الصادق عماره القيادى بالمؤتمر الوطنى ...فى السجن

................

6 اشهر سجن
5 مليون غرامه

ده مش كان وزير دولة للزراعة .وعندو شركة زراعية ؟




تحياتى يا مواطن

شركة (قرين ليقز الزراعية)

مش صاحب الشركة دى ومديرها ...

عمل وزيراً للزراعه في ولاية الجزيره ..وبياكل ما بخش (خشمو)
ياهو ولا شبه؟

Quote: ده مش كان وزير دولة للزراعة .وعندو شركة زراعية ؟ تحياتى يا مواطن

الاخ معاويه
بالضبط

قررت محكمة وادى حلفا اليوم حبس الصادق عمارة

الحكم
6 اشهر سجن
5 مليون ج غرامه
ما عارف بالجديد ام القديم
ان شاء الله يكون بالجديد

المحكمة
طلبت منو ايقاف العمل
عمل فيها فوق القانون
اتى بصديقه سلاف الدين صالح و احتفل بانطلاقة المشروع
رغم قرار المحكمة

المحكمة اوقفت العمل لحين الفصل فى نزاع بينو و المواطنين
تم ترحيلو الى السجن فى دنقلا عقب القرار
مباشرة

ما دام ياهو ده زول فاسد وحـــرامى ..بس بتكون فى خلافات حول (عضة) بين الكيزان
هسى بيجوك .ناس ..المصدر.والزول كان وكان وسيرتو ..والطلبة ...وده انضف واحد
وكان بصوم..كل سبت ..وكل الموالات المستهلكة لتمجيد لصوص النظام

Quote: ما دام ياهو ده زول فاسد وحـــرامى ..بس بتكون فى خلافات حول (عضة) بين الكيزان هسى بيجوك .ناس ..المصدر.والزول كان وكان وسيرتو ..والطلبة ...وده انضف واحد وكان بصوم..كل سبت ..وكل الموالات المستهلكة لتمجيد لصوص النظام

اسمع باقى القصه

الفاسد ده صاحب الفاسد الاشر المتعافى و ود عضتو ..يعنى المتعافى عمل منو غمران ؟
انت عارف .يانائف انا لى كم يوم شغال فى .فى قصص الزول ده..لكن انت جبت النجيضة
حلال عليك تب ..وانا قريب ..للمتابعة ورفد البوست حول (الفاسد) .........ومبروك لاهلنا
فى حلفا .....اثمرت وقفتكم فى وجه اللصوص ..

Quote: الفاسد ده صاحب الفاسد الاشر المتعافى و ود عضتو ..يعنى المتعافى عمل منو غمران ؟ انت عارف .يانائف انا لى كم يوم شغال فى .فى قصص الزول ده..لكن انت جبت النجيضة حلال عليك تب ..وانا قريب ..للمتابعة ورفد البوست حول (الفاسد) .........ومبروك لاهلنا فى حلفا .....اثمرت وقفتكم فى وجه اللصوص .

الزول ده داير يسمسر فى حق الناس
شركه وهمية يقبض (الكومشن)
قضيتو فى حلفا شهيره

مع الجمعيات التعاونية الزراعية لمواطنى حلفا القديمة و الجديده
جنوب وادى حلفا

بالتحديد جنوب جمى

الضغط الشعبى القوى

تظاهرات من شهر رمضان
اجتماعات
لجان مناهضة

بيان سرى من تنظيم سرى هدد بما هو اكثر من التظاهر

Quote: الزول ده داير يسمسر فى حق الناس

اها يا عبدون سماسرة البورد .ما جوك؟
غريبة والله ..هسى بيجك الشكار الدائم؟
او (النافى )الناكر..برضو دائم...

upللمزيد من المعرفة

غقبال باقي الحرامية القاعدين يحتالوا على المغتربين بإسم الإستثمار الزراعي وياكلوا قروشم ويربوا بيها كروشم

خبر افرحنا واثلج صدورنا

والله برافو ناس حلفا
وعقبال بقيه الفاسدين
واول الغيث قطره

هذا الفاسد تولي ادارة معهد الصادرات البستانية بجامعة الجزيرة وقفز بالزانة لشلة العصابة


كلهم كلهن فاسدين \ات اهل العصابة

نعم الي السجن ... اقتلع اراضينا ..اراض اسرتي واهلي وقريتي فدافع عنها اهلي حتي ذهبو به الي السجن ... ربما يخرج منها فهم من حزب الفاسديين ولكننا حققنا انه لا يضيع حق لمدافع عنه .. يجب ان يستمر الدفاع عن كل الارض النوبية ....

ان شاء الله ببركات الانبياء والصالحين
كيدهم في نحرهم
اللهم افضح زمرة الحرامية والدجالين وكل من يقف ضدالحق
اللهم لاتجعل فيهم ذرية في هذه الدنيا
اللهم بشتنهم الى يوم مماتهم
ولاتجعل لهم بركة مناموالهم الا حرقته وززلتهم امام المظلومين
امين..امين..امين

واذا اختلف اللصان ظهر اللص

الصادق عمارة هذا منعملاء مصر ومن المروجين لاتفاقية الحريات الأربعة... سيخرجه الفاسدون من السجن ولكن النوبيون له بالمرصاد طال الزمن ام قصر... اللعب بالأرض النوبية كاللعب بالنار...
منان

الأخوة المتداخلين,
لقد سمعت والعهدة على الراوى بأن المتهم الصادق عمارة ادعى بأن لديه مديونية على الحكومة لم تقم بتسديدها له , وهو بالتالى قام بوضع يده على اراضى مواطنى (جمى) بوادى حلفا, ولكنهم كانوا له بالمرصاد .
طيب ياشيخنا انت طالب الحكومة قروش, تقوم تعتدى على اراضى اهالى وادى حلفا ؟ هى حقارة وقلة ادب منك ولا شنو ؟ ماقدامك اراضى حوش بانقا وكافورى والمنشية امشى اقلع حقك منهم هناك .

فوق


للمزيد من الاطلاع

رشهم يا نايف اخوي
وعقبال بقية الحرامية

أدي وريقنا وووي نوبا
أقيلقو تيرجا اسكوقا

نايف
مسكاقمي
قالوا الزول ده ضارب الكندشة في بيت الوالي القانوني فتحي خليل في دنقلا.
احتمال بحاول يخش التشكيلة الجديدة لحكومة الولاية..

Quote: احتمال بحاول يخش التشكيلة الجديدة لحكومة الولاية.

الجكومة الجايه فضيحة اكتر من الفاتت
الله يستر

كما قال صبري الشريف د. الصادق عماره كان أستاذنا في جامعة الجزيرة وهو من أسس معهد الصادرات البستانية - بقسم البساتين - كلية العلوم الزراعية
جامعة الجزيرة وتولي إدارته إلي حين اختياره وزيرا للزراعة بالجزيرة وخلفه الدكتور الكاشف الله يكشف حاله (إمام جامعة الجزيرة)

وهو من الكفاءات العلمية البارزة في مجال الزراعة في السودان - وهو من طور الشمام السوداني العادي إلي شمام القاليا وهو الذي يتم تصديره
بدأ زراعته في المزارع التي تتبع للجامعة في النشيشيبة - لكن يبدو أن البزنس قد أخذ الدكتور الزراعي بعيداً عن الأمانة العلمية التي يحملها.

قصة تصفية حسابات بين اجنحة رجال الأعمال في المؤتمر الوطني أقرب إلي الحقيقة
اللهم شتت شملهم.

الأخ محمد آدم الحسن,

Quote: وهو من طور الشمام السوداني العادي إلي شمام القاليا وهو الذي يتم تصديره

اخشى ان المعلومة عن تطوير شمام القاليا غير صحيحة, والصحيح هو ان شمام (القاليا) قد طوره احد علماء الزراعة الأسرائيليين....نعم اسرائيلى يدعى Zvi Karchi, وقد اطلق اسم ابنته (قاليا)على هذا الهجين , واسم قاليا هو مقابل اسم(موجة او Wave) وهناك من يقول انه اسم (غالية) فى العربية....
وفوق كل ذى علم عليم .
مع تحياتى .

Quote: ان شمام (القاليا) قد طوره احد علماء الزراعة الأسرائيليين....نعم اسرائيلى يدعى Zvi Karchi

ثم بعد ذلك يأتى من يتنطع علينا ويتحدث عن مقاطعة البضائع الأسرائيلية .
فى آخر الأخبار ان دكتور الصادق خضر عمارة قد كسب قضية الأستئناف وتم الأفراج عنه.
لا تعليق لنا عن احكام القضاء....لكن هل يستطيع الصادق عمارة ان (يهوب) على اراضى (جمى) مرة أخرى ؟

القصة كلها ذر رماد على العيون
في حرامي بيقدر يحكم حرامي
لو حصل حينفرض عقد الحرامية الكيزان وكلهم يتفضحوا زي ما حصل شيء

نعم اطلق سراح عماره من محكمة الاستئناف
متوقع طبعا

الأخوة المتداخلون,
ادناه الرسالة الى وجهها د.الفاضل بركة لعضوية اتحاد المهندسين الزراعيين, وفيها كمية لأبأس بها من (كسير التلج) لرئيسه , ولكن ماحز فى نفسى هو تسآؤله ومحاولة تصغيره والسخرية من خصوم د.الصادق عمارة فى القضية بقوله ( والكريم لا يتعدي علي حق الغير ومن هم- وأين- مزارع في أدغال وادي حلفا؟)
اما من هم ياأخ بركة..فهم يا (شيخنا) اصحاب تلك الأرض الأصليين منذ آلاف السنين والتى لم يبرحوها شبرا وحدا حينما حاول الرئيس السابق ابراهيم عبود ان يهجرهم قسرا لخشم القربة بعد ان حاولوا ان يقطعوا عنها اسباب الحياة ولكنهم قبضوا على الجمر وصبروا وهم سوف يعيدون سيرتها الأولى التى من الواضح جدا انك لاتعرف عنها كثير شيئ ...لكن انصحك ان ترجع قليلا للتاريخ القريب والبعيد لكى تعرف ما هى وادى حلفا. اما محاولتك للسخرية والأستهزاء بقولك (واين؟ فى ادغال وادى حلفا؟), اقول لك نعم فى وادى حلفا.. واصحح لك معلومة ما كان يجب ان تفوت عليك وانت الدكتور فى الزراعة , ان وادى حلفا ليست بها ادغال بل هى عبارة عن قطعة وسط الصحراء ولكنها تنعم بأخصب تربة طينية فى السودان بفضل ترسبات الطمى خلف الخزان ومن هنا صارت محط انظار واطماع استاذك ورئيسك المدعو الصادق عمارة .

Quote: بسم الله الرحمن الرحيم السيد / عضو الاتحاد المحترم السلام عليكم ورحمه الله وبركاته براءة السيد / رئيس الاتحاد عن تهمة الإعتداءعلي أراضي (جعية جمي) وكذك الحكم الذي صدر في حقه . تعلمون الملابسات وشكل الحكم ودور الأعلام المتآمر والموجه( جريدة الصحافة والتيار ) والتي أوردت بالعنوان العريض ( الحكم بالسجن والغرامة في حق وزير الدولة السابق الصادق عمارة ) . ولمعرفتي الشخصية لاستاذي الكريم عن قرب لفترة قاربت العشرون عاماً عرفتة بن بلد مزارع في بساطتة وعالم لايشق له غبار . يتحلي بالرجولة والشهامة والكرم . والكريم لا يتعدي علي حق الغير ومن هم- وأين- مزارع في أدغال وادي حلفا ) . لكن هاهي الحقيقة مآثلة أمامكم براءتة المحكمة من التعدي والحكم في حقه مما دفع بنفس الصحف المهرجة والغير نزيهة الكتابة بالخط العريض عن برأءة وزير الدولة عن التعدي والحكم في حقه . كلنا ثقة في تقبلة الإبتلاء بقلب المؤمن هو واسرتة الكريمة . نسأل الله ان يرفع الظلم والقهر والتسلط عن رقاب الاخيار من ابناء هذاالبلد وهذه الدولة الظالمة والتي تغض الطرف عن السرقة الحقيقين في وضح النهار وخيرشاهد فضائح المراجع العام وعدم امتثال نواب البرلمان للتحقيق ............... وغيرة . ظللنا أبان المحنة نقسم ببراءتك امام الكل واوصلنا هذا الراي لكل العامة ...لا تقلق استاذي لقد وصلت الحقيقة للعامة والعامة أكدوا عليها بالإستنكار تطابقاً مع ردنا .وهاهي الحقيقة الماثلة عهدناك مؤمناً واسداً تصبر علي الابتلاء وقوياً في رد حقك . تلميذك . د. الفاضل محمد بركة