الشاعر عزمي أحمد خليل في رثاء الفنان الراحل زيدان إبراهيم

الفقد واحد


شعر عزمي أحمد خليل

*****
يا دنيا تب ما ليك أمان
و كل غالي فيك أنا شايفو هان
هاشم رحل وزيدان كمان
وكل الكلام بقي كان وكان
يا دنيا تب ماليك أمان
*****
اختارك الرب دون سواك
و ما لينا يد في الاختيار
تبكيك بنوت البلد
و يحتار لفقدك ألف دار
يالكنت ضل في كل شمس
ويا الكنت للمظلوم ديار
تب في الكرم ماليك أخو
حتي الممات كان ليك هظار
*****
يا الكنت بتلم الجميع
لو كان هناك أو كان هنا
موتك ترك بالجد فراغ
كان في الحجا أو في الغنا
تشتاق للقياك الأماسي
و الليل حزين ضاق العنا
مسخت كل جميل وراك
و الغنوه بعدك أحزنا
*****
عزاني فيك أنا كل عاشق
يا الكنت للعشاق طبيب
في الدنيا ما كان ليك عدو
لو من بعيد أو من قريب
كل الوجود شايل غناك
و الكل دوام كان ليك حبيب
و الناس معاك كانت تغني
و سموك كمان العندليب
*****
مخير الله علينا عاد
ويا حليلو فنان الشجن
و يا حليلو زيدان العديل
الغنا للحب و الزمن
و يا حليلو ود أم الحسين
و يا حليل كمان أم الحسن
الفقد واحد للجميع
لو بره أو داخل الوطن
*****

واشنطن في الأحد ٢٥/٩/٢٠١١

Quote: في الدنيا ما كان ليك عدو لو من بعيد أو من قريب كل الوجود شايل غناك و الكل دوام كان ليك حبيب

شكراً أخى عزيز

كلمات صادقة من الشاعر عزمى أحمد خليل
البركة فيهو وفى كل أهل الفن بواشنطون
وبالسودان.

Quote: يا دنيا تب ما ليك أمان و كل غالي فيك أنا شايفو هان هاشم رحل وزيدان كمان وكل الكلام بقي كان وكان يا دنيا تب ماليك أمان

عزيز كيف حالك يا حبيب

رحم الله زيدان واسكنه فسيح جناته
رحمه الله بقدر ما قدم للسودان وللفن

إنا لله وإنا اليه راجعون

ربنا يرحم عندليبنا ويغفر ليهو ويجعل ليهو كل لحظات مرضو غفران ذنوب واجر اخرة بقدر سيرتو السمحة ولطفو وتهذيبو وعلاقاتو الحلوة مع الجميع
ويصبر احبابو ويصبر جارنا في الشارع(البيت الكبير فى اركويت)الاستاذ عزمى احمد خليل اللي قال هو زاتو,,,و
خيرا تعمل ,,, خيرا تلقي ,,,,
وكضب القال ,,,خيرا تعمل ,,, شرا تلقي



د:سلافا العاقب احمد

Quote: شكراً أخى عزيز كلمات صادقة من الشاعر عزمى أحمد خليل البركة فيهو وفى كل أهل الفن بواشنطون وبالسودان.

عزيزي الأستاذ نادر الفضلي

يموت الفنان ويبقى الفن يفرض نفسه..
زيدان رحل عن دنيانا وترك إرث عظيم من الأعمال والأغاني الخالدة
التي سنظل نرددها وسترددها أجيال قادمة..
ستبقى ذكراه دائما عطرة في الوجدان.

الله يغفر له ويرحمه بقدر ما أسعدنا.

والبركة في شاعرنا العظيم عزمي أحمد خليل وشعراء الأغنية السودانية
وكافة أهل الفن.

عزيز الأخ Magi Ahmed Elsheikh
الصمت أحيانا أبلغ في التعبير عما تعجز عنه الكلمات أو تخطه الحروف.
أشعر بألمك على رحيل هذا الفنان القدير وعلى ما تركه أيضا من جرح
وحزن عميق في نفوس محبيه.

نسأل الله له الرحمة والمغفرة.

Quote: عزيز كيف حالك يا حبيب رحم الله زيدان واسكنه فسيح جناته رحمه الله بقدر ما قدم للسودان وللفن

عزيزي الأخ الأستاذ الأمين موسى البشاري،

أنا بخير والحمدلله وكيف حالك أنت أخي الكريم.
أسأل الله أن يمتعك بالصحة والعافية.

رحل زيدان سفير المشاعر ورسول المحبة
وترك خلفه سيرة عطرة من رحيق الأزهار والياسمين
وأغاني عذبة معبرة تلهب قلوب الأحبة.

اللهم أرحمه رحمة واسعة وأدخله جنتك.

الأخت المحترمة د. سلافا العاقب أحمد،

زيدان ترك سيرة سمحة شديد.. أغاني جميلة وعذبة إستطاع بمقدرته
الفنية في الآداء التعبير عما ما بداخل أعماق الأحبة من عواطف جياشة
ومشاعر وأحسايس مرهفة.

سيظل مكانه شاغراً.

نسأل الله أن يدخله جنات النعيم بقدر ما أسعدنا.

Quote: يا دنيا تب ما ليك أمان و كل غالي فيك أنا شايفو هان هاشم رحل وزيدان كمان وكل الكلام بقي كان وكان يا دنيا تب ماليك أمان ***** اختارك الرب دون سواك و ما لينا يد في الاختيار تبكيك بنوت البلد و يحتار لفقدك ألف دار يالكنت ضل في كل شمس ويا الكنت للمظلوم ديار تب في الكرم ماليك أخو حتي الممات كان ليك هظار ***** يا الكنت بتلم الجميع لو كان هناك أو كان هنا موتك ترك بالجد فراغ كان في الحجا أو في الغنا تشتاق للقياك الأماسي و الليل حزين ضاق العنا مسخت كل جميل وراك و الغنوه بعدك أحزنا ***** عزاني فيك أنا كل عاشق يا الكنت للعشاق طبيب في الدنيا ما كان ليك عدو لو من بعيد أو من قريب كل الوجود شايل غناك و الكل دوام كان ليك حبيب و الناس معاك كانت تغني و سموك كمان العندليب ***** مخير الله علينا عاد ويا حليلو فنان الشجن و يا حليلو زيدان العديل الغنا للحب و الزمن و يا حليلو ود أم الحسين و يا حليل كمان أم الحسن الفقد واحد للجميع لو بره أو داخل الوطن *****

كل الود والتقدير أخي عزيز