ومعقولة المذيعة القاعدة تتكلم عن العادات والتقاليد وتكاليف الزواج بالسودان في الفيديو التالي هي ذات المذيعة الواقفة على المحفة وشايلنها (العبيد) يوم زفافها!؟
ياااخي العروسة البطرانة دي دي حقو بعد المنظر ده يرفدوها من تلفزيون النيل الازرق وكمان يرموها في اقرب (كوشة) خارج السودان ان شاء الله في موريطانيا ظااطها!
يا هشام بقيت ما مواكب كلو كلو! العرس دا قديم ياخ وبعدين أهو نوروك ونورونا قالوا ليك دي إسمها زفة فرعونية
غايتو السودان دا بلد التناقضات والعجائب والمحن!
عقبال نفرح ببتنا نضال قريب في أرض الوطن (الخير الديمقراطي) وعشان تكون مواكب يزفوها أخوانا البورداب (زيتنا في بيتنا) أنا بتعلم لنضال الزغاريد من هسه .. لووول
Post: #16 Title: Re: معقولة ده عرس في السـودان الجعان الفقران السجمان الرمدان!؟ Author: احمد محمد احمد عتيق Date: 09-17-2011, 05:11 PM Parent: #15
Quote: يا هشام بقيت ما مواكب كلو كلو! العرس دا قديم ياخ وبعدين أهو نوروك ونورونا قالوا ليك دي إسمها زفة فرعونية
الاخت هدير
تحياتي
الله اتعل ابو الحضارة الفرعونية والتي لم نجنى منها سوى سوءاتها وشرورها
Post: #30 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-21-2011, 00:29 AM Parent: #14
Quote: دي اٍفرازات المشروع الحضاري لصاحبه حسن الوســـخـان الترابي. الافرازات الاخلاقية و الاجتماعية لاقتصاد النهب و المُسلّح و الافقار الشامل و زراعة الجوع.
ده كلام صاااااااااااااااااااااح يا ابوبكر
Post: #20 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-18-2011, 00:39 AM Parent: #13
اختنا العزيزة منال
تحياتي
Quote: ياهشام الكوشه وتبعه الفرقه بتتأجر كده
زفه فرعونيه ياهشام الزمن ده لمن تجى تعرس تعمل حساب 8 مليون للزفه تمشى تحجز وتشوف بالفيديو الزفه الانت عايزه
غايتو انا عجبتنى زفة بت خالى لمن جات داخله وكاظم الساهر بغنى قولى احبك والبنات الصغار جاريات قدامه وبقولو لالالالالا والعروس من خشم الباب رمت الزهور فى العريس وحاجات تانيه حاميانى
زفة كاظم دى قالو بي 6
اها عاد زفة رشا دى ولاشئ لباقى الزفات
والله اخوك محتار تمام الحيرة يبدو ان ابتعادى حوالي ال23 سنة عن السودان سيجعلني تائها عند عودتي للسودان لانى لا زلت احمل صورة السودان الجميل قبل ان (يغتس حجرو) اهل الانقاذ... ولا ادري كيف ساستوعب كل هذه التغيرات مع تحياتي للاسرة الكريمة
تحياتي والتحايا موصولة للدكتور العلامة عبد الرحمن ابراهيم على هذا التناول القوي والسديد لهذا الموضوع المستفز والمعبر عن سقوط القيم والاخلاق تحت سطوة ادعياء الدين.
Post: #21 Title: Re: معقولة ده عرس في السـودان الجعان الفقران السجمان الرمدان!؟ Author: قاسم المهداوى Date: 09-18-2011, 01:19 AM Parent: #18
يا هبانى سلاااام كدا سؤال العروس وعرفناها شايلنها الجماعة وهى فى قناة النيل الازرق الانا محكن بنات التبخ الفيها اها العريس منو ....؟؟؟؟؟ علشان نفتح نيراااان صياح وفكرة ومفهوم الانسانية والابداع و قناة المنوعات المن ضمنها الفن كقيمة انسانية !!! ولا كـــــــــــــيف ؟؟؟؟
قاسم المهداوى
Post: #22 Title: Re: معقولة ده عرس في السـودان الجعان الفقران السجمان الرمدان!؟ Author: المسافر Date: 09-18-2011, 07:17 AM Parent: #21
Quote:
لانى لا زلت احمل صورة السودان الجميل
الهشوم الحامينا النوم
حملك ده أسمو الحمل الكاذب (إذا كان عنوان البوست الجعان الفقران السجمان الرمدان )
يالهشوم ده اسمو فولكلور
Post: #23 Title: Re: معقولة ده عرس في السـودان الجعان الفقران السجمان الرمدان!؟ Author: خالد أحمد شطة Date: 09-18-2011, 08:20 AM Parent: #22
Quote: ولو كنت مديرا لتلفزيون النيل الازرق لارسلت لها قرار اعفائها عن العمل في شهر العسل لانها مذيعة غير مؤهلة وطنيا للعمل في مرفق عام يخص شعب السودان
الغالي هشام هباني سلامي لكم في المهاجر وين تكون مدير التلفزيون وأنت ضد المشروع الحضاري ياخ وهذا جذء من ملامحوا؟؟؟؟ ومن قبلك هنا قالها أخونا صديق الموج . في واحد منهم رفض تعين بتنا الجنوبيه . قايتوا داء ذمن ...؟؟؟؟ مودتي شــــــــــــطة
Post: #24 Title: Re: معقولة ده عرس في السـودان الجعان الفقران السجمان الرمدان!؟ Author: البحيراوي Date: 09-18-2011, 09:25 AM Parent: #23
Quote: كدا سؤال العروس وعرفناها شايلنها الجماعة وهى فى قناة النيل الازرق الانا محكن بنات التبخ الفيها اها العريس منو ....؟؟؟؟؟
الأخ قاسم المهداوي
تحياتي - يا زول إنت مالك عايز تجيب لينا كركبه - يعني في البورد دا ما قبل كدا جابو إسمه وقالوا إبن رقم كبير في الحيكومة دي . ويا الناظر الزولة دي الظاهر تبعت كلام أهلنا القديم داك عشان أهلنا قالوا عرسوهن بالكذب وأمسكوهن بالصيح !!
يعني بعد النزلة من الكوشة الفرعونية دي خلاص رجعت ست بيت عديييييييل
ويعلم الله نحن زمان كان عروستنا بنشيلها في بمبر من بيت التجهيز لبيت البرزة عشان يقطعو رحطها .
وغالباً ما يكون الناس البشيلوا البمبر من أهلنا القريبين وبتكون هناك أغنية تراثية مصاحبة للشيلة دي :-
كوبا كوبا العروس حبوبا - كوبا كوبا العروس حبوبا
يعني لو خلونا نقدم تراثنا دا أقلو يعرفوهو أهل السودان ونقلل التكلفة بدل ستة مليون وثمانية مليون وكمان نطور صناعة البنابر دي . عشان كل عروس حتشيل معاها بمبرها لي بيتها للذكري .
بحيراوي
Post: #34 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-23-2011, 06:51 AM Parent: #23
Quote: وين تكون مدير التلفزيون وأنت ضد المشروع الحضاري ياخ وهذا جذء من ملامحوا؟؟؟؟ ومن قبلك هنا قالها أخونا صديق الموج . في واحد منهم رفض تعين بتنا الجنوبيه . قايتوا داء ذمن ...؟؟؟؟
Post: #25 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-19-2011, 00:33 AM Parent: #21
Quote: لعروس وعرفناها شايلنها الجماعة وهى فى قناة النيل الازرق الانا محكن بنات التبخ الفيها اها العريس منو ....؟؟؟؟؟ علشان نفتح نيراااان صياح وفكرة ومفهوم الانسانية والابداع و قناة المنوعات المن ضمنها الفن كقيمة انسانية !!! ولا كـــــــــــــيف ؟؟؟؟
بالفعل اسم البعل العريس مهم جدا في الهيصة دي حتى نتعرف على خيوط الموضوع العجيب!
Post: #26 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-19-2011, 12:43 PM
.
Post: #27 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-20-2011, 12:54 PM
ووصلت لى قناعة انو الشعب السودانى اكبر شعب بزخى ..
واكبر شعب ينق من ارتفاع الاسعار فى نفس الوقت ..
Post: #31 Title: Re: معقولة ده عرس في السـودان الجعان الفقران السجمان الرمدان!؟ Author: قاسم المهداوى Date: 09-21-2011, 01:38 AM Parent: #29
سلاااام البحيراوى وهبانى لو ممكن سؤال ....؟؟؟ موضوع الشيل والعتالة دا انتهى ؟؟؟ اقصد الزولة دى لم ترجع النيل الازرق ( القناة ) برضو فى شيل وعتالة ولا كما كانت من قبل ...؟؟؟ علشان انا عايز اسقف الموضوع دا على الشيل والعتالة الهنا ؟؟؟ لو فى شيل وعتالة تانى اسيب السقف مفتوح للسماء ولو ماف اسقف على كدا ؟؟؟؟ سؤال ما منطقى على ما اعتقد
قاسم المهداوى
Post: #39 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-27-2011, 10:05 AM Parent: #29
Quote: اليومين ديل انا فى الخرطوم شفت مناسبات كتييييره
ووصلت لى قناعة انو الشعب السودانى اكبر شعب بزخى ..
واكبر شعب ينق من ارتفاع الاسعار فى نفس الوقت ..
حبيبنا الشبلي
تحياتي
ياااااخ كمرتك السنينة دي ما كان تملاها لينا من الحاجات دي وتكون اي لقطة افضل من الف مقال في شرح الاحوال مع تحياتي للحلوين بدوحة الخير.
Quote: شيء مهم الناس ما أنتبهت ليهو ،،،،، الجماعة الشايلين العروس علي المحمل هم أعضاء فلرقة أورباب بتاعة ناس
أستيفن ،،،،، كيف فاتت عليهم الدلالة دي وقاموا بحمل العروس ،،،،،،،،،،،،
فعلا والله لامر مخجل ان يعمل انسان ليقوم باداء دور حقير يسيء اليه ماقبل دريهمات لا يقمن صلبه............ ولكنها سايكلوجية الانسان المقهور وواقع الله ما بترفع!
مودتي
Post: #36 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-25-2011, 10:22 PM
.
Post: #37 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-26-2011, 11:22 AM
Quote: علشان انا عايز اسقف الموضوع دا على الشيل والعتالة الهنا ؟؟؟ لو فى شيل وعتالة تانى اسيب السقف مفتوح للسماء ولو ماف اسقف على كدا ؟؟؟؟
تسقف شنو يا زول !!! شيلو السقف برة,,,
العروس مذيعة النيل الأزرق دللت تماما على جهلها وسطحيتها وكان من الممكن أن تزف نفسها بأى طريقة أخرى غير هذه,,,
أخريات تم زفافهن بطرق أخرى غريبة لكن المصيبة أكبر فى المذيعة ومقدمة البرامج والشخصية العامة التى وضعت نفسها فى موقف قبيح جدا يناقض تماما مفاهيمنا عن كيف يجب أن تكون مقدمة البرامج والمذيعة..
هشام هبانى لو الموضوع دا بس عمل فيك كدا أنصحك ما تمشى السودان أبدا أو بالعدم خلى معاك طقم فيوزات وطقم لساتك إحتياط عشان العندك حا يطيرو من المطار,,,,
فهنالك سترى العجب العجاب وما أتيتم به قليل وليس أفرغ منه إلا عقل نفر تيتى دى...
تحياتى..
Post: #40 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-27-2011, 09:29 PM
>
Post: #41 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-28-2011, 10:03 AM
.
Post: #42 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-28-2011, 10:40 PM
.
Post: #43 Title: Re: معقولة ده عرس في السـودان الجعان الفقران السجمان الرمدان!؟ Author: عمر أبوحجاب Date: 09-28-2011, 11:14 PM Parent: #42
Quote: .زفه فرعونيه ياهشام الزمن ده لمن تجى تعرس تعمل حساب 8 مليون للزفه تمشى تحجز وتشوف بالفيديو الزفه الانت عايزه
غايتو انا عجبتنى زفة بت خالى لمن جات داخله وكاظم الساهر بغنى قولى احبك والبنات الصغار جاريات قدامه وبقولو لالالالالا والعروس من خشم الباب رمت الزهور فى العريس وحاجات تانيه حاميانى
زفة كاظم دى قالو بي 6
اها عاد زفة رشا دى ولاشئ لباقى الزفات
هذا هو الواقع الحقيقي للمشروع الحضاري وما الزفة الفرعونية وإستجلاب كاظم الساهر وأصالة نصري إلاّ نتاج للعمل الدؤوب الذي قامت به وزارة التخطيط الإجتمــاعي ضمن برنامجها : إعادة صياغة الإنســـان الســـوداني.
شكـــــراً لك هشـــام هبــاني. ___________
Post: #44 Title: Re: معقولة ده عرس في السـودان الجعان الفقران السجمان الرمدان!؟ Author: أسامة عبد الجليل Date: 09-29-2011, 00:33 AM Parent: #43
Quote: زفه فرعونيه ياهشام
الناظر كيفنك؟
الناس ديل بطلوا (السنّة) ولا شنو؟
Post: #45 Title: Re: معقولة ده عرس في السـودان الجعان الفقران السجمان الرمدان!؟ Author: هشام هباني Date: 09-29-2011, 06:55 AM Parent: #43
العزيز ابو حجاب
تحياتي
Quote: إعادة صياغة الإنســـان الســـوداني.
غايتو ما عملوا للانسان السوداني حاجة غير ( طلعوا دينو وزيتو وعينو)!
