Post: #1
Title: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 09:08 AM
مشاكل في كل مكان + انهيار اقتصادي.
ــــ
والنجيضة الأكبر: رأي المواطن البسيط وفور تسلّم المعارضة للسلطة واصطدامها بالوضع المزري سيضغط عليها ويقول "يا حليل البشير" زي ما قبل كدة الناس قالت "يا حليل نميري" !!!
والنجيضة الأكبر من الأكبر: إنو المشكلة الأكبر هي ذاتها المواطن البسيط دة 
|
Post: #2
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 09:13 AM
Parent: #1
تعريف المواطن البسيط:
هو الذي كل همه أن يأكل ويشرب ويركب مواصلات وما يقيف في صفوف عشان السخانة ووجع الكرعين ...
|
Post: #3
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 09:36 AM
Parent: #2
Quote: خالد عويس كتب: أتفق معك تماماً في أننا نحتاج إلى تغيير جذري يقتلع الإنقاذ، لكن، أراهن أن ذلك سيحدث – للأسف – نتيجة الجوع لا الكرامة ولا الحرية
المصدر:
الصادق يرفض عرض الحكومة
|
|
Post: #5
Title: Re: النجيضة: المعارضة إذا استلمت البلد حتستلمها جنازة بحر
Author: اسامه خليفه
Date: 09-21-2011, 09:44 AM
Parent: #3
الاخ صبري .. سلام
اكتر من كدا يا صبري .. والله لو رجعونا من مكان ما انقذونا كما زعموا يكون افضل لينا ..
ظلم عينك عينك ..
فساد في كل شي ..
انفلات امني ...
غلاء طاحن ..
عنصريه..
تدني في كل شي ياصبري وتقول لي جنازه وبحر ياصبري ...
|
Post: #18
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 03:22 PM
Parent: #5
وعليكم السلام أخي أسامة ...
Quote: أسامة خليفة كتب:
اكتر من كدا يا صبري .. والله لو رجعونا من مكان ما انقذونا كما زعموا يكون افضل لينا ..
ظلم عينك عينك ..
فساد في كل شي ..
انفلات امني ...
غلاء طاحن ..
عنصريه..
تدني في كل شي ياصبري وتقول لي جنازه وبحر ياصبري ... |
أم كلثوم تغنّت وقالت: وعايزنا نرجع زى زمان قول للزمان ارجع يا زمان !!!
فيا عزيزي كلامك يوافق عنوان البوست 100% يعني المعارضة حتستلم البلد وستصطدم بكل ما ذكرته !!!
وهذا لا يمنع أن تبدأ بالتصحيح ولو كان من الصفر ...
السؤال: هل سيصبر المواطن البسيط أم سيخرج في تظاهرات حتى يأتي انقلاب جديد بحجة حتى لا يصل الدولار إلى عشرين جنيهاً ؟!
|
Post: #19
Title: Re: النجيضة: المعارضة إذا استلمت البلد حتستلمها جنازة بحر
Author: اسامه خليفه
Date: 09-21-2011, 03:40 PM
Parent: #18
الاخ صبري .. سلام تاني
عذرا اخي انا قرات (حتستلمها ).. حتسلمها ..فهنا يختلف المعني تماما فالعتبي علي النظر ..
لكن في كلل الاحوال يجب ان ترحل الانقاذ واحلال تبادل سلمي للسلطه ...
تقديري
|
Post: #6
Title: Re: النجيضة: المعارضة إذا استلمت البلد حتستلمها جنازة بحر
Author: محمد النيل
Date: 09-21-2011, 09:45 AM
Parent: #3
Quote: تعريف المواطن البسيط:
هو الذي كل همه أن يأكل ويشرب ويركب مواصلات وما يقيف في صفوف عشان السخانة ووجع الكرعين ... |
حقيقة والله يا صبرى طه
تعبير كنت أبحث عنه طويلا.
| Quote: أراهن أن ذلك سيحدث – للأسف – نتيجة الجوع لا الكرامة ولا الحرية |
وهذه حقيقة كبرى أخرى للأسف
الناس الواعية الزمان جزء كبير منهم مات
والياقى هاجر
أما الشعب البسيط الموجود حاليا (من أتى هؤلاء) ؟؟؟؟؟؟؟؟؟
تحياتى صبرى
|
Post: #4
Title: Re: النجيضة: المعارضة إذا استلمت البلد حتستلمها جنازة بحر
Author: عادل نجيلة
Date: 09-21-2011, 09:38 AM
Parent: #2
شطبت مداخلتي لعبقرية وتجاوزات المتداخلين .. jumped over and posted in
|
Post: #7
Title: Re: النجيضة: المعارضة إذا استلمت البلد حتستلمها جنازة بحر
Author: فايزودالقاضي
Date: 09-21-2011, 10:11 AM
Parent: #4
| Quote: لعمري أنت لست بسوداني ولا وطني حتى تقول قولك المردود أليك .. فلتخرج جنائز أعداء السودان وليبق الوطن .. آمين .. |
رش الكوز لا تأخذك به رافة ...
شكراً عادل نجيلة ...
ــــــــــــــــ
لتعديل الاسم ..مع الاعتذار للاخ عادل للخطأ غير المقصود ..
|
Post: #12
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 10:37 AM
Parent: #7
| Quote: رش الكوز لا تأخذك به رافة ... |
الله المستعان ...
واحد تكون قافلة معاهو من الصباح ... أو زار "استاد الهلال" وراسو داخ
يجيك طاير وقبل ما يعرف إنك شايت وين ... يعمل ليك فيها أبو المناضلين ...
الحمد لله أنني لا آخذ الكل بجريرة البعض ...
ولو كانت المعارضة شخصية اعتبارية يمكن فصل الناس منها لطلبت بفصل بعض الذين يُسيئون إليها بقصر نظرهم ...
الكلام دة ما ليك يا ود القاضي 
|
Post: #8
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 10:12 AM
Parent: #4
| Quote: عادل نجيلة كتب: خلي الحكومة الحالية تذهب وإلى الأبد .. |
يا عادل إن شاء الله تغطس وعمرها ما تطلع ... أها كدة قصّرت معاك ...
| Quote: عادل نجيلة كتب: والذي نفسي بيده ليصبح شعب السودان فوق شعوب المنطقة وليصبح سندآ لكل الشعوب المقهورة في أفريقيا .. |
أيوة ... ما هو باين الثورات العربية الأخيرة بدت مننا ومشت ليهم بالدور !!!
| Quote: عادل نجيلة كتب: والذي نفسي بيده ليعم الخير كل الخير حتى لا تعرف لمن تعطى الصدقات ولمن يستحق الذكاة .. |
لم يحصل ذلك بعد انتفاضة أبريل ؟.. والمناظر هي ذاتا والصور نفس المشاهد !!!
| Quote: عادل نجيلة كتب: أما جنازة البحر سنعرف كيف يتم تكفينها ودفنها .. |
ولماذا لم يتم تكفينها ودفنها بعد انتفاضة أبريل .. أذكر وأنا طالب بالمرحلة المتوسطة أننا كُنّا تقريباً نخرج كل أسبوع مظاهرة مطالبة بإصلاح الحال وهنا لا أخرج نفسي من المواطن البسيط (رغم صغر سني وقتها) الذي كان كل همه أن يجد خبزاً وسكراً ... إلخ !!!
| Quote: عادل نجيلة كتب: أما مثل قولك هذا لهو تثبيط للهمم يصب في مصلحة الرمم .. |
يا أستاذ لا تثبيط همم ولا رمم ولا بطيخ .. أنا بحكي عن حال البلد في الوقت الراهن .. وافترض إنو المعارضة مسكت البلد الليلة حتلقى شنو يعني ؟
يعني عايز تقنعني بين يوم ليلة الدولار حيبقى بجنيه !!!
ثمّ أنني لم أقل لك كمعارض "أعمل نايم" وما تتعب ... بالعكس لو عندك طريقة أقلبها الليلة قبل بكرة ... ونقطة سطر جديد "بس بعدها ما تعمل نايم" وتصطنع الحجج الواهية للمواطن البسيط الكل همه يأكل ويشرب ... إلخ ... المواطن دة لا بعرف ليك خطة خمسية ولا عشرية ولا موارد اقتصادية ... المافي شنو ؟!
| Quote: عادل نجيلة كتب: لعمري أنت لست بسوداني ولا وطني حتى تقول قولك المردود أليك .. فلتخرج جنائز أعداء السودان وليبق الوطن .. آمين .. |
إن شاء الله تستلمها يا أبو الوطنية وتزرع لينا نجيلة في قبورنا ... قول آمين ياخ ...
النجيضة: البلد جنازة بحر (هذه حقيقة)
النجيضة الثانية: التغيير ينبغي أن يُبنى على الحرّية والكرامة حتى وإن طالنا بعده الجوع الهالك لا على جوع المواطنين الذي أحسبه سيستمر ولن ينتهي بين ليلةٍ وضحاها أو كما قال عويس
ــــــــ
سبب التعديل: "نجيضة" لـ "نجيلة"
|
Post: #9
Title: Re: النجيضة: المعارضة إذا استلمت البلد حتستلمها جنازة بحر
Author: عادل نجيلة
Date: 09-21-2011, 10:24 AM
Parent: #8
أ
|
Post: #10
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 10:27 AM
Parent: #9
حتى تعرف أنك زول "قاعد ساي" ... ولم تفترض حسن الظن بأنني كتبت اسمك بخطأ مطبعي ليس إلاّ ...
على العموم سأقوم بالتعديل ... والله يكبّر عقولنا جميعاً ...
|
Post: #11
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 10:32 AM
Parent: #10
| Quote: أسمع يا صبري أنا إسمي عادل نجيلة وليس عادل نجيضة .. أرجو ألا تسئ لإسم والدي وأسرتي .. وخلي عندك أدب ... وأنت يا أم الوطنية ماذا لديك حتى تتحدث بشأن الوطن !! أما مساخر وقلة أدب . أما شخص منحل وقليل أدب. |
| Quote: أما شخص منحل وقليل أدب. |
لا تستحق حتى أن أكتب اسمك
|
Post: #13
Title: Re: النجيضة: المعارضة إذا استلمت البلد حتستلمها جنازة بحر
Author: عادل نجيلة
Date: 09-21-2011, 10:39 AM
Parent: #10
Quote: حتى تعرف أنك زول "قاعد ساي" ... ولم تفترض حسن الظن بأنني كتبت اسمك بخطأ مطبعي ليس إلاّ ...
على العموم سأقوم بالتعديل ... والله يكبّر عقولنا جميعاً ... |
أولآ أوضح لي قولك ب(قاعد ساي) وثانيا أنت كتبت إسمي لعشرة مرات خاطئا والآن تريد أن تقول بأن ذلك خطأ مطبعي !! يا إبني أنا في النت دي منذ عام 1996 وكان الويندوز 95 يادوب بلقيتس أخرجوا .. كلامك ده قولوا لي زول تاني
أسوأ ما يحدث في هذا الموقع إنو بلمك في ناس مابتعرف تلاقيهم وين .. غايتو الصبر الجميل .
|
Post: #14
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 10:47 AM
Parent: #13
| Quote: أولآ أوضح لي قولك ب(قاعد ساي) وثانيا أنت كتبت إسمي لعشرة مرات خاطئا والآن تريد أن تقول بأن ذلك خطأ مطبعي !! يا إبني أنا في النت دي منذ عام 1996 وكان الويندوز 95 يادوب بلقيتس أخرجوا .. كلامك ده قولوا لي زول تاني |
طيّب حأشرح ليك إنك "قاعد ساي" كيف على حسب كلامك الفوق دة ...
أنا كتبت اسمك مرّة واحدة فقط باللون الأحمر هكذا:
عادل نجيلة كتب:
اقتبست كلامك مرّة واحدة فقط وألصقت في بدايته اسمك الملون بالأحمر عادل نجيلة كتب:
ثمّ عملت نسخ لكل الكلام المقتبس وبداخله اسمك الخاطئ ... معاي لحدّي هنا ...
النص أصبح منسوخ في الذاكرة وفي كل مرّة أقوم بلصقه وأمسح منه جزء وأترك الجزء الذي أريد الرد أسفله ... وهكذا ألصق في كل مرّة ...
وهنا تكرر الخطأ لعدة مرّات ...
إن شاء الله عمرك تاني ما تقعد ساي ...
ثمّ ما تتجدع لي بالنت الإتعلمتو من سنة حفرو البحر لأني لو فتحت معاك الباب دة الحلاّ بلة ما بيحلك ...
| Quote: أسوأ ما يحدث في هذا الموقع إنو بلمك في ناس مابتعرف تلاقيهم وين .. غايتو الصبر الجميل . |
موجود في السعودية - الرياض لو عاوز تفصيل أكتر أطلبه في الخاص ...
|
Post: #15
Title: Re: النجيضة: المعارضة إذا استلمت البلد حتستلمها جنازة بحر
Author: عادل نجيلة
Date: 09-21-2011, 10:54 AM
Parent: #14
| Quote: موجود في السعودية - الرياض لو عاوز تفصيل أكتر أطلبه في الخاص ... |
aaaa ok now I see ..
|
Post: #16
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 11:02 AM
Parent: #15
| Quote: aaaa ok now I see .. |
وين بالضبط كدة ... أرسل طلبك في الخاص ...
|
Post: #17
Title: Re: النجيضة: المعارضة إذا استلمت البلد حتستلمها جنازة بحر
Author: jini
Date: 09-21-2011, 11:39 AM
Parent: #16
Quote: تعريف المواطن البسيط:
هو الذي كل همه أن يأكل ويشرب ويركب مواصلات وما يقيف في صفوف عشان السخانة ووجع الكرعين ... |
ومن لم يستطع تلبية حاجة المواطن البسيط فى وطن يذخر بامكانية مهولة فلماذ يبقى على سدة الحكم!
البطن الجائعة لن تسكتها الشعارات والحريات!
لن يحرص المواطن على حكومة لم تلبى حاجته ولا تحتمل ربط حجر على بطنها ناهيك عن حجرين!
انقلاب 89 قاده حزب وليس الشعب السودانى الذى ثار فى 1964 من اجل الحرية وليس الخبز ولكن قادة الاحزاب لم يفطنوا لذلك!
جنى
|
Post: #20
Title: Re: النجيضة: المعارضة إذا استلمت البلد حتستلمها جنازة بحر
Author: الامين موسى البشاري
Date: 09-21-2011, 03:47 PM
Parent: #17
صبري الجاتك في وطنيتك سامحتك
المشكلة بنصبر على الانظمة الشمولية
ولكننا لا نستطيع صبراً مع الانظمة الديمقراطية ..
لكي تحقق انجازات ومشاريع تنموية تظل باقية لا بد من الاستقرار السياسي لفترة
حدث هذا مع نميري ومع الانقاذ فقد عملا بعض المشاريع مما يعدونه انجازات ظاهريا
ولكنها فعليا كانت على حساب حرية وكرامة المواطن السوداني..
عدم الاستقرار السياسي للانظمة الديمقراطية جعلها لا تستطيع فعل شئ
بينما يراها بعض السذج أنها فاشلة في الحكم ..
ليتنا نعطي الديمقراطية مساحة وزمن أكبر حتى نحصد ثمارها ...
وبعدين يااااخ طنش تعش تنتعش يا قولات عبد الله السدحان ... والله صحي
تحياتي
|
Post: #21
Title: Re: النجيضة: المعارضة إذا استلمت البلد حتستلمها جنازة بحر
Author: عادل نجيلة
Date: 09-21-2011, 06:34 PM
Parent: #16
الزميل الفاضل صبري
دعني أسجل إعتذارا لما كتبته من عبارات غير حميدة بحقك وحسبي بأنك كتبت إسمي بالخطأ ومن غير تهكم .. العفو
التعديل لإضافة لام التعرريف لكلمة زميل
|
Post: #22
Title: Re: النجيضة: المعارضة إذا استلمت البلد حتستلمها جنازة بحر
Author: صبري طه
Date: 09-21-2011, 09:56 PM
Parent: #21
لك التحية أخي الفاضل عادل نجيلة ...
وتوقعت اعتذارك ... وأنا بدوري أعتذر لك عن الخطأ غير المقصود أولاً ولقسوة ردودي عليك ثانياً ... وأحمّل نفسي خطأ عدم مراجعة ما خطيت ...
وبالنسبة لرأيك الذي خطيته في هذا البوست سيبقى عندي محل تقدير واحترام ...
والعفو والعافية ...
ولك كل الود والتقدير ،،،
|
Post: #23
Title: Re: النجيضة: المعارضة إذا استلمت البلد حتستلمها جنازة بحر
Author: محمد ميرغني عبد الحميد
Date: 09-22-2011, 06:55 AM
Parent: #22
مشكور اخي العزيز على فتح الباب على أكبر إشكالية في ديمقراطية السودان
دقت الموسيقى ودخل القادة السجون وهتف المواطن البسيط للكذبة الذين يمونونه الأماني الكاذبة
وأعتقد أنه يكون جميلا لو تقوم الثورة لأجل الحرية ولكن.. هذه غاية تحتاج لصبر أكبر من الذي نحتاجه لترسيخ الديمقراطية
أعتقد أنه اجمل لو تقوم الثورة حتى بسبب الجوع لأنه سبب قوي لثورة حتى الجبناء ولا عيب فيه
فالجوع مذهب للحياة
وعدم الحرية مذهب للكرامة!!
فليحصل التغيير ولنصبر عليه كما تفضلت
|
|