الي عبد الرحمن الخضر ... موش الخرطوم بتشرد منها أنتا

Quote: قطع والي ولاية الخرطوم د.عبدالرحمن الخضر الطريق أمام منح قطعة أرض بالمجان لأي مواطن، لافتاً الى أن حكومته خفضت كل ما في وسعها في رسوم الأراضي. وقال الخضر (الما قادر على المعيشة في الخرطوم ما يقعد فيها)

يبدو ان صمت هذا الشعب الكريم أغراكم، ليس بسرقة امواله و مقدراته المادية، اٍنما ايضا بالتطاول عليه بالاساءات و قلة الادب و الوقاحة.

شايف الجماعة ديل اليومين بقوا يتنافسوا فى الاساءة للشعب السوداني و التطاول عليه. حتى اٍسحق القبيح تطاول على مهجري السد فى الشمالية.

من اين اتيت يا عبد الرحمن يا خضر عشان تقول لمواطني الخرطوم الما قادر على المعيشة فى الخرطوم ما يقعد فيها؟. انتا جيت لقتهم فى الخرطم ولا هم جوا لقوك فيها ايها البائس التعيس؟.

قالوا العاقل من اٍتعظ بغيره لكن ما بتتعظوا و زي ما قال المثل اصلوا الخملة ما بسمع نصيحة الهادى. قبل ايام كان اخوكم فى العسف و التسلط معمر القذافي كان بمارس فى نفس هذا السخف و التعالي الاجوف على شعبه، يصفهم بالجرذان و المساطيل، الليلية وين القذافي؟. أهل الخرطوم بتتطاول عليهم و تقول ليهم العيشة لو غلبتكم أرحلوا ديل، بمرقوا عليك من كل فج عميق و بتشرد انتا، و الله ما تلحق تلبس نعلاتك. تراه بعيداً؟! و نراه شوف عين.