Post: #1
Title: فى رثاء منقو اجاك
Author: عمار محمد ادم
Date: 09-09-2011, 06:29 AM
منقو تموت هى الايام اجال.. بكيناك وماتنفك رحَال.. عرفناك وقد قلنا وما قالوا. .فقدناك كما الابناء والال..
*** فيا منقو بشوش الوجه صبَاحٌ ..ويامنقو بسوم الثغر ممرَاح. .بكيناك وقد نغدوا وما راحوا ..وقد كنت زكى العقل لمَاح. .عرفناهم وقد غربوا ومذ لاحوا. .نصحتهموا وكنت بحق نصَاح.
*** فيا منقو احبك من لدن قلبى. .وانت رفيقى فى دربى.. مشيناها فواماساتى واكربى.. اضاعوها شكوتهمو الى ربى.
*** فيا قبر ترفق بالذى حلَ, ,هى الارواح تملكنا وللاجساد محتلة. .تعيش الروح فى صحو وذى الاجساد معتلة. .وترحل عنا يامنقو وذى الاوضاع مختلة.
***
وهذى حقيبتى تشهد. .وتلك اللحظة المشهد. .تراتيل بلا معبد. .ويشهد ربنا الاوحد. .فقدناك لعلَ هنالكم تسعد.
***
وذى ملكال كم تجهش. .زعيم عمالها الاغبش. .وحاديها فلا دجل ولا من غش. .ولانهَاب ولامرتش. .ووكم صلب وقط ماهش..
|
Post: #2
Title: Re: فى رثاء منقو اجاك
Author: عمار محمد ادم
Date: 09-09-2011, 06:41 AM
Parent: #1
بعزى اهلى فى جلهاك . .حليلو حبيبنا منقو اجاك ..تتوه خطواتى وين ارجاك ..اكيدا فى الجنان مثواك *** ..وترفل فى النعيم يامنقو ..وترحل من فتن تنجو. .والما قد عدم بنجو.. لااعراب ولازنجو.
*** .بلادك كم عظيم كربها ..بى زنجيها بى عربها. .ضاع مشوارها تاه دربها ..بعد جنوبها ثار غربها..
*** اعزى الشلك من جم. .وربنا للفقيد يرحم. .دا السودانى لحم ودم ..ودا الشلكاوى ذوق وفهم ..ومن اخلاقو نتعلم.
***
.اسوقها خطاى احثها حث.. اروح ملكال اعزى الرث. .ذاتو مهابة دقنه كث. .دا رثا مابيقول الغث.
***
.منقو الاانحرف لاطش. .منقو ماهو زولا هش. .لابتتغابى لابتتغش. .لاك عجول ولا اروش. .لا اتجهجهت لااطرطش.. ***
بديت اتهز من الاعماق . .وثارت فينى يااخى اشواق. .وعندى اتلخبطت اوراق ..وكنا افكار لا اجناس ولا اعراق. .وكيف حملوك فى الاعناق. .منقوالفى الكرم سباق. ***
.منقو الفى الوطن معروف . .منقو الفى الشلك مضيوف. .منقو الما بتحدو حروف. .منقو صبوروكلك شوف . انت بتنجد الملهوف. .وانت بتفعل المعروف. .وفراقك كم حرق فى الجوف..
*** بكيتك فى زمن معلول. .منقو اصيل وسامة وطول. .وفى السودان عراقتو اصول. .منقو الكان دوام مسئول. .اصلو الخطب جد مهول ...عجزت وما عرفت اقول.
***
.وداعا والاجل مسطور. .تسعد بى الجنان والحور. .منى شهادة مابالزور. .بانك صالحا مغمور.
***
|
|