سوف يتعادل الرجاء مع القطن وينهزم الرجاء من الهلال...

عندي إحساس قوي انو الرجاء سوف يتعادل مع القطن ، والقطن سوف يتعادل مع انميبا والهلال سوف يتعادل مع الرجاء وتوش دور الاربعة.. وسوف نتاهل بعد هزيمة الترجي الي النهائي لكن بعد دا احساسي لسع ما وصل الحتة ديك.

انمبيا ممكن يبيع مباراتة امام القطن لو ما دفع الهلال تقيل لانمبيا، وانا لو محل الهلال بدفع تقيل، كمان بنجي بتقول كمان القطن دا هو بتاع عيسي حياتو يعني عندو ضهر.
اههههههههه يا المعز مالك دخلتنا في عمليات معقدة كدة،

ننتظر نتيجة مبارة القطن والرجاء وعلي ما تسفر الية، وبعد دا اذا اللعب غلب لعبية الهلال وما قادرين يجيبو بطولة، الخطة ب هو تحريك جهات تسافر الي المغرب ونيجيريا للتفاوض ودفع حوافز،
هو قال ليكم الحوافز دي لازم تكون الا الي لعيبة الهلال، ممكن ندي حوافز الي لعيبة انميبا وكمان تعويض الي فريق الرجاء، فيها شنو يعني، ما كلها تحفيز وكمان تعويض.

المغاربة ديل إخوانا عديل، معظم الطرق الصوفية من المغرب، دولة عربية وكمان إفريقية زينا واحد، بنتزوج منهم وبعرسو مننا. ومعظم اولادنا بدرسو في المغرب الشقيق، شنو يعني لو فتحو لينا.... أنا ماشايف فيها اي غلط

انيمبا زعلان من ناس السودان قال شالو الشربة بتاعتو وصادروها من المطار ونبذو رئيسهم، أنتو كمان يا ناس الجمارك الشلاقة ليكم شنو، مالكم مالهم، الدائر يبق خلوة يبق اسع كان في داعي تخلو ناس انميبا ياخدو خاطرهم مننا،
أنتو مالكم ما عندكم بعد نظر للأشياء ولا شنو، ناس دبي بعملو اي حاجة يعني موضوع الشربة دا عندهم عادي وكمان ديل جدهم الرسول، أنتو جدكم منو ؟؟؟؟ ما عارف انحنا موضوع الاسلام دا ماخدنو بجد لية. خلوة شخصي يعني اي انسان وعلاقتو بربة، يعني كان في داعي، وتاني حاجة مافي زول قال ليكم تعالو اشربو معاهم، جنس شلاقة.

ممكن اي شي اتصلح، يعملوها الصغار ويقعو فيها الكبار، بس زدتو علينا حمولة الشنط المسافرة وصعبتو علينا التفاوض،
نجي لموضوع الرجاء وكمان هم زعلانيين من حكاية البلنتي الاوانطة بتاع امدرمان داك، اها دي نحلها كيف؟؟؟
مالو نقيم الضرر الحصل ونصل الي مساومة وكمان دية، مش بقولو القاتل ممكن ادفع دية اذا وافق اولياء الدم،
اذا افترضا انو البلنتي قتل فرص فريق الرجاء يبقي الهلال ملزم بدفع الدية، يبقي إخوانا الهلالاب في السعودية افتونا في القيمة للدية بس أبعدو منكم ود القاضيً، ممكن يتهلهل منافقا لرفع قيمة الدية.

الحكام، اهههه أنا من الحكام، بصراحة موضوع الحكام دا أنا شايفو من اسهل انواع التفاوض، وباين لي انو كان في تاريخ تفاوض من زمان.
يعني نكمل المسيرة لكن نديها لكزة حبة ونكون جادين في هذا الموضوع مش ذي اتفاق نافع والحركة الشعبية اللغاهو البشير. لازم يكون في الزام والتزام يعني solid commitment

الخطة الثلاثية اكتملت اركانها حوافيز تقيلة لفريق انيمبا والمساعدة في تجديد استادة والحق الحصري لهم بفتح بارات وأندية ليلية في الخرطوم ( غلطة ناس الجمارك نعمل شنو) تعويض مهول لفريق الرجاء يناسب الضرر الذي اصابة من البلنتي الخازوق وزيادة فوق ذلك تمن الفتح للمبارة القادمة، دفع تقيل لكل حكم.

انتهينا ولكن قبل النهاية اود ان انوة للآتي :
كان في داعي للصرف الهائل دا لو المعز كان ركز حبة ومسك الكورة الدخلت القون من ضربة خارج خط تمنتاشير.
كان في داعي انو هيثم مصطفي يدخل في كل كبيرة او صغيرة كانو الهلال دا ملك لة.
كان في داعي انو مساوي يتعامل من راجل انميبا بكل هذا الغباء ويهديهم بلنتي في اخر ثواني المبارة.
كان في داعي بكري المدينة يلعب في التشكيلة من اساسو
كان في داعي لخروج ديمبا باري وعلاء الدين؟

هذة الأسئلة التي لا اعرف لها إجابة جعلت من أسلوبي الميكافيلي اعلاة طريقة لكسب المباريات بطرق ملتوية،

ناس الرجاء ديل إقناعهم ما صعب شديد
صحيح نحن قتلنا ليهم فرصم بالبلنتى الأونطة
لكن نحن برضو أحيينا ليهم فرصم بالهزيمة فى مقبرتنا
نحن ما نقوليهم إننا إتغلبنا عشان ما بنعرف كورة
نقول ليهم إتغلبنا مخصوص عشان نكفر عن زنبنا و نجدد امالكم
هم طبعا الليلة ما حيستطيعو ينتصروا على القطن الكميرونى
حنقوليهم نحن أعدنا ليكم الأمل عشان تغلبو القطن لكن إنتو فرطو براكم
دحين وقت بقى ما عندكم أمل ردوا لينا المعروف العملناهو ليكم و افتحوا لينا

الاخ فيصل،
عندي إحساس قوي انو الرجاء سوف يعمل لهزيمة القطن والهلال معا ويتأهل مع انميبا، يضع سره في اضعف خلقة كما يقول السلف.