الهامش حيدر الزين وتراجي بالله اتشاكلوا في مكان آخر غير خرطومنا

انتو قايلين الخرطوم دي ما عندها اهل وللا شنو

pickup your fight في اي بكان آخر، السودان دا وسييع رغم الضيق الخلقو لينا البشير بالانفصال

دا بوست للتخفيف من حدة الاصوات والتعليقات المتبادلة بين الاخوان المعارضين للبشير بس كل زول شايت ليفت

هسع اكان قالوا ليكم امشوا صادروا قصر مين كده ود الزبير وبت نافع، ح تعرفوهو وين؟؟

الخرطوم دي تعرضت لغزو عسكري اربعه مرات

نجحت محاولتين

مرة لمن سقطت بيد المهدي ودحر غردون باشا

والتانية لمن جاء كتشنر ودحر خليفة المهدي

وفي المرتين لم يصب اهل الخرطوم اي بلاء، الا شوية قصص تحكى عندما دخل الانصار الخرطوم وتعاملوا مع بعض اهلها بقسوة شديدة


والمرتين الفشلوا

هجوم احزاب المعارضة المشهورة بالمرتزقة 76
ومحاولة خليل 2007

وبرضوا لمن يصب اهل الخرطوم اي بلاء يذكر

اما حكومات السودان السقطت في الخرطوم عيييييييك
ياها الدائرة اللافنها من يوم الاستقلال

3 انقلابات عسكرية ناجحة من جملة (يقال انها 14 محاولة انقلابية)
2 انتفاضة شعبية

وكلها كانت بيضاء وسلمية حتى العنيفة منها (سياسيا يعتبر الانقلاب العسكري تغيير عنيف وان كان بلا دماء)

يعني انا كخرطومي مافي شيء في تاريخ الخرطوم دي بخليني الاوز من خليل وللا عقار وللا الناتو زاتو

الغريبية انو المستعمر البغيض هو الوحيد المرق بحفلات الشاي والكوكتيل (بعد نضالات سياسية مشرفه من رجالات نفتقد امثالهم اليوم)

بالمناسبة

من توسطوا لي انا الخرطومي للانضمام الى هذا المنبر الذي صاحبه خرطومي هما الهامشيان حيدر الزين وتراجي

دنيا لذيذة ما تعقدوها

Quote: الخرطوم دي تعرضت لغزو عسكري اربعه مرات

1/

Quote: مرة لمن سقطت بيد المهدي ودحر غردون باشا

2/

Quote: لمن جاء كتشنر ودحر خليفة المهدي

3/

Quote: هجوم احزاب المعارضة المشهورة بالمرتزقة 76

4/

Quote: ومحاولة خليل 2007

طيب أحداث الأحد الدامي الصاحبت شائعة مقتل كليمنت أمبورو .. وين ؟؟
وأحداث مقتل قرنق .. وإستباحة الخرطوم .. تتذكر .. قريب ما بعيد ..

Quote: برضوا لمن يصب اهل الخرطوم اي بلاء يذكر

يا راجل .. أكتر من كده كيف؟؟
شايف عمايل الهامش..
ينطلق الكلام ببساطه وهو ليس ببساطه نتصورها لكن له ما بعده من نتائج مأساويه عاشتها الخرطوم أكثر من مره بكل فصولها الداميه.

أحمد
لمتين مسك العصى من النصف .. الناس ديل قالوا ليكم أبقوا رجال وطالعونا بره .. أنت جاى تسوف فى الأمر ..!!

يعنى لما يأخذوا نساءكم وأطفالكم سبايا حتى تعرف أنه الموضوع جد؟؟؟؟؟


بريمة

الاخ محمد قسم الله
تحياتي

لم يكن ليفوتني ان اذكر ما اتيت به

Quote: طيب أحداث الأحد الدامي الصاحبت شائعة مقتل كليمنت أمبورو .. وين ؟؟ وأحداث مقتل قرنق .. وإستباحة الخرطوم .. تتذكر .. قريب ما بعيد ..

بس كنت بفصل بين المدخلات عشان تصنيف الاحداث يكون شوية منسق

كلامك سليم، دي هي فعلا من الاحداث المؤسفة التي يتذكرها كل فرد، نحن اصغر من ان نكون واعيين في 76
لكن اعمامي وخوالي كانوا حاضرين كل فصولها لمن الدم كان للركب في الخرطوم، وما كنت في الخرطوم في 2005

لكن قل لي، كم ساعة استمرت المواجهة بين الناس، وطبعا هذا ما يفرقها من كل ما سبق ان اضطر المواطنون العادييون
يواجهون مواطنيين زيهم في غياب في نسيان لسلطة القانون وقوة الشرطة

الاحداث دائما محصورة في مكان ضيق، تندر حوادث ازهاق الارواح والممتلكات، وهذه لن تعود بعد انفصال الجنوب

وحقيقة لم يكن ليهمني امر الشغب بين المواطنيين، لان ليس له اثر سياسي، ليس كالمحاولات العسكرية او الغزو العسكري
الذي يهدف الى تغيير الحكومات، بمعنى آخر، لم يهدف الجنوبيين في كلا المحاولتين الى تغيير الحكومة

ناس كانوا بعبروا عن غضبهم وهذا اسلوبهم

احمد كيفك

Quote: الخرطوم دي تعرضت لغزو عسكري اربعه مرات

كيف اربعة مرات بس العزو العربى وسقوط سوبا

Quote: لكن قل لي، كم ساعة استمرت المواجهة بين الناس

حتي ولو دقيقه واحده ..
دقيقه واحده فقط من العنف تخلف وراءها ما لن تمحوه السنوات.
شو حاجه من الستينات (كليمنت أمبورو ) ولسه الذكري الأليمه حيه.
بعدين ..

Quote: وما كنت في الخرطوم في 2005

الحمد لله إنك ما كنتا في..
76 كنتا ما واعي كويس ..
2005 ما كنتا في .
...
في الحالتين ما شفتا الهلع في عيون المرعوبين..


تحياتي..

Quote: لمتين مسك العصى من النصف .. الناس ديل قالوا ليكم أبقوا رجال وطالعونا بره .. أنت جاى تسوف فى الأمر ..!!

العميل المزدوج برمه كاتب التقارير ضد الجماعات الاسلامية انته جاى متين علشان تتسلح بعدين هم قالوا الشمالين انته شمالى ولا شنوا


هسى انته شابكنا عروبة عرب علشان يقول عليكى شمالى بس ساهله دى من بكرة انته شمالى

Quote: هسع اكان قالوا ليكم امشوا صادروا قصر مين كده ود الزبير وبت نافع، ح تعرفوهو وين؟؟

يعني هسي كان سألتهم عن املاك الملازم ابنة مالك عقار بعرفوهو ؟


انت دا برضو بتكيل بمكيالين علي قول سناء عبدالسيد

ازيك يا بريمة
أحمد

Quote: لمتين مسك العصى من النصف ..

الحمدلله يا زول انا موقفي واضح من الحكومة والمعارضة، الكلام فيك انت يا بريمة
داير البلد يحكمها المهدي بشريعة البشير الما مدغمسة والعروبية الخالصة، وديل ما ببيقن

Quote: الناس ديل قالوا ليكم أبقوا رجال وطالعونا بره .. أنت جاى تسوف فى الأمر ..!!

انا زاتو مع ناس بره ديل بعدين هم بخاطبوا في الكيزان، انا مالي ومالهم

Quote: يعنى لما يأخذوا نساءكم وأطفالكم سبايا حتى تعرف أنه الموضوع جد؟؟؟؟؟

الا الآن ثبت انو الحكومة دفعت للجنجويد عشان يغتصبوا نساء دارفور وقتل اطفالهم
وناس دارفور لا اغبياء لكي لا يستطيعوا التمييز بين بين الحكومة واهل الشمالية او الخرطوم

لو اجتمعت قبيلة الشايقية وجاتوا بشيبهم وشبابهم واتحزموا ومشوا ضاربو عيال فور يبقى من حقهم
يجو يهاجموا قبيلة الشايقية في عقر دارهم (زي شغل بتاع الجاهلية داك) ولكن هذا ما لم يحدث ولن يحدث

ناصر
مسكاقنا

Quote: كيف اربعة مرات بس العزو العربى وسقوط سوبا

هههههههههه ، خلينا في التاريخ الحديث يا مان
ممالكنا النوبية الله يرحمها

الاخ محمد قسم الله

Quote: الحمد لله إنك ما كنتا في.. 76 كنتا ما واعي كويس .. 2005 ما كنتا في . ... في الحالتين ما شفتا الهلع في عيون المرعوبين..

يعني هسع انا ما حضرت غزة بدر ولا احد ولا حنين
هل هذا يعني انني كمسلم لا اتفاعل نعها وانت كانت قبل 1400 سنة؟؟

المصيبة مع الجنوبيين ولمدة خمسين سنة اننا عاملناهم كاعداء وهم بادلونا بالمثل
ودا خلاص فيلم وانتهينا منو، باقي في الاعداء الجدد

الاخ نوفل

Quote: يعني هسي كان سألتهم عن املاك الملازم ابنة مالك عقار بعرفوهو ؟

برضو ما ح يعرفوهو وين، ح يلوصو في شوارع الخرطوم ويخلقو لينا زحمة ساكت

الخلا دا مالو؟؟