Post: #1
Title: الـقُـرآدة ...
Author: معاوية المدير
Date: 09-07-2011, 10:04 AM
Parent: #0
بوست عِلمي مقرّد ...
|
Post: #2
Title: Re: الـقُـرآدة ...
Author: معاوية المدير
Date: 09-07-2011, 10:08 AM
Parent: #1
القُرآدة حيوان يحب الصلبطة.
قالت: أنا والجمل نقلنا العيش ده كلللللو من القضارف.
طبعاً هي مكنكِشة في الجمل وتمص في دمّو، وقالت نقلت
معاهو العيش من القضارف!!!
|
Post: #3
Title: Re: الـقُـرآدة ...
Author: معاوية المدير
Date: 09-07-2011, 10:17 AM
Parent: #2
للتخلص من القُرآدة نحتاج إلي:
مُلقاط صاموتي.
يعني مُلقاط قوي وشديد في عضمو عشان القرآدة بتكنكش
قوووووي، و لا يمكن تتعامل معاها بطريقة عشوائية.
الخبرة مطلوبة في حالة محاولة نزع القُرآدة من نخاشيشا...
|
Post: #4
Title: Re: الـقُـرآدة ...
Author: المكاشفي الخضر الطاهر
Date: 09-07-2011, 10:22 AM
Parent: #3
آمل أن أستفيد من هذا البوست ولو فائدة واحدة ثلاثة ردود ولم أجد فائدة حتى هذه اللحظة ولو رمزاً
|
Post: #5
Title: Re: الـقُـرآدة ...
Author: معاوية المدير
Date: 09-07-2011, 10:24 AM
Parent: #3
الطريقة اعلآه هي أسلم وأصحّ طريقة لخلع القُرآدة من نخاشيشا.
المُلقاط لآزم يكون موضوع بإحكام في خشم القُرآدة، وتضغت
عليهو قووووي بيدّك ثم تنزع بكل ما تملك من قوّة.
الشغل المرخي مع القرآدة ما بينفع تب...
|
Post: #6
Title: Re: الـقُـرآدة ...
Author: معاوية المدير
Date: 09-07-2011, 10:35 AM
Parent: #5
للتخلص السريع من القُرآدة لآزم يكون جنبك جمُر ملهلب،
وبمجرّد خلعها تديها الجمُر علي طوووول.
نصيحة:
بعد تقلعا ما تفقعا تفضي منها الدم وتجدعا لأنها ممكن تتلصق
تاني نسبةً لأنها زي القندران القاطر الترلآ، يعني الكيس
المتروس دم ده لو فضيتو حا تكون كأنّك فضيت الترلآ
وتركت القندران يمشي يقطر ترلآ تانية.
تخلص منها وإلا الأذى سيكون في محله...
|
Post: #7
Title: Re: الـقُـرآدة ...
Author: معاوية المدير
Date: 09-07-2011, 10:39 AM
Parent: #6
من انواع القُرآد الدلم، وهو لا يقل سخف وتقالة دم
من القُرآد.
مفرده دلمة، والزول السخيف بيقولوا عليه دلمة...
|
Post: #8
Title: Re: الـقُـرآدة ...
Author: معاوية المدير
Date: 09-07-2011, 11:03 AM
Parent: #7
أكبر قُرآدة في الدنيا بلا شك هي هذه المُسمأة حكومة الإنقاذ.
قُرآدة متطفلة، مُقرفة، مثيرة للإشمئزاز ظلت مُلتصقة في
جسد الوطن لمدة 22 عام وما زالت تمتص في الدماء وتنشر
في الأمراض في جسد الوطن.
كمية من القُرآد والدلم والهيم انهكت الوطن، ومصّت دم المواطن،
فحتى متي يظل هذا الوباء عالق في جسد الوطن؟؟؟
|
Post: #9
Title: Re: الـقُـرآدة ...
Author: معاوية المدير
Date: 09-07-2011, 11:56 AM
Parent: #8
يا حكومة الإنقاذ ورعاياها كرهتونا ومسختو علينا العيد.
ما ممكن الوآحد يتصل علي الأهل والجيران والصحاب
وما يلقى فيهن وآحد بالغلط طاريكم بالخير!!! كرهتوهم
ومصيتو دمهم وأرهقتوهم لدرجة انهم أصبحو ساخطين
عليكم في أيام الأعياد. إنتو ما بتحسو، ما بتشعروا، ما عندكم
دم؟؟؟ خلآص كفاية. أدو الناس عرض أكتافكم. كان نفسي
القى زول وآحد يطراكم بخير، لكن هيهات.
يا ناس إنتو عايشين وين؟؟؟
أولآدكم عايشين كيف؟؟؟
عيدو كيف؟؟؟
ما ممكن تكونوا دمكم تقيل للدرجة دي!!!
خلي عندكم إحساس، وإلتفتو للمواطن التعبان ده ولو للحظة...
|
Post: #10
Title: Re: الـقُـرآدة ...
Author: معاوية المدير
Date: 09-07-2011, 12:09 PM
Parent: #9
صديقي من عطبرة قال لي مشيت عيدت في عطبرة،
وإشتريت ملآبس لللأولآد للعيد بمليون وشويّة (ملآبس
عادية لثلآثة أطفال!!!). قال لي والله يا معاوية قلت
أمشي السوق إشتري لحمة من بكري الجزآر، غلبني
أصل الجزارة من العفانة الفي السوق!!!؟؟؟
معقولة!!!
وبرضكم قاعدين فوق صدر البلد!!!؟؟؟ يعني فرقكم
من القُرآد شنو؟؟؟
أرفعوا المعاناة عن كاهل المواطن، اصلحوا حاله، وبعد
دآك كان قلنالكم بِغِم سوّو الدايرين تسوها...
|
Post: #11
Title: Re: الـقُـرآدة ...
Author: معاوية المدير
Date: 09-19-2011, 02:34 PM
Quote:
آمل أن أستفيد من هذا البوست ولو فائدة واحدة ثلاثة ردود ولم أجد فائدة حتى هذه اللحظة ولو رمزاً |
حباب مكاشفي القوم...
|
Post: #12
Title: Re: الـقُـرآدة ...
Author: مهدى الصادق السيد
Date: 09-19-2011, 04:03 PM
Parent: #11
شكرا يا حبيب ....
في قرادة كانت لاصقه في مؤخرة فريق انيمبا....وطبعا قالت انا وانيمبا صعدنا لدور الاربعة زي بتاعة الجمل النقلت العيش من القضارف ....
تشبيه عجيب ....شكرا معاوية مرة اخري
|
Post: #13
Title: Re: الـقُـرآدة ...
Author: معاوية المدير
Date: 09-20-2011, 07:36 AM
Parent: #12
| Quote: تتواجد أغلب الأنواع من هذه الحشرة في أفريقيا وأمريكا الشمالية, ففي هاتين القارتين هناك أكبر تواجد لأكبر نوعين من القرادة. |
وفي افريقيا توجد أكبر وأ###### وأشره واشرس قُرآدة في
السودان. هذه القُرآدة إستطاعت ان تسجل اكبر زمن
للكنكشة والتِلِصق علي نطاق قُرآد العالم، وظلت مكنكشة
في جسد الوطن لمدة 22 عام بالكمال والتمام وما زالت،
و ما معروف حدها وين؟؟؟
|
Post: #14
Title: Re: الـقُـرآدة ...
Author: معاوية المدير
Date: 09-20-2011, 08:26 AM
Parent: #13
الغريب في هذه القُرآدة إنها شايفة نفسها قُرآدة عفيفة
ونضيفة وقمّة في الإخلآص للبلد، والإحساس ده طبعاً
إكتسبتو القُرآدة من نظرتها لنفسها، وغض الطرف عن
حال ناس البلد البتمُص في دمهم، وتعاملها معهم علي
أساس إنهم عايشين زييييها ووآحد. سوّت حكاية المرا
الأوّل مرّة تركب اللوري. لمان اللوري إنقلب وهي
مرقت سلآمة، والناس جو يباركو ليها: حمد لله علي
سلآمتك يا حاجة. قالت لهم بإستغراب: مالكم في شنو؟؟؟
قالوا ليها: يا حاجة اللوري إنقلب!!!.
قالت ليهم: انا شِن خبرني بيهوإنقلب!!!؟ اصلي قايلآهو
بينزّل الناس كدي!!!؟
|
Post: #15
Title: Re: الـقُـرآدة ...
Author: معاوية المدير
Date: 09-20-2011, 10:30 AM
Parent: #14
Quote: شكرا يا حبيب ....
في قرادة كانت لاصقه في مؤخرة فريق انيمبا....وطبعا قالت انا وانيمبا صعدنا لدور الاربعة زي بتاعة الجمل النقلت العيش من القضارف ....
تشبيه عجيب ....شكرا معاوية مرة اخري |
سلآمات يا مهدي،
ومرحبتين حبابك.
يا أخي بتاعت انيمبا دي أحلى وأطعم قُرآدة، وإن شاء الله
تكنكِش في المريخ تعدمو نقطة الدم.
الف شكر علي المرور يا مهدي،
وتقبل عاطر تحياتي...
|
|