Post: #1 Title: حفل تدشين وتوقيع رواية "الحب من طرف ثالث" لحبيب نورة بالخرطوم Author: نهلة محكر Date: 09-06-2011, 12:05 PM Parent: #0
سيقام حفل تدشين وتوقيع رواية "الحب من طرف ثالث"
للروائي الشاب ياسين سليمان "حبيب نورة"
الساعة السابعة ونصف مساء بصالة طيبة برس بالخرطوم
شارع البلدية عمارة بشير محمد سعيد ... غرب السفارة الألمانية
يوم الخميس الموافق الثامن من سبتمبر ...
وسوف يقدم قراءات نقدية عن الرواية كل من
الأستاذ/ مصطفى الصاوي
الأستاذ/ أحمد عبد المكرم
الأستاذ/ صديق الحلو
الدعوة عامة لكل المهتمين ومحبي الأديب حبيب نورة
.
Post: #2 Title: Re: حفل تدشين وتوقيع رواية "الحب من طرف ثالث" لحبيب نورة بال Author: الطيب شيقوق Date: 09-06-2011, 12:12 PM Parent: #1
من اروع الوايات يا نهلة واتمنى ان تمنح جائزة الطيب صالح للابداع الادبي
Post: #3 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حيدر حسن ميرغني Date: 09-06-2011, 12:17 PM Parent: #2
بالتوفيق
Post: #4 Title: Re: حفل تدشين وتوقيع رواية "الحب من طرف ثالث" لحبيب نورة بال Author: وليد محمد المبارك Date: 09-06-2011, 12:19 PM Parent: #2
يا نهلة ادينا الوصف واضح
نحن اسمي العمارات دي ما بنعرفها
اتنين النادي الالماني ما واقع في شارع البلدية
Post: #67 Title: Re: حفل تدشين وتوقيع رواية "الحب من طرف ثالث" لحبيب نورة بال Author: اماني محمد صالح Date: 09-10-2011, 01:57 PM Parent: #2
جد يا رائعة استاذ الطيب مبرووك حبيب نورة
لكم ودي اماني الروح
Post: #5 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 12:20 PM Parent: #1
Post: #6 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 12:23 PM Parent: #5
فعلا يا ود شيقوق .. هي من أجمل الروايات
تشكرات يا أخ حيدر .. لك الود
يا وليد .. هسي وينو النادي الألماني الأنا جبت سيرتو ألبس نضارتك ياخ :) قلت السفارة الألماااااااانية .. طيبة برس موجودة في المبنى الفيهو صحيفتي الأحداث والأخبار
Post: #7 Title: Re: حفل تدشين وتوقيع رواية "الحب من طرف ثالث" لحبيب نورة بال Author: وليد محمد المبارك Date: 09-06-2011, 12:49 PM Parent: #6
Quote: ألبس نضارتك ياخ :)
Post: #8 Title: Re: حفل تدشين وتوقيع رواية "الحب من طرف ثالث" لحبيب نورة بال Author: مزمل خيرى Date: 09-06-2011, 03:52 PM Parent: #7
يانهلة .. سلام السفارة البريطانية اوضح ومعروفة اكتر مبروك يا حبيب نورة
Post: #9 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نوفل عبد الرحيم حسن Date: 09-06-2011, 04:02 PM Parent: #8
تحايا وتبريكات للاديب حبيب نوره شكرا نهله
Post: #10 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ناذر محمد الخليفة Date: 09-06-2011, 04:53 PM Parent: #9
!!!
Quote: الدعوة عامة لكل المهتمين ومحبي الأديب حبيب نورة
هي نان الدعوة دي متين يا نهلة ؟!!
الليلة ولا بكرة ولا بعدو ولا أمبارح ؟؟!!
Post: #11 Title: Re: حفل تدشين وتوقيع رواية "الحب من طرف ثالث" لحبيب نورة بال Author: العوض المسلمي Date: 09-06-2011, 04:59 PM Parent: #10
سلام نهلة وكل سنة وانتي طيبة .. كم كان يسعدنا الحضور ولكن نعتذر بالسفر خارج السودان .. تحياتي ليك ولحبيب نورة ..
Post: #12 Title: Re: حفل تدشين وتوقيع رواية "الحب من طرف ثالث" لحبيب نورة بال Author: سفيان بشير نابرى Date: 09-06-2011, 05:36 PM Parent: #11
و الله بتبالغي الظاهر انها لا عامة لا حاجة و العارفناها أنتي و حبيب نورا و ناس طيبة برس و النقاد وبس !!!!! معقووووول ياخ تاريخ مافى!!!؟
كمان لو بقت عشان الليلة تبقى مصيبة اعظم !!!
المهم لو القصة دى الليلة فيا ياسين اتلومته و نهلة اتلومت . وسبب عذرنا واااااضح .
Post: #25 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:36 PM Parent: #12
الأخ سفيان .. تحياتي أنت أحد الذين يعلمون تاريخ وموعد التدشين وقد كان إتفاقنا الأولي معك أنت وبحضور الأخ محي الدين جبريل على أن يقام في بيت الفنون ... ولكن تم تعديل المكان لصالة طيبة برس لأنه مكان وسط ويسهل على الكثيرين الوصول إليه
Quote: الظاهر انها لا عامة لا حاجة و العارفناها أنتي و حبيب نورا و ناس طيبة برس و النقاد وبس !!!!!
إن كان كما تقول ... فما الداعي للإعلان هنا إذن؟؟!!!! لاكتفينا بهؤلاء فقط ... وكنا أقمنا الحفل .. واستمتعنا بالرواية وقراءتها وما احتجنا أن نكتب هاهنا ونعلنها على الملأ
كان يمكنك الإشارة إلى التاريخ أو تذكيري بأني نسيته ولا داعي لكل ما سطرته ها هنا من لوم وتقريع
إحترامي
Post: #13 Title: Re: حفل تدشين وتوقيع رواية "الحب من طرف ثالث" لحبيب نورة بال Author: محمد ابراهيم قرض Date: 09-06-2011, 05:38 PM Parent: #11
أغرب دعوة .. محددين المكان ، لكن ما محددين الزمان !!! غايتو تكون فاتتنا بسبب سوء اخراج الدعوة ....
Post: #15 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ود الخليفه Date: 09-06-2011, 05:52 PM Parent: #13
وصلت الان المكان ولم اجد سوى الاستاذ فيصل محمد صالح وهو لا يعرف شئ عن البرنامج وقد ابدى ترحيبه التام لهذه المناسبه الظاهر انو البوست ترويج للبرنامج في زمن جاي وزمن ماش وزمن لسه
Post: #29 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:43 PM Parent: #15
Quote: وصلت الان المكان ولم اجد سوى الاستاذ فيصل محمد صالح وهو لا يعرف شئ عن البرنامج وقد ابدى ترحيبه التام لهذه المناسبه الظاهر انو البوست ترويج للبرنامج في زمن جاي وزمن ماش وزمن لسه
نعتذر بشدة لما تكبدته من مشاق ولست ممن يروجون لشيء لم يتم الإتفاق عليه
Post: #28 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:40 PM Parent: #13
Quote: أغرب دعوة .. محددين المكان ، لكن ما محددين الزمان !!! غايتو تكون فاتتنا بسبب سوء اخراج الدعوة ....
نعتذر عن سوء إخراج الدعوة وأتمنى بعد أن أصلحنا غلطتنا التي لا تغتفر أن تتمكن من حضور الحفل في مواعيده
Post: #23 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:25 PM Parent: #11
ترجع بالسلامة أخي العوض كل التحايا والتقدير
Post: #14 Title: Re: حفل تدشين وتوقيع رواية "الحب من طرف ثالث" لحبيب نورة بال Author: عمر صديق Date: 09-06-2011, 05:44 PM Parent: #10
كما قال ناذر يانهلة
التاريخ غير محدد
Post: #16 Title: Re: حفل تدشين وتوقيع رواية "الحب من طرف ثالث" لحبيب نورة بال Author: سفيان بشير نابرى Date: 09-06-2011, 06:07 PM Parent: #14
Quote: وصلت الان المكان ولم اجد سوى الاستاذ فيصل محمد صالح وهو لا يعرف شئ عن البرنامج وقد ابدى ترحيبه التام لهذه المناسبه الظاهر انو البوست ترويج للبرنامج في زمن جاي وزمن ماش وزمن لسه
يعنى كمان طلع ما الليلة يا عمار؟ ولا وصلته بدري!!؟ ولا القصة شنو!!؟
على العموم السلام عليكم عمار كيفك؟
Post: #17 Title: Re: حفل تدشين وتوقيع رواية "الحب من طرف ثالث" لحبيب نورة بال Author: معتصم محمد صالح Date: 09-06-2011, 06:11 PM Parent: #16
Quote: الساعة السابعة ونصف مساء بصالة طيبة برس بالخرطوم
شارع البلدية عمارة بشير محمد سعيد ... غرب السفارة الألمانية
يوم الخميس الموافق الثامن من سبتمبر ...
حضور انشاء الله
Post: #32 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:52 PM Parent: #17
Quote: حضور انشاء الله
تشرف وتنور يا معتصم
Post: #18 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:15 PM Parent: #16
أعتذر بشدة عن إغفال ذكر التاريخ ولا يمكن أن يكون هنالك حدث كهذا يعلن في وقته أعتقد أن هذ السهو لن يفوت على فطنتكم أعزائنا ... تنبهت له في وقت لم يكن الدخول للنت متاحاً لي أتمنى أن تقلوا عذري وليس حبيب نورة من يخطط له في عجالة ودون أن يكون محبيه ومعجبيه وأصدقائه حاضرين يشهدون إبداعاته وهي تخرج لهم
لكم العتبى حتى ترضوا جميعاً
Post: #19 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ود الخليفه Date: 09-06-2011, 06:19 PM Parent: #16
سفيان يا حبيب كل عام وانتم بخير وصلت بعد 7 ونصف بقليل ووجدت الاستاذ فيصل على وشك المغادره كما ذكرت يبدو ان الاخت نهله تروج للبرنامج قبل تحديد الزمن المداخله دي بالموبايل لسه ما وصلت البيت
Post: #24 Title: Re: حفل تدشين وتوقيع رواية "الحب من طرف ثالث" لحبيب نورة بال Author: عفاف ابوكشوه Date: 09-06-2011, 06:31 PM Parent: #19
مساءات ندية
العزيزة نهلة
يسعدنا ان نشارك في حفل التدشين
ومبروك مقدما للصديق حبيب نورة
تدشين باكورة انتاجه الادبي - رواية الحب من طرف ثالث
حضور مبكر وترويج بالصحف الصديقة
مودتي
Post: #31 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:51 PM Parent: #16
Quote: يعنى كمان طلع ما الليلة يا عمار؟ ولا وصلته بدري!!؟ ولا القصة شنو!!؟
سبحان الله يا سفيان !!!! كان ما الليلة مشكلة .. وكان الليلة متلومين؟؟!!!!
Post: #30 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:48 PM Parent: #14
عدلنا التاريخ ياعمر نتمناكم حضور
Post: #22 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:24 PM Parent: #10
أعتذر يا ناذر .. لم أنتبه لهذا وقد عدلته الآن في إنتظاركم جميعاً للإحتفاء بالرواية وكاتبها
Post: #21 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:22 PM Parent: #9
شكراً يا نوفل ونشوفك يوم التدشين إن شاء الله
Post: #20 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:22 PM Parent: #8
Quote: السفارة البريطانية اوضح ومعروفة اكتر
إذن هو وصف آخر أوضح لمن لم يعرف المكان
شكرا مزمل
Post: #26 Title: Re: حفل تدشين وتوقيع رواية "الحب من طرف ثالث" لحبيب نورة بال Author: سفيان بشير نابرى Date: 09-06-2011, 06:37 PM Parent: #20
أيوة كدا يا نهلة ياخ والله رضيانين تب و جوطتنا دى كلههههها حرص على الحضور والاحتفاء باياسين .
Post: #27 Title: Re: حفل تدشين وتوقيع رواية "الحب من طرف ثالث" لحبيب نورة بال Author: بله محمد الفاضل Date: 09-06-2011, 06:39 PM Parent: #20
يستحق والله هذا (الحبيب) في حبه الذي (من طرف ثالث) من نجاح إلى نجاح ومن تدشين إلى تدشين يا صاحب دمت مبدعاً فطناً
سلام نهلة واحترام ومحبة وبالتوفيق
Post: #33 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-06-2011, 06:58 PM Parent: #27
الأخوة الأعزاء نعتذر منكم بشدة علي اللبس الحصل بخصوص موعد التدشين الموضوع سبق مناقشته قبل فترة كافية وإن كنت زاهداً في مثل هذه الأشياء التي تجعلني في مواجهة الجمهور وانا بعيد كل البعد عن فن الكلام وأمور الخطابة وأدري أنني لا أجيد الحديث عن نفسي وعن أعمالي الخجولة
أشكر كل المتداخلين
وأتمني تشريفكم لي في هذه المناسبة
موعدنا السابعة والنصف من مساء الخميس في قاعة طيبة بريس في الخرطوم
Post: #34 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-06-2011, 06:58 PM Parent: #27
Quote: كما ذكرت يبدو ان الاخت نهله تروج للبرنامج قبل تحديد الزمن
أتمنى قبل ان تصدر أي حكم في أي إنسان أو مسألة ما أن تتروى وتبحث عن الحقائق كاملة من كل أوجهها ومن ثم أصدر أحكامك كما تشاء .. حينهالن يملك أي إنسان أن يلمك فيما حكمت به
وإلا فإنك ترمي الناس بما لا تعلم عنهم
Post: #35 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-06-2011, 07:06 PM Parent: #34
شكرن يا نحلة
Post: #36 Title: Re: حفل تدشين وتوقيع رواية "الحب من طرف ثالث" لحبيب نورة بال Author: baha eassa Date: 09-06-2011, 07:29 PM Parent: #35
ياسلام يا نهلة يا رائعة .. الاديب الكبير حبيب نورة يستحق اكثر من ذلك .. فشكرا لكم ناس الخرطوم وياريت البورداب كلهم يكونوا حضور لاعطاء المناسبة هيبة ومعليش غلطة بسيطة عملوها اكبر من القبة .. ..
Post: #38 Title: Re: حفل تدشين وتوقيع رواية "الحب من طرف ثالث" لحبيب نورة بال Author: baha eassa Date: 09-06-2011, 07:30 PM Parent: #36
Post: #37 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ناذر محمد الخليفة Date: 09-06-2011, 07:29 PM Parent: #35
غايتو يا نهلة إتسلختي في البوست دا سلخ العتوت !!
لكن الجانب الإيجابي في الموضوع إنو الناس دي كلها حريصة على حضور التدشين عشان كدة معاكي متشنجين ..!!
ودا كلو عشان خاطر نشارك مع حبيبنا نورة الإحتفال ..!!
والبروف محمد إبراهيم قرض إتصل بالتلفون منزعج لأنو داير يشارك بالحضورر وما عرف الدعوة متين ..
بوستات الدعوات للمناسبات أو التجمعات دايرة عناية خاصة وتركيز شديد عشان ما تجوط الناس وتتلخبط ..
المهم يا زولة ..
حضور إنشاء الله ومعي أخرون ..
Post: #39 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ود الخليفه Date: 09-06-2011, 07:31 PM Parent: #34
الأخت نهله لك العذر والعتبى حتى ترضي عذرك مقبول في عدم تحديد الوقت حرصي جعلني مستعجلا واستعجلت في ردي بالموبايل تحياتي وسلامي
Post: #40 Title: Re: حفل تدشين وتوقيع رواية "الحب من طرف ثالث" لحبيب نورة بال Author: طارق جبريل Date: 09-06-2011, 07:39 PM Parent: #39
هوووووي يمين اليقوم في نهلة دي ارشه رش قرائب الابل
بالتوفيق لي حبيبنا وحبيب نورة
تليشة: يا نهلة تختي لي نسختي عندك موقعة ومعاها 100 دولار من حبيب نورة دة جاييك انا في العيد بتاع اللحم
Post: #41 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حيدر حسن ميرغني Date: 09-06-2011, 08:58 PM Parent: #40
Quote: وصلت الان المكان ولم اجد سوى الاستاذ فيصل محمد صالح وهو لا يعرف شئ عن البرنامج وقد ابدى ترحيبه التام لهذه المناسبه الظاهر انو البوست ترويج للبرنامج في زمن جاي وزمن ماش وزمن لسه
والله نفس الشيئ حصل لي برضو وجدت فيصل لوحده صليت المغرب وخرجت _ يانهلة ماتعتذري لي حصل خير
_ بعمل في المداخلة دي لاكثر من ساعتين لما ادور اضغط على "اضف رد" النت يقطع انعل ابو زين زاتو يالها من شركة بائسة
Post: #42 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-06-2011, 10:34 PM Parent: #41
أشكر كل المتداخلين
وسنعود لكم في اقرب فرصة
وسامحونا للمرة التانية
Post: #43 Title: Re: حفل تدشين وتوقيع رواية "الحب من طرف ثالث" لحبيب نورة بال Author: محمد عبد الماجد الصايم Date: 09-07-2011, 07:16 AM Parent: #42
Quote: يا نهلة تختي لي نسختي عندك موقعة ومعاها 100 دولار من حبيب نورة دة جاييك انا في العيد بتاع اللحم
شرحو ..
_ يا معلم .. شايفكـ ولّفت على اللحم!! السنة دي حاول فضّي لينا نفسكـ شوية ياخ!
Post: #44 Title: Re: حفل تدشين وتوقيع رواية "الحب من طرف ثالث" لحبيب نورة بال Author: وليد محمد المبارك Date: 09-07-2011, 07:40 AM Parent: #43
جيناكم وما لقيناكم
يوم الخميس معاكم
Post: #45 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-07-2011, 07:55 AM Parent: #43
مشكووووورين يا شباب الربة
كامل حبي
Post: #46 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حافظ حسن ابراهيم Date: 09-07-2011, 08:02 AM Parent: #45
حضور بإذن واحد أحد
و شكراً يا نهلة
Post: #48 Title: Re: حفل تدشين وتوقيع رواية "الحب من طرف ثالث" لحبيب نورة بال Author: أمير فتحي Date: 09-07-2011, 08:16 AM Parent: #46
حضور كان الله بعد العوارض
شكراً نهلة وحبيبنا ونوره
Post: #47 Title: Re: حفل تدشين وتوقيع رواية "الحب من طرف ثالث" لحبيب نورة بال Author: صديق الموج Date: 09-07-2011, 08:12 AM Parent: #45
نهلة سلام وعيدك مبارك ممكن احب حبيب نورة ده من طرف رابع ام انها زى الشركه المحدودة لاتقبل الا مساهمين محدودين.. لك ولحبيب كل التوفيق،،،
Post: #49 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نوفل عبد الرحيم حسن Date: 09-07-2011, 11:33 AM Parent: #47
Quote: ونشوفك يوم التدشين إن شاء الله
اساسي قبل الكراسي بس اوعي تجي مطره ياسين دا غايتو كان عمل عرسو في الشتاء بجي غبار ومطر
Post: #50 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-07-2011, 12:00 PM Parent: #47
. نود التنويه أن النسخ معروضة للبيع .. والكمية محدودة .. لذا نعتذر مقدماً لكل من سيحضر ولم يتمكن من الحصول على نسخة
Post: #51 Title: Re: حفل تدشين وتوقيع رواية "الحب من طرف ثالث" لحبيب نورة بال Author: صلاح أبودية Date: 09-07-2011, 12:10 PM Parent: #50
حضور إن شاء الله حتى لو كان أول أمبارح !!
Post: #52 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ود الخليفه Date: 09-07-2011, 12:11 PM Parent: #50
Quote: نود التنويه أن النسخ معروضة للبيع .. والكمية محدودة .. لذا نعتذر مقدماً لكل من سيحضر ولم يتمكن من الحصول على نسخة
كده اختلفنا
انا حاجز من امس ومتكلف مشوار
Post: #53 Title: Re: حفل تدشين وتوقيع رواية "الحب من طرف ثالث" لحبيب نورة بال Author: طارق جبريل Date: 09-07-2011, 12:21 PM Parent: #52
Quote: يا معلم .. شايفكـ ولّفت على اللحم!! السنة دي حاول فضّي لينا نفسكـ شوية ياخ!
يا حبيب السنة دي راس لي راس معاك بس قول لي حبيب نورة دة يفضى لينا وما يرجع القاهرة
Post: #54 Title: Re: حفل تدشين وتوقيع رواية "الحب من طرف ثالث" لحبيب نورة بال Author: baha eassa Date: 09-07-2011, 11:52 PM Parent: #53
ياجماعة الشي دة الليلة مافي زول يتخلف خاصة البورداب ..
Post: #55 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-08-2011, 00:12 AM Parent: #54
هذه ليلتي
أنتظركم جميعا
Post: #56 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-08-2011, 12:47 PM Parent: #55
أشكر جميع من وقفوا معي معنوياً في هذا البوست أثمن هذا الدعم كثيراً
نحلة
تسلمي
Post: #57 Title: Re: حفل تدشين وتوقيع رواية "الحب من طرف ثالث" لحبيب نورة بال Author: نهلة محكر Date: 09-08-2011, 12:58 PM Parent: #56
سننعم الليلة صحبة حبيب نورة وحبه من الطرف الثالث .. نتمناكم جميعاً هنالك .. فلا تتأخروا عن الموعد
Post: #58 Title: Re: حفل تدشين وتوقيع رواية "الحب من طرف ثالث" لحبيب نورة بال Author: shazaly gafar Date: 09-08-2011, 02:16 PM Parent: #57
بالتوفيق يا حبيب .. مزيد من الفتوحات الأدبية سنشهد معكم الليلة تدشين (الحب من طرف ثالث) إنشاء الله ..
Post: #59 Title: Re: حفل تدشين وتوقيع رواية "الحب من طرف ثالث" لحبيب نورة بال Author: baha eassa Date: 09-09-2011, 09:52 AM Parent: #58
الاحباب نهلة وياسين .. دايرين التدشين دة حرف حرف .. وزول زول .. وزنقة زنقة .. يعني خلونا معاكم في الصورة نحن في انتظار ماقيل والحضور وكل حاجة .. ..
Post: #60 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ناصر احمد الامين Date: 09-09-2011, 10:01 AM Parent: #59
ناصر هتف: الصـور .. الصـور !!
Post: #61 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-09-2011, 08:41 PM Parent: #60
ناصر وبهاء
وحاتكم حالة صعبة شديد
هسه بقينا في إنتظار آمنة مختار فقط
يا حليلك يا بهاء والله
Post: #62 Title: Re: حفل تدشين وتوقيع رواية "الحب من طرف ثالث" لحبيب نورة بال Author: ناصر احمد الامين Date: 09-09-2011, 09:01 PM Parent: #61
غايتو البركة في قناة (الشروق) في بث بعض اللقطات من الحفل
____________________ بقيت بتاع (شاشات) يا حبيب نورة
Post: #63 Title: Re: حفل تدشين وتوقيع رواية "الحب من طرف ثالث" لحبيب نورة بال Author: baha eassa Date: 09-09-2011, 10:56 PM Parent: #62
Quote: غايتو البركة في قناة (الشروق) في بث بعض اللقطات من الحفل
دي ماشفناها لكن اشرحو لينا الحضور كان كيف والكلام الاتقال شنو ومن منو ؟ يا نهلة ماتقولي حاجة ..
Post: #64 Title: Re: حفل تدشين وتوقيع رواية "الحب من طرف ثالث" لحبيب نورة بال Author: وليد الطيب قسم السيد Date: 09-09-2011, 11:15 PM Parent: #63
Post: #65 Title: Re: حفل تدشين وتوقيع رواية "الحب من طرف ثالث" لحبيب نورة بال Author: محمد عبد الماجد الصايم Date: 09-10-2011, 09:00 AM Parent: #64
غايتو يا ناصر خبر الشروق فجأتن لقيتو قدامي!ّ أهـو حبيب نورة بقى بتاع (تلفزيونات النظام)!!
مبروكـ يا حبيبو مشكورة يا نهلة يا (نحلة)!
Post: #66 Title: Re: حفل تدشين وتوقيع رواية "الحب من طرف ثالث" لحبيب نورة بال Author: حبيب نورة Date: 09-10-2011, 09:25 AM Parent: #65
