Post: #1
Title: التعديل والاهتمام به والتجاهل
Author: خالد المحرب
Date: 09-13-2011, 04:20 PM
Parent: #0
قد اكون مخطى انا من الذين لايهتمون بالتعديل لخطا املائى او كلمه ناقصه
ارجو ان تدونا رايكم مع انى شايف فى ناس الواحد يدخل بس عشان يقول
انت كتبت كدا ودى ماصاح يعنى مصحح لغوى فهل هذا التجاهل فى بعض
الاحيان مخل ارجو ابدأ الراى
وعندى فهم طال ما الموضوع غير رسمى مافى داعى للفلسفه وبرضو
ممكن اكون مخطى جدا مع انى لم يجرحنى احد من الزملاء بكلمه لكن شايف
ناس كتار تعدل وتكتب سبب التعديل
احترامى للجميع ودمتم بالف خير
|
Post: #2
Title: Re: التعديل والاهتمام به والتجاهل
Author: الشامي الحبر عبدالوهاب
Date: 09-13-2011, 04:33 PM
Parent: #1
احيانا يا اخ خالد بكون في خطا لا بد من تصحيحه
واحيانا الخطأ يكون بسيطا من نوع (لايفوت علي فطنة القارئ)
فالذي لا بد من تصحيحه يعني ان الكلام لا يستقيم بوجوده او لا يعطي المعني الذي يقصده الكاتب
وقد وقعنا في اخطاء مثل هذه واضطررنا للتعديل
اذن التعديل تفرضه الضرورة بعد اعادة القراءة مرة ثانية
اذا كان الكلمة او العبارة تستحق التعديل
تحياتي لك وللاسرة الاخ خالد
|
Post: #4
Title: Re: التعديل والاهتمام به والتجاهل
Author: خالد المحرب
Date: 09-13-2011, 04:41 PM
Parent: #2
Quote: اذن التعديل تفرضه الضرورة بعد اعادة القراءة مرة ثانية
اذا كان الكلمة او العبارة تستحق التعديل
|
اوه الشامى السلام عليكم فعلا دا شى مهم وملح
ولكن مرات التعديل يكون سبب فى خلخلة الفكره
يعنى تكتب مداخله فى راى قوى التعديل فيها يضعف
الفكره انك تراجعت عن بعض الكلام
لك احترامى يا صاحب القلم الرصين
|
Post: #3
Title: Re: التعديل والاهتمام به والتجاهل
Author: Al-Shaygi
Date: 09-13-2011, 04:38 PM
Parent: #1
شيخ خالد وينك قاطع موية ونور
سمعتو ولا جابوهو ليك؟؟
Quote:
التعديل والاهتمام به والتجاهل
|
تعرف اكتر حاجة بتضايقني من قراءة البوستات الأخطاء الطباعية والكلام الناقص
هناك الكثيرين لا يهتمون بهذا الأمر والواحد/ة يطبعوا ليك الكلام زي ما يجي ...
مهم جداً الإستفادة من أيقونة (شاهده قبل نشره) بالأسفل للمراجعة، ثم إرسال البوست أو الرد حتى بدون أن تظهر رسالة التعديل من الموقع.
شكراً للملاحظة وأبقى مارق الشتاء لسه ما جاء للبيات....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
|