ماذا دار في الاجتماع السري الطارئ لبعض قيادات الموؤتمر الوطني

- بسم الله نبدا
- نبدا من وين
- والله يا جماعة القصة جاطت جوطة مبالغة
- ما هو عشان الجوطة دي نحن اجتمعنا
- انا عندي اقتراح
- اها قول
- نعمل انقلاب ونسلمها عساكر مستقلين ونكب الزوغة
- غيرك كان اشطر الرئيس عسون مفتحة اليومين ديل وعاصر على الجيش
- ناس المعارضة الخيبانين ديل ما دايرين يتحركوا عشان نحن نعرف نتحرك
- خلينا من ناس المعارضة هسة عايزين لينا مكنات نسكت بيها الشعب المامفهوم ساكت ليه
- نعمل مسيرات غضب في الولايات تستنكر هجوم الحركة الشعبية
- الا دي
- ليه؟
- لانو ممكن ناس المعارضة يستغلوها ويدخلو جماعتهم ونبقى نحن الجهزنا ليهم المظاهرات ، وانتو عارفين المظاهرات لو دورت ما حتقيف
وناس الامن اليومين ديل في الدمازين وزاتهم مع الخزينة الفاضية دي ما مضمونين
- طيب ناس الجهاد الاسفيري ما شايفيت شغلهم ؟
- ديل في ناس منهم قلنا ليهم ارخو شوية عشان نشوف موية الناس بقو يكتبو ضدنا
- نقلص الحكومة الجديدة والناس الاستفادت قبل كدة يتخارجو يمشو اي محل ماليزيا ، السعودية ، البريحهم
- ما في زول برضى والناس دس كلها مدمنة ملفات يقومو يطلعو ويتشروا لفاتهم كلنا نقعد جوة
- طيب الجيش وضعو كيف
- والله الجيش بقى ما مفهوم لاتعرفو معاك لا تعرفو ضدك الضباط الكبار كل واحد اخد المعاش الاختياري وقبض القروش وهسة قاعدين يتفرجو علينا
- اما ناس البوليس ديل ، انسى
- طيب الحل شنو
- رايكم شنو انا امشي لي فرحين؟
- فرحين دي منو؟
- فرحين دي الوداعية بتاعة حلتنا ودعها اصلو ما بجلي

تحليل الخبر
كتب المحلل السياسي لصحيفة لافح لاخبار الحكومة والمؤتمر
ان الوداعية فرحين تستمتد معلوماتها من الشيخ قوقل قدس الله سره
لذا اعتمدو وداعية رئاسة الجمهورية القاطنة في شمبات بالقرب من البريد

وانجر وزير الدفاع باكيا

ونهديه اغنية ترباس
عيني ما تبكي