Post: #1
Title: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 09:27 AM
Parent: #0
ومافيها أي متعة!!
وأفسدتم بالإستحواز المميت فنيات وجماليات كرة القدم،،
إن كانت رغبتكم الحصول على الكاسات (المحمولة جواً) فقط ، فهذا طرفنا من مشاهدة مبارياتكم
التي تشبه بعضها بالكربون !!
إيه الرتابة دي؟؟
أعوذ بالله!!
دائما أقول كرة برشولونة مملة ودائم أسمع التطبيل بأنهم أحسن فريق في العالم!!
ديل تجار كاسات!!
|
Post: #2
Title: Re: برشلونة : كورتكم مسيخة ، ومملة
Author: أمجد الزين
Date: 09-14-2011, 09:34 AM
Parent: #1
عبداللطيف سلامات
يازول انت جادى فى البتقولو دة
| Quote: وأفسدتم بالإستحواز المميت فنيات وجماليات كرة القدم،، |
مادام مافى منافس يعملو شنو يعنى؟؟
|
Post: #5
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 10:06 AM
Parent: #2
Quote: عبداللطيف سلامات
يازول انت جادى فى البتقولو دة
|
والله العظيم جادي ياباشمهندس أمجد!!
كنت زمان أحرص على متابعة الغريم أيام رونالدينهو وإيتو
لأنه لا يمكن توقع كيف يأتي الهدف وبأي طريقة،،
الآن عادي ممكن أسمع مبارات برشلونة بصوت الرشيد بدوي عبيد
وحتى لو لم أحضر المباراة يمكنني تخيل كيف جاء الهدف،،
تكلة من ميسي،،
|
Post: #3
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 09:34 AM
Parent: #1
فاديز يمرر لأبيدال ،،
أبيدال خطوتين ويسلمها شافي قدام دائرة السنتر،،
شافي يدور حول نفسه ،،
يمرر للإنيستا ،،
لإنيستا لشافي ،،
شافي ياخد لفة تانية ويمررها لدانيل ألفيز،،
يسلمها ميسي،،
ميسي محاذي خط التمنطاشر ، يمر من الأول ،
يمر من التاني ،،
يحاول التهديف ،، ياجات هدف يامسكها الحارس!!
أو الخيار التاني لميسي يرجعها لشافي تاني،،
شافي لديفيد فيا،، يجري على اللاين ، ويجي راجع تاني ويهدف!!
هذي هي كل تكتيكات برشلونة ، ومختصر لمبارياتهم العديدة بعد ريكارد!!
|
Post: #4
Title: Re: برشلونة : كورتكم مسيخة ، ومملة
Author: خالد عبد الله محمود
Date: 09-14-2011, 09:35 AM
Parent: #1
مشتاقون يا عبد اللطيف ياخ ..
|
Post: #6
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 10:09 AM
Parent: #4
| Quote: مشتاقون يا عبد اللطيف ياخ .. |
وانحنا بالأكتر ياعريس!!
==
لو بتستمتعوا بالإستحواز دا في واحد في أندونيسيا بضقل بالكورة
18 ساعة ،، عليكم الله سجلوه وريحونا !!
==
طبعاً كنت عايز أسألك إن كنت حقاً تمتع نفسك بالباصات العرضية دي،،
لكن ضحكتك قهمتني!!
حيجيلك كلامي ،،
خصوصاً إن الناس كشفت اللعبة دي،،
|
Post: #7
Title: Re: برشلونة : كورتكم مسيخة ، ومملة
Author: صبري طه
Date: 09-14-2011, 10:11 AM
Parent: #4
Quote: ماذا قال عمالقة المدربين واللاعبين عن برشلونة ؟
ارسين فينجر مدرب ارسنال :
" مستوى برشلونة في تلك المبارة افضل مستوى كرة قدم شاهدته طوال حياتي "
"بعد مبارة برشلونة 5- 0 مدريد"
الاسطورة المانية بيكنباور :
" لم اشاهد طوال حياتي 90 دقيقة من كرة القدم المثالية "
"بعد مبارة برشلونة 5- 0 مدريد"
هاري ريدناب مدرب توتنهام الانجليزي:
" برشلونة افضل فريق شاهدته طوال مسيرتي التدريبية "
جيمي كاريجار لاعب ليفربول والمنتخب الانجليزي :
" برشلونة افضل فريق شاهدته طوال حياتي "
الارجنتيني هيرنان كيرسبو :
" برشلونة افضل فريق بتاريخ "
واين روني لاعب مانشستر يونايتد والمنتخب الانجليزي :
" برشلونة افضل فريق شاهدته طوال حياتي "
مارشيلو ليبي مدرب المنتخب الايطالي :
" برشلونة افضل فريق بتاريخ "
الاسباني خوسيه رينا حارس مرمى ليفربول الانجليزي
" هو أفضل فريقٍ رأيته في حياتي يلعب كرة القدم "
الاسطورة الفرنسية خوسي فونتين :
" برشلونة افضل فريق في التاريخ "
الاسطورة الهولندية فان باستن :
" برشلونة افضل اياكس السبعينات وميلان التسعينات وافضل فريق على مر العصور "
الاسطورة السويدية لارسون :
" برشلونة افضل فريق شاهدته طوال حياتي "
الاعب الاسباني سيسك فابرجاس :
" برشلونة افضل فريق في التاريخ "
المدرب الماني الكبير اوتمار هيتلسفيد :
" برشلونة الافضل والامتع طوال التاريخ "
والكثير والكثير من الكلام الذي لا يكفي هذا الكيان الرائع .. |
نسيت مشجّع مدريدي وهو الأخ عبداللطيف بكري حيث قال:
برشلونة : كورتكم مسيخة ، ومملة
ــــــــ
|
Post: #8
Title: Re: برشلونة : كورتكم مسيخة ، ومملة
Author: طارق جبريل
Date: 09-14-2011, 10:16 AM
Parent: #7
غايتو الكديس لمن ما يحصل اللبن....
ود الخالة كيفنك
|
Post: #9
Title: Re: برشلونة : كورتكم مسيخة ، ومملة
Author: الامين موسى البشاري
Date: 09-14-2011, 10:24 AM
Parent: #8
Quote: ومافيها أي متعة!!
وأفسدتم بالإستحواز المميت فنيات وجماليات كرة القدم،،
....
....
إيه الرتابة دي؟؟
أعوذ بالله!!
دائما أقول كرة برشولونة مملة ودائم أسمع التطبيل بأنهم أحسن فريق في العالم!!
ديل تجار كاسات!! |
عبد اللطيف بكري
كيفك يا حبيب .. والحمد لله لقيت لي زول يشاطرني الرأي
بالجد بالجد انا لا استمتع لكرة برشلونة ..
تحس بيهم كدا زي البعلبوا بلي استيشن
وكذلك اتفق معاك اني كنت بتابعهم أيام رونالدينهو وايتو
لكن اسي بالجد كرتهم مملة بشكل ما عادي
تحياتي
|
Post: #21
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:23 AM
Parent: #9
Quote: عبد اللطيف بكري
كيفك يا حبيب .. والحمد لله لقيت لي زول يشاطرني الرأي
بالجد بالجد انا لا استمتع لكرة برشلونة ..
تحس بيهم كدا زي البعلبوا بلي استيشن
وكذلك اتفق معاك اني كنت بتابعهم أيام رونالدينهو وايتو
لكن اسي بالجد كرتهم مملة بشكل ما عادي
تحياتي |
أنت بكل هذه الروعة : أوعاك تدق خروج نهائي!!
والله صحي!! حذرتك!!
أنت 100%!!
|
Post: #11
Title: Re: برشلونة : كورتكم مسيخة ، ومملة
Author: صلاح أبودية
Date: 09-14-2011, 10:29 AM
Parent: #8
| Quote: هذي هي كل تكتيكات برشلونة ، ومختصر لمبارياتهم العديدة بعد ريكارد!! |
كلام أخونا عبداللطيف ده ما ونسة ..
دى حقيقة والأقوان بتاعت الجماعة ديل قاعدة فى اليوتيوب ..
صورة بالكربون من بعض ..
وبالمرة أحسبوا تسللات دانيال ألفيز وديفيد فياعليهما اللعنة ّ!
|
Post: #22
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:29 AM
Parent: #11
Quote:
كلام أخونا عبداللطيف ده ما ونسة ..
دى حقيقة والأقوان بتاعت الجماعة ديل قاعدة فى اليوتيوب ..
صورة بالكربون من بعض ..
وبالمرة أحسبوا تسللات دانيال ألفيز وديفيد فياعليهما اللعنة ّ! |
وكلام أبودية دا كلام خبير كروي ، وليس في الأمر تعمد تشويه صورة برشلونة،،
|
Post: #12
Title: Re: برشلونة : كورتكم مسيخة ، ومملة
Author: طه إبراهيم عبد الله
Date: 09-14-2011, 10:33 AM
Parent: #8
الأستاذ عبد اللطيف
لك التحية
لا أجد برشلونة منذ رحيل ريكارد
إلا مسيخا ومملا
ياخي رتابة لمن تنعس
عشان كدا بموت في الدوري الإنجليزي
ياخ دق صاح
لب لب يا دخلت التلات خشبات يا دخلت مترو الأنفاق
قال برسا قال
|
Post: #13
Title: Re: برشلونة : كورتكم مسيخة ، ومملة
Author: صبري طه
Date: 09-14-2011, 10:41 AM
Parent: #12
Quote: الأستاذ عبد اللطيف
لك التحية
لا أجد برشلونة منذ رحيل ريكارد
إلا مسيخا ومملا
ياخي رتابة لمن تنعس
عشان كدا بموت في الدوري الإنجليزي
ياخ دق صاح
لب لب يا دخلت التلات خشبات يا دخلت مترو الأنفاق
قال برسا قال |
الغريبة يا أخي طه برشلونة في كل رأس دقيقة تقريباً بصل القون ...
إمّا قون وإمّا هجمة خطرة ...
فعن أيّ برشلونة تتحدثون ؟!
فريق يصل المرمى ويحرز متوسط ثلاثة أهداف في كل مباراة ...
ويصنع متوسط 30 فرصة تقريباً في كل مباراة ...
ويستحوذ على الكرة بمتوسط نسبة 70% وأكثر في كل مباراة ...
ويجعل الفريق الخصم في نص ملعبه وأحياناً جوة خط 18 ...
مثال: مباراة أمس أمام ميلان الإيطالي من الذي أفسدها ...
هل هو ميلان بتمترسه أمام مرماه ...
أم برشلونة صاحب اللعب الهجومي ...
وأذكركم بمباراتي برشلونة أمام إنتر ميلان في دوري أبطال أوروبا الموسم قبل الماضي وتمترس مورينيو وإفساده لمتعة المباراة ...
يعني يا عبداللطيف بكري إنت لو ما عايز كورة استحواذ مملة ألعب مباراة مفتوحة مع برشلونة عشان تعرف الملل على أصوله
خطوا الكورة واطة ... 
ـــــــــ
|
Post: #24
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:43 AM
Parent: #13
Quote: فعن أيّ برشلونة تتحدثون ؟!
فريق يصل المرمى ويحرز متوسط ثلاثة أهداف في كل مباراة ...
ويصنع متوسط 30 فرصة تقريباً في كل مباراة ...
ويستحوذ على الكرة بمتوسط نسبة 70% وأكثر في كل مباراة |
برشلونة يصنع 30 فرصة في المباراة بينما كريستيانو رونالد
يسدد لوحدها مثلها نحو المرمى في المباراة الواحدة،،،،
ماذا فعل الاستحواز في مباراة سيوسداد والميلان؟؟
ألا يدق ناقوس عندكم ناقوس الخطر عند مشاهدتك لهدف باتو بالأمس؟؟
30 فرصة لم تدخل المرمى معنى ذلك في مشكلة : ميلان فرصين بهدفين!!
ميلان كورنة أو 2 بهدف ، والبارشا خرتمية كورنة لم تشكل خطورة
على الحارس العجوز:
ياصبري : الفريق فيه خطأ بليد في التسجيلات : يعتمد التعاقد مع
اللاعبين قصار القامة (كإستراتيجية) ويعتمد على الكرات العكسية
بإنطلاقات دانيل ألفيس وأبيدال،، معقولة بس؟؟
|
Post: #23
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:36 AM
Parent: #12
Quote: الأستاذ عبد اللطيف
لك التحية
لا أجد برشلونة منذ رحيل ريكارد
إلا مسيخا ومملا
ياخي رتابة لمن تنعس
عشان كدا بموت في الدوري الإنجليزي
ياخ دق صاح
لب لب يا دخلت التلات خشبات يا دخلت مترو الأنفاق
قال برسا قال |
حبيبنا طه ، لك تحياتي وتقديري،،
أوافقك تماماً ، وعادي ممكن تنشغل بأي حاجة وأنت تتابع مبارياتهم!!
أين الفنيات والمهارة بالله عند اللاعبين : دانيل ألفز ، بوسكتس ،
بيكيه ، بيول ، أبيدال ، سيدوكيتا ، ماشيرانو ، بيدرو ؟؟
الناس ديل طلع الحرفاء فيهم : انيستا - ويمكن تقول فيا ، والباك
الشمال الإيطالي داك ، وضيف عليهم ميسي !! قائد سلاح الرتابة هو شافي!!
الدوري الأنجليزي جميل ومثير ، بس توقيتو معانا بطال ،،
|
Post: #20
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:21 AM
Parent: #8
Quote: غايتو الكديس لمن ما يحصل اللبن....
ود الخالة كيفنك |
كيفنك آ الحبيب،، وعيدك مبارك،،
تأكد من صدق كلامي ،
وتابع أي مباراة قادمة لفريقكم على ذكريات هذا البوست،،
صدقني ياطارق، الحكاية مافيها أي نكاية ،،
|
Post: #19
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:17 AM
Parent: #7
Quote: نسيت مشجّع مدريدي وهو الأخ عبداللطيف بكري حيث قال:
برشلونة : كورتكم مسيخة ، ومملة
|
غايتو ياصبري ، أول شيء إزيك وعيدك سعيد،، ومشتاقون،،
بعدين أرسن فينغر دا أبلد مدرب في التاريخ ، بالمناسبة
دي سمسار ، (والله صحي)،، لو ماكدا مافي إدارة بتصبر على
مدرب بمثل هذا الفشل ، وهو شغال شراء حملان صغار وبيع،،
أمورهم ماشة مادياً،،
عشان كدا طمنتني لما ختيت أسمه من الجماعة ديل،،
اقول ليك والله مافاضين ليهم ، من كتر مشاهدتنا للكرة الجميلة،،
ورأينا بإحساس صادق لمحبة الكرة منذ وقت بعيد،،
تمتع بإبداع بن زيمة ، إستلام ومرواغة وتمرير !!
صبري : فقط نلفت نظرك للتمتع بالفن الكروي في غير كاتلونية،،
البيعملوا فيه دا لا يمتع محبي الفن الأصيل!!
|
Post: #10
Title: Re: برشلونة : كورتكم مسيخة ، ومملة
Author: محمد عبد الماجد الصايم
Date: 09-14-2011, 10:29 AM
Parent: #4
المتعة الليلة يا عمكـ .. المتعة الليلة بكل تأكيد!
|
Post: #14
Title: Re: برشلونة : كورتكم مسيخة ، ومملة
Author: عادل فضل المولى
Date: 09-14-2011, 10:45 AM
Parent: #10
المداريد ظهروا
متعة بالجد
والسنة دي الريال غير
مافيش يمة ارحميني
والكي من اربعة ولي فوق
عفن يا ود الصايم
عفن يا مورينيو
شكرن يا عبد اللطيف
|
Post: #17
Title: Re: برشلونة : كورتكم مسيخة ، ومملة
Author: محمد عبد الماجد الصايم
Date: 09-14-2011, 10:59 AM
Parent: #14
عفانة شديدة يا عادل!
ومعانا ود الزين التحت دا!!
|
Post: #27
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:55 AM
Parent: #14
Quote: المداريد ظهروا
متعة بالجد
والسنة دي الريال غير
مافيش يمة ارحميني
والكي من اربعة ولي فوق
عفن يا ود الصايم
عفن يا مورينيو
شكرن يا عبد اللطيف |
مداريد ، وفوق لكدا حزانى لما وصل إليه الفهم لكيفية الحكم على أحسن فريق في العالم!!
لم أؤمن يوماً بصدق هذه المقولة ،،
زين الدين زيدان هو الملك غير المتوج في مملكة الإبداع الكروية ،،
لا أحد قريب منو حتى!!
حبينا عادل،،
جهز الخرتاية السنة دي : الريـال سيحقق بإذن الله عدد غير مسبوق من
الأهداف ، كريس سيحطم رقمه السابق ، وبنزيمة سيخلف زيدان في عرشه!!
والليغا أمرها محسوم : الكلام في العاشرة!!
|
Post: #35
Title: Re: برشلونة : كورتكم مسيخة ، ومملة
Author: عادل فضل المولى
Date: 09-14-2011, 01:14 PM
Parent: #27
سلامات
يا عبد اللطيف والحلوين
الما عندو قديم ما عندو جديد
والقديم هو ان الريال فريق القرن
والناس العرفوا الكورة مع ميسي
ديل ما شافوا الريال في مجدو
ثم
حزن مافي تب
قول كبوة
قول عين
قول مرض
اي حاجة
بس الريال راجع لي سيادة الكرة
وكلامك عن اهداف الريال الغزيرة هذا الموسم، تقريباً، كل النقاد والمحللين اجمعوا عليه
عشان كدا مافي خوف من الليغا او (العاشرة)
وتسلم يا حبيب
ويسلموا كل الحبايب
واخوك في الموسم دا منتظر ليهو صاروخ من صواريخ حميد الينتوب يقلع بيها عراضة الكامب نو
بي الجنبة
الولد باتو امبارح قلع قلبهم
|
Post: #15
Title: Re: برشلونة : كورتكم مسيخة ، ومملة
Author: محمد يوسف الزين
Date: 09-14-2011, 10:50 AM
Parent: #10
لا لأ ممل جدن
دا اكتر فريق ممل في التاريخ. والاكثر ملل فيهو انو بغلبو اي كورة. مافي اي متعة!
شنو كورة كلها فرفرة ودوير. بالله اي واحد من القصار ديل يمسك الكورة يقعد يدور حول نفسو. في النهاية هاك يا ميسي فرفر وترتد من الحارس وتلقى فيا يدخلها!
كمان اخلاق ما عندهم شكل بس. يطقو ميسي يجو يتلمو ليك. شماشة كلهم. بالذات بيكيه و الفيش.
المتعة انو ابرايموفتش بعد الاصابة وكاسانو وباتو، اي واحد اليوم داك يجيب قون. بالاضافة لضربة جزاء يشوتها ليهم عمك سيدورف.
تكون اربعة نتذكر بيها نهائي 94 زمن استويتشكوف وروماريو وكويمان والمدرب كرويف.
يا سلام على الروزينيري والمتعة.
ياخي الود تياغو سيلفا دا ريحني راحة!
الكلام دا بعديهو طوالي الاتنين صفر بنزيمة. بإذن الله
________________________
|
Post: #16
Title: Re: برشلونة : كورتكم مسيخة ، ومملة
Author: صبري طه
Date: 09-14-2011, 10:54 AM
Parent: #15
Quote: لا لأ ممل جدن
دا اكتر فريق ممل في التاريخ. والاكثر ملل فيهو انو بغلبو اي كورة. مافي اي متعة!
شنو كورة كلها فرفرة ودوير. بالله اي واحد من القصار ديل يمسك الكورة يقعد يدور حول نفسو. في النهاية هاك يا ميسي فرفر وترتد من الحارس وتلقى فيا يدخلها!
كمان اخلاق ما عندهم شكل بس. يطقو ميسي يجو يتلمو ليك. شماشة كلهم. بالذات بيكيه و الفيش.
المتعة انو ابرايموفتش بعد الاصابة وكاسانو وباتو، اي واحد اليوم داك يجيب قون. بالاضافة لضربة جزاء يشوتها ليهم عمك سيدورف.
تكون اربعة نتذكر بيها نهائي 94 زمن استويتشكوف وروماريو وكويمان والمدرب كرويف.
يا سلام على الروزينيري والمتعة.
ياخي الود تياغو سيلفا دا ريحني راحة!
الكلام دا بعديهو طوالي الاتنين صفر بنزيمة. بإذن الله |
سيهزمهم برشلونة في سان سيرو ...
لو عايز تشارط من هسّة شارط ...
ـــــــــ
لو عايز تسيبنا جرّب وإنت سيبنا
لو عايز تتبهدل ألعب لعب مفتوح
|
Post: #18
Title: Re: برشلونة : كورتكم مسيخة ، ومملة
Author: محمد يوسف الزين
Date: 09-14-2011, 11:08 AM
Parent: #16
| Quote: لو عايز تتبهدل ألعب لعب مفتوح |
ما دا الملل زاتو يا معلم. انت قايل شنو؟!
الناس ديل شاطرين بس في المعلقة (بتشديد الميم، مش لعبت معلقة زمان؟) بس
بعدين ياخ الحظ لعب دورو معاهم، يعني في داعي عمك ميسي ابو ليونيل دا يشيل ولدو ويمشي لناس برشلونة؟ يعني كان ممكن يمشي اي حتة تانية يعالج فيها ولدو.
مدرب فريقو وليد الحظ ، مدرب لا بعرف يشتري ولا بعرف يبيع! بديهم حصة معنويات ويفكهم بس!
ربنا يحيينا ونلاقيك يا صبري بعد اربعة خمسة سنة كدا. ونشوف برشلونة بتاعك
|
Post: #34
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 01:13 PM
Parent: #18
Quote: مدرب فريقو وليد الحظ ، مدرب لا بعرف يشتري ولا بعرف يبيع! بديهم حصة معنويات ويفكهم بس!
|
والله يابويوسف : مدرب في عضمو محظوظ ،
فكر تدريبي تعبان شديد ، وأول مايعمل فيها فيلسوف يشيلو منو نقطتين،،
أغبى تغيير عملو بالأمس أخرج سيدو كيتى ، أحسن زول في التيم ، وأدخل بيول
الود كأنو غالب 4 وعايز الأخير يعود لأجواء المباريات،،
طلع ديفيد فياوأدخل إفلاي بعقلية المدرب الفائز ومطمئن على النتيجة!!
بيول عمل ليهم كارثة في أول كورة وأفيلاي مامسكها لمن صفر الحكم!!
|
Post: #33
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 01:06 PM
Parent: #15
Quote: لا لأ ممل جدن
دا اكتر فريق ممل في التاريخ. والاكثر ملل فيهو انو بغلبو اي كورة. مافي اي متعة!
شنو كورة كلها فرفرة ودوير. بالله اي واحد من القصار ديل يمسك الكورة يقعد يدور حول نفسو. في النهاية هاك يا ميسي فرفر وترتد من الحارس وتلقى فيا يدخلها!
كمان اخلاق ما عندهم شكل بس. يطقو ميسي يجو يتلمو ليك. شماشة كلهم. بالذات بيكيه و الفيش.
المتعة انو ابرايموفتش بعد الاصابة وكاسانو وباتو،
اي واحد اليوم داك يجيب قون. بالاضافة لضربة جزاء
يشوتها ليهم عمك سيدورف.
تكون اربعة نتذكر بيها نهائي 94 زمن استويتشكوف
وروماريو وكويمان والمدرب كرويف.
يا سلام على الروزينيري والمتعة.
ياخي الود تياغو سيلفا دا ريحني راحة!
|
حبيبنا ود الزين،،
سلام وتحايا،،
ليك وحشة من زمن مظاهرات الثوار في شارع القصر ماشفناك،،
تياغو سيلفا دا بذكرني مدافعين اتنين كانوا بيلعبو في مريخ
الأبيض : حضارة + عثمان محجوب ،، والله مدافعين يحاورو الجن الحمر
ومافي زول يفوت منهم،،
بالأمس هجم في اللحظة المناسبة وقفز فوق ناس شبير شبير ديل !!
المشكلة ياحبيب ناس برشلونةصدقو الدعاية بتاعت بلاتيني دي وجات
قناة الجزيرة تمت المقصرة ،،وعلى فكرة أسهم الأخضر بريش بجهد وافي
في توقيع عقد الرعاية لمؤسسة قطر ، وطفق مذيعو القناة يروجون لأسلوب
برشلونة ومدرسة لاماسيا ،،
أخطر مافي هذه الدعاية أنهم برعوا في فنون الحصول على النقاط بكل السبل
من تحكيم وتمثيل وترقيع من إتحاد بلاتيني الذي أوقف هذه السنة بالتحديد
من إختيار حكام المباريات وأوكلت مهمتها للجنة متكاملة،،
خلينا بالله في بن زيما الفنان!!
|
Post: #25
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 11:47 AM
Parent: #10
| Quote: المتعة الليلة يا عمكـ .. المتعة الليلة بكل تأكيد! |
أكيد ياعمك : دي الكورة الحقيقية!!
تابع معاي الآتي :
- كريم بنزيمة،،
- أوزيل وكاكا،،
ثم المتعة في تنفيذ الهجمة المرتدة،،
أرجع لباص رونالدو لبن زيمة في مباراة خيتافي!!
الفريق يصل المرمى بعد 11 ثانية ، بينما ناسنا
ديل خليهم ساكت ،، لما يوصلوها المرى يكون موش
جاك خمة نفس ،، دا شنو دا!!
|
Post: #26
Title: Re: برشلونة : كورتكم مسيخة ، ومملة
Author: محمد عبد الماجد الصايم
Date: 09-14-2011, 11:54 AM
Parent: #25
| Quote: أرجع لباص رونالدو لبن زيمة في مباراة خيتافي!! |
زي باص كاريكا لسادومبا في كورة جزيرة الفيل أم ستّة صفر!!
|
Post: #28
Title: Re: برشلونة : كورتكم مسيخة ، ومملة
Author: محمد يوسف الزين
Date: 09-14-2011, 11:59 AM
Parent: #26
بنزيمة هزيمة وييييييييييي
____________
شنو يا عبداللطيف يا عمكـ
في بوست ود الصايم اهديناك الباص دا بالشوكة والملعقة.
وكان ما ود الصايم لحقني وجاملني كان خشمي ملح ملح لحدت هسي :)
|
Post: #29
Title: Re: برشلونة : كورتكم مسيخة ، ومملة
Author: منتصر الامين
Date: 09-14-2011, 12:09 PM
Parent: #28
غايتو انا ما بستمتع بحضور مباريات برشلونه
لغياب اى نوع من انواع الاثاره فيها ...
|
Post: #30
Title: Re: برشلونة : كورتكم مسيخة ، ومملة
Author: محمد عبد الماجد الصايم
Date: 09-14-2011, 12:17 PM
Parent: #29
عاين الرجفة دي يا عمكـ
Quote: أكد كرونوسلاف يوركيتش المدير الفني لنادي ديناموز زغرب الكرواتي اليو،
أن السبيل الوحيد لإيقاف ريال مدريد هو اللعب مثل خيتافي الذي واجهه النادي الملكي
في الدوري المحلي مطلع الأسبوع الجاري.
وأوضح يوركيتش في مؤتمر صحفي قائلا "درسنا كثيرا ريال مدريد، ونعرف كثيرا عنه،
وتلك المباراة ستكون بمثابة جائزة لنا، بعد ما قدمناه طوال الموسم".
يذكر أن دينامو تأهل إلى دوري أبطال أوروبا بعد 12 عاما من الغياب عن البطولة،
وتأمل الجماهير الكرواتية في أن يقدم الفريق أفضل أداء أمام ريال مدريد.
وأضاف مدرب دينامو "شاهدت آخر مباريات الريال أمام خيتافي، ووجدت أن هناك طريقة
لإيقاف خطورة الفريق، حيث أنه من الصعب إيقاف لاعبيه، إلا أن الاستحواذ
على الكرة سيكون السبيل لإيقاف الهجمات". |
_
المصدر: وكالة الأنباء الإسبانية!
|
Post: #31
Title: Re: برشلونة : كورتكم مسيخة ، ومملة
Author: محمد يوسف الزين
Date: 09-14-2011, 12:47 PM
Parent: #30
| Quote: المصدر: وكالة الأنباء الإسبانية! |
يا عمك والله بقيت مثقف عديل
|
Post: #32
Title: Re: برشلونة : كورتكم مسيخة ، ومملة
Author: محمد عبد الماجد الصايم
Date: 09-14-2011, 01:01 PM
Parent: #31
| Quote: يا عمك والله بقيت مثقف عديل |
الحالة الكلام جاني مترجم!
لو ترجمتو ليكم كان جاكم (راقد سلطة)!!
|
Post: #38
Title: Re: برشلونة : كورتكم مسيخة ، ومملة
Author: عادل فضل المولى
Date: 09-14-2011, 01:24 PM
Parent: #32
Quote: أكد كرونوسلاف يوركيتش المدير الفني لنادي ديناموز زغرب الكرواتي اليو،
أن السبيل الوحيد لإيقاف ريال مدريد هو اللعب مثل خيتافي الذي واجهه النادي الملكي |
ود الصايم يا عمك
يعني خيتافي دا طلع بي حاجة من مباراتو الاخيرة دي
ماأخد اربعة زي السم
ولا آه
عمك دا ما داير الغلة تزيد من اربعة
والله برضو عاقل
ولكم في سراغوستا عبرة يا الكامبوناب
|
Post: #37
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 01:19 PM
Parent: #29
Quote: غايتو انا ما بستمتع بحضور مباريات برشلونه
لغياب اى نوع من انواع الاثاره فيها ... |
إن شاء الله إنت حتكون منتصر دائماً لأنك أمين وإبن أمين!!
صدقت والله ،،
سيكتب الله نهاية هذه الهزلية على يدي مورينهو إن شاء الله!!
|
Post: #36
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 01:15 PM
Parent: #28
Quote: شنو يا عبداللطيف يا عمكـ
في بوست ود الصايم اهديناك الباص دا بالشوكة والملعقة.
وكان ما ود الصايم لحقني وجاملني كان خشمي ملح ملح لحدت هسي :) |
يعميني والله،،
وبعدين ياخ الفي القلب في القلب ، ما تبقى حساس،،
تمتع بالدهشة مع البنز، وهو سيكون اللاعب الأول في العالم هذه السنة!!
|
Post: #39
Title: Re: برشلونة : كورتكم مسيخة ، ومملة
Author: وليد عبد اللطيف
Date: 09-14-2011, 01:35 PM
Parent: #36
يابوي كل سنة وانت طيب
البوست بتاعك دا عايز ليهو واحد شبعان عشان يرد
مع الجوع بعمل قرحة
ان بكره برشلونه من يوم اصبحت تزعمط الريال بكل سهوله
ولكن نرجع نقول انهم افضل فريق في العالم يلعب كرة قدم
لاحظ كل العالم يبحث ان يكون له فريق مثل برشلونه
وحسب كلام عضمة لسانهم شغلهم ماشغل يوم وللا يومين
شغل اكثر من 15 سنة لهم خلطة سرية زي خلطة البيك ( الخلطة البرشلونية )
لاتتغير بتغيير اللاعبين هم الافضل والتحية لهم
بجيكم صادي
|
Post: #40
Title: Re: برشلونة : كورتكم مسيخة ، ومملة
Author: عبد اللطيف بكري أحمد
Date: 09-14-2011, 01:51 PM
Parent: #39
| Quote: يابوي كل سنة وانت طيب |
إبني العزيز،،
وكل سنة وأنت بألف خير ، وربنا يجمعنا وإياكم على المحبة الدائمة،،
Quote: البوست بتاعك دا عايز ليهو واحد شبعان عشان يرد
مع الجوع بعمل قرحة
|
شكلك فعلاً مهوي كلها عملتها لينا البيك وماعارف إيه لغاية ماجوعتنا معاك!!
Quote: لكن نرجع نقول انهم افضل فريق في العالم يلعب كرة قدم
لاحظ كل العالم يبحث ان يكون له فريق مثل برشلونه
وحسب كلام عضمة لسانهم شغلهم ماشغل يوم وللا يومين
شغل اكثر من 15 سنة لهم خلطة سرية زي خلطة البيك ( الخلطة البرشلونية )
|
يابني ماتسمع الدعاية دي،،
15 سنة وين ؟؟
بينتو - سلتا فيغو - 5 سنوات
أبيدال من ليون،، 4 سنة
أدريانو من أشبلية 2 سنة
ماكسويل من الإنتر: 2 سنة
أليكسس سانشيز - جديد - أودنيزي
خافير ميسكيرانو - ليفربول
دانيل ألفيس - إشبيلية - خمسة سنوات
ديفيد فيا من فالنسيا - سنتنين
أفيلاي - هولندا - 2 سنة
سيدو كيتا - إشبيلية 3 سنوات
--
مافي حاجة إسمها تخطيط 15 سنة : يعني ناس الكنتارا ديل دربوهم وعمرهم سنة؟؟
--
عضمة لسانهم خليها، لكن صدقني السنة دي : نهاية البروبقاندا!!
إن شاء الله غدوة كاربة بس ،،
|
Post: #41
Title: Re: برشلونة : كورتكم مسيخة ، ومملة
Author: وليد عبد اللطيف
Date: 09-14-2011, 02:28 PM
Parent: #40
يابوي حوعتني زيادة مالك جايب لينا سيرة البيك
| Quote: إن شاء الله غدوة كاربة بس ،، |
علي بالايمان لو عندك زول جاي الرياض بس اشر برسل ليك
انت وصاحبي ود الصائم
|
Post: #42
Title: Re: برشلونة : كورتكم مسيخة ، ومملة
Author: خالد عبد الله محمود
Date: 09-14-2011, 02:49 PM
Parent: #41
على بالأيمان الريالاب و المريخاب ديل عندهم عرق ..
أول السنة نقة كثيرة زي نقة عبد اللطيف و ود الصايم دي ..
آخر السنة يقعدوا يقفلوا في الصفحات صفحة و راء صفحة ..
البسمعكم تتكلموا الريال الريال ما بقول أنكم ماخدين خمسة السنة الفاتت بي بنزيمتكم و رونالديكم و مورينهو بتاعكم زيكم زي أي فريق صاعد يادوب لليغا !!!
|
Post: #43
Title: Re: برشلونة : كورتكم مسيخة ، ومملة
Author: صبري طه
Date: 09-14-2011, 07:17 PM
Parent: #42
الغريبة يتحدّثون عن إخفاق برشلونة بتعادلين في الدوري الإسباني ودوري أبطال أوروبا ونسوا أنه لم يخسر منذ انطلاقة الموسم الذي بدأ بمباراتي السوبر حيث تعادل في البرنابيو وهزم الريال بالكامب نو !!!
يعني سجلنا هذا الموسم خالي من الهزائم حتى تاريخ كتابة هذه الكلمات ...
أمّا سجل الريال ففيه هزيمة من البارسا ...
والنجاح دة قالوا كيف ؟
فريق مع انطلاقة الموسم حقق كأس السوبر الإسباني + كأس السوبر الأوروبي !!!
فابريجاس طيلة سنواته مع آرسنال لم يُحقق ما حققه مع البارسا في ثلاث مباريات فقط ...
http://www.getscore.net/news/9857/%D8%A7%D9%8...A7%D9%8A%D8%A7%D9%85
ثمّ ثانياً جوارديولا قاعد يجرّب في بداية الموسم كل النظريات عشان في نهاية الموسم الزعمطة تكون على أصولها ...
يا تمبس ألحقنا ياخ
ــــــــــــــ
|
Post: #44
Title: Re: برشلونة : كورتكم مسيخة ، ومملة
Author: صبري طه
Date: 09-14-2011, 09:53 PM
Parent: #43
Quote: برشلونة يصنع 30 فرصة في المباراة بينما كريستيانو رونالد
يسدد لوحدها مثلها نحو المرمى في المباراة الواحدة،،،،
ماذا فعل الاستحواز في مباراة سيوسداد والميلان؟؟
ألا يدق ناقوس عندكم ناقوس الخطر عند مشاهدتك لهدف باتو بالأمس؟؟
30 فرصة لم تدخل المرمى معنى ذلك في مشكلة : ميلان فرصين بهدفين!!
ميلان كورنة أو 2 بهدف ، والبارشا خرتمية كورنة لم تشكل خطورة
على الحارس العجوز:
ياصبري : الفريق فيه خطأ بليد في التسجيلات : يعتمد التعاقد مع
اللاعبين قصار القامة (كإستراتيجية) ويعتمد على الكرات العكسية
بإنطلاقات دانيل ألفيس وأبيدال،، معقولة بس؟؟ |
لك التحية ...
وكم أضاع ريال مدريد من الفرص في مباراة اليوم أمام زغرب ؟
أيمن جادة في سؤال لمحلل الجزيرة الرياضية المصري: ماذا يعني أن يضيع فريق كبير كريال مدريد فرص كثيرة وسهلة ؟
ــــــــــــ
لم أسمع الإجابة على السؤال ولكنني سأرد عليها أنا وهي:-
العلة في مثل هذه الحالة تكون في التدريب يا أستاذ ...
|
Post: #45
Title: Re: برشلونة : كورتكم مسيخة ، ومملة
Author: صبري طه
Date: 09-17-2011, 09:04 PM
Parent: #44
رغم سوء الطالع والذي لازم ميسي بالذات
بهدلونة يبهدل أوساسونا ويهزمه 8 صفر في الدوري الإسباني
ــــــــــــــ
برشلونة سينما تتحدى الملل
برشلونة سينما مش حتقدر تغمض عينيك
برشلونة يُريد إسقاط الملل ذاتو
ــــــــــــــ
|
|