هل يمكن استبدال النظام العام بهيئة للامر بالمعروف والنهي عن المنكر ...

يتخيل لي بكون اظبط ...

يا هو دهع الفضل كمان.

القصة كمان جابت ليها رجال هيئة.

فكرتك مهببة طبعا.

يا ود الباوقة

انت ما صايم؟

عارف انا عندى نظرية انت بتاكدها لى كل يوم

ما تخاف حانشرها هنا قريبا

الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب. يقول تعالى: {ولتكن منكم أمة يدعون إلى الخير ويأمرون بالمعروف وينهون عن المنكر } [آل عمران: 104]. ويقول تعالى: {ادع إلى سبيل ربك بالحكمة والموعظة الحسنة } [النحل: 125]. ويقول عليه الصلاة والسلام (من رأى منكم منكراً فليغيره بيده فإن لم يستطع فبلسانه، فإن لم يستطع فبقلبه وذلك أضعف

انت ما صايم؟

اخي المجمر وهل ما ذكرته يبطل الصوم

تصوم وتفطر على خير ..

موافقين بس بي شروط :

- يلبسوا العمة بدون طاقية ، و تكون عمة صغيرة ، مش بتاعين السعودية ما بلبسوا عقال ؟

- لا يسمح لهم بحمل أسلحة أو سيطان أو موبايلات أو لا سيلكي

- أن يلبسوا جلاليب زاهية الألوان تميزهم من على البعد ، أحمر بي أخضر مثلاً .

- لا يستعملون العربات أو الحصين ، بس جمال أو بغال أو حمير

- يعلقوا أجراس في رقابهم ، تصدر رنيناً مميزاً عند إقترابهم ، حتى يتهيأ الناس لسماع الوعظ بنفوس مطمئنة .

- لا يسمح لهم بالإقتراب من الحدائق العامة ، و المطاعم ، و المناطق السياحية ، و شاطئ النيل ، و الميادين العامة ، و أماكن الإحتفالات ، و بيوت الأعراس ، و بيوت الناس طبعاً .

- يحدد لهم حد قانوني للكلام مع الزول في المرة الواحدة : مثلاً لا يسمح لهم بأكثر من دقيقة كلام ، بعدها يدوا الزول الإتكلمو معاهو كرت ، عشان لو جوهو واحدين تانين يوريهم الكرت و يمشوا منو طوالي ، صلاحية الكرت إسبوعين .

- يتوقفوا عن العمل في مواسم الأعياد ، و رأس السنة و الكريسماس و شم النسيم ، و في أي يوم يكون فيهو الجو جميل

بالشروط دي أنا موافق

القصة كمان جابت ليها رجال هيئة.

فكرتك مهببة طبعا.
الاخ دينق ..

اهل الامر بالمعروف والنهي عن المنكر يسعون في دعوتهم بالحكمة والموعظة
الحسنة ويجادلون بالتي هي احسن ...

Quote: يتخيل لي بكون اظبط ...

هى من ناحية اظبط ... اظبط

لكن المشاكل بتكتر معاهم لانهم بيكونوا ملكيين

ولا شنو ؟؟؟





أحمد العمار

ياهو الفضل

أهديك هذه الحلقة من مسلسل طاش ما طاش 14

http://www.youtube.com/watch?v=vUbeyrTzRUI

الزول دة بيصحو

الزول دة بيصحو


اخي طارق ..

نعم بيصحي ..

تصوم وتفطر على خير ..

الأخ ود الباوقة المحترم

لماذا تحرص دائما على الإدلاء بكتابات تستفز الناس ؟

في موضوع المغتربين ... رغم أنك واحد منهم ونفترض أنك تعاني مثلهم (نفترض ذلك) رغم ذلك كانت كتابتك تركز على تسفيه المغتربين ومعاناتهم وآرائهم .


ثم الآن تأتي لتطلب فرض الهيئة على المجتمع السوداني المتسامح المسامح المسالم المتعدد الثقافات ؟

الهيئة لا تصلح أبدا للمجتمع السوداني ....

الهيئة لا تصلح أبدا للمجتمع السوداني

الهيئة لا تصلح أبدا للمجتمع السوداني

Quote: لماذا تحرص دائما على الإدلاء بكتابات تستفز الناس ؟

اخي هاني . اين الاستفزاز الان هذا راي شخصي ربما اخذ به
اهل الحل والربط او تركوه . وفي كلتا الحالتين الدين النصيحة...

Quote: في موضوع المغتربين ... رغم أنك واحد منهم ونفترض أنك تعاني مثلهم (نفترض ذلك) رغم ذلك كانت كتابتك تركز على تسفيه المغتربين ومعاناتهم وآرائهم .

موضوع المغتربين كانت هي مناوشة مع الاخ يوسف السماني في جزئية

معينة اما الاتاوات الرسوم الاخرى وتحديدا تاشيرة الخروج فانا ضدها

Quote: ثم الآن تأتي لتطلب فرض الهيئة على المجتمع السوداني المتسامح المسامح المسالم المتعدد الثقافات ؟

عشان هو شعب متسامح ومسالم (اهل الحسبة ) هم من سيتماشى معه..

ياهو الفضل

والله يا مريم يا اختي انا شايف لو تم تطبيقه بديلا

لقانون النظام العام بيكون احسن ..

هى من ناحية اظبط ... اظبط

لكن المشاكل بتكتر معاهم لانهم بيكونوا ملكيين

ولا شنو ؟؟؟

اخي العمار..

ملكيين دي ما مشكلة . الاثبات الذى معهم هو المهم..

صدقني هناك الكثير من المشاكل يمكن حلها بواسطتهم..

ود الباوقة ورمضانك كريم ياخي..


ويا زول انت عجبك الكفت والغمت البحصل من ناس (الامر بالمعروف) في السعودية ده
وعاوز تصدر لينا الارهاب ولا شنو..
يا زول هووو اوووعا

ود الباوقة

ســــــــلامات....
قبل الهيئة لآزم الآمـــــر بالمعروف يكون قدوة ورجل دين بحق ولا تحـــــــوم حوله الشبهات
ودي ما ظنيتها موجـــــــــودة كتير عند الجماعــــــة ناس النظام العام أو...........
والناس العندهم هيئة عايزين يتخلوا عنها السعودية كمثال...
ورغم وجـــــــــود الهيئة في السعودية ..إلا ان المجتمع السعودي محتاج 200 سنة عشان يحصل السوداني
يا زول فكنا منهم ناس الهيئة ديل....

كل الود

Quote: الهيئة لا تصلح أبدا للمجتمع السوداني .... الهيئة لا تصلح أبدا للمجتمع السوداني الهيئة لا تصلح أبدا للمجتمع السوداني

أو لأى مجتمع آخر

الاخ ودالباوقة
رمضان كريم..

أخوي والله العظيم انصحك لوجه الله..خصص وقت للقراءة خاصة الكتب الفكرية التي تتناول الاسلام ومفاهيمه وأخص كتب الفيلسوف مالك بن نبي http://www.binnabi.net/ والمفكر السوداني محمد ابوالقاسم حاج حمدhttp://www.hajhamad.net/ والمفكر السوري جودت سعيد وغيرهم.
الاسلام حارب الجمود والتخلف وأمثالك لأنهم لا يطلعون على الفكر الاسلامي النّير يسؤون للاسلام..لأن التجربة التي تريد تنفيذها في السودان قد فشلت في السعودية أيما فشل ومهما حاولت ان تؤكد نجاحها لا مكان لذلك كلنا تابعنا وقرأنا وعشنا ووقفنا على سلبياتها.
ولا تفتكر نفسك غير مسؤول عن أنك لا تعرف فالمعرفة اصبحت متاحة لأي انسان يريد أن يعرف وفي اي مكان، والأفضل كان أن تقول:
"يا أهل السودان تعالوا نجتهد ونفكر سوياً في ايجاد وسيلة أو آلية تقوم بدور كذ وكذا".
والخطأ أن نقوم باستنساخ تجربة عليها قولان..

واستغفر الله لي ولك

يا زول هووو اوووعا

كيكي 00

رمضان كريم كل عام وانت بالف خير ..

صدقني نظام اهل الحسبة لو تم تطيبقه في السودان

لتنزل خيرا وبركة على الجميع . هو نظام مستمد
من كتاب الله وسنة رسول الله . وهو دعوي وارشادي
بالدرجة الاساس .

صالون الهيئة - طاش ما طاش 14 -- (1)
http://www.youtube.com/watch?v=tc2SRBg_WGU&NR=1

الجزء الثاني من حلقة صالون الهيئة - طاش ما طاش 14

http://www.youtube.com/watch?v=UhukSLnd1Hg&feature=related

الجزء الثالث من حلقة صالون الهيئة - طاش ما طاش 14
http://www.youtube.com/watch?v=sJvL1rtcX4U&feature=related

الجزء الرابع
http://www.youtube.com/watch?v=Pt-RxDBLRos&feature=related

الجزء الخامس
http://www.youtube.com/watch?v=aPLIfsamv7o&feature=related

الجزء السادس
http://www.youtube.com/watch?v=K5KIxfEywZQ&feature=related

الجزء السابع
http://www.youtube.com/watch?v=u-gLjKefqh8&feature=related

الجزء الثامن
http://www.youtube.com/watch?v=hpEK0AQN49U&feature=related

الجزء التاسع
http://www.youtube.com/watch?v=n81bWCckavY&feature=related

اسمح لي اقول ليك يا ود الباوقة رمضان قام بيك

وبقيت تهطرق

هو نا سها خلوها

انت عايز تجيبها تاني

خلو لخلق لي خالقة وواعملوا مشاريع اقتصادية تستوعب الس=شباب هو د الامر بالمعروف
وتلقائيا حيتجه الشباب للانتاج ويتزوج ويكون اسر وبكدة تكون نهيته عن المنكر
انت قايلة صعبة؟

Quote: خلو لخلق لي خالقة وواعملوا مشاريع اقتصادية تستوعب الس=شباب هو د الامر بالمعروف وتلقائيا حيتجه الشباب للانتاج ويتزوج ويكون اسر وبكدة تكون نهيته عن المنكر انت قايلة صعبة؟

دكتورنا محمد حسن ..

التنمية شغالة ولله الحمد والمنة وكل يوم هناك انجاز
جديد يضاف في سجل الانقاذ الخالد ...

اما هيئة الامر بالمعروف والنهي عن المنكر فأرى انها
ضرورية جدا في الوقت الحالي ...

هسي دي الزواغة بتاعتكم ؟


انت عارف يا ود الباوقة المشكلة ما هي الاسم المشكلة المنهج ودي انتو ما عايزين تفهموها مفتكرين انو تبدلو اسم الحاجة بتخلي الناس تقبل بيها ودي استهانة بذكاء الشعب السوداني
فدحين سويتوها الهيئة خليتوها علي اسمها الحالي ما دام هو نفس المنهج بقي ضياع زمن وموارد وسياسة رزق اليوم باليوم دي هي اللي وصلت مدفع الدلاقين (هيييع) لغاية اوكامبو

يا ربي دا قاصد معروف منو ومنكر منو !!!؟

على قول عادل امام

هو نحن خلصنا من كبر ى العباسية عشان تجيب لينا كبرى ابو العلا

يا زول استغفر الله وصوم

انت ما عايش فى السعودية ولا شنوا ؟

ود الباوقه سلام خلى موضوع رفع السودان من قائمة الدول الراعيه للارهارب يمر
وحقوق الانسان وشوية مصالحة مع ادارة اوباما وبعدين نفكر فى الحاجات دى الكمره
الخفيه كان بتنجح فى السودان مشروعك دا بنجح ... والله البنيه تدور ضحى ..

Quote: هل يمكن استبدال النظام العام بهيئة للامر بالمعروف والنهي عن المنكر ...

ود الباوقه كان ممكن،لكن ناسك ديك ما بعرفو كده
لانهم شغالين بطريقة الامر بالمنكر والنهى عن المعروف،،،

ود الباوقة !!

النجييضة :: خلينا فى ى ى ى ى نظامنا العام دا !










ــــــــــــــــــــــــــ
هم ناس الامر بالمنكر والنهى عن المعروف ديل
فى ى ى سعوديتهم اسه قايمين عليهم
شوف نحن نصدر ليهم المنقا واللحم وهم يصدروا لينا شنو ؟؟

فزوره زي نكتة و كدة

واحد من اعلام الداخل قال لي واحد من اعلام الخارج

انت خارج دي جاية من تصريف خرج يخرج أخراج ............. ؟؟؟؟؟



دي هدية خاصة لي ود الباوقة بمناسبة سد الشريك و أغراق اراضي الباوقة



زمن الحمير ..!!



المعجزات كلها في بدني ،

حي أنا لكن جلدي كفني ،

أسير حيث أشتهي لكنني أسير ،

نصف دمي بلازما، ونصفه خفير ،

مع الشهيق دائما يدخلني، ويرسل التقرير في الزفير ،

وكل ذنبي أنني آمنت بالشعر، وما آمنت بالشعير ،

في زمن الحمير

Quote: موافقين بس بي شروط : - يلبسوا العمة بدون طاقية ، و تكون عمة صغيرة ، مش بتاعين السعودية ما بلبسوا عقال ؟ - لا يسمح لهم بحمل أسلحة أو سيطان أو موبايلات أو لا سيلكي - أن يلبسوا جلاليب زاهية الألوان تميزهم من على البعد ، أحمر بي أخضر مثلاً . - لا يستعملون العربات أو الحصين ، بس جمال أو بغال أو حمير - يعلقوا أجراس في رقابهم ، تصدر رنيناً مميزاً عند إقترابهم ، حتى يتهيأ الناس لسماع الوعظ بنفوس مطمئنة . - لا يسمح لهم بالإقتراب من الحدائق العامة ، و المطاعم ، و المناطق السياحية ، و شاطئ النيل ، و الميادين العامة ، و أماكن الإحتفالات ، و بيوت الأعراس ، و بيوت الناس طبعاً . - يحدد لهم حد قانوني للكلام مع الزول في المرة الواحدة : مثلاً لا يسمح لهم بأكثر من دقيقة كلام ، بعدها يدوا الزول الإتكلمو معاهو كرت ، عشان لو جوهو واحدين تانين يوريهم الكرت و يمشوا منو طوالي ، صلاحية الكرت إسبوعين . - يتوقفوا عن العمل في مواسم الأعياد ، و رأس السنة و الكريسماس و شم النسيم ، و في أي يوم يكون فيهو الجو جميل بالشروط دي أنا موافق

كدي ورينا رأيك شنو في الشروط دي .....والله يامين الناس الذين سبوقوهم في هذا المجال بدأو في مراجعة التجربة وهم ياكافي البلاء بدلاً من اتباع القاعدة العملية التي تقول ان المعرفة تراكمية
وتبتدي مما انتهي اليه الاخرون لا تلزمهم ...هؤلاء قوم خارج التاريخ...ا

ود الباوقة اخوي ديل لابيعجبهم العجب ولا الصيام في رجب

نظام عام البسيطة دي عاملين فيها قلق ومابالك لو هيئة للامر بالمعروف والنهي عن المنكر كلامك دا لوتم ناس حبيبي مفلس حقهم راح و ناس لبني حسين بشيشو وين ياربي

الناس ديل دايرين البلد دي فاكه زي باريس لا هيئة امر ولانظام عام

يعني خلاص الولد متبع الامر بالمعروف



وامر معروف من وين يصدر من دولة متخلفة زي السعودية



ونهي منكر ايه الذي ياتي من وهابية تسبح بحمد الملك وترقص باشارة الامير



لا حولا يعني عايز مزيد من العذاب لاهلك


لو انت متبع المعروف قل الحقيقه ببركه هذا الشهر الكريم



والساكت عن الحق شيطان اخرص


ويجب عليك ان تخرص

لان لشعبنا اخلاق افضل مما تريد استيراد اسوا حاجه في فكر الوهابية



يا سلام

الاخوة المتداخلون ..

يعني نفهم من كلامكم دا دايرنها

فوضى لا ظابط ولا رابط ...

ود الباوقة.

ما هو رأي رجال الهيئة في رقص الرئيس ووزير دفاعه؟
هل هو حلال أم حرام؟
أرجوا أن تأتي لي بفتوة من السعودية لو سمحت.

الحبوب

لا حاجة للشعب السوداني بي رقيب او امر بي المروف و ناهي عن المنكر

مثل هذه الافكار هي التي تسبب ظواهر شاذة في المجتمع السوداني الذي كان سابقاً رمزاً للأخلق و المثل التي اندثرت والشكر موصول لك صاحب جسدو روح ما عارف شنو كده !!

ما زال السودان يعج بالكثير من القلوب النظيفة !! رغم كيد الاعداء من ناس النظام العام و غيرهم من المرضى ,,,!!


اقله في السابق كانت الإشارة واضحة ! ولكن الان إختلط الحابل بالنابل في محاولة لتشويه ماتبقى من شعب


رمضان كريم و البحبو كلو كريم .

ياودالباوقة رمضان كريم
أول حاجة يجب أن نعرف هل توجد دولة إسلامية أم لا ؟
بلد فيها زوجة منو ما عارف طالعة ب ملايين الدولارات
زوجة منو ما عارف تستلم أموال الزكاة بدون مسوغ شرعي
منو ما عارف عندو مزرعة حدادي مدادي
فلان وفلانة عندهم شركات وهمية وإعفاءات جمركية
فلان وفلانة شغالين بأموال الدولة تجارة وتهريب
باعوا أراضي البلد بدون مقاسات محل ما عينك تشوف تشتري أهم شئ العمولات.
بلد فيها سعر العجورة 250 جرام ب 2 جنيه ، وخمسة ليمونات ب جنيه ، وشوال السكر ب 140 جنيه ؟
بلد فيها المستثمر شغال حلويات ومأكولات وأزياء وصالونات تجميل وأثاث منزلي
بلد فيها المواطن لا يملك ثمن التذكرة كي يتحرك من منزله لمنزل عزاء
بلد فيها المرض والجوع والأمية صفات متزامنة ومتلازمة .
الرشى والسرقات حق من حقوق الموظف الرسالي
الذبح من الوريد للوريد لم يعد ظاهرة بل أصبح عادة
عن أي نظام عام أو هيئة تحدثنا يا شيخنا ؟؟؟؟؟؟؟؟
هل سمعت عن كوز مسئول ثبتت سرقته واختلاسه وتحايله بمحاسبته أو محاكمته ؟
أم أن شرعكم المزعوم فقط للضعيف ؟؟؟؟
اتقوا الله في انفسكم اولا واعدلوا فهو اقرب للتقوى ...
الشفيع

الجماعة بطالبوك قولة رمضان كريم

Quote: ما هو رأي رجال الهيئة في رقص الرئيس ووزير دفاعه؟ هل هو حلال أم حرام؟

دي عرضة يااخوي البلاد الفيها هيئة مابعرضوا فيها ولاشنو

دي ما رقصة في ديسكو ولابار زي البتشوفوا عندك

Quote: دي عرضة يااخوي البلاد الفيها هيئة مابعرضوا فيها ولاشنو دي ما رقصة في ديسكو ولابار زي البتشوفوا عندك

عرضة ولا عباسية.

ده رقص وطرب عديل كده وفيهوا هز للأجسام .

أبو عدي....رمضان كريم،
والله السطحية مصيبة كبيرة.... والانتهازية والتملق مصيبتان أكبر.
بعدين ياخي ما تنسى سؤالي السألتك ليهو في بوستات سابقة وما زلت انتظر إجابتك: هل انت صحفي، وهل لديك أي علاقة بالعمل الإعلامي "كمهنة"؟

Quote: النجييضة :: خلينا فى ى ى ى ى نظامنا العام دا !

دينا
دي ياها الحتة العايزين يجيبوكم فيها زااااتها ...
الناس أعترضت على قانون النظام العام ..
يقومو يهددوهم بقانون أسوأ ..
بعداكـ الناس تقول خلاص خلونا في قانونا زاااتو ...


الكيزان ديل عاملين فيها أذكياء .. مش يا ود الباوقة ؟؟

و الله فعلا يا ود الباوقة دي الحاجة الوحيدة الناقصة







و تبقى بالجد عايرة و ادوها سوط

الفاضل/ ودالباوقة

رمضان كريم ربنا يتقبل منك صالح الاعمال

العبرة في تقديري ليست في التسمية بقدر ما هي في القانون وكيفية
تطبيقه ومن يطبقه, اي مجتمع يقوم بانشاء آلية لضبط الامن وتنظيم
العلاقة بين افراده
في القانون الحالي لو تعديت ما سميته انا (منطقة الجنس) الى باقي

القانون تجده يتحدث عن التدخين في الاماكن العامة ورمي المخلفات في
الشوارع الازعاج العام الخ بهذا كان القانون اوسع من التركيز على المخالفات الشرعية
من جهة اخرى كما نقول في عالم الصحافةالدستور الحالي حدد بوضوح وضع
العاصمة القوميةوكيفيةالتعامل مع اصحاب الديانات الاخرى
لذلك فان انشاء جهاز ضبط ديني يعد مخالفة صريحة للدستور

ود الباوقة

واضح انك تطورت

باقتناعك بعدم صلاحية "النظام العام"

وضرورة استبداله


أما الهيئة التي تريد استبداله بها

هل ستكون من رجال (هل معهم نساء؟)

من دين واحد (في بلد متعدد الأديان)

بفهم واحد لذلك الدين

لا يرى في الدين إلا الوصاية

وطاعة الحاكم الفاسد

ويكونون مسلحين بالسياط والبسطونات

ومخولون باستعمالها فوق رؤسنا

بدون الرجوع لسطة قضائية

فيصبحون هم المشرعون والقضاة والمنفذون


هذه لعمري ردة عن أبسط منجزات السودان في حفظ النظام


لماذا تكره الشعب السوداني لهذه الدرجة؟



الباقر موسى

عفوا

عايرة و ادوها شلوت

أولاً: رمضان كريم

ثانياً : أسمح لي أقول ليك ما أخسَّ من زيد الا عبيد

الأمر بالمعروف والنهي عن المنكر من أسمى العبادات ولا يخرج الأ من نفس إنسانية مؤمنة ومحبة للخير
وهو من الأعمال الجليلة التي تُرفع بها الأمم وتبعدهم عن التهلكة
ولكنها للأسف عند الشعب السعودي يقوم بها فئة من القذرين وربما معظمهم تأهل في السجون الا من رحم ربي ولا يعرفوا أبسط قواعد
الدعوة الاسلامية وهي الأمر( بالمعروف ) والجدال باللتي هي أحسن وإقتداء بالرسول صلى الله عليه وسلم
أماعندنا فحدث ولا حرج
عندنا ليس أمر بمعروف أو نهي عن منكر وإنما فرض شخصية وعضلات وإستعراض لمهنة وزي ورجولة زائفة

تحياتنا يا باوقة
ورمضان كريم
وتصوم وتفطر على خير

ود الباوقة ..

رمضان كريم لك و لكل الاخوة

بمناسبة هذا الشهر الفضيل و الذى انزل فيه الفرأن هدى للناس ...

تعال اولا ندعوا الى اقامة دولة العدل و المساواة ... و بعدها ما يلزمها من قوانين !!

كل عام و انتم بخير

فزوره زي نكتة و كدة

واحد من اعلام الداخل قال لي واحد من اعلام الخارج

انت خارج دي جاية من تصريف خرج يخرج أخراج ............. ؟؟؟؟؟



دي هدية خاصة لي ود الباوقة بمناسبة سد الشريك و أغراق اراضي الباوقة


بي المناسبة رايك شنو في سد الشريك و غرق اهلك في الباوقة؟؟؟؟؟؟؟؟؟؟؟؟؟؟؟؟؟؟

الرجاء الرد بالسد

عيب يا راجل

Quote: يا ربي دا قاصد معروف منو ومنكر منو !!!؟

عبد الرحيم .. المسالة واضحة ولا تقبل ( التريقة )


تصوم وتفطر على خير ..

Quote: انت عارف يا ود الباوقة المشكلة ما هي الاسم المشكلة المنهج ودي انتو ما عايزين تفهموها مفتكرين انو تبدلو اسم الحاجة بتخلي الناس تقبل بيها ودي استهانة بذكاء الشعب السوداني

اخونا ود ابراهيم..

لو قام المسؤولون بعمل استفتاء شعبي ستكون النتيجة

بالتاكيد لصالح تكوين هيئة للامر بالمعروف والنهي
عن المنكر ..

Quote: الناس ديل دايرين البلد دي فاكه زي باريس لا هيئة امر ولانظام عام

تخيلوا - مجرد خيال - أن باريس و الخرطوم آنستين تقابلتا في الطريق ...
الخرطوم : باريس إنتي فاكة
باريس : ....................................

الرد الباريسي متروك لخيالكم

Quote: الناس الذين سبوقوهم في هذا المجال بدأو في مراجعة التجربة وهم ياكافي البلاء بدلاً من اتباع القاعدة العملية التي تقول ان المعرفة تراكمية وتبتدي مما انتهي اليه الاخرون لا تلزمهم ...هؤلاء قوم خارج التاريخ...

الأستاذ إبراهيم النعمة ، سلامات
مرات الواحد بيقول ، لو إستمرينا نحن و السعوديين بنفس المعدلات و الإتجاهات الحالية ، فسنرى السعودية دولة ليبرالية نسبياً ، بينما السودان يتدحرج في الهاوية التي حفرها معتوهي الإسلاميين : عنصرية ، تشدد ، فساد ، إستعباط لي عقول الناس ، و إستجابة الناس للعبط و التهريج

اتفرج
<object width="425" height="344"><param name="movie" value="http://www.youtube.com/v/dl2Kv5VU2cc&hl=en&fs=1&"&...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/dl2Kv5VU2cc&hl=en&fs=1&"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

واتفرج لسه

<object width="425" height="344"><param name="movie" value="http://www.youtube.com/v/Qfd0h2kBT8U&hl=en&fs=1&"&...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/Qfd0h2kBT8U&hl=en&fs=1&"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

ركزو على هذه المشاهد
الهيئة تقبض على بنت مع اخوها !!

<object width="425" height="344"><param name="movie" value="http://www.youtube.com/v/tBTqR1v87zc&hl=en&fs=1&"&...;/param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/tBTqR1v87zc&hl=en&fs=1&"; type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

بالله ده منظر
الله لاتريحكم دنيا وآخره

الاخ ودالباوقة سلام ...
ورمضان كريم

من يريد ان يصبح السودان مثل فرنسا ! فاليذهب الي حيث يبتغي .
فها انت كما عودتنا دائما قوي الطرح ناصر للحق ... فنحن امة عقيدتنا الامر بالمعروف والنهي عن المنكر


لك التحية والاحترام .

سلامات يا ود الباوقة


لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنْ الغَيِّ


يَا بَنِي آَدَمَ قَدْ أَنْزَلْنَا عَلَيْكُمْ لِبَاسًا يُوَارِي سَوْآَتِكُمْ وَرِيشًا وَلِبَاسُ التَّقْوَى ذَلِكَ خَيْرٌ ذَلِكَ مِنْ آَيَاتِ اللَّهِ لَعَلَّهُمْ يَذَّكَّرُونَ (26)

يا ود الباوقة دي ايات بتوري انه في حرية فردية واية تاني بتوري انه لباس التقوى خير لباس والتقوى
في قلب الانسان..
والحجاب ما من الاصول التي تركها يعد كفر..عشان نخلي الناس تكفر بالله عشان نحق فرع من الفروع

الله ادى الانسان خيارات كثيرة وطالبنا نذكر بعض ونهدي بعض بالموعظة الحسنة بالمحبة والمودة والرفق والنموذج..
لما يجي زول شايل ليه سوط باسم الدين يمحطك ممكن الزول يخلي الاسلام بعد ذلك..

عشان ربنا عارف طبيعة البشر طالب بالتحبيب الى الدين والرسول ص
طو ل عمره كان لينا مرنا ودودا يدعو الى عبادة الله محب جميل ويطالبنا قائلا بشروا ولا تنفروا

يجوك ناس "الامر بالمنكر والنهي عن المعروف " ديل مركبين مكنة ظل الله في الارض
يتعالموا مع النساء كشيطان رجيم.. الرسول ص وصى بالمرأة في حجة الوداع وهو في فراش الموت
لانه عارف انه حيجي يوم الناس تلخبط عقدها الشخصية بالدين..

ولذلك يا ود الباوقة لو الحكومة قررت نشر الفضيلة عليها بمناهج تربوية ممتازة وهذا من باب التوعية والارشاد
ثم توفير ما يحتاجه الناس..
ما ممكن البلد في عام الرمادة ليها 20 سنة والناس تفكر في بنطلونات النسوان
وينقسم الناس لقسمين ناس مع البنطلون وناس ما مع البنطلون
الدين يا ود الباوقة اكبر من اي بنطلون..

عشان كدا يجب تربية الفرد على احترام ذاته ونفسه كما طالبنا الاسلام
والذي يريد ان يخالف الدين يعاقبه رب العالمين ومسؤوليته فردية
مع انه الاسلام يحاسب الحاكم الذي لم يعبد الارض ويؤدي واجباته في حفظ الامن وترتيب الدولة العادلة..
لكن ما طالب الحاكم بانه يؤدب الناس بعمل النظام العام ولا هيئة النهي عن المعروف والامر بالمنكر حقتهم دي

مع التحية

يا شيخنا
قوم لف باللاي
وخد معاكـ محمد المسلمي دا لفتين!

Quote: فها انت كما عودتنا دائما قوي الطرح ناصر للحق

ياخي دي واسعة وساع لامن شايف جبل اوليا من هنا
الشي شنو هو؟؟

انت يعني عاجبينك ناس الهيئة العلوق ديل ومنو الحايقبل
يشتغل زي شغلهم دا وحايلبسوا طرح زي ديل اوعك تقول لي
يا زول رمضان وانت صايم وما صايم والحركات الكنتو بتخمو بيها
الناس دي ما خلاص اتكشفتو ومكنة العزف على وتر الدين بقت ما بتقسم
مع الشعب السوداني والله لو ايمانا بالله ما قوي قربتوا تكرهونا الدين ده.

Quote: ولكنها للأسف عند الشعب السعودي يقوم بها فئة من القذرين وربما معظمهم تأهل في السجون الا من رحم ربي ولا يعرفوا أبسط قواعد

قال نظام عام وهيئة
ورب العزة لو عندنا شريعة اسلامية لما وجدتم دارا لهذا الحزب اللا وطني وإن وجدت دارهم افضلهم حالا يده واحد والأخرى مقطوعة حدا ... لصوص ، كذبة ، دجالين ، محتالين ، قتلة ، قذرين ، قال فرنسا ...
الشفيع

لحين عودة

Quote: لحين عودة

نسال الله الثبات ....

Quote: الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب. يقول تعالى: {ولتكن منكم أمة يدعون إلى الخير ويأمرون بالمعروف وينهون عن المنكر } [آل عمران: 104]. ويقول تعالى: {ادع إلى سبيل ربك بالحكمة والموعظة الحسنة } [النحل: 125]. ويقول عليه الصلاة والسلام (من رأى منكم منكراً فليغيره بيده فإن لم يستطع فبلسانه، فإن لم يستطع فبقلبه وذلك أضعف

اخونا ود الباوقة
أرجو إلتزاماً بما ذكرته أعلاه وفي هذا الشهر الكريم
أن تسمعنا قولة حق في هذا الوضع القائم في بلادنا
الذي صار ينتقده حتى عرابوه !!!؟
وحتى نسمع رأيك في الفساد الذي عم القرى والحضر
وتردي الأوضاع وانهيار كافة المرافق بالدولة صحة
وتعليم وووووووالخ


حتى ذلك الحين نعطيك رأينا في موضوع هيئات الأمر
بالمنكر والنهي عن المعروف

في بلاد يغتال فيها المفكرون، ويكفر الكاتب
وتحرق الكتب، في مجتمعات ترفض الآخر، وتفرض الصمت على الافواه والحجر على الافكار،
وتكفر اي سؤال، كان لابد ان استأذنكم ان تسمحوا لي..
فهل تسمحون لي
ان اربي اطفالي كما اريد، وألا تملوا علي
اهواءكم واوامركم؟
·
هل تسمحون لي
ان اعلم اطفالي ان الدين لله اولا، وليس
للمشايخ والفقهاء والناس؟
·
هل تسمحون لي
ان اعلم صغيرتي ان الدين هو اخلاق وأدب وتهذيب
وامانة وصدق، قبل ان اعلمها بأي قدم تدخل الحمام وبأي يد تأكك؟
هل تسمحون لي
ان اعلم ابنتي ان الله محبة، وانها تستطيع ان
تحاوره وتسأله ما تشاء، بعيدا عن تعاليم أي أحد؟
·
هل تسمحون لي الا اذكر عذاب القبر لاولادي،
الذين لم يعرفوا ما هو الموت بعد؟
هل تسمحون لي
ان اعلم ابنتي اصول الدين وادبه واخلاقه، قبل
ان افرض عليها الحجاب؟
·
هل تسمحون لي
ان اقول لابني الشاب ان ايذاء الناس وتحقيرهم
لجنسيتهم ولونهم ودينهم، هو ذنب كبير عند الله؟
هل تسمحون لي
ان اقول لابنتي ان مراجعة دروسها والاهتمام بتعليمها
انفع واهم عند الله من حفظ آيات القرآن عن ظهر قلب دون تدبر معانيها؟
·
هل تسمحون لي
ان اعلم ابني ان الاقتداء بالرسول الكريم يبدأ
بنزاهته وامانته وصدقه، قبل لحيته وقصر ثوبه؟
هل تسمحون لي
ان اقول لأبنتي ان صديقتها المسيحية ليست
كافرة، والا تبكي خوفا عليها من دخول النار؟
هل تسمحون لي
ان اجاهر، ان الله لم يوكل احدا في الارض بعد الرسول لان يتحدث باسمه
ولم يخول احدا بمنح 'صكوك الغفران' للناس؟
هل تسمحون لي
ان اقول، ان الله حرم قتل النفس البشرية، وان
من قتل نفسا بغير حق كأنما قتل الناس جميعا، وانه لا يحق لمسلم ان يروع مسلما؟
·
هل تسمحون لي
ان اعلم اولادي ان الله اكبر واعدل وارحم من
كل فقهاء الارض مجتمعين؟ وان مقاييسه تختلف عن مقاييس المتاجرين بالدين، وان
حساباته أحن وارحم؟


هل تسمحون لي


نزار قباني

ما بتفرق كتير يا ود الباوقة
انت ما سمعت القصة البقت مثل في السعودية .. يقول ليك دا مطوع زي ( مطوع بِريدة ) يعني مطوع كده وكده ...
وبِريدة كما هو معروف مدينة بالقصيم .. ناس الامر بالمعروف ( المطاوعة ) بدو توجيهاتم بالميكروفون .. اها يا سيدي اليوم داك المطوع ناسي الميكروفون فاتح وفي امرأة ( حُرمة ) عابرة الشراع قدام عربيتو الفيها الماكرفون .. صاحبنا قال جملة الله لا سمعك ليها ... وطلعت في الميكروفون والناس كلهم سمعوها ... وبقت مثل ( مطوع بِريدة ) ...

ود الباوقة اللذيذ تُفاحا ...

Quote: الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب. يقول تعالى: {ولتكن منكم أمة يدعون إلى الخير ويأمرون بالمعروف وينهون عن المنكر } [آل عمران: 104]. ويقول تعالى: {ادع إلى سبيل ربك بالحكمة والموعظة الحسنة } [النحل: 125]. ويقول عليه الصلاة والسلام (من رأى منكم منكراً فليغيره بيده فإن لم يستطع فبلسانه، فإن لم يستطع فبقلبه وذلك أضعف

كلامك صاح ... بس ... أها البسبسه دي البِتاباها عارفك ، عِلا لبُد منا ... بس مِنو البِأمُر بِالمعروف وينهى عن المُنكر ، علو حكومة البشير القتلت (10) ألف بني آدم مدني (حسب إقرار عُمر البشير ذات نفسو في لِقاءِهِ مع البي بي سي) ولا يِمكِن الآمِرين بِالمعروف ناس الفِلل والعِمارات القامت في غفله زمن ولا يِمكن يِكون القتلو مجدي الحلفاوي والطَيار بُطرس القِبطي ولا الأعدمو (28) ضابِط صباح يوم العيد ولا القتلو في كجبار (4) شباب كانو بِتظاهرو بِالكدنكات والكواريك والملود ولا القال عنهم تقرير المُراجِع العام السوداني ما لم يقُلهُ مالِك في البقنِيه أعفِص الرابِط ده http://alintibaha.sd/index.php?option=com_content&task=...w&id=7327&Itemid=107
ولا الناس البِتعذِب في خلق الله الصباح الصباح أمشي زور المكتبات - مكتبة الفساد + مكتبة التعذيب

يا زول أخيرلك تكمِل صومك ساي ... إتْ قايِل البلد عِدمت الرُجال ولا شنو ، حرم أكان نتِفهُم تفْ الفُندُك ... إتْ قنِب شكِر في حكومة البشير وذات نفسك ترفُل في الدِمقس والحرير وناس الباوقة يا حليلُم النار لِحقتُم تب ... يا كافي البلا لا بِتقرا ولا بِتقرا ولا حتو بِتقرا ساي كِده ... معقول يِكونو برمجوك قدُر ده ناس الغرِب مشو لاهاي وناس الشرِق عصرو على الحبش والأرترِيين وناس الجنوب شالو شيلتُم تب وسوولم بلد ونحنا ناس الشِمال النوبِيين وعلي بِالطلاق أكان جا نيتنياهو ذات نفسو أكان أتحالف معاهو ومرجِعِيتي تحالُف الرسول (ص) مع يهود الجزيرة العربِية ... يا زول حتى لو ما عِندي مرجعِية بتحالف مع الشَيطان أبو قِرينات ظاتووو بس يِحِلني مِنكُم ... حتقول لي الشَيطان عِندو أجِنده ... الليِبقى ... قال ليهو < تخَيل لو ما كُنت سوداني > قاليهو قوم لِف ما كُنت حأكون أمريكي وراكِبلي فورد ...

استاذ ودالباوقة

رمضان كريم

تقبل الله منا ومنكم.


لو ده استطلاع راي انا شايفة الاتي

هيئة للامر بالمعروف والنهي عن المنكر لجميع الآليات الحكومية

ابتداءا من الرئيس وحاشيته

ومرافق الدولة ومكاتبها,,,

نديها سنة

ونستنى النتيجة...

اذا افلحت فلنا في اولياء الامر منا قدوة حسنة.

مابنختلف تبببببببب.

_______________________________________________

د.نجاة واستاذ ادريس علم الهدى.

رمضانكم كريم وعديل.

لا فض فوكم.

سلام ورمضان كريم
والله سؤالى لك يا أخ : لماذا لا تتبع أنت والأخ المسلمى
الأمر بالمعروف والنهى عن المنكر ؟!
يعنى مثلا من المنكرات :
الحرامى الوزير اللمن سرق أدوه إستراحة محارب
ممكن كدي النهى عن النكر دا يكون مقالةهنا فى سودانيز اون لاين
والحرامييييييييييية كلهم كدي أأمروهم بمعروف
من المنكرات مثلا : إغتصاب النساء فى دارفور
وما تقول لي ما حصل لأنو ناسكم ما قالوا مافى قالوا الحالات
ما كتيرة كدي أمركم بالمعروف شنو فى الحتة دى ؟!
فى منكر أكبر من حرق القرى فى دارفور؟؟!!!! كدى إنتو الاتنين
اامرو لينا بالمعروف فى القصة دى
ولا إنت قاصد الأمر بالمعروف دا فى هدوم النسوان
والله كل الدايرنو منكم من معروف أن تغضوا البصر
ولو دا مقال لجس النبض والله العظيم ناس الأمر ديل يجو السودان
إنجلدو جلد الجن نحنا سعودين ؟ولا سعوديين ؟؟!
إنت ما شفت ولاء بتضارب فى العسكرى عشان تقلع الموبايل منو كيف ؟ وقلعتو!
ولا ما شفت أميرة عثمان بيضربو فيها بالعصى بتشلت فى العساكر أبين شنبات
كيف والله الا أقولوا الروب قال أمر بالمعروف قال ؟!!
ياخ الإسلام دا قال لا تكذب ونحنا رئيسنا المسلم يكذب ويتحرى الكذب حتى
كتب عند الله كذابا
قال لا تسرق ونحنا شايفين ناس فى عشرين سنة بدون اى راس مال غير إنهم بقوا وزراء
إمتلكو العمارات والبلاجات والعربات نحنا بلد راس المال عند مسلمى السلطة
وزارة ديل وين من الأمر بالمعروف والله زى ما قال هشام هبانى ديل قدمو لينا
خدمة ولكل العالم دا حكم الاسلامين
منو البيأمر بالمعروف ؟!!!
كدى خلينى أتخيل ليك واحد شايل سوط وبقول لى واحده ختى الطرحةفى راسك
وتكون قدام البيت بى كم خطوةأولاد الحله إلموا وإجرو لى أقرب بيت
وإنجلد لامن يآمن
إنت ما شفت بتاع السوق العربى المهووس بطل بعد ما إنجلد؟! قبل كدا عندنا ولد
عمنا ضربو لمن شرط فيهو الجزمة من الشلاليت
ولا يقومو إمشو دارفوربعد الإغتصابات والإضطهاد الحاصل فيها دايعينو فيها جماعة أمر بالمعروف
وعينك ما تشوف إلا النور بعد داك يتم حل الهيئة ومعالجة المتضررين
من رجالها فى مستشفى الأمل

(*)

Quote: (*)

انا عارف روحك مشحتفة ....

وقعوا هنا لادانة الاعتداء على بيت الفنون
http://www.sudaneseonline.com/petitions