Post: #1
Title: أعرش على كده*: بوست لمناقشة قرار والي الخرطوم المرتقب!
Author: مريم بنت الحسين
Date: 09-25-2011, 12:48 PM
غايته صححوني كان فاهمة غلط...
الوالي قال بالحرف الواحد، حينزع الاراضي الما مستثمرة... يعني يا اخوانا العنده أرض خاتيها منتظر يحوّش ليه قرشين ويبنيها، حتتنزع...
الحفر الساس، وبعداك بقى يحوّش في مال قارون عشان يشتري مواد البُنى ليه عشرة سنين، والحال في حاله... حتتنزع..
المشتري ليه كم أرض، وداير يوم يقرر يبني، يقوم كده يبيعن بي ربطة المعلم... حيتنزعن..
سمح يا اخوانا، دي موش سرقة عدييييييل! يعني ما كفاية أسعار الاراضي ما تخلع وتجيب الضغط.. والبُنى ده، المغتربين قاعدين عشرين سنة وما قادرين يتمّوهو....
من ناحية قانونية يا ناس القانون.... هل ده ممكن! يعني عادي كده الدولة تجي تشيل الارض بتاعتك بحجّة انك ما مستغلّها؟! طيب في نوع العامل الاراضي دي نظام تحويش.. يعني بدل يخت قروشه بالدولار ولا في دهب للمره، يقوم يشتري أراضي عشان يختهن للزمن... وفي نوع البعملها سمسره واكل عيش... وفي نوع الماقادر يبني لسه... اها الزي دي تقوموا كده وتشيلوا منهم الاراضي قلع كده!...
*قالوا مغترب موكّل اخوه يتابع ليه البُنى في السودان... ويشيل ويرسّل في القروش.. كل ما يضربوا ليه يقولوا ليه رسّل يحوّل المسكين... اها بعد كم سنة قاموا فنّشوه... وقام كده ضرب لأخوه.. اها، البُنى وصل وين.. قال ليه الحيطة قامت زي عشرين سنتي كده... قال لي خلاص، أعرش على كده!
|
Post: #2
Title: Re: أعرش على كده*: بوست لمناقشة قرار والي الخرطوم المرتقب!
Author: محمد إبراهيم علي
Date: 09-25-2011, 01:03 PM
Parent: #1
سلام يا بت الحسين
فاهمة غلط وغلط كبير
المقصود الاراضي الممنوحة لاستثمارات زراعية او صناعية وليست اراضي سكنية
|
Post: #3
Title: Re: أعرش على كده*: بوست لمناقشة قرار والي الخرطوم المرتقب!
Author: محمد عبد الماجد الصايم
Date: 09-25-2011, 01:05 PM
Parent: #1
لا يجرؤ!
|
Post: #4
Title: Re: أعرش على كده*: بوست لمناقشة قرار والي الخرطوم المرتقب!
Author: الشيخ صالح محمد
Date: 09-25-2011, 01:18 PM
Parent: #3
الأخطر من النزع يا مريم بنت الحسين أنه طلب قبل ايام من اي شخص لا يعمل "يعني عاطل بفضل سياسة الانقاذ" إخلاء الخرطوم التي تتوافر بها جميع الخدمات
التي عجلت بالجميع الحضور للعاصمة والمكوث بها، بدل التجاهل المؤسف الذي تجده الولايات في مجال الخدمات المختلفة!
وحقيقة لا أدري على أي أساس ذكر هذا الكلام غير المسؤول، والسؤال الذي يفرض نفسه: هل إذا ترك منصب الوالي يقبل أن يطلب
منه المغادرة إلى كسلا الولاية التي تربى بها، أو القضارف التي أتى منها واليا للخرطوم بعد خصام عنيف كان
من الممكن أن يتحول إلى حرب بينه وبين الوالي الحالي كرم عندما كان الأخير مسؤولا عن المؤتمر الوطني بالولاية؟
وأخشى ما أخشاه أن يأمر في الأيام المقبلة بـ"كشات" شبيهة بالتي كانت تحدث في الحقبة المايوية بطرد الناس من بلدهم.
واقول في النهاية لا حول ولا قوة إلا بالله.
|
Post: #7
Title: Re: أعرش على كده*: بوست لمناقشة قرار والي الخرطوم المرتقب!
Author: Mohd Ibrahim
Date: 09-25-2011, 01:34 PM
Parent: #4
لا اعتقد انه يقصد الاراضي السكنية يامريم....لك الحق في الالتباس ...
لانة لم يوضح ذلك صراحة ...ماذا تتوقعين من هذا النوع من الحكام غير اثارة الهلع بين الناس...
|
Post: #5
Title: Re: أعرش على كده*: بوست لمناقشة قرار والي الخرطوم المرتقب!
Author: مريم بنت الحسين
Date: 09-25-2011, 01:24 PM
Parent: #3
محمد ابراهيم علي
بركة يا اخوي الطلعته فاهمه غلط... لكن هي وين الاراضي البدوها مجانا للاستثمار.. خليهم يدونا.. بنستثمر ليهم والله
ود الصايم
شكلك عامل ليك كم ارض كده...  ... لكن تصدّق، انا والله ما بستبعدها عليهم!
الشيخ صالح
هي اللغة نفسها مستفزه، ما اختلفنا... لكن شغل البلطجة دي والله ما بنفع... كشّات وقلع وتهديدات... غايته الله غالب بس!
|
Post: #6
Title: Re: أعرش على كده*: بوست لمناقشة قرار والي الخرطوم المرتقب!
Author: اساسي
Date: 09-25-2011, 01:33 PM
Parent: #5
حمد لله علي سلامة العودة , الواحد مطول من البورد ان شاء الله رجعتوا كلكم بي اللستة زاتا
|
Post: #8
Title: Re: أعرش على كده*: بوست لمناقشة قرار والي الخرطوم المرتقب!
Author: مريم بنت الحسين
Date: 09-25-2011, 02:14 PM
Parent: #6
محمد ابراهيم
انا والله ما استبعدتها بالجد... عشان كده فتحته البوست ده
اساسي... الله يسلّمك.. عندك كم قطعة ارض؟
|
Post: #9
Title: Re: أعرش على كده*: بوست لمناقشة قرار والي الخرطوم المرتقب!
Author: Hussein Mallasi
Date: 09-25-2011, 03:04 PM
Parent: #8
Quote: فاهمة غلط وغلط كبير
المقصود الاراضي الممنوحة لاستثمارات زراعية او صناعية وليست اراضي سكنية |
مداخلة عرشت البوست على كدا .. فتأمل!
|
|