معقولة 463 هكتار جنب دالاس تكساس ب مليون وشوية دولارات!

Post: #1
Title: معقولة 463 هكتار جنب دالاس تكساس ب مليون وشوية دولارات!
Author: هشام هباني
Date: 09-20-2011, 00:02 AM

http://www.landsoftexas.com/texas/?detail=&inv_id=856590

ــــــــــــــــــــــــــــــــــــــــــــــــــــــــــــــ
Quote: County: Collin Type: Acreage Acres: 463
Address: 10 County Road 662 City: Farmersville State: Texas
Zip: 75442 Price: $1,157,500.00 Status: Available

هذه الارض الجميلة تقع في مدينة (فارمرسفيل) والتي تقع شمالي مدينة (دالاس) وتبعد عنها حوالي الساعة او اقل!

Post: #2
Title: Re: معقولة 463 هكتار جنب دالاس تكساس ب مليون وشوية دولارات!
Author: هشام هباني
Date: 09-20-2011, 00:14 AM
Parent: #1

اربعين زول بس ممكن اشتروا الارض دي هسع و اكون نصيب كل زول عشرة هكتارات اي ما يعادل 25 فدان وفي حالة ان يدفع كل زول الفين دولار بيكون دفعنا مقدم دفع 80 الف دولار وباقي المبلغ ممكن اكون في شكل دفعيات شهرية على مدار 15 او 30 سنة حسب الاتفاقية وممكن يكون مقدار دفعية الفرد حوالي 100 دولار شهريا لمدة 30 سنة يعنى تكون عندك اطيان في امريكا ما مقداره 25 فدان وبتدفع عليها حوالي 100 دولار شهريا !

Post: #3
Title: Re: معقولة 463 هكتار جنب دالاس تكساس ب مليون وشوية دولارات!
Author: عبدالكريم عبدالله
Date: 09-20-2011, 03:30 AM
Parent: #2

هشام ازيك
الهكتارات جزء من فكرة مشروع عزة قروب ولاَ ده لوتري تاني..؟

كن عافية

كريمو

Post: #4
Title: Re: معقولة 463 هكتار جنب دالاس تكساس ب مليون وشوية دولارات!
Author: Ridhaa
Date: 09-20-2011, 04:23 AM
Parent: #3

Quote: اربعين زول بس ممكن اشتروا الارض دي هسع و اكون نصيب كل زول عشرة هكتارات اي ما يعادل 25 فدان وفي حالة ان يدفع كل زول الفين دولار بيكون دفعنا مقدم دفع 80 الف دولار وباقي المبلغ ممكن اكون في شكل دفعيات شهرية على مدار 15 او 30 سنة حسب الاتفاقية وممكن يكون مقدار دفعية الفرد حوالي 100 دولار شهريا لمدة 30 سنة يعنى تكون عندك اطيان في امريكا ما مقداره 25 فدان وبتدفع عليها حوالي 100 دولار شهريا !

الأخ هشام هباني

سلام ...
الفكرة ممتازة ...ولكن حكاية الأقساط دي هل يدخل فيها ربا أم لا ....
اذا كانت الاجابة بنعم فماهو رأي الشرع اذا كان المشترين ( يدينون بديانة
الاسلام ) ...وهل هنالك بنوك اسلامية تمول هذه العملية ...

أم الحكاية انو الناس تصمت وتشتري وماتسأل عن الحلال والحرام ...

خالص تحياتي وتقديري .

Post: #7
Title: Re: معقولة 463 هكتار جنب دالاس تكساس ب مليون وشوية دولارات!
Author: هشام هباني
Date: 09-20-2011, 12:13 PM
Parent: #4

اخونا رضا

تحياتي

Quote: أم الحكاية انو الناس تصمت وتشتري وماتسأل عن الحلال والحرام ...

دحين يا اخوى لو بهمك امر الحلال والحرام ما كان سكت على اجرام وفساد وعمالة صهاينة الخرطوم
وكان يفترض تكون اول المجاهدين لرفع الظلم عن عباد الله فى السودان والساكت عن الحق شيطان اخرس!

(لقيتني كيف)!

Post: #5
Title: Re: معقولة 463 هكتار جنب دالاس تكساس ب مليون وشوية دولارات!
Author: هشام هباني
Date: 09-20-2011, 07:07 AM
Parent: #3

العزيز عبد الكريم

تحياتي

Quote: الهكتارات جزء من فكرة مشروع عزة قروب ولاَ ده لوتري تاني..؟

بالتاكيد مثل هذه الامور من صلب اهتمامات ( عزة قروب) ولذلك عندما يفكر اخرون في هذا النوع من الاستثمار
سندلهم على بيت (عزة قروب) ليحققوا امانيهم من خلال هذا المارد الاقتصادي التجاري السوداني الامريكي القادم
لاجل استقرار ورفاهية كل السودانيين في المهجر الامريكي ومن يشاطرونهم احلامهم من سودانيي المهاجر الاخرى
الذين هم جزء من هذا المشروع.

دم بخير

Post: #6
Title: Re: معقولة 463 هكتار جنب دالاس تكساس ب مليون وشوية دولارات!
Author: Elfatih Noureldayem
Date: 09-20-2011, 08:08 AM
Parent: #5

الناظر ود هبانى سلام مربع
ياخي جهجت حنانا زاتو
غايتو انا حأشيل بيركى واجيكم بى هناك
بس اهم شى
أتاكد لينا منها يمكن البناء والزراعه فيها
ما تكون ارض للرعي فقط
ماعندى ليهم تور ابوجاعوره
اوبقر فريزن حق مبروكه داك
هههههههههه
مودتى

Post: #8
Title: Re: معقولة 463 هكتار جنب دالاس تكساس ب مليون وشوية دولارات!
Author: هشام هباني
Date: 09-20-2011, 12:17 PM
Parent: #6

سعادة العميد معاش ود نور الدايم

تحياتي وكل العام وانت بخير
Quote: اخي جهجت حنانا زاتو
غايتو انا حأشيل بيركى واجيكم بى هناك
بس اهم شى
أتاكد لينا منها يمكن البناء والزراعه فيها
ما تكون ارض للرعي فقط
ماعندى ليهم تور ابوجاعوره
اوبقر فريزن حق مبروكه داك

شفت هملة الاراضي دي كيفن والله يا الفاتح دي من عند بيتي 30 دقيقة سواقة بس
غايتو حنشوف ناس شركة ( عزة قروب) وحاطرح عليهم الارض اللقطة دي ومن هسع
جهز تيرانك وحميرك وغنمك وجدادك واجدع ليك الفين دولار وانا وكيلك!

سلامى لام سعين عندكم

Post: #9
Title: Re: معقولة 463 هكتار جنب دالاس تكساس ب مليون وشوية دولارات!
Author: Ridhaa
Date: 09-20-2011, 06:43 PM
Parent: #8

مبروك عليك أمشى اشتري ....

Post: #10
Title: Re: معقولة 463 هكتار جنب دالاس تكساس ب مليون وشوية دولارات!
Author: سيف الدولة كامل
Date: 09-25-2011, 11:35 PM
Parent: #9

جميلة والله ,,,,,,,,,, جاهزين ونعتبرها أول مشروع لشركة عزة.