Post: #1 Title: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 02:12 PM Parent: #0
بيان وصول رئيس حركة العدل والمساواة إلى السودان بسلام
كُتب يوم 11.09.2011 بواسطة jem
بسم الله الرحمن الرحيم حركة العدل والمساواة السودانية Justice & Equality Movement Sudan (JEM)
بيان وصول رئيس حركة العدل والمساواة إلى السودان
في بادئ الامر نحي قوات حركة العدل والمساواة السودانية التي ظلت منتشرة في الصحراء الواسعة لعدة أسابيع إستعداداً لتأمين وصول رئيس الحركة الدكتور / خليل إبراهيم محمد، وقد تمكنت قوات الحركة من إستقباله والوفد المرافق له بأمن وسلام. نهنئ الشعب السوداني وكل الهامش بوصول زعيم المهمشين إلى السودان بعد غيبة طويلة تخللتها العديد من الإشكاليات والتهم السالبة من قبل حكومة المؤتمر الوطني التي تعمدت الكيد السياسي في التعامل مع الازمة الليبية، ضاربة بعرض الحائط كل ما يمكن ان يلحق بالجالية السودانية المقيمة في ليبيا لعشرات السنين، فضلاً عن تعكير صفو العلاقة التاريخية بين الشعبين بتوجيهها وإلصاقها إتهامات الإرتزاق دمغةً على السودانيين في ليبيا. كم إستنكرنا تصريحات مسؤولي الخارجية السودانية لعلمنا بإنعكاساتها السالبة على ابناء وطننا الذين ما ان أقاموا في بلد إلا وتركوا أثراً طيباً وضربوا مثلاً من القيم السودانية الراسخة لتظل سمةً حصريةً عندما يذكر إسم السودان في الخارج إلى أن جاء هذا الزمن السحيق الذي يعاقب فيه الشعب السوداني داخل وطنه وخارجه نتيجة للسياسات الخرقاء لحكومة غريبة الاطوار لا تفصل بين العداوات السياسية والوطن. نحي في هذه المناسبة ونهيب بكل قوى المقاومة السودانية وكل قيادات القوى السياسية والاعيان وكل فئات ومنظمات المجتمع المدني ورجالات الإدارات الاهلية الذين ابدوا تضامناً ووقفةً وتعاطفاً مع قيادة حركة العدل والمساواة يدل على الإنتماء الحار لهذا الوطن الجريح الذي يجمعنا فلهم منا جزيل الشكر والعرفان.
وإنها لثورة حتى النصر جبريل أدم بلال أمين الإعلام الناطق السمي لندن / 11/09/2011
Post: #2 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 02:15 PM Parent: #1
Post: #3 Title: Re: وصول زعيم المهمشيين د خليل ابراهيم الى السودان Author: بريمة محمد Date: 09-11-2011, 02:32 PM Parent: #2
حمد الله على سلامة دكتور خليل إبراهيم
بريمة
Post: #4 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 02:43 PM Parent: #3
اكد الدكتور خليل ابراهيم محمد رئيس حركة العدل والمساواة فى اتصال هاتفى من الميدان للاستاذ احمد حسين ادم مستشار العلاقات الخارجية بالحركة وصولة للعمق السودانى بخير من جهته قال الاستاذ احمد حسين ان قوات وقيادات الحركة كلها بخير وان الحركة اكثر قوة ومنعة وقوات الحركة ايدها على الزناد تامن الوطن جوا وبر ا وان الحسم والفرج قريبان
Post: #5 Title: Re: وصول زعيم المهمشيين د خليل ابراهيم الى السودان Author: بريمة محمد Date: 09-11-2011, 02:55 PM Parent: #4
ول أبا الغالى .. سلام ..
مش شايفين أنتم كشفتم مكان تواجد الرجل .. والعدة العتاد الذى عاد به؟
بريمة
Post: #6 Title: Re: وصول زعيم المهمشيين د خليل ابراهيم الى السودان Author: عبد المنعم سيد احمد Date: 09-11-2011, 03:16 PM
اين الكتيبة التى وضعت على الحدود السودانية الليبية لمنعه من دخول الاراضى السودانية يا لبؤس كتائبهم وعجزها وضعفها البائن ويالاعلامهم الكاذب دوما الان مثلث الرعب سيقلق نومهم دارفور جنوب كردفان النيل الازرق وغدا النصر النهائى لانسان السودان
Post: #7 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 03:35 PM Parent: #6
الاخ عبدالمنعم سيد احمد تحية طيبة
Quote: اين الكتيبة التى وضعت على الحدود السودانية الليبية لمنعه من دخول الاراضى السودانية يا لبؤس كتائبهم وعجزها وضعفها البائن ويالاعلامهم الكاذب دوما الان مثلث الرعب سيقلق نومهم دارفور جنوب كردفان النيل الازرق وغدا النصر النهائى لانسان السودان
الحكومة السودانية ليست لها القدرة على تامين الحدود مطلقا واستعانت بالجوار ففشلت والذين زج بهم لتامين الحدود قليلى العدة والعتاد ولذلك يخشون المواجهة وربما يكونون على علم بتحرك خليل وشارع دنقلا ليبيا كان مفتوح سالك ومؤمن والفريق محمد عطاالمولى عباس بعد دا حقو يستقيل
Post: #8 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 03:44 PM Parent: #7
Post: #9 Title: Re: وصول زعيم المهمشيين د خليل ابراهيم الى السودان Author: Mudather Kunna Date: 09-11-2011, 03:48 PM Parent: #7
زعيم مين دا واحد من الكيزان والكيزان عمرهم ماهمهم مهمش اذا الشعب السودانى أراد التصره فالنصره لن تأتى الا من الله عزة وجل ومن هدير الشارع فقط لاتراهنوا على الكيزان ولاعلى زعماء الأحزاب الذين أصابهم الخرف مجرد رأى
Post: #10 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 03:57 PM Parent: #9
Post: #11 Title: Re: وصول زعيم المهمشيين د خليل ابراهيم الى السودان Author: بريمة محمد Date: 09-11-2011, 04:07 PM Parent: #10
ول أبا الغالى
أعجبنى إحتفاءك بالحدث ..
لكن أخاف أقول ليك نحن فى جنوب الفينا مكفينا ..
بريمة
Post: #12 Title: Re: وصول زعيم المهمشيين د خليل ابراهيم الى السودان Author: البحيراوي Date: 09-11-2011, 04:21 PM Parent: #11
الغالي شقيفات
تحياتي - قبيل الجماعة ديل قالوا ليهم خلو الزول يمشي لي قواته ويرجع الدوحة قالو تر تر . أهـ جاها بي درب تاني والدوحة ما جايبه تمنها يعني هل سوف نسمع بمنبر جديد ولا شنو ؟
بحيراوي
Post: #15 Title: Re: وصول زعيم المهمشيين د خليل ابراهيم الى السودان Author: بريمة محمد Date: 09-11-2011, 04:35 PM Parent: #12
مشاركة فى أحتفائية ول أبا الغالى .. وناس العدل والمساواة
------------------------------------------ أضفت بليى باك .. ولكن أظن لم يظبط بريمة
Post: #13 Title: Re: وصول زعيم المهمشيين د خليل ابراهيم الى السودان Author: محمد عثمان الحاج Date: 09-11-2011, 04:31 PM Parent: #11
التحية للقائد العسكري العبقري الدكتور خليل إبراهيم وعودا حميدا لبلده السودان، وكشاهد عيان على أحداث ليبيا آمل أن يكون قد اكتسب خبرة جديدة ورؤية استراتيجية وتكتيكية جديدة في كيفية إسقاط نظام الفساد والإفساد لاسيما أن المهمشين عرقيا كان لهم الدور الأكبر في إسقاط النظام الليبي "البربر". بالأمس كنت أقرأ عن حرب العصابات التي قام بها ماو في الصين في بداية أمره وبدا لي أن ماو السودان سيكون الدكتور خليل إبراهيم! إذا كان إسلاميي الشيطان الذي يحكمون السودان قد لقنوا الشعب السوداني أن الديمقراطية تعني الفوضى وعدم الأمان وأن القبول بالفساد والغلاء والدماء والجوع خير من الانتفاض على الطغاة فأمام الدكتور خليل مهمة فتح الطريق للانتفاضة الشعبية القادمة، وقد أحسن صنعا حين عرف خدعة النظام المتمثلة بالتفاوض المطول ومن ثم الاتفاق الذي لايتم تنفيذه ـ حتى وثائق ويكليكس اعترفت بذلك ـ فنقول له إلى الأمام، ولتكن البداية بتوحيد جميع المهشمين في جبهة واحدة من بجا ونوبة ونوبيين وحركة شعبية وحركات دارفورية حان الوقت لأن تتوحد بعدما أضاعت قضيتها بسبب التشرذم والخلاف والقبلية.
Post: #14 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 04:35 PM Parent: #9
Quote: زعيم مين دا واحد من الكيزان والكيزان عمرهم ماهمهم مهمش اذا الشعب السودانى أراد التصره فالنصره لن تأتى الا من الله عزة وجل ومن هدير الشارع فقط لاتراهنوا على الكيزان ولاعلى زعماء الأحزاب الذين أصابهم الخرف مجرد رأى
الاخ Mudather Kunna نعم الشارع مهم ولكنه محتاج الي قيادة وخليل فعلا قائد مهم فى عملية التغير المنتظرة وبعدين حكاية ديل كيزان وديل شنو دى بقت ما جايبه حقها الان القيادة لمن يضحى ويتقدم الصفوف اثبت التجربة فى ولاية النيل الازرق ان المنشقون من الحكومة والمؤتمر والاسلامين شاركو بفعالية فى دفع الحراك السياسى والعسكرى والتنظيمى لمالك عقار هل هناك فى زول قال ديل كانو اسلاميين يقال ان على بندر اسيسى نائب عقار خلفية اسلامية
عالم مون مستشار عقار كان عضو فى المؤتمر الوطنى لحدى 2005 بكرى عبد الباسطالقيادى بالحركة النيل الازرق كان كان امير المجاهدين بالجامعة الاسلامية ومسؤل قطاع الطلاب والاستنفار بالوطنى فى النيل الازرق ادريس عبدالله الجاك القيادى بالحركة كان عضو بالمجلس التشريعى للولاية المعين بل رئيساتحاد طلاب الاسلامية زاتو مع عقار وكثر ما عيبهم وما مانعهم ان يكونو مقاتلين مع اهلهم ان لم لم يرتكبو جرم كبير
Post: #16 Title: Re: وصول زعيم المهمشيين د خليل ابراهيم الى السودان Author: أيمن التوم حسن Date: 09-11-2011, 04:57 PM Parent: #14
حمدلا لله على السلامه
الان اكتملت عناصر اسقاط نظام الجبهه اللعين بعمل شريط ثورى من دارفور الى النيل الازرق ,,,,
مش تقول لى غيبوبه ,,, دا مووت احمر ,,, تقبّل وتحكى الوجعه ,,, ياعمر البشير
Post: #18 Title: Re: وصول زعيم المهمشيين د خليل ابراهيم الى السودان Author: saif massad ali Date: 09-11-2011, 05:18 PM Parent: #16
نحن هنا يا الغالي
Post: #17 Title: Re: وصول زعيم المهمشيين د خليل ابراهيم الى السودان Author: خالد أحمد شطة Date: 09-11-2011, 05:13 PM Parent: #14
Quote: اين الكتيبة التى وضعت على الحدود السودانية الليبية لمنعه من دخول الاراضى السودانية يا لبؤس كتائبهم وعجزها وضعفها البائن ويالاعلامهم الكاذب دوما الان مثلث الرعب سيقلق نومهم دارفور جنوب كردفان النيل الازرق وغدا النصر النهائى لانسان السودان
يازول انت كان شفت الصحراء ماتقول لي كتيبة لواء مايقدر يمنع الدكتور من الدخول للوطن. تعسكر في كسوا تعسكر العطرون النخيل فجوا جبال تيقا سكر بلاش دونكي عيسي ودروبنا كثيره لغربنا الحبيب الطينة وضواحيهاسيال طوطاح والدقداق انكربوا ياكتايب الرماد 1*2*3 لكم الود شـــــــطة
Post: #19 Title: Re: وصول زعيم المهمشيين د خليل ابراهيم الى السودان Author: Mohamed Suleiman Date: 09-11-2011, 05:41 PM Parent: #17
الأخ الغالي شقيفات لك التحية و الإحترام
و شكرا علي هذه الاخبار الجميلة ....
لابد من كنس هذا النظام و من جذوره .. هذا النظام سوف لن يذهب بالمظاهرات و الغحتجاجات السلمية لأنه و ببساطة نظام دموي (يفوق نظاو بشار الأسد و علي عبداللله صالح) .. هذا النظام لابد من سحقه عسكريا و الدخول الي الخرطوم من كل الجهات .... لتتحالف كل القوي المسلحة ....
Post: #20 Title: Re: وصول زعيم المهمشيين د خليل ابراهيم الى السودان Author: الصادق الزين Date: 09-11-2011, 05:53 PM Parent: #17
الغالى شقيفات
مرحبا بعودة خليل سالما و غانما!! بس المرة دى ما عندنا صبر دت للتغير فقبل جفاف المنبع طربقوا البرطوش ولا قل الخرتوش فى راس الكيزان, اضرب الحديد وهو ساخن, نحن عايزن خلال 16 يوم بس ونعلن جائزة القبض على البشير ب ,3,000,000,000 مليار دولار, غلاء السعر دا ما لان السلعة غالية لكن لان النوعية دى من الضببة لو جحرت ما ابتمرق!! شايف واحد فى الفيسبوك مغترب فى السعودية قنع من حكاية الاغتراب دى و عمل ليه شركة البحث عن الرؤساء الهاربيين لان لسه فى بشار جاى و بن على و البشير يعنى فت فى سنة واحدة تحصد الجوائز دى و انت ملياردير خصوصا اذا اضفت ليهم سعر زولنا دا! صاحب الشركة عندوا فريق بتاع بحث منتشر فى كل الصحارى و الوديان و الجماعة قالوا القصة دى احسن ليهم من حفير الدهب بس انتوا الزول دا استعجلوا كشكشو خلوه اليمرق.
Post: #21 Title: Re: وصول زعيم المهمشيين د خليل ابراهيم الى السودان Author: Elbagir Osman Date: 09-11-2011, 06:04 PM Parent: #20
مرحبا بعودة القائد
ليكتمل طوق محاصرة النظام
من دارفور
إلى كردفان
إلى النيل الأزرق
سندا للشعب السوداني الثائر في المدن
بريمة يا مسكين
Quote: مش شايفين أنتم كشفتم مكان تواجد الرجل .. والعدة العتاد الذى عاد به؟
إنت زمنك دا كلو قايل جيش المؤتمر الوطني ما عارف أماكن ثوار دارفور
بل هو يعرفها كجوع بطنه
لكنه يتحاشاها
ولا يقصد إلا أماكن المدنيين العزل
الباقر موسى
Post: #22 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-11-2011, 07:48 PM Parent: #21
الاعزاء الاكارم البحيراوى محمد عثمان الحاج ايمن التوم حسن سيف مساعد على خالدد احمد شطة محمد سليمان الصادق الزين الباقر عثمان تقبل الله حمدكم وشكر للاطلالة
Post: #23 Title: Re: وصول زعيم المهمشيين د خليل ابراهيم الى السودان Author: صلاح جادات Date: 09-11-2011, 08:08 PM Parent: #22
Post: #27 Title: Re: وصول زعيم المهمشيين د خليل ابراهيم الى السودان Author: Tragie Mustafa Date: 09-12-2011, 01:16 AM Parent: #26
التحيه لك اخي الغالي وانت تحمل لنا البشارة فالتيحد السودانين ومشهمي السودان خاصه لانهاء هذا الحكم الفاسد!!
Post: #28 Title: Re: وصول زعيم المهمشيين د خليل ابراهيم الى السودان Author: احمد محمد بشير Date: 09-12-2011, 02:16 AM Parent: #27
مسئولي الانقاذ يعتقدون انهم يملكون السودان كإقطاعية خاصة لذلك يجب كنسهم بثورة مسلحة أو غيره مافي خيار وفقُّوس في عالم اليوم , نفس وزراء الانقاذ رحبو بالثورة الليبية المسلحة و دعموها ثورة الهامش السوداني المسلحة لا تخلف عن الثورة الليبيية التي رحب بها الكيزان
مشكلة واحدة ستواجه ثورة الهامش وحركاتها وهي انهم فراق ولا تجمعهم راية موحدة وعليهم تسجيل موقف موحـد و شعار وعلم وراية واحدة وللحقيقة حتى لا ندفن رؤوسنا في الرمال: غالبية الشعب يخشي صوملة السودان لان هذه الحركات غير موحدة
الحـل: على قادة الحركات إقامة مؤتمر لإعلان وحدة حركات الهامش وتوحيد رايتها, (الحركات المعنية هي: الشعبية+العدل و المساواة+التحرير عبد الواحد و مناوي) ولابـد من الترويج الاعلامي الضخمة للاعلان عن بيان الوحدة
اعلان كاودا وغيره لم يجد التغطية الاعلامية من كبريات وسائل الاعلام , لذلك لا اتوقع لهم النجاح المطلوب.
Post: #29 Title: Re: وصول زعيم المهمشيين د خليل ابراهيم الى السودان Author: احمد محمد بشير Date: 09-12-2011, 02:49 AM Parent: #28
اقتراح علم السودان القديم شعارا للثورة حتى يعود سودان 1956 من جديد.
Post: #30 Title: Re: وصول زعيم المهمشيين د خليل ابراهيم الى السودان Author: الغالى شقيفات Date: 09-12-2011, 03:52 PM Parent: #29
الافاضل الكرام تراجى مصطقى احمد محمد بشير بشركم الله بالخير عودا حميدا
Post: #31 Title: Re: وصول زعيم المهمشيين د خليل ابراهيم الى السودان Author: صلاح جادات Date: 09-12-2011, 08:07 PM Parent: #30
وقبل ما يخرج من السودان كان وين ؟ كان مدسي ولا شنو
Quote: مش شايفين أنتم كشفتم مكان تواجد الرجل .. والعدة العتاد الذى عاد به؟
بريمة
Post: #32 Title: Re: وصول زعيم المهمشيين د خليل ابراهيم الى السودان Author: فقيرى جاويش طه Date: 09-12-2011, 09:09 PM Parent: #31
بيان وصول رئيس حركة العدل والمساواة إلى السودان
في بادئ الامر نحي قوات حركة العدل والمساواة السودانية التي ظلت منتشرة في الصحراء الواسعة لعدة أسابيع إستعداداً لتأمين وصول رئيس الحركة الدكتور / خليل إبراهيم محمد، وقد تمكنت قوات الحركة من إستقباله والوفد المرافق له بأمن وسلام. نهنئ الشعب السوداني وكل الهامش بوصول زعيم المهمشين إلى السودان بعد غيبة طويلة تخللتها العديد من الإشكاليات والتهم السالبة من قبل حكومة المؤتمر الوطني التي تعمدت الكيد السياسي في التعامل مع الازمة الليبية، ضاربة بعرض الحائط كل ما يمكن ان يلحق بالجالية السودانية المقيمة في ليبيا لعشرات السنين، فضلاً عن تعكير صفو العلاقة التاريخية بين الشعبين بتوجيهها وإلصاقها إتهامات الإرتزاق دمغةً على السودانيين في ليبيا. كم إستنكرنا تصريحات مسؤولي الخارجية السودانية لعلمنا بإنعكاساتها السالبة على ابناء وطننا الذين ما ان أقاموا في بلد إلا وتركوا أثراً طيباً وضربوا مثلاً من القيم السودانية الراسخة لتظل سمةً حصريةً عندما يذكر إسم السودان في الخارج إلى أن جاء هذا الزمن السحيق الذي يعاقب فيه الشعب السوداني داخل وطنه وخارجه نتيجة للسياسات الخرقاء لحكومة غريبة الاطوار لا تفصل بين العداوات السياسية والوطن. نحي في هذه المناسبة ونهيب بكل قوى المقاومة السودانية وكل قيادات القوى السياسية والاعيان وكل فئات ومنظمات المجتمع المدني ورجالات الإدارات الاهلية الذين ابدوا تضامناً ووقفةً وتعاطفاً مع قيادة حركة العدل والمساواة يدل على الإنتماء الحار لهذا الوطن الجريح الذي يجمعنا فلهم منا جزيل الشكر والعرفان.
