Post: #1
Title: ناس شرطة النظام العام "قلوظوا" الكورة ولبنى شاتت في مقتل
Author: جلال جبريل
Date: 08-06-2009, 08:04 AM
قضية لبنى
قضية لبنى
قضية لبنى
قضية لبنى
قضية لبنى
..... ذكرت لبنى على أثير الـــ BBC وبعد ساعات بسيطة من الحكاية
"ناس الشرطة ماجو الصالة قاصدني أنا تحديدا ً ، وإنما جو بسبب إستمرار الحفل الذي
زاد فوق الزمن المحدد من السلطات ".
وأضافت :"الصالة هي ملكا ً لشخص مصري تستقل في إقامة وتنظيم حفلات الزواج
ولكن جرت العادة انه وعندما لايكون هناك حجز يأتي صاحب الصالة بفنان "!!!!!
وبتاعين الشرطة ديل إمكن إكونوا أي إتنين كانوا بكفحوا ليهن في كبابي عصير
سمعو بي الفنان البيقوقي قالوا نمشي نتلولو في صاحب الصالة "الفكة ياقريبك".
ولايدرون أن للبنى كرسيا ً قصيا ً هناك ، وهي تبحث "حالها" كأي من الذين
توكأوا على عصي الصحف السودانية ذات الـــ16 ردحا ً من الزمن...ولازالوا
يريدون المزيد من الشهرة .
وما أسهل ذلك ..... فقط أوصل الخبر لمنابر الجامعات ...الجماعة بيدكوا المحاضرات
ويشييييلوا حق الفطور ويلاء المظاهرات من أجل قضية فلان ولد فرتكان .....
إتو عندكم مجتمع بيرفض أي صورة للبت البتمشي للحفلات العامة براااااها كدة سليقة لارفيق
يفك الضيق ولا أخويا ً يرد العدو .
وزي ماقال فيصل الرشيد "واحده مرقت من بيت اهله بدون ما يكون معاها لا ابوها لا اخوها
لا زوجها ولا بالكتير اختها وقعدت ليها في حفله لي اخر الليل"
وهي ماصدقت شافت ناس النظام العام عفاريت الجن ركبتا وقالت أنا أستقل الموضوع..
وإمكن ماكانوا فاكرين لي لبس فاضح ولا غيروا هي ورفاقتا قامن إتشنضرن...
والعسكري غبي مايشوف ليهو موضوع لي الولوة إلا كف قام ، بدون مايكونو عارفين
دي لبنى ولا ديك عاشة ست الشاي....
وختوليها الكورة وشاتت.........
|
Post: #2
Title: Re: ناس شرطة النظام العام "قلوظوا" الكورة ولبنى شاتت في مقتل
Author: محمد عمر الفكي
Date: 08-06-2009, 08:38 AM
Parent: #1
عجائب وبس
|
Post: #3
Title: Re: ناس شرطة النظام العام "قلوظوا" الكورة ولبنى شاتت في مقتل
Author: جلال جبريل
Date: 08-06-2009, 09:18 AM
Parent: #2
وأي محامي مالاقيليهو موضوع سواليهو موضوع وقال أنا ضمن اللجنة
المتخصصة في قضية لبنى والدفاع عنها
وأنا غايتو لو مكانن أتسبب مع أي بتاع شرطة شان يضربني
وخلي لي واحد باريني للتصوير
نجي للماعندهن موضوع هنا
في البورد في ناس متخصصين في رفع شعارات الدفاع عن الجيعانين
والمظلومين وعندهن جن إسمو إحتقلوهو ودقوهو ...
زي الفي الجامعات المتخصصين في لبس البنطلون
المشروط قصاد الركبة والشبط المقطوع والواحد عامل ليك فيها
هو ضد النظام وبيهدف لرفع المعاناة عن كاهل المواطن ......
بس ياترى لبنى أكانت لابسة بطلون زي دا ولا الكلام إسترتش ولا ردا؟؟؟؟
ومحمد عمر الفكي في حواك!!!!!
|
Post: #4
Title: Re: ناس شرطة النظام العام "قلوظوا" الكورة ولبنى شاتت في مقتل
Author: محي الدين جبريل
Date: 08-06-2009, 09:28 AM
Parent: #3
أبوجقادوا سلامات
نفيدكم أن الشغالة أمس ما جات ... والموية كانت قاطعة وجات بعد الآذان الأول وقطعت قبل الاذان التانى ... وحمودى كسر من الصباح صحن
وكبايتين...والليلة ح نتغدى بملاح ورق وح نعكل لقيمات مع شاى المغرب ...
وبعد
بالإشارة للموضوع البوست أعلاه
إنت معانا ولا مع التانين
كجب كجب كجب كجب
|
Post: #5
Title: Re: ناس شرطة النظام العام "قلوظوا" الكورة ولبنى شاتت في مقتل
Author: جلال جبريل
Date: 08-06-2009, 09:49 AM
Parent: #4
أنا معا ملاح الورق والموية القاطعة دي ياحبة
|
Post: #6
Title: Re: ناس شرطة النظام العام "قلوظوا" الكورة ولبنى شاتت في مقتل
Author: جلال جبريل
Date: 08-08-2009, 09:18 AM
Parent: #2
شكرا ً محمد عمر للمرور
العجائب إنو هنالك بعض الناس متخصصين للإنجراف دون الإلتفات لماهية
القضية ، البنطلون من فترة طويلة أصبح عادي جدا ً في الشارع
السوداني وكان دي مشكلة ناس النظام العام معناها حفلات المناسبات
العادية "الزفاف" ماحاتقومليها قايمة تاني .
أنا ضد قانون النظام العام بتطبيقاتو الأولى ليه لأن الإنقاذ نفسها
تناست فكرة البت دي لابسة ودي عريانة ..... ودا لي شئ إعرفوهو
هن براهن ......
|
|