Post: #1
Title: دورة فصول سنة المريخابي ...
Author: محمد البشرى الخضر
Date: 09-19-2011, 08:43 PM
يبدأ المريخابي - تقرأ الوصيفابي الطيشابي ايضا - سنته كالآتي:
- سجلنا اعظم اللاعبين بالمليارات
- سيطرنا على الساحة المحلية و حصدنا النجوم وتركنا اللفت اوفرز للباقين
- جبنا حارس افريقيا الاول و المدافع المونديالي و المهاجم الدولاري
- قارعنا فيهم اعظم اندية العالم وقلعناه منهم بالكاش الذي .... إلخ
- السنة دي كاس افريقيا بل كاس العالم عندنا فوقو راي
- حنعسكر في القمر و نتبارى مع منتخب عطارد و غيرنا يعسكر في الفاشر و يلاعب منتخب شرطة نيالا
وهلم هرجلة وكلام فارغ ما انزل الله به من سلطان
و الوصيفابي المسكين يعلف الهراء اعلاه و يتدشأ من الانبساط
ثم يبدأ الموسم
- الصدارة البتاع الهناي القطار الذي يجر العربات الماعارف شنو داك
وتبدا المنافسة الافريقية التي غالبا ما يشارك فيها الوصيف صحبة راكب ومن التمهيدي مع باقي زغب الحواصل الافريقية
و يعلف الطيشابي على شاكلة:
-سيد افريقيا و الزعيم وشنو وشنو
-تلف الشلف نفش القطن (التشادي) جرجرة سان جورج كمبلة كمبالا ... إلخ
وكالعادة يطير الوصيف من ادوار الحمام الميت ليتغير صنف الامباز لـ:
- لا بتهزنا لا بتبطرنا
- سنظل و نظل
- نهواه ونموت في هواه
وتعود النغمة القديمة في سيرة بيضة الديك ومانديلا وما ادراك ما سيكافا
هنا يبدأ الفصل التاني من سنة الوصيفابي المسكين
فيتحول لمشجع يونيفيرسال يشجع من طرف كل فريق يقابل الهلال
موسم 2009 شجع الوصيفابي فرق نيجيريا و زامبيا و الكونغو
العام الذي تلاه ارتدى الوصيفابي اليونيفرسلابي قميص النيجر ومالي و ليبيا و تونس
السنة الفينا دي رفع الوصيفابي شعار انجولا و تونس و الكاميرون ونيجيريا و المغرب
اسي رافع علم تونس تاني
في هذا الفصل يعلف الوصيفابي نجر و قطع اخدر و اشي شكاوي وتلفيق ايميلات وقوانين و سير حكام الكاف
ثم يقترب ختام الموسم المحلي و يبدأ الفصل التالت من سنة الوصيفابي
- الاتحاد الحكام الرشاوي بااااااع باااااااع
و كالعادة كما الخيل الحرة ياتي الهلال في اللفة يستعيد صدارة الدوري التي أمّنها للوصيف حتى حين
ليبدا الفصل الرابع و الأخير من سنة الوصيفابي
- الوالي يستقيل - او يهدد - التحانيس المسيرة الدفارات ثم الرجوع عن الاستقالة
- طي الملفات
- اعفاء الكوتش و مجزرة شطب
علف الفصل الرابع من صنف التاريخ البطولة الجوية سوق القش الدوري المقفل بلا بلا بلا
لتبدأ السنة الجديدة بـالفصل الاول:
سجلنا اعظم اللاعبين بالمليارات ...
سيطرنا على الساحة المحلية و حصدنا النجوم وتركنا اللفت اوفرز للباقين
.
.
.
.
.
وهكذا ...
________________________________
( )
|
Post: #2
Title: Re: دورة فصول سنة المريخابي ...
Author: abas
Date: 09-19-2011, 08:54 PM
Parent: #1
انت ثقيل ياخ
مالك مزكرهم
مالك عليهم
خليهم كده ما توعيهوم
ما تفتحو عيونهم
خلوهم مغمضين
|
Post: #3
Title: Re: دورة فصول سنة المريخابي ...
Author: حيدر بشير
Date: 09-19-2011, 09:06 PM
Parent: #2
و ما قلت الا الحق
و الغريبة انه الفلم دا يتكرر كل سنة و الجماعة جارين وراء اليطل
نسال الله لهم السلامة و الصحة
|
Post: #4
Title: Re: دورة فصول سنة المريخابي ...
Author: Hussein Mallasi
Date: 09-19-2011, 10:15 PM
Parent: #3
|
Post: #5
Title: Re: دورة فصول سنة المريخابي ...
Author: Ahmed Alrayah
Date: 09-20-2011, 04:08 AM
Parent: #4
ده زمن الpresentation يا أبو حتوت، وأعتقد كده الفكرة أوضح 
الصورة مقتبسة من موضوع عمره سنة أو سنتين -لا أذكر- في منتدى كووورة
سودانية.
|
Post: #6
Title: Re: دورة فصول سنة المريخابي ...
Author: Abdulrahman Eldaw
Date: 09-20-2011, 04:19 AM
Parent: #5
...
..
.
المريخ يطوي صفحة البطولة الافريقية ويفتح صفحة الممتاز ..
ويطوي صفحة الممتاز ويفتح صفحة كاس السودان ..
|
Post: #7
Title: Re: دورة فصول سنة المريخابي ...
Author: محمد عبد الماجد الصايم
Date: 09-20-2011, 04:42 AM
Parent: #6
أهـو شداد شتّت وشال بند (الجرسة) من دورة الفصول!
|
Post: #8
Title: Re: دورة فصول سنة المريخابي ...
Author: Abdlaziz Eisa
Date: 09-20-2011, 06:14 AM
Parent: #7
سلام
نحن قلنا الرشاشات ديل هذه الايام عليهم حمى عجيبة..
فرحة التأهل نسوها..
نسوا البطولة والحلم..
نسوا حاجة اسمها المربع الذهبي..
ده كلو عشان الكابوس المنتظر..
عشانك يا ترجي!!
نهايتها فضيحة
وآخرها كوم تراب..
لا افريقيا
لا دوري
ولا كاس..
موسم ملوص..
لكن مرصع بالفضائح..
كلها يومين تلاتة وتجوا تقعدوا في المساطب الجانبية..
...
تحياتي
|
Post: #9
Title: Re: دورة فصول سنة المريخابي ...
Author: Fadl Karrar
Date: 09-20-2011, 06:23 AM
Parent: #8
والسنة دي من شلاقتم
وقبل الدورة الأولي تنتهي بي مبارة واحدة
شبكونا ليك ( العلامة الكاملة والجودة الشاملة )
جهم ليك الترزي سولي شريف
وقال للحضري : إنت ماشي إجازة صيف ، شيل معاك الجلابية دي
|
Post: #10
Title: Re: دورة فصول سنة المريخابي ...
Author: فدياس نجم الدين
Date: 09-20-2011, 06:29 AM
Parent: #8
ودالبشرى
في الدوري عندهم قفله ثابته كل موسم (ليه بنعلب دائما قدام الهلال)
وهجوم على لجنه الخرمجه حسب وصف كبيرهم
|
Post: #11
Title: Re: دورة فصول سنة المريخابي ...
Author: حمد فتح الرحمن
Date: 09-20-2011, 07:58 AM
Parent: #10
يا عمك
سيكافا سيكافا
|
Post: #12
Title: Re: دورة فصول سنة المريخابي ...
Author: محمد البشرى الخضر
Date: 09-20-2011, 08:16 PM
Parent: #11
وين يا عبس
كيفن مالي بيهن, العشرة اليوم المفضلات ليوم واحد اكتوبر ديل زي عشرة الراعي
حالف ننجضهن فوقهن نجاض قبورة
الظروف ما معروفة اخوي
متعة تاهلنا المخلقن دا يا حيدر - طبعا بعد نقاط التصنيف و الدولارات - في مغسة الطيشاب اليونيفرسلاب ديل
علي اليمين فيهن ناس فاتو القطن الكاميروني من الزعل
التقول منافسين على بطاقة التأهل كان ما طايرين من قولة هه
شنو يا ملاسي ما فيها تاملاية
الحق اديهن حاجة قبل كورة الترجي
أووو ود الريح وينك ياخ
صدق فاتت علي قصة الاستعانة بمازدا دي
ان شاء الله بتذكرها في بوست السنة الجاية زي المواعيد دي و الجماعة بكونوا على الرصيف كالعادة
ويطوي يا ود الضو كاس السودان ليفتح ملف التسجيلات و يطوي التسجيلات ليفتح ملف المعسكرات الفخمة
يطوي .... إلخ
يا حموودي شداد بيني وبينك كان شماعة كبيرة لمزمل بالذات
يا عزيز الحتة دي | Quote: تقرأ الوصيفابي الطيشابي ايضا |
ما وقعت ليك؟
أمش اقعد ورا هنوووووك محل الطيشة و تابعنا من سكات كان تتعلم حاجة
ههههههه صدقت يا ود كرار السنة الخريف بدّر و شال فجابت ليها علف من نوع جديد
لكن للاسف صلاحيته كانت محدودة وقصيرة وفيّص من بدري
دي يا فدياس من اعلاف نهاية الموسم بالاضافة للحكام و لجان الاتحاد الزرقاء و استهداف الوصيف من قبل الجميع
اها دا تخصص ابشيبة
ههههههااااايكة قلت لي سي إيه يا حمد .. سيكافا
بيني وبينك بالغوا
مرة يستضيفوها ومرة يدفعوا لمستضيفها في النهاية ملوص
|
Post: #13
Title: Re: دورة فصول سنة المريخابي ...
Author: ABUHUSSEIN
Date: 09-20-2011, 08:23 PM
Parent: #12
بجي الخريف ....... و اللواري بتقيف .....!!!!!
|
Post: #14
Title: Re: دورة فصول سنة المريخابي ...
Author: عبدالعزيز الفاضلابى
Date: 09-20-2011, 08:40 PM
Parent: #13
| Quote: اسي رافع علم تونس تاني |
لانه العلم الجديد لتونس مكتوب عليهو:
لقد هرمنا في انتظار ,,,, الباقي تمو انت.
|
Post: #15
Title: Re: دورة فصول سنة المريخابي ...
Author: ABUHUSSEIN
Date: 09-20-2011, 08:45 PM
Parent: #14
ســكـــــرة و بـتــفــــــك
سكرتو كتير و فكت
|
Post: #16
Title: Re: دورة فصول سنة المريخابي ...
Author: عبدالعزيز الفاضلابى
Date: 09-20-2011, 09:28 PM
Parent: #15
Quote: ســكـــــرة و بـتــفــــــك
سكرتو كتير و فكت |
عينة سكرتم دي مابتفك يا ابوحسين
لانها لو فكت بجيبوا الكاس
لكن وهم سكرانين كدي كلما
يجو عند الميس يطشوا
|
Post: #17
Title: Re: دورة فصول سنة المريخابي ...
Author: Magdi Ahmed Elsheikh
Date: 09-20-2011, 09:35 PM
Parent: #16
سيد اللبن محتاج لتمرجي...!!
حقنة حقنة قبل يوم الترجي..!!
|
Post: #18
Title: Re: دورة فصول سنة المريخابي ...
Author: منتصرمحمد زكى
Date: 09-20-2011, 09:57 PM
Parent: #17
Quote:
نهواه ونموت في هواه |
نهواه في كل الظروف
معقولة ياخ أشهر بيت شعر ما حافظو ؟!
|
Post: #19
Title: Re: دورة فصول سنة المريخابي ...
Author: محمد البشرى الخضر
Date: 09-21-2011, 02:43 AM
Parent: #18
بالله شوف الطيشاب ديل ملو البوست كيف
بوست دا ولاّ اتحاد معلمبن
|
Post: #20
Title: Re: دورة فصول سنة المريخابي ...
Author: haroon diyab
Date: 09-21-2011, 04:44 AM
Parent: #19
انشاء الله تكون بالي راسك كوييييييييييييييييس
عشان ماتجو بعد يوم 1/ 10 وتشبكونا ......
ماعندكم وطنية ....وبوست غير موفق
واراهنك......هذا العام سيكون عام التضخم
الاكبر للصفر الدولي......................!!!!!!
وكاااااااااااااااااااااااااااااااااااااااااااااااااااااااااااااااااااااك
|
Post: #21
Title: Re: دورة فصول سنة المريخابي ...
Author: khaleel
Date: 09-21-2011, 05:42 AM
Parent: #20
سيناريو مع مريخابي
انت احسن للهلال يلعب كاريكا وسادومبا
ول سادومبا واوتوبونغ
يقول ليك
نحن جبنا كاس مانديلا
|
Post: #22
Title: Re: دورة فصول سنة المريخابي ...
Author: خالد درق
Date: 09-21-2011, 06:12 AM
Parent: #21
يا يوم 1/10 ما تسرع وتسكت ال ............
|
Post: #23
Title: Re: دورة فصول سنة المريخابي ...
Author: قيقراوي
Date: 09-21-2011, 08:02 AM
Parent: #22
( )
--------
يا ابو حتحوت
شايفك مجضم خارطة الطريق الرسمتها بشان السترة و الفضيحة المتباريات
|
Post: #24
Title: Re: دورة فصول سنة المريخابي ...
Author: Magdi Ahmed Elsheikh
Date: 09-21-2011, 09:12 AM
Parent: #23
Quote: بالله شوف الطيشاب ديل ملو البوست كيف
بوست دا ولاّ اتحاد معلمبن |
اتحاد اسياد اللبن ياتمرجي تمشي وين من الترجي.......!!
|
Post: #25
Title: Re: دورة فصول سنة المريخابي ...
Author: وليد محمد المبارك
Date: 09-21-2011, 09:30 AM
Parent: #24
انتو دورتكم ما واضحة
بدا الموسم
واك وييييك ويييك ورررروك
كم بلنتي في كم كورة
كم لاعب من بتاعنكم متهمنو بالتواطو
كم فريق لعب قدامكم ناقص
وكت الكلام يبقى في اللحم الحي والبيع يبقى صعب
يجيبوا ليكم حكام نضاف او يخلطوهم كظاهرة بتظهر معاكم
توش خمسة كم ما عارف
بنشيلو السنة الجاية
وهكذا دواليك
|
Post: #26
Title: Re: دورة فصول سنة المريخابي ...
Author: محمد البشرى الخضر
Date: 09-21-2011, 07:51 PM
Parent: #25
هوي يا الطيشاب ديل ما تشبكونا ترجي بتاع
كان امر الله حصل بنقيف وسط المنبر و نتنبر و نملا خشمنا ما طايرين من دور الاربعة عاد
كمان دا بقى الخرتمية و خرتمين بتاعكم البتطيروا منو مع ناس المطابع الصومالي و المطافئ البوتسواني و الاهلي ليسوتو
وكمان كان قالت كدي وادتنا وشها و ربنا قال ليها كوني فكانت و اتخطينا الترجي
افتكر اسلم ليكن و ابرد لي اضنينكن تسيبوا المنبر و تمشوا تسعوا ليكن قراية كبر ولا رياضة مشي ولا اي شي
لأنو البورد تاني ما بشيلنا
قيقرا يا عمك علي اليمين خاذلني الزمن بس و المشغولية
إلاّ كنت ناوي العشرة يوم ديل كل يوم بي بوست و قصة جديدة وناوي اسكهن من زمن اربعة الصفاقسي مرورا بزيسكو و كورة النسابة و انتهاء بالوحدات
الله غالب لكن
الشفت ياخوي شكلك زمنك فارق
انت وصلت الفصل الرابع عديل و الدنيا لسة الخريف
يا خوانا ود حلال يفهم دكتور مجدي انو الوهمة بتاعة ترجي / تمرجي لا فيها موسيقى لاقافية لا اي من اوزان الخليل
فما في داعي يسلق بيها اشياء نا اكتر من كدا
|
Post: #27
Title: Re: دورة فصول سنة المريخابي ...
Author: Yassir Tayfour
Date: 09-21-2011, 08:14 PM
Parent: #26
كامل تضامني مع المحليين ؛)
|
Post: #28
Title: Re: دورة فصول سنة المريخابي ...
Author: Emad Mohamed
Date: 09-22-2011, 02:00 AM
Parent: #27
Quote: بنشيلو السنة الجاية
|
دا دليل على اننا بنلعب فيهو كل سنة يا شفت. وانتو....ولا انتو هناياحسرة.
|
Post: #29
Title: Re: دورة فصول سنة المريخابي ...
Author: وليد محمد المبارك
Date: 09-25-2011, 07:09 AM
Parent: #28
يا جماعة السنة الجاية بتاعتكم دي بتين ؟
|
|