Post: #1
Title: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 03:41 AM
يا ناس الامارات اتمنى تساعدونا نلقى وظيفة لولدنا
أمين عثمان امين النصرى(انا عمه)
امين خريج كهرباء (دبلوم هندسة كهربائية) جامعة السودان (معهد الكليات التكنلوجية سابقا)
ولديه خبرة سنة واحده فقط ..لكنه مجتهد وقلبه حار زى عمه ..
هو الان فى الامارات ويعمل حارس امنى لغاية ما يلقى حاجة فى مجاله..
امين ود ممتاز جدا ..وقد شجعته يدرس دراسه مهنية (كهرباء ..نجارة..خراطة الخ)
لانو البلد مليان محاسبين واقتصاديين وعفاريت كمبيوتر ...
قلت ليهو وقتها ....بعد التخرج حتشتغل طوالى لانو البلد محتاجة ليك ...
البلد ادته بالجزمة وطلع منها عشان يشتغل بواب ......
عليكم الله ..اى زول عنده معلومة او واسطة يوصلها ليهو ....
تلفونه ٩٧١٥٥٦٩٦٣١٣٩
وايميله
[email protected]
لو زول ساعد لى امين ..لو داير حسى اقلع عيونى ديل واختهم فى صندوق بتاع دى اتش ال
وارسلهم ليهو .....
|
Post: #2
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 03:44 AM
Parent: #1
وناس قطر
وناس السلطنه
والبحرين
والكويت
والسعودية
|
Post: #3
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 03:48 AM
Parent: #2
بلد يطلعو منها الصنايعية اكيد عندها مشكلة
|
Post: #5
Title: Re: يا ناس الامارات ساعدونا نلقى وظيفة لأمين النصرى
Author: المسافر
Date: 09-15-2011, 10:56 AM
Parent: #4
Quote: البلد ادته بالجزمة وطلع منها عشان يشتغل بواب ......
|
ليس كما تقصد
الآن وظائف السيكيوريتي عمل شركات ونظام مطبق على مستوى واسع يتعلق بحفظ الأمن ولديه مستقبل جيد في ظل التقدم العقاري والتطور الحضري والنمو الاجتماعي والعمراني
في الحقيقة أغلب الدول الخليجية وضعت في نظام الموارد البشرية حدود دنيا لتوظيف الوافدين وهو درجة البكالوريوس ، لذلك الدبلوم غير وارد ولا يجد تقدير لكثرة حامليه ولكن ربما يستفيدون من فرص الدراسة والحصول على درجة البكالوريوس
بصراحة في ظل الظروف العالمية لا تشجعه على ترك وظيفته الحالية لأنها في ذاتها عليها منافسة قوية ووضع لها راتب حد أدني يقارب ثلاثة ألف درهم وهو مبلغ ممتاز لشاب مبتدئ في الغربة
|
Post: #6
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 11:48 AM
Parent: #5
سلام يا المسافر
طبعا مستحيل اشجعه يترك الوظيفة دى او اى وظيفة فى الدنيا
فالعمل شرف وعبادة .....
انا شخصيا الشغل عندى اولية قصوى لا تفوقها الا الالتزامات العائلية....
لكن كمان ..
امين صغير السن ولسه بحلم بمستقبل افضل ....
بحلم يشتغل فى مجاله ويتطور وينجح
ويتزوج ويساعد نفسه و اهله ......
سؤالى اذا دول الخليج الحد الادنى عندها البكالريوس ...وين دور الفنيين
البنفذو الاعمال ... لانو مستحيل يكون العاملين اما مهندسين او عمال ....
لازم يكون فى قطاع وسطى بينهم الاتنين ..مهمته الاشراف على المشاريع ومتابعة
العمال يوم بيوم.....
نحن عندنا هنا فى الغرب قطاع الفنيين هو اهم قطاع وفرص التعيين فيهو عالية جدا جدا .....
انا لو كنت حداد او نجار حالى كان اختلف تماما للاحسن ....
كدى با صروها يا المسافر واجتهدو معانا
وربنا يجازيكم ويفتحها عليكم دنيا واخره
|
Post: #7
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 05:16 PM
Parent: #6
العزيز نورالدين
ربنا يفتح عليك ويسهل امورك ويحفظك ويحفظ اولادك
كتر خيرك وبارك الله فيك...
امين ما مصدق الحاجة دى...
لن انسى لك هذا الجميل ابدا ابدا .....
|
Post: #8
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-15-2011, 09:17 PM
Parent: #7
يا اهل المروءة
|
Post: #9
Title: Re: يا ناس الامارات ساعدونا نلقى وظيفة لأمين النصرى
Author: Gamal Abayazid
Date: 09-15-2011, 10:40 PM
Parent: #8
UP
|
Post: #10
Title: Re: يا ناس الامارات ساعدونا نلقى وظيفة لأمين النصرى
Author: Abd Alla Elhabib
Date: 09-16-2011, 00:56 AM
Parent: #9
همـتكم مـع أمـين يا ناس الإمارات
وبالتوفــيق يا أمـين ...
------------------
سـلام يالنصـري
وعلكم طيـبين
|
Post: #11
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-16-2011, 03:49 AM
Parent: #10
يا جيمى
كيفك بالله ..ان شاء الامور كلهاا سلكت معاك...
ادينا تلفونك فى السعودية عشان نتصل بيك (طبعا انا فقدت
مصداقيتى فى حكاية الاتصال دى)
بورداب جدة ما طعموه ليك الظاهر ...
ارجع لقواعدك ..الحاج ..التكة..الاستامبيد
|
Post: #12
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-16-2011, 03:58 AM
Parent: #11
سلام يا عبدالله
كيفكم مع فانكوفر الجميلة؟
اتخايل لى انو المساعدة المثالية او ال ultimate هى لمن تساعد
زول يلقى شغل ويشق طريقه خاصة للشباب فى عمر امين عثمان النصرى....
الاولاد دى جو فى الزمن الصعب ....زمن الازمات والاحباطات...
والله مرات كتيرة بحن عليهم..لاننا نحن عشنا فى زمن يسبقهم بقليل
لكن استمتعنا بحياة سهلة نوعا ما للفقير والغنى ...
المشكلة الاجيال الجاية مصيرها شنو؟
غايتو اى زول عنده اكتر من تلاته اربعة اطفال دلوقت يعمل حسابه شديد..
الزمن الجاى حيكون طاحونه عديل ...
|
Post: #13
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-17-2011, 03:30 AM
Parent: #12
|
Post: #14
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-17-2011, 03:32 AM
Parent: #13
غيرت صورة البروفايل بصورة قديمة لى منذ الثمانينات
عثمان اخوى كان دائما يقول لى امين يشبهك شبه شديد
|
Post: #15
Title: Re: يا ناس الامارات ساعدونا نلقى وظيفة لأمين النصرى
Author: المسافر
Date: 09-18-2011, 06:29 AM
Parent: #14
Quote:
سؤالى اذا دول الخليج الحد الادنى عندها البكالريوس ...وين دور الفنيين
البنفذو الاعمال ... لانو مستحيل يكون العاملين اما مهندسين او عمال ....
لازم يكون فى قطاع وسطى بينهم الاتنين ..مهمته الاشراف على المشاريع ومتابعة
العمال يوم بيوم.....
|
سؤالك في محله
أغلب شركات الإنشاءات الكبرى بدأت تعتمد على شركات فنية متخصصة في بلاد العمالة الماهرة مثال الهند والباكستان ونيبال وغيرها وهذه المكاتب أصبحت لديها معايير ومقاييس تلتزم بها حماية لاستمرار أعمالها ، ولذلك أصبحت أغلب التأشيرات تمنح جماعية ما بين 300-500 عامل يتم بموجبها جلب العمالة مباشرة إلى مقوع الأعمال ، نفس هذه المكاتب الخارجية أصبح لديها وكلاء توظيف هنا ومكاتب تعمل على اصطياد الفرص الشحيحة هنا والتي يمكن أن تتوفر في المصانع أو العمليات المؤقتة وبموجبها أصبحت موردة للعمالة ، وتطورت هذه الشركات الموردة للعمالة إلى مستوى بدأت تزود الشركات النفطية الكبرى بالعمالة وبذلك دخل هذا السوق الذي كان السودانيين يجدون منفذاً للولوج إليه دخل في خط المنافسة لحصول العمالة الآسيوية على فرص أكبر من خلال خبرات مكاتبهم ذات العلاقات الواسعة المدعومة بقاعدة بيانات وفرتها سفاراتهم مكنت الكثير من الباحثين من اختصار الجهد ونيل الشهد
كذلك تطور التقنيات والتعليم جعل مصدر العمالة الفنية الماهرة آسيوي أكثر مما هو عربي أو أفريقي مما جعل أبرع فني الجبص والجصاصين المغاربة لا يستطيعون حيلة مع نقاش نيبالي...
ويضاف إلى ذلك الفهم الذي جعل تلك العمالة مفضلة وهو الإعتقاد الذي جبلت عليه فهؤلاء الناس يعتقدون في أن مقام رب العمل في مقام الآلهة ويتقدمون بالطاعة والالتزام الذي هو محور نظام العمل غير ما هو شائع من ذوي الطبائع الأخرى الذين يعتبرون رب العمل ومخدمهم نديد لهم لا يحق له يتنقل بنظراته حول هندامهم...
الآن وبعد مدة من الغياب عاد الآسيويون لحتلوا مكانهم في الدوائر الحكومية والوزارت من خلال النظم وتقنية المعلومات والتجهيزات حيث أصبحت آلة تصوير المستندات تقوم بكافة المهام والطباعة والحفظ والإرسال عبر البريد الإلكتروني وأصبحت قيمتها مئات الآلاف والبعض منها فاق المليون ، وهذه الآلات أصبحت تأتي ومعها الفني المدرب من الشركات الصانعة ، بل أغلب الشركات التي تعمل على تزويد الوزارات والدوائر بنظم المعلومات مثال أوراكل فرضت وجود فنييها الدائم كموظفين في الوزارات والدوائر ، ووصل إلى درجة أن شركة أثاث عينت موظف منها كمستشار في دائرة حكومية وذلك لمتابعة التأثيث وأستمر هذا الحال لأكثر من خمسة سنوات ومازال يعمل موظفها في تلك الدائرة بوظيفة مستشار دائم...
إن التغييرات التي حدثت في مجال نظم المعلومات والعلاقات العامة جعلت التقدم في حيز ومنال تلك الشعوب التي دخلت بقوة من أجل الحصول على موطئ قدم في سوق الموارد البشرية وشركات التدريب والتعليم والوصول المباشر إلى المستخدم والمستهلك مهما كان صغره أو قلة حجمه مادام هو دائم الوجود في محله ، والبعض لا يصدق أن تقوم شركة فرنسية كبري في مجال الفاشن والموضة والملابس والمكياج بالاستحواز على مكان صغير في طرف سوق قديم ... أو أن تأتي بأناس من شارع الإليزيه صباح اليوم لعفروا أقدامهم في سوق الزياني بأبوظبي في مغارب يوم الجمعة ويطيروا بتقاريرهم صباح السبت إلى نيويورك ويعودوا في أمسية الأحد إلى سوق واقف بجدة
|
Post: #16
Title: Re: يا ناس الامارات ساعدونا نلقى وظيفة لأمين النصرى
Author: النصرى أمين
Date: 09-18-2011, 02:21 PM
Parent: #15
شكرا يا المسافر على المداخلة الدسمة....
Outsourcing كلمة مخيفة ومرعبة فى عالم التوظيف ...
تلقى زول شغال محاسب فى شركة ...يجيهو الخبر ان القسم بتاعو تم
تحويله لشركة خارجية third pary وكل موظفى القسم تم الاستغناء عنهم...
فى الشركة المالية التى كنت اعمل فيها كل الاعمال العمالية من نظافة وامن
وصيانة الخ ... تقوم بها شركات خارجية ..
سالت مديرى يوما لماذا لاتكون لشركتناادارة خاصة بعمال النظافة والنظافة والامن
(طبعا ده بعد عملت شكلة مع الحارس الامنى بخصوص استخدام الهاتف الجوال فى المبنى)
قال لى ارخص واسهل ويريحنا من وجع الراس وتعيين موظفين ودفع فوائد بعد الخدمة...
دلوقت ..اضاف.... ندفع قروش لشركة تانية وهى بطريقتها تتعامل مع مشاكل القسم .......
اظن انو حتى السودان بدا ظاهرة ال Outsourcing تظهر فيهو
|
|