Post: #1
Title: فك فك ياخي .. قلت ليكم الترجي دا لا لا لا ..
Author: humida
Date: 09-19-2011, 12:49 PM
| Quote: فك فك ياخي .. قلت ليكم الترجي دا لا لا لا .. |
الاقتباس دا بمثل واحد من كوابيسنا نحن الهلالاب في الفترة القادمة ..
بالعودة الي مباراة الترجي و الاهلي في القاهرة و التي انتهت بالتعادل الايجابي و خروج الاهلي من البطولة ..
نجد ان مشكلة الهلال في ( مدرب اللياقة ) و تعدد الاصابات بسبب نقص اللياقة ( اتوبونغو مثالا ) .. و ما ميز هذه المباراة اللياقة العالية للفريقين ..
الترجي فريق النفس الطويل .. يمتاز بوسـط و هجوم ( فت ) .. لا يمكن للاعبي الهلال الذين يعانون من الارهاق و سوء التغذية مجاراتهم ..
انتو عمر بخيت دا جاهو سكري .. مالو بقى عامل كدا ..
هيثم مصطفي لاعب مميز لكن لا يجيد الضغط علي الخصم او قطع الكرة في نصف الملعب .. و اي تمريرة خاطئة منه ( رغم قلتها ) تشكل هجمة مرتدة خطرة ..
عدم اجادة لاعبي الهلال الارتداد الدفاعي يضع الحمل علي مساوى في مواجهة هجوم الترجي الذي يفوق مساوي بدنيا و لياقيا ..
مشكلة حراسة المرمي و عدم تركيز المعز و اندفاعه خارج مرماه .. و امام هجوم مثل هجوم الترجي .. أكيد المعز ( حيجيب العيد ) علي قولة اخوانا السعوديين ..
علاء الدين شلاليت بحماسه المنقطع النظير يمكن ان يكون عنصر ايجابي ..
اقترح ان يتم تحويل بكري المدينة الي فريق الكركيت في النادي ..
|
Post: #2
Title: Re: فك فك ياخي .. قلت ليكم الترجي دا لا لا لا ..
Author: lana mahdi
Date: 09-19-2011, 01:04 PM
Parent: #1
بوست غاية في الأهمية يجب أن نأخذه -نحن معشر الهلالاب- على محمل الجد
تشكرات حميدة
|
Post: #3
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-19-2011, 01:28 PM
Parent: #2
لنا ازيك ..
و الله الرجفة حاصلة و الهلال غير مطمئن ..
المباراة الاخيرة كانت اسهل مباراة و هي المباراة الوحيدة ايضا التي كانت في متناول اليد .. و فرط فيها الهلال و وضع نفسه تحت رحمة انيمبا ..
نقاط المجموعات و طريقة تأهل الهلال في المرات السابقة كانت تعتمد علي نقاط مبارياته في ارضه .. ( 3 مباريات = 9 نقاط ) كانت كافية للصعود بكل ارتياح ..
فرط الهلال في ارضه في 3 نقاط ( مباراة انيمبا ) .. و كسب نقطتين خارج ارضه .. و صعد من الباب الضيق بـ 8 نقاط ..
سوء فرق المجموعة و هبوط مستواها الذي أدي الي تعادلين للهلال خارج ارضه هو عامل صعود الهلال ..
في المجموعة الثانية صعد الترجي بفوزين و اربعة تعادلات و بدون هزيمة .. و خرج الاهلي من البطولة بفرق الاهداف ( فوز واحد و اربعة تعادلات و هزيمة واحدة ) ..
بينما صعد الهلال بفوزين و تعادلين و هزيمتين .. و رصيده من الاهداف 6 و عليه 7 اهداف .. !!
|
Post: #4
Title: Re: فك فك ياخي .. قلت ليكم الترجي دا لا لا لا ..
Author: omer osman
Date: 09-19-2011, 01:28 PM
Parent: #2
Quote: الاقتباس دا بمثل واحد من كوابيسنا نحن الهلالاب في الفترة القادمة ..
بالعودة الي مباراة الترجي و الاهلي في القاهرة و التي انتهت بالتعادل الايجابي و خروج الاهلي من البطولة ..
نجد ان مشكلة الهلال في ( مدرب اللياقة ) و تعدد الاصابات بسبب نقص اللياقة ( اتوبونغو مثالا ) .. و ما ميز هذه المباراة اللياقة العالية للفريقين ..
الترجي فريق النفس الطويل .. يمتاز بوسـط و هجوم ( فت ) .. لا يمكن للاعبي الهلال الذين يعانون من الارهاق و سوء التغذية مجاراتهم ..
انتو عمر بخيت دا جاهو سكري .. مالو بقى عامل كدا ..
هيثم مصطفي لاعب مميز لكن لا يجيد الضغط علي الخصم او قطع الكرة في نصف الملعب .. و اي تمريرة خاطئة منه ( رغم قلتها ) تشكل هجمة مرتدة خطرة ..
عدم اجادة لاعبي الهلال الارتداد الدفاعي يضع الحمل علي مساوى في مواجهة هجوم الترجي الذي يفوق مساوي بدنيا و لياقيا ..
مشكلة حراسة المرمي و عدم تركيز المعز و اندفاعه خارج مرماه .. و امام هجوم مثل هجوم الترجي .. أكيد المعز ( حيجيب العيد ) علي قولة اخوانا السعوديين ..
علاء الدين شلاليت بحماسه المنقطع النظير يمكن ان يكون عنصر ايجابي .. |
عوداً حميداً ..........
فريق بالعلل دي كلها الانسحاب اكرم ليهو 
وممكن هلالاب سودانيز يدفعوا غرامة الكاف
|
Post: #5
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-19-2011, 01:59 PM
Parent: #4
جنابو ..
و الله التسوي كريت في جلدا .. يعدما نفاخ النار .. 
في زيارة الي منتديات فريق الترجي ( بالفرنسـي يا وهم ما تمشي تنط بيغادي ساي ) .. الناس ديل بجهزوا في الفنايل للمباراة النهائية ..
كورة الهلال دي قالوا ( حسب زعمهم ) بتكون اعداد كويس للمباراة النهائية ..
زمان خالي قال لي لو دعتك الظروف ان تتضارب مع زول اكبر منك ( حجما ) .. و خلاص حتدقا تدقا .. و لا مفر .. اديهو كف ..
هسع دي نحن حندور في المريخاب شمشمرة تقيلة لحدي يوم 01-10-2011 .. و بعدها نسافر الصين ..
|
Post: #6
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-19-2011, 02:10 PM
Parent: #5
طبعا غير سوء الفريق .. و احوال البلد .. و سعر الطماطم .. ( كل ما تضرب لزول في السودان يقول ليك الطماطم .. التقول ضارب ليهو في صحن سلطة ) ..
الاسوأ .. و الأمعط .. سوار الدهب .. و اصرار قناة الجزيرة عليهو .. و اصراره هو علي ان يكرهنا جكسا و الهلال و الوداد و تنس الطاولة و استقلال السودان و نهر الكونغو ..
ياخي انت مذيع و لا استاذ تاريخ ..
اتفائل جدا بحاتم التاج .. و عبارته الشهيرة ( القدانا بيها عوض عكاشة ) .. لقد فعلتها يا طوربيد .. ( الله يرحم ايامك يا كرنقو .. الهلال بقى يلعب فيهو بكرى المدينة ) ..
..
..
|
Post: #7
Title: Re: فك فك ياخي .. قلت ليكم الترجي دا لا لا لا ..
Author: omer osman
Date: 09-19-2011, 02:17 PM
Parent: #5
| Quote: ( بالفرنسـي يا وهم ما تمشي تنط بيغادي ساي ) |
هههههههههههههههههههههه
ماعندهم سايد بالالماني .... اصلوا الصفوة ثقافتهم المانية
|
Post: #8
Title: Re: فك فك ياخي .. قلت ليكم الترجي دا لا لا لا ..
Author: abas
Date: 09-19-2011, 03:00 PM
Parent: #7
الحبيب حميده
الترجي ياخ فريق بلعب شوط واحد بس
وشوف كل المباريات اللعبها في دوري المجموعات
|
Post: #9
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-19-2011, 03:18 PM
Parent: #8
أباس ..
كلامك دا تقوله لزول ما عندو كرت الجزيرة ..
اذا الترجي بلعب شوط واحد .. نحن ما بنلعب كلو كلو ..
الترجي الهزمناهو في امدرمان .. غير جلده .. و بقى تمسـاح عديل .. و الاستهوان بالخصم ( حلوة دي ) بتجيب الخمسات ..
حاليا الخوف من سوء الهلال .. و ليس من قوة الترجي .. حداشر الهلال غير مكأفئين لحداشر الترجي .. في كل الخطوط و جميع المستويات و كافة الاصعدة ..
الكورة الاولى عندنا .. اتنين / واحد .. تشوتك بره .. ( قون لسادومبا و قون لكاريكا قمة اجتهاد الهلال .. و قون فينا بسبب خطأ من المعز ) ..
كورة تونس .. قون من الدقيقة الاولي بسبب الكبكبة .. و اربعة اقوان علي مدار الشوطين لاسباب مختلفة ( شتارة .. عوارة .. خليفة .. المعز .. قلشت .. صفرجت .. الخ الخ الخ ) ..
|
Post: #10
Title: Re: فك فك ياخي .. قلت ليكم الترجي دا لا لا لا ..
Author: عبدالعزيز الفاضلابى
Date: 09-19-2011, 05:47 PM
Parent: #9
| Quote: حاليا الخوف من سوء الهلال .. |
رجعواالارباب قالوا الجعلي عدي يومو خنق.
عجبتني حكاية بالفرنسي دي ,,
|
Post: #11
Title: Re: فك فك ياخي .. قلت ليكم الترجي دا لا لا لا ..
Author: Abdlaziz Eisa
Date: 09-19-2011, 06:01 PM
Parent: #10
Quote:
أباس ..
كلامك دا تقوله لزول ما عندو كرت الجزيرة ..
اذا الترجي بلعب شوط واحد .. نحن ما بنلعب كلو كلو ..
الترجي الهزمناهو في امدرمان .. غير جلده .. و بقى تمسـاح عديل .. و الاستهوان بالخصم ( حلوة دي ) بتجيب الخمسات ..
حاليا الخوف من سوء الهلال .. و ليس من قوة الترجي .. حداشر الهلال غير مكأفئين لحداشر الترجي .. في كل الخطوط و جميع المستويات و كافة الاصعدة ..
الكورة الاولى عندنا .. اتنين / واحد .. تشوتك بره .. ( قون لسادومبا و قون لكاريكا قمة اجتهاد الهلال .. و قون فينا بسبب خطأ من المعز ) ..
كورة تونس .. قون من الدقيقة الاولي بسبب الكبكبة .. و اربعة اقوان علي مدار الشوطين لاسباب مختلفة ( شتارة .. عوارة .. خليفة .. المعز .. قلشت .. صفرجت .. الخ الخ الخ ) .. |
الاخ/ حميدة
سلام
كلامك ده كلام عقل والله..
لكن بهناك في.. ودالسنوسي..
وخليل المختفي اليومين ديل..
ومعاوية المدير..
باقي ليك ديل حيرضوا بكلامك ده!!!
لو الهلال انسحب كلنا نشترك في دفع غرامة الكاف..
السترة واجبة..
تحياتي
|
Post: #12
Title: Re: فك فك ياخي .. قلت ليكم الترجي دا لا لا لا ..
Author: محمد الامين احمد
Date: 09-19-2011, 06:12 PM
Parent: #11
تحية طيبة للجميع
مع انو الواحد مريخابى و لله الحمد .. و لكن ما عارف الحنيه دى جاتنى من وين الليلة
مباريات الفريق فى الدورى السودانى المفروض تؤجل !
مبارات اليوم مع النسور تأجلت
باقى الاتنين ديل
الخميس 22/9/2011 21:00 الخرطوم -- : -- الهلال
الجمعة 23/9/2011 21:00 الهلال -- : -- اهلي شندي
خصوصا ان المبارة الاولى مع الترجى ح تكون فى ارض الخصم و اللعيبة مفروض تكون على اهبه الاستعداد
اعتقد ان الهجوم ما عندو مشكلة فى الفريق ، المشكلة فى الدفاع
|
Post: #13
Title: Re: فك فك ياخي .. قلت ليكم الترجي دا لا لا لا ..
Author: Magdi Ahmed Elsheikh
Date: 09-19-2011, 07:32 PM
Parent: #12
Quote: خصوصا ان المبارة الاولى مع الترجى ح تكون فى ارض الخصم و اللعيبة مفروض تكون على اهبه الاستعداد
|
فك فك ياخي........!!
|
Post: #14
Title: Re: فك فك ياخي .. قلت ليكم الترجي دا لا لا لا ..
Author: عمران حسن صالح
Date: 09-19-2011, 08:02 PM
Parent: #13
يقعدوهم في فندق قريب من ( أمواج) **
ويبعدوا عنهم الجرايد
ويحضرو ليهو فلم أمريكي جديد كل يوم
وجلسة ونسة مع محمد موسى وإستماع من نهي عجاج
وكل لا عب في غرفه لحالو بعد هلاكـ تمارين يجي ينوم من عشرة ( بعد جلسة دلكـ صيني يومية )
مافي فول ولا سخينة ( أكان فكو اللاعبين لبيوتم ما عندهم طريقة مع اللحمة والطماطم الطار ده )
ويدفعوا ليهم مقدم الفوز (بالدولار)
و
و
و
و
بس
___________ ____________________________________
** إلا إذا تطوَر الأمر أكثر وتم فتح فرع لـ chilis مع الثورة الحضارية المالية البلد
|
Post: #15
Title: Re: فك فك ياخي .. قلت ليكم الترجي دا لا لا لا ..
Author: عمران حسن صالح
Date: 09-20-2011, 08:31 PM
Parent: #14
اقتراح بيض ولا شنو يا حميضــة ؟؟
|
Post: #16
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 10:08 AM
Parent: #15
| Quote: رجعواالارباب قالوا الجعلي عدي يومو خنق |
و الله كلامك فيهو شئ من الصحة يا الفاضلابي ..
مباراة الهلال و الاهلي الشهيرة ( لقد فعلتها يا طوربيد ) ساهم فيها الارباب بشكل كبير من خلال شحن الجو العام و كهربة العلاقات المصرية السودانية ..
الامين البرير شخصية ضعيفة ماديا و معنوياً و ليس بقامة الهلال .. و لا يستطيع الصمود امام لوبي اللاعبين بقيادة هيثم مصطفي ..
لكن يبقى ضعف اللياقة البدنية الذي ظهر جليا في مباراة الامس ( الهلال و الارسنال ) .. نقطة ضعف كبيرة لا يمكن للهلال تجاوزها في الايام المتبقية ..
ما عدا اتير توماس .. لاعبين الهلال راقدين سلطة .. و في مباراتين تم استبدال نجم الهلال الاول سادومبا لضعف اللياقة البدنية و الارهاق .. خصوصا اذا اخذنا في الاعتبار التباعد بين خط الظهر و الهجوم ..
و لجوء الهلال ( خطة ميشو ) الي الارسال الطويل الذي ينهك اللاعبين بالجري وراء الكرة ..
|
Post: #17
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 10:17 AM
Parent: #16
| Quote: باقي ليك ديل حيرضوا بكلامك ده!!! |
عبد العزيز ..
في ناس في الهلال لحدي هسع بقولوا ليك ميشـو ليه ما بلعب مهند الطاهر .. و كثير من هذه الزمزغة ..
المشكلة ما في اللاعب الفلاني و لا اللاعب العلاني .. المشكلة في الكلية كلها .. جميع لاعبي الهلال يعانون من الارهاق و طريقة اللعب العشوائية التي ينتهجها ميشو ..
ليس للهلال تشكيلة ثابتة .. و فقد الدوري بسبب التغيير في المراكز و اصرار ميشو علي اسماء بعينها .. و خلو التسجيلات السابقة من نجم مقنع .. و كما يبدو لي اننا في الطريق لاكتشاف ماسورة جديدة اسمها توريه ..
المعز ايضا يعتبر نقطة ضعف و ثغرة كبيرة في الهلال .. في مباراة الامس ( الهلال و الارسنال ) تعرض المعز لاصابة في الكتف بسبب تصرفاته الغبية .. و بدل من اخراج الكرة بسرعة من امام المهاجم المندفع خلف الكرة تباطأ فيها و لحق به المهاجم مما ادى لاصابته ..
|
Post: #18
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 10:19 AM
Parent: #17
Quote: الخميس 22/9/2011 21:00 الخرطوم -- : -- الهلال
الجمعة 23/9/2011 21:00 الهلال -- : -- اهلي شندي |
علي حد علمي ان المباراة التي تم تأجيلها هي مباراة الامل ..
|
Post: #19
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 10:23 AM
Parent: #18
| Quote: * إلا إذا تطوَر الأمر أكثر وتم فتح فرع لـ chilis مع الثورة الحضارية المالية البلد |
عليك الله يا عمران .. بكري المدينة دا لو ودوهو chilis مش مفروض يعملوا ليها تأشيرة شينغن عشان يخش ..
حاليا قالوا معسكرين في برج الفاتح .. و برج الفاتح دا برد شديد .. نزلت فيهو في سنة 2009 اول ما فتحوهو .. تلاتة ايام ما قادر اطلع من تحت البطانية .. كهربا شديدة .. و جكس ذي اللوز بالفستق بالطحنية يا باسطة ..
..
..
معليش في القرية الظالم اهلها دي ما قاعد كتير .. بطني طمت و جاني سوء هضم ..
|
Post: #20
Title: Re: فك فك ياخي .. قلت ليكم الترجي دا لا لا لا ..
Author: محمد عبد الماجد الصايم
Date: 09-26-2011, 10:55 AM
Parent: #19
حميدة يا عمكـ .. الهلال خليهو هسي
إنت سمعت إنو مورتا بقى مغترب وجا الرياض؟
|
Post: #21
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 11:08 AM
Parent: #20
| Quote: إنت سمعت إنو مورتا بقى مغترب وجا الرياض؟ |
يعني طيفور ما عمل ليهو حاجة في الموضوع ..
|
Post: #22
Title: Re: فك فك ياخي .. قلت ليكم الترجي دا لا لا لا ..
Author: وليد عبد اللطيف
Date: 09-26-2011, 11:12 AM
Parent: #20
Quote: حميدة يا عمكـ .. الهلال خليهو هسي
إنت سمعت إنو مورتا بقى مغترب وجا الرياض؟ |
صحيح ياعمك
ياخي مورتا دا كارثة متحركة
من الافضل تحويلة جدة
تحسبا لاشياء كثيرة
|
Post: #23
Title: Re: فك فك ياخي .. قلت ليكم الترجي دا لا لا لا ..
Author: awad okasha
Date: 09-26-2011, 11:17 AM
Parent: #20
| Quote: ( القدانا بيها عوض عكاشة ) |
يقد بنطلون الجينز الجديد بتاع ( سمينا ) داك .. | Quote: الامين البرير شخصية ضعيفة ماديا و معنوياً و ليس بقامة الهلال .. و لا يستطيع الصمود امام لوبي اللاعبين بقيادة هيثم مصطفي .. |
في الحالة دي ميشو ممكن نقول عليهو جون سينا ..
| Quote: المعز ايضا يعتبر نقطة ضعف و ثغرة كبيرة في الهلال .. في مباراة الامس ( الهلال و الارسنال ) تعرض المعز لاصابة في الكتف بسبب تصرفاته الغبية .. و بدل من اخراج الكرة بسرعة من امام المهاجم المندفع خلف الكرة تباطأ فيها و لحق به المهاجم مما ادى لاصابته .. |
دي احرف لقطة شفتها للمعز مؤخراَ..
عارف حجم وضغوطات المبارة الجاية ..
عوق نفسو بنفسو عشان يكون ( معذور ) وقتها .. 
|
Post: #24
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 11:25 AM
Parent: #23
| Quote: من الافضل تحويله جدة |
و الله الاجاويد ما بقصروا .. ممكن يضربوا لطيفور يشوفوهو طنش الزول دا ليه ..
السعودية يا مورتا .. يا شماتة ابلة ظاظا فيك .. ضيعت قروشك في سلتي ساي ..
|
Post: #25
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 11:28 AM
Parent: #24
يا اووووكش ..
بنطلون سمينا دا انا خاتيهو للحرب العالمية الثالثة .. احتمال الناس ديل يحتاجوا لبرشوت ..
قالوا الدعيع لمن شاف المعز وقع .. طوالي طرش ..
|
Post: #26
Title: Re: فك فك ياخي .. قلت ليكم الترجي دا لا لا لا ..
Author: Dalal Ezzaldin
Date: 09-26-2011, 12:22 PM
Parent: #25
حمدلله على السلامه يا حميده
انا شغاله بي سياسه (اتوقع الاسوء) عشان يخيبوا املي
بحب الهلال بس نعمل شنو ما في ضمانات
|
Post: #27
Title: Re: فك فك ياخي .. قلت ليكم الترجي دا لا لا لا ..
Author: humida
Date: 09-26-2011, 12:47 PM
Parent: #26
يا دلال .. الله يكضب الشينة ..
|
Post: #28
Title: Re: فك فك ياخي .. قلت ليكم الترجي دا لا لا لا ..
Author: قيقراوي
Date: 09-26-2011, 01:56 PM
Parent: #27
بطنك طامة للدرجة دي!!
التعديل لحذف الجزء الكنت ملخبط فيو ساي!
|
Post: #29
Title: Re: فك فك ياخي .. قلت ليكم الترجي دا لا لا لا ..
Author: nazar hussien
Date: 09-26-2011, 02:39 PM
Parent: #28
الهلال دا مع الكبار كبير...يا حميدة...
ولا تقارن لعبه مع اهلي شندي بما سيكون عليه الحال مع
الترجي...
وحا تشوف...توريه الجد...يوم الترجي...
لن يكون الهلال سهلا للترجي...وشوف الكورة بي قلب قوي..
نعدي كورة ام درمان ونمشي نلغيها في تونس...بي شمروخ
شمروخين...
|
|