Post: #1
Title: قطر اغنى دولة فى العالم
Author: أمجد الزين
Date: 09-25-2011, 02:30 PM
Quote: تفوقت قطر على لوكسمبورغ أغنى دولة في العالم للعام 2010، وستجني ثروات تبلغ ضعفي الولايات المتحدة تقريبا وفقا لأحدث التقديرات من صندوق النقد الدولي في بلومبرغ، إذ تظهر معطيات البنك الدولي معدل الناتج المحلي بحوالي 88,221 دولار أي ما يفوق لوكسمبورغ على القمة وفقا لصندوق النقد الدولي.
ومن المتوقع حسبما ذكرت صحيفة "البيان" الإماراتية في عددها الصادر اليوم أن يصل الناتج المحلي في قطر لحوالي 111,963 دولار عام 2016 لتتفوق على لوكسمبورغ وسنغافورة (70,992 دولار) وفقا لصندوق النقد الدولي.
وتشير توقعات الناتج المحلي الأمريكي إلى معدل 55,622 دولار خلال خمس سنوات أي صعودا من 46,860 عام 2010. يشير بول كوبر من مؤسسة سارسين ألبن بارتنرز الذي يعمل انطلاقا من دبي ويشرف على استثمارات تفوق نصف مليار في الشرق الأوسط، بالقول :" يجتمع عدد السكان القليل مع الثروة والنمو في قطر".
حيث ساعد ذلك في تحقيق عوائد كبيرة للدولة، كما ستستضيف قطر بطولة كأس العالم لكرة القدم عام 2022 ويتوقع أن تحقق نموا اقتصاديا يبلغ 16 بالمئة هذا العام مع فائض في الميزانية من مستوى ستة مليارات للعام المالي الحالي.
ويتوقع صندوق النقد الدولي أن يكون لقطر اسرع الاقتصادات نموا للعام الثاني على التوالي، ويقدر عدد سكان قطر بحوالي 848 ألف نسمة وفقا لكتاب إحصائيات سي أي إي. تمكنت قطر وهي أكبر مصدر للغاز الطبيعي، من تحقيق هدفها لإنتاج 77 مليون طن من الغاز المسال سنويا ويتوقع أن تحرز فائضا متواصلا في الميزانية على مدى السنوات القادمة.
كما أنه من المتوقع أن يصل الناتج المحلي الإجمالي لحوالي 150 مليار دولار هذا العام وفقا لما ذكره محافظ البنك المركزي القطر مؤخرا. تنوي قطر التي تعد صاحبة أكبر المستثمرين العالميين من خلال الصناديق السيادية لديها، إنفاق 125 مليار دولار حلى السنوات الخمس القادمة في مشاريع البناء والطاقة |
|
Post: #2
Title: Re: قطر اغنى دولة فى العالم
Author: أمجد الزين
Date: 09-25-2011, 02:31 PM
Parent: #1
يا الله تدينا الفى مرادنا
|
Post: #3
Title: Re: قطر اغنى دولة فى العالم
Author: أمجد الزين
Date: 09-25-2011, 02:35 PM
Parent: #2
| Quote: ويقدر عدد سكان قطر بحوالي 848 ألف نسمة |
سبعة فرد ببصات الوالى يكون اى زول مشى شغلو وجا راجع البيت
تقول لى 30 مليون ولا كم ما عارف؟
|
Post: #4
Title: Re: قطر اغنى دولة فى العالم
Author: Mahir Mohammed Salih
Date: 09-25-2011, 03:09 PM
Parent: #3
ليست أغنى دولة فى العالم ولكن أعلى GDP per capita ،، وكان هذا فى هذا العام ،، أما فى العام السابق
فقد كانت لوكسمبرج أعلى منها . أما أغنى دولة هى أمريكيا بدون منازع .
والله أعلم ولك التحية ،،
ماهر
|
Post: #6
Title: Re: قطر اغنى دولة فى العالم
Author: أمجد الزين
Date: 09-25-2011, 05:55 PM
Parent: #4
Quote: ليست أغنى دولة فى العالم ولكن أعلى GDP per capita ،، وكان هذا فى هذا العام ،، أما فى العام السابق
فقد كانت لوكسمبرج أعلى منها . أما أغنى دولة هى أمريكيا بدون منازع |
غايتو يا ماهر الكلام دة جابوهو ناس صندوق النقد الدولى يعنى ناس القروش ذاتهم
وما ظنيت الناس ديل بنجرو من راسهم ساى الشغلة عندهم حسابات
بعدين امريكا دى خلاص طار ليها بعد المشاكل الحاصلة ليها دى شى ديون وشى توقعات بتاعت انهيار اقتصادى وغايتو
والله اعلم برضو
لكن الايام بتورينا
|
Post: #5
Title: Re: قطر اغنى دولة فى العالم
Author: صبري طه
Date: 09-25-2011, 03:46 PM
Parent: #2
| Quote: يا الله تدينا الفى مرادنا |
شكلك مما قلت عايز تهاجر بقيت تفتّش لمكان الربطة السمينة !!!
|
Post: #7
Title: Re: قطر اغنى دولة فى العالم
Author: أمجد الزين
Date: 09-25-2011, 05:59 PM
Parent: #5
| Quote: شكلك مما قلت عايز تهاجر بقيت تفتّش لمكان الربطة السمينة !!! |
والله دة الحاصل يا حبيب
غايتو جارية وجاريين وراها
والنشوف اخرتا
|
Post: #8
Title: Re: قطر اغنى دولة فى العالم
Author: nadus2000
Date: 09-25-2011, 06:13 PM
Parent: #7
ربنا يزيدهم
وزيد عليه احتلال قطر لمركز متقدم في ترتيب الدول الاكثر التزاما بمعايير الشفافية.
|
Post: #9
Title: Re: قطر اغنى دولة فى العالم
Author: أسامة البلال
Date: 09-25-2011, 10:10 PM
Parent: #8
أغني دولة في العالم دي قنبلة كبيرة
أغني دولة في العالم هي الولايات المتحدة - أمال قائل العن(.........)ة بتاعت الكابويات من شنو!!
تاني أغني دولة الصين والتالتة ألمانيا والرابعة اليابان وهكذا
وحتي في الدول العربية السعودية هي الأغني
قطر لقلة عدد سكانها (السكان المواطنين يعني المغتربين بره الحسبة) تحتل مرتبة متقدمة بحساب الناتج السنوي القومي لعدد السكان وهنا تنافس لوكسمبورج وسنغافورة وهي دول غنية نسبيا مع عدد سكان قليل
حتي في معيار الرفاهية لا تحتل قطر موقعا متقدما فحسب تقرير منظمة الأمم المتحدة للتنمية البشرية السنوي وهو يحدد أفضل الدول رفاهية في العالم فتتصدره النرويج لأربعة سنوات علي التوالي وتليها باقي الدول الأسكندنافية وسويسرة وفنلندة وكندا ولا تظهر قطر في موقع متقدم.
هل تدري أن شركة توشيبا اليابنية أغني من دولة قطر!
|
Post: #11
Title: Re: قطر اغنى دولة فى العالم
Author: أمجد الزين
Date: 09-26-2011, 05:55 AM
Parent: #9
ود البلال كيفنك
| Quote: أغني دولة في العالم هي الولايات المتحدة |
ناس صندوق النقد الدولى بقولو ستجني ثروات تبلغ ضعفي الولايات المتحدة
هسع ما عارفين ذاتو نصدق منو ولا منو؟
| Quote: وحتي في الدول العربية السعودية هي الأغني |
ما ظنيت والله
والله اعلم
| Quote: هل تدري أن شركة توشيبا اليابنية أغني من دولة قطر! |
نهاجر لتوشيبا ولا كيف؟
تحيات كتيرات
|
Post: #10
Title: Re: قطر اغنى دولة فى العالم
Author: أمجد الزين
Date: 09-26-2011, 05:47 AM
Parent: #8
ويدينا من خيرهم كمان
وعقبال السودان يا نادوس
تحياتى
|
Post: #12
Title: Re: قطر اغنى دولة فى العالم
Author: Elhadi
Date: 09-26-2011, 08:18 AM
Parent: #10
يعني أسي يا أمجد صاحبنا (محمد عبد الرحمن) ده دخلو السنوي بكابس المائة ألف دولار :)
|
Post: #13
Title: Re: قطر اغنى دولة فى العالم
Author: Hisham Ibrahim
Date: 09-26-2011, 11:18 AM
Parent: #12
قطر !
قطر للمواطنين الكهرباء مجان والموية مجان والتلفون مجان ..
وقطع الاراضي للمواطنين 600 متر او تزيد ..
غايتو مواطنين قطر ديل بعدين يدوهم شنو في عالي الجنان ..؟؟
ياخي ديل عايشين في قصور وارفة بس ما بتجري من تحتها الانهار ...
والقروض البنكية الخيالية تجي مكرمة أميرية تخلي رصيدها زيرو ...
والعلاج والتعليم والنفايات مجان ..
دي الحكومات وديل الرجال القدر المسؤولية
ما يجينا هوبس ناطي يقول ديل حلفاء أمريكا وقاعدة السيليه وأوهام العاجزين ديكــــ ..
لو في حكومة بتعيش ناسها بي المستوى دا اليتعايشوا ويصادقوا إسرائيل ويبنوا ليهم مستوطنات ذاتو ..
ياخ أخونا السودانيين ديل الفي قطر ذاتهم يختلفوا عن الموجودين في أبوظبي والسعودية ..
والله ناس السعودية القاعدين في جده بس ناس أمدرمان أمبدة ..
ديلكـ مفرهدين وما مضايقين ومتمهليين في غُربتهم دي ....
ليهم حق ما قاعدين مع عيال حمد ( اطال الله أعمارهم )
|
Post: #15
Title: Re: قطر اغنى دولة فى العالم
Author: أمجد الزين
Date: 09-26-2011, 02:31 PM
Parent: #13
Hisham Ibrahim ان شاء الله رايق
تعرف انا قطر دى عا########ى لمن بهناك
لكن لقيتك فايتنى عدييل كدة
غايتو الله يدينا قطر
تحيات كتيرات
|
Post: #14
Title: Re: قطر اغنى دولة فى العالم
Author: أمجد الزين
Date: 09-26-2011, 02:26 PM
Parent: #12
| Quote: يعني أسي يا أمجد صاحبنا (محمد عبد الرحمن) ده دخلو السنوي بكابس المائة ألف دولار :) |
مية الف دولار؟
دى بتجيب ليها كم ركشة يعنى؟
بالقروش دى يا عمك تشتغل تلاتة شهور بس ودربك بكون مرق
|
|