Post: #1 Title: الضبانة في النشرة جننت المذيعة جن Author: Osman Musa Date: 09-23-2011, 03:02 AM
البارح تابعت نشرة تلفزيون بلدنا الحبيب . وتابعت طول بال أبيخ ضبانة في التاريخ . ضبانة ما عندها شغلة ولا عندها مكان ترك فيه الا المذيعة . والمذيعة المسكينة قدر ما حاولت تهش وتنش وترفس وتصر . برضو الحال في حالو .
Post: #2 Title: Re: الضبانة في النشرة جننت المذيعة جن Author: Osman Musa Date: 09-23-2011, 12:46 PM Parent: #1
العالم يشاهد ونشاهد كيف تقدم حلقات التدهور العجيب في تلفزيون السودان .
ضبانة ؟ يعني المذيعة دي ساعة النشرة تجيب عكاز ؟ HOW ؟ مافي مبيد ؟ مافي قمر صناعي أمريكي مطلوق يقع في هادي الضبانة المجنونة ؟؟
Post: #3 Title: Re: الضبانة في النشرة جننت المذيعة جن Author: عبدالعزيز الفاضلابى Date: 09-23-2011, 02:07 PM Parent: #2
المصدر ياقريبي سلامات يا عثمان
Post: #7 Title: Re: الضبانة في النشرة جننت المذيعة جن Author: Osman Musa Date: 09-23-2011, 11:46 PM Parent: #3
قريبي العزيز الفاضلابي سلامات مصدر شنو ؟ القصة دي يا فاضلابي يا قريبي شوف عين عديل . ضبانة XL . بس الحمد الله المذيعة كان عندها قدرة عجيبة علي الصبر والتضحية حتي أكتمال النشرة . ممكن تكون دخلت كيف ؟؟؟
Post: #4 Title: Re: الضبانة في النشرة جننت المذيعة جن Author: khatab Date: 09-23-2011, 02:08 PM Parent: #2
معليش يا عثمان حققكُم علينا
..
ذكرتنى مسرحيه كتبتهابدرى قام باخراجها الصديق يحيى فضل الله وبجيك نتونس شويه عن قصة التلفزيون والاذاعه وما جاورهم من قنوات
تحايا وود
. .
Post: #5 Title: Re: الضبانة في النشرة جننت المذيعة جن Author: khatab Date: 09-23-2011, 02:22 PM Parent: #4
ما انا متأكد منو
ياعثمان
انُه الذبابه دي
وبالتحديد ما مننا ولا من ذبابنا..
لانُه ذبابنا غير مسموح ليُه اصلاً الدخول ولحدى الاستديو والمزيعه كمان .. . . بجيك للتمامه .. . .
Post: #6 Title: Re: الضبانة في النشرة جننت المذيعة جن Author: mohamed osman bakry Date: 09-23-2011, 05:25 PM Parent: #5
Post: #8 Title: Re: الضبانة في النشرة جننت المذيعة جن Author: محمد النيل Date: 09-23-2011, 11:58 PM Parent: #6
والله يا عثمان سكتوت جنس سكيتة !!!! أهن الضبان والفيران والصراصير ومعاهم ود أبرك موجودين فى أى حتة فى الدنيا حتى فى العالم الأول خليك من الثالث اهن أوباما ذاتو الضبانة جننتو خليك من مزيعتنا المسكينة
لكن الضبان فى الكلاكلة والصحافة والمنشية أكتر
ههههها تحياتى
Post: #9 Title: Re: الضبانة في النشرة جننت المذيعة جن Author: Osman Musa Date: 09-24-2011, 00:00 AM Parent: #6
عزيزنا خطاب سلامات والله الشوق بحر ياخ ضبانة النهار ؟ شنو التدابير للبيحصل من تدهور ؟ ..
كيف حال هموم البلد وأوضاع الحياة ؟ أنشاءالله الحياة ما تكون متخمة بالسلبيات . تحياتي
Post: #10 Title: Re: الضبانة في النشرة جننت المذيعة جن Author: Osman Musa Date: 09-24-2011, 01:05 PM Parent: #9
عزيزنا محمد عثمان سلامات بتاعت Obama فاتت سريع . بس بتاعتنا كانت ضبانة مشاكسة . وكانت بتسمع في خبر عن ارتقاء وتطور النقل في السودان . بتخيل اللحظة ديك الضبانة كانت بتضحك علي المذية والخبر وشكل وطريقة تكدس حاويات البضائع .
Post: #11 Title: Re: الضبانة في النشرة جننت المذيعة جن Author: عمر علي حسن Date: 09-24-2011, 02:12 PM Parent: #10
عثمان أخوي
" يا ايها الناس ضرب مثل فاستمعوا له إن الذين يدعون من دون الله لن يخلقوا ذبابا ولو اجتمعوا له وإن يسلبهم الذباب شيئا لا يستنقذوه منه ضعف الطالب والمطلوب" صدق الله العظيم
عمر علي حسن
Post: #12 Title: Re: الضبانة في النشرة جننت المذيعة جن Author: Osman Musa Date: 09-25-2011, 00:40 AM Parent: #11
عزيزنا محمد النيل سلامات شفتها ؟ بعد النشرة يا محمد مشيت حكيت الموضوع لواحد أخ عندو القناة السودانية . ضحك وقال : يادوبك ؟؟ قال : ياخ الضبانة دي عندها مزاج في النشرة وكمان DAILY .
Post: #13 Title: Re: الضبانة في النشرة جننت المذيعة جن Author: Abureesh Date: 09-25-2011, 01:02 AM Parent: #12
سلام عمثان،
فى كل الأحوال وقعت فوق جرح للمذيعـة، لأنو حتعمل شنو لو مافى السيدة الضبانة دى.. كلما راح ليها الكلام تعمل مشغولة بالضبانة و تقعد تحاحى.
.
Post: #14 Title: Re: الضبانة في النشرة جننت المذيعة جن Author: Osman Musa Date: 09-25-2011, 01:29 PM Parent: #13
عزيزنا عمر علي حسن سلامات الضبانة دي بتحاول نقل التدهور الحاصل نقل مباشر . والنهار . وعينك يا تاجر . وصول الضبانة للمكان ده خطير خطير .
Post: #15 Title: Re: الضبانة في النشرة جننت المذيعة جن Author: عمر علي حسن Date: 09-25-2011, 03:50 PM Parent: #14
Quote: وصول الضبانة للمكان ده خطير خطير .
مش كده؟ ........... ولسه !
عمر علي حسن
Post: #16 Title: Re: الضبانة في النشرة جننت المذيعة جن Author: الكيك Date: 09-25-2011, 08:12 PM Parent: #15
الاخ عثمان موسى تحياتى على ملاحظتك وبوستك الهادف هذه الذبابة تسكن تلفزيون امدرمان من ايام مايو واعتقد ان المذيعة هى الغلطانة وليس الذبابة وهى من اقتحمت دار الذبابة يعنى المذيعة هى الغلطانة لان الذباب ساكن فى هذا الاستديو منذ ذلك الزمان ..والدار داره .. ولا للغرباء .. اما ان تلوم الذبابة وتقول انها جننت المذيعة جن هذا يدل على انك شخص غير منصف .. متواطىء مع المذيعة ضد صاحب الحق الاصيل او صاحب البيت .. ربما اعتقدت هذه الذابة ان تدخلا اجنبيا قد حدث وان شخصا ما تدخل فى شؤونها الداخلية يريد اسقاط نظامها الذى تعايشت معه .. اوربما اعتقدت ان واحدة من الطابور الخامس جاء لينظف التلفزيون من اهله وسكانه الاصلاء او متسللين عبر الحدود من المرتزقة جاؤوا لقلب نظام الحياةالذى تعيشه باستديو التلفزيون وتنظيفه من اهله ..لهذا اجتهدت وجاهدت فى منع المذيعة من ان تنال هدفها الذى جاءت من اجله ونجحت الى حد ما بدليل ان الخونة والمارقين من اعضاء الطابو الخامس من امثالك يستنكر ما قامت به رغم انه دفاع عن النفس ..
وهو حق مشروع تحياتى لها ولك
Post: #17 Title: Re: الضبانة في النشرة جننت المذيعة جن Author: الكيك Date: 09-25-2011, 09:01 PM Parent: #16
ثم ان امدرمان نفسها مدينة متسخة ومليئة بالقاذورات ..لا تنافسها اى مدينة فى العالم وظلت تتفوق على الجميع بدون منافس ... والمسؤولين فيها لم يسمعوا بالحديث الذى يقول ان النظافة من الايمان وقادرة على انتاج كميات هائلة من الذباب للاكتفاء الذاتى والتصدير لدول الجوار كمان ..وهذا ما يسعد الذباب الذى يجد الحماية من المسؤولين لهذا يتواجد الذباب فى كل اركانها الاربعة وهو الحارس الامين لها واى تدخل من انسان فى شؤونه الداخلية لابد ان يواجه بالردع اللازم لكى لا تسول له نفسه بالتدخل فى شان الاخرين ناهيك عن اقتحام داره دون اسئذان .. ان ما قامت به المذيعة من اقتحام لدار غريبة عليها لا يحق لها ان تستنكر ما حولها او ما يحدث لها فيه وعليها تحمل نتيجة الخطا الذى وقعت فيه ولا يفيد اى استنكار او غضب من جراء تصرفات اهل الدار مع اى غريب ....متطفل ودخيل .