Post: #3 Title: Re: تضامنا مع قيادتي واهلي بالسودان.. اعلن مقاطعتي للحوم بكافة انواعها Author: سيف النصر محي الدين Date: 09-18-2011, 11:51 AM Parent: #2
المندي كيف يا ود الباوقة؟
بعدين حساء الخضروات ده شنو كمان نسأل الله السلامة؟
ود الباوقة اللذيذ تفاحا كدي أحلف هنا مع أني عارف أنك بتؤمن بمقولة خالنا لما حلفوه على الزكاة وكان مسجل راتبو 3000 ريال ،،،، قال ليهم: كان فيها هليفة نحلف على 1500 بس. تحلف أنك أيام المقاطعة لم تتناول الكمونية.....
أقسم بالله ذهب عنكم الحياء وليوم الدين صديق حيدوب بتعرفوا ؟ وعلى قناة الشروق أمس بالليل قال الجبايات الحكومية تساوي 25% من سعر كيلو اللحم ؟ وذكر الجبايات التي تبدأ من أسواق المواشي ، وهي الرسوم الإدارية والتي تحمل كم اسم و مرورا بأي محلية تمر بها هذه المواشي خلاف نقاط التفتيش البوليس والجيش النظامي والشعبي في اي خيمة جاهزين وفاتحين خشومهم لحقهم ني ، والمؤسف غلاء النقل بالسكة حديد تصدق لمن تتبع السكة حديد حتى تكون أسعارها مثل الجرارات أو تنافس أسعارها ؟ وكمان تجوا تقولوا بنتضامن مع الجوعى ؟؟؟ أستحوا الشفيع إبراهيم
يعني بدل التضامن واللعب على الذقون والحيل التي يمارسها جماعتكم .... فقط المطلوب تنازل الحزب اللئيم عن نسبة ما قدره 25% في كل كيلو لحم يشتريه المواطن ... وفق تصريحات صديق حيدوب - وستكون النتيجة نزول سعر اللحوم بشكل مقبول ومرضي ومعقول ... بلاش استهبال معاكم ... قال تضامن .... تقتلوا المرحوم وتنصبوا له سرداب عزاء وتبكون كأنه مات غرقا ؟؟ الشفيع
Post: #38 Title: Re: تضامنا مع قيادتي واهلي بالسودان.. اعلن مقاطعتي للحوم بكافة انواعها Author: محمد الامين احمد Date: 09-18-2011, 09:43 PM Parent: #36
تحية طيبة للجميع
عمنا اللى اتكلم فى الدقيقة 3:05 قال كلام ممتاز و نقاط ممكن يبتدى منها السيد الرئيس كـ خطوات اساسية لحل المشكلة بدلا عن
جعل نفسه اضحكوة باعلانه و حكومته مقاطعة اللحوم ( و اقسم ان من بين بيته من اشترى اللحم اليوم - معلومة مؤكدة جدا جدا)
المهم ، كما قال عمنا
1- ايقاف الصادر من اللحوم - لا يعقل ان يكون كيلو اللحم فى السودان سعره مساوى ان لم يكن اعلى من مثيله فى مصر و الامارات و غيرها من الدول
2- خفض الضرائب على اللحوم الى الحد الادنى
3- تسهيل العمل بـ بوابه القلابات ، و الاعتراف ان هناك مشكلة فى اللحوم القادمة من غرب السودان و القادمة من دولة جنوب السودان بسبب الاوضاع الغير مستقرة
4- نسمع منكم .............................
كلمة اخيرة : المقاطعة الآن ليست الحل ، و كما ذكر احد المتحديثن ان هذة الحملة كانت ستكون ذات جدوى ان كانت فى الصيف !
و هذا صراحة يجعلنى اشكك فى نية من اطلق هذة الحملة ، فكل المثقفين و الاقتصادين الذين اعرفهم فى واقع الحياة او هنا على المنبر اكدو ان هذة الحملة غير مفيدة
Quote: يا بت الجنيد بالله اتخيلي شعور ناس الباوقة كان سمعوا انو ولدهم بياكل حساء و معجنات؟ اكيد حيفتكروهن ادوية و احتمال ناس يركبوا يجوا الرياض عديل عشان يطمنوا على ود الباوقة!
لووووووووووووووووووولز حبابك اخوي سيف النصر ,, صدقت والله إنت في الحساء ولا قال المعجنات قاصد بيها الزلابية لوووولز زلابية شنو يا ود الباوقة ياخ ,, ما تقول لقيمات سااي وتريحنا بعدين متييييييييييين نحن السودانيين وناس الأقاليم بالزات بنقول للسليقة حساء ؟
دينق ياخ ما تعصر على الزول شديد كده ؟ بعدين هو في تضامن من اجل حبة جوع , يا دوووووووووب يتناول حساء تقول ليهو آيسكريم وباسكن روبن وحركات الحنكشة دي ياخ . لووولز
ود الباوقة يا خوي انا عارفااااااااك زول طيبان جدا وعلى نياتك رغم إنه ما اتلاقينا إلا غسفيريا لكن ردودك ومداخلاتك بتقول كدة ,,, ربي يديك الصحة والعافية ويخليك لي وليداتك ويخليك ليهم بعدين دي مجرد ونسة اخوان ساي ما تأخد في بالك , اكل يا يابا اكل اي شيء إن شاء الله ينفعك ,
Quote: والله يا ود الباوقة يا أخونا قصتك بقت زي قصة ماري أنطوانيت والكيك.
كويس الما بقت زي
ليلى مجنون
دي طبعا واحد بنغالي اتصل على
وقلت ليه وين انت الان
رد علي
انا في ليلى مجنون
ويقصد مجنون ليلى التي تقع في محافظة الافلاج التابعة لمنطقة الرياض
لكن يا دينق الليلة اتلحتني تتليحة
لا بعدا ولاقيلا ..
Post: #41 Title: Re: تضامنا مع قيادتي واهلي بالسودان.. اعلن مقاطعتي للحوم بكافة انواعها Author: محمد أبوالعزائم أبوالريش Date: 09-19-2011, 06:42 AM Parent: #39
Quote: وساكتفي بتناول حساء من الخضروات
مع قليل من المعجنات ..
تعرف يا (ماري أنطوانيت)، اللحمة الناس نسوها من زمان، مش عشان المقاطعة، لكن لأنهم ما قادرين يشتروها، وهسي الخضروات العايز تعمل منها (حساء) دي برضهم ما قادرين عليها. تعرف كيلو الطماطم بي كم؟ وربع البصل بي كم؟
_____ حسب نظرية السيد الرئيس، المقاطعة دي فيها دعم مباشر للأغنياء الذين سيستفيدون من وفرة اللحوم وانخفاض أسعارها.
رغم كده، بقول ليك، خليك في المواضيع دي أحسن من نقل الأخبار من الموقع العملت لينا بيهو خوتة أخيراً ده، وفي النهاية جاب ليك الكلام.
Post: #44 Title: Re: تضامنا مع قيادتي واهلي بالسودان.. اعلن مقاطعتي للحوم بكافة انواعها Author: محمد أبوالعزائم أبوالريش Date: 09-20-2011, 06:29 AM Parent: #41
