في أمر السترة و الفضيحة ...

تتنازعني مشاعر شتى في قصة تأهل الهلال لدور الأربعة
اعتزاز بالتأهل و التواجد بين اربعة القارة الكباااااار أوي أوي وما يترتب على هذا التواجد من تقدم في التصنيف وزيادة في رصيد النقاط تسمح بمشاركة باقي الاندية السودانية التعبانة في البطولتين
و خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها يوتيوبات بني عمومتنا الطيشاب حينا من الدهر
و بصيص امل كيف كيف ما عارف ان يفعلها اولادنا ويكونوا عند الموعد و يخذلوا سوء ظني فيهم وقد فعلوها من قبل
وخجل من فكرة ان حتى هذا التاهل كان عودنا فيه عود مرة و الفضل من بعد الله لأنيمبا
وحقد على كون الرجاء احرز النقطة الثالثة له و شارك وصيفنا الحبيب في رقمه القياسي كطيش طيشة افريقيا فجزء حقود من قلبي كان يتمنى الهزيمة للهلال حتى يحصل الرجاء كما مولودية على خمس نقاط ويظل ريكورد طيش المجموعتين و البطولتين عالقا بوصيف السنين

غايتو البقت بقت بعد دا ووقت اتبلبلنا النعوم عومنا
فيا ميشو الله يهدينا ويهديك الوضع ما بتحمل و ما تبوظ اعصابنا بسجم رماد التعاون و بطيخ الربيع
و بالله لعب لينا مهند من بدري و شوف طريقة لي توريه اليلعب لعبو الزمن الصفاقسي
وكان للمعز ياهو قدر الله ما عندنا غيرو بس زبط ليه الدفاع قدامو باي طريقة ان شا الله تلعبهن خمسة اربعة واحد اصلو زي الترجي دا كان بصرنا فوقه ياهو قون واحد ما بنزيدو
والله كريم علينا

ودالبشرى
سلام
والله بقت حالتنا زي اغنيه هاشم ميرغني
ما شوق لي ما عرفت اضحك ولا ابكي

لكن يا معلم منو الكان قايل اننا ممكن نطلع الافريقي الطلع الزمالك

نوم الترجي على سهوله المباراه قد يفيدنا

يا ها زاتها يا فدياس الما عرفت اضحك ولا ابكي
يعني حظ عترص زي دا ما لاقاني قبل كدا
انا قافل كنت انيمبا يفتح للقطن و نليّسها فيه ونسل لسانا فوقو وفي فساد الافارقة
ونعمل فيها ظلمونا و نقعد نتفرج بمزاج في بهدلة الترجي للقطن و من بعده انيمبا
لكن الله غالب
وقت مرزقين قدر دا ومشت معانا باسطة يمكن تدينا عسلها للآخر هو نوز
كورة الترجي دايرة اعداد جد ودايرة رجالة جد
خرعنة المعز و علقنة الدفاع دي ما بتنفع فيها

Quote: خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها

أخونا محمد البشرى ...
الترجي أخفّ على الهلال من الوداد ...
والسبب أنّ إيقاع اللعب عند الوداد أسرع من الترجي ...
وسرعة إيقاع اللعب تتعب الفرق السودانية عموماً حيث بطء الأداء ...


ولك ودّي ،،،

سلآم يا ود البشرى،
وتحايا ليك وللوليدات.

غايتو نخُت الخمسة فوق الإتنين مبدئياً
كده، ونسف العِشبة لمان نشوف البيحصل
شنو؟؟؟




العِشبة: نوع من النبات يسفه أهلنا للتداوي،
والبيكون سافي العِشبة بيكون سااااكت
ما بيتكلّم...

كيفك ود المدير
لا ياخوي العشبة تسفها بعدين وقت يحصل امر الله و الباقية تبقى
الحين و اسبوعين لقدام تسل لسانك في الوصيفاب الطيشاب المحلياب الطايراب من قولة تيت ديل
تخلس القديم و الجديد ما معروف شن البصير لي قدام
ناس المعز دل بسففونا ليها جردقة و حلبة و حرجل عديل كدا

والله يا صبري ياخوي الاتنين خطرات علينا
آكشوالي بحارسنا و فارسنا الهمام دا ورفاقه الميامين كوانين و رواكيب الدفاع و تراجع مستوى علاء الدين
اي حداشر لاعب معاهم كوتش خطرين علينا
ياخ لا ابالغ لو قلت ان حتى المحلي وصيف السنين برواكيبو وكرورو دا خطر علينا

المهم الحصل حصل وملاقاة الترجي صارت امر واقع
و السترة و الفضيحة متباريات فالمسألة لا تحتمل سبهللية او اهمال في الاعداد
ليت الهلال يلعبلو كورتين تلاتة دوليات وديا بنفعننا لي قدام

Quote: ليت الهلال يلعبلو كورتين تلاتة دوليات وديا بنفعننا لي قدام

يا ريت الهلال يلعب مباريات إعدادية مع الفرق التالية:-

1- الأهلي المصري
2- الاتحاد السعودي
3- الأهلي أو الشباب أو الهلال السعودي

وكما لا بد أن يتم رفع مستوى اللياقة البدنية والذهنية إلى أعلى درجة ممكنة ...


ـــــــــ
وعليك الله هسي شوف ...
بينما تستعد غانا للفريق القومي السوداني بالبرازيل وكولمبيا فريقنا القومي أخبارو شنو ما معروفة !!!

الاهلي و الاتحاد السعودي!!
يا معلم ديل ما بنقدر عليهن هسا يكونوا دايرين قيامة رابطة و ينزلوهن في برج الفاتح بي خمة القروش
قصدي اتيام ناس قدر ظروفك زي ناس الشباب و سيمبا و ناساروا يجيبوهم بالعشا و الفندق زي وصيفنا الكان ماشي يلعب في السعودية بالعمرة

مبروك يا هندسه


في ملاحظه في الترجي


انو بلعب شوط واحد

ولاحظ كل المباريات في المجموعات بكون الشوط الاول ميه ميه التاني بكون سلطه وفي جميع المباريات بكون كده


دي في صالحنا

يا عبس كان قافل على دي يانا الواطاتنا صبحت
لأنو الهلال زاتو برقد سلطة الشوط التاني و احيانا بقدمو السلطة بدري بدري من الشوط الاول
غايتو اسبوعين عندنا ما عارف يقدروا يعملوا شنو فيهن لي اللياقة

الف مبروك اخي ودالبشرى وكل لهلالاب خاصة واهل السودان عامة بتأهل الهلال...

واملنا كبير في وصول الهلال لما يصبو اليه...

وامنياتنا له بالتوفيق ورفع اسم السودان عاليا بين الامم...

ولامستحيل تحت الشمس وماحدث اليوم خير دليل

وارموا قدام

Quote: واملنا كبير في وصول الهلال لما يصبو اليه...

املنا !!
ياخوي عليك الله تعال لينا بالدرب العديل شايل شماتك في يد وشنبك في اليد التانية زي باقي الوصيفاب
لكن حركات دوّر دوّر منّي منّي مافي زين
ثم ياخي هلكتنا
كدي النسالك آخر بوست كتبتو عن المريخ كان سنة كم.؟
ماممكن كتابتك كلها الهلال فعل الهلال ترك مبروك للهلال هاردلك للهلال اللهم فرجها على الهلال



اها عدلناها يا دكتور
حل عن سما الهلال يلا

هلكنا الهلال يا ود البشرى وجهجهنا،
يتغلب تزعل تقبل منو وشك، يقوم يغلب يدغدغ مشاعرك ترجع،
وبقينا ياخ ما بنقدر ع التلتلة دي، وما عارفين آخرها وين،
الواحد كان ليهو اسبوع من يوم أنيمبا، كورة في التلفزيون ساكت بتزاوغ منها بالمغصة،
هسع غلبنا النقولو،
غايتو بوستك ده عبّر عني

Quote: يا عبس كان قافل على دي يانا الواطاتنا صبحت لأنو الهلال زاتو برقد سلطة الشوط التاني و احيانا بقدمو السلطة بدري بدري من الشوط الاول غايتو اسبوعين عندنا ما عارف يقدروا يعملوا شنو فيهن لي اللياقة

اكبر لااااااااااااااايك.

سلام يا ود البشري وعباس

Quote: في أمر السترة و الفضيحة ...

على زماننا كن ( متباريات ) .... الحجل بالرجل

Quote: وخجل من فكرة ان حتى هذا التاهل كان عودنا فيه عود مرة و الفضل من بعد الله لأنيمبا

يا جندريات المنبر ( والمنابر المجاورة ) إتحدن

Quote: و خوف بل وهرشة عديييل كدا من ملاقاة الترجي البرشا خطير والخوف ليس من الخروج على يديه بل الخروج بهزيمة مجلجلة تسري بخبر انبراشاتها و بيضاتها وخمساتها و ستاتها يوتيوبات بني عمومتنا الطيشاب حينا من الدهر

إنت بتقول فيها ؟؟
بدأها سعادتو Omer Osman
حتى ما أعطى الناس فرصة يوزعوا الحلاوة والشربات

وسؤال جانبي

البرنس هيثم مصطفى عارف موضوع البوست دا ؟؟
أصلو جانا الخبر من محمد عادل ( الذي لا يسأل مثله عن مصدر ) جانا الخبر أنه ( أى هيثم ) قد إعتزل اللعب وختم مشواره بالتأهل للمربع الذهبي



_________________

سلامات يا هندسة

انت جيت يا معلم

والله انا قلت بعد كورة انيمبا

تاني ما نشوفك الا في الربع الجديد

الحبيب ود البشرى
مليون مبروك لتأهل هلالنا لمجموعة الكبار ونسأل الله التوفيق في المرحلة القادمة

Quote: وكان للمعز ياهو قدر الله ما عندنا غيرو

يا أخي المعز دا لا يعتمد عليه ويجب إبعاده من المنتخب في المرحلة القادمة
لايتابع الهجمة بصورة جيدة
يخرج من مرماه بدون توقيت معقول
حركته بطيئة نظرا لوزنه غير اللائق لحارس مرمى
دائما سرحان كأنه في عالم السطلان
جمعه احسن منه مليون مرة

تحياتي ومودتي

Quote: لا ياخوي العشبة تسفها بعدين وقت يحصل امر الله و الباقية تبقى الحين و اسبوعين لقدام تسل لسانك في الوصيفاب الطيشاب المحلياب الطايراب من قولة تيت ديل تخلس القديم و الجديد ما معروف شن البصير لي قدام ناس المعز دل بسففونا ليها جردقة و حلبة و حرجل عديل كدا

كلام معقول












---------

اليوم خمرٌ و غداً امرو ..

او تعملوا رايحين عديييل

المافي شنو!؟

ودالبشرى والمحتفلون معه بالفوز
والخايفييييييييين من الترجي
مبروكين
كنا اوائل المرشحين للتأهل بنقطة انيمبا في نيجيريا
وصرنا مُرشحا للخروج بجدارة بنقاط انيمبا الثلاث في الخرطوم
واصبحنا في دور الاربعة بنقطة الرجاء في المغرب
ها يا زووووووووووووووووول
بعد دا أملنا في الكاس كبير
و .............................بالخير تجدوه

والله يا عمكـ .. (لايكـ) .. و(أن لايكـ) في ذات الوقت!!

ودالبشرى
ياخ مبرووووك والفرحة كبييييرة شديد
الترجي خطير برشة - ايوا صاح
لكن دا قدرنا كدا نقابل ناس زي ديل
الغيرنا نايمين من مدني لي كادوقلي
راحة ساكت

ربنا يسهل امر الترجي وأمر الكاس انشاء الله

الصادق