العريس المنحوس جدا ونحسو ضكر وعصري كمان!!!

#
في الزمن دا والظروف الحالية لو في واحد في بداية الاربعينات من عمرو وعلي خلق والله جد شاب خلوق ومؤدب جدا وأبن أسرة كريمة بيفتش علي عروس كويسه بعدين قصتو ما قصة مال ولا جمال بس زواج عشان يختم حياتو بلفظ المرحوم كان زوجة السيدة فلانة وصهر السادة فلان و علان وربنا يفكو من شد الحلل بالليل وصحبة الاشرار والمقصد الاعظم هو العفة كمان نعم العفة بمهمفوم أهل الاسلام السياسي
لكين الواقع مضحك لما يلقي بت الحلال أهل العروس يطلع عليهو كل أنحرفات الزمن الحالي و يطلعوا كل عيوب الدنيا والكاديس الفطسانه ويقولوا كان وكان لكين الحمد لله ما عندو أنحرفات في مرحلة الثانوي ويطلع عريس أي كلام وطمعان وبتاع جكس ولا عريس لقطة ولا مغترب ولا عندو أرث تمام كلها كم متر وكمان في العاصمة الوطنية تنفع تكون قبرو والوظيفة يا حافظ أحفظنا من كل الشرور صحفي جربان

المهم الزوال أوضاعو اللهم لا نسألك رد القضاء أنما نسألك اللطف عجيبه يوم يكون أخر فلس حق الشربه والحله ما عندو ويوم يكون عندو حق فتح الشخم وكل شهرين الاعانات من الخليج وأمريكا تكون عاجلة لكين البلد ماشه في غلاء والفقر اللي زي دا ما طريقة لحربو المهم قرر لما يكون القرار في مشروع العرس الدنيا بتولع نار عديل يلقي القبول من عروس المستقبل الرفض من الاهل ما الملف أسود شديد جدا يلقي واحد من الناس الكويسين يقول ياخي فلان حرام أقعد كدا خلاص نلحقوا كمان ذات العفاف والصون التي وقع عليها الاختيار تقولوالله أنا أسفه لانو عندي زوال يعني بنات حوا مشكلة وظرفو مشكلة وكمان أهلوا ديل رموا من زمان طبتو قالوا فقران وماعندو شيء و دا بتاع أخونيات وقعدات
لو تعرفوا لي مؤمن مستجاب الدعاء بس يرفع يدو للسما عشان أخلص من التعاسة دي والعزابيه
وبعدين خلاص أن مت من النحس بتاعي وبوعدكم بالانضباط وأن أكون زوجا صالحا وخلوق وبكل ماتحمل هذه الكلمة من معني
رهيبه مش كد
اللهم فك نحسي ونحس كل النحوسين أنك سميع مجيب

منتطر يوم يتم تحديده للدعاء للعريس المنحوس بالله همتكم معي ياشباب

وهل من حل أو مجير ياجماعة ؟

آآآمين
ربنا يرحمكـ ويرحمنا نحن زااااتو

ـــــ
لو ساكنة جنبك كديسة سوداء ابقي حريص انها ما تشم عضام الحلة

باعتباري اقرب من حيدر الزين للحرم متبرع للعريس ده بدعوة خالصة من قلبي عشان ربنا يسهل ليهو ...

Quote: بيفتش علي عروس كويسه بعدين قصتو ما قصة مال ولا جمال بس زواج عشان يختم حياتو

عيب لى الانتحار ؟!!!اسرع خاتمة ومافيها صداق ولا مؤخر صداق ..

Quote: فقد روى البخاري في صحيحة عن أبي إدريس الخولاني “ أنه سمع حذيفة بن اليمان يقول: كان الناس يسالون الرسول صلى الله عليه وسلم عن الخير وكنت أسأله عن الشر مخافة أن يد ركني، فقلت يا رسول الله إنا كنا في جاهلية وشر فجاءنا الله بهذا الخير، فهل بعد هذا الخير من شر ؟ فقال: نعم، قلت: وهل بعد ذلك الشر من خير ؟؟ قال: نعم وفيه دخن 0 قلت: وما دخنه ؟ قال: قوم يهدون بغير هديي تعرف منهم وتنكر، قلت: فهل بعد ذلك الخير من شر ؟ قال: نعم دعاة على أبواب جهنم، من أجابهم إليها قذفوه فيها، قلت: يا رسول الله صفهم لنا، قال هم من جلدتنا، ويتكلمون بألسنتنا

احذرك .. احذر كل الحذر من الاخ الكتب ليك :

Quote: عيب لى الانتحار ؟!!!اسرع خاتمة ومافيها صداق ولا مؤخر صداق ..

دا لو جينا للإنتحار ما انتحر لكن هسع لو ختم حياتو حا يختمها وهو دافع الصداق مرتين وعليهو مؤخر صداقين..
ولو ربنا اداهو سنة زيادة في عمرو حايعمل تلاتة صداقات ويبقي عليهو مؤخر اربعة صداقات..!!


شفت يقول ليك انتحر وهو مستمتع بالمثني والثلاث ويفكر في الرباع.. زي الكيزان شابكننا قاطعو اللحمة وهم يلهطو في الاستاكوزا والكافيار ..

اللهم فرج كربة أخونا زهير ووفقوا في مسعاه
اللهم اجمعه ببنت الحلال.
اللهم آميييييين.
بس دحين يا زهير ياخوي كمان انت ساعد الدعوات
دي بي جكة كده ....وخلي كلام (القعدات والشربة) ده
او علي الاقل ما تنشروا علي الملا كدة.
ان شاء الله ربنا يوفقك وتلقي بنت الحلال البتقبل بيك .

الاخوة الافاضل
حيدر ودالقاضي
وأبوبكر
تحياتي
شكرا للمرور والاهتمام بس ساعدونا بالدعاء بالله

Quote: قال: نعم دعاة على أبواب جهنم، من أجابهم إليها قذفوه فيها، قلت: يا رسول الله صفهم لنا، قال هم من جلدتنا، ويتكلمون بألسنتنا

اها انا لا من بني جلدتهم ولا بنتكلم بلسانهم (رطانة يارسول الله) ؟!!! المقصود هنا محمدعلى ابراهيم ..

Quote: وهل من حل أو مجير ياجماعة ؟

صوم يا زهير ياخ .. صوم
بالنهار خليك صايم وأهو منها توفر حق الحلة ومنها تتلهي من الموضوع دا
وبالليل ممكن تشوف ليك فلم ثقافي يهون عليك السهر
طبعا مع الشربة القلتها فوق دي ممكن الفلم دا يعمل ليك جو عجيب

أخي محمد عمر جبريل
تحياتي

الصوم ما بحل قضية معي وكمان الصوم في الحر والهجير دي ممكن يودي الاخرة عديل وأخوك ما بتاع أفلام ثقافية أتجوزت المرحلة دي زمان
وشكرا للمرور وما تنسي الدعاء

معليش ..

الاستاذ محمدحيدر
تحياتي
في البداية شكرا علي المرور و ليه يعني معليش براها كدا لكين برضو أجتهد معنا في الدعاء ولسه اليوم ما تم تحديدو أنشالله ح تعرف

موصفات العروس المطلوبة شنو؟؟
و اللا نظام اي زولة ممكن تقبل بالوضع المشروح أعلاه؟


حدد عشان نركز الدعوات.

ya rb...our hearts with u..

العزيز ناصر
تحياتي
مواصفات العروس تصدق والله ما في مواصفات محددة بس تكون بتحب الضحك وخفيفة روح ودي حاجات ما صعبة المنال ياصديقي