Post: #1
Title: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-24-2011, 06:23 PM
Parent: #0
اين قنواتنا الكتيرة فى تشييع الراحل الفنان الكبير زيدان ابراهيم
والان هو يشيع من داخل حى العباسية ،، وامدرمان على بكره ابيها تشييع العندليب
ولا توجد اي تغطية حيه لهذا التشيع لفنان محبوب ترك اثر كبير فى وجدان الشعب
السودانى ،،
قناة النيل الاورق ،، برنامج مساء جديد وتغطية من داخل اتحاد الفنانيين
وحى العباسية ،، لهم التقدير ،، ولكن لو كان تغطية حيه لهذا الحدث ؟
اين باقى قنواتنا ،،
لو كان زيدان فى دولة اخري لكن تم بث هذا التشيع الكبير لهذا الفنان الكبير
لنا الله ،،،
|
Post: #2
Title: Re: اين قنواتنا الفضائية فى تشييع الفنان الكبير زيدان ابراهيم
Author: الطيب شيقوق
Date: 09-24-2011, 07:06 PM
Parent: #1
ود العباسية
ياخ البلو نايل ما قصرت غطت الكثير وابكتنا جميعنا
|
Post: #3
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-24-2011, 07:47 PM
Parent: #2
الطيب يا اخوي ،،،
قناة النيل الازرق ما قصرت ،،
حلقة مساء جديد عن العندليب وكل الاستطلاعات دي كانت اليوم الضهر من داخل
اتحاد الفنانيين ومن حى العباسية ،، يعنى تسجيل
انا بتكلم عن البث الحى لهذا الحدث ،، تشيع الفنان من المطار
الى ان صلى عليه فى العباسية ليرو هذا التشييع المهيب لهذا الفنان الكبير
هل مافى امكانيات لبث حى لواحد من ابناء هذا الوطن اجمع على حبه كل اهل السودان
لو كان فى بلد آخر ،، لكان يا اخى
الله ارحمه واحسن اليه
|
Post: #4
Title: Re: اين قنواتنا الفضائية فى تشييع الفنان الكبير زيدان ابراهيم
Author: ABUHUSSEIN
Date: 09-24-2011, 07:50 PM
Parent: #3
و الله قصروا فما قدمه زيدان إبراهيم للسودان كثير و كثير جداً
له الرحمة و المغفرة
|
Post: #5
Title: Re: اين قنواتنا الفضائية فى تشييع الفنان الكبير زيدان ابراهيم
Author: نجوان
Date: 09-24-2011, 08:34 PM
Parent: #4
لم تجد قريحة الازرق الا بحلقة "خاصة" من برنامج المساء ..
سوء اعداد وسطحية في التقديم من تسابيح وسهام..
زادوا غمتنا وحسرتنا..
ولولا الاستطلاعات الخارجية لمتنا اختناقا ببلاستيكية ما يسمى بالمساء الجديد
كنا نتلهف لتغطية المراسم وذلك لنودع محبوبنا ولو من عبر الشاشة..
ومن بعيد..
|
Post: #6
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-24-2011, 08:46 PM
Parent: #5
نجوان ،،
ربنا يرحم العندليب بقدر ما افرح هذا الشعب الجميل ،،
اما قنواتنا فحدث ولا حرج ،،
تشيع مهيب للفنان الكبير زيدان ابراهيم ،، من المطار
الى حى العباسية الذي خرجت عن بكره ابيها لتودع ابنها وحبيبها
كنت متابع لهذا التشييع من خلال التلفون ،، ومن خلال الاذاعة الرياضية
التى كانت تبث وصف حى منذ خروج الجثمان من المطار الى وصوله العباسية
والجموع التى كانت تنتظر الجثمان ،،،
ولكن ،،،،، اهو واحد جميل وجميل جدا تااااااااانى مات
انا لله وانا اليه راجعون
|
Post: #7
Title: Re: اين قنواتنا الفضائية فى تشييع الفنان الكبير زيدان ابراهيم
Author: Amani Al Ajab
Date: 09-24-2011, 08:55 PM
Parent: #6
| Quote: لو كان زيدان فى دولة اخري لكن تم بث هذا التشيع الكبير لهذا الفنان الكبير |
هذا أبسط شيء كان المفروض يحدث ..
لقد أثرى العندليب الأسمر حياتنا بكل
جميل فلترقد روحه في سلام ..
البركة فيكم الأخ ود العباسية و في الجميع ..
|
Post: #8
Title: Re: اين قنواتنا الفضائية فى تشييع الفنان الكبير زيدان ابراهيم
Author: Hadeer Alzain
Date: 09-24-2011, 09:15 PM
Parent: #7
ويا ما بقيييت حيران!!
فلترقد روحه في سلام
البركة فيكم وفي جميع أهل السودان في هذا الفقد الكبير!
|
Post: #9
Title: Re: اين قنواتنا الفضائية فى تشييع الفنان الكبير زيدان ابراهيم
Author: maia
Date: 09-24-2011, 09:22 PM
Parent: #7
التغطية ما كانت بمستوى فنان كبير زي زيدان ابراهيم ، رغم محاولات قناة النيل الازرق انه تغطي الحدث لكن جاء بطريقة اقرب للتابين
على الاقل مفروض كان يكون في تغطية كاملة من لحظة وصول الجثمان والى مراسم التشييع
الاستاذ زيدان ابراهيم فنان ما حيتكرر
وبفقده في جزء من السودان اتفقدوما حيتعوض ويرجع تاني
رحمك الله استاذنا زيدان ابراهيم ولترقد روحك بسلام
انا لله وانا اليه راجعون
|
Post: #10
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-24-2011, 10:22 PM
Parent: #9
| Quote: على الاقل مفروض كان يكون في تغطية كاملة من لحظة وصول الجثمان والى مراسم التشييع |
|
Post: #11
Title: Re: اين قنواتنا الفضائية فى تشييع الفنان الكبير زيدان ابراهيم
Author: طارق ميرغني
Date: 09-24-2011, 10:28 PM
Parent: #10
Quote: قناة النيل الاورق ،، برنامج مساء جديد وتغطية من داخل اتحاد الفنانيين
وحى العباسية ،، لهم التقدير ،، ولكن لو كان تغطية حيه لهذا الحدث ؟
|
مشكوره اخي ود العباسيه قناة النيل الازرق بالفعل للمجهود الذي بذل للتغطيه والمشاركة
ولكن اين التغطيه من حي الشقله الذي رحل اليه من العباسيه ؟؟؟
|
Post: #12
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-24-2011, 10:42 PM
Parent: #11
عزيزي طارق ،،
تغطية النيل الازرق للناس فى حى العباسية
تأتى كون انهم اهل للفنان الراحل زيدان ابراهيم
السنين التى عاش فيها زيدان فى العباسية لم يعش مثلها فى
حى الشقلة بى الحاج يوسف ،، ولكن لهم ان يحزنو لفراقه وان تبث من هناك
تغطية كاملة لانه عاش زمنا هنالك فاصبح واحدا منهم ايضا يحبونه كما
كان يحبهم ،،،
احكى لك قصة ،،،
مرة العندليب كان يشدو فى احدي اعراس العباسية ،،وعندما انتهى من الحفل أتى اليه
احد المعازيم وقال له يا استاذ ( ليه غناك بختلف لمن تكون بتغنى فى العباسية ،، فقام زيدان
خت ايده على قلبه وقال ليه ديل جوه هنا ،، ) اشارة لى اهل العباسية ،
رحم الله العندليب زيدان رحمة واسعة ،،
|
Post: #13
Title: Re: اين قنواتنا الفضائية فى تشييع الفنان الكبير زيدان ابراهيم
Author: اسماء الجنيد
Date: 09-24-2011, 10:47 PM
Parent: #11
ود العباسية الفقد حااااااااااااار والوجعة واحدة
تغطية شنو الراجيها يابا من قنواتنا الما بتعرف للإعلام درب ,,
ديل يا بوي بعد ساعات من خبروا الإنتشر وعم الدنيا بسرعة البرق زي النار في الهشيم
نارو ولعت جوانا وحرفت حشانا
في قمة اللحظات الحزينة دي , تلفزيون السودان كان مشغل اغاني وبرنامج تقاسيم
قبل وصول الجثمان بوقت قليل !!!!
تقول لي تغطية شاملة ؟؟
ديل مرضونا الله يمرضهم بركة جاه النبي
الله يرحم زيدان ويوسده الباردة
والعزاء موصول لكل محبي الراحل المقيم
ربنا يجبر كسر الجميع
والبركة في الجميع
الصبر الصبر بس
|
Post: #14
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-25-2011, 02:26 PM
Parent: #13
بالفعل ،،
ما راجين منهم شئ ،،
اللهم ارحم العندليب ،،
|
Post: #15
Title: Re: اين قنواتنا الفضائية فى تشييع الفنان الكبير زيدان ابراهيم
Author: ودالعباسية
Date: 09-25-2011, 03:01 PM
كنت اتمنى ان اشاهد كيف ودعت العباسية الراحل
كنت اتابع بالتلفون لحظة بى لحظه منذ قدوم الجثمان الى العباسية
الى ان صلى عليه فى ميدان الربيع ،،
كل من كان هناك اجمع على انه لم يري تشيع لفنان مثل ما راي
هذا التشييع ،،،
امدرمان كلها كانت فى محطة سنادة تشييع حبيبها وعندليبها ،،،
ولكن قنواتنا فى عالم آخر ،،
|
Post: #16
Title: Re: اين قنواتنا الفضائية فى تشييع الفنان الكبير زيدان ابراهيم
Author: صديق الموج
Date: 09-25-2011, 04:16 PM
Parent: #15
ود العباسية ..............سلام
رحم الله الانسان الفنان زيدان واسكنه عالى الجنان
ولكن لا تنتظر من اعداء الادب والانسانية منزوعى الرحمة هولاء ان يوقرو
كبير او يتواضعو لقامة..
لو فعلو غير ذلك لاستغربت جدا ولكن هذا قمة توقيرهم للرموز
هذا التجاهل الفاضح والمشين...
مثل زيدان تحتفى به الامة السودانية التى تعرف قدر الناس
ومقدارهم ومقدراتهم لكن لاتنتظر من المدعو كمال عبيد رجاء
فهولاء اعداء للجمال وللفن وللادب وللانسانية،،،
|
|