Post: #1 Title: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 11:50 AM
Post: #2 Title: Re: سعودي يسخر من الخطاب الأنقاذي(فيديو). Author: خضر الطيب Date: 09-17-2011, 12:11 PM Parent: #1
سلام دكتور سيف بقينا ملطشه يا اخوي لكن الجداوي دا مبالغه
Post: #3 Title: Re: سعودي يسخر من الخطاب الأنقاذي(فيديو). Author: عبد الملك يوسف الملك Date: 09-17-2011, 01:12 PM Parent: #2
ماعلاقة الخطاب الانقاذي بهذا الهراء وانت مبسوط للاخر والرجال - بتشديد الجيم - يسخر من السودانيين وهو لايعرف حتى من هو الحزب الذي يحكم السودان
هذه ظاهرة خليجية مبرمجة بدأت في الكويت من ذلك الممثل المتكرش- حاجة كده داؤود- الذي تعود ان يسخر بالسودانيين ويصور الفنان السوداني وهو يغني ازيكم وياكل مناديل الكلينيكس التي امامه
طبعا معظم المغتربين في الخليج يعانون من هذه السخرية التي تاخذ اشكالا مختلفة كالمناداة ب (يازول) وهم ينطقونها بشكل غريب ومقرف
اخطر ما في الامر بدلا من ان نقاوم هذا التعدي على الشخصية السودانية نفرح بها ونقول فنان سعودي من الخطاب الانقاذي بكرة حايظهر واحد يسخر من الصادق المهدي وبعده واحد يحاكي ضحكة السيد الميرغني وفي النهاية هذه الصورة التي يريدون ان يرسمونها للسودان
فلاندع ذلك يمر لهذا العربي ايا كانت جنسيته فرصة واسعة لاضحاك الناس من بني جلدته بعيوبهم وعاداتهم ولهجاتهم
Post: #4 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 01:49 PM Parent: #3
يا عبد الملك سبحان الذي اطلعك على خزائن غيبه و أمكنك من معرفة ما في الصدور. هسه وين شفتني مبسوط على الآخر ؟ بعدين الخطاب الأنقاذي لعلمك أكثر هراء من هذا الذي بالمقطع.
Post: #5 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 02:39 PM Parent: #4
Quote: لكن الجداوي دا مبالغه
سلامات يا خضر سودانيين جدة مؤثرين بقوة على الحياة الجداوية.
Post: #6 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 03:17 PM Parent: #5
اوع تكون يا عبد الملك قايل صورة البروفايل دي كانت أثناء مشاهدتي للمقطع!
Post: #7 Title: Re: سعودي يسخر من الخطاب الأنقاذي(فيديو). Author: خالد عبد الله محمود Date: 09-17-2011, 03:27 PM Parent: #6
قوية دي يا دوكـ .. أنا غايتو مبسوط للآخر .. الزول ده فنان و إستطاع أن يقلد السودانيين المنظراتية بصورة ممتازة ... أستغرب أين السخرية في هذه المقطع ؟ الرجل لم يتبلي على السودانيين و التنظير القالوا في سودانيين قالو أكثر منو و عندك مشروع المترو الحيتم في اسبوعين !!
بس جارين للشكية !!
Post: #8 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 03:37 PM Parent: #7
Quote: أنا غايتو مبسوط للآخر
شيل شيلتك مع عبد الملك يا ابو الخلد تعرف ناس كتار غير سودانيين و بالاخص السعوديين بيشوفوا القنوات السودانية و كمان ما تنسى قناة الجزيرة برضو ما مقصرة في نقل الخطابات العنترية لمنسوبي الانقاذ و زي زولك المسألة تجيهو مقشرة.
Post: #9 Title: Re: سعودي يسخر من الخطاب الأنقاذي(فيديو). Author: خضر الطيب Date: 09-17-2011, 04:07 PM Parent: #5
تسلم دكتور سيف
ممكن تدينى سحبه شويه في عبد الملك دا ؟
لو سمحتا
Post: #10 Title: Re: سعودي يسخر من الخطاب الأنقاذي(فيديو). Author: محمد البشرى الخضر Date: 09-17-2011, 04:20 PM Parent: #9
معقول يا دكتور!! الراجل بمارس في الرذالة الخليجية المعتادة على السودانيين و لهجتهم وطريقة نطقهم للحروف نطق القاف غين و تزعة دا ما خطاب انقاذي يا دكتور وانت سيد العارفين ولا الفكرة عجبني للمارقوت او نحوها
Post: #11 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-17-2011, 04:30 PM Parent: #10
Quote: ولا الفكرة عجبني للمارقوت او نحوها
سلامات يا ود البشرى من ناحية الرزالة فهي موجودة و بتصادفنا كل يوم و بنرد عليها بما تيسر، المشكلة هنا بقت علينا اتنين التنميط المعتاد اضيف عليهو النفخ بتاع ناس الانقاذ.
بعدين بيني و بينك فكرة المرقوت دي بتكون في.
Post: #12 Title: Re: سعودي يسخر من الخطاب الأنقاذي(فيديو). Author: AMNA MUKHTAR Date: 09-17-2011, 05:54 PM Parent: #11
مبالغة يا دوك ...
Post: #13 Title: Re: سعودي يسخر من الخطاب الأنقاذي(فيديو). Author: عبدالعزيز عبدالله محمد Date: 09-17-2011, 06:44 PM Parent: #12
الاخ سيف النصر والاخوة المتداخلين لكم التحية
والله انا من وجهة نظري شايف انو الموضوع عادي والكل بيقلد الكل وما اظن في اكتر مننا انحنا السودانيين تهكم بالاخوة الخليجيين، وزي ما في واحد بيقلد السوداني، حتلاقي في من يقلد السعودي والمصري والعماني والتونسي، ودا زاتو باب كويس يحسب لصالح لهجتنا حتى تعم. نعم هناك من يقلد السودانيين بعبط زي ما اشار احد الاخوة لتقليد المغني السوداني ومناديل الورق. اما كلمة زول لا اجد فيها اي غضاضة ان يناديني بيها اي انسان من اي جنسية عربية اخرى، وعندنا مثال للاخوة في بلاد الشام يتنادون بكلمة (زلمة) وعند مناداتك لاي شامي بكلمة زلمة سيبادر لك بالتحية والبهجة بادية على وجهه.
دمتم جميعا
Post: #14 Title: Re: سعودي يسخر من الخطاب الأنقاذي(فيديو). Author: MAHJOOP ALI Date: 09-17-2011, 11:40 PM Parent: #13
يادكتور سلامات انسعلك سعال ..... انت شعار امريكا دني عذابها جانا من الارث الكوشي ولاجابتوا الانقاد ؟ بعدين ركز شوية يادكترة القصة ماقصة رغيف القصة قصة شاب ظريف، في كلمة في طئ الحديث هبشت العصب العريان ، لعربان السودان .,, من يتوصل للمفردة المفقودة يحصل علي كبون بقيمة 500 ريال للتسوق في بندة العزيزية
Post: #15 Title: Re: سعودي يسخر من الخطاب الأنقاذي(فيديو). Author: AMNA MUKHTAR Date: 09-17-2011, 11:52 PM Parent: #14
Quote: بعدين ركز شوية يادكترة القصة ماقصة رغيف القصة قصة شاب ظريف، في كلمة في طئ الحديث هبشت العصب العريان ، لعربان السودان .,, من يتوصل للمفردة المفقودة يحصل علي كبون بقيمة 500 ريال للتسوق في بندة العزيزية
السواد من السيادة .. أو ..انا سودانى مقشر أبيض
يللا رسل الكوبون ..
Post: #16 Title: Re: سعودي يسخر من الخطاب الأنقاذي(فيديو). Author: MAHJOOP ALI Date: 09-20-2011, 02:12 AM Parent: #15
امونة بما انك خضراء فاقع لونها فكبونك ماحيتعداء الخمسين ريال وعشان انت في السودان قيمة الريال حاتكون بالسعر الرسمي عاوزاهوا بالجديد ولا بالقديم ولابالقديم جداً
Post: #17 Title: Re: سعودي يسخر من الخطاب الأنقاذي(فيديو). Author: سيف النصر محي الدين Date: 09-20-2011, 05:12 AM Parent: #16
يا محجوب الكوبونات حقتك دي بالله بالنص مع امونة الخدرا.
Post: #18 Title: Re: سعودي يسخر من الخطاب الأنقاذي(فيديو). Author: احمد التجانى احمد Date: 09-20-2011, 05:24 AM Parent: #17
Quote: اوع تكون يا عبد الملك قايل صورة البروفايل دي كانت أثناء مشاهدتي للمقطع!
بالضبط كدة , شائع جدا المزاوجة بين ما تكتب والصورة الموجودة باليمين احيانا بيكون فى توافق شديد ومرات فى مشاترة زى لما ود الصايم يكتب فى بوست عزاء , او لما واحد يشتم او يتسافه ويكون واحد من اولاده فى صورة البروفايل ما فى اى اتساق تحياتى
Post: #19 Title: Re: سعودي يسخر من الخطاب الأنقاذي(فيديو). Author: محمد زكريا Date: 09-20-2011, 08:27 AM Parent: #18
بالله يعنى ده ممثل ؟وسعودى كمان؟ والله لكن بالغ انا كنت فاكره اللواء بتاع الجمارك بتاع التفاح الامريكى القال انا بتكلم باللاوندى داك بس فى حلقه جديده فتشت الفيديو بتاعو وما لقيتو
