Post: #1 Title: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 10:43 AM
هدف انيمبا في الاول في الهلال لاسباب :
1. التمركز الخاطي للحارس ( اساسيات الحراسة ) 2. ضعف الاستجابة ( امكانيات الحارس البدنية والذهنية ) 3. تكرار الهدف بالكربون في نفس الحارس ونفس المنافسة من نفس المكان ( عدم التعلم من الاخطاء )
Post: #2 Title: Re: شئ من الجدية ... اغبى هدف يدخل في حارس مرمى ... Author: احمد محمد بشير Date: 09-12-2011, 10:48 AM Parent: #1
هدف عينة وكأن على روؤسهم الطير
Post: #3 Title: Re: شئ من الجدية ... اغبى هدف يدخل في حارس مرمى ... Author: طارق جبريل Date: 09-12-2011, 11:00 AM Parent: #2
يا ولي الايام دي قاعدين يسألوني انت من وين قاعد اقول ليهم: من المالديف
Post: #9 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:27 AM Parent: #3
Quote: من المالديف
كاااااااااااااااااااااااااااااااااك
المالديف يا كبير
Post: #31 Title: Re: شئ من الجدية ... اغبى هدف يدخل في حارس مرمى ... Author: المكاشفي الخضر الطاهر Date: 09-13-2011, 02:15 PM Parent: #3
Quote: الايام دي
طرق شمعنا يعني الايام دي
Post: #5 Title: Re: شئ من الجدية ... اغبى هدف يدخل في حارس مرمى ... Author: سيف بخيت موسي Date: 09-12-2011, 11:03 AM Parent: #2
Quote: هدف انيمبا في الاول في الهلال لاسباب :
1. التمركز الخاطي للحارس ( اساسيات الحراسة ) 2. ضعف الاستجابة ( امكانيات الحارس البدنية والذهنية ) 3. تكرار الهدف بالكربون في نفس الحارس ونفس المنافسة من نفس المكان ( عدم التعلم من الاخطاء )
وليد كل عام وانت بألف خير
نبصم بالعشرين على حديثك
المشكلة في السودان أن الحراسة مازالت تشكل عقبة
حامد بريمة أخر العمالقة وعندما كان في المريخ شفت الكاسات الخارجية جات طائعة وبعده إنقطعت
أنا حسب فقهي الكروي المتواضع الحراسة 50% من الفريق
تحياتي وسلامي
Post: #13 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:35 AM Parent: #5
عيد سعيد يا سيف
كلامك سليم
حتى فريق المريخ في الفترة 85 الى 90 على قوته لكنه في اغلب خطوطته كان اضعف من فريق الهلال
نقطة التفوق في المريخ كانت في حراسة المرمي
المريخ في تلك الفترة حصل على ثلاث كاسات خارجية ولم يتحصل الهلال على شئ
Post: #8 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:22 AM Parent: #2
يا ابو حميد
لو جبت لينا كمان قون قلق من نفس المكان
تكون ما قصرت
Post: #4 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:00 AM Parent: #1
التمركز الخاطي للحارس ( اساسيات الحراسة )
هذا من أ ب ج د يات حراسة المرمى ... التمركز الصحيح .. والوقوف بين الخشبات ... خاصة عند الضربات الثابته ... حتى عند الكرات المتحركة لابد وان يكون لحارس المرمى احساس عالي بموقعه وموضعه ... يعرف اين هو بالنسبة الى المرمي دون النظر اليه ... ما بالك في كرة ثابته .. تستطيع في فترة توقف الكرة والاعداد لركلها ان تتمركز بصورة صحيح عكس الكرات المتحركة ...
القاعد واضحة ومعروفة في الكرات الثابته من الاطراف في خط متوازي لخط الـ 18 واقرب باتجاه الحارس .. يقف الحارس في الثلث الاخير للمرمي مع محازات خط البداية اقرب الى العارضة البعيدة من مكان الكرة ... بالدارجي كده ( يقيف قريب من العراضة الوراهو ورجليه على خط ماف ) .. دي الحارس لو ما بعرف يعملها يمشي يشوف ليه شغلة تانية
اما في الكرات المتحركة من الاطراف تعدل الوقفة ليكون الحارس اقرب للعارضة الامامية يبعد عن خط البداية خطوة او خطوتين اعتمادا على موقع الكرة بالدارجي كده ( اقيف مع العراضة القدام وخليك بره خط مافي خطوه خطوتين حسب مكان الكورة موجوده ) .. ويتم تعديل الموقع كلما الكرة تحركة باتجاه خط المرمى .. ليتصق كتف الحارس مع العارضة الامامية عندما توازي الكرة خط المرمي
أ ب ج د
لو معز كان واقف صاح .. ومفروض انو يقيف صاح ... وده مفروض على اي قون بلعب في اي رابطة .. خلي قون بلعب في الهلال لو كان واقف صاح .. كان استلم الكورة دي بدون اي معاناة لانها حا تجيه في مكان واقف بدون ما يتحرك في اتجاهها ..
Post: #6 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:10 AM Parent: #4
ضعف الاستجابة ( امكانيات الحارس البدنية والذهنية )
قلنا خلاص المعز وقف غلط ... وين المهارات ؟؟؟؟؟ الحارس يغطي على اخطائه في التمركز بالمهارات ... الكرة مضروبة من مكان بعيد ... لو معز كان جاهز بدنيا وذهنيا كان عمل تابلوه وطاااااااااااار .... وشال الكورة بطرف اصابعه فوق العارضة ... وكان الجمهور ده حتى الان بصفق ليه
الحارس المهول بريمة ... عندما تكون المباراة ميته .. ويريد ان يكون نجمها ... كان يتعمد الوقوف الخاطئ ... ويغري المهاجم بالتهديف في زاوية معينة يكشفها له بريمة خصيصا ... ثم
.. .. .. يطييييييير بريمة ويشيل الكورة باطراف الاصابع للكرونر وتوشك نجم المباراة من شوته واحدة
Post: #7 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:14 AM Parent: #6
تكرار الهدف بالكربون في نفس الحارس ونفس المنافسة من نفس المكان ( عدم التعلم من الاخطاء )
هدف قلق في نفس المنافسة مباراة المريخ والهلال التي انتصر فيها الهلال 3:1 .. كان نسخة كربونية لهذا الهدف ... نفس المكان نفس الاتجاه نفس الخطاء
لو ما بتعرف وما عندك الموهبة ما تتعلم من اخطائك وتحفظها عشان ما تتكرر ؟!!!!!!
على الاقل ما نفس الميدان ونفس الزاوية ونفس المنافسة
Post: #10 Title: Re: شئ من الجدية ... اغبى هدف يدخل في حارس مرمى ... Author: Magdi Ahmed Elsheikh Date: 09-12-2011, 11:34 AM Parent: #7
ح يضموك للقائمة ياوليد.....!!
تحياتي
Post: #14 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 11:47 AM Parent: #10
يا مجدي هو غير القوائم دي مافي شي مغتس حجرنا
بكره حا يطلع لينا واحد صحفي رياضي فاقد تربوي ما دق كورة في حياته
ويقول ليك ناس المريخ كانو مربطنها عشان كده القون ده دخل في المعز
وحا يجي رئيس الهلال الهطلة داك يشبك ليك الخونة والمتامرين
مع انو القونين اخطاء واضحة للاعبين ومدرب وادارة
الادارة غلطانة لانها شايفها فريقها نافص اطراف ودفاع وتشتري في المهاجمين ولاعبي الوسط المهاجم
المدرب قالوا ليه غيرت ليه قال هيثم قال كده
اما اللاعبين غلط بليد من معز يسال عنه وحده وبلنتي ابلد منو من مساوي يسال عنه وحده ايضا
Post: #11 Title: Re: شئ من الجدية ... اغبى هدف يدخل في حارس مرمى ... Author: عبد الله كسلا Date: 09-12-2011, 11:34 AM Parent: #7
سلام يا وليِّ وكل سنة وإنت طيب يا حبيب
يا خي الغلطة ما غلطة الود ده .. الغلطة غلطة الإداريين ومدرب حراس المرمى بنادي الهلال .. وميشو طبعاً
معقولة يا وليد ده حارس الهلال والمنتخب السوداني ؟؟ معقولة بس ؟؟
قبل المبارة أنا قلت لطارق الكوتش .. أنا خايف من المعز لأني ما بثق فيهو لحدي الحكم ما يصفر النهاية
وطارق قال لي إنه المعز ده أحسن حارس مرمى في السودان حالياً.. لكن بعد ده اظنو حيغير رأيه فيهو
والله العظيم أنا بشفق على الناس المشت الإستاد من بعد صلاة الجمعة طوالي ..
وفي ناس بلعوا الغدا في بيوتهم بليع عشان يلحقوا الكورة .. ده غير الناس الإتغدت في السوق أو بسندوتشات
وكل الحب والإخلاص ده للهلال .. وللكورة السودانية ..
ويجي واحد زي المعز ده يقيف يتفرج في الكورة وهي شايتنها ليهو من السوق لحدي ما تدخل الشبكة
ده مفروض يتجلد في ميدان عام .. هو ومدرب الحراس بتاعو .. وكل طاقم التدريب في الهلال .. دي مسخرة والله وعدم مسؤولية
كلامك وتحليلك الفوق ده من أبجديات الكورة .. ومفروض يكون معروف ومحفوظ للمدربين وللحراس في الروابط زي ما قلت ..
لكن نقول شنو بس ..
شئ يغيظ ويخلي الواحد يحلف ما يشوف كورة سودانية تاني نهائي ..
Post: #16 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-12-2011, 12:03 PM Parent: #11
يا كسلا كيف اخبارك واخبار المعاك
بالله افقد ليك الكوتش بكون ضغطه مرتفع .. ما يروح فيها
المهم
اخر اربعة اقوان دخلت في الهلال مافي اي قون فيهن بدخل
القونين في جمعة في كورة القطن والقون في معز الفات ده
وبلنتي مساوي
Post: #12 Title: Re: شئ من الجدية ... اغبى هدف يدخل في حارس مرمى ... Author: الحاج حمد الحاج Date: 09-12-2011, 11:34 AM Parent: #7
Quote: لو معز كان واقف صاح .. ومفروض انو يقيف صاح ... وده مفروض على اي قون بلعب في اي رابطة .. خلي قون بلعب في الهلال لو كان واقف صاح .. كان استلم الكورة دي بدون اي معاناة لانها حا تجيه في مكان واقف بدون ما يتحرك في اتجاهها ..
كلام صاح يا كابتن..و المعز عمل الولد خيالو واسع و عمل (اسبوتنج) انو الكورة ح تتعكس و حاول يكسب مساحة تمكنو من التقاط الكرة المعكوسة لكن (الاسبوتنج) طرشق و زي ما قلت عدم الحضور الذهني و البدني خزل المعز في تصحيح خطأ التمركز و دخل هدف ما يدخل في حارس رابطة. اعتقد هذا الهدف هو نهاية لمسيرة المعز مع الهلال.
Post: #15 Title: Re: شئ من الجدية ... اغبى هدف يدخل في حارس مرمى ... Author: نوفل عبد الرحيم حسن Date: 09-12-2011, 11:49 AM Parent: #12
واحد ماشى فى الخلا طلع ليهو واحد من المستقبل قال ليهو أنا هسه جاى من سنة 3010 صاحبنا طوالى سألو : بالله أحوال السودان فى الزمن داك كيف؟ قال ليهو قبل يومين الرئيس حقنا طلع قرار بمنع أى دولة اوربية من امتلاك أسلحة نووية صاحبنا نط وقال ليهو وأمريكا؟ قال بعد هزمناهم فى الحرب العالمية التاسعة ضميناهم لى مشروع الجزيره صاحبنا قال لا حولااا لكن أهم حاجة الهـــلال جاب بطولة خارجية ؟
صاحبنا قال ليهو . . . . . . . . : لا ياخ انت كمان ما تبالغ
Post: #17 Title: Re: شئ من الجدية ... اغبى هدف يدخل في حارس مرمى ... Author: Magdi Ahmed Elsheikh Date: 09-12-2011, 12:27 PM Parent: #15
Quote: واحد ماشى فى الخلا طلع ليهو واحد من المستقبل قال ليهو أنا هسه جاى من سنة 3010 صاحبنا طوالى سألو : بالله أحوال السودان فى الزمن داك كيف؟ قال ليهو قبل يومين الرئيس حقنا طلع قرار بمنع أى دولة اوربية من امتلاك أسلحة نووية صاحبنا نط وقال ليهو وأمريكا؟ قال بعد هزمناهم فى الحرب العالمية التاسعة ضميناهم لى مشروع الجزيره صاحبنا قال لا حولااا لكن أهم حاجة الهـــلال جاب بطولة خارجية ؟
صاحبنا قال ليهو . . . . . . . . : لا ياخ انت كمان ما تبالغ
ياخي بالغت....!!
Post: #18 Title: Re: شئ من الجدية ... اغبى هدف يدخل في حارس مرمى ... Author: محمد عبد الماجد الصايم Date: 09-13-2011, 07:06 AM Parent: #17
تعرف يا شفت .. الحكم من صفّر الفاول قلت ليهم الكورة دي قون!!! ياخ المعز دا لو شاتو ليهو تريلا (دبل بط) بتدخل في القون مرتاااحة!!
Post: #19 Title: Re: شئ من الجدية ... اغبى هدف يدخل في حارس مرمى ... Author: Hassan Senada Date: 09-13-2011, 07:19 AM Parent: #18
[B]ياولى الزول ده من مسمار راجى تعنى ما استعدل
ولى كل سنة وانت طيب[/B]
Post: #20 Title: Re: شئ من الجدية ... اغبى هدف يدخل في حارس مرمى ... Author: محمد حيدر المشرف Date: 09-13-2011, 07:31 AM Parent: #19
Quote: .. الحكم من صفّر الفاول قلت ليهم الكورة دي قون!!!
لا والله ما ساهل كلو كلو .. الكبير كبير يا أخوانا .. ولا شنو ؟!
او تماما وكما قيل " اقترحتك لون أساسي" أو لون "تمبس" فى أقوال أخرى !!
Post: #21 Title: Re: شئ من الجدية ... اغبى هدف يدخل في حارس مرمى ... Author: حمزاوي Date: 09-13-2011, 08:06 AM Parent: #20
Quote: معقولة يا وليد ده حارس الهلال والمنتخب السوداني ؟؟ معقولة بس ؟؟
فعلاً ما معقولة يا اخوي يا كسلا صدقني الهدف دا ما يدخل في بهاء ملووص فعلاً بهاء بيملص الكورة ولكن بيوقت ليها ويتابعها ولكن ما بيمسكها ولكن المعز شفتو كان واقف كيف واقف في دنقلا ومخلي المرمى فاضي وراه في ام درمان
من ابجديات الحراسة عندما تكون اللعبة كرة ثابتة من كورنر او قريبة من راية الكورنر يكون لاعبين مع الحارس داخل المرمى لاعب عند القائم الاول ولاعب عند القائم الثاني والحارس يتابع مع الحائط البشري المعمول من لاعبين او اكثر مع الثبات عند خط المرمى
Post: #22 Title: Re: شئ من الجدية ... اغبى هدف يدخل في حارس مرمى ... Author: محمد عبد الماجد الصايم Date: 09-13-2011, 08:16 AM Parent: #21
أي والله يا د. المشرّف! المشكلة في البلنتي .. معاي واحد مريخابي قال لي المعز يمكن يمسكا! (نظرتُ إليهِ شذرا .. وفي أقوال أخرى شدرا) .. وقلت ليهو: خليكـ جادي شوية!!
Post: #23 Title: Re: شئ من الجدية ... اغبى هدف يدخل في حارس مرمى ... Author: محمد حيدر المشرف Date: 09-13-2011, 08:31 AM Parent: #22
Post: #24 Title: Re: شئ من الجدية ... اغبى هدف يدخل في حارس مرمى ... Author: محمد عبد الماجد الصايم Date: 09-13-2011, 08:37 AM Parent: #23
بكره نرجع تاني للدوري المحلي شان هنانا .. وشان مُنانا وشان عيون (هلالنا) ما تضوق الهزيمة!!
Post: #25 Title: Re: شئ من الجدية ... اغبى هدف يدخل في حارس مرمى ... Author: فتحي الصديق Date: 09-13-2011, 08:40 AM Parent: #22
بلنتي مساوي يسأل عنه ميشو الذي أخرج ديمبا باري وعلاء الدين ...وخلى الطريق لمرمى الهلال فاتح للغاشي والماشي ..مما جعل مساوي يرتكب ذلك الفاول ..وجعل المعز يجري يمين ويسار عشان يحمي مرماه ..
أما الهدف اللي دخل مرمى المعز .. فاللاعب النيجيري شفت جدا ..نطط وعاين هنا وهنا وهنا ..لحدي ما اتأكد من انو المعز ذهنو ما معاهو ... وبب لبعو ولعبنا وطلع صليبنا ... ياخي دا مهاجم مبالغة والله ..
Post: #26 Title: Re: شئ من الجدية ... اغبى هدف يدخل في حارس مرمى ... Author: ممدوح عثمان Date: 09-13-2011, 09:33 AM Parent: #25
وليد والمتداخلين الأعزاء
يتكلم الكثيرون عن تطور الكرة السودانية ؟؟؟ اين التطور وحارس مرمى كالمعز الحارس الأول في فريق كالهلال بل والحارس الأول في المنتخب الوطني
ومثله كثيروووون .....
Post: #27 Title: Re: شئ من الجدية ... اغبى هدف يدخل في حارس مرمى ... Author: ابراهيم محمد الحسن Date: 09-13-2011, 09:41 AM Parent: #26
يا وليد ..
Quote: اغبى هدف يدخل في حارس مرمى
بس الغبي هو الهدف؟؟!!!
ولا حارس المرمى؟؟
والدفاع ؟؟
... التعديل لإضافة الدقاع ..
Post: #29 Title: Re: شئ من الجدية ... اغبى هدف يدخل في حارس مرمى ... Author: Al Sunda Date: 09-13-2011, 09:54 AM Parent: #26
Quote: لو كان واقف صاح .. كان استلم الكورة دي بدون اي معاناة لانها حا تجيه في مكان واقف بدون ما يتحرك في اتجاهها ..
أكيد يا وليد لو كان المعز واقف صح ماكان اللاعب النيجيري لعب الكرة بهذه الطريقة ولو لعبها لكان ذلك غباء من اللاعب النيجيري الواقع ان اللاعب وعند تحركه لرفع الكوره لمح خروج او تقدم المعز وقرر عندها التهديف في المرمى الخالي قد يكون خروج المعز ( مش وقفة المعز ) االقشة التي ........... لكن قبليها شوف الفاول من توريه دون معنى وببلاده كمان وبرضه شوف الحيطة ابو لا عبين اثنين وكان مفروض اقل شيء3-4 لاعبية خاصة ان الكره قريبه لخط ال 18 وممكن الحيطه تغطي المرمى القريب ومعز في الزاوية الاخرى
على العموم لا جمعهة ولا المعز قد قامة الهلال وتقول امدرمان دي عِدمت حراس المرمى الثورة اللي وصلت الحارة 100 وشوية كان فتشو فيها بيلقوا حراس مرمى بإمتياز
Post: #30 Title: Re: شئ من الجدية ... اغبى هدف يدخل في حارس مرمى ... Author: وليد عبد اللطيف Date: 09-13-2011, 10:56 AM Parent: #29
Quote: أكيد يا وليد لو كان المعز واقف صح ماكان اللاعب النيجيري لعب الكرة بهذه الطريقة ولو لعبها لكان ذلك غباء من اللاعب النيجيري الواقع ان اللاعب وعند تحركه لرفع الكوره لمح خروج او تقدم المعز وقرر عندها التهديف في المرمى الخالي قد يكون خروج المعز ( مش وقفة المعز ) االقشة التي ...........
اللاعب النيجيري من هذا الهدف ممكن يعمل قصة كبيرة ويقول انا لمحت خروج المعز وفي كسر من الثانية غيرت راي ولعبتها في المرمى وتبقى زي قصة اهداف محمد موسى ودحدوح في الهلال زمان ياوليد لو تذكر قلت ليك في لعبات حراس المرمى بيعملوا بيها مناظر وديكورات ومن ضمنها الهدف الذي دخل في المعز طبعا اي لاعب عايز ينفذ فاول بحدد اول طريقة اللعبة بتكون كيف وفي مثل هذا اللعبات لانها من بعيد يستحيل اللاعب يحدد حركة الحارس لكن بكون عارف خيارات حارس المرمى وهي اما الخروج اوالوقوف في المرمى واللاعب النيجيري اخذ خيار ثبات الحارس ولعبها بقوة بدليل لعبها بالجزء الخارجي من الرجل ولكن سوء تقدير المعز وعدم عمل اللزم باضافة لاعب اخر في حائط الصد حتى يتفادى اللعب في الزاوية القريبة ويتحرك مهاجم في هذه المنطقة ويختف هدف . ودائما هذه اللعبات تحصل باتفاق اللاعب المنفذ وزميله المستقبل و تحتاج (شفوت كوره ) المعز طبعا متعود على الخروج الخاطي وهذه اصبحت عيوب واضحة تلازمة في كل مباراة خرج للكره باعتبار انها سوف تعكس في راس خط سته حتى قبل تنفيذ الضربة وفي نفس الوقت لم يعالج غلطة بالارتداد السريع للموقف والغريبة الكره طبعا اخذت زمن في الطريق لانها بعيده لعبات زي دي الحارس الماهر يتمناها منى لانها ترفع من ارصدته كحارس مرمى لكن صاحبنا وقف محتار ولم يفعل شيء غير انه اخرج الكره من داخل الشبكة حتى الفاول من مسافة بعيد جدا يعني كان له زمن وقصة الواحد يلعب او ينفذ بعد تحيد حركة الحارس تجدها مثلا في ضربات الجزاء لان المسافة قريبه الحارس لايسطيع المعالجة بسرعة ودي برضو بتحتاج لحارس ماهر عادي ممكن يختوك في زاوية والكره في مكان اخر من المرمى
Post: #28 Title: Re: شئ من الجدية ... اغبى هدف يدخل في حارس مرمى ... Author: يحى الشريف Date: 09-13-2011, 09:45 AM Parent: #25
والله المهاجم ما شفت ولا حاجة , لكن الحارس هو الما نافع وجاب لينا الضغط
ياخ الواحد ليهو كم يوم ما نام بسبب الناس الما مسؤولة ولا عندها حرارة قلب دي
الله يقرفهم بقدر ما ااذونا
Post: #32 Title: Re: شئ من الجدية ... اغبى هدف يدخل في حارس مرمى ... Author: 7abib_alkul Date: 09-13-2011, 04:46 PM Parent: #28
الأخ وليد علي الرغم من أن بوستك بعنوانه يطلب الجدية لكن شر البلية ما يضحك فخلينا نضحك شوية في واحد بغالط في جماعة إن ميشو ما سبب الهزيمة الغريبة دي قال ليها : ميشوا دا كان دايس مثلث ساعة القون الأول دا دخل؟ للعلم طبعا المثلث دا بطلع الحارس في البلي استيشن
Post: #33 Title: Re: شئ من الجدية ... اغبى هدف يدخل في حارس مرمى ... Author: هاشم نوريت Date: 09-13-2011, 04:52 PM Parent: #32
اعتقد ان العنوان خاطء لاننى لا ارى اى غباء فى الهدف ولكن ان كان لابد من ذكر الغباء فان الحارس كان هبنقة اللاعب لمح خروج الحارث من المرمى فسدد الكرة مباشرة فى المرمى بذكاء اذن الهدف رائع جدا ويستحق اللاعب الاشادة لانه عرف كيف يتعامل مع الكرة ووضعها فى الشباك
Post: #34 Title: Re: شئ من الجدية ... اغبى هدف يدخل في حارس مرمى ... Author: Emad Mohamed Date: 09-13-2011, 05:17 PM Parent: #33
Quote: اعتقد ان العنوان خاطء لاننى لا ارى اى غباء فى الهدف ولكن ان كان لابد من ذكر الغباء فان الحارث كان هبنقة
كلام صاح مية المية دا اغبى حارس مرمى فى تاريخ كرة القدم السودانية, مرضنا وطلع......
Post: #35 Title: Re: شئ من الجدية ... اغبى هدف يدخل في حارس مرمى ... Author: Abd Alla Elhabib Date: 09-13-2011, 08:21 PM Parent: #34
والله المعــز يستحـق الجلـد بي ســوط عـــنج !! ياخ علـيهو مـيتة قلــب عــينة ... يعاين للكـــورة لامـن دخـلت !! -------------- سلامات يا شفـت
Post: #36 Title: Re: شئ من الجدية ... اغبى هدف يدخل في حارس مرمى ... Author: محمد عبدالرحمن محمد Date: 09-13-2011, 09:49 PM Parent: #34
سبت دودو هاشم عثمان رفعت زغبير بريمه عبدالعزيز ولاد بدوي إبراهيم والسر الفاتح عبدالهادي الريشه الأصلن حارس مرمى سامي عزالدين وبرضو أصلن حارس مرمى وفولي بول شوتر وكل حاجه رحيمو ربنا و و و
Post: #37 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-14-2011, 07:58 AM Parent: #36
هاهاهاهاهاهاهاهاهاهاهاها
ياخ تاريكم شايلين من المعز قدر ده
هاهاهاهاهاهاههاهاهاهاهاهاها
عموما هذا امر مضى ساتي للرد على الشباب واحد واحد
Post: #38 Title: Re: شئ من الجدية ... اغبى هدف يدخل في حارس مرمى ... Author: وليد محمد المبارك Date: 09-14-2011, 11:05 AM Parent: #37
المهم
لا استطيع وصف المعز بالغباء فهو حارس جيد .. صحيح ما هو بممتاز .. لكنه حارس جيد اخطائه قليلة مقارنة من جمييييييييييييع الحراس الذين مروا على الهلال بعد احمد ادم عافية
حتى في مباراة الرجاء يظل المعز الخيار الامثل لتلك المباراة اي تصرف اخر بكون بلادة وانفعال
تحدث الاخطاء في مباراة كرة القدم وجميع اللاعبين يخطئون لكن خطاء حراس المرمي لا ينسى لانو وراه الشبكة طوالي
المعز حارس عادي شخصيته ممتازة امكانية البدنية معقولة امكانياته الفنية ضعيفة .. يغطي على عيوبه بالشخصية والمهابة والتمركز الجيد لذلك عندما يتمركز بصورة خاطئة ينفضح
لو الهلالاب لعبو جمعة الكورة الجاية بكونو اجرموا في حقو
