عجائب الدنيا / إمرأة يقتلها زوجها ويدفنها وتقوم من قبرها لفتح بلاغ ضده

نقل برنامج "مصر الجديدة" على قناة الحياة 2، واقعة مثيرة تعرض لها ضابط شرطة بمركز مطاى بمحافظة المنيا، حين كان يعاين موقع مقبرة دفن فيها رجل زوجته بعد ضبطها مع عشيقها فى فراش الزوجية، وقتلها انتقاما لشرفه.

وروى النقيب أحمد صالح رئيس مباحث شرطة مطاى لمعتز الدمرادش، تفاصيل الواقعة التى بدأت بزوج ضبط زوجته فى أحضان عشيقها، فطعن عشيقها وخنق زوجته، ثم دفن الجثة فى إحدى المقابر، وحين ذهب الضابط مع القاتل لمعاينة مكان الدفن، فوجئ بجثة الزوجة تمسك برجله وتقول له: إلحقنى قبل ما أموت.

وتبين أن الزوجة لم تلفظ أنفاسها الأخيرة بعد طعنها من الزوج الذى ظن أنها قتلت، وأنها تظاهرت بالموت حتى انتظار المعاينة من الشرطة، وتم نقل الزوجة للمستشفى وتولت النيابة التحقيق.


المصدر ، عشان ما تغالطوني :-

http://helwa.maktoob.com/sec1400/art7002980/p...9%85%d8%a9/index.htm?

بعاتية؟

فوق

عجب

Quote: المصدر ، عشان ما تغالطوني :-

ما كفاية، عايزين إسمها ثلآثي، وقسيمة الزواج
مرفق معها الجنسيّة، وصورة من الجواز بتاع
السفر، وإتنين يشهدوا علي إنو الحاجات دي
حقتها بالجد، بالجد. وإلآ يا ود شيقوق شيّل
شيلتك مع الجماعة، اليومين ديل حوش بكري
ده فيهو زربدة شديدة خلآس.

Quote: ما كفاية، عايزين إسمها ثلآثي، وقسيمة الزواج مرفق معها الجنسيّة، وصورة من الجواز بتاع السفر، وإتنين يشهدوا علي إنو الحاجات دي حقتها بالجد، بالجد. وإلآ يا ود شيقوق شيّل شيلتك مع الجماعة، اليومين ديل حوش بكري ده فيهو زربدة شديدة خلآس.

ود المدير انت مالك متلقي حجج كدا

انا اصلي عايز اخطبها ياخ؟

Quote: ما كفاية، عايزين إسمها ثلآثي، وقسيمة الزواج مرفق معها الجنسيّة، وصورة من الجواز بتاع السفر، وإتنين يشهدوا علي إنو الحاجات دي حقتها بالجد، بالجد

بسم الله الرحمن الرحيم

يا خالو
ديل شنو ديل ؟ نقتلهم يقوموا بعاعيت .. يقتلونا نروح في حق الله

رغم صدق القصة فبها وجوه غرابة مريبة
هل دفنها علي سطح الارض .. لتخرج ولا تختنق وتمسك في رجل
الضابط ..
ولماذا في المقابر والمقابر في مصر مأهولة بالاحياء
وكيف ضمن النجاة وقد افلت منه العشيق ..
وكيف عرف العشيق مكان الجثه
وكم استغرقت الاجراءات .. فالموت اختناقا في مثل هذه الظروف
يأخذ وقتا قليلا ..
ثم ان الخيانه الزوجية عذر للقاتل اذا كان القتل لحظة ضبط الزوجة
وفي حموة الصدمة وكان عليه التبليغ بنفسه لا محاولة اخفاء الجثة ..

في (إنّ) في القصة دي

وبعدين تعال هنا .. انت مالك اليومين ديل واقع فينا تهديد .. يوم قمر
الاستخبارات ويوم ما عارف اية ويوم بعاتيه مصرية .. برانا في
دبرسة وضيق .. الحقنا ياخي بشيء فرايحي الله يديك عشايا بدري
ويبعد عنك اب كبّاس ..

عمر علي حسن

Quote: المصدر ، عشان ما تغالطوني :-

الغالطك منو ياشيقا
شنو كل يوم قاعد تخوفنا في المنبر
يوم لو وقع فيك قمر الاستخبارات وانت راكب جمل بلحقك امات طه
ويوم شنو ماعارف
بطل الارهاب والكباب وركوب الدباب
وتمويهاتك العجيبة

Quote: ديل شنو ديل ؟ نقتلهم يقوموا بعاعيت .. يقتلونا نروح في حق الله

لا يا خال اطمئن ساي انت محصن ومسكت شباك الرسول الحبة ما بتجيك دا اكان ختيت غلطات الرموت كنترول لما يلهمك حاجة تقوم نفسك

Quote: رغم صدق القصة فبها وجوه غرابة مريبة هل دفنها علي سطح الارض .. لتخرج ولا تختنق وتمسك في رجل الضابط .. ولماذا في المقابر والمقابر في مصر مأهولة بالاحياء وكيف ضمن النجاة وقد افلت منه العشيق .. وكيف عرف العشيق مكان الجثه وكم استغرقت الاجراءات .. فالموت اختناقا في مثل هذه الظروف يأخذ وقتا قليلا .. ثم ان الخيانه الزوجية عذر للقاتل اذا كان القتل لحظة ضبط الزوجة وفي حموة الصدمة وكان عليه التبليغ بنفسه لا محاولة اخفاء الجثة ..

صحيح الشغلانية فيها حاجة تتعارض مع المجرى العادي لطبائع الاشياء

Quote: في (إنّ) في القصة دي

انت أقرأ بس ما فارقة معاك بتفيدك طالما عندك فراغ زمني

Quote: وبعدين تعال هنا .. انت مالك اليومين ديل واقع فينا تهديد .. يوم قمر الاستخبارات ويوم ما عارف اية ويوم بعاتيه مصرية .. برانا في دبرسة وضيق .. الحقنا ياخي بشيء فرايحي الله يديك عشايا بدري ويبعد عنك اب كبّاس ..

بهددكم انا ولا دماء الشباب البتسيل كل يوم من اجل ان يظل الحكام في السلطة وبس

قال تهديد قال

الوليد

Quote: الغالطك منو ياشيقا شنو كل يوم قاعد تخوفنا في المنبر يوم لو وقع فيك قمر الاستخبارات وانت راكب جمل بلحقك امات طه ويوم شنو ماعارف بطل الارهاب والكباب وركوب الدباب وتمويهاتك العجيبة

مش احسن ليك من مشاهدة دماء الشباب البتسيل للركب يوميا ؟

تعرف ياشيقا
زمان لما ادخل سلاح المظلات بشمبات
بلاقي اسماء شباب في الحله معلقة في لوحة فقدهم الوطن بسبب الحرب
غير الشباب الذي استشهد مع الدفاع الشعبي
بالجد اشياء تحزن وتخجل ومن الذي يقتلهم انهم سودانيين مثلهم
ربنا يصلح الحال ...

Quote: مش احسن ليك من مشاهدة دماء الشباب البتسيل للركب يوميا ؟

مناظر تدمي القلب

Quote: زمان لما ادخل سلاح المظلات بشمبات بلاقي اسماء شباب في الحله معلقة في لوحة فقدهم الوطن بسبب الحرب غير الشباب الذي استشهد مع الدفاع الشعبي بالجد اشياء تحزن وتخجل ومن الذي يقتلهم انهم سودانيين مثلهم ربنا يصلح الحال ...

لا حول ولا قوة الا بالله

انه خبث الساسة يا الوليد اخوي

Quote: قال تهديد قال

كان كدي يحلنا الحلّ بله

آخر كلام عندي زولتك دي بلاغها مرفوض .. خليها تمشي القاضي !
وكان لقاها ليك بتاع الكباجاب داك امانه الاسفير مايتملي صور لي حده

ثم انه راجلها ذاتو عايز ليه بطحة .. الخايس ! .. باقي ليك كان فيه ثمره
مرته بتكوس الرجال ؟ ..

قال لي الاستاذي البروفسير كروفورد ان الخيانة الزوجية ناتج عجز او
قصور عند الطرف الاخر بالضرورة .. فقلت له وماذا عن طيارة العين
فرد عليّ انه لابد لطيارة العين من سبب.......

تصور لوكنت انا الضابط الذي ذهب لينبش قبر تلك المرأة فخرجت لي
حية من القبر .. هل كنت ساعفيها من كام جزمه علي راسها ..

اما دم الشباب الضائع هدرا هذه الايام فما عاد يجدي .. فالقذافي وصالح
والاسد مازالوا يمرحون والجامعة العربية تجتمع وتنفض وبان كي مون
يمرق ويدخل وعكسه ود حسين يدخل ويمرق .. الاتري معي ان دم الشباب
لم يعد يخيف حكام هذه الايام .. بينما كان مجرد هتافنا ايام كان الدم دما (دم
الشباب وقف عليك) يهز المستعمر ويزلزل كيانه ..

حليله هو ..

عمر علي حسن

....

Quote: ثم ان الخيانه الزوجية عذر للقاتل اذا كان القتل لحظة ضبط الزوجة

لا يجوز في الشرع قتل الزوجة إذا وجدها زوجها تمارس الزنا ...فللزوج إن شاء ذهب بها للقضاء
وفي صحبته أربع شهود ...فإن جاء بالشهود الأربعة وشهدوا على انها زنت رجمت ....وإن لا ....فله
أن يلاعن ...وهو كما في نص الآية الكريمة ...(والذين يرمون أزواجهم ولم يكن لهم شهداء إلا
أنفسهم فشهادة أحدهم أربع شهادات بالله إنه لمن الصادقين * والخامسة أن لعنة الله عليه إن كان من
الكاذبين * ويدرأ عنها العذاب أن تشهد أربع شهادات بالله إنه لمن الكاذبين* والخامسة أن غضب الله عليها
إن كان من الصادقين*)..فالزوجة إذا أصرت على الإنكار وأصر زوجها على اتهامها تلاعناء ....ولو
أقرت بالزنا رجمت ...
أما أن يقتلها زوجها فلا يجوز في الشريعة الإسلامية...ويكون في حكم القضاء الشرعي مدان بالقتل العمد

Quote: ن يقتلها زوجها فلا يجوز في الشريعة الإسلامية...ويكون في حكم القضاء الشرعي مدان بالقتل العمد

نعم اخي منتصر هذا هو حكم الاسلام .. وهو غير مطبق في مصر .. القانون
المصري يضع ضبط الزوجة في الفراش مع عشيقها عذرا للزوج إذا قتلها في
حموة الدفاع عن شرفه

عمر علي حسن

Quote: بعاتية؟

الطيب أخوي قول بسم الله
بعاتي غيرك مافي
مالك الحاصل عليك شنو ؟
إنت كنت نقّاي وبتعرف تنقّي الحاجات صاح
ابتداء من العنكوليب ومرورا بي أي حاجة حلوة وطعمها سكر
فجأة بقيت ماشي حركة ورا
وبقيت تحدف الناس بي جنس البلاوي دي
يا مصيبة واقعة من السماء
أو بلوى طالعة من الأرض
وكلهن من الحاجات البلحقن أمات طه
..
نداء:
أين أنت يا فيسل هليل
تعال حوش البعاتي دا

الصور ياعمك

سعادة المستشار ود شيوقوق

سلامات وكل سنه وإنت طيب

شنو الأخبار السجمانه دى ؟؟؟ ياخ أرجع لى أهلنا الحبش ديل وجيب الفيهو الثمره

.........
سلام تعظيم لسعادة اللواء عمر على حسن

Quote: حليله هو ..

البِدُق ما بطلق ؟؟؟؟؟؟

Quote: ثم انه راجلها ذاتو عايز ليه بطحة .. الخايس ! .. باقي ليك كان فيه ثمره مرته بتكوس الرجال ؟ ..

ههههههههههههها خالي الحق الحق فيروس السناحة إتلهمك طااااااااااااااااب

Quote: قال لي الاستاذي البروفسير كروفورد ان الخيانة الزوجية ناتج عجز او قصور عند الطرف الاخر بالضرورة .. فقلت له وماذا عن طيارة العين فرد عليّ انه لابد لطيارة العين من سبب.......

عشان كدا يا خال الناس الانتقدوا بلوغ مرحلة الاتوبيا والتي تنمحي فيها الدولة والقانون في الفلسفة الماركسية ليهم حق لان ال needs البشرية لا حدود لها ولا يمكن إشباعها لدرجة الاستغناء عن . فثمة فئة من الناس تتملكهم نزعات إجرامية لا يمكن علاجها بإشباع حاجاتها المادية .

Quote: تصور لوكنت انا الضابط الذي ذهب لينبش قبر تلك المرأة فخرجت لي حية من ا Quote: ل قبر .. هل كنت ساعفيها من كام جزمه علي راسها ..

طيب يمكن اخدت علقتها من ناس نكير مالك تاني ملبعا ؟

Quote: اما دم الشباب الضائع هدرا هذه الايام فما عاد يجدي .. فالقذافي وصالح والاسد مازالوا يمرحون والجامعة العربية تجتمع وتنفض وبان كي مون يمرق ويدخل وعكسه ود حسين يدخل ويمرق .. الاتري معي ان دم الشباب لم يعد يخيف حكام هذه الايام .. بينما كان مجرد هتافنا ايام كان الدم دما (دم الشباب وقف عليك) يهز المستعمر ويزلزل كيانه ..

حسبنا القول - اللهم لا نسالك رد القضاء ولكن اللطف فيه

الاخ منتصر

كيفك ياخ

Quote: لا يجوز في الشرع قتل الزوجة إذا وجدها زوجها تمارس الزنا ...فللزوج إن شاء ذهب بها للقضاء وفي صحبته أربع شهود ...فإن جاء بالشهود الأربعة وشهدوا على انها زنت رجمت ....وإن لا ....فله أن يلاعن ...وهو كما في نص الآية الكريمة ...(والذين يرمون أزواجهم ولم يكن لهم شهداء إلا أنفسهم فشهادة أحدهم أربع شهادات بالله إنه لمن الصادقين * والخامسة أن لعنة الله عليه إن كان من الكاذبين * ويدرأ عنها العذاب أن تشهد أربع شهادات بالله إنه لمن الكاذبين* والخامسة أن غضب الله عليها إن كان من الصادقين*)..فالزوجة إذا أصرت على الإنكار وأصر زوجها على اتهامها تلاعناء ....ولو أقرت بالزنا رجمت ... أما أن يقتلها زوجها فلا يجوز في الشريعة الإسلامية...ويكون في حكم القضاء الشرعي مدان بالقتل العمد

الله يخليك كلام في الصميم واتفق معك تماما

طه ود ابراهيم

Quote: الطيب أخوي قول بسم الله بعاتي غيرك مافي مالك الحاصل عليك شنو ؟ إنت كنت نقّاي وبتعرف تنقّي الحاجات صاح ابتداء من العنكوليب ومرورا بي أي حاجة حلوة وطعمها سكر فجأة بقيت ماشي حركة ورا وبقيت تحدف الناس بي جنس البلاوي دي يا مصيبة واقعة من السماء أو بلوى طالعة من الأرض وكلهن من الحاجات البلحقن أمات طه

هههههههههههههههههها كتلتني بضحكة يا سجم الرماد

ود الكرور

كيف سعادتك وكل عام وانت وعولك بالف خير

Quote: شنو الأخبار السجمانه دى ؟؟؟ ياخ أرجع لى أهلنا الحبش ديل وجيب الفيهو الثمره

والله يا سعادتك كلام سمح وانا بالحيل مكتول في ناسك ديل لكن اكان إتلهمتهم تاني ما بشوف وبقوم بغلط برمي الدراب وبكري بلحس باسويردي الضحى .

محمد الامين

اصور ليك بعاتية يعني ؟ ات مسنوح؟

Quote: Quote: حليله هو .. البِدُق ما بطلق ؟؟؟؟؟؟

اسامه

عرفتها وكشفت نومتنا ..

دي من اشراقات استاذنا المرحوم بابكر عبيد في كلية الشرطه وكنا ننتظر محاضراته ليخرج
بنا من جفاف ال CCP الي حيشان امدرمان وحواديت سوق المويه وقهوة ود الاغا ويحذرنا
من قبول بلاغات اباء التلاميذ ضد المدرسين الضربو اولادهم .. والراجل البشتكي مرته لانه
شافها داخلة بيت العزابه الجنبهم .. والراجل البشتكي بناته لانهن دقنّو ومعّطن امهن لانها قاعده
بي فستانها في الحوش وسط اصحابو البيسكرو وتسكسك معاهم ..

في ذمتك ده مش (حليله هو)

عش ساما

عمر علي حسن

Quote: ههههههههههههها خالي الحق الحق فيروس السناحة إتلهمك طااااااااااااااااب

ياخالو
نسوي شنو ده سعر السوق .. وانا حالتي فتشت الكلمة الاقل دقة في هذه الحالة والا لو قلت ليك
الكلمة القاصدا كنت جبت ليك ضقلها يكركب

Quote: طيب يمكن اخدت علقتها من ناس نكير مالك تاني ملبعا ؟

عليك امان الله كان جابوها لي مارقة من جهنم وسلمني ليها مالك الا راسها يابي البوت

Quote: الله يخليك كلام في الصميم واتفق معك تماما

صدقت .. لكن القضية دي في مصر .. والحرمه قامت بعاتي .. حتي لو قلنا
(الجروح قصاص) حيقولوا ليك : ده عندكو هناك في أمّ ضرمان

ساعدونا نبطح الشاكي وانا بتكفل ليكم بالعشيق والخاينه .. قال جاي مع الضابط بلا
خجله عشان يوريه القبر ..

عمر علي حسن

المسنوح الطيب
سلامات

عليك الله لو انت لا هسع نصيح زح لى شوية النجن انا.

كل الود

Quote: دي من اشراقات استاذنا المرحوم بابكر عبيد في كلية الشرطه وكنا ننتظر محاضراته ليخرج بنا من جفاف ال CCP الي حيشان امدرمان وحواديت سوق المويه وقهوة ود الاغا ويحذرنا من قبول بلاغات اباء التلاميذ ضد المدرسين الضربو اولادهم .. والراجل البشتكي مرته لانه شافها داخلة بيت العزابه الجنبهم .. والراجل البشتكي بناته لانهن دقنّو ومعّطن امهن لانها قاعده بي فستانها في الحوش وسط اصحابو البيسكرو وتسكسك معاهم ..

دا كلام كبار يا خال ويستحق يفرد له بوست خاص

اكرمنى بإذنك يا خالي عشان افتح ليهو بوست بالعنوان البيريحني عشان الناس تقول خالو اكرمو ياخ

Quote: اكرمنى بإذنك يا خالي عشان افتح ليهو بوست بالعنوان البيريحني

نتشرف .. وحلال عليك
وتلقاني قدامك شايل الصواني امات طباقه .. مش كان بقي الكيلو باربعه وثلاثين ..
انا اخوك إت

عمر علي حسن

Quote: نتشرف .. وحلال عليك وتلقاني قدامك شايل الصواني امات طباقه .. مش كان بقي الكيلو باربعه وثلاثين .. انا اخوك إت

خالي انت ماك زول بنادر انت زول ضهاري عديل كدا ما تضيع باقي عمرك مع ناس البنادر ساى ياخ

ما تسمع كلام ام امير تعال لأهلك ناس الضهاري بعزوك وبكرموك وبخدموك وضيفك بتلهمهو ليك قبال ترفع راسك من هبابك

ات فاكرنا ساهلين؟

Quote: نعم اخي منتصر هذا هو حكم الاسلام .. وهو غير مطبق في مصر .. القانون المصري يضع ضبط الزوجة في الفراش مع عشيقها عذرا للزوج إذا قتلها في حموة الدفاع عن شرفه

نعم يا منتصر حديثك عما عليه العمل في السودان كما تفضل الخال عمر على حسن