مهم وعاجل وخاص جداجدا للهلالاب

لا تأخذوا المريخاب بجريرة بعض كججتهم (جمع كج) ..
يتبع ...

البوست دا الهلال .. حمام وطار ... ما احترمتونا
فيهو كلو كلو ..
أتكلم أصالة عن نفسي ونيابة عن من لف لفي ..
يتبع ..

قناعتي أنو مزمل أبو القاسم مثلا كج كبير لا يكتب عن المريخ متفائلا إلا وحدث عكسه
ففاز الهلال أو خسر المريخ ..
وباعتبار أن سخريته من الهلال هي في الحقيقة رد على سخرية أقلام المعسكر الآخر من المريخ
لكن هذا لا يعني أن يصطلي عامة المريخاب بنيران شفوت الهلال بالمنبر فلا ذنب لنا
نحن المسالمين وكل شاة معلقة من عرقوبا ..
وأخونا يوسف الدفينة العضو الجديد المتحمس للمريخ وبعد متابعتي له في كم بوست
أيقنت أيضا أنه كج مريخابي آخر لا يتمني أو يتوقع شىء إلا حدث العكس تماما وهو
ما يجعل قيامتنا تقوم ولا تقعد مع الهلالاب القانصين لمثل هذه الحركات بيد أن الجماعة
ديل لما يقوموا لا يعرفوا صديق ولا نبي فالمريخابي عندهم هو ذلك الحاقد الحاسد الدلقان
الصفتو والصفتو ..الخ .
يتبع ......

بالطريقة أخشي والله إذا فاز الهلال باللقب أن يطالبنا هلالاب المنبر بحلاقة
أشنابنا لأن مريخابي أسمه فايز ود القاضي راهن بشنبو في حالة فوز الهلال
يا جماعة فرزوا فرزوا فرزوا ما تاكلونا حنك ساي .
يتبع .....

حبيبنا

ولا يهمك


يا ريت لو كلهم زيك كده

ولا يهمني كيف يا عباس أخوي وكل يوم لحمي كمريخابي مأكول في المنبر دا ..
إتوا يا هلالاب التبعيض دا في قاموسكم مافي أصلو ؟
قصة غريبة وحاة الطلاق .

Quote: وأخونا يوسف الدفينة العضو الجديد المتحمس للمريخ وبعد متابعتي له في كم بوست أيقنت أيضا أنه كج مريخابي آخر لا يتمني أو يتوقع شىء إلا حدث العكس تماما وهو ما يجعل قيامتنا تقوم

وشهد شاهدٌ من أهله أنّه كُج



ــــــــــ
يا طلحة دة كجَّ ريال مدريد رغم نجوم الملايين

وشهد شاهدٌ من أهله أنّه كُج

وحات الخوه يا صبري


الزول ده مفروض ناس المريخ يطلعو بيان يقولو ما عاوزينو


ده خايفو يكون كاجي نفسو زاتها

Quote: بيد أن الجماعة ديل لما يقوموا لا يعرفوا صديق ولا نبي فالمريخابي عندهم هو ذلك الحاقد الحاسد الدلقان الصفتو والصفتو ..الخ .

يازول الفات دا كلو سيبو

الجاي مكرر

يا صبري طه
مثل ما للمريخ كججة للهلال مثلهم
لكن بدأ يتكون عندي شعور أن كججة المريخ أشد وأقوي كجا من كججة الهلال
بدليل أنو قبل كدا راهن هارون دياب على فوز المريخ ببطولة سيكافا فدخل
بعض كججة الهلال ذلك البوست وحلفوا أنو ما ح يفوز وفعلا دا الحصل ..
كتا متوقع أنو كججة الهلال ديل يقلبوا الحكاية لصالح هرون دياب لانو كج
واحد مقابل عشرة من الهلال لكن الحصل أنو الواحد دا فاز عليهم كلهم ..

مبالغه لكن ...






طلحه ازيك ياخ ..

سلامات يا عبد اللطيف
زي ما قاليك علي محمد علي
مبالغة لكن
يا أبوعلوة ازيك كتير ياخ .

أسه المبالغة شنو في حاجة زي دي تحمل إيحاءات لا أخلاقية ؟
نحن كهلالاب ممكن نعمل مليون حاجة زي دي لكن ما حتلقي هلالابي واحد ممكن ينزل للدرك ده ..

عرفت الفرق يا أبو علوه بينا و بينكم و لا لسه ؟؟
عرفت ليه نحن في دوري الأربعة في أبطال أفريقيا و أنتو ماشين تلعبو مع جزيرة الفيل ؟؟


بالنسبة لصاحب البوست فأنا نيابة عن ود البشري بقول ليهو قوم لف ..

يا أبو الخلد أنا قلتا مبالغة للحاجة القاصدا إتا دي ذاتا
بالنسبة للففان وود البشرى والذي منو لا تعليق .