Post: #1
Title: ياجماعة!!فى زول سمع الانا سمعتو ولا انا حلمان!!!
Author: احمد خليل
Date: 09-13-2011, 01:17 PM
Parent: #0
تحياتى
امبارح !! زى كأنى شفت برنامج بقدموا طاهر التوم وعاملو مع الاستاذ عبدالله زكريا
سمعت الاستاذ ذكريا بيقول انو القذافى ادى الصادق المهدى ميتين مليون دولار يديها (للرئيس بوش) بتاع امريكا دعما لحملته الانتخابية وانو بوش طلب (فكى)!!! ايوه فكى عديل وسكنو فى جزيرة شنو كده!!
حاولت اصحصح مع الكلام ده !!لقيت نفسى فى آخر نومه !!لأنى تعودت اذا عايز انوم افتح اى قناه سودانية!!
غايتو معليش يمكن حلم !!يمكن مقدمة كابوس الى دايما بجينى لو انتبهت لأى برنامج حوارى مع الجماعة!!
kofi
|
Post: #2
Title: Re: ياجماعة!!فى زول سمع الانا سمعتو ولا انا حلمان!!!
Author: جعفر محي الدين
Date: 09-13-2011, 01:35 PM
سلام أحمد
أنا سمعت الكلام دا برضو من السيد / عبد الله زكريا
وليس مستغربا بالطبع أن يقوم القذافي أو أي نظام عربي بتمويل حملة
انتخابات رئاسية في دول الغرب الصديقة لهذه الأنظمة والعدوة لشعوب المنطقة
ولكن ما لم أفهمه أو بالأحرى ما لم أصدقه أن يتم هذا التمويل بالطريقة
التي ذكرها عبد الله زكريا والذي بدأ في هذه اللقاءات مع الطاهر التوم
وكأنه يبحث عن سبيل للصعود إلى سطح الأحداث خصوصا بعد سقوط نظام العقيد القذافي
وهو الشيء الذي لم يصدقه زكريا وحاول قدر استطاعته نكرانه
|
Post: #3
Title: Re: ياجماعة!!فى زول سمع الانا سمعتو ولا انا حلمان!!!
Author: Mahjob Abdalla
Date: 09-13-2011, 02:22 PM
Parent: #2
يا خليل و جعفر
انتو جادين ام انتو الاثنين جاتكم نفس الرؤية في احدي ليالي ست من شوال؟
|
Post: #4
Title: Re: ياجماعة!!فى زول سمع الانا سمعتو ولا انا حلمان!!!
Author: المكاشفي الخضر الطاهر
Date: 09-13-2011, 02:33 PM
Parent: #3
| Quote: !لأنى تعودت اذا عايز انوم افتح اى قناه سودانية!! |
أكان كدا القنوات السودانية فيها فائدة
|
Post: #5
Title: Re: ياجماعة!!فى زول سمع الانا سمعتو ولا انا حلمان!!!
Author: عبد الناصر الخطيب
Date: 09-13-2011, 06:56 PM
Parent: #4
.
أحمد خليل
تحية وتقدير ,,,
الكلام د هانا سمعتو الصباح بدري قبل ثمانية صباحا و قبل ما أطلع الشغل بقلب في التلفزيون لفت نظري حلفة من برنامج مراجعات الظاهر ( إعادة ) مع الأستاذ عبد الله ذكريا والزول ده البنعرفوا عنو أنو أيام الديمقراطية الثالثة عمل حركة اللجان الثورية في السودان والبتذكروا أجروا دار في شارع الموردة وكان بوزعوا كميات ما عادية من الكتاب الاخضر ( الاخدر ) بتاع القذافي كانت إفادتوا عن الفترة بتاعت كفاح الجبهة الوطنية ضد حكم المرحوم الرئيس نميري والحقيقة الحلقة كلها فيها معلومات لو كانت دقيقة بالجد بتبقي غاية في الاسف لانو صور معارضة نميري عبارة عن دمي في يد المخابرات .
سمعته قصة السيد الصادق المهدي الكان رسول القذافي لبوش الاب وانو السفرة دي ما تمت لانوا ناس الانقاذ منعوا سفر الصادق المهدي لامريكا !!! وسمعته مجهودات عبد الله ذكريا في أنو يقنع الشريف حسين الهندي أول الثمانينات يسافر ليبيا من لندن وكان ده بطلب من أبوبكر يونس فسافر وقعد معاهو سنة في لندن عشان يقنعوا ولقي الشريف عمل اتفاق مع العراق وبتحرسوا المخابرات العراقية , وقصة لقاءه بالدكتور جون قرن في ليبيا قبل الانتفاضة وووو
ودي المرة الاولي اشوف فيها الأستاذ عبد الله ذكريا زعيم اللجان الثورية في السودان الاتكلم عن صلة حزب الامه بليبيا في إطار أتفاق بين الصادق والقذافي يدعمهم للوصول للسلطة باسقاط نظام النميري مقابل وحدة اندماجية فورية , وكلاموا عن المصالحة الوطنية الحصلت بين الصادق المهدي والنميري بانها كانت مفاجئة لاطراف المعارضة المتواجدين في ليبيا وانها كانت تصرف منفرد من الرجل
كانت حلقة تستحق المشاهدة مع أنو الراجل شكلوا رجع السودان في ظروف إضطرارية بعد الحصل في ليبيا وسقوط النظام بس الراجل شكلوا مشوطن خلقة وكتير من سردوا لتاريخ الوقائع في فترة الجبهة الوطنية بخلى الواحد يتسال هل كانت أحزابنا البتعارض نظام النميري في الفترة ديك عبارة عن عملاء لمخابرات ودول ولا كانت عندها اجدندة وطنية حقيقية ؟؟؟؟؟؟؟؟؟؟
بالمناسبة لسه في حلقة متبقية في الحوار ده حاحاول اتابعه في النيل الازرق
تحياتي
|
Post: #6
Title: Re: ياجماعة!!فى زول سمع الانا سمعتو ولا انا حلمان!!!
Author: احمد خليل
Date: 09-14-2011, 09:53 AM
Parent: #5
مولانا جعفر
الاستاذ عبدالله شاهد على عصره وما يحكية ليس عبث ولكن للعمر احكام بس حكاية (الفكى) دى شوية حالجه معاهو ومعاى!!
اخى محجوب
انا شخصيا جادى فى تساؤلى بين اليقظة والاحلام!!!
مولانا المكاشفى
صدقت ياشيخنا القنوات الفضائية السودانية بتدينا فاليوم 10 عديل والدليل الشعب نايم رغم غلاء المعيشة وصوت الغلابة والرصاص.
اخى الخطيب
الراجل حداثة وشريك فى صناعة الكثير من الاحداث المهمة !!
سمعت حكاية ( الفكى ) دى ولا تشابكت على الرؤى,,
|
Post: #7
Title: Re: ياجماعة!!فى زول سمع الانا سمعتو ولا انا حلمان!!!
Author: عبدالعزيز الفاضلابى
Date: 09-15-2011, 08:00 PM
Parent: #6
افادة عبدالله زكريا جاء فيها:
القذافي مول حملة جورج بوش الاب . دفع 200 مليون دولار . شالها وداها الصادق المهدي . الصادق ودا فكي لبوش . الفكي قعدوه في جزر البهاماس.
علي لسان زكريا:
القذافي قال لي: ياخي انا مولت إنتخابات جورج بوش الاب وهسع كبّ فيّ حكاية لوكربي وشوف لي لصادق يحل لي الموضوع ده مع بوش . قال زكريا: انا كلّمت الصادق وناس الانقاذ رفضوا ان الصادق يمشي يتوسّط . خايفين يمشي مايرجع , لانو زول معارض.
طيب ياجماعة : زول كان رئيس وزراء بلد حدادي مدادي يشتغل مراسلة للقذافي? تاني هام ,, زول امام الانصار يسوق فكي عشان ينجح بوش في الانتخابات? كيف يرض لنفسه لعب دور كهذا وكيف لامام الانصار ان يعتقد في خزعبلات مثل ان الفكي ينفع ويضر. ولوكان الفكي بي ينفع ويضر ماكان ينفعه ويمنع منه الانقلابات .
|
Post: #8
Title: Re: ياجماعة!!فى زول سمع الانا سمعتو ولا انا حلمان!!!
Author: عبدالعزيز الفاضلابى
Date: 09-16-2011, 03:14 PM
Parent: #7
.
|
|