Post: #1
Title: تواجد امني كثيف ...شرطة ومطافي وأمن ولساتك محروقة ..ماذا يحدث في بري؟؟
Author: عمر محمد ابراهيم
Date: 09-26-2011, 07:10 PM
وانا اقود سيارتي بأتجاه معرض الخرطوم لفت انتباهي التواجد الأمني الكثيف بالمنطقة من اللاماب جوار المقابر وانتشار عربات النجدة والاحتياطي المركزي وعربات خاصة تقف علي جانبي الطريق حتي مقربة من معرض الخرطوم مع اثار حريق بوسط الشارع ولساتك محروقة بجانبي الطريق ....
فماذا يدور هناك؟؟؟
هل لاحد علم بمايحدث ؟؟؟
الواضح انها اثار تظاهرات في هذه المنطقة ولكني لا املك غير نضشاهدتي الشخصية لهذا الموقف فهل من تفصيل
لكم التحية
|
Post: #3
Title: Re: تواجد امني كثيف ...شرطة ومطافي وأمن ولساتك محروقة ..ماذا يحدث في ب
Author: عمر محمد ابراهيم
Date: 09-26-2011, 07:39 PM
Parent: #2
إنطلقت الشرارة في بري.. صور من مظاهرة اليوم ..
شكرا اماني
وهل يحتاج المتظاهرون لكل هذا الجيش الممتد من الأحتياطي والشرطة والأمن ؟؟؟لمطالبتهم بتخفيف اعباء المعيشة؟؟؟؟
|
Post: #4
Title: Re: تواجد امني كثيف ...شرطة ومطافي وأمن ولساتك محروقة ..ماذا يحدث في ب
Author: أيمن الطيب
Date: 09-26-2011, 08:00 PM
Parent: #3
سلامات يا عمر,,,| Quote: وهل يحتاج المتظاهرون لكل هذا الجيش الممتد من الأحتياطي والشرطة والأمن ؟؟؟ |
معظم النار من مستصغر الشرر"
النار أحسن ما تقوم من الأساس عشان لو قامت صعب تنطفئ تانى وإحتمال ما تنطفئ أصلا وهنا يكمن السُنبك!!!!!!!!!!!,,,
حبوب الإسهال بتكون كملت من الأجزخانات,,,
تحياتى,,,
|
Post: #5
Title: Re: تواجد امني كثيف ...شرطة ومطافي وأمن ولساتك محروقة ..ماذا يحدث في ب
Author: عمر محمد ابراهيم
Date: 09-26-2011, 08:33 PM
Parent: #4
ايمن سلامات
وكل سنة وانت طيب يااخي
يااخي دي بلد عجيبة جدا
البقول عاوز موية يجيبوا ليهو الشرطة والأمن بدل الموية
والبقول عاوز يأكل يجيبو ليهوز بمبان بدل الأكل
والبقول السوق غالي جدا يجيبو ليهو احتياطي مركزي وشرطة وأمن يكفي لتحرير فلسطين
شكرا للمرور
|
|