Post: #1
Title: وظيفة أونلاين... وحقيقية!
Author: مريم بنت الحسين
Date: 09-14-2011, 12:05 PM
شركة موقعها في دبي، بتعمل دراسات واستلاطاعات لآراء الناس حول اشياء مختلفة، منّها توجّهات المشترين.. والماركات البفضّلوها في الاكل واللبس والإلكترونيات... وحتى آراؤهم في مسلسلات رمضان أو الاحداث السياسية المختلفة... كل استبيان او استطلاع بتعبيه، بتاخد عليه 50 أو 100 نقصة... لما تصل 5000 نقطة بتستحق تستلم 50 دولار.. ممكن تطلبها منهم طوالي... ويرسّلوها ليك بالبريد على شكل شيك تصرفه.. أو تحوّشها لحدي ما تصل للمبلغ الانت عايزه وبعداك تطلبها منهم.. في خيارات تبرّع للهلال الاحمر ..
انا لما تميت اول 5000 نقطة قلت اجرّب واطلب الخمسين دولار بتاعي... خلال كم اسبوع وصلني الشيك بالبريد.. وصرفتهم واشتريت بيهم.. هم كلهم طلعوا 150 ريال... لكن برضه من عرق الكيبورد... للأسف ما احتفظته بالشيك ولا صوّرته، لكن ان شاء الله تكون كلمتي كافية...
الاستطلاعات عندها مواسم... ممكن في اسبوع يجيك اربعة خمسة استطلاعات.. وممكن تقعد شهر ما تسمع منهم...
اتمنى تشتركوا... والرابط ده رابط الوالدة ... انا ما عايزه اشرّك زول عن طريقي... اشتركوا عن طريق ست الحبايب...
http://my.yougovsiraj.com/go.aspx?id=20c360cc...d0-be69-1c3f9d0a2eea
تحياتي
|
Post: #2
Title: Re: وظيفة أونلاين... وحقيقية!
Author: محمد أبوالعزائم أبوالريش
Date: 09-14-2011, 12:13 PM
Parent: #1
سلام يا بت الحسين ...
داخل بس للتأمين على كلامك، لأني ما حأقدر أفيد (ست الحبايب)، وده لأني مشترك فعلاً (لسة ما استحقيت أول شيك).
____
نسيتي توضحي للناس، إنو البيشترك عن طريق الرابط الختيتيهو، بيضيف لصاحب الرابط نقاط تتحسب ليهو وتسرع وصوله للـ 5000 نقطة.
تحية للوالدة
|
Post: #3
Title: Re: وظيفة أونلاين... وحقيقية!
Author: مصطفى توفيق
Date: 09-14-2011, 12:18 PM
Parent: #2
ده اسمه التسويق الشبكى وبصراحة شديدة فيهو شبهة نفس نظام كويسنت او قولد كويست
اللهم انى قد بلغت فاشهد
|
Post: #4
Title: Re: وظيفة أونلاين... وحقيقية!
Author: مريم بنت الحسين
Date: 09-14-2011, 12:23 PM
Parent: #3
أبو الريش.. صحيح.. البشترك عن طريق الوالدة بتنضاف ليها 200 عن اول 5 استطلاعات تجاوبوها...
مصطفى.. شبهة إيه!؟ الموقع ده بديك قروش على اساس شغلك... وعلى قدر الوقت البتديهم ليه... يعني أجر مقابل عمل! وعمل مباشر كمان... لما تجي تعلّق المرّة الجاية، اعرف الموضوع شنو...
اللهم هل بلّغت!
|
Post: #5
Title: Re: وظيفة أونلاين... وحقيقية!
Author: عثمان محمد كرار
Date: 09-14-2011, 12:42 PM
Parent: #4
اشتركنا بي رابطك يامريم
|
Post: #6
Title: Re: وظيفة أونلاين... وحقيقية!
Author: محمد أبوالعزائم أبوالريش
Date: 09-14-2011, 12:48 PM
Parent: #5
| Quote: ده اسمه التسويق الشبكى |
الأخ مصطفى ....
المسألة ما فيها تسويق لأي سلعة ..... (مجرد إستطلاع رأي)
أما النقاط الإضافية الممنوحة في حالة إشتراك ناس عن طريقك، فهي طريقة تحفيز لنشر الفكرة .... ويمكنك المشاركة دون أن تشرك غيرك.
أرجو الدخول في الرابط، وستحكم بنفسك.
|
Post: #9
Title: Re: وظيفة أونلاين... وحقيقية!
Author: توما
Date: 09-14-2011, 03:25 PM
Parent: #8
مريم أديني 200 نقطتي
تعرفي أنا اشتركت بالرابط حقك الزمااااااااان داك
و بديت أعمل الاستطلاعات
لكن سلو روحي يا مريم ياخ
لي أسا ما وصلت كم كده ما عارف
|
Post: #11
Title: Re: وظيفة أونلاين... وحقيقية!
Author: مريم بنت الحسين
Date: 09-14-2011, 05:57 PM
Parent: #9
توما
انا ال5000 الاولى سلّت روحي، يمكن قعدته سنتين حتى تميتها... لكن بعد ما استلمت القروش، بقوا برسلوا لي اكتر... حسي وصلت (بالصلاة ع النبي) 15650 نقطة... ومحوّشاهم لليوم الاسود، الله لا يجيبه.. اصبري حببببببة
|
Post: #12
Title: Re: وظيفة أونلاين... وحقيقية!
Author: مريم بنت الحسين
Date: 09-14-2011, 05:58 PM
Parent: #11
نسيت اقول انه ال15000 دي معظمها جا خلال التلاته شهور الاولى بعد ما قبضته!
|
Post: #10
Title: Re: وظيفة أونلاين... وحقيقية!
Author: مريم بنت الحسين
Date: 09-14-2011, 05:36 PM
Parent: #8
الشايقي.. تسلم ان شاء الله... ولما تجاوب على خمسة استبيانات، حتدخل لست الحبايب في حسابها 200 نقطة.. وانت كمان بتدخل ليك...
|
Post: #13
Title: Re: وظيفة أونلاين... وحقيقية!
Author: Ahmed musa
Date: 09-14-2011, 06:03 PM
Parent: #10
أها يابت الحسبن
سلمي على الحاجة أم مريم
وقولي ليها لو خضتي بنا البحر لخضناه معك
دي 200 في صمة خشمك
الله يجيب الخمس استبيانات بس ..
|
Post: #14
Title: Re: وظيفة أونلاين... وحقيقية!
Author: مريم بنت الحسين
Date: 09-14-2011, 09:46 PM
Parent: #13
تعرف يا احمد موسى، هي كلها خمسة دقايق في اليوم.. ممكن تكون بتقرا في شكلة في سودانيز اونلاين.. اخير تكسب ليك فيها دولار من الجماعة ديل...
|
|