Post: #1
Title: القذافي يكافئ خليل إبراهيم بـ10 عربات ذهب
Author: اكرام الصادق الحسن
Date: 09-05-2011, 07:28 PM
اليوم/ وكالات
كشفت مصادر صحفية، اليوم الاثنين، عن وصول 10 عربات لآند كروزر مُحَمّلة بذهب ودولارات قادمة من ليبيا إلى العاصمة التشادية أنجمينا، مشيرةً إلى أنّ هذه العربات تخصّ زعيم حركة العدل والمساواة المتمردة "خليل إبراهيم".
ونقل موقع "إفريقيا اليوم"، عن مصادر له قولها: إنّ العربات العشر وصلت في حراسة أمنية مشددة، وتسلّمها أحد أفراد القصر الرئاسي بأنجمينا يوم الخميس الماضي، وتَمّ إخراجها إلى منطقة على الحدود.
وأضافت المصادر أنّ مدير المخابرات التشادي "محمد إسماعيل شيبو" شدّد على سرية هذا الموضوع وعدم تسريبه، وأنَّ خليل إبراهيم- وفق المصادر- طلب وضع هذه العربات كأمانة.
وأوضحت المصادر أنَّ الطرف الوسيط في هذه العملية هو "تيمان ديبي" الأخ غير الشقيق للرئيس "إدريس ديبي"، وذكرت المصادر أنَّ هذه العربات كان قد أعطاها القذافي لخليل ثمنًا لقتاله بجوار قواته ضد ثوار ليبيا.
على صعيدٍ آخر أذاعت هيئة الإذاعة البريطانية برنامجًا وثائقيًا قبل أربع أيام من معسكرات نازحين دارفور بشرق تشاد اشتكت فيه أسر سودانية نازحة بهذه المعسكرات من أنَّ الدكتور خليل وحركة العدل والمساواة يسوقون أطفالهم للقتال معهم بليبيا ضد الثوار الليبيين.
|
Post: #3
Title: Re: القذافي يكافئ خليل إبراهيم بـ10 عربات ذهب
Author: العوض المسلمي
Date: 09-05-2011, 07:43 PM
Parent: #2
سلام الاخت اكرام ,,
الخبر في اعتقادي غير صحيح البتة رغم انك نقلتيه من مصدره وذلك بسبب كيف يكافي القذافي احد وهو مازال مشردا وطريدا ؟؟
ومهما يكن فاعتقد اذا صح الخبر ان هذه اموال الشعب الليبي نقلها القذافي الي تشاد لتكون تحت تصرفه في مقبل الايام ..
وبالمناسبة هناك اقوال تقول ان القذافي دخل مع دكتور خليل الي دارفور !! فماهو رائك في هذا الخبر ؟
|
Post: #4
Title: Re: القذافي يكافئ خليل إبراهيم بـ10 عربات ذهب
Author: 7abib_alkul
Date: 09-05-2011, 07:52 PM
Parent: #3
اتفق مع مسلمي في ان الخبر غير صحيحا مطلقا فالأمر الأن يتعلق بكيفية هروبهم من انتقام الثوار واعني القزافي و خليل
|
Post: #5
Title: Re: القذافي يكافئ خليل إبراهيم بـ10 عربات ذهب
Author: JOK BIONG
Date: 09-05-2011, 08:09 PM
Parent: #4
الفئران والجبناء بتاع الانقاذ ظهروا رجولتهم بعد ان قضى حلف الناتو على معمر القذافي....
ما القذافي زاتو ارهب البشير حتى امر باقفال صحيفة السوداء بتاع خال ال########...
دكتور خليل ابراهيم وصل الي دارفور بامان ووسط قواته الان يجهز نفسه لتحرير الخرطوم
وطرد حزب الشيطان من الحكم..
|
Post: #6
Title: Re: القذافي يكافئ خليل إبراهيم بـ10 عربات ذهب
Author: دينا خالد
Date: 09-05-2011, 09:51 PM
Parent: #5
لووووووب يا كروم
الدهب خلو من عبار الوقية بقا بالعربات ؟؟
وبعدين ذى ما بقولوا اهلنا الشايقيية هيي يكافئو على شينو ؟
على الهزيمة ؟ ساعدوا فى انو يتهزم ّّ!!
ونفس المصادر الصحفية دى ما قالت التشاديين ديل لو لقوا خليل بقطعوا ّ!!
و ما بين خليل وال ديبى ما صنع الحداد
بيونق !!!!
تقول والله العطيم ؟
ـــــــــــــــــــــــــــــــــــ
حد يصحىىىىىى معتصم صالح يجى يتمن لينا الدهب دا ...
لووووووووووووب .
|
Post: #8
Title: Re: القذافي يكافئ خليل إبراهيم بـ10 عربات ذهب
Author: Hussein Mallasi
Date: 09-05-2011, 10:13 PM
Parent: #7
Quote: وبالمناسبة هناك اقوال تقول ان القذافي دخل
مع دكتور خليل الي دارفور !! فماهو رائك في هذا الخبر ؟ |
لا يجرؤ.
|
Post: #9
Title: Re: القذافي يكافئ خليل إبراهيم بـ10 عربات ذهب
Author: Mohamed Suleiman
Date: 09-05-2011, 10:18 PM
Parent: #7
هل شاهد أحدكم فيلم (فيفا زاباتا) Viva Zapata بطولة مارلون براندو و إخراج إيليا كازان؟؟!!
قصة بطل شعبي دوّخ أعداءه و يصبح أسطورة؟؟!!
well
VIVA KHALIL
|
Post: #10
Title: Re: القذافي يكافئ خليل إبراهيم بـ10 عربات ذهب
Author: Nasr
Date: 09-05-2011, 10:33 PM
Parent: #9
Quote: وبعدين ذى ما بقولوا اهلنا الشايقيية هيي يكافئو على شينو ؟
|
very funny
للحظة كدا جاتني خوفة: يا ربي القذافي رجع إستلم السلطة؟؟؟؟؟
في أيام فيها الدهب غالي كدا
عشرة عربات دهب بتساوي كم مليار دولار؟؟؟؟؟؟؟؟؟؟؟؟؟؟؟؟
عارفين ناقل الكفر ليس بكافر
لكن الناقل بس يبقي حاطب ليل؟؟؟؟؟؟؟؟؟؟؟؟
|
Post: #11
Title: Re: القذافي يكافئ خليل إبراهيم بـ10 عربات ذهب
Author: Tragie Mustafa
Date: 09-06-2011, 00:00 AM
Parent: #10
احيييييي يا اكرام
يكون سيدك الصادق عاض اصابع الندم
وفكر لو بعث بشوية فدائين من انصار الجزيره ابا الغبش
لربما طلع بعربيه من هذه العربات مش كده؟؟!!
سبحان الله
لماذا تنقل انصاريه تدعي الاستناره و الحرص على هزيمة الانقاذ مثل
هذه الاقوال الشبيه بالانتباهه!!
نكتفي بما قاله محمد سليمان
فاليحي البطل د.خليل ابراهيم الذي صار اسطورة لرعب الجلابه!!
بكل مستوياتهم من يسارهم ليمينهم!!
وبعضهم اراد للدكتور خليل ان تكون ليبيا مقبرة له
نحمد الله....انها صارت بعث وقيامة للانقاذ باذن الله!!
قلت لي يا المسلمي مطارد؟!
هيييييييع قادر الله!!
العل مذعوري القاعده و جرزان ليبيا هؤلاء يعرفون نزال اسد الصحراء؟!
يا زول ديل ناس عودهم طري
ولولا الناتو لظلوا لايصين في اوربا وبلاد مثل السودان ليوم الدين!!
قال مطارد قال!!
|
Post: #12
Title: Re: القذافي يكافئ خليل إبراهيم بـ10 عربات ذهب
Author: Tragie Mustafa
Date: 09-06-2011, 00:13 AM
Parent: #11
Quote:
اتفق مع مسلمي في ان الخبر غير صحيحا مطلقا
فالأمر الأن يتعلق بكيفية هروبهم من انتقام
الثوار واعني القزافي و خليل |
يا حبيب الكل ما تضرسنا يا اخي
الراجل اسمه القذافي وليس القزافي ؟!
ديل شنو ديل فقعتوا مرارتنا
وكرهتونا اي زال وذاء بهذا المنبر؟!
اتمنى الا تكون ممن يدعون بان جدهم العباس ايضا؟؟!!
|
Post: #13
Title: Re: القذافي يكافئ خليل إبراهيم بـ10 عربات ذهب
Author: saif massad ali
Date: 09-06-2011, 00:46 AM
Parent: #12
اكرام الصادق
يا اختي مالقيتي اسع علا تنقلي الخبر ده
امشي بي قادي ساعدي خالد عويس في حملتو لاغاثة اهالي النيل الازرق الله يخليك
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الانصار عندكم مرات كدي جنس شغل
|
Post: #27
Title: Re: القذافي يكافئ خليل إبراهيم بـ10 عربات ذهب
Author: محمد الامين محمد
Date: 09-06-2011, 06:47 AM
Parent: #13
اللهم ارحم خليل ابراهيم واغفر لة
|
Post: #14
Title: Re: القذافي يكافئ خليل إبراهيم بـ10 عربات ذهب
Author: Ridhaa
Date: 09-06-2011, 00:49 AM
Parent: #12
ماشاء الله تبارك الله تراجي صارت مصححة ......
خطوة في الطريق الصحيح .
***
مداخلتك فيها أخطاء املائية برضو .
|
Post: #15
Title: Re: القذافي يكافئ خليل إبراهيم بـ10 عربات ذهب
Author: Ridhaa
Date: 09-06-2011, 00:55 AM
Parent: #14
فاليحي = فليحيى !!!!
|
Post: #16
Title: Re: القذافي يكافئ خليل إبراهيم بـ10 عربات ذهب
Author: Ridhaa
Date: 09-06-2011, 01:02 AM
Parent: #15
فدائين = فدائيين !!!
|
Post: #17
Title: Re: القذافي يكافئ خليل إبراهيم بـ10 عربات ذهب
Author: Tragie Mustafa
Date: 09-06-2011, 01:57 AM
Parent: #16
شكرا يا رضا يا اخي
Quote:
فاليحي = فليحيى !!!! |
| Quote: فدائين = فدائيين !!! |
نحن قلنا عجم!!
شوف لينا بالله الجدهم العباس ده مشكلتهم شنو؟؟!!(ههههههههه)!
وما دام ختيت د.خليل و ال 10 عربات ذهب
الباقي هين!!(وجه غامز)!
|
Post: #18
Title: Re: القذافي يكافئ خليل إبراهيم بـ10 عربات ذهب
Author: Dr.Mohammed Ali Elmusharaf
Date: 09-06-2011, 03:49 AM
Parent: #17
Quote: فاليحي البطل د.خليل ابراهيم الذي صار اسطورة لرعب الجلابه!!
بكل مستوياتهم من يسارهم ليمينهم!! |
كوز بحارب كيزان
الكوز عشان يبقى اسطورة الا يغتسل 7 مرات اولهم بالتراب
|
Post: #19
Title: Re: القذافي يكافئ خليل إبراهيم بـ10 عربات ذهب
Author: حاتم يوسف العبيد
Date: 09-06-2011, 04:30 AM
Parent: #18
الحمدلله على المفاصـلة .... لولاها ... لكان المدعو/ فيفا زلاتا .... أحد ######## كتائب الدفاع الشعبي ...
____
شكراً ود المشرف ..
..
الكلمة المعدلة أعلاه هي .. ق و ا د ...
التعديل للتوضيح أعلاه
|
Post: #20
Title: Re: القذافي يكافئ خليل إبراهيم بـ10 عربات ذهب
Author: saif massad ali
Date: 09-06-2011, 05:00 AM
Parent: #19
ما كعب تراجي عجمية بتصلح في عرب
|
Post: #22
Title: Re: القذافي يكافئ خليل إبراهيم بـ10 عربات ذهب
Author: محمد عبد الماجد الصايم
Date: 09-06-2011, 05:27 AM
Parent: #20
إكرام كل سنة وإنتي وأسرتكـ بألف خير .. السنة الجاية على أمنياتكم
_
ما أظن تشوفي المداخلة دي مع البلع الحاصل دا!!
|
Post: #21
Title: Re: القذافي يكافئ خليل إبراهيم بـ10 عربات ذهب
Author: فايزودالقاضي
Date: 09-06-2011, 05:13 AM
Parent: #19
القذافي وصل او في طريقه للوصول لدولة مجاروة للسودان الشرقي *
ـــــــــــــــــــ
* ليست اثيوبيا ..
|
Post: #23
Title: Re: القذافي يكافئ خليل إبراهيم بـ10 عربات ذهب
Author: محمد إبراهيم علي
Date: 09-06-2011, 05:35 AM
Parent: #21
| Quote: القذافي وصل او في طريقه للوصول لدولة مجاروة للسودان الشرقي |
جا مشاقق بالجزيرة وتمبول ولا شنو يا ودالقاضي :)
بعدين الدهب ده مشغول ولا سبائك
هل نتوقع انخفاض اسعار الذهب والدولار في الايام المقبلة في السودان ؟ لوووول
معتصم محمد صالح المايك معاك
|
Post: #24
Title: Re: القذافي يكافئ خليل إبراهيم بـ10 عربات ذهب
Author: فايزودالقاضي
Date: 09-06-2011, 06:36 AM
Parent: #23
| Quote: جا مشاقق بالجزيرة وتمبول ولا شنو يا ودالقاضي |
تمبول شنو وقات شنو ..الزول دخل بطيارة افريقية ..
|
Post: #25
Title: Re: القذافي يكافئ خليل إبراهيم بـ10 عربات ذهب
Author: محمد عبد الماجد الصايم
Date: 09-06-2011, 06:41 AM
Parent: #24
ود القاضي .. كلامكـ دا قولو لزول عندو قمبور
طيارة إفريقية وين مع نظام ساهر دا!!
بعدين ناس المرور وين ما شافو اللوحات الأجنبية دي؟
|
Post: #26
Title: Re: القذافي يكافئ خليل إبراهيم بـ10 عربات ذهب
Author: فايزودالقاضي
Date: 09-06-2011, 06:46 AM
Parent: #25
| Quote: ود القاضي .. كلامكـ دا قولو لزول عندو قمبور |
كلامي ده مابجلي لو فكيتو في منبر القنابير ده ...
|
Post: #28
Title: Re: القذافي يكافئ خليل إبراهيم بـ10 عربات ذهب
Author: محمد عبد الماجد الصايم
Date: 09-06-2011, 06:48 AM
Parent: #26
طيب ما تقول إنكـ شغال بخطّة القنابير!!
|
Post: #29
Title: Re: القذافي يكافئ خليل إبراهيم بـ10 عربات ذهب
Author: محمد مصطفي مجذوب
Date: 09-06-2011, 07:12 AM
Parent: #28
هو انتو ابريل الجن ده ... بقي يجي في السنه كام مره؟!
وليبيا دي بقت تزرع الدهب زي البطيخ؟
كدي زول عاقل يورينا فورت نوكس ست الاسم بي صمة خشمها فيها دهب بحمل كام عربيه؟
والعمولة القبضوها جيرانا التشاديين دحين كانت كمها؟
والله عليكم جنس حسادة يا ناس حوش البكري وكت انتو عارفين دهب ليبيا ده بحملوهوا باللواري طيب كان تكلمونا ...كنا خمشنا لينا مساعد ياي نوديهو في شيلة الولد
علم الله واسع!
|
Post: #30
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 07:27 AM
Parent: #28
من ما بدت مشكلة النيل الأزرق ما ضحكت قدر دا
ياخي دا بوست تحفة خلاث ، غايتو بختنا شديد
نحنا عضوات الحركة الشافنا لبسنا الدهب حجول
ما كضب .
المهم علي قولة تبارك ، الناس غلبا التقولو
وبعدين انتو من زمن خليل وليبيا بالجد يا حليلكم
النايمين علي حيلكم
|
Post: #31
Title: Re: القذافي يكافئ خليل إبراهيم بـ10 عربات ذهب
Author: فايزودالقاضي
Date: 09-06-2011, 07:37 AM
Parent: #30
Quote: بالجد يا حليلكم
النايمين علي حليكم |
الحلي دخل عضم الساعد ..
|
Post: #32
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 08:10 AM
Parent: #31
| Quote: الحلي دخل عضم الساعد .. |
لووووول
ما بسألك يا ابو عمار ياخي شايفاك شايل
قلمك الأحمر دا مباريني زنقة زنقة تصحح لي
---------------------
فايز يا ود أمي مشكور علي وقفتك معاي
بس برضو مشتاقووون شديد
|
Post: #33
Title: Re: القذافي يكافئ خليل إبراهيم بـ10 عربات ذهب
Author: فايزودالقاضي
Date: 09-06-2011, 08:16 AM
Parent: #32
Quote: فايز يا ود أمي مشكور علي وقفتك معاي
بس برضو مشتاقووون شديد |
بس ان شاء الله بعد دكتور خليل يصل بالدهب تقيفي معاى وقفة دهب عيار 21 وماتعملي رايحة ..
ثم شوقنا فيضان قاش ...
|
Post: #34
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 08:34 AM
Parent: #33
Quote:
بس ان شاء الله بعد دكتور خليل يصل بالدهب تقيفي معاى وقفة دهب عيار 21 وماتعملي رايحة ..
ثم شوقنا فيضان قاش ... |
ياخي أنا عندي كم فايز ؟؟
وقفتي معاك ح تكون عيار 24 عديل كدا
وكمان سمعنا تحت تحت يمكن الحكاية فيها
الماس من جنوب افريقيا لو الخبر صحي
حينوبك من الحب جانب
|
Post: #35
Title: Re: القذافي يكافئ خليل إبراهيم بـ10 عربات ذهب
Author: Mohamed Suleiman
Date: 09-06-2011, 09:00 AM
Parent: #34
و طبعا الإنتباهة طوالي لفحت الإشاعة ... و نشرتها ..
هسي يكون محمد عطا في الأجواء التشادية قرب أنجمينا ... و طيارة علي كرتي بملوها بنزين في مطار الخرطوم ...
و حيهبّلوا بانفسهم هناك قدام إدريس دبي .. زيما هبّلوا بروحم هناك قدام المجلس الإنتقالي الليبي ...
و ده كلّو من سودانيسأولاين ... الآن حيصدّقوا إنو الموقع أصبح ليهم فعلا منجم ذهب حقيقي (بعد أن كان منجم دهب معلوماتي) ...
و فضيحة مخابراتية أخري لتكون موضوعا دسما لأخونا حامد حجر ...
(حواء بالله أمسحي كلمة الماس عشان ما تدي ناس محمد عطا و علي كرتي مشوار علي الفاضي لأنجولا و جنوب أفريقيا و يكونوا مضحكة للمرّة الألف)..
http://alintibaha.net/portal/index.php?option...:2011-07-16-10-56-27
ء
|
Post: #36
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 10:30 AM
Parent: #35
Quote: (حواء بالله أمسحي كلمة الماس عشان ما تدي ناس محمد عطا و علي كرتي مشوار علي الفاضي
لأنجولا و جنوب أفريقيا و يكونوا مضحكة للمرّة الألف).. |
محمد سليمان يا اخوي باقي ليك الجماعة ما فكرو في المشوار دا ؟
كان بقت علي ناس محمد عطا وعلي كرتي هين يا خوفي من فلان ذاتوو يزاحم
في مشوار الدهب والماس دا ، علي فكرة وحسب مصادرنا في
أنجمينا ناسك بدو يستفسرو من صحة المعلومة هههههههههه
متخيلة منظرهم ، كل واحد فيهم قاعد يقرطع في ريقه
ويمني نفسه بكم كيلو ذهب وكم قطعة الماس
|
Post: #37
Title: Re: القذافي يكافئ خليل إبراهيم بـ10 عربات ذهب
Author: وليد محمد المبارك
Date: 09-06-2011, 10:36 AM
Parent: #36
يا حواء
انا ما صاحبكم ياخ !!!!؟
وكل مرة بقول ليك سلمي على خليل ...
عيد سعيد
|
Post: #38
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 10:49 AM
Parent: #37
Quote: يا حواء
انا ما صاحبكم ياخ !!!!؟
وكل مرة بقول ليك سلمي على خليل ...
|
سبحان الله يا وليد ياخي
توارد خواطر عجيب قبل شوية كنت بتكلم مع دكتور خليل
قال لي ياحواء عليك الله ما تنسي تسجلي اسم زميلكم
الكل يوم برسل تحياته وبالامارة قال لي الخاتي
صورته اب صايد داون
كل سنة وانت بالف خير
--------------
التعديل لاضافة حرف قبل يجيني ود القاضي
|
Post: #39
Title: Re: القذافي يكافئ خليل إبراهيم بـ10 عربات ذهب
Author: قاسم المهداوى
Date: 09-06-2011, 11:14 AM
Parent: #38
| Quote: من انصار الجزيره ابا الغبش |
اقوم اعمل مظاهرات يعنى ولا شنو ؟؟؟؟
قاسم المهداوى
|
Post: #40
Title: Re: القذافي يكافئ خليل إبراهيم بـ10 عربات ذهب
Author: قاسم المهداوى
Date: 09-06-2011, 11:36 AM
Parent: #39
| Quote: اكلات مفضلة: المندي .والبيتزاء. الويكه . |
ديل ما يبركبو مع بعض اقصد( الاوياك )
| Quote: القذافي يكافئ خليل إبراهيم بـ10 عربات ذهب |
وهنا ايضا فى صعوبة حرب وخلاص نفس وكمان زينة الحياة صعب شديد
معزرة
البوست فيهو شىء من الخستكة قلت اقوم اهبسك شوية
وكما قيل من قبل القيامة 2012 يبقى من الافضل ترك سيرة حسنة فى الايام الصعبة دى
ولا كــــــــــــــــيف ؟؟
مكرر عيدية والقابلة نتلم على الدهب او الذهب
قاسم المهداوى
|
Post: #41
Title: Re: القذافي يكافئ خليل إبراهيم بـ10 عربات ذهب
Author: تاج السر محمد حامد
Date: 09-06-2011, 12:27 PM
Parent: #40
الأخت إكرام
تحية ،
أجمل حاجة فى البوست ده .. علم ولدنا فايز ود القاضى وهو يرفرف فرحا وسرورا
بعربات الذهب الماخمج ..
تاج السر
|
Post: #42
Title: Re: القذافي يكافئ خليل إبراهيم بـ10 عربات ذهب
Author: حواء سليمان ابراهيم
Date: 09-06-2011, 01:41 PM
Parent: #41
Quote:
أجمل حاجة فى البوست ده .. علم ولدنا فايز ود القاضى وهو يرفرف فرحا وسرورا
بعربات الذهب الماخمج ..
|
مبااااالغة يا تاج السر
فايز ذات نفسو بقي يرفرف طرباً
وفرحاً علي الدهب والماس الجاي في السكة
كل سنة وانت طيب
|
Post: #43
Title: Re: القذافي يكافئ خليل إبراهيم بـ10 عربات ذهب
Author: Balla Musa
Date: 09-06-2011, 02:43 PM
Parent: #42
ياشباب ماتفهموا غلط
العربات ما مليانة دهب
المقصود عشرة عربات مصنوعة من الدهب!!
|
Post: #44
Title: Re: القذافي يكافئ خليل إبراهيم بـ10 عربات ذهب
Author: Balla Musa
Date: 09-06-2011, 02:45 PM
Parent: #43
نسيت أقول دا البلنتى التانى لحزب الأمة مع العدل والمساواة!!
|
Post: #45
Title: هووووووووووي
Author: lana mahdi
Date: 09-06-2011, 03:04 PM
Parent: #44
مالكم تكاكأتم على صديقتي الحبيبة الباسلة كروم؟
ياخواننا كروم ما كتبت أنها صدقت الخبر كتبت الخبر وبس...
|
Post: #46
Title: Re: هووووووووووي
Author: Faisal Al Zubeir
Date: 09-06-2011, 03:32 PM
Parent: #45
الخبر الصحيح .. اليوم :
Quote: مسؤول ليبي :قافلة ليبية تحمل ذهبا واموالا عبرت الى النيجر
Date Created: Tue 06 Sep 2011 12:32
بنغازي (ليبيا)6 سبتمبر أيلول (رويترز) - قال مسؤول من المجلس الوطني الانتقالي الليبي ان قافلة ليبية مؤلفة من عشر مركبات تحمل ذهبا واموالا عبرت الى النيجر في ساعة متأخرة الليلة الماضية.وقال فتحي باجا رئيس لجنة الشؤون السياسية والدولية بالمجلس الوطني الانتقالي لرويترز بالتليفون نقلا عن مصادر في قبائل الطوارق التي تعيش في الصحراء على طرفي الحدود بين ليبيا والنيجر ان عشر مركبات تحمل ذهبا ويورو ودولارات عبرت من الجفرة الى النيجر في ساعة متأخرة الليلة الماضية بمساعدة الطوارق من قبيلة النيجر.واضاف انه يعتقد ان القافلة مؤلفة من الموالين لمعمر القذافي والفارين من ليبيا.وقال باجا انه لا يستطيع تأكيد رواية قدمتها مصادر عسكرية من فرنسا والنيجر لرويترز ان نحو 200 مركبة للجيش الليبي عبرت ايضا الى النيجر في ساعة متأخرة من مساء الاثنين. |
|
Post: #47
Title: Re: هووووووووووي
Author: معتصم محمد صالح
Date: 09-06-2011, 05:02 PM
Parent: #46
Quote: حد يصحىىىىىى معتصم صالح يجى يتمن لينا الدهب دا ...
لووووووووووووب .
|
اها صحينا يا دينا ..
لكن عربات جنسها شنو ؟
نقول لاندكروزرات لانها شائعة الاستخدام كنها قطع الطريق الصحراوي من طرابلس الى انجمينا كما ذكر..
اللاندركوزر الواحد ممكن يشيل 4 طن ذهب والطن الخرطوم اليوم يعادل 600 الف دولار تقريبا يعني 600.000×4×10 عربات = 42 مليون دولار في رأيي انه مبلغ متواضع مقارنة بالشخصيات التي ذكرت في الخبر والاخوة المتداخلون ...
|
Post: #48
Title: Re: القذافي يكافئ خليل إبراهيم بـ10 عربات ذهب
Author: Mohamed Suleiman
Date: 09-06-2011, 05:46 PM
Parent: #47
Quote:
بنغازي (ليبيا)6 سبتمبر أيلول (رويترز) - قال مسؤول من المجلس الوطني الانتقالي الليبي ان قافلة ليبية مؤلفة من عشر مركبات تحمل ذهبا واموالا عبرت الى النيجر
|
هسي ناس الجزيرة و الإنتباهة يودوا وشهم وين .؟؟!!
آه .. نسيت .... ديل ينطبق عليهم القول: فإن لم تستح .. إفعل ما شئت ..
ء
|
Post: #49
Title: Re: هووووووووووي
Author: saif massad ali
Date: 09-06-2011, 05:49 PM
Parent: #47
حواء سليمان
كل سنة وانتي طيبة
ماتنسي بالله الروضة بتي من الدهب ده قاعدة تعمل لينا الشاي لكل الاجتماعات
اتنين اسورة من الذهب الخالص
|
Post: #50
Title: Re: هووووووووووي
Author: عوض محمد احمد
Date: 09-07-2011, 07:39 AM
Parent: #49
| Quote: والطن الخرطوم اليوم يعادل 600 الف دولار |
دى تجى كيف يا معتصم
الطن= 1000 كيلو
يعنى كيلو الدهب بى 600 دولار فقط؟
|
Post: #51
Title: Re: هووووووووووي
Author: قاسم المهداوى
Date: 09-08-2011, 04:13 AM
Parent: #50
سلااام يا لنا مهدى
وعيدية
Quote: مالكم تكاكأتم على صديقتي الحبيبة الباسلة كروم؟
ياخواننا كروم ما كتبت أنها صدقت الخبر كتبت الخبر وبس... |
لاكين صديقتك ما بالغت وكمان جملة وقطاعى
جد ينقل خبر من افريقيا اليوم ؟؟؟؟؟
وحد يخلط المندى والبيتزا بالويكة كمان
زى فى جوطة حاصلة كدا
ولكن
دعينا نهبسك قليلا
واحد مسطول
مشى اشترى طحنية
صاحب الدكان عايز يلفها ليهو فى جريدة
المسطول شاف فى الجريدة صورة ( زلوط الطلع من خشم المرفعين )
قال ليهو لا كب لى الطحنية هنا فى يدى لو لفيتا الزول دا بيسفها لى كلها
( نقلا عن صديق حقوق التاليف محفوظة )
قاسم المهداوى
|
Post: #52
Title: Re: هووووووووووي
Author: قاسم المهداوى
Date: 09-08-2011, 01:33 PM
Parent: #51
pu
up
gasi
|
|