Post: #1
Title: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 05:43 PM
طفت إلى السطح ظاهرة الزواج عبر مكاتب خدمية تدار بواسطة أجانب عبر استمارات تستقصي أوضاع الطرفين، اعتبرها مراقبون أمراً خطيراً ودخيلاً على المجتمع السوداني، محذرين من أن تكون ستاراً لممارسة أفعال فاحشة أو لترويج أشياء غير محمودة.
وتعد هذه المكاتب، التي في طريقها للانتشار ويبلغ عددها حالياً ثمانية موزعة على محليات الخرطوم، ربحية فقط ما يشكك في نزاهة الهدف واستمرارية الزواج عبرها.
عبر هذه المكاتب يتم توزيع استمارة للشخص الذي يرغب في الزواج بمبلغ 50 جنيهاً تسلم مباشرة أو ترسل في شكل رصيد عبر الهاتف، وتحوي أسئلة شخصية تشمل الاسم بالكامل والميلاد ومكان السكن والوضع الاجتماعي وما تملكه من أموال وممتلكات من منزل وعربة.
ويكتب أيضاً المواصفات التي يرغبها في الزوجة، من قياس الطول واللون وحجم الشعر والعمر والقبيلة، ويقدم له بالمقابل كتلوج يحوي صوراً لبنات ويقوم باختيار التي توافق ذوقه ويتم الاتصال بها ليلتقيا بعدها في المكتب وتنتهي الخطوة إلى أحد الخيارين الإقلاع عن الفكرة أو الزواج منها.
المصدر
http://www.ashorooq.net/net/index.php?option=...30-07-04-53&Itemid=3
المكاتب توزع استمارة للشخص الذي يرغب في الزواج بمبلغ 50 جنيهاً
وفي حالة الحصول على هاتف الفتاة التي اختارها يدفع الشخص مبلغاً إضافياً حتى تتم المفاهمات بينهما قبل الوصول إلى المكتب.
ودافع مدير مكتب "لها وله" بالخرطوم بحري، سيد محمد أحمد العربي - مصري الجنسية، في برنامج المحطة الوسطى، عن المكاتب من هذا النوع، مؤكداً أنها تجمع بين رأسين بالحلال، وأنه ظل يمارس هذه المهنة منذ سنتين ونصف السنة وقد حقق زواجات ناجحة للغاية.
وأكد أنه لجأ إلى محلية بحري وحاز على ترخيص مكتب للخدمات، وما شجعه على فتح مكتب من هذا النوع لعدم وجود مكاتب خاصة للزواج خلاف عمل منظمة الإحصان التي تعد غير ربحية وتسعى لتزويج الشباب بصورة فردية وجماعية.
وأكد أن الذين يقصدون هذه المكاتب من أعمار متفاوتة، لكن أكثرهم في سن الثلاثين عاماً، وقال إن أعمار البنات يتراوح ما بين 21 و51 عاماً، في حين أن أعمار الرجال ما بين 35 و67 عاماً.
مواصفات معينة
مكتب لها وله يعمل بالخرطوم بحري منذ سنتين ونصف السنة
وقال العربي إن الاختيار أحياناً يكون مشكلة بالنسبة للطرفين وأن كليهما يرغب في مواصفات معينة قد لا تتوفر في الأهل والأقارب أو محيط العمل أو داخل الجامعات، ما يجعل الشخص يتوجه لهذا المكتب باعتباره فرصة لتوفير خيارات كثيرة ومتنوعة.
ونفى وجود أي مسؤولية تترتب عليه لتقصي معلومات الشخص أو التأكد من صحتها، مضيفاً أن هذا الدور تقوم به أسرة الفتاة أو الشاب، وأن دور المنظمة ينتهي فقط عند إكمال الزواج بين الشخصين.
وحكى عادل عبدالحميد، للشروق، تجربته مع هذه المكاتب قائلاً: "هاتفت الرقم المكتوب في إحدى الصحف فردت على المكالمة فتاة طلبت مني إرسال مبلغ 50 جنيهاً في شكل رصيد، ومن ثم الحصول على الاستمارة".
وأضاف أنه لم يرتاح للفكرة وقصد المكتب بعد أن حاز على الوصف منها.
كتلوج وصور
مواطنون يشنون هجوماً كاسحاً على إتمام الزواج عبر مكاتب خاصة
وقال عبد الحميد: "اطلعت على كتلوج يحمل صور بنات وطلبت مني الموظفة دفع مبلغ إضافي للحصول على هاتف الفتاة التي يختارها".
وزاد، كنت جاداً في الفكرة ولكن بعد زيارتي للمكتب أقلعت عنها تماماً.
وشن عدد من المواطنين في استطلاع للشروق، هجوماً كاسحاً على إتمام الزواج عبر هذه المكاتب، خاصة وأن من يديرونها أجانب يجهلون عادات وتقاليد الدولة.
واستنكر البعض أن تقدم الفتاة لطلب الزواج، ولكن مجموعة ترى أنها لا تتعدى دور الوسيط وطالما أن الهدف خير فما المانع.
ظلت منظمة إحصان ترعى زيجات فردية وجماعية. وقال عوض الجاك مدير منظمة إحصان، إن المنظمة نجحت في اتمام أكثر من 20 ألف زيجة وقامت بتوفير الكثير من التكاليف.
وأكد أن عمل المكاتب شرعي ولكن يجب على الجهات المختصة التحقق من هذه المكاتب خوفاً من الانزلاق فيما لا تحمد عقباه.
|
Post: #2
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 05:52 PM
Parent: #1
هل هذه قيمنا هل هذه اخلاقياتنا؟
|
Post: #4
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 06:04 PM
Parent: #3
الله يخليك يا دكتور
مشتاقون يا بوص
|
Post: #5
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: اسامه خليفه
Date: 09-26-2011, 06:10 PM
Parent: #2
ودشيقوق .. سلام وكل عام وانتم بخير
العالم الان اصبح اصغر مما تتصور وماتراءها انت غير مقبول هو الان اكثر من عادي اليوم ودي فوراق اجيال وضريبة العولمه يا ودشيقوق ..
توافق راسين بالحلال طبعا دا عمل جميل جدا اذا باجر او بدونه ولاخلاف علي من وفق بينهما اذا ا كان جنبي او سوداني المهم تم التوافق بالحلال ..
هو طبعا افضل اذا تم الزواج بتلك الطريقه المعهوده او التقليديه ولكن لا مانع ان يتم التوافق بطرق اخري كالنت مواقع زواج . استمارات .. الخ المهم يتم الزواج بشكل شرعي ..
تعرف يا وشيقوق قضية الزواج دي مسالة شايكه جدا ونفس الوقت بسيطه جدا وانا شخيصا افضل ان يبسط بها افضل من الزنا والله اعلم ..
......
كدا شوف الكويت ..| Quote: مارايكم في استيراد ازواج حلوين كما قالت النائبة الكويتية ( سلوى المطيري ) |
اها رايك شنو يا ودشيقوق ؟
|
Post: #6
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: أحمد ابن عوف
Date: 09-26-2011, 06:21 PM
Parent: #5
سلام يا ود شيقوق
والله عارف شكلك في عرق ناطي ليك في في جبهتك، لكن غلبني والله الا اقول الدايرو
ياخي جايينا من غير كتالوج نناقشك كيف
|
Post: #7
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 06:21 PM
Parent: #5
Quote: العالم الان اصبح اصغر مما تتصور وماتراءها انت غير مقبول هو الان اكثر من عادي اليوم ودي فوراق اجيال وضريبة العولمه يا ودشيقوق ..
توافق راسين بالحلال طبعا دا عمل جميل جدا اذا باجر او بدونه ولاخلاف علي من وفق بينهما اذا ا كان جنبي او سوداني المهم تم التوافق بالحلال ..
هو طبعا افضل اذا تم الزواج بتلك الطريقه المعهوده او التقليديه ولكن لا مانع ان يتم التوافق بطرق اخري كالنت مواقع زواج . استمارات .. الخ المهم يتم الزواج بشكل شرعي ..
تعرف يا وشيقوق قضية الزواج دي مسالة شايكه جدا ونفس الوقت بسيطه جدا وانا شخيصا افضل ان يبسط بها افضل من الزنا والله اعلم .. |
اهاااااااا يا اسامة اخوى يعني هسع لو بنتي طبقت شنطتها وقالت لي بابا ماشة مكاتب الرياض او الطائف اشوف لي عريس يوافقني اقول ليها ربنا يوفقك؟
عييييييييييييييك يا اخوي
|
Post: #8
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 06:39 PM
Parent: #7
ابن عوف
| Quote: ياخي جايينا من غير كتالوج نناقشك كيف |
هههههههههههههههههههههههههها يجازي محنك المسنوووووووووووووووووح نامن غلط
|
Post: #9
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-26-2011, 06:39 PM
Parent: #7
ابن عوف
| Quote: ياخي جايينا من غير كتالوج نناقشك كيف |
هههههههههههههههههههههههههها يجازي محنك المسنوووووووووووووووووح نامن غلط
|
Post: #10
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 04:35 AM
Parent: #9
عبر هذه المكاتب يتم توزيع استمارة للشخص الذي يرغب في الزواج بمبلغ 50 جنيهاً تسلم مباشرة أو ترسل في شكل رصيد عبر الهاتف، وتحوي أسئلة شخصية تشمل الاسم بالكامل والميلاد ومكان السكن والوضع الاجتماعي وما تملكه من أموال وممتلكات من منزل وعربة.
|
Post: #11
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: Abdlaziz Eisa
Date: 09-27-2011, 05:02 AM
Parent: #10
سعادة المستشار*
سلام
هذا الشكل من المكاتب شئ جديد دخيل علينا..
وأكيد يكون غريب على العادات والتقاليد..
والغريب أن يدار بواسطة أجانب!!
قبل عقدين من الزمان تقريبا قدمت لي ورقة صغيرة في مدخل موول بوكيت بنتانق بكوالالمبور... دعاية لنفس هذا الغرض واسم المكتب Ice Breaker دخلت المكتب لارى نهاية القصة في بلد تزدحم باناثها أكثر بكثير من ذكورها!!.. ووجدته مرصع بصور الزفاف, ومحدثي يتكلم بهمة في ضمان عمله ونجاحه وأمامه أرتال من ألبمات صور البنات.. وقال لي لازم تسجل وكانت برسم يعادل عشرة دولارات وبعدها يمكن أن اختار صورة حسب المواصفات, يقوم المكتب بالاتصال بها واخبارها عنك فاذا وافقت بمقابلتك تدفع ما يعادل مائة دولار وبعد شهرين اذا لم تنفع ولم تنجح الامور يمكن أن تبدأ مع أخرى بأجر اقل وهكذا... خرجت ولا زلت مندهش حتى بوستك هذا والشئ لحقنا في عقر الدار..
تحياتي
* لتحت شوية المسنوح
|
Post: #12
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 05:30 AM
Parent: #11
Quote: هذا الشكل من المكاتب شئ جديد دخيل علينا..
وأكيد يكون غريب على العادات والتقاليد..
والغريب أن يدار بواسطة أجانب!! |
نعم يا عزيز والاخطر سيكون غطاء لكثير من الممارسات السيئة
ربك يستر
|
Post: #13
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: هويدا شرف الدين
Date: 09-27-2011, 05:34 AM
Parent: #12
مافي سامبلس
|
Post: #15
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: فايزودالقاضي
Date: 09-27-2011, 05:41 AM
Parent: #13
المسنوح سلامات وليك وحشة والله ..
قالوا جماعة كده مشوا لشيخ وقالوا ليهو ياشيخنا فلانة بنت فلان أجرت شقة مفروشة وبتمارس فيها الرذيلة ..قال ليهم الله ينعلها ادوني عنوانها ..
لذلك ادينا الكتلوج عشان نلعن ابو المكاتب دي ...
|
Post: #14
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب رحمه قريمان
Date: 09-27-2011, 05:40 AM
Parent: #2
الاستاذ الفاضل الطيب شيقوق
لك التحية الطيبة
| Quote: هل هذه قيمنا هل هذه اخلاقياتنا؟ |
ان اخلاقنا و قيمنا و تقاليدن بدأت فى الاتدهور و الانحدار نحو هاوية الانقراض
منذ مجئ هؤلاء الاوباش فى 1989 و اما مكاتب الزواج فهى ظهر على السطح للعيان و لكن ما خفى كان اكبر و اعظم .
نسأل الله ان يحفظ لنا ما تبقى من السودان و ان يزيح عنا هؤلاء الاوغاد "الكيزان" "البشير و زمرته الفاسدة"
قريبا ان شاء الله .
|
Post: #16
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 06:17 AM
Parent: #14
ههههههههههههها
تلقيها على الياهو يا مسنووووووحة
|
Post: #17
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 06:19 AM
Parent: #16
فايز المسنوح ازييييييييييك؟
لذلك ادينا الكتلوج عشان نلعن ابو المكاتب دي ...
لا لا ياسجم انت بتكون ماشي تقرّض
|
Post: #18
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 06:23 AM
Parent: #17
| Quote: ان اخلاقنا و قيمنا و تقاليدن بدأت فى الاتدهور و الانحدار نحو هاوية الانقراض |
نعم اخي الطيب
اللهم لا نسألك رد القضاء ولكن اللطف فيه
|
Post: #19
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: سيف النصر محي الدين
Date: 09-27-2011, 07:32 AM
Parent: #18
سلامات يا مولانا
الزول المصري ده انا شفتو في التلفزيون بتكلم عن خدماتو قبل حوالي تلاتة سنوات.
الشي معلن عديل يا ود شيقوق.
|
Post: #20
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: فايزودالقاضي
Date: 09-27-2011, 07:38 AM
Parent: #19
Quote: سلامات يا مولانا
الزول المصري ده انا شفتو في التلفزيون بتكلم عن خدماتو قبل حوالي تلاتة سنوات.
الشي معلن عديل يا ود شيقوق. |
فعلاً يادكتور وكمان تم النقاش حول الموضوع ده في بوستات في ذات الفترة ...لكن المسنوح بكون مشى وقدم صورته واوراقه ولم يجد قبول من الكتلوجيات فقام شن حملته دي عليهم ..
|
Post: #22
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: سيف النصر محي الدين
Date: 09-27-2011, 07:52 AM
Parent: #20
يعني الموضوع تصفية حسابات يا ود القاضي؟
|
Post: #21
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: Hani Arabi Mohamed
Date: 09-27-2011, 07:49 AM
Parent: #18
- ليه مكاتب ؟ وليه أجانب ؟
وبعدين الجنسية دي بالذات معروفين ناسها إنهم غير ما ياخدو ما بيدو
وغير ما ينصبو ويستهبلو ما عندهم شي
- ولكل قاعدة شواذ -
|
Post: #23
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 08:06 AM
Parent: #21
سيف النصر
Quote: الزول المصري ده انا شفتو في التلفزيون بتكلم عن خدماتو قبل حوالي تلاتة سنوات.
الشي معلن عديل يا ود شيقوق. |
أكان راجل يجي على بلدنا هناك ويفتح خشمو بالكلام دا
قلنا ليكم يا ناس البندر إن عشنا ياما حنشوف
|
Post: #24
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 08:10 AM
Parent: #23
ود القاضي
| Quote: ...لكن المسنوح بكون مشى وقدم صورته واوراقه ولم يجد قبول من الكتلوجيات فقام شن حملته دي عليهم .. |
ههههههها والله انا يا مسجّم اكان مشيت عنكوليب ساى اجي الاول
|
Post: #25
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-27-2011, 08:13 AM
Parent: #24
Quote: - ليه مكاتب ؟ وليه أجانب ؟
وبعدين الجنسية دي بالذات معروفين ناسها إنهم غير ما ياخدو ما بيدو
وغير ما ينصبو ويستهبلو ما عندهم شي |
غرائب وعجائب اخي العزيز هاني
|
Post: #26
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: عمر علي حسن
Date: 09-27-2011, 05:02 PM
Parent: #25
ابو الطيب
عييييييييييييييييييك .. جاطت !
حليل زمنا كان قلت عايز اخطب .. يطلعوك بره ويستلموا الموضوع منك ..
ويوم العقد لو فكرت تلبس عمتك ينهروك ويقولوا ليك اقعد قبلك .. كمان
جانا مشي الولاد للصغار للعقد
قال لي عمي الطيب حسن ان ابي (شمر) كم جلابيته ساعة كتابة عقدي فنهره
ابن خاله الاكبر الطيب الريح قائلا (علي) (بكسر العين وفتح اللام وتسكين الياء)
فاعاد والدي الكم الي مكانه ولبد ... شفت ازاي
قال بتك تقول ليك ماشه مكتب الطايف ..
عمر علي حسن
|
Post: #27
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-28-2011, 04:52 AM
Parent: #26
الخال ابو اكرم
Quote: حليل زمنا كان قلت عايز اخطب .. يطلعوك بره ويستلموا الموضوع منك ..
ويوم العقد لو فكرت تلبس عمتك ينهروك ويقولوا ليك اقعد قبلك .. كمان
جانا مشي الولاد للصغار للعقد |
هيييييييييييع - تقول لي الطائف؟
Quote: قال لي عمي الطيب حسن ان ابي (شمر) كم جلابيته ساعة كتابة عقدي فنهره
ابن خاله الاكبر الطيب الريح قائلا (علي) (بكسر العين وفتح اللام وتسكين الياء)
فاعاد والدي الكم الي مكانه ولبد ... شفت ازاي |
هلا هلا ديل ما الرجال القالوا فيهم :
الجنيات الحزموا الجبة
وعرق الشتوي عليهم نايا و صب
قول ما دل .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله
| Quote: قال بتك تقول ليك ماشه مكتب الطايف .. |
عيييييييييك خم وصر قولو يا خال
|
Post: #28
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: Abdlaziz Eisa
Date: 09-28-2011, 05:03 AM
Parent: #27
العزيز شيقا
سلام
الزواج عندنا هو بالاهل..
وناسنا بيقولوا ليك لما تمشي تعرس يتمشي لاهل وبتلم الاهل للاهل..
يعني ما عليك الا تحدد دائرة.. أو عدة خيارات.. (ولو ختيت حبيبة القلب جواهن لا تتوقع ان تكون هي)..
ومن بدري لازم تستقرئ يمة والاخوات ونلمح وتتمحن في الكونغرس الصغير ده عشان البتاع داك ما يقع في الراس..
ياخي مكاتب شنو وعوّلق شنو!!
|
Post: #29
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: الطيب شيقوق
Date: 09-28-2011, 09:13 AM
Parent: #28
| Quote: ياخي مكاتب شنو وعوّلق شنو!! |
هلا هلا يا عزو اتاريك لما تزعل شين بالحيل
هييييع الدود النتر
|
Post: #30
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: كمال الشادي
Date: 09-28-2011, 10:06 AM
Parent: #29
اقطع دراعي الشمال بسيف أحمله بدراعي اليمين
وبعدين اقطع رجلي اليمين وبعدين رجلي الشمال
وبعدين اي حاجة تاني ممكن تنقطع
إن ماكان الموضوع ده
د ع ا ر ة
عدييييييييييييييييييييييييييييييل كده
المصريين اشطر ناس يختو القانون ويخرقوهو بعد ساعة
عندهم شرطة آداب والشغلانة دي ممنوعة عندهم تماما
العمارة فيها بواب عشان خدمة السكان
العمارة فيها سمسار عشان يخدم الباحثين عن سكن
الان تبدأ الشبكة من خلال الناس القانونيين
السمسار والبواب
وحتى الشرطي المسئول عن الحماية
هكذا تعمل المنظومة المصرية في حماية الاعراض
اقسم بالله ده سفه
بلد كل نسوانها بيعرفو كل رجالها
وبيشوفوهم في الصباح وبالليل
وفي المواصلات
وفي العمل
وفي الحفلات
وفي الجيران
وفي الكلية
وفي المدرسة
بلد جل مشاكلها الاجتماعية الان تأتي من الاختلاط ومشاكلو
بلد شبابها وشاباتها بقو كل يوم يتزوجو عرفي
تقول لي مكاتب
دي الشغلانة ديك عدييييييييييييييييييل
بطلوا لف ودوران
|
Post: #31
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: Abdlaziz Eisa
Date: 09-28-2011, 10:39 AM
Parent: #29
Quote:
هلا هلا يا عزو اتاريك لما تزعل شين بالحيل
هييييع الدود النتر |
ياخوي سمعت المكاتب دي بتضع مصنفات للعلاقة..
حب ساي..
متعة..
مسيار..
نفرة الشهيد
زواج1
زواج2
زواج3
والمسميات حسب التوجه الحضاري...
|
Post: #32
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: Hani Arabi Mohamed
Date: 09-28-2011, 11:02 AM
Parent: #31
الموضوع دا مغضبني جداً ......
ممكن يكون في تحرك قانوني لإغلاق هذه المكاتب ومنع هذا النوع من النشاط بالقانون وبكل أدب واحترام ؟
|
Post: #33
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: وليد عبد اللطيف
Date: 09-28-2011, 11:14 AM
Parent: #32
وين الكتلوج
دي مسخرة وكلام فاضي
|
Post: #34
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: عمر علي حسن
Date: 09-28-2011, 04:19 PM
Parent: #33
Quote: اقطع دراعي الشمال بسيف أحمله بدراعي اليمين
|
| Quote: ممكن يكون في تحرك قانوني لإغلاق هذه المكاتب ومنع هذا النوع من النشاط بالقانون وبكل أدب واحترام ؟ |
الطيب
انا بعيد عنك في حالة نفسيه .. لذلك دخلت البوست ده بالذات علي امل يخفف حالتي .. لقيت الثلاثه امثلة دي
فقلت ارد عليهم بطريقتهم
اولا قطع الدراع بعمليه جراحيه احسن واضمن .. الحكايه مقننة بتقنيات عاليه يمكن ما فيها ثغرة لشك ولو حتي
شفت بي عينك حيقولوا دي خارج المكتب
اما التحرك القانوني فربما يؤدي الي سوابق قضائيه تجعل فتح المكانب دي اسهل واوسع انتشارا
اما الكتلوج فالبدفع يتفرج .. سفسفه اسفيريه مافي
واخيرا لي سؤال قد تكون فيه رؤية تخلي الناس العايزه تقطع اطرافها واللي عائزه تتحرك قانونيا واللي عايزه
كتلوج تفهم انه المكاتب دي ما شايله نفسها الا باعمال (خفيه) .. والسؤال هو: كم دخل هذه المكاتب وكم عدد
زوارها اليومي مقارنا بكلفة تشغيلها ومرتبات السكرتيره والمدير والايجار والكهرباء والتلفونات ووو ..
اكيد خسرانه
حلها زي عيادات الاجهاض في رواية الاسواني (شيكاجو) .. الناس تقيف بره وتمنع عنها الزوار
زمان نحن في الشرطه شجعنا الجيران يفرشوا بروش الصلاة قدام بيوت الحبش ويصلوا المغرب والعشا ويعملوا
ذكر وليليه وحوليه .. انقر ما طفشوا .. وفي واحده لما غلبنا معاها ركبنا ليها كشك بتاع شرطه قدام بيتها ..
انقر تاني في عربيه وقفت ! .. وبالمناسبه كلهن عندهن رخص ...
ولا حول ولا قوة الا بالله
عمر علي حسن
|
Post: #35
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: PLAYER
Date: 09-28-2011, 04:44 PM
Parent: #34
| Quote: أجانب يديرون مكاتب للزواج بالخرطوم |
سؤال اليوم
حسي الغلط وين:في مكاتب الزواج ولا ادارة الأجانب له...ولا في ال50 جنيه
حكمة اليوم
وان اختلفت الطرق(مكاتب ,أهل,معارف,بنفسك,فيس بوك,سودانيواونلاين )... فالزواج واحد
|
Post: #36
Title: Re: أجانب يديرون مكاتب للزواج بالخرطوم - خودك المصدر / إتفرجوا
Author: عمر علي حسن
Date: 09-28-2011, 05:14 PM
Parent: #35
| Quote: حسي الغلط وين:في مكاتب الزواج ولا ادارة الأجانب له...ولا في ال50 جنيه |
كله ياشيخنا ..
ولعلك تتكرم علينا بالاشارة الي اب يصحب ابنه او بنته لمثل هذه المكاتب .. ياخي ده السودان او
باقي السودان .. لا يدخل الاخرين في اعراضه خاصة اذا كانو اجانب وبالقروش كمان
اما مسألة الفيس بوك والاهل والخاطبة والمعارف فكلها تعود الي المرجعيه المقبولة في النهايه وهي
الاسره ....... اسلوب هذه المكانب يشيع وسائط لطرق قد لا تنتهي بالزواج
عمر علي حسن
|
|