المباريات والمنافسة الدولية بأنه ضعيف ويفتقد الفكر الاحترافى خاصة خارج الارض بدليل ان المريخ سافر وهو في قمة الاستعداد من كل النواحى الا ان وحسب الوصف التفصيلي للاذاعة الذي تابعناه ظهر المريخ الخارجى عكس المريخ الذي عرفناه واقول بان المباريات الخارجية لها تكتيك معين ومن المهم جدا الخروج باقل الخسائر او التعادل الا انه من الواضح ان الطريقة التي لعب بها الفريق ادت الى انهيار الاعمدة الاساسية في الفريق كما انه من الواضح ان مدرب فريق باماكو قد درس المريخ دراسة وافية وقام بتعطيل مفاتيح اللعب والغى دور المهاجمين تماما واذا نظرنا الى الحارس بهاء الدين وحسب وصف الاذاعة نجده نجم المباراة الاول وجراء الضغط الهجومي المتواصل عليه وابعاده للكثير من الكرات الخطرة ونتيجة 3 /صفر ليست كبيرة بذلك الحجم الذي يتوقعه الكثيرون ? واتوقع اذا ادي لاعبو المريخ المباراة بكل جدية يمكن التعويض فالمهمة ليست مستحيلة لكنها صعبة مررنا بتجارب عديدة والمريخ يزداد قوة عند المنازلات الصعبة التي تتطلب اهدافا كثيرة وفي النهاية مباراة الرد بام درمان هي مباراة لاعبين في المقام الاول.

Quote: موقع نادى باماكو : يوم السبت كجور المريخ ! اهتم الموقع الرسمى لنادى اي سى باماكو على الانترنت بمباراة الفريق امام المريخ وافرد لها مساحة واسعة وقال ان جماهير باماكو تفاءلت كثيراً بتخطى المريخ بعد ان تأجلت المباراة من يوم السبت الى الاحد لان الاول بمثابة يوم الكجور لنادى المريخ وتحدث الموقع عن المباراة ومجد نجوم الفريق وقالوا ان المباراة كانت جيدة رغم ان الفريق السودانى لم يكن بالخصم السهل وذكر الموقع ان نجم المريخ علاء الدين يوسف كان يستحق الطرد مع نجم باماكو ابراهيم باكيوكا.

ابو الرواكيب
ما يهمك الشواطين الحمر ان شاء الله في الخرطوم حا يجضموا الماليين
وناس حاتم ديل خليهم يموتو موتهم مع (الخمسات)

إن شاء الله يادكتور طارق، المريخ قادر على العودة، "إسبورتيف باماكو" ليس أفضل من كانون ياوندي

Quote: رفض قيده بالمريخ جمال الوالي يعيد البلدوزر للهلال تابعت «المشاهد» التحركات التي قام بها بعض أقطاب المريخ النافذين ولقائهم بلاعب الهلال الموقوف علاء الدين بابكر للإستفادة منه وضمه لكشوفات المريخ بعد قرار مجلس الهلال الأخير بإنهاء تعاقده.. وأفادت مصادر «المشاهد» أن رئيس المريخ السيد جمال الوالي رفض مبدأ قيد اللاعب علاء الدين بابكر في المريخ، وأوضحت المصادر أن السيد جمال الوالي سيقود مبادرة لإعادة اللاعب للهلال بعد الاتصال برئيس الهلال السيد صلاح احمد ادريس وأعضاء مجلس الهلال خاصة وأن ما حدث يعتبر أكبر عظة للاعب.. وأشارت المصادر إلى أن مبادرة الوالي نحو البلدوزر تجئ متسقة تماماً مع موقف رئيس الهلال الأستاذ صلاح ادريس في قضية اللاعب عبد الحميد السعودي عندما قاد المبادرة مع الاتحاد العام وطالب في الصحف بمراعاة سن اللاعب وتقدير موهبته.

الاخ راكوبة...بعد مشاهدتي اليوم لشريط مباراة الهلال واورلاندو تأكدت ان الهلال مظلوم تماما...فقد ادي مباراة رائعه ولم يحتسب الحكم ضربة جزاء اوضح من الشمس في انحياز غريب جدا...يبدو ان حيادية الحكام اصبحت شيئ غير طبيعي ..كما لازم سوء الحظ هيثم طمبل كثيرا خاصة في القذيفة التي صدها القائم..

ويبدو ان العودة ممكنة في الاياب

دكتور ياسر
سلامات
أدى الهلال بصورة جيدة خاصة في الشوط الثاني، وهذا لايمنع من أن الفريق الجنوب أفريقي كان قادراً على إضافة المزيد من الأهداف، مع تهلهل الدفاع وتواضع أبوبكر الشريف، ولولا التغير الذي أحدث ضجة لتضاعفت النتيجة.
مباراة الإياب أصعب لأن الهلال سوف يفقد طمبل، وسيلعب بمهاجم وحيد هو النيجيري " قودوين"، مع غياب دور صانع الألعاب "هيثم مصطفى" الذي تفرغ مؤخراً لكل شيء في الدنيا إلا كرة القدم!
أما هيثم طمبل لو تابعت الحديث الفني قبل اسابيع في قناة النيل الأزرق حول اللاعب ذاته في أن هداف السودان لا يستطيع حتى الآن إحراز الأهداف وهو في حالة إنفراد بحارس المرمى؟! وكثيراً ما يضيع الفرص السهلة الكفيلة بإنهاء المباريات ويحرز الصعبة، وقد لا يحرز، فهو يلعب اعتماداً على السرعة والقوة في التسديد وينقصه بعض المهارة التي يتمتع بها المهاجمون، يلعب على المساحات، وإذا تعرض لرقابة مثل مباريات هلال مريخ يغيب ولا تحس بوجوده أبداً.
إذا سجل الضيوف أي هدف، سوف يكون التعويض مستحيلاً، فالقراصنة يمتلكون هجوماً وخط وسط قوي ودفاع عادي.

شاهد أهداف القراصنة في الهلال بجوهانسبرج