(حريات) تتعرض لهجوم أمني بسبب تقرير الصراع في القوات المسلحة

(حريات)
تعرضت صحيفة (حريات) لهجوم الكتروني من أجهزة أمن المؤتمر الوطني اليوم 6 سبتمبر حجبها عن قرائها لحوالي السبعة ساعات .
وتمكن فنيو (حريات) بحمد الله تعالى من استعادة الموقع هذه اللحظات .
ونعتقد في ادارة تحرير (حريات) أن السبب الرئيسي للهجوم الأمني التقرير عن الصراعات الدائرة في القوات المسلحة الذي نشر أمس 5 سبتمبر وأثار صدى واسعاً وأعادت مواقع عديدة نشر التقرير .
ونؤكد في (حريات) باننا سنظل معارضين لنظام الانقاذ الشمولي الاجرامي ، ونعمل لفضح انتهاكاته وفساده وتخريبه للمؤسسات وجرائمه ضد الشعب والوطن ، وفي ذلك نوقن بقدراته الكبيرة على التخريب ولكنها لن تدعونا ابداً للطأطأة أو الاستسلام ، وسواء نجحنا في المقاومة أو فشلنا فسنظل ملتزمين بخطوطنا الثابتة والمعلنة .
ولأننا كنا مشغولين طيلة الساعات السابقة بالجوانب التقنية وباتصالات شتى حول الهجوم على الموقع ، فلم نستطع اعداد الأخبار كالمعتاد . فنعتذر لقرائنا الكرام .

http://www.sudaneseonline.com/?p=34595

أخبار شنو الما قدرتو تعدّوها دي؟
مش ياها بتاعت سندوتشات الأمنجية وفلانة قالت وعلان قال؟
ولّ الأنصارية الاتهموتها في شرفها لحدي الليلة وقالت ليكم غلط؟
ولّ
ولّ
.
.
يا رااااجل!!




_
شيخ أرباب .. كل سنة وإنت طيب ياخ!
مالكـ يا زول فاتح لي نفسكـ هوا بارد؟

يا عمك انت عارف حريات دي مصيرها الفناء

لانها قامت على باطل

واخبارها كلها كذب


ولو هكروها وخلوها كلو واحد

قال هجوم امني

ياااااا راجل

كويس الما سويتو هجوم كيمياوي ...

يا اخ دا انتو تجيبو الفقر والله

الارباب

هيييييييييع

Quote: يا عمك انت عارف حريات دي مصيرها الفناء لانها قامت على باطل واخبارها كلها كذب

ود الباوقة سلام

والله حريات دي اصدق صحيفة حتى تثبت العكس

تحياتي

بالمناسبة حريات أثبت صديقتها فى أكثر من مرة بأخبارها حول الملمة داخل القوات المسلحة.
أخبار الاحالة للصالح العام و المعاشات الاجبارية لمجموعة كبيرة من الضباط قبل فترة. أكدها بلة موسى
و أكدها لى أحد الاقارب.

التكهير دليل انو الصحيفة لديها مصادر و قوية و اصبحت تشكّل خطر عليهم.

وحريات اثبت صديقتها في خبر فساد وزرارة العدل حيث اكد صحة
ما نشرته حريات ابراهيم عضو المنبر القريب جدا من وزير العدل

يعنى لو حريات ما صادقة وما ضاربة في العصب الحي
ليه الهكر وليه هجوم انصار الحكومة ومؤتمرها الوطني على حريات

Quote: التكهير دليل انو الصحيفة لديها مصادر و قوية و اصبحت تشكّل خطر عليهم

لك التحية اخ ابوبكر

Quote: شيخ أرباب .. كل سنة وإنت طيب ياخ! مالكـ يا زول فاتح لي نفسكـ هوا بارد؟

ود الصايم كل عام وانت بخير

الهواء البارد ده من الحكومة ولا شرطة المنبر

تحياتي

Quote: يعنى لو حريات ما صادقة وما ضاربة في العصب الحي ليه الهكر وليه هجوم انصار الحكومة ومؤتمرها الوطني على حريات

لك التحية اخ محمد

Quote: ملتزمين بخطوطنا الثابتة والمعلنة .

ياللهي؟؟؟


نعرف كيف انه في هجوم امني ما كذبة من الكذبات المعتادة؟

ما تغشو روحكم انتو مضحكة ياخي لا احد يصدق قصصكم النية دي

بالجد الحاج وراق رمى نفسه من شاهق..

Quote: يا عمك انت عارف حريات دي مصيرها الفناء لانها قامت على باطل

ود الباوقة.

هل يوجد شئ قائم على باطل في السودان أكبر من حكومة الأخوان المسلمين الإنقاذية المجرمة؟
هل تتزكر بيانهم الأول عندما كنت أنت عضو بحزب البعث؟

Quote: والله حريات دي اصدق صحيفة حتى تثبت العكس تحياتي

ارباب املأ قلبك بالوطن .





....................................حجر.

املأ قلبك بالوطن

Quote: محمد الحسن سالم حميد أملا قلبك بالوطن … بالصُّغارْ قومة العمال دَغَش … بالنّضارْ المزارعية الغُبُش بالجنود الوين تخش في سبيلك كالنهارْ بالمداد الما بيغُش بي وتر جاء من الجحيمْ أملأ قلبك بالنسيمْ ملِّي بالطير الرطنْ طيبة والعالم قديم ينسى كالريح المحنْ خلِّي بالَك مستقيم دغري وإن مال الزمنْ راحل الليل البهيم والبصيرات ما عِمَنْ الظروف الليلي أبن طيبة لا خوف لا حزنْ باكر التِّقْيات تنورق وتنملي الضرعات لبنْ طيبة يا صمت الحنين كلما طفاهو همْ لا في آهة ولا أنين لا بيروع ليح ودمْ من مرارات السنين من عصارات الألْم بيمرق الشوق الدفين بي كعنكيل العشمْ احكي ليك يا طيبة حكوة ذات زمان من ضيق وقسوة وكل يوم من بارحو اسوأ والمراحات قاطي قطْ فجأة في قلب السماء غيمة غيمتين غيم ربطْ كتمة حتى الطين عِرِقْ والشجر قرب يَبِقْ إلا يا طيبة الخَلِقْ من بدل تفرح تَنِقْ الشِّكايات السخط لا السُّحب دارت تَصُبْ لا الهبوب داير تَهُبْ نسمة نسمة آ رب هبوبكْ من شمالك من جنوبكْ الهبوب يا رب هبوبكْ من شروقك من غروبكْ من تحت من فوق هبوبكْ كتمة كتمة معاها ضيقة نسمة يا رب الخليقة سكت الأطفال دقيقة نبكي خش آ حول في حول ظاهر الحال ماهو مخفي وقولنا فيك ما فيهو قول نسمة كل راس ساعة تكفي نسمة واحدة لألف زول ينطلي الجو بالَحمَارْ فجأة من حر لي غبارْ الطشاشات الدّوارْ السبابات النِّقارْ نقة الضيق تنطلقْ قلنا فاقت باتت أزحمْ الغبار من كتمة أرحمْ أرحم الحر البيلحم لا ده لا ده ولا فرق طيبة تمي الحكوة قولي الصّبرُ خلقوهو هولي الزمن يقسى ويَرِقْ وانتي يا كتمات تطولي اليطول بال الخلق طَرِّقْ الغنوات يا زولي عدّ فات الريح شَرِقْ من بعد ما جاب سحاب من بعد قشّ التراب مشط القش والشجر رجّع الطير للوكرْ ها البرق شال البرق الرعد ريحة الدعاش ابشروا بالخير نقطت أي والله المطر