Post: #1
Title: رصاص الخرطوم: على قول عمك الجعلي خلو انا عندي قنبلة..!!
Author: Kabar
Date: 09-09-2011, 08:52 AM
Parent: #0
واحدة من مآسي سودان اليوم.. ان السوداني و الى الأبد سيفقد خاصية الإستمتاع بالنكتة و المزحة..عشان كده لازم يعمل مقدمات..و كده..
نشرت الأخبار واقعة اطلاق رصاص في شوارع الخرطوم ، على سيارة رئاسية..و كالعادة ذهبت الى الصحف السودانية عشان اشوف الحاصل شنو..
و مافي جريدة اهتمت بالموضوع.. سوى جريدة الإنتباهة التي حكت تفاصيل مملة عن الموضوع..
و لأنو عندي موقف مسبق و حساسية تجاه الإنتباهة ( مع انو لازم اقراها ، و ذلك لحاجات تانية حامياني).. فشعرت أنها لم تنقل الخبر ببراءة ..و انما عمدت على اضفاء كثير من التوابل التي تحمل رسائل مبطنة..ناهيك عن الشماتة..
الرسالة التي فهمتها من سناريو الإنتباهة (طبعا جابت صورة سيارة و عليها خدشة صغنونة و قالت هي اثار الطلق الناري)..انو انطموا العربات كلها مصفحة.. فتذكرت نكتة عمنا الجعلي..
و نحكيها لي ناس الإنتباهة (من باب الشماتة ايضا و ارسال رسائل مفخخة)..
تقول النكتة.. أن واحد عمك جعلي مشى حفلة عرس..و طبعا العرس فيهو خلق كتيرة..قام واحد شايقي شال مسدسو و تاح تراح يبشر..و رجع..
بعد شوية قام رباطابي و شايل كلاش.. تاح تراح.. بشر و رجع..و كان وراهو عمنا الجعلي..اها الرباطابي قال للجعلي هاك الكلاش امش عبر عن شعورك ياخي.. فرد عمنا قائلا: خلو عنك و زح غادي انا عندي قنبلة..!!
نهديها لناس الإنتباهة..
كبر
|
Post: #2
Title: Re: رصاص الخرطوم: على قول عمك الجعلي خلو انا عندي قنبلة..!!
Author: Murtada Gafar
Date: 09-09-2011, 09:01 AM
Parent: #1
يا كبّر حبينا نحيّ أهل كالقري
------------------
بخصوص خبر الإنتباهة: قبل وقوع الحادثة، المؤكد وقوعها حتى فرانكلي كان من استهلّ البوستات حول الواقعة، فقبلها صحف المؤتمر الوطني وقنواته الفضائية روجت لخبر أن ياسر عرمان درب 40 شاب في دول مجاورة للسودان (في إشارة تنضح بخبث الكيزان المعروف إلى جنوب السودان الشقيق) لتنفيذ اغتيالات في الخرطوم تستهدف رموز سياسيين وكتاب أعمدة. الإتفقو حولو الجماعة إنو من أطلق النار على سيارة المراسم كان رجل ملتحي. يا زول الكيزان ديل عندهم ماركات مسجلة باسمائهم لا تخطئها العيون غير المصابة بالرمد.
تحياتنا للكل
|
Post: #3
Title: Re: رصاص الخرطوم: على قول عمك الجعلي خلو انا عندي قنبلة..!!
Author: Murtada Gafar
Date: 09-09-2011, 09:05 AM
Parent: #2
بعدين إنتا المصحيك لي هسة شنو؟ موش عندك مواعيد 9 صباح الجمعة بتوقيت كالقري
|
Post: #4
Title: Re: رصاص الخرطوم: على قول عمك الجعلي خلو انا عندي قنبلة..!!
Author: Kabar
Date: 09-09-2011, 09:21 AM
Parent: #3
مرتضى..حبابك يا صديقي
كل سنة و انت طيب..
المصحيني: منتظرة المظاهرة بتاعت (اقفوا الحرب)..و بالعدم نسمع الملحمة..
كتر خيرك على المرور..
الجماعة ديل مكنتهم فكت في الكضب .. عشان كده كضبهم بقى حامض خلاص..يفكوا كضبة الحركة تخطط لإغتيالات..و لمن زول يشتغل بيهو مافي.. يقوموا براهم يعملوا الحركة..
الجميع بخير هنا يا صديقي..
كبر
|
Post: #5
Title: Re: رصاص الخرطوم: على قول عمك الجعلي خلو انا عندي قنبلة..!!
Author: مازن عادل النور
Date: 09-09-2011, 08:43 PM
Parent: #4
ول ابا كبر
العيد مبارك عليك ....
ات عارف يا كبر موضوع الرصاصة دا دايرنوا يبقى زى magic bullet theory , و مع فروقات كثيرة بين الاولى و الثانية ...
مودتى
|
|