مباراة الهلال والرجاء مسببة للذبحة الصدرية

ننصح بعدم مشاهدتها

وخصوصا لذوي القلوب الرهيفة

وفي نفس الوقت

ستكون مباراة انيمبا والقطن

والقلب يكون هنا والعقل يكون هناك

وسيكثر القلق والتوتر

والذهاب بكثرة للحمام

وعليه نوصي بعدم المشاهدة

واغلاق الجوال والانتظار حتي الساعة الثامنة مساء

وحينها يمكن عمل اتصال خجول

لكيكي او ود الصايم او عمران او محمد عبدالرحمن


او بهاء بكري او عمر بوب لمعرفة النتيجة

عليك الاتصال بالشخص الذي ينقل الاخبار الجيدة


وكما جاء في الاثر

الخبر الشوؤم لا ياتي الا من الرجل الشوؤم

عليك الابتعاد من النت

لانو ممكن يدك تاكلك وتفتح سودانيز

وتجد كااااك وقوووون وهلم جرا

او تفتح موقع كورة لمعرفة النتيجة

يمكنك البقاء في المسجد لصلاة المغرب والعشاء

كما يمكنك مراجعة الدروس مع العيال

او ممكن نبدد الساعتين في المواصلات

تمشي تجيب تمباك وممكن تمشي عزاء قديم

او ممكن تجيب الجرايد

او تقرا رواية

وممكن تلعب

SPIDER

في الكمبيوتر

وياريت يا خلي يكونو على قدر همتك وحبك وإخلاصك لهذا للشعار !

الذي كان مدرسة من مدارس الفن في هذا الجزء من العالم ، يوماً ما !

بتخيل لي ياخليل تيممك هذا وحبك الكبير ، راسخ في ضميرك !

وفي عقلك الباطن من زمان !


تمنياتي بالتوفيق .

Quote: وياريت يا خلي يكونو على قدر همتك وحبك وإخلاصك لهذا للشعار ! الذي كان مدرسة من مدارس الفن في هذا الجزء من العالم ، يوماً ما ! بتخيل لي ياخليل تيممك هذا وحبك الكبير ، راسخ في الضمي ! ر وفي عقلك الباطن من زمان ! تمنياتي بالتوفيق .

مامون الفنان

وهل بقي في السودان شي غير


الهلال والنيل وزيدان ابراهيم

اتمني لكم التاهل ومقابلة الترجي

Quote: وحينها يمكن عمل اتصال خجول لكيكي او ود الصايم او عمران او محمد عبدالرحمن او بهاء بكري او عمر بوب لمعرفة النتيجة

يا خلو
وكان الناس ديل طلعوا من ذوي القلوب الرهيفة برضو؟
ومشو درس العصر،، الخبر تلقاهو وين؟

Quote: يا خلو وكان الناس ديل طلعوا من ذوي القلوب الرهيفة برضو؟ ومشو درس العصر،، الخبر تلقاهو وين؟

هلا معتز

بعد داك مافي حل غير اخر الطب الكي

تتوكل علي الوهاب الما ضهاب وتفتح سودانيز

يا شرقت يا غرقت

Quote: اتمني لكم التاهل ومقابلة الترجي

سلام عبد اللطيف

الترجي افضل لنا من الاهلي القاهري


الترجي دفاعه ضعيف ويلعب شوط واحد فقط


الاهلي القاهري خطير وله معنا ثار بائت

نفهم من كلامك..
إنو خليل رمى المنديل؟؟


الكورة مجنونة يا خلو.. والترشيح صعب..
هلالنا شكلو ما مريح.. ولا مطمن..
بس العشم ما بنقطع.. والأمل موجووووود..

ياخلي يا خلي
ياخي و الله بالرغم اني رميت طوبة الكورة دي من زمان لك ح أشجع الهلال عشانك.

الله ينصر الهلال ياخي

Quote: ياخلي يا خلي ياخي و الله بالرغم اني رميت طوبة الكورة دي من زمان لك ح أشجع الهلال عشانك. الله ينصر الهلال ياخي

بكور سيد العلوم

كل سنة وانت طيب ياخ

اللهم انصر الهلال


وعلي راي كابلي


تعبنا خلاص وانت لينا عيادة

Quote: نفهم من كلامك.. إنو خليل رمى المنديل؟؟ الكورة مجنونة يا خلو.. والترشيح صعب.. هلالنا شكلو ما مريح.. ولا مطمن.. بس العشم ما بنقطع.. والأمل موجووووود

طبعا يا ايمن

الامل موجود

ولكن اذا ضمنا هنا من يضمن هناك


غايتو كتب علينا الجهجهة ومن كتبت عليه الجهجهة مشاها

Quote: وعليه نوصي بعدم المشاهدة واغلاق الجوال والانتظار حتي الساعة الثامنة مساء

و كان اتصلته على جماعتك و ادوك الصايمة
ما تعرف الكتلك الهلال و الرجل الشووم صاح؟





ـــــــــــــــــــــــ
ربنا يدى زيدان العافية و قيقومو بالسلامة .

Quote: و كان اتصلته على جماعتك و ادوك الصايمة ما تعرف الكتلك الهلال و الرجل الشووم صاح؟ هلا وغلا يا سفيان لازم تستعمل التكتيك زي ما قلت ليك تعمل اتصال خجول وانت قنعان (اها الهلال عمل شنو) لو كان الخبر مفرحا سوف يكون لنا كلام وان كان غير الممطورة لا تبالي من الرش

---

Post: #24 Title: Re: مباراة الهلال والرجاء مسببة للذبحة الصدرية Author: أحمد محمد عمر Date: 09-13-2011, 03:22 PM Parent: #20 Quote: وحينها يمكن عمل اتصال خجول لكيكي او ود الصايم او عمران او محمد عبدالرحمن او بهاء بكري او عمر بوب لمعرفة النتيجة أو هارون دياب أو الفضلي أو وليد الشفت

---

Post: #25 Title: Re: مباراة الهلال والرجاء مسببة للذبحة الصدرية Author: اسعد صلاح البدري Date: 09-13-2011, 03:36 PM Parent: #24 ميشو قاعد مافي لينا فرح نهائي احسن نطير من هسي عشان ما يحصل لينا فضائح مع ناس الترجي والوداد ياخ دا ما عندو اي علاقة بالكورة والله والله العظيم كرهتنا البلي انعل ابو الصرب والبوسنا ظاتو

---

Post: #33 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:39 AM Parent: #25 Quote: ميشو قاعد مافي لينا فرح نهائي احسن نطير من هسي عشان ما يحصل لينا فضائح مع ناس الترجي والوداد ياخ دا ما عندو اي علاقة بالكورة والله والله العظيم كرهتنا البلي انعل ابو الصرب والبوسنا ظاتو يا اسعد لا ياخ خلينا نمشي دور الاربعة ونطير بعد داك علي الاقل نكون عندنا برنامج لمدة شهر الهلال جا الهلال لعب الكورة الساعة كم ياخي الانتظار زاتو حاجة جميلة بدل نرجع للممتاز والفانوس حرق القطية

---

Post: #26 Title: Re: مباراة الهلال والرجاء مسببة للذبحة الصدرية Author: حاتم محمد حاج المهدي Date: 09-13-2011, 03:43 PM Parent: #24 الأخ خليل سلامات.. أنا من أصحاب القلوب الرهيفه عندما يتعلق الأمر بالهلال ولكن هذه المباراة بالذات سأحضرها بقلب قوي وبمزاج عالي (بدون أي رجفه أو كبكبه) بعد أن خذلناالهلال في نهايات المشوار كالعاده بإستهتار لاعبيه وغباء مدربه.. وحتى لو حصلت معجزة وتأهل الهلال فلن تتكرر المعجزة ويتجاوز نصف النهائي.. أقدر عشقك للهلال ياخليل (فكلنا في الهوا سوا) ولكن فريق الهلال الحالي ضعيف لاتبنى عليه آمال ولا أدري كيف وصل إلى هذه المرحلة!

---

Post: #27 Title: Re: مباراة الهلال والرجاء مسببة للذبحة الصدرية Author: رؤوف جميل Date: 09-13-2011, 03:50 PM Parent: #26 طيب يا خليل نحن الحانحضرها الساعة 8 صباحا نعمل شنو

---

Post: #28 Title: Re: مباراة الهلال والرجاء مسببة للذبحة الصدرية Author: سيف بخيت موسي Date: 09-13-2011, 04:32 PM Parent: #27 خليل ياصديق الله يعينا عليها ولو لا فسحة الامل لمتنا ننتظر انتهاء المباريات ولكل حادث حديث تحياتي ليك والجميع ----------------------------------------------- حكمة اليوم والغد : الصبرنا على الفات يصبرنا على الجاي

---

Post: #29 Title: Re: مباراة الهلال والرجاء مسببة للذبحة الصدرية Author: Abd Alla Elhabib Date: 09-13-2011, 05:07 PM Parent: #28 الهـــلالابي الأصـــيل خلـيلو الله يكون في العـــون ياخـي بقينا زي الشحادين وبي دهنسة كمان ! إدارة الهـلال دفعت علي وفـد إنييمبا الزايد !! وهـم هناك عاملوا الهـلال زي الزفــت الهــلال عايز رجال في المكتب وفي الميدان ولا مــرحبا بنصــر لا يأتي عــنوة وإقتدارا -------------- قالوا إنتا غناي وصـوتك حـلو شوف كـيكـي وين وأعملو دويتو لمـدة ساعتين يوم الأحـد :)

---

Post: #30 Title: Re: مباراة الهلال والرجاء مسببة للذبحة الصدرية Author: Magdi Ahmed Elsheikh Date: 09-13-2011, 09:17 PM Parent: #29 Quote: ممكن تمشي عزاء قديم بتاع انيمبا ماذنبي......!! خلي بتصل عليك اول باول......!!

---

Post: #31 Title: Re: مباراة الهلال والرجاء مسببة للذبحة الصدرية Author: ناصر المحسى Date: 09-13-2011, 09:26 PM Parent: #30 Quote: عليك الابتعاد من النت لانو ممكن يدك تاكلك وتفتح سودانيز وتجد كااااك وقوووون وهلم جرا او تفتح موقع كورة لمعرفة النتيجة

---

Post: #39 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:52 AM Parent: #30 Quote: خلي بتصل عليك اول باول......!! النبي فيك يا دكتور مجدي بعد الكورة ممكن

---

Post: #37 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:50 AM Parent: #29 Quote: قالوا إنتا غناي وصـوتك حـلو شوف كـيكـي وين وأعملو دويتو لمـدة ساعتين يوم الأحـد :) الحبيب عبد الله الحبيب وايضا يجب خطب ود المغاربة بعد دفع فلوس انيمبا الزائدة الله يجازي الكان السبب ميشو قال هيثم هو من وضع التشكيلة تصدق هناك بروفة لاغنية هلال ميشو والوزير كالعادة بطير ساقوم بادائها مشترك مع الممراح كيكي

---

Post: #36 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:46 AM Parent: #28 Quote: خليل ياصديق الله يعينا عليها ولو لا فسحة الامل لمتنا ننتظر انتهاء المباريات ولكل حادث حديث سيف صاحبي يبدو ان قلبك قوي وبقدر علي الهباباي عز الصيف ناس المغرب غتيتين حا يلعبو معانا لعب ضاغط ولكن نحتاج للمعجزة وقد نحققها

---

Post: #35 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:44 AM Parent: #27 Quote: طيب يا خليل نحن الحانحضرها الساعة 8 صباحا نعمل شنو صباح الخير يا رؤوف تشوف ليك بطانية تقيلة يا فردة وتاخد ليك نومة ابو لستك وتصا الساعة عشرة عشان تاتيك الاخبار تحياتي

---

Post: #34 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:42 AM Parent: #26 Quote: أنا من أصحاب القلوب الرهيفه عندما يتعلق الأمر بالهلال ولكن هذه المباراة بالذات سأحضرها بقلب قوي وبمزاج عالي (بدون أي رجفه أو كبكبه) بعد أن خذلناالهلال في نهايات المشوار كالعاده بإستهتار لاعبيه وغباء مدربه.. وحتى لو حصلت معجزة وتأهل الهلال فلن تتكرر المعجزة ويتجاوز نصف النهائي.. أقدر عشقك للهلال ياخليل (فكلنا في الهوا سوا) ولكن فريق الهلال الحالي ضعيف لاتبنى عليه آمال ولا أدري كيف وصل إلى هذه المرحلة! هلا وغلا حاتم طبعا علي العكس منك يا حاتم اري ان هذه البطولة متواضعة والفريق الوحيد صاحب المستوي المميز فيها انيمبا ولكن الهلال كالعادة ملك ملوك التفريط والانفناسة في اخر لفة

---

Post: #32 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 05:36 AM Parent: #24 Quote: أو هارون دياب أو الفضلي أو وليد الشفت يا احمد ديل بكون ما عندهم خبر بكونو مشغولين كيف القطن يهزم انيمبا

---

Post: #38 Title: Re: مباراة الهلال والرجاء مسببة للذبحة الصدرية Author: abuguta Date: 09-14-2011, 05:50 AM Parent: #32 Quote: الهلال والنيل وزيدان ابراهيم على الطلاق ياخليل انت سودانى قح حامل التلاتة ديل بين ضلوعك,,, خيار من خيار,,,,,احسن نطلع من الان ونحن خارج الارض ام نواجه الترجى العائد بوحشية ,,

---

Post: #40 Title: Re: مباراة الهلال والرجاء مسببة للذبحة الصدرية Author: عبد اللطيف السيدح Date: 09-14-2011, 06:01 AM Parent: #38 khaleel لا يأس ولا قنوط مع الحياة الي الامام الي الامام أمة الهلال في القمة وامنيتي في الحياة دي اشوف شنب ود القاضي ممعوط

---

Post: #43 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 10:20 AM Parent: #40 Quote: khaleel لا يأس ولا قنوط مع الحياة الي الامام الي الامام أمة الهلال في القمة سلامات يا سيدح اخشي ان تكون الي الامام الي الامام مثل بتاعة قذافي لامن مرق في النيجر

---

Post: #42 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 10:18 AM Parent: #38 Quote: على الطلاق ياخليل انت سودانى قح حامل التلاتة ديل بين ضلوعك,,, خيار من خيار,,,,,احسن نطلع من الان ونحن خارج الارض ام نواجه الترجى العائد بوحشية ابو قوتة الله عليك ياخ اذا صعدنا لدور الاربعة سنهزم البارشا زاتو

---

Post: #41 Title: Re: مباراة الهلال والرجاء مسببة للذبحة الصدرية Author: أبوعبيدة محمد الأمين Date: 09-14-2011, 06:04 AM Parent: #32 خليل ياخليل كل عام وأنت بخير هذا البوست يمثل أحسن صيوان عزاء حيث أنه يسبق التشييع ويشبه توقع وجود أحياء حين تتحطم طائرة جميل هذا الهلال الذي أحال عيدنا هذا العام كصفوة لأعياد سبقت العيد وأعقبته ومازال العرض مستمراً ونتوقع إستمرار الفرح لو صعد لدور الأربعة ياخي في النهاية القصة كورة ماتاخد في نفسك كثير وحاسب على قلبك وماتفقع مرارة الهلالاب أكثر من كده فهم لايقبلون ممارسة النقد الذاتي بس إنت صفوة بنوزرقان وسلمت وكل الأحباب من الذبحة

---

Post: #44 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 10:23 AM Parent: #41 Quote: ياخي في النهاية القصة كورة ماتاخد في نفسك كثير وحاسب على قلبك وماتفقع مرارة الهلالاب أكثر من كده فهم لايقبلون ممارسة النقد الذاتي بس إنت صفوة بنوزرقان وسلمت وكل الأحباب من الذبحة ابو عبيدة عيدك مبارك نعمل شنو ياخ القلب وما يريد ولكن منذ اليوم نعمل بمقولة احبب اخاك هونا فهونا ياخي دي قصة ريد طريفة خلاص لانها من طرف واحد

---

Post: #45 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 10:25 AM Parent: #44 كلام جميل دا Quote: إيفانز أوجني: لن نلعب بالصف الثاني أمام القطن أشاد إيفانز أوجني المدرب العام لفريق إنييمبا النيجيري بالهلال وذكر أنه فريق جيد وقال إن فريقه انتصر على الأزرق لأنه استغل الفرص التي أتيحت له وأضاف: أيضاً (حركات) المعز محجوب حارس مرمى الفرقة الزرقاء واحتفالات لاعبي الهلال الهستيرية بالهدف المبكر قادتنا للفوز وزاد: لاعبو الهلال اعتقدوا أن المباراة انتهت على الرغم من أن هناك 86 دقيقة أخرى أحسنا استغلالها وأحرزنا هدفين وتفوقنا على الهلال وتأهلنا إلى المرحلة المقبلة وكنا درسنا المنافس في عشر دقائق وفرضنا رقابة على هيثم مصطفى فاختفى سادومبا وذكر المدرب العام لإنييمبا أن المعز محجوب جاء بتصرفات عجيبة وقال: يعتقد أنه بهذه التصرفات يستفزنا وهو لا يعلم أننا فريق كبير ومثل هذه التصرفات لا تؤثر علينا نحن فريق محترف ولا نأبه لمثل حركاته فلماذا يفعل ذلك أن سلوك الحارس الذي شارك في مباراة أبا أعجبني جداً، إنه ملتزم بواجباته على العكس من الحارس الذي دفعوا به في مباراة أمدرمان وعملت أنه حارس مرمى المنتخب، أعتقد أن منتخبكم سيكون في خطر إذا استمر المعز يحرس بوابته وأكد المدرب العام لإنييمبا إنه يحب الهلال ويأمل أن يتأهل إلى المرحلة المقبلة وقال: أتمنى أن يصعد الهلال معنا، بل أن يواصل المهمة حتى النهاية ونفى المدرب العام نية ناديه اللعب بالصف الثاني في مباراة القطن وقال: على العكس سنلعب من أجل الفوز وعلى الهلال أن يتعادل أمام الرجاء لا نريد أن نثقل عليه فليتعادل مع الرجاء وليترك لنا القطن.

---

Post: #46 Title: Re: مباراة الهلال والرجاء مسببة للذبحة الصدرية Author: وليد محمد المبارك Date: 09-14-2011, 10:35 AM Parent: #45 مرحب ابو الخل Quote: إيفانز أوجني: لن نلعب بالصف الثاني أمام القطن ما هو المنطق في هذا ؟! بدون هلال وبدون مريخ ... لا سبب يدعوا انيمبا لفعل هذا بما انه اول المجموعة في كل الاحوال .. وبعد مشوار طويل في البطول

---

Post: #47 Title: Re: مباراة الهلال والرجاء مسببة للذبحة الصدرية Author: Fadl Karrar Date: 09-14-2011, 12:59 PM Parent: #46 عن سابق تجربة مبارة مازمبي هناك الشوط الأول إنتهي 2 صفر للهلال في الشوط الثاني كاريكا إنفرد بحارس مازمبي 3 مرات غير الفرص الأكيدة المضمونةوكان قونين تاني من الهلال ونطير مازمبي ونمسح آثار الخمسة قلبي قرب يقيف في كل ثانية تمر المرة دي يا خليل لا مجازفة بالصحة ولا يحزنون لا تلفزيون لا نت لا رادي يوم الكورة يمكن أضرب الخلاء بتاع البطانة بي شرق النيل وما أرجع إلا أنصاص الليالي

---

Post: #48 Title: Re: مباراة الهلال والرجاء مسببة للذبحة الصدرية Author: وليد عبد اللطيف Date: 09-14-2011, 01:23 PM Parent: #47 Quote: عن سابق تجربة مبارة مازمبي هناك الشوط الأول إنتهي 2 صفر للهلال في الشوط الثاني كاريكا إنفرد بحارس مازمبي 3 مرات غير الفرص الأكيدة المضمونةوكان قونين تاني من الهلال ونطير مازمبي ونمسح آثار الخمسة قلبي قرب يقيف في كل ثانية تمر بالله ماتذكرونا اليوم دا تعرف ياخليل كل كم يوم بتصل على نسيبنا نطمن عليهو دا كله بسبب الهلال غايتو اليوم داك الله يستر بس

---

Post: #49 Title: Re: مباراة الهلال والرجاء مسببة للذبحة الصدرية Author: Fadl Karrar Date: 09-14-2011, 01:35 PM Parent: #48 تعرف يا وليد بوست بتاعك ( الهلال لو لعب لوحده ) من ما قريتو ما ريحني كلو كلو وغلبني أتداخل فيهو لأني عارفك كورنجي وكلامك ما بقع واطة تاني عليك الله لو عندك مخاوف موت بيها براك ما تجهجهنا معاك والله يعدي الإسبوع دا علي خير

---

Post: #53 Title: Re: مباراة الهلال والرجاء مسببة للذبحة الصدرية Author: على محمد على بشير Date: 09-14-2011, 02:25 PM Parent: #49 Quote: وهل بقي في السودان شي غير الهلال والنيل وزيدان ابراهيم غايتو يا خلى اكان دى حاجاتك .. الله يعينك فالهلال تعبان وزيدان مرضان والنيل اتملا سدود وبالمناسبه دى ,الله يشفى لينا العندليب وادعو ليهو يا خليل + الهلال متاهل يا خليل بس الغريق قدام

---

Post: #54 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 02:30 PM Parent: #53 Quote: الهلال متاهل يا خليل بس الغريق قدام يا ريت يا ابو علوة بعد داك بكون عندنا كلام كتير الترجي البلعب شوط واحد دا مقدور عليه شفا الله العندليب الاسمر والنيل النيل ايه بحر الشمال وانت النيل حداك

---

Post: #52 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 02:24 PM Parent: #48 Quote: بالله ماتذكرونا اليوم دا تعرف ياخليل كل كم يوم بتصل على نسيبنا نطمن عليهو دا كله بسبب الهلال غايتو اليوم داك الله يستر بس الله يغيظهم يا وليد طفشو لينا ودالبشري وحتي عمر بوب حرد بوست المباراة التقليدي وبهاء بكري كان كل يوم بضرب لي تلفون هسع من يوم الهزيمة تاني ما سمعت صوتو

---

Post: #51 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 02:22 PM Parent: #47 Quote: عن سابق تجربة مبارة مازمبي هناك الشوط الأول إنتهي 2 صفر للهلال في الشوط الثاني كاريكا إنفرد بحارس مازمبي 3 مرات غير الفرص الأكيدة المضمونةوكان قونين تاني من الهلال ونطير مازمبي ونمسح آثار الخمسة قلبي قرب يقيف في كل ثانية تمر المرة دي يا خليل لا مجازفة بالصحة ولا يحزنون لا تلفزيون لا نت لا رادي يوم الكورة يمكن أضرب الخلاء بتاع البطانة بي شرق النيل وما أرجع إلا أنصاص الليالي عيدك مبارك فضل كرار وظن مراقب وصدق العاقل كما قال الفنان البعد ولا البلاد ام سعد بالغ المعز محجوب ياخ اركز يا زول الشراد فيك ما خايل تحياتي

---

Post: #50 Title: Re: مباراة الهلال والرجاء مسببة للذبحة الصدرية Author: khaleel Date: 09-14-2011, 02:19 PM Parent: #46 Quote: بدون هلال وبدون مريخ ... لا سبب يدعوا انيمبا لفعل هذا بما انه اول المجموعة في كل الاحوال .. وبعد مشوار طويل في البطول هلا بوليد الشفت تاني نحن ما بنشتري كلام الجرايد المقدور وقع وما بنفع الجقليب