الأستاذ احمد البلال الطيب... انت راجل فهامة وعبقري

شاهدت برنامج في الفضائية السودانية يستضيف فيه الاعلامي الرائع احمد البلال الطيب كبير المفاوضين في حركة التحرير والعدالة الدارفورية وقد قام الاستاذ احمد البلال الطيب بتوجيه اسئلة في غاية الصعوبة واسئلة نارية إلى الضيف الكريم ولكن الضيف الكريم ايضا لم يكن أقل حنكة من الاستاذ احمد البلال فهو قد رد على كل الاسئلة باقتدار وتمكن... ولكن الجميل في الأمر ان الاستاذ احمد فعلا كان يعبر عن ما يدور في أذهان العديد من المشاهدين
غايتو مفروض الاستاذ احمد البلال ده يمسك الوزراء ديل واحد واحد ويسألهم اسئلة كثيرة مخزنة في اذهاننا , ونحن نثق في انه سيعبر عما يدور في دواخلنا, وأهم هذه الاسئلة 1- مرتبك كم في الشهر؟
2- العمارة دي بنيتها بكم؟
3- وعمارة ولدك بكم؟
4- وعمارة بنتك بكم؟
5- وعمارة صهرك بكم؟
والمجموع كم؟
وكم شهر انت في الوظيفة دي؟
واذا جمعنا مرتبك في الشهور دي المجموع كم؟
وهل المجموع ده ممكن تبني بيه عمارة واحدة؟
وطيب الباقي جبتو من وين؟