Post: #1 Title: من انتم ؟! Author: وليد محمد المبارك Date: 09-20-2011, 11:47 AM Parent: #0
نختلف على اشياء كثيرة في هيثم مصطفى ... لكن لا خلاف البته على موهبته وعلو كعبة داخل الميدان من ناحية فنية..
من هو المؤهل في جميع الصحفيين الرياضيين او من يكتب في الصحف الرياضة لتقييم اداء هيثم مصطفى خلاف على قاقرين ؟! من هو المؤهل من الاعلاميين ( والاعلاميات ) المزيعين ( المزيعات ) مقدي البرامج ( المقدمات ) ليتحدث اصلا عن النواحي الفنية والعمر الافتراضي والتقصير في الاداء بالنسبة لهيثم او لاي لاعب في الهلال .؟
من هو المؤهل من اداري الهلال حاليا لنقد هيثم مصطفى فنيا ؟!
لا احد
هذا الفتي ظاهرة ... ليس من حق العوام في مجال الرياضة ان ينقدوه ... ينقده الخاصة وخاصة الخاصة كمان ...
من لم يعلب في الهلال او المريخ والفريق القومي فترة تقل على خمسة سنوات غير مؤهل ان ينتقد هيثم مصطفى فنيا .؟! ليس من حقه ان يحدث عن امكانياته ومقدراته
من اراد ان يتحدث في شخصيته .. طريقة لبسه حديثه لون عينيه فله ذلك .. لكن في امكانياته ومقدراته قلت او كثرت ، هذا فعل يفعله قله .. قل قليلة لهم حق ذلك ...
على خالد عز الدين وبقية الصحفين مبارك البلال او غيره ان ينصرفوا لمشكلات صحافتهم وخروجها عن الخط وما يكتب في صحفهم من هتر خيرا لهم وعلى البرير ان يركز في دراسة كورس في الادارة حتى يغير منهجه العنجهي ويكون مؤهلا لادارة نادي كالهلال وعلى مقدمي الرامج في القنوات وخاصة المقدمات ان ينصرفن الى ما يلبسن وما ينسجم مع خطوط المكياج ...
هيثم مصطفى فنيا .. اعلى من ينتقده احد منكم يا هولاء
Post: #2 Title: Re: من انتم ؟! Author: بريمة محمد Date: 09-20-2011, 11:49 AM
أيها الجرذان !!
Post: #3 Title: Re: من انتم ؟! Author: وليد محمد المبارك Date: 09-20-2011, 12:04 PM Parent: #2
الجرذان دي حقتك براك يا بريمة
انت طوالي عينو نايب رئيس من حلتكم قمت تنبذ في الناس
Quote: انت طوالي عينو نايب رئيس من حلتكم قمت تنبذ في الناس
دة تعليق الموسم يا وليد
Post: #5 Title: Re: من انتم ؟! Author: وليد محمد المبارك Date: 09-20-2011, 12:28 PM Parent: #4
يا صبري
والله تراجي ومحمد سليمان تعبوا بعد ده
هو اصلا من زمان مجهجه ركبهم
Post: #6 Title: Re: من انتم ؟! Author: وليد عبد اللطيف Date: 09-20-2011, 12:30 PM Parent: #3
لذلك قلنا لهم تاني عايزين شنو من سيدا هيثم مصطفى البرنس ... ياهلال زهجنا من النضمي الكثيرفي الكره ياخي بالجد مهزله لذلك قلت لهيثم خليها ليهم يشبعوا بيها كورتنا زاتها بت ###### ممكن اليسوى ومايسوى يجي ينظر ليك فيها وكفاية في يوم من الايام اوقعوا بينه وبين صديقة الكابتن حمد كمال لاعب الهلال السابق دي اشياء من تخلفنا الكروي النقد من غير موضوعية الان ممكن انتقد هيثم في اشياء فنيه واضحة وامكن تكون بسبب عامل السن ولكن ليس هذا لا يمنع ان نقول انه الافضل الان للهلال وللفريق القومي مفروض الناس تديهو التحية .. ومايدور خلف الكواليس كلها اشاعات تحاول ان تنال منه لكن والله والله لاتعلم ياوليد المبارك مدى شجاعة هذا الشاب مستعد الى اي شيء داخل وخارج الملعب اذا حالو النيل منه خارج نطاق الكره ياخي هيثم تربية كربوج والفاتح النقر ودبلوك ناس تاكل النار داخل وخارج الملعب بلاش كلام فاضي وقلة ادب من الصحافة الهزيلة والازقية التي يمكن ان تجيبهم بصحن فول وتوديهم بصحن فول اين ماشئت
Post: #7 Title: Re: من انتم ؟! Author: وليد محمد المبارك Date: 09-20-2011, 12:37 PM Parent: #6
والله يا ولي بقت سمجه
زول ماسك قلم لو ادوه الكورة قالوا ليه دقل بيها خمسة دقلات يغلبنو .. ولا حتى عنده مؤهلات اكاديمية عاااااااااااااااااااااااالية عشان نقول ماسك الشغلانة دي من ناحية اكاديمية
شايل قلمو ويطاعن هيثم كبر اي نعم لا جدال لكن بديلو وينو هسع في الهلال .... لا يوجد هيثم لاذم يعتزل .. لا جدال فهذا سبيل الاولين والاخرين .. ولو دامت ليه ما كان جاتو من القبليه موضوع اعتزاله ده بيفتي فيه هيثم ... ومن دربه .. وزملائه .. واهله ( لاسباب اجتماعية )
كل 10 - 15 سنة بيظهر ظاهرة في الكورة ديل فوق نقد العامة يعني ما اي زول يكتب فيهم ما متاحين لكل من هب ودب
Post: #13 Title: Re: من انتم ؟! Author: وليد محمد المبارك Date: 09-20-2011, 01:45 PM Parent: #8
الخال حمزاوي
كيفك يا صفوة
Post: #9 Title: Re: من انتم ؟! Author: وليد عبد اللطيف Date: 09-20-2011, 12:59 PM Parent: #7
Quote: والله يا ولي بقت سمجه
زول ماسك قلم لو ادوه الكورة قالوا ليه دقل بيها خمسة دقلات يغلبنو .. ولا حتى عنده مؤهلات اكاديمية عاااااااااااااااااااااااالية عشان نقول ماسك الشغلانة دي من ناحية اكاديمية
كابتن وليد كلامك دا قالو السد العالي المدرب القدير سليمان فارس الى احد الصحفيين وقالها بالحرف الواحد مشكلة الكره مستلمنها ناس ماعندهمش علاقة بالكره . . بالمناسبة ياوليد هيثم مصطفى راجل يقبل النقد والتوجيه ومن السخف بوصفه انسان حاقد ويحقد على زملائة ويتهمونه بتدمير بعض اللاعبين معقول اذا كان بهذا القدر من الوصف كان بكون منبوز وسط اصدقائة في الملعب وخارجة يكفي انه له غير على الفريق الذي ينتمي اليه والشخصية التي يفرضها داخل الملعب والقيادة الحسنة التي يتمتع بها ناهيك عن المواهب الاخرى بسمع كلام واحيانا نقراه عن هيثم مصطفى كانه غير بشر او جاي من كوكب تاني اخي وليد اشكرك بالانابة بالرد عنه هنا واما اجهزة الاعلام الاخرى هو كفيل بها
Quote: موضوع اعتزاله ده بيفتي فيه هيثم ... ومن دربه .. وزملائه .. واهله ( لاسباب اجتماعية )
وهو الان يفكر جادي في هذا الموضوع بس في الوقت المناسب
Quote: كل 10 - 15 سنة بيظهر ظاهرة في الكورة ديل فوق نقد العامة يعني ما اي زول يكتب فيهم ما متاحين لكل من هب ودب
فعلا انه ظاهره وكلامي هنا عنه ليس مجاملا له احيانا اللاعب يغلط وهذا شيء طبيعي في كرة القدم بسبب الضغوط التي يتعرض لها وعجبني كلامك ايضا عن الاعب المعز رغم الاخطاء المكرره منه ولكن لايكتبة الا انسان يعرف ماهي كرة القدم
Post: #10 Title: Re: من انتم ؟! Author: وليد محمد المبارك Date: 09-20-2011, 01:05 PM Parent: #9
يا وليد مافي حاجة اسمها حاقد وما حاقد
الميدان ده بلعبوا في 11 نفر من حق اي انسان انه يعمل المستحيل عشان يكون من ضمن الـ 11
العنده امكانيات تفوق هيثم ... يلم الكورة هو قبل هيثم ويفرض نفسو كما فرض باكمبا نفسه على وسط المريخ عندما كان محتكرا
ده كلام زول عاجز .. العنده كورة ظاهرة .. وشخصيته قوية بما يكفي .. عنده طموح
بركب غصبا عن هيثم مصطفى في التشكيلة
وزي ما قلت ليك يا وليد خلافي حول هيثم مع ناس كتار
لكن ابدا ما كان خلافي ده حول موهبته وامكانياته وما قدمه للهلال والوسودان
Post: #12 Title: Re: من انتم ؟! Author: lana mahdi Date: 09-20-2011, 01:44 PM Parent: #11
ينصر دينك يا وليد بقينا هاملين كل من هب ودب يتحكم فينا من أنتــــــــــــــــــــــــــــــــــــــــــــــــــــــــــــ/؟؟؟؟؟؟؟؟؟؟!!!!!!!!!!!!!!!!!!!!!!!!
ياولي الناقد مابالضرورة يكون لعب كورة او حتى ضقل بيها ..ولا كل من لعب كورة يكون ناقد ..ولا الناقد ذاتو يحتاج يكون قرا ليها نقد ..فمتابعة الكورة الكتيرة ممكن تخلق منك ناقد ومدرب كمان ... وهيثم مصطفى مافوق النقد ولا داير متخصص نقد واطرف زول يعلق فيهو فسلوكه باين للناس وياما شفنا تصرفات غير لائقة منه ..انا شفت ليهو مواقف اقل مايقال عنه فيها قليل ادب ...
تحياتي ،،
Post: #16 Title: Re: من انتم ؟! Author: وليد محمد المبارك Date: 09-20-2011, 02:05 PM Parent: #14
Quote: ياولي الناقد مابالضرورة يكون لعب كورة او حتى ضقل بيها ..ولا كل من لعب كورة يكون ناقد ..ولا الناقد ذاتو يحتاج يكون قرا ليها نقد ..فمتابعة الكورة الكتيرة ممكن تخلق منك ناقد ومدرب كمان ... وهيثم مصطفى مافوق النقد ولا داير متخصص نقد واطرف زول يعلق فيهو فسلوكه باين للناس وياما شفنا تصرفات غير لائقة منه ..انا شفت ليهو مواقف اقل مايقال عنه فيها قليل ادب ... تحياتي ،،
كدي ارجع اقرا كلامي تاني يا ود القاضي لانو شكلك كده ما قريتو
هذا اولا
ثانيا
هل بتفتكر اتهام لاعب وكابتن فريقة افنى في تيمو 17 سنة بالتواطي مع جهة اخرى ( هلالية برضو ) حتى لو ضمنيا ده نوع من النقد !!!!!!!! هل بتفتكر اتهام لاعب وكابتن السودان بانه حاقد وبقصد يمدمر اللاعبين بدون دليل بين .. ده نوع من النقد نقد شنو يا ود القاضي هو وينو النقد ذات نفسو
Post: #19 Title: Re: من انتم ؟! Author: وليد محمد المبارك Date: 09-20-2011, 02:12 PM Parent: #12
ازيك يا لنا
كيف الاخبار ان شاء الله عافية
ياخ ما تجيبي لينا عزاز
والله اشتقنا لي شكلها
Post: #15 Title: Re: من انتم ؟! Author: مرتضى احمد عبد القادر Date: 09-20-2011, 02:01 PM Parent: #11
Quote: من لم يعلب في الهلال او المريخ والفريق القومي فترة تقل على خمسة سنوات غير مؤهل ان ينتقد هيثم مصطفى فنيا .؟!
Quote: ممكن انتقد هيثم في اشياء فنيه واضحة وامكن تكون بسبب عامل السن
يا وليد عبد اللطيف كان ما لعبته في الهلال او المريخ و الفريق القومي خمسة سنة اقل شي اعمل حسابك الشفت دا برشك (من انت) لمن تستغرب هيثم صحبي وفرفور فردتي ما بتحلك
يا شفت انا لعبته في رابطة ام صفقا عراض ممكن تعمل لي إستثناء بتاع الولايات الأقل نموا
Post: #17 Title: Re: من انتم ؟! Author: وليد محمد المبارك Date: 09-20-2011, 02:09 PM Parent: #15
Quote: يا شفت انا لعبته في رابطة ام صفقا عراض ممكن تعمل لي إستثناء بتاع الولايات الأقل نموا
رسل لينا ورقك مختوم من اللجنة الشعبية وصورة ابيض واسود .. لابس ردا ومكتب ولابس انكل او ###### وماسك الكورة بيدك اليمين
بعد داك ينظر ثم يفاد
Post: #24 Title: Re: من انتم ؟! Author: وليد عبد اللطيف Date: 09-21-2011, 06:32 AM Parent: #15
Quote: يا وليد عبد اللطيف كان ما لعبته في الهلال او المريخ و الفريق القومي خمسة سنة اقل شي اعمل حسابك الشفت دا برشك (من انت) لمن تستغرب هيثم صحبي وفرفور فردتي ما بتحلك
يا زول فرفور شنو وهيثم شنو ديل اخوانا الصغار حتى وليد الشفت اخونا الصغير دفعة ناس مصطفى كومي وعاكف عطا وعصام على الريح وحسن دولار اولاد ماسا الايطاليه يامان مرتضى يامورتا .... ياحاقد بت الكــــــــــلب لمن تفك ياخي دخولي هنا وجواز مروري هو وليد الشفت صديقي دخلت وعامل ساتر ههههههههههه ياخي الكورة في السودان قسمة ونصيب زي العرس بالله طول عمرك بتشاهد كرة قدم احيانا تلاقي ناس بلعبو دافوري في الحلة افضل من لاعبي هلال مريخ بعدين تعال هنا يوم في دينك شفتني في المنبر دا بتكلم في الطب وللا الكيمياء و الفيزياء غير كرة القدم وهي غذا الروح بالنسبة لنا وبعد ان اتينا بسينها وصادها اثبتنا ان كرة القدم عِلم لا يمكن تجاوزه ياخي نحنا قربنا نؤلف فيها كتاب كرة القدم تقولي شنو تقولي منو ادخل واتفرج بعيدا عن واقعنا الكروي الأليم..... أفضل لاعبي كرة...كرة القدم السودانية
Quote: Quote: وبأحرف أعني الأكثر تحكما في الكرة والأحسن تلعيبا (تضقيل) بالكرة والأكثر تمكنا من تثبيت الكرة مهما كان ارتفاعها وسرعتها والأقدر على الإستعراض بها
من خلال مشاهداتي الأحرف : عقد الثمانينات سكسك وفائز نصر الدين . عقد التسعينات هيثم السعودي ودون مجاملة زميل البورد أخي وصديقي وليد عبد اللطيف وإن لم تسمح بعض الظروف بأن يلعب لفرق القمة .
مورتا انت كنت غاطس وين (كل سنه وانت طيب )
Post: #18 Title: Re: من انتم ؟! Author: وليد محمد المبارك Date: 09-20-2011, 02:10 PM Parent: #11
مرحب حيدر
اسعدنا مرورك ياخ
مودتي
Post: #20 Title: Re: من انتم ؟! Author: سيف اليزل الماحي Date: 09-20-2011, 02:41 PM Parent: #11
.
ورب أفريقيا لو تركنا مقاعد الدراسة وواصلنا لعب كرة القدم لما سمعت بالسيد هيثم المصطفى هذا! سنوات كثيرة لا أحفل ولا أهتم بمشاهدة كرة قدم السودان، ياخي .. اختار اي دوري في العالم وشاهد كيف حال كرة القدم ستكتشف الخدعة التي تعيشها، ولمعلوميتك كمان .. كرة القدم عالميا تسجل تراجع كبير في كل مناحيها بما فيه مستوى اللعبة، ليبقى آخر عمالقتها زين الدين زيدان .. بلا منازع
السؤال الهام: كيف نستمتع بكرة القدم؟
.
Post: #21 Title: Re: من انتم ؟! Author: وليد محمد المبارك Date: 09-20-2011, 02:49 PM Parent: #20
مرحب سيف اليزل
اعرف اناس كثيرين حرفا فيها وما كملوها
بالمناسبة هيثم لعب الكورة وما ترك مقاعد الدراسة ... يعني سوى الاتنين
لا توجد اي خدعة اعيشها يا سيف ... فصناع الكرة في العالم صنفوا الهلال الذي كابتنه هيثم هذا على عرش الكرة الافريقية اربعة اشهر متتالية
هيثم نفسة هو وفريقة الان مع الاربعة الكبار في دوري ابطال افريقيا
Quote: ليبقى آخر عمالقتها زين الدين زيدان .. بلا منازع
وجهة نظر نختلف حولها
Quote: السؤال الهام: كيف نستمتع بكرة القدم؟
انا غايتو بستمتع بالجمجرة في كورة القدم يعني وكت يرشوا الهلال بستمتع باغاظة الهلالاب ونادرا ما يدهشني لاعب داخل الميدان
وهثم هذا احد من ادهشوني فنيا مع اني عندي رائي في تصرفاته الاخرى
هذه صحافة كاسدة تريد ان تروج لبضاعتها والساحة الرياضية الان بلا احداث
ارادو صناعة هذه الحدث
سيظل هيثم مصطفي في الميدان حتي يبلغ عمره مثل عمر حسام حسن او مثل روجيه ميلا
وان ترجل فمكانه مدير كرة للهلال
ومن اراد غير ذلك سيدفن في المقبرة
Post: #23 Title: Re: من انتم ؟! Author: محمد البشرى الخضر Date: 09-20-2011, 04:49 PM Parent: #22
Quote: لا توجد اي خدعة اعيشها يا سيف ... فصناع الكرة في العالم صنفوا الهلال الذي كابتنه هيثم هذا على عرش الكرة الافريقية اربعة اشهر متتالية
هيثم نفسة هو وفريقة الان مع الاربعة الكبار في دوري ابطال افريقيا
الشفت دا جنّ ولا شنو؟
Post: #25 Title: Re: من انتم ؟! Author: Ridhaa Date: 09-21-2011, 07:03 AM Parent: #23
الأخ وليد
سلام ...
كدي حاول أكتب عمود في الجرائد .....لأنك رجل حقاني وبتقول الحق ....
تحياتي
Post: #28 Title: Re: من انتم ؟! Author: وليد محمد المبارك Date: 09-21-2011, 08:07 AM Parent: #25
الاخ Ridhaa
يديك العافية ياخ
لكن يا حبوب اتا قادي عربي لو كتبت عمود المدقق اللغوي بتاع الصحيفة بستقيل
شكرا على الكلام الحلو
Post: #27 Title: Re: من انتم ؟! Author: وليد محمد المبارك Date: 09-21-2011, 07:29 AM Parent: #23
Quote: الشفت دا جنّ ولا شنو؟
سكران بس ...!
Post: #35 Title: Re: من انتم ؟! Author: سامى عبد الوهاب مكى Date: 09-22-2011, 07:07 AM Parent: #23
Quote: لا توجد اي خدعة اعيشها يا سيف ... فصناع الكرة في العالم صنفوا الهلال الذي كابتنه هيثم هذا على عرش الكرة الافريقية اربعة اشهر متتالية
هيثم نفسة هو وفريقة الان مع الاربعة الكبار في دوري ابطال افريقيا
Quote: الشفت دا جنّ ولا شنو؟
دا كلام زول حاسس بمصيبة جايالو
يا شفت خلي الكبكبة الهلال حدو قريب
Post: #26 Title: Re: من انتم ؟! Author: وليد محمد المبارك Date: 09-21-2011, 07:24 AM Parent: #22
ابو الخل يا حبوب
على الاقل يا خليل يستطيع هيثم ان يعطي حتى نهاية هذا الموسم افضل من كثيرين موجودين في الكشف ثم مثل هيثم هذا للهلالاب لا يناقش امر اعتزاله على صفحات الجرائد وكانهم يطردوه
Post: #29 Title: Re: من انتم ؟! Author: وليد عبد اللطيف Date: 09-21-2011, 08:23 AM Parent: #26
Quote: رسل لينا ورقك مختوم من اللجنة الشعبية وصورة ابيض واسود .. لابس ردا ومكتب ولابس انكل او ###### وماسك الكورة بيدك اليمين
بعد داك ينظر ثم يفاد
هههههههههههههه ياولي كلامك دا ذكرني عندنا واحد هنا الجماعة غالطوه قال ليهم انا لعبت في هلال دنقلا قالوا ليهو : طيب جيب لينا برنت من الاتحاد يفيد بذلك
Quote: على الاقل يا خليل يستطيع هيثم ان يعطي حتى نهاية هذا الموسم افضل من كثيرين موجودين في الكشف ثم مثل هيثم هذا للهلالاب لا يناقش امر اعتزاله على صفحات الجرائد وكانهم يطردوه
يازول اعتزال شنو انت بجدك كدى اول شيء الناس تحاول تشوف اي طريقة او اي فتوه تحلل الاستنساخ لكي الهلال والمريخ يعملوا استنساخ لهيثم والعجب وهم خاتمي او اخر العمالقة في كرة القدم السودانية . . ياولي امس بسمع في كلام الامين البرير ياخي دا ماعندو اي علاقة بكرة القدم اداري لايعرف يتحدث وان يكون مقنع في قضايا النادي من الافضل ان يجلس هو وقروشو في البيت نشكي لمنو بس ربنا يصلح الحال
Post: #30 Title: Re: من انتم ؟! Author: وليد محمد المبارك Date: 09-21-2011, 08:36 AM Parent: #29
يا ابو اللول
يا زول البرير ده كارثه ده ما عندو اي علاقة بالادارة ينفع حارس لنادي الهلال مشجع متعصب ما بفهم ممكن
لكن رئيس .... لالالا
اخير منو صلاح ادريس على الاقل بعرف يرص الكلام
Post: #31 Title: Re: من انتم ؟! Author: عمر الفاروق Date: 09-21-2011, 05:18 PM Parent: #30
وليد يا مبارك .. طبعاً إنتي عارف رأيي فيك كروياً فيما يتعلق بي التحليل وكده :) موضوع هيثم والإعتزال ده بجيك ليهو بي رواقة لو ربنا هوون .. لكن فيما يتعلق بي أداء هيثم مصطفى وانا واحد من المتابعين لي هيثم كمشجع هلالي ملاحظ حاجة غريبة جداً في هيثم مصطفى عن نفسي بعتبرها ظاهرة كونية عجيبة تحتاج الدراسة .. هيثم مصطفى بتاع 2011 أحسن بي كتير من هيثم مصطفى بتاع 95!!!! بي طريقة تانية ..هيثم كل ما ماشي كبير كلو ما كان أفيد وإمكانياته قاعدة تزيد وتتطور .. الكلام ده أبعدو من عامل اللياقة ..انا بتكلم عن المهارة والإتقان .. عن نفسي مقتنع تماااما بي حاجة واحدة ...طريقة لعب هيثم ووقفتو في الميدان بتخلي هيثم يلعب تاني عشرة سنوات لي قدام (وانا جااادي في الرقم ده ).. بالمناسبة العايز يشوف تجلي وروعة اداء هيثم يشوف أجمل تمريرة انا شوفتها في حياتي على المستوى المحلي وتنافس عالمياً .. شوف تمريرة هيثم مصطفى لي سادومبا في مباراة الهلال والإتحاد الليبي في إستاد الهلال (2-صفر) وقارنا بي أي تمريرة لي هيثم في التسعينات وح تفهم انا قصدت ليك شنو .. تخريمة : وليد التاني مرات كلامك عن الكورة بينسف فكرة كويسة عنك انا راسما عن فهمك الكروي..ما تعوس الابري بي الحلو مر :)
Quote: لكن يا حبوب اتا قادي عربي لو كتبت عمود المدقق اللغوي بتاع الصحيفة بستقيل
شكرا على الكلام الحلو
كدي حاول ياوليد وخاصة انك كنت لاعب ومثلت السودان ( كرويا ) قبل كدا بالاضافة لانك قاعد في قلب الحدث !!! وممكن تسمي العمود ( بكل وضوح )..... ( بالواضح ) ...
الاخ د. ابراهيم مع التحيه تعقيبا علي مقال (من انتم ) بموقع سودانيزاونلاين ... وبحكم قرب من الاحداث لفتره ليست بقليله داخل اسوار نادي الهلال وتعرفي في تلك الفتره علي كل اللاعبين وجهازهم او اجهزتهم وبعض الصحفيين ورجوعا الي ما دون صاحب البوست ان من اراد الحكم علي لاعب او بالاخص هيثم فينبغي ان يكون وان يكون والي ما زكر فاني اريد التلميح والاشاره الي الاتي: 1. الصحفي خالد عزالدين لا يشكك احد في حبه للهلال ودرايته للكثير بخصوص كره القدم وانتقاده للاعب هيثم لا يختلف عن انتقاده مدحا او ذما في كثيرين غير هيثم وفيهم رؤساء للهلال او اداريين او مدربين او لاعبين وكما قد ساهم في توصيل الكثير من الحقائق للجمهور الهلالي فقد اشار حينها وبعد مباراه انيمبا لبعض الاخطاء من القائد والتي حتم عليه ضميره زكرها مع تغليفها بصوره لا تضر بالكيان. 2. مهاره اللاعب والقائد هيثم وقيادته للهلال ليست موضه اختلاف لاي احد وكلنا لا نزال نصر علي مقدرته للعطاء اكثر وهذه ايضا لم ينكرها خالد. 3. توقيت اعلان الاعتزال الذي اختاره هيثم لم يكن موفقا علي الاطلاق فهو قد نظر الان للمدي القريب جدا للاسف ويعلم تماما ان الجمهور سيستقبله استقبال الفاتحين لبلاد المغرب وان التعاطف حوله سيزداد الان ولكنه نسي ايضا انه قد وضع نفسه بين امرين لا ثالث لهما .. ان حدث وخرج الهلال من دور الاربعه فستقوم الدنيا عليه وكيف انه صرف الانظار عن الاعداد الجيد لهذه المباراه المصيريه وجعل المجلس يضيع زمنا في مواجهه الاتحاد ووسائل الاعلام دون معني كما تغيبه وسط اخوته كان له من الاثر السلبي ما كان وحينها ستسلط كل السهام نحو قائد قدم وما بخل ولكن !!! اما اذا انتصر الهلال ( ان شاء الله) ولم يوفق في احراز الكاس فسيعود اصحاب الاسطوانات التي تعزف انه قد حان وقت الاحلال والابدال ولن يكون هو ايضا ببعيد عن هذا اما ان احرز البطوله فلن يرضي هو لنفسه ان يستمر يوما واحدا وحسبه ما عمل.
الان لا احد غير هيثم سيكون التركيز عليه وحوله من خالد او من سواه وللاسف ما بين المشاجرات السخيفه والقرارات الانفعاليه الحمقاء يضيع حلم الهلال كما في كل عام وعام ..
Post: #34 Title: Re: من انتم ؟! Author: بريمة محمد Date: 09-22-2011, 06:13 AM Parent: #33
أنا لاعب محترف .. .. و
Quote: من أنتـــــــــم/؟؟؟؟؟؟؟؟؟؟!!!!!!!!!!!!!!!!!!!!!!!!
--------------------------------------------------- وليد، غايتو سؤال من أنتم؟ دا مفروض الناس تخليهو .. القذافى كان لقطة ..
بريمة
Post: #36 Title: Re: من انتم ؟! Author: وليد عبد اللطيف Date: 09-22-2011, 08:20 AM Parent: #34
من انت : يا عمر اللايوق تعرف ياوليد اها عينة عمر اللايوق دي من اسباب فشلنا في الرياضة لان كل حديثة عن الرياضة واحد قال لي وانا سمعت حتى لما اتكلمنا معاهو في بوست سابق يخصة بان يتكلم عن الاشياء التي شافها بعينة قعد يجقلب والليله عامل فيها مفتح وجانا جاري وفرحان بالرغم من انه كان ممكن يحسم موضعة معي حتى في النهاية بدل ماهو يقفل البوست قفلته له انا بوضع نقطة ومع السلامة
مدخل لذيذ
Quote: وليد يا مبارك .. طبعاً إنتي عارف رأيي فيك كروياً فيما يتعلق بي التحليل وكده :)
طبعا صاحبك جاي داخل دخلة لذيذة وباردة عشان يختها لي في النهاية بلغة الكورة يحشيها لي هه هه هه وهو لم يعلم ان قلة الادب عندنا ليها ادب عايز يعمل لينا فيها ود خيران وزقاقات وبلغة الشارع مفتح صاحبنا جاي شايل بقجة غباينو وجاي يكبها هنا
Quote: لكن فيما يتعلق بي أداء هيثم مصطفى وانا واحد من المتابعين لي هيثم كمشجع هلالي ملاحظ حاجة غريبة جداً في هيثم مصطفى عن نفسي بعتبرها ظاهرة كونية عجيبة تحتاج الدراسة .. هيثم مصطفى بتاع 2011 أحسن بي كتير من هيثم مصطفى بتاع 95!!!!
متابع وللا كلام سمعنو وقالوه ليك لان هذه ادواتك للنقاش
Quote: بي طريقة تانية ..هيثم كل ما ماشي كبير كلو ما كان أفيد وإمكانياته قاعدة تزيد وتتطور .. الكلام ده أبعدو من عامل اللياقة ..انا بتكلم عن المهارة والإتقان ..
عليك امك الولدتك في لكزس بتمشي من غير بنزين انشاء بس ما في اي شيء مسنود على علمية يازول انت فاهم قاعد تقول في شنو وللا برضو قالوه ليك ياحبيبي لو ماعندك لياقه تفكيرك بكون ناقص وبطي اثناء اللعب مهاره من غير لياقة يعملو بيها شنو يا الفالح كانك داخل حرب من غير سلاح ....
Quote: عن نفسي مقتنع تماااما بي حاجة واحدة ...طريقة لعب هيثم ووقفتو في الميدان بتخلي هيثم يلعب تاني عشرة سنوات لي قدام (وانا جااادي في الرقم ده )..
هه هه هه متاكد انك جادي اشك في ذلك يابني ... ياخي الزمن بغير الحجر خليك من الانسان قال وقفة وقعدة يازول دي كرة قدم لو ماعندك لياقة مابتقدر تصفق خليك من تقيف في الميدان مخرج قبيح
Quote: تخريمة : وليد التاني مرات كلامك عن الكورة بينسف فكرة كويسة عنك انا راسما عن فهمك الكروي..ما تعوس الابري بي الحلو مر :)
من انت عشان تنسف وللا تفكر قال راسما قال اها يا ليورناد دافنشي صاحب الموناليزا عمر اللايوق تخيل كم واحد زيك بكون قابل الواحد طيلة عمره ماقلت ليك قلة الادب بتحتاج الواحد يكون مؤدب شنو تعوس وتموص جيب كلامي وحللو هنا عشان اناقشك وتناقشني على الاقل الواحد يستفيد منك كان عندك حاجة غير عواسة اللابرى والذي منو بعدين لو زعلان من شيء معاي او اي شيء واجعك افتح بوست مخصوص عشان نتناقش فيهو زي دا مثلا Re: هيثم سلمان لا يستحق التكريم يا الجزولي ووليد !! الرابط الفوق دا مابتاعك دا افضل خيار بالنسبة ليك معاي بدل مانحرف بوست وليد المبارك دا لو عندك فهم تاني لكن كورة قدم انا هنا معاك للصباح صباح شنو كمان معاك عارف ادواتك للنقاش شنو وهاك اللقطة دي
Quote: أبو عنجة كانت من فرق المؤخرة برصيد 25 أو 26 نقطة تقريباً ولها مباريات صعبة ..قبل وصولي للملعب وتحديداً في سوق الموردة سمعت الحديث التالي بين شخصين : - ماشي وين يا الحبيب ؟ -- ماشي الدار.. -أهاااا كورة ابوعنجة ؟ -- أيوة .. - ما سمعت الخبر لكن ؟ -- لأ خبر شنو يا زول.. - صاحبك ..صاحبك قالوا أبا يديهم الفنايل.. -- أوووو..اي والله سامع ..قالوا مسك الفنايل وقال ليهم مش إشتريتا انا ؟ ما بديكم تلعبوا بيها ..أمشو شوفوا ليكم شعار تاني العبو بيهو !! - لكن والله هيثم سلمان بالغ !!! زننننننن الإسم دق في راسي والله لمممن إتخلعت
اها ياحبيبي رايك شنو في اللقطة الفوق دي ومع نزول ابوعنجة الان والله انتو موش تنزلوها تودوها الخور زاتو ماقلت ليك ياعمر اللايوق نوعكم دا بدمر الرياضة في السودان بس تختفو الكلام من هنا وهنا كرة القدم عندك قالو .. وقالو ليه .. وقلنا ليه وتجو ترشوهو في اي مكان زي مابتعمل الصحافة الان ... عمر اللايوق شوف ليك عواسة تانية زي مابتقول غير كرة القدم لكن برضو اي شيء اخر محتاج لكثير من ادب النقاش عشان تتعلم
Quote: شوفت كلمة نادي دي نسفت أي حاجة شخصية لكن لو قلت مشكلة بينه وبين فلان رئيس النادي او فلان سكرتير النادي
ههههههه عمر اللايوق شايفك كمان بقيت نساف غير اللياقة
Quote: تخريمة : وليد التاني مرات كلامك عن الكورة بينسف فكرة كويسة عنك انا راسما عن فهمك الكروي..ما تعوس الابري بي الحلو مر :)
بقيت تحب النسف كيف حقو الحكومة دي تستفيد منك توديك جنوب كردفان وللا النيل الازرق عشان تنسف اي واحد يقيف في طريقها ههههههههههههه ياعمر انت زول طيب ياخ مافي داعي لحركات الاطفال دي معانا
Post: #37 Title: Re: من انتم ؟! Author: بريمة محمد Date: 09-22-2011, 01:03 PM Parent: #36
Quote: من انت : يا عمر اللايوق
؟
بريمة
Post: #38 Title: Re: من انتم ؟! Author: وليد عبد اللطيف Date: 09-24-2011, 08:00 PM Parent: #37
Quote: Quote: من انت : يا عمر اللايوق
؟
بريمة
بريمة... كل سنة وانت طيب شايف عجبتك اللقطة الفوق دي ياخي عارفك زول مابتاع كورة ولكن كرة القدم لها سر كبير اهم شيء لازم تعرف تفرق بين الابرى من الحلو مر كما يقول عواسنا الكبير عمر الفاروق وعلى قول واحد في حلتنا سالوة لماذا سموك فاروق قال:لاني عرفت افرق بين العرقي والمريسة
احكي ليك و اونسك شوية عن اسرار كرة القدم بما ان كرة القدم علِم واصبحت مثلها مثل كل العلوم وطال مافي حاجة اسمها التطوير والتحسين معناها اي زول ممكن يكون لاعب وممكن يكون ناقد وممكن يكون صحفي وممكن يكون محلل . كرة القدم تطورت بسرعة البرق وكل الدول ذهبت مكان بعيدبهذا العلم يعني يابريمة الان ممكن تخلق من نفسك صحفي رياضي ومحلل رياضي وناقد رياضي لكن لاعب طبعا مستحيل وهذا بداعي العمر وكبر السن يعني ممكن تسمع واحد يقول ليك ياخي دا تعلمها كبير وايضا التعليم في الكبر محتاج عمر معين ما اظن انت في هذا العمر في هذا العلم الا نحنا فقط واقفين في (محطة وقف )من ضمن الاسباب التنظير والفلسفة من غير اي فهم ودراسة عادي وممكن يجيك واحد لاسباب يعرفها هو ويتلايق فيك (ويكة شندي ) ويطلعك مابتعرف الباص من الدبل باص بالمناسبة العالم الان اصبح يحدد للمدرب لازم يكون حامل شهادات من الاتحاد يعني تجي للناس ساكت هنباتي وتتفلسف عليهم وتقول ليهم انا لاعب سابق زي مابعملو الان ناس هلال مريخ وباقي الاندية اي لاعب ممكن يكون مدرب بعد كدا نشوف ناس السودان بعملو شنو ... استاذ بريمة باقي الونسة بكرة لو ربنا حياناوبحكي ليك قصة من أنت قالوها لمين قبل كدا
Post: #42 Title: Re: من انتم ؟! Author: وليد محمد المبارك Date: 09-25-2011, 10:54 AM Parent: #36
حبيبنا ولي
يا زول عمر ده كان باريتو بعمل ليك ضغط
الزول بكون بكتب في كلامو ده وبضحك
ما تشتغل بيه
Post: #45 Title: Re: من انتم ؟! Author: وليد محمد المبارك Date: 09-25-2011, 11:47 AM Parent: #34
Quote: وليد، غايتو سؤال من أنتم؟ دا مفروض الناس تخليهو .. القذافى كان لقطة ..
والله كلامك صاح يا بريمة
تصدق اول ايام الثورة الليبية
غير الجزيرة ما بنفتح شي في بيتنا
واستنى ليك القذافي بفارق الصبر
ياخ ده عادل امام جنبو سنة اولى عديل كده
Post: #41 Title: Re: من انتم ؟! Author: وليد محمد المبارك Date: 09-25-2011, 09:34 AM Parent: #33
مرحب الاخ ابراهيم قيناوي
ومرحب بالاخ صاحب الرسالة
Post: #40 Title: Re: من انتم ؟! Author: وليد محمد المبارك Date: 09-25-2011, 08:41 AM Parent: #32
حبيبنا Ridhaa
ربك يهون
يديك العافية ياخ
تسلم
Post: #39 Title: Re: من انتم ؟! Author: وليد محمد المبارك Date: 09-25-2011, 07:39 AM Parent: #31
عمر الفاروق حبابك
Quote: طبعاً إنتي عارف رأيي فيك كروياً فيما يتعلق بي التحليل وكده :)
عارفك مقتنع بي ..
Quote: لكن فيما يتعلق بي أداء هيثم مصطفى وانا واحد من المتابعين لي هيثم كمشجع هلالي ملاحظ حاجة غريبة جداً في هيثم مصطفى عن نفسي بعتبرها ظاهرة كونية عجيبة تحتاج الدراسة .. هيثم مصطفى بتاع 2011 أحسن بي كتير من هيثم مصطفى بتاع 95!!!! بي طريقة تانية ..هيثم كل ما ماشي كبير كلو ما كان أفيد وإمكانياته قاعدة تزيد وتتطور .. الكلام ده أبعدو من عامل اللياقة ..انا بتكلم عن المهارة والإتقان ..
اظن حدثتك قبل كده عن اول مرة اشاهد فيها هيثم ... في تمرين اخيار اللاعبين للفريق القومي للناشئين سنة 1993 واظني قديتك بتعليقي عليه هو تحديدا في التمرين داك .. طبعا حسب تحليلي الكروي اتوقعت ليه مستقبل اختلفنا انا والمرحوم الدش حولين انو بيحتفظ بالكورة كتير
وده الاتغير في هيثم هيثم التسعينات كان اول ما يستلم الكورة لاذم يلف بيها داير حول نفسه بحثا عن زميل في وضع مريح حتين بعد داك يلعب الباص
مع مرور الزمن اصبح هيثم يتفحص الميدان قبل ما الكورة تجيه والكورة في طريقها ليه بكون هيثم قرر يعبها وين وبي ياتو طريقة عشان كده الكورة الان تظل في رجل هيثم اقصر فترة مقارنة بجميع لاعبي الهلال بل جميع لاعبي السودان
بيظهر ضعف هيثم عندما يلعب معاه مدرب الفريق الاخر بنظرية مان تو مان هيثم الان لا يستطيع اللعب ضد الشغيل وهذا وضح جليا في جميع مباريات هلال مريخ التي يلعب فيها الشغيل مع انو المهارة والامكانيات الفنية بين الاتنين كبيرة وهذا بتظهر الحوجة للياقة البدنية عند اللعب الضاغط
وهذا ما لا يملكه هيثم
Post: #43 Title: Re: من انتم ؟! Author: AMNA MUKHTAR Date: 09-25-2011, 11:05 AM Parent: #39
Quote: المزيعين ( المزيعات )
يعنى شنو ديل ؟!
Post: #44 Title: Re: من انتم ؟! Author: وليد محمد المبارك Date: 09-25-2011, 11:40 AM Parent: #43
Quote: يعنى شنو ديل ؟!
انتو يا بتاعين الخدرا ( الخضر ) منكم جفلة
Post: #46 Title: Re: من انتم ؟! Author: محمد البشرى الخضر Date: 09-25-2011, 08:17 PM Parent: #44
ولي شفت هيثم في كورة الليلة الشوط الأول؟ تخيل هيثم اكبر زول في الميدان ايقاعه و لعبه اسرع من اصغر اللاعبين سنا ياخي دا خلع سادومبا بي سرعة الباصات تخيل سادومبا يتخلع و سبحان مغير الاحوال في الشوط التاني بعد طلع بالله الهلال زي الماشي بي ترس تقيل و طالع عالي وجاري ترلة واحد من لساتكها نازل ياخي النص رقد سلطة مايونيز عديل كدا الحاجة الوضحت انو بشة و توريه ومهند كل واحد فيهم براه كدا كويس شرط يكون جمبو هيثم اما التلاتة مع بعض بدون هيثم ... يا النبي نوح
قال يعتزل قال, لا بالله
Post: #47 Title: Re: من انتم ؟! Author: وليد محمد المبارك Date: 09-26-2011, 08:12 AM Parent: #46
والله يا ود البشرى هيثم ده في الفترة دي يغيب عنكم تشربوا ما تروا
كورة اممبارح دي فيها باصين بساوا لاعبي الهلال جميعهم ومعاهم خالد عز الدين هوادة
الباص بتاع القون من دائرة السنتر انفراد مريح ومباشر
الباص التانية من راس التمنتاشر لي كاريكا وداها الحارس للكورنر
خالد عز الدين بتاع فنيلتك
Post: #48 Title: Re: من انتم ؟! Author: وليد عبد اللطيف Date: 09-26-2011, 11:37 AM Parent: #47
Quote: الحاجة الوضحت انو بشة و توريه ومهند كل واحد فيهم براه كدا كويس شرط يكون جمبو هيثم اما التلاتة مع بعض بدون هيثم ... يا النبي نوح
قال يعتزل قال, لا بالله
كل نظر ياود البشرى وسط الهلال من غير هيثم مثل السلطة من غير جرجير هههههههه ياخي قالو الكبده تبعها عدس اها وجود هيثم ضروري جدا جدا في وسط الهلال
Quote: الباص التانية من راس التمنتاشر لي كاريكا وداها الحارس للكورنر
ولي ياولي تخيل لم اشاهد المباراة ولكن حضرت التحليل واعادة بعض اللقطات وتعليقات اخونا الساده والرشيد بدوي عبيد ولاول مره يعجبني تحليل كابتن السادة بالطريقة دي ودي ياوليد من الاسرار التي لم تلاحظ لها في ثقافة كرة القدم دائما حارس المرمى يرى الملعب افضل من الدفاع والدفاع يرى افضل من الوسط والوسط يرى افضل من الهجوم لذلك دائما لو ملاحظ افضل المدربين هم الدفاع والوسط ولاتنسى حارس ايطاليا المدرب زوف حسب التسلسل بتلاقي تكتيكهم عالي لان رؤيتهم للملعب وهم لاعبين افضل من الهجوم . باعتبار انهم في الجزء الاخير من الملعب واضرب ليك مثال سؤال : ياوليد وانت لاعب حارس مرمى هل في مباراة لم تقم بتوجيه الدفاع الذي امامك 1- في الحركة والتغطية 2- في الضربات الثابته الفاولات العكسات من الكورنر 3- وقوف الحائط امامك عشان كدا ياوليد انا اتوقعتك تذكر باص هيثم مصطفى في الدقيقة 23 من عمر المباراة للاعب كاريكا الذي لم يعالج التمريرة كما ينبغي الباص دا بيثبت انو هيثم مصطفى هو (أم كلثوم السودان ) كل الناس تغني ولا يوجد مثل ام كلثوم ( كوكب الشرق ) وكل الناس تلعب ولا يوجد مثل هيثم مصطفى ياولي هيثم كبر وتعتق بعد فوات الاوان لانه لم يجد من يفهم فكره العالى في كرة القدم عشان كدا عمر الفاروق قال ليك هيثم 1995م يختلف عن هيثم 2011 م وكما تعلم هذا حال الكثير من لاعبي كرة القدم يفهون سر المجنونه بعد مرور من الزمن
Post: #49 Title: Re: من انتم ؟! Author: وليد محمد المبارك Date: 09-26-2011, 02:32 PM Parent: #48
يا ولي
والله هيثم امبارح ادى ليك الجماعة القالوا ليه اعتذل كف صاموتي
ووراهم انهم ما عندهم علاقة بيها
يعني العاقل العاوز يتكلم قبل اعتزال هيثم
بتكلم في الرواكيب بتاعين الهلال ديل خصوصا بتاعين التسجيلات الجديدة
الاتنين المواسير الاجانب
توريه والتاني بتاع امبارح ده
هسع ديل ولا هيثم ؟
طبعا عمر يا ولي حا يجي يغالط اصلوا بحلل الكورة بالشكل والمنظر العام
توريه مبرم شعرو معناتا لعاب
داك بحاور الناس ويقلبهم معناتا لعاب
ياخ ده يوم غالتني ليك في امبيلي
قلت ليه ماسورة قال لي ما بتعرف كورة وحاتك امبيلي قريب سته شهور قاعد كنبه وطوالي ودوه الشارع
عمر ده بكون فرحان وكت امبيلي يملسها ويطلع فوقها ويحاور ليك واحد في الكورنر وتاني يرجع يحاور لحدي ما يقطعوها منو
عمر ده ناس
ويييييييو ويييييييييييييو بيضها ليهو الناس الكانت عاجباهم كورة دينلسون في البرازيل وقايلين دونقا ما بعرف يلعب
Post: #50 Title: Re: من انتم ؟! Author: وليد عبد اللطيف Date: 09-27-2011, 09:28 AM Parent: #49
كابتن وليد ياخي ماتاكلني حنك كلامك سمح ايييييييييييييييي وبرجع لكل كلمه كتبتها بس جاوب لي هنا
Quote: سؤال : ياوليد وانت لاعب حارس مرمى هل في مباراة لم تقم بتوجيه الدفاع الذي امامك 1- في الحركة والتغطية 2- في الضربات الثابته الفاولات العكسات من الكورنر 3- وقوف الحائط امامك عشان كدا ياوليد انا اتوقعتك تذكر باص هيثم مصطفى في الدقيقة 23 من عمر المباراة للاعب كاريكا الذي لم يعالج التمريرة كما ينبغي
كابتن وليد ياخي انا عايز اثبت ان رؤية الحارس للملعب تختلف افضل من رؤية الدفاع والوسط والهجوم لانه في وضع يكشف كامل الملعب وبالممارسة عندما يكون مشاهد تختلف نظرته عن اي شخص اخر دائما اصابته في التحليل وقرايتو للملعب تكون جيده لاني عايز اصل الى كيف وصل المدرب مورينهو الى الافضلية في التدريب وفوزه اكثر من مره بجائزة افضل مدرب في العالم بالرغم من انه كان ليس لاعب مميز بل استفاد من خبرة والده الحارس المميز في البرتغال عندما كان يقوم بجمع التقارير له وانه المعلم الاول للمدرب العالمي (مورينهو) لتفتيح فكره الكروي في مجال التدريب . . ياولي عمر الفاروق وما ادراك ماعمر الفاروق لاتنسى انه ود قلبا وله مكانه خاصة ولو لاهم لما كان الهلال والمريخ والموردة انهم شعب يعشق ويعرف كيف يتفرج كرة القدم ياولي الكره في امدرمان لها طعم خاص حتى ولو كانت في الازقة والحواري امكن عشان انتو اولاد ام درمان لاتحسو بهذا الوضع . . برجع لمداخلتك الاخيرة الدسمة عن هيثم مصطفى ومحترفي الهلال توريه وامبيلي واللاعب البرازيلي دينلسون
هدية مني ليك قلب طعمية
Post: #51 Title: Re: من انتم ؟! Author: وليد عبد اللطيف Date: 09-28-2011, 08:56 AM Parent: #50
Quote: عمر ده بكون فرحان وكت امبيلي يملسها ويطلع فوقها ويحاور ليك واحد في الكورنر وتاني يرجع يحاور لحدي ما يقطعوها منو
عمر ده ناس
ويييييييو ويييييييييييييو بيضها ليهو
ياولي مشكلتنا الكبيرة بنأتي بمحترفين مستوياتهم متواضعة ورغم ذلك برضو هم افضل من اولادنا وبدل من نحنا نستفيد منهم يحصل العكس نأتي بهم ونجرهم الى الاسفل الى مستوانا الحقيقي ويتغير لعب المحترف الى واي واي واي ويييييييييييييييو وبيضها ليهو كلامي هذا مقارنة مع كل المحترفين في ارجاء العالم وممكن تمر تشاهد الدوري القطري والاماراتي والسعودي
Quote: الناس الكانت عاجباهم كورة دينلسون في البرازيل وقايلين دونقا ما بعرف يلعب
طبعا لكل مدرب نظرة ولكل لاعب وقت في المباراة واذكر دخول دينلسون في مباراة المانيا الاخيرة ضد البرازيل المدرب اشرك دنيلسون في الربع ساعة الاخيرة من عمر المباراة قال لكي يصحي الجمهور ويزيد حماسهم في التشجيع اليوم داك دينلسون ربع ساعة الناس شافت العجب دخوله كان ليس الغرض منه تغيير النتيجة كرة القدم مثلها مثل الحرب لها تكتيك وتكنيك معين
Post: #52 Title: Re: من انتم ؟! Author: وليد محمد المبارك Date: 09-28-2011, 11:43 AM Parent: #51
يا ولي قبلت كده قلت حامد قال بصنف الاقوان لي اربعة
1. قون بقيف صاح وبوجه دفاعو طوالي الكورة بتجيه قليل جدا ووكت تجيه بمسكها على الواقف ( ده احسن حارس لانو بوقف زملائه بطريقة صحيحة وبقيف هو بطريقة صحيحة عشان كده الكورة بتجيه بصورة قليل وبتجيه في محله اغلب الاحيان )
2. قون بقيف صاح لكن ما بوجه دفاعو الكورة بتجيه كتير لكن محل ما واقف ( ده نمرة اتنين الكورة حا تجيه في مكانو لكن بتجيه بصورة كتيرة عشان دفاعوا ما قافل صاح )
بالنسبة لدينلسون في نفس الكاس داك المدرب قال انو 60% انو البرازيل يشيل الكاس يعود لدونقا وبرر الكلام ده بانو البررازيل بهاجم بي 7 لاعبين اي كورة مرتدة مفروض تكون قون .. لكن دونقا كان هو صخرة الدفاع الاولى والبمنية عليه خطة البرازيل الهجومية لانو الدفاع مؤمن في وجوده
