Post: #1 Title: والله لو كورة مهند دخلت Author: khaleel Date: 09-19-2011, 04:16 PM Parent: #0
كان حا يكون اجمل قون في العالم
Post: #2 Title: Re: والله لو كورة مهند دخلت Author: khaleel Date: 09-19-2011, 04:21 PM Parent: #1
الغزال مهند
صلح الكورة امبارح
Post: #3 Title: Re: والله لو كورة مهند دخلت Author: khaleel Date: 09-19-2011, 04:23 PM Parent: #2
شوتة مهند امبارح كانت ماشة في ال 90
لو نقصت 5 سم
ميسي ما كان حا يجيب قون زي دا
Post: #4 Title: Re: والله لو كورة مهند دخلت Author: khaleel Date: 09-19-2011, 04:25 PM Parent: #3
من منكم راي تهديفة مثل هذه قريبا
Post: #5 Title: Re: والله لو كورة مهند دخلت Author: khaleel Date: 09-19-2011, 04:29 PM Parent: #4
يا ميشو
تاني ما تخلي مهند برة
Post: #6 Title: Re: والله لو كورة مهند دخلت Author: عبدالله السفاح Date: 09-19-2011, 04:32 PM Parent: #4
حبيبنا خليل
تهديفه ولا أجمل صاروخ ارض ارض عابر للقارات
جعلت حارس الرجاء في ذهول ... والكرة رجعت مقشرة
لسادمبا ولم يحسن التعامل معها ..
قلنا اكثر من مره انا مهند لا غنى عنه في التشكيلة
لاعب مهاري يجيد المحاورة والاختراق بجانب تمريراته المتقنة
وتسديداته القوية ..
Post: #7 Title: Re: والله لو كورة مهند دخلت Author: khaleel Date: 09-19-2011, 04:34 PM Parent: #6
Quote: حبيبنا خليل
تهديفه ولا أجمل صاروخ ارض ارض عابر للقارات
جعلت حارس الرجاء في ذهول ... والكرة رجعت مقشرة
لسادمبا ولم يحسن التعامل معها ..
قلنا اكثر من مره انا مهند لا غنى عنه في التشكيلة
لاعب مهاري يجيد المحاورة والاختراق بجانب تمريراته المتقنة
وتسديداته القوية ..
مبروك يا السفاح
نعمل شنو مع ########ة ميشو
كورة الترجي لازم يبدا المباراة
Post: #8 Title: Re: والله لو كورة مهند دخلت Author: نورالدين بابكر بدري Date: 09-19-2011, 05:27 PM Parent: #7
سلام يا باشمهندس تعرف أنا من رأيك في موضوع مهند كلاعب يكون في التشكيلة بكون مستمتع مطمئن لله كدا
لعلمك يا خليل الفرق المنافسة للهلال دي بالمناسبة انا بشوف أنها عادية : لكن أجهزته الفنية تكتيكا عالي لذلك بكسبوا
وعندي قناعة تانية - أي مباراة يفقدا الهلال تلقى العلة من التشكيلة بعدي أصلو ما حصل إقتنعت بي نشة دا - بشة لاعب محلي ياخي دا يرجف كلو لا تقدر تعاين للكورة ولا لي رجفيهو
ومن هسي الله لو عايز يكسب لي قدام التشكيلة الأساسية ضروري يكون فيها مدثر ومهند من البداية إنشاء الله أي واحد يكون برجل واحدة
Post: #40 Title: Re: والله لو كورة مهند دخلت Author: khaleel Date: 09-20-2011, 03:21 PM Parent: #8
Quote: ومن هسي الله لو عايز يكسب لي قدام التشكيلة الأساسية ضروري يكون فيها مدثر ومهند من البداية إنشاء الله أي واحد يكون برجل واحدة
ولو مشي يا نور الدين مساوي ارتكاز ورجع سامي او امير الربيع
تكون الحكاية حلا وحمار
Post: #9 Title: Re: والله لو كورة مهند دخلت Author: عمر علي حسن Date: 09-19-2011, 05:34 PM Parent: #7
ما دخلت يا خليل لكن دخلنا ثمانيه نمر (خدمة يمين وعرق جبين) وتأهلنا بما حققنا وليس بما خسره غيرنا .. مبروك
عمر علي حسن
Post: #10 Title: Re: والله لو كورة مهند دخلت Author: د.محمد حسن Date: 09-19-2011, 05:40 PM Parent: #9
خليل اتفق معك
سعادتو عمر على حسن كلامك عجبني شديد
نرجع لمهند من وجهة نظر كروية بحتة يعيب مهند امه لا عب مزاجاتي طفل التفكير لم يعرف التفكير والسلوك الاحترافي
لان الموهبة اذا لم تصقل بالجدية فانها سوف تندثر
Post: #11 Title: Re: والله لو كورة مهند دخلت Author: صبري طه Date: 09-19-2011, 05:51 PM Parent: #10
مهند مشكلته العامل البدني ... غير ذلك فهو من أفضل اللاعبين على الساحة السودانية ...
ـــــ يا حليل زمن المهارة والشوت من خارج 18
Post: #12 Title: Re: والله لو كورة مهند دخلت Author: حمد فتح الرحمن Date: 09-19-2011, 06:53 PM Parent: #11
خلي يا خلي مشتاقين ياخ و مبروك لابو الهل
مهند امس لعب كورة خلوني هو و هيثم استمتع بلعب الهلال بعد نص الشوط التاني زي ما بستمتع بكورة عالمية ما كان في تجليطات و باصات ضايعة كتير و استلام حريف و تهديفات حريفة و اختراقات من النص معاهم الود سادومبا بس تقول شنو لي ابو المش الخلانا نبلع حبوب الضغط قبل الكور لعب مهند و هيثم امس تحس بيهم زي الدايرين يوصلو رسالة لي جمهور الهلال و ادارة الهلال ، اتمنى انه تصريح البرنس بالاعتزال يكون جس نبض و مجرد رسالة اعلامية
Post: #13 Title: Re: والله لو كورة مهند دخلت Author: Abd Alla Elhabib Date: 09-19-2011, 07:15 PM Parent: #12
خـلــي يا رجافـة مبروك التأهــــل مهـند حريف مافي كـلام لو إتفادي التمـرير الغـلط وأداهـا حــبة عنف قانـوني كدا حيكون ثابت في التشكـيلة ! مـبروك لكـل الهلالاب وعقبال رجـرجـــــة الترجــــــي !
Post: #33 Title: Re: والله لو كورة مهند دخلت Author: khaleel Date: 09-20-2011, 07:07 AM Parent: #13
Quote: خـلــي يا رجافـة مبروك التأهــــل مهـند حريف مافي كـلام لو إتفادي التمـرير الغـلط وأداهـا حــبة عنف قانـوني كدا حيكون ثابت في التشكـيلة ! مـبروك لكـل الهلالاب وعقبال رجـرجـــــة الترجــــــي !
عبد الله الحبيب يا حبيب
هناك لاعبين مخ ولاعبين عضلات
مهند لاعب مخ
بس الباص الصحيح والمريح
سيعود احسن من الاول
Post: #14 Title: Re: والله لو كورة مهند دخلت Author: Abd Alla Elhabib Date: 09-19-2011, 07:15 PM Parent: #12
خـلــي يا رجافـة مبروك التأهــــل مهـند حريف مافي كـلام لو إتفادي التمـرير الغـلط وأداهـا حــبة عنف قانـوني كدا حيكون ثابت في التشكـيلة ! مـبروك لكـل الهلالاب وعقبال رجـرجـــــة الترجــــــي !
Post: #15 Title: Re: والله لو كورة مهند دخلت Author: محمد البشرى الخضر Date: 09-19-2011, 07:29 PM Parent: #14
Quote: بعدي أصلو ما حصل إقتنعت بي نشة دا - بشة لاعب محلي ياخي دا يرجف كلو لا تقدر تعاين للكورة ولا لي رجفيهو
يا راااجل!! بشة لاعب محلي !! السنة الفاتت الشال الهلال منو غير بشة واهدافه الافريقية سواء الاحرزها او الاتسبب فيها
بعدين يا خلي مهند دا و لاحظت برة السودان بلعب احسن من هنا عندو خوف من الجمهور ولا ما تعرف شنو دا غير انو ما بلعب ليك شوطين بنفس واحد احسن شي يتبادل هو وبشة وتوريه البجي نازل فيهم من برة بكون مرتاح و بلعب كويس
Post: #16 Title: Re: والله لو كورة مهند دخلت Author: زهير الزناتي Date: 09-19-2011, 07:49 PM Parent: #15
يا خلي سلامات .....
احرف ناس جو الهلال من كسلا حتي اسال الريس سعادته عمر علي حسن ..... شاويش ... كسلا واخيراً مهند ..... مهند لاعب مهاري لا يقل عن افذاذ الكرة السودانية .... وزي ما قال البوني يعامل الكورة زي الوردة ... وزي ما قالوا الشباب عنده مشكلة بتاعت ذهنية الاحتراف .... وفي حاجة بتكون تحت تحت الناس ما عرفنها ..... مرة لاقيت المعلق الكبير في محل العشاء .... قلت ليهو مهند ده الليلة لاعب بمزاج كده ماله .... الكلام ده كان بعد كورة جاب فيهو قونين وصلح اثنين .... قال لي ما فلان ده مافي في التشكيلة لانه بينهره ..... ما عارف صحة الكلام من عدمه وما حا اجيب الاسماء لانها ونسة والمجالس اسرار ..... المهم حصيلة الكلام الولد لعاب وعايز اهتمام من الجهاز الاداري والفني ... وللعلم هو الهداف التاريخي للهلال في افريقيا ..... للاسف ما شفت الشوتة ويا ريت الحرفاء ينزلوها لينا صورة عشان نستمتع
Post: #17 Title: Re: والله لو كورة مهند دخلت Author: مرتضى احمد عبد القادر Date: 09-19-2011, 08:13 PM Parent: #16
Quote: أصلو ما حصل إقتنعت بي نشة دا - بشة لاعب محلي
اللاعب الوحيد في خط وسط الهلال الذي يجيد التمركز و الحركة بدون كرة لاعب محلي !!!
Post: #18 Title: Re: والله لو كورة مهند دخلت Author: عمر الفاروق Date: 09-19-2011, 08:18 PM Parent: #17
خليل يا خليل يا حرف الN
Quote: شوتة مهند امبارح كانت ماشة في ال 90
لو نقصت 5 سم
كانت ناقصة ال 5 سم وأصابع الحارس هي اللي رفعتا 5 سم دي.. كدي لاحظ لي التسديدة دي بي روااااقة وح تلاحظ .. انا غايتو شوفتها اثناء المباراة .. أكون بتخيل ؟
تخريمة : يا ود البشرى مهند أكتر لاعب وأحسن لاعب سوداني بيلغي وجود الجمهور بي بروده داخل الملعب خصوووصا في إستاد الهلال ..
Post: #28 Title: Re: والله لو كورة مهند دخلت Author: khaleel Date: 09-20-2011, 06:56 AM Parent: #18
Quote: كانت ناقصة ال 5 سم وأصابع الحارس هي اللي رفعتا 5 سم دي.. كدي لاحظ لي التسديدة دي بي روااااقة وح تلاحظ .. انا غايتو شوفتها اثناء المباراة .. أكون بتخيل ؟
عمر الفاروق
عيدك مبارك
لو مهند محظوظ كانت الكورة دي دخلت
كان سيتم عرضها علي كل مواقع اجمل اهداف كرة القدم في العصر الحديث
Post: #29 Title: Re: والله لو كورة مهند دخلت Author: khaleel Date: 09-20-2011, 06:58 AM Parent: #17
Quote: اللاعب الوحيد في خط وسط الهلال الذي يجيد التمركز و الحركة بدون كرة لاعب محلي !!!
مووورتا
انا زعلان من بشة اصبح يضيع الاهداف السهلة والمصيرية
كلما اتذكر قونو الضايع في مباراة الافريقي
اقول اديهو عضة في اضانو
Post: #31 Title: Re: والله لو كورة مهند دخلت Author: khaleel Date: 09-20-2011, 07:00 AM Parent: #16
Quote: احرف ناس جو الهلال من كسلا حتي اسال الريس سعادته عمر علي حسن ..... شاويش ... كسلا واخيراً مهند ..... مهند لاعب مهاري لا يقل عن افذاذ الكرة السودانية .... وزي ما قال البوني يعامل الكورة زي الوردة ... وزي ما قالوا الشباب عنده مشكلة بتاعت ذهنية الاحتراف .... وفي حاجة بتكون تحت تحت الناس ما عرفنها ..... مرة لاقيت المعلق الكبير في محل العشاء .... قلت ليهو مهند ده الليلة لاعب بمزاج كده ماله .... الكلام ده كان بعد كورة جاب فيهو قونين وصلح اثنين .... قال لي ما فلان ده مافي في التشكيلة لانه بينهره ..... ما عارف صحة الكلام من عدمه وما حا اجيب الاسماء لانها ونسة والمجالس اسرار ..... المهم حصيلة الكلام الولد لعاب وعايز اهتمام من الجهاز الاداري والفني ... وللعلم هو الهداف التاريخي للهلال في افريقيا ..... للاسف ما شفت الشوتة ويا ريت الحرفاء ينزلوها لينا صورة عشان نستمتع
شكرا زناتي
هذه مشاكل تدريب ومشاكل اختصاصي نفسي
بعدها سيقود مهند الهلال بعد ترجل البرنس
Post: #19 Title: Re: والله لو كورة مهند دخلت Author: Magdi Ahmed Elsheikh Date: 09-19-2011, 08:22 PM Parent: #15
Quote: احسن شي يتبادل هو وبشة وتوريه البجي نازل فيهم من برة بكون مرتاح و بلعب كويس
\
مالك يفتي...!!
تفكير دافوري..!!
Post: #20 Title: Re: والله لو كورة مهند دخلت Author: عبدالعزيز الفاضلابى Date: 09-19-2011, 08:56 PM Parent: #19
Quote: صلح الكورة امبارح
اصلها فول?
Post: #21 Title: Re: والله لو كورة مهند دخلت Author: ahmed khidir Date: 09-20-2011, 01:59 AM Parent: #20
سلامات ياخليل مع تنظير ميشو الله يستر
ابداع مهند الطاهر
Post: #22 Title: Re: والله لو كورة مهند دخلت Author: معاوية محمد الحسن Date: 09-20-2011, 05:53 AM Parent: #21
عزيزيى خليل تحياتي والله محتارين نقول ليكم مبروك ولا كفارة مقدما على الراجيكم غايتو هيثم عرف الراجيهو وزاغ الباقي عليكم انتو
شكرا على الإشادة بتهديفة (ولدنا)
Post: #23 Title: Re: والله لو كورة مهند دخلت Author: khaleel Date: 09-20-2011, 06:38 AM Parent: #22
صباح الخير يا حلوين
هدف مهند في انيمبا من اجمل الاهداف في العالم
Post: #24 Title: Re: والله لو كورة مهند دخلت Author: khaleel Date: 09-20-2011, 06:47 AM Parent: #22
Quote: عزيزيى خليل تحياتي والله محتارين نقول ليكم مبروك ولا كفارة مقدما على الراجيكم غايتو هيثم عرف الراجيهو وزاغ الباقي عليكم انتو
شكرا على الإشادة بتهديفة (ولدنا)
هلا وغلا يا معاوية
لم يهزمنا الترجي في امدرمان ولم يهزم المريخ في امدرمان
ولو هزيمة المريخ من الصفاقسي في امدرمان لاخذنا
ال full marks مع الاندية التونسية
وكما قال عبدالمجيد المقابل نهزم الترجي اتنين صفر في امدرمان ويهزمنا تلاتة واحد في تونس
ونقدل فوق عديلنا
Post: #30 Title: Re: والله لو كورة مهند دخلت Author: الحاج حمد الحاج Date: 09-20-2011, 06:59 AM Parent: #24
مبروك التأهل يا هندسة ، و هو بلا شك (امسكوا في انجاز دي لانو الكاس صععععب)
Quote: .... قال لي ما فلان ده مافي في التشكيلة لانه بينهره .....
يا خي دا بنهر الناس كلهم حتى الاداريين و الجهاز الفني و الناس عاملين ما عارفين
Quote: هدف مهند في انيمبا من اجمل الاهداف في العالم
يا هندسة مهند لعاب لكن كمان ما تبالغ
Post: #43 Title: Re: والله لو كورة مهند دخلت Author: khaleel Date: 09-20-2011, 03:34 PM Parent: #30
Quote: يا هندسة مهند لعاب لكن كمان ما تبالغ
بالله يا الحاج
شفت قون زي دا قريب
Post: #25 Title: Re: والله لو كورة مهند دخلت Author: khaleel Date: 09-20-2011, 06:50 AM Parent: #21
شكرا احمد خضر يا فردة
علي الفيديو الممتع
شاهدو تهديفة مهند بالحجم العائلي
Post: #26 Title: Re: والله لو كورة مهند دخلت Author: khaleel Date: 09-20-2011, 06:52 AM Parent: #20
Quote: اصلها فول?
ود عمي فاضلابي
اظنك مستمتع بالدهشة
Post: #27 Title: Re: والله لو كورة مهند دخلت Author: khaleel Date: 09-20-2011, 06:54 AM Parent: #19
Quote: مالك يفتي...!!
تفكير دافوري..!!
شكرا يا دكتور مجدي علي وقفتك مع الهلال
نردها ليك في الكونفدرالية السنة الجاية انشاء الله
Post: #35 Title: Re: والله لو كورة مهند دخلت Author: وليد عبد اللطيف Date: 09-20-2011, 08:04 AM
Quote: حبيبنا خليل
تهديفه ولا أجمل صاروخ ارض ارض عابر للقارات
جعلت حارس الرجاء في ذهول ... والكرة رجعت مقشرة
لسادمبا ولم يحسن التعامل معها ..
قلنا اكثر من مره انا مهند لا غنى عنه في التشكيلة
لاعب مهاري يجيد المحاورة والاختراق بجانب تمريراته المتقنة
وتسديداته القوية ..
حبيبنا خليل لو متابع عبد الله السفاح تجد تحليلاته وافيه وكافيه عن نفسي اتكيفت جدا عندما شاهدته في التلفزيون وهو يتحدث مفروض يكون محلل رياضي كثير من قراتنا له نجدها شافية وكافية وتغطي احداث المباراه في كلمات موجزة مثال لاعب مهاري : معناها يجيد الكنترول والتحضين لكرته لاعب يجيد المحاورة والاختراق : معناها مفتاح لعب وله حلول فردية لاعب تمريراته متقنه : معناها يجيد الباص القاتل وفي كثير من المباريات يفعلها لاعب لابد منه في التشكيلة لان طريقة لعب الهلال لعب طويل وسريع للاستفادة من سرعة سادمبا وكاريكا ودا اسلوب وطريقة واحده للهلال لذلك اي فريق يحاول السيطرة على هيثم مصطفى لحجب الباصات الطويلة والتلغرافات التي يرسلها للمهاجمين فتقل خطورة الهلال ولكن عند وجود مهند الطاهر تكون هنالك حلول اخرى وهي التهديف خارج ال 18 وال 45 ياردة واذا وجدت متابعه ونسميها فلونج يمكن احراز الكثير من الاهداف لان ضرباته قوية وكثيرا يتعامل معها الحارس بامساكها على دفعتين او ارتداد العارضة لها مثل الكره التي تعامل معها سادمبا بضعف شديد وكان بكون هدف ولا اروع لاعب هادي عند دخوله دائما يتغير شكل اداء الوسط وتصبح الكره ممرحله لاعب يلعب حسب امكانياته لكي يغطي نقص القوه والالتحام الذي يفتقدة الهلال يحتاج له كثيرا في وسط الملعب ومشكلته نفسيه اكثر من كل شيء لان لاعب يدرك امكانيته جدا والمدرب كثيرا مايضعة في دكة الاحتياطي ويدفع بالاعب خليفة في وسط الملعب وليس يكون له دور فعال لا في الدفاع ولا في الوسط دائما استمتع بالاعب مهند وطريقة توغله نحو المرمى ينساب كالنسيم (نسايم الليل ) ويرجم الشياطين بصواريخه ... مفروض ميشو يبني خطتة على وجود هذا اللاعب دائما في الملعب وان يعطيهو الثقة وان يشرف علية طبيب نفسي لان مشكلة مهند كلها نفسيه نفسيه نفسيه دا اذا وجد طبيب نفسي للهلال . . . هيثم خطف واحدة بالجنبة ضربت في القائم لمن ميلت معاها( وجع هيثم رجع ) شكلي بقيت هلالابي ياخليل
Post: #44 Title: Re: والله لو كورة مهند دخلت Author: khaleel Date: 09-20-2011, 03:43 PM Parent: #35
Quote: لاعب هادي عند دخوله دائما يتغير شكل اداء الوسط وتصبح الكره ممرحله لاعب يلعب حسب امكانياته لكي يغطي نقص القوه والالتحام الذي يفتقدة الهلال يحتاج له كثيرا في وسط الملعب ومشكلته نفسيه اكثر من كل شيء لان لاعب يدرك امكانيته جدا والمدرب كثيرا مايضعة في دكة الاحتياطي ويدفع بالاعب خليفة في وسط الملعب وليس يكون له دور فعال لا في الدفاع ولا في الوسط دائما استمتع بالاعب مهند وطريقة توغله نحو المرمى ينساب كالنسيم (نسايم الليل ) ويرجم الشياطين بصواريخه ... مفروض ميشو يبني خطتة على وجود هذا اللاعب دائما في الملعب وان يعطيهو الثقة وان يشرف علية طبيب نفسي لان مشكلة مهند كلها نفسيه نفسيه نفسيه دا اذا وجد طبيب نفسي للهلال .
يا سلام عليك يا وليد
روشتة من معلم اوفيت وكفيت
Post: #32 Title: Re: والله لو كورة مهند دخلت Author: khaleel Date: 09-20-2011, 07:04 AM Parent: #15
Quote: بعدين يا خلي مهند دا و لاحظت برة السودان بلعب احسن من هنا عندو خوف من الجمهور ولا ما تعرف شنو دا غير انو ما بلعب ليك شوطين بنفس واحد احسن شي يتبادل هو وبشة وتوريه البجي نازل فيهم من برة بكون مرتاح و بلعب كويس
مبروك ود البشري
هذه مسئولية مدرب اللياقة مهند كان يلعب الشوطين بنفس واحد
هزم لنا الزمالك وحرس الحدود واحرز الهدفين في مازيمبي
لا بديل عن مهند ان تخلص من الباص الخاطي
Post: #34 Title: Re: والله لو كورة مهند دخلت Author: khaleel Date: 09-20-2011, 07:09 AM Parent: #12
Quote: مهند امس لعب كورة خلوني هو و هيثم استمتع بلعب الهلال بعد نص الشوط التاني زي ما بستمتع بكورة عالمية ما كان في تجليطات و باصات ضايعة كتير و استلام حريف و تهديفات حريفة و اختراقات من النص معاهم الود سادومبا بس تقول شنو لي ابو المش الخلانا نبلع حبوب الضغط قبل الكور لعب مهند و هيثم امس تحس بيهم زي الدايرين يوصلو رسالة لي جمهور الهلال و ادارة الهلال ، اتمنى انه تصريح البرنس بالاعتزال يكون جس نبض و مجرد رسالة اعلامية
حمد فتح الرحمن
امنياتي ان اراك مرة اخري في الدوحة
مهند وهيثم اعادو لنا ذكريات حمد والديبة
اتمني ان يتواصل المشوار
Post: #36 Title: Re: والله لو كورة مهند دخلت Author: الصادق صديق سلمان Date: 09-20-2011, 08:30 AM Parent: #34
خليل مبروك ياخ التأهل
أنا ما بنفرق بين مهند وبشة - البرنس دا كلامو براهو لأنو هلالابي عديل ولو يقعد في البيت ما بيلعب لأي فريق خاصةً البوفية المفتوح دا مابخشو زاتو مهند حريف وفنان وشوات وبشة قلبو حار وبسجل بالراس وبخلق مساحات جيدة لي نفسو في دفاعات الخصوم.
نقول يارب الكاس ويرفعوا برنس الكرة السودانية هيثم مصطفى وبس
الصادق
Post: #37 Title: Re: والله لو كورة مهند دخلت Author: الحاج حمد الحاج Date: 09-20-2011, 08:37 AM Parent: #36
Quote: شاهدو تهديفة مهند بالحجم العائلي
فعلا تهديفة زول فنان يا هندسة.
Post: #38 Title: Re: والله لو كورة مهند دخلت Author: محمد جلال عبدالله Date: 09-20-2011, 09:19 AM Parent: #37
تعرف يا خليلو مشكلتنا شنو كسودانيين عموما وهلالاب خصوصا؟ بنقعد نتذكر ليك حاجات كده حصلت ونقول يا ريت وللا حاجات حصلت وما تكررت ونعيش على الذكرى
يعني زي قون صبحي في الزمالك واحلى الأهداف حتى الآن وقون كرنقو في الحضري والتلاتة في الأهلي المصري وفي 2007 ابراهيم عوض كتب: والله لو كان كورة خالد جوليت خشت كورة جوليت في آخر دقيقة مع النجم الساحلي في نصف النهائي أها دي ياها ذااااتا زي كلامك: لو كان كورة مهند دخلت ولو كان الثعلب ما جاب فينا قون في 87 ولو كان لاراش حسب قون وليد طاشين
لو كان ولو كان ولو كان وياريت ياريت ياريت دي ياها شغلتنا السودانيين بنحب نعيش على الذكرى ونبكي على الأطلال
وأخواننا المريخاب برضو زي ما عارف لسة عايشين على بيضة الديك ديك وكاس مانديلا الجابوهو بالحظ داك ^__^
معليش دخلت فيك شمال لكن دي اعتبرها مذكرات هلالابي سابق وقرفان وقنعان من خيرا في الكرة السودانية
تحياتي واحترامي
Post: #47 Title: Re: والله لو كورة مهند دخلت Author: khaleel Date: 09-20-2011, 03:52 PM Parent: #38
Quote: يعني زي قون صبحي في الزمالك واحلى الأهداف حتى الآن وقون كرنقو في الحضري والتلاتة في الأهلي المصري وفي 2007 ابراهيم عوض كتب: والله لو كان كورة خالد جوليت خشت كورة جوليت في آخر دقيقة مع النجم الساحلي في نصف النهائي أها دي ياها ذااااتا زي كلامك: لو كان كورة مهند دخلت ولو كان الثعلب ما جاب فينا قون في 87 ولو كان لاراش حسب قون وليد طاشين
لو كان ولو كان ولو كان وياريت ياريت ياريت دي ياها شغلتنا السودانيين بنحب نعيش على الذكرى ونبكي على الأطلال
محمد جلال
هلا بيك
الم تسمع الشفيع وهو يقول
الذكريات في كل ليلة
توحي للحبايب اشياء كثيرة
فمن يغني يذكر خليلا
ومن يعبد وقد طال ليله
فتلذكرونا كثيرا او قليلا
الذكري تجمعنا ونمرح طويلا
Post: #46 Title: Re: والله لو كورة مهند دخلت Author: khaleel Date: 09-20-2011, 03:48 PM Parent: #37
Quote: فعلا تهديفة زول فنان يا هندسة.
بعدين يا الحاج
الود دا شايت الكورة قريب القضارف
وكسرت كل قوانين الفيزياء كلما مشت لي قدام ازدادت سرعتها
Post: #45 Title: Re: والله لو كورة مهند دخلت Author: khaleel Date: 09-20-2011, 03:46 PM Parent: #36
Quote: نقول يارب الكاس ويرفعوا برنس الكرة السودانية هيثم مصطفى وبس
نعم يا صاديقو
حان الوقت ليرفع البرنس كاس افريقيا
ليكون خير ختام لمشواره الكروي النضير
Post: #39 Title: Re: والله لو كورة مهند دخلت Author: khaleel Date: 09-20-2011, 03:19 PM Parent: #11
Quote: مهند مشكلته العامل البدني ... غير ذلك فهو من أفضل اللاعبين على الساحة السودانية ...
مدرب لياقة شاطر بس يا صبري
وعينك ما تشوفش الا النور وقذائف المورتر
Post: #42 Title: Re: والله لو كورة مهند دخلت Author: khaleel Date: 09-20-2011, 03:30 PM Parent: #10
Quote: لم يعرف التفكير والسلوك الاحترافي
لان الموهبة اذا لم تصقل بالجدية فانها سوف تندثر
دكتور محمد حسن سلامات
مهند لم يخرج كل ما عنده حتي اليوم
Post: #41 Title: Re: والله لو كورة مهند دخلت Author: khaleel Date: 09-20-2011, 03:25 PM Parent: #9
Quote: ما دخلت يا خليل لكن دخلنا ثمانيه نمر (خدمة يمين وعرق جبين) وتأهلنا بما حققنا وليس بما خسره غيرنا .. مبروك
عمر علي حسن
اكيد يا عمي عمر
بايدينا صممنا لازم نبنيك يا هلالنا
ومبروك والي الامام
Post: #48 Title: Re: والله لو كورة مهند دخلت Author: عبدالله السفاح Date: 09-20-2011, 04:07 PM Parent: #41
Quote: حبيبنا خليل لو متابع عبد الله السفاح تجد تحليلاته وافيه وكافيه عن نفسي اتكيفت جدا عندما شاهدته في التلفزيون وهو يتحدث مفروض يكون محلل رياضي كثير من قراتنا له نجدها شافية وكافية وتغطي احداث المباراه في كلمات موجزة
تسلم حبيبنا وليد ود من ذوقك
وان أصبت في تحليلي فذلك بعض من ما عندكم
Post: #49 Title: Re: والله لو كورة مهند دخلت Author: المعز ادريس Date: 09-20-2011, 05:03 PM Parent: #48
عاين الكرت دا يا خليل.. إلتواء في الضهر و الركبتين!
قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة! مهند أفضل من يحيل أسلوب الهلال من إرسال طويل إلي لعب ممرحل, إختراق, تجهيز موازي لتجهيز هيثم, قذائف, و فاولات رأس الخط المحتكرة بواسطة هيثم بلا طائل! لو كنت مكان ميشو كنت سوف أعتمد على ثلاث لاعبين في الوسط المهاجم, مهند في الناحية اليمنى (عشان يتغلغل و يشوت من الزاوية الشفتوها!), هيثم في الوسط, و كاريكا أو بشة أو أوتوريه أو حتى أوتوبونق من الناحية اليسرى, لأن أربعتهم ممكن يساهموا في التفكيك و الإنخراط و التجهيز من تلك الناحية, مع مع وجود مهاجم أوحد أماما (سادومبا أو بكري أو..).. دا طريق أفضل للتقدم نحو الكأس في رأي و فيه إستفادة أكثر من عامل الوقت, بدل ما نقعد نرسل لسادومبا (المحاصر) و سادومبا يضطر يلف و يرجع و يفتش و تضيع الفرصة تلو الفرصة, و يتنامى الإحباط و كمية من قارورات المياه و العرق!
Post: #50 Title: Re: والله لو كورة مهند دخلت Author: khaleel Date: 09-21-2011, 06:24 AM Parent: #49
Quote: قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة! مهند أفضل من يحيل أسلوب الهلال من إرسال طويل إلي لعب ممرحل, إختراق, تجهيز موازي لتجهيز هيثم, قذائف, و فاولات رأس الخط المحتكرة بواسطة هيثم بلا طائل! لو كنت مكان ميشو كنت سوف أعتمد على ثلاث لاعبين في الوسط المهاجم, مهند في الناحية اليمنى (عشان يتغلغل و يشوت من الزاوية الشفتوها!), هيثم في الوسط, و كاريكا أو بشة أو أوتوريه أو حتى أوتوبونق من الناحية اليسرى, لأن أربعتهم ممكن يساهموا في التفكيك و الإنخراط و التجهيز من تلك الناحية, مع مع وجود مهاجم أوحد أماما (سادومبا أو بكري أو..).. دا طريق أفضل للتقدم نحو الكأس في رأي و فيه إستفادة أكثر من عامل الوقت, بدل ما نقعد نرسل لسادومبا (المحاصر) و سادومبا يضطر يلف و يرجع و يفتش و تضيع الفرصة تلو الفرصة, و يتنامى الإحباط و كمية من قارورات المياه و العرق!
صباح الخير يا المعز
اوافق بشدة
لا بديل لمهند الا مهند
Post: #51 Title: Re: والله لو كورة مهند دخلت Author: وليد عبد اللطيف Date: 09-21-2011, 06:45 AM Parent: #50
ياخي رقم ساكت مفروض مهند يكون داخل الملعب مره ياخليل عندنا واحد لابس نمره عشرة كان قاعد بره دخل الشوط التاني غير النتيجة الكوتش سليمان فارس كان متفرج دخل السياج وقال للمدرب عمري ماشفتش عشرة بتقعد بره يازول ضحكنا مدربنا جعفر عبد الرازق زعل وقال للاعب ادخلك من بداية المباراة ترقد لي برش ادخلك الشوط التاني تحرجني هههههههههههههههه
Quote: قذائف مهند ممكن تختصر الكتير لكن الأهم هو تغيير أسلوب الهلال في الإرسال الطويل و ارتداد الكرة و ولوج أهداف مباغتة و من ثم إحباط وراءه إحباط لذلك, لا بد من تغيير الأسلوب, و دا يتطلب وجود مهند كلاعب ثابت مع تحسين أخطاءه المتكررة!
Post: #52 Title: Re: والله لو كورة مهند دخلت Author: khaleel Date: 09-21-2011, 06:52 AM Parent: #51
مرة يا وليد حرس الحدود زانق الهلال زنقة مبالغة
يقوم الغزال يطلق صاروخ لم اشاهد مثله
دك به مرمي حرس الحدود
ابحث عن هذا الهدف قناة قون بتجيبو طوالي
والغريبة شات باليمين
Post: #53 Title: Re: والله لو كورة مهند دخلت Author: khaleel Date: 09-21-2011, 03:23 PM Parent: #52
هدف الغزال في مازيمبي
Post: #54 Title: Re: والله لو كورة مهند دخلت Author: khaleel Date: 09-21-2011, 03:28 PM Parent: #53
هدف الغزال في مرمي العين
Post: #55 Title: Re: والله لو كورة مهند دخلت Author: عبدالله السفاح Date: 09-21-2011, 05:05 PM Parent: #54
