Post: #1
Title: انا الان بالدمازين بالصوت والصورة
Author: ابراهيم سائحون
Date: 09-04-2011, 06:30 PM
Parent: #0
انا الان بالدمازين لم اري مظهر للحرب
|
Post: #2
Title: Re: انا الان بالدمازين بالصوت والصورة
Author: عمر عبد الله فضل المولى
Date: 09-04-2011, 06:35 PM
Parent: #1
يعني عشرات الالاف من النازحين رجعوا في لمح البصر ؟!
|
Post: #3
Title: Re: انا الان بالدمازين بالصوت والصورة
Author: احمد محمد بشير
Date: 09-04-2011, 06:37 PM
Parent: #2
بيان من ياسر عرمان : حزب البشير يواصل عدوانه بالمنطقتين ويهاجم قوات الجيش الشعبي في الدمازين ومقر حاكم الولاية المنتخب
في صفحة جديدة من العدوان وإمتداداً لما حدث في جنوب كردفان قامت قوات تابعة للدفاع الشعبي والقوات المسلحة بشن هجوم شامل على مواقع الجيش الشعبي في الدمازين بعد منتصف ليلة ثالث أيام عيد الفطر المبارك دون مراعاة لحرمة العيد، ولا يحيق المكر السىء إلا بأهله؛ فقد هاجمت منزل حاكم الولاية المنتخب وقائد القوات المشتركة العميد الجندي سليمان، الذي إبتدرت الهجوم عليه عند بوابة المحاصيل الرئيسية عند مدخل الدمازين.
وتقوم الآن بهجوم شامل على كافة مواقع الجيش الشعبي لتحرير السودان؛ ومعلوم أن مدينة الدمازين شهدت توترا واسعاً خلال الأربعة أيام الماضية نتيجة لإدخال قوات الدفاع الشعبي والقوات المسلحة لواء كامل من الجنود وكميات كبيرة من العتاد، ضمنها 12 دبابة و40 عربة محملة بمدافع دوشكا؛ وقامت بتطويق أجزاء إستراتيجية من المدينة.
إن المؤتمر الوطني سيدفع نتائج هذا العدوان السافر والإعتداء على المواطنين والجيش الشعبي ومنزل الحاكم المنتخب لولاية النيل الأزرق. وقد إنكشف الآن مغزي ومعني الإعلان المخادع لوقف إطلاق النار في جنوب كردفان بغرض تمهيد المسرح السياسي والعسكري لشن العدوان بالنيل الأزرق.
ونود أن نؤكد بأن رئيس الحركة الشعبية لتحرير السودان وحاكم ولاية النيل الأزرق بخير ولم يصبه أذىً. وسنطلع الرأي العام على مجريات الأحداث التي سيتحمل المؤتمر الوطني تبعاتها بالكامل، منذ أن بدأ هذا المخطط بمحاولات نزع سلاح الجيش الشعبي، ومن حزب هو مالك السلاح دون منازع في السودان. وهو (المؤتمر الوطني) سيتحمل تبعات كل ما جرى في السودان من كبائر، وعلى رأسها فصل جنوب السودان.
ياسر عرمان
الأمين العام للحركة الشعبية لتحرير السودان
|
Post: #4
Title: Re: انا الان بالدمازين بالصوت والصورة
Author: احمد محمد بشير
Date: 09-04-2011, 06:38 PM
Parent: #2
احد اصدقائي بالفيسبوك كان متواجد بولاية النيل الازرق لقضاء العيد اللذي تحول إلى جحيم
---------------------
يقـول
السلام عليكم
والله ياجماعة الوضع خطير -- كمية النازحين كبيييرة -- فشلنا نحنا الاهالي في لاستيعابها -- والله العظيم انا هسا جاي من الشارع الرئيسي -- وحاليا الامطار تتساقط -- التدخل الحكومي ضعيف جدا ومخجل -- المجهود الانعمل مجهود مواطنين لانقاذ هؤلاء الناس -- والبنسالهم عن الاوضاع وهل في الطريق ناس قادمين؟ بيقولوا الوضع مامطمئن بالمرة -- وانو الشارع ممتلي عن بكرة ابية
|
Post: #6
Title: Re: انا الان بالدمازين بالصوت والصورة
Author: ابراهيم سائحون
Date: 09-04-2011, 06:59 PM
Parent: #4
| Quote: وانو الشارع ممتلي عن بكرة ابية |
الاخ احمد محمد بشير
انا لا ادافع عن شي بالباطل ولكن الشارع ممتلئ بالحركة دي عاوزة ليها فهامة
وساحاول انزال الصور من الشارع وحركة النزوح
لكن قد نتفق او نختلف حول سوء المؤتمر الوطني فهذا جائز
ولكن كف يخرب والي ولايته
وكيف يخون والي قسمه الدستوري
والان الامور تجري في الدمازين كالاتي
وزراء الحركة يتصلون ويطلبون الامان وهم مزعورون من خطة واليهم الجهنمية
وسوف ارفع الصور والافادات بالصورة والصوت لك
ويجب ان تبحث عن الحقيقة فالوطن باقي واتلحركة والمؤتمر ذاهبان
|
Post: #5
Title: Re: انا الان بالدمازين بالصوت والصورة
Author: ابراهيم سائحون
Date: 09-04-2011, 06:50 PM
Parent: #2
| Quote: يعني عشرات الالاف من النازحين رجعوا في لمح البصر ؟! |
انا لم اقل احد عاد ولكنك لم تعي ما اقول انا الان بالدمازين ولا اري مظهر للحرب
|
Post: #7
Title: Re: انا الان بالدمازين بالصوت والصورة
Author: salah almaleeh
Date: 09-04-2011, 06:59 PM
Parent: #5
حليمة رجعت لقديمها
|
Post: #8
Title: Re: انا الان بالدمازين بالصوت والصورة
Author: 7abib_alkul
Date: 09-04-2011, 07:04 PM
Parent: #5
اخونا ابراهيم
ياخي في زول جابرك تقول الحقيقة
الناس دي عايز تريحها قول ليهم سمعت ضرب نار تقيل و انفجار دانات و اسلحة ثقيلة
فهم يسقون اشواقهم بدماء الإبرياء
وتموت اشواقهم إن جفت الدماء
|
Post: #9
Title: Re: انا الان بالدمازين بالصوت والصورة
Author: الامين عباس احمد
Date: 09-04-2011, 07:07 PM
Parent: #8
السلام عليكم جميعا
سؤال عمر فضل المولي في محلو ... وفهم كلامك
النزوح مظهر من مظاهر الحرب ...
انت قلت مافي اي مظهر للحرب بالدمازين يا ابراهيم ...
انت قصدك مافي قتال ... بس عدم القتال لحظة كتابتك لا يعني عدم وجود اي مظهر من مظاهر الحرب
تحياتي
|
Post: #10
Title: Re: انا الان بالدمازين بالصوت والصورة
Author: احمد محمد بشير
Date: 09-04-2011, 07:11 PM
Parent: #8
Quote: فهم يسقون اشواقهم بدماء الإبرياء
وتموت اشواقهم إن جفت الدماء |
يا زول ما تقعد تتهم الناس ساكت , مين وياتو بشر البيتمنى موت اخوانو السودانيين؟
الحقيقة محجوبة حتى الآن المؤتمر الوطني يملك معظم وسائل الاعلام
لماذا لا يسمح بنقل الاحداث مباشرة من مناطق الحرب..؟؟
مراسل احد القنوات ذكر انه ما قدر يدخل الدمازين بسبب القصف وشاهد اعداد كبيرة من النازحين.
الناس ديل خلو بيوتم ساكت يعني؟
المهم العالم يريد ان يعرف الحقيقة
|
Post: #12
Title: Re: انا الان بالدمازين بالصوت والصورة
Author: ابراهيم سائحون
Date: 09-04-2011, 07:20 PM
Parent: #10
Quote: الحقيقة محجوبة حتى الآن المؤتمر الوطني يملك معظم وسائل الاعلام
لماذا لا يسمح بنقل الاحداث مباشرة من مناطق الحرب..؟؟
|
احمداخوي تسلم لا تلغي عقلك
ما تكاجر يا اخوي البلد دي كان حاكمها عقار الوالي صاحب العربة الهمر
Quote: مراسل احد القنوات ذكر انه ما قدر يدخل الدمازين بسبب القصف وشاهد اعداد كبيرة من النازحين.
الناس ديل خلو بيوتم ساكت يعني؟
المهم العالم يريد ان يعرف الحقيقة |
الدمازين الان يدخلها الشخص يركب الاتوس وغيرها من المركبات بكل يسر وهذه حقيقة يمكنك ان تتاكد منهت لو انك تبحث عن الحقيقة وليس الاتهام الاجوف
اما مراسل القناة الذي لم يدخل الدمازين بسبب القصف فهذا كلام واضح والواضح ما زي الكذب الفاضح
|
Post: #14
Title: Re: انا الان بالدمازين بالصوت والصورة
Author: احمد محمد بشير
Date: 09-04-2011, 07:25 PM
Parent: #12
خلاص يا سائحون كدي خليك من مداخلاتنا و الرد عليها
اكتب تقرير عن الحاصل و اشفعـو بصور
سؤال مباشر, رد عليهو بعدين , بعد ما تنزل صورك
هل في صحفيين سمح لهم بالتواجد في الدمازين؟
|
Post: #50
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 10:55 AM
Parent: #14
الان الحاكم يقيم مؤتمر صحفي يحضره الصحفيون والقنوات
تابعو التلفزيونات بعد قليل
وعند جهينة الخبر اليقين
عذرا لتاخير الصورة
|
Post: #11
Title: Re: انا الان بالدمازين بالصوت والصورة
Author: ابراهيم سائحون
Date: 09-04-2011, 07:11 PM
Parent: #8
| Quote: الناس دي عايز تريحها قول ليهم سمعت ضرب نار تقيل و انفجار دانات و اسلحة ثقيلة |
حبيب الكل
صدقني ساقول الحقيقة وساريحهم قسما بالصورة والصوت
اقول ليكم حاجة المدينة فارغة من السكان
اها امسكو
الطريق الي سمرقند يمر عبر ........
|
Post: #13
Title: Re: انا الان بالدمازين بالصوت والصورة
Author: ود الباوقة
Date: 09-04-2011, 07:22 PM
Parent: #11
Quote: صدقني ساقول الحقيقة وساريحهم قسما بالصورة والصوت
اقول ليكم حاجة المدينة فارغة من السكان
اها امسكو |
لا حول ولا قوة الا بالله
اتريدون سفك الدماء بالكذب
الرجل بيقول ليكم المدينة هادئة والحياة فيها تسير بشكل طبيعي
تقوموا انتو يا ناس تاكل ترقد تقولو ليهو لا
امركم عجيب
اتتعطشون للدماء وقد انعم الله على اهلنا بالدمازين بنعمة
الامن والامان بعد ما تم طرد عقار منها الى غير رجعة بعون الله
اردم سائحون
اردمهم بالصور ...
|
Post: #15
Title: Re: انا الان بالدمازين بالصوت والصورة
Author: أحمد ابن عوف
Date: 09-04-2011, 07:46 PM
Parent: #13
غايتو منطق سائحون دا سيم سيم منطق البشير لمن كان بلعلع فوق المنابر وبقول
90% من ارض دارفور آمنة، وعلقت حينها، نعم، كلامك يا لريس ممكن يكون صاح، بس قول الكلام لزول ما عنده
حديدة
عندما يقول البشير ان 90% من ارض دارفور آمنة، فهو يعني ان 90% من ارض دارفور خالية من السكان، 6 مليون بشر جو كبسوهم
في معسكرات للنازحين
اها، كلام سائحون دا طالع من نفس المدرشة البشيرية الكيزانية
حسب تقرير مراسل تلفزيون السودان، انه تم تقدير اعداد النازحين الى ولاية سنار لوحدها ما يقارب الـ 150000 انسان
وهذا هو آخر تعداد لسكان مدينة الدمازين
|
Post: #16
Title: Re: انا الان بالدمازين بالصوت والصورة
Author: أحمد ابن عوف
Date: 09-04-2011, 07:58 PM
Parent: #15
كتب سائحون
| Quote: الدمازين الان يدخلها الشخص يركب الاتوس وغيرها من المركبات بكل يسر |
والله الدمازين بحالتها دي موش اسوق فيها اتوس بكل يسر، اجيب قندراني قاطر ليهو ترلة واقز بيهو شوارع الدبازين قز
|
Post: #17
Title: Re: انا الان بالدمازين بالصوت والصورة
Author: عبد الملك يوسف الملك
Date: 09-04-2011, 08:47 PM
Parent: #16
كتب ابراهيم سائحون
(ولكن كف يخرب والي ولايته
وكيف يخون والي قسمه الدستوري
والان الامور تجري في الدمازين كالاتي
وزراء الحركة يتصلون ويطلبون الامان وهم مزعورون من خطة واليهم الجهنمية
وسوف ارفع الصور والافادات بالصورة والصوت لك
ويجب ان تبحث عن الحقيقة فالوطن باقي والحركة والمؤتمر ذاهبان )
ياابراهيم كلامك ده هنا لايؤتي اكله
هنا الغناء الهابط اكثر رواجا
هولاء لايحتاجون اخبار هولاء يريدون امنيات ،،،وهي امنيات خائبة
قل لهم (مالك يزحف نحو كوستي بعد احتلال الدمازين،،،،،،القوات المسلحة تتراجع امام زحف جندرمة الحركة
الدمازين تحترق عن بكرة ابيها،،،،قوى الهامش تتوحد وهي تزحف نحو الخرطوم،،،،البشير يتصل بمالك عقار ويتوسل اليه ان يوقف قواته الضاربة من الزحف شمالا مقابل الغاء المشورة الشعبية وتعيين عرمان الخرمان رئيسا للجنوب الجديد)
تصدق ياابراهيم حيفرحوا وبيصدقوا ذلك كالمخدورين.....اوع تمرق النصيحة في هذاالمنبر ليس بالضرورة الاشياء التي تراها ولكن المهم الاشياء التي يشتهيها هولاء
اذا كان البوم يعيش في الخراب فلاتغريه بسكن فاخر على ضفاف الانهار
واذا الغراب يرمز للشئوم فلا يمكن ان تعدل سلوكه ليصبح فال خير
لاتعتقد بان الاخبار الجميلة تعجب كل الناس هنا ،،،لغايتو شيل شيلتك
|
Post: #18
Title: Re: انا الان بالدمازين بالصوت والصورة
Author: أحمد ابن عوف
Date: 09-04-2011, 08:56 PM
Parent: #17
ايوا يا ابراهيم حسين، امسك في كلام عبدالملك دا قوى وما تشتغل بينا
واصل بليييز، في نقل ما تراه وتشاهده من داخل مدينة الدبازين
|
Post: #19
Title: Re: انا الان بالدمازين بالصوت والصورة
Author: salah almaleeh
Date: 09-04-2011, 09:06 PM
Parent: #18
حليمة رجعت لقديمها
والبرنامج أياهو
.....................
|
Post: #21
Title: Re: انا الان بالدمازين بالصوت والصورة
Author: محمد المسلمي
Date: 09-04-2011, 09:15 PM
Parent: #19
الاخ ابراهيم السلام عليكم تقبل الله منك وانقل لنا ولهم الحقيقة ونحن منتظروون
|
Post: #20
Title: Re: انا الان بالدمازين بالصوت والصورة
Author: اناهيد كمال
Date: 09-04-2011, 09:08 PM
Parent: #18
| Quote: هل في صحفيين سمح لهم بالتواجد في الدمازين؟ |
اجاوبك انا
ابدا وحتى القنوات منعت
ماعدا قناتين ومعروفات
|
Post: #23
Title: Re: انا الان بالدمازين بالصوت والصورة
Author: عبد الملك يوسف الملك
Date: 09-04-2011, 09:18 PM
Parent: #18
قوات الناتو تحلق الان في سماء الدمازين
الدمازين الان مدينة اشباح لاتوجد في طرقاتها سابلة
اوباما يتصل بالبشير ويامره بسحب القوات خلال ساعة
والا فان الجيش السوداني سيتعرض لللابادة
بصواريخ الكروز من حاملة الطائرات التي تراقب الاوضاع من البح الاحم
هروب جماعي من القوات المسلحةوانضمام المقاتلين خاصة من القبائل الافريقية لجيش الحركة
وعملية تحرير السودان الحقيقة تبدا اليوم
عملية غامضة محهولة المصدر تم فيها تدمير خزان الروصيرص
وبالتالي ضربة موجعة للاقتصاد السوداني ومؤشر لانهيار كامل
ياسر عرمان من تلفزيون الدمازين يقول سنكون في الخرطوم خلال اسبوع
ويتعهد بالعفو عن كل من يضع السلاح الان
هذا المطلوب ياسائحون
خليك ذكي وافهم الغناء المطلوب هنا
قنبلة،،، قنبلة ،،، الطول والعلا
|
Post: #24
Title: Re: انا الان بالدمازين بالصوت والصورة
Author: أحمد ابن عوف
Date: 09-04-2011, 09:46 PM
Parent: #23
وكمان عنصري!!
| Quote: هروب جماعي من القوات المسلحةوانضمام المقاتلين خاصة من القبائل الافريقية لجيش الحركة |
|
Post: #25
Title: Re: انا الان بالدمازين بالصوت والصورة
Author: عبد الملك يوسف الملك
Date: 09-04-2011, 10:36 PM
Parent: #24
طبعا ده اليورانيوم المخصب ،،، او بالاحرى التحضير للسلاح النووي
ده مجرد خبر ورد من كالة انباء الهامش
حيث تعشعشع الامنيات ،،،،ويلمع سرابها وراء الممكن
ماهو كل خطابكم عنصري ومنتن
مش كل المنبر يعزف على وتر الجلابة وحروب العرب مع الافارقة
والتطهير العرقي
الخبر الافتراضي ده اوردناه على قياس العقول التي تنظر الخراب
خلاص اذا لم يعجبك فننا ننفيه نفيا باتا ونقول
( ان القوات المسلحة متماسكة وتضم كل سحنات السودان وقبائله ووتوحد وراء الروح الوطنية السودانية ولاتصغي لدعوات العرق والتعنصر التي تتلاعب بها بعض المجموعات المتكسبة من هذا الطرح العنصري المتخلف غي الواقعي )
|
Post: #26
Title: Re: انا الان بالدمازين بالصوت والصورة
Author: أحمد ابن عوف
Date: 09-04-2011, 10:42 PM
Parent: #25
Quote: ماهو كل خطابكم عنصري ومنتن
مش كل المنبر يعزف على وتر الجلابة وحروب العرب مع الافارقة |
لوووووووووووول
|
Post: #28
Title: Re: انا الان بالدمازين بالصوت والصورة
Author: نادر
Date: 09-04-2011, 11:19 PM
Parent: #26
سائحون وبرنامج في ساحات الفداء، ذلك المسخ الإعلامي الكيزاني المشوه عندما يفرغ الإعلام من جوهر وجوده ويصبح بقوقاً لسلطة القهر والظلم والاستبداد.
ليعلم القراء أن سائحون هي المؤسسة التي كانت تفبرك الإدعاءات الكاذبة في البرنامج المشهور "في ساحات الفداء"
هي ذات الجهة التي كنت تصف الثوري المناضل الراحل جون قرنق بعميل بني صهيون وبالخائن المتآمر على وحدة السودان، فعرف الشعب لسوداني بعد ذلك من هو جون قرنق وحقاً وما هي أهدافه ومراميه،
سائحون كان تختلق الرويات وتفبرك الحكايا لتمكين نظام الانقاذ، وهي ذراع إعلامي كانت منوطة به كل تلك الأكاذيب في زمان مضى،
ها نحن الآن أمام ذات السيناريو وربما ذات الشخوص، لكن الأيام أيام ليست بتلك الأيام ولا الزمان هو نفس الزمان،
هون عليك يا هذا وأعرض بضاعتك، فلن (يستوى ماكان بالأمس هواءً نتناً،،، ريحاً بغيضاً،،، بما كان هواء طيباً،،، ريحاً يؤسس معطيات الشارع الكبرى،،، عبيراً ضد تلك الرائحة)
|
Post: #27
Title: Re: انا الان بالدمازين بالصوت والصورة
Author: عمار عوض
Date: 09-04-2011, 11:07 PM
Parent: #25
ابراهيم (سائحون) سلامات
كل سنة وانت طيب
دعني اسالك هل انت في الدماذين ضمن الرحلة التى نظمها ادارة الاعلام الخارجي بجهاذ الامن والمخابرات لمراسلي القنوات الفضائية
والصحفيين المراسلين للصحف العربية في الخرطوم للدمازين ؟؟
على كل حال اتمنى ان تقوم بزيارة مقر حاكم النيل الازرق مالك عقار وتصويرة وايراد صوره في هذا البوست
مع اننى اوصيت عدد من الصحفيين والمراسلين بضرورة زيارته وتصويره .
اما حديثك ياصديقى حول الامور الاخرى وتحميل ما جرى للحاكم المنتخب للنيل الازرق مالك عقار والحديث عن الوزراء الذين يطلبون الحماية
سوف اعود له في ثنايا البوست
|
Post: #29
Title: Re: انا الان بالدمازين بالصوت والصورة
Author: محمد على حسن
Date: 09-04-2011, 11:30 PM
Parent: #27
| Quote: اتمنى ان تقوم بزيارة مقر حاكم النيل الازرق مالك عقار وتصويرة وايراد صوره في هذا البوست |
|
Post: #30
Title: Re: انا الان بالدمازين بالصوت والصورة
Author: نادر
Date: 09-04-2011, 11:42 PM
Parent: #27
الـ ADVISER for media solutions الكاتبها في بروفايلك دي من أدنى مقومات من يتصف بها أن يعرف شنو معنى أن تكون إعلامي تحمل رسالة إعلامية تسمو فوق الإنتماءات الضيقة، وتتسم بالحياد لا الرؤية الأحادية للقضايا، أفق أوسع من حزب ينتمي في المقام الأول لشعبه يحس آلامه ويستشرق آماله وتطلعاته، والإعلامي الحقيقي الأصيل يضيق بالأيدلوجيا وتكبله فينطلق دوماً إلى رحابة الإنسانية
|
Post: #31
Title: Re: انا الان بالدمازين بالصوت والصورة
Author: الرفاعي عبدالعاطي حجر
Date: 09-04-2011, 11:51 PM
Parent: #30
وين الصور ياناس
رسلها لي وانا انزلها
عنك او ادخل قوقل وقول رفع الصور بالكوم تلقى
رفع الصور سرعة .
..............................................حجر.
|
Post: #33
Title: Re: انا الان بالدمازين بالصوت والصورة
Author: Nasr
Date: 09-05-2011, 00:03 AM
Parent: #31
في الاول يا إبراهيم طرحت نفسك الزول الحيجيب الحقيقة من ديلها
والهو أرض الواقع
شوية كدة وبعد كم سطر قلت
Quote:
ولكن كف يخرب والي ولايته
وكيف يخون والي قسمه الدستوري
|
والذي يعني أنك بقيت تصدر في أحكام وتعلن إنحيازك لطرف من الأطراف المتصارعة
ويتنافي هذا مع قدرتك علي قول الحق
(ما عندي شك إنك بتري الحق مع الحكومة وهذا هو منظارك وإنت مخير فيه)
علي العموم
لماذا لا تسمحون بدخول الصحفيين ووسائل الإعلام وخلونا نسمع من طرف محايد ونقيم الأمور
وما انسي أقول إني ضد الحرب مبتدأ ومنتهي
|
Post: #32
Title: Re: انا الان بالدمازين بالصوت والصورة
Author: نادر
Date: 09-04-2011, 11:53 PM
Parent: #30
ولتعلم
أن ذهابك للدمازين أو وجودك في الخرطوم لن يغيير شيء، فما كان تتعب نفسك ساي وتتكبد مشاق رحلة ما ستقوله فيها لا يختلف عما ستقوله لو لم تبرح مكتبك.
|
Post: #34
Title: Re: انا الان بالدمازين بالصوت والصورة
Author: عوض مختار
Date: 09-05-2011, 00:05 AM
Parent: #32
سلامات
الحرب شىء بغيض ...وهى دليل إفلاس ...بعد أن تعطلت لغة الكلام ...مالك عقار متمرد ولم يترك تمرده منذ توقيع نيفاشا ...وهاهو يكشر عن أنيابه ...مخرجا قواته من الأطفال الذين كان يحتفظ بهم منذ نيفاشا ...وهاهو الهلع والذعر ينتشر فى الدمازين والسبب عقار ...وعلى القوات المسلحة قمع التمرد ...أيا كان ولنستعمل لغة أخرى لمقاومة الإنقاذ ..فقد كنا نتحارب منذ الإستقلال ولم نصل لشىء إلا بعد أن أوقفنا الحرب
عوض مختار
|
Post: #36
Title: Re: انا الان بالدمازين بالصوت والصورة
Author: د.نجاة محمود
Date: 09-05-2011, 00:19 AM
Parent: #35
سلامات يا سائحون
عشان يسمعوك متعطشين الدماء ديل
لازم البوست دا بتكلم عن ضبح المواطنين في رابعة النهار وعن اغتصاب النساء
من سن 5 الى 80
وسرقة الاموال .. دا عشان يجو يتلمو ليك المناضلين
ويبكو هنا...
بالله عندي طلب منك الا وهو تحقيق في خبر ذبح اربعة مواطنين اوردته حريات
لانه الخبر دا ما راكب عدلو كلو كلو كعادة اخبار حريات
|
Post: #37
Title: Re: انا الان بالدمازين بالصوت والصورة
Author: Nasr
Date: 09-05-2011, 00:31 AM
Parent: #36
أتفق معاك يا عوض أنه الحرب بغيضة وملعونة ولا تلد إلا المحن
Quote: الحرب شىء بغيض ...وهى دليل إفلاس ...بعد أن تعطلت لغة الكلام ...مالك عقار متمرد ولم يترك تمرده منذ توقيع نيفاشا ...وهاهو يكشر عن أنيابه ...مخرجا قواته من الأطفال الذين كان يحتفظ بهم منذ نيفاشا ...وهاهو الهلع والذعر ينتشر فى الدمازين والسبب عقار ...وعلى القوات المسلحة قمع التمرد ...أيا كان ولنستعمل لغة أخرى لمقاومة الإنقاذ ..فقد كنا نتحارب منذ الإستقلال ولم نصل لشىء إلا بعد أن أوقفنا الحرب
|
ولكن هناك دلائل كثيرة تشير إلي أن هذه الحرب شنها وبدأها المؤتمر الوطني
وكان هنا في بوستات كثيرة من قبل ناس المؤتمر تبشر بالحرب وتعلن عن حركة القوات المسلحة في إتجاه ولاية النيل الأزرق
أيد الحكومة زي ما عايز
لكن في هذه الحرب فإن الحكومة هي المجرم
ضربني بكا وسبقني إشتكي
وبرضو بنقول
لعن الله الحرب ولعن الله من بدأها
|
Post: #38
Title: Re: انا الان بالدمازين بالصوت والصورة
Author: أحمد ابن عوف
Date: 09-05-2011, 00:31 AM
Parent: #36
يا دكتورة
كدي خلي سائحون يطلع من ورطة خبره في الاول بتاع (لا توجد اي مظاهر للحرب)
بعدين ممكن نكلفه بمهمتك التانية دي
Quote: بالله عندي طلب منك الا وهو تحقيق في خبر ذبح اربعة مواطنين اوردته حريات
لانه الخبر دا ما راكب عدلو كلو كلو كعادة اخبار حريات |
يبدو ان نزوح 150 الف بشر بين ليلة وضحاها لا يعتبر مظهر من مظاهر الحرب
كيف ذلك
وهم ما زالوا يعتبرون نزوح 5 مليون ومقتل 300 الف في دارفور، ماهو الا عبارة عن صراع بين الرعاة
والمزارعين حول مسارات الرعي وبعض التلفتات الامنية من عصابات النهب المسلح
|
Post: #39
Title: Re: انا الان بالدمازين بالصوت والصورة
Author: د.نجاة محمود
Date: 09-05-2011, 00:48 AM
Parent: #38
بالجد فقدت المنطق يا بن عوف
الموضوع اسع عن الحرب الاخيرة من الناس تشرق وتغرب تعرف انها انهزمت
عرضة خارج الدارة
|
Post: #40
Title: Re: انا الان بالدمازين بالصوت والصورة
Author: أحمد ابن عوف
Date: 09-05-2011, 01:03 AM
Parent: #39
ممكن فعلا اكون فقدت المنطق يا دكتورة نجاة وربما العقل ايضا
لانو ما فهمت اي حاجة من الكلام الكتبتيهو لي
Quote: بالجد فقدت المنطق يا بن عوف
الموضوع اسع عن الحرب الاخيرة من الناس تشرق وتغرب تعرف انها انهزمت |
|
Post: #41
Title: Re: انا الان بالدمازين بالصوت والصورة
Author: أمير فتحي
Date: 09-05-2011, 06:50 AM
Parent: #40
Quote: هي ذات الجهة التي كنت تصف الثوري المناضل الراحل جون قرنق بعميل بني صهيون وبالخائن المتآمر على وحدة السودان، فعرف الشعب لسوداني بعد ذلك من هو جون قرنق وحقاً وما هي أهدافه ومراميه،
|
وليكن في علمك ياسيد نادر
أن الشعب السوداني المسلم ليس مغفلاً أو مستغفلاًً ولازالت صورة الهالك قرنق ربيب الصهيونية ومنفذ سياسات الإستعمار الصليبي وسياسات مجلس الكنائس العالمي راسخة كشخص يحمل اوزار الحرب والدمار والأشلاء التي خلفها تمرده وحربه على وطنه ...
الصورة التي ذكرتها لم تتغير إلا في أذهان العلمانيين والشيوعيين من أمثالكم وأنتم قلة منبوذه تخجلون من الشعب السوداني المسلم من أن تعبرون عن نفسكم صراحة لأنكم إن عبرتم صراحة سيضربكم الشعب السودان ضرب غرائب الإبل لذلك تتوارون خلف الحركات العنصرية مثل حركة الهالك قرنق وغيره...
عن أي شعب سوداني تتحدث ياهذا ؟؟؟
|
Post: #42
Title: Re: انا الان بالدمازين بالصوت والصورة
Author: محمد على حسن
Date: 09-05-2011, 07:02 AM
Parent: #41
| Quote: ولازالت صورة الهالك قرنق ربيب الصهيونية ومنفذ سياسات الإستعمار الصليبي وسياسات مجلس الكنائس العالمي راسخة كشخص يحمل اوزار الحرب والدمار والأشلاء التي خلفها تمرده وحربه على وطنه ... |
غايتو يا امير بالغت في دي
|
Post: #43
Title: Re: انا الان بالدمازين بالصوت والصورة
Author: أمير فتحي
Date: 09-05-2011, 07:08 AM
Parent: #42
| Quote: غايتو يا امير بالغت في دي |
صديقي محمد علي حسن
مابالغتا ولا حاجة
التعامل مع هذا الهالك حسبوهو الناس غيرنا راينا فيهو ...عجبي
التعامل معاهو جنوح للسلم وحقناً للدماء لكنهم حسبوها ضعفاً من جهلهم وتاني عجبي
|
Post: #44
Title: Re: انا الان بالدمازين بالصوت والصورة
Author: عمر هواري
Date: 09-05-2011, 07:29 AM
Parent: #43
Quote: انا الان بالدمازين لم اري مظهر للحرب
|
مظاهر الحرب لاتظهر بالمدن وإنما تكون في الأطراف
أو في المدن التي يمكن التحصن فيها مثل المدن القريبة من الجبال أو الغابات
والدمازين مدينة مكشوفة ومحروسة بقوات الجيش
ولهذا لايمكن أن يكون بداخلها مظاهر للحرب
وهذا ماتلاحظه أيضاً إذا دخلت مدينة نيالا
ولكنك لاتستطيع أن تتجول خارجها لمسافات بعيدة
لإنعدام الأمان
|
Post: #45
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 07:48 AM
Parent: #44
شباب
الذين يتحدثون عن كل شئ بنفس واحدة نعرف ماذا يريدون
قبل قليل التقيت احد المواطنون وهو يسكن حي الربيع ويعمل ترزيا بالسوق الشعبي وحكي لي انه سمع صوت الرصاص الساعة الرابعة من فجر الجمعة والصوت ياتيه من جهة الجنوب علما بان حي الربيع يقع غربا وبعدها ذهب باهل بيته في عربته التعبانة (هكذا وصفها لي ) الي الرصيرص وان جميع من في الحي ذهبوا ومن لم يكن له اهل بالقرب من الدمازين وجدناه في السريو وود النيل وانهم يقيمون هنالك منذ فجر الجمعة ولكنه عاد صباح اليوم بمفرده ليتفقد بيته و ليري غنمه وماعزته التي تركها خلفه وقد ذكر لي ان الحافلة التي اقلته من الرصيرص بها اناس اتو الي منازلهم للاطمئنان والتعرف علي حال المدينة بحذر
حتي لا ياتي احدا ببطولة نضالية
الدمازين الان شبه خالية من السكان
واوكد لكم بعض القيادات من الحركة الشعبية تتصل بالاجهزة الرسمية وتسلم نفسها وهذا هو الذي يحدث
ونسأل عمارعوض اين علي بندرنائب عقار وما قصة خلافه مع عقار
وماهي قصة خلافات الناس مع عقار ومن لامه ومن عنفه علي الحرب والان بعض القيادات تابعة للحركة هي بالدمازين
مشكلة بسيطة جعلت انزال الصور بصعوبة ولكن سنواصل معكم
|
Post: #47
Title: Re: انا الان بالدمازين بالصوت والصورة
Author: هشام المجمر
Date: 09-05-2011, 08:12 AM
Parent: #45
Quote: أن الشعب السوداني المسلم ليس مغفلاً أو مستغفلاًً ولازالت صورة الهالك قرنق ربيب الصهيونية ومنفذ سياسات الإستعمار الصليبي وسياسات مجلس الكنائس العالمي راسخة كشخص يحمل اوزار الحرب والدمار والأشلاء التي خلفها تمرده وحربه على وطنه ...
الصورة التي ذكرتها لم تتغير إلا في أذهان العلمانيين والشيوعيين من أمثالكم وأنتم قلة منبوذه تخجلون من الشعب السوداني المسلم من أن تعبرون عن نفسكم صراحة لأنكم إن عبرتم صراحة سيضربكم الشعب السودان ضرب غرائب الإبل لذلك تتوارون خلف الحركات العنصرية مثل حركة الهالك قرنق وغيره... |
الخالد امير فتحى
ذكرتنى صحيفة آخر لحظة ايام الجامعة
لغتك هذه زمنا فات و غنايا مات من بدرى
اسئلة للاجابة
ماذا فعل الخالدون من بنى كوز بالسودان؟
كيف تفسر تعاون جهاز الامن و المخابراتى المسلم التقى الوثيق مع جهاز المخابرات الامريكى والصهيونى طيلة السنين الفائتة؟
كيف تفسر تعاون السودان المسلم مع حلف الناتو وفتح الاجواء لضرب ليبيا؟
كلام صهيونية و عملاء و استعمار ده كلام ساى... بتقال لذر الرماد على العيون.. الحقيقة مكشوفة و معلومة
|
Post: #46
Title: Re: انا الان بالدمازين بالصوت والصورة
Author: على محمد على بشير
Date: 09-05-2011, 08:06 AM
Parent: #44
لا حولااااااا
الراجل بلعوهو بوستيهو حتى قبل ان ينزل الصور
دا كلام شنو دا يا ناس ما تلوكوا الصبر
|
Post: #48
Title: Re: انا الان بالدمازين بالصوت والصورة
Author: الرفاعي عبدالعاطي حجر
Date: 09-05-2011, 09:02 AM
Parent: #46
الصور بعد جمع الجثث ؟؟؟
...........................حجر.
|
Post: #49
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 09:58 AM
Parent: #1
الاحزاب السياسية بولاية النيل الازرق تخرج بيان رقم 1
وقعت الاحزا ب الوطنية بالولاية بيان رقم واحد
يتضمن الاتي
شجب ما حدث من غدر وخيانة من الحركة الشعبية
ساندت الاحزاب القوات المسلحة والاجهزة الامنية الاخري
تؤيد الاحزاب قرارات السيد الرئيس باعلان الطواري واعفاء المتمرد مالك عقار كما وصفه البيان
الاحزاب الموقعة هي
الامة الفيدرالي القيادة الجماعية (التنمية ) وقع عنه عبدالرحمن ابكر ادم ساجو
اتحاد عام جنوب وشمال الفونج عنه عبدالباقي ارباب خميس
الفونج القومي عنه خليفة عمر حامد
الحقيقة الفيدرالي عنه ابراهيم بابكر محمد (ابوايمن )
تحالف قوي الشعب العاملة عنه عمر صالح ادم
الاتحادي الديمقراطي عنه ابراهيم احمد الطريفي
المؤتمر الوطني عنه علي الزين علي
|
Post: #51
Title: Re: انا الان بالدمازين بالصوت والصورة
Author: الرفاعي عبدالعاطي حجر
Date: 09-05-2011, 11:10 AM
Parent: #49
وين الاحزاب دي :
ياراجل صلي ع النبي والله فيهن من اسمع به لاول مرة عندما نقول الاحزاب نقصد :
الامة , الاتحادي , الشيوعي ...
يعني بعد داك نجيب البقية يعني احزاب الرشى دي ما تخارج .
.............................................................
|
Post: #52
Title: Re: انا الان بالدمازين بالصوت والصورة
Author: نادر
Date: 09-05-2011, 11:11 AM
Parent: #49
أمركم عجيب يا كيزان
جايين تبيعوا الموية في حارة السقايين؟
هسع يا أمير فتحي الواحد يرد ليك بي وين ويقوليك شنو مع الكاتبو ده؟ غايتو كفاني رد الباشمهندس هشام المجمر، مر عليهو ورد أسئلتو أنا حالتك دي حيالها بس بقول "لا تطلق النار" وعشان تفهم شعار "لا تطلق النار"
أرجع حفّر في سودانيز أونلاين دي وأقعد في الإرشيف أسبوع أسبوعين وأعرف بيقولوها في ياتو حاله، ومنها برضو تقرأ شوية وترتقي بي وعيك شوية وتنمي ملكات الحوار والنقاش وتعرف الناس هسع واقفين وين وبقولوا شنو، مش تجي تقوليك كلام ناسك زاتهم بي يعملوا ميتين منو.
يا سائحون هسع أحزابك دي في السودان ولا في دولة تانية؟ ناس الحقيقة الفدرالي ديل؟
|
Post: #53
Title: Re: انا الان بالدمازين بالصوت والصورة
Author: أمير فتحي
Date: 09-05-2011, 11:17 AM
Parent: #49
Quote: كيف تفسر تعاون جهاز الامن و المخابراتى المسلم التقى الوثيق مع جهاز المخابرات الامريكى والصهيونى طيلة السنين الفائتة؟
كيف تفسر تعاون السودان المسلم مع حلف الناتو وفتح الاجواء لضرب ليبيا؟
كلام صهيونية و عملاء و استعمار ده كلام ساى... بتقال لذر الرماد على العيون.. الحقيقة مكشوفة و معلومة |
ود المجمر
إنتا قايل مبادئ آخر لحظة والذي منو إتبدلت ؟؟ وهل تم الإعلان عن التنازل عنها رسمياً من قبلهم ؟؟
لا أظن ذلك ....
لو قريت سورة الروم حتجاوب ليك على كتير من أسئلتك حول كتير المسائل بتاعة التحالفات الخارج نطاق الأسلمة دي ...إنتا قايل دينا دا إتجاه واحد ولا شنو ؟؟
دينا يامجمر بفهم في القوات الصديقة والمصالح المشتركة أكتر مما نظنون ؟
وكلام صهيونية ومخططات الغرب لتركيع الدول المستضعفه مشتركين فيهو الشيوعيين والإسلاميين ...لكين أبان الشاءات ديل باعو القضية....
مودتي
|
Post: #54
Title: Re: انا الان بالدمازين بالصوت والصورة
Author: Osama Mohammed
Date: 09-05-2011, 11:17 AM
Parent: #49
Quote: الاحزاب الموقعة هي
الامة الفيدرالي القيادة الجماعية (التنمية ) وقع عنه عبدالرحمن ابكر ادم ساجو
اتحاد عام جنوب وشمال الفونج عنه عبدالباقي ارباب خميس
الفونج القومي عنه خليفة عمر حامد
الحقيقة الفيدرالي عنه ابراهيم بابكر محمد (ابوايمن )
تحالف قوي الشعب العاملة عنه عمر صالح ادم
الاتحادي الديمقراطي عنه ابراهيم احمد الطريفي
المؤتمر الوطني عنه علي الزين علي |
احزاب الفكة
هههههههههههههههههههههههه...
|
Post: #55
Title: Re: انا الان بالدمازين بالصوت والصورة
Author: أمير فتحي
Date: 09-05-2011, 11:34 AM
Parent: #54
Quote: أرجع حفّر في سودانيز أونلاين دي وأقعد في الإرشيف أسبوع أسبوعين وأعرف بيقولوها في ياتو حاله، ومنها برضو تقرأ شوية وترتقي بي وعيك شوية وتنمي ملكات الحوار والنقاش وتعرف الناس هسع واقفين وين وبقولوا شنو، مش تجي تقوليك كلام ناسك زاتهم بي يعملوا ميتين منو.
|
النادر نادر
عارف سودانيز دي انا مباريها حفره حفره وزنقه زنقه ...قبل أسجل فيها وعارف كل حاجة ياحبيب ماتخاف على أخوك ...والهدف من الكلام المابقيت تسمعو دا (شطاره)...أي والله شطاره من الناس المابقولوهو ديل أنا ذاتي تصدق لي أربعة سنة تقريباً ماقلتو ...لأنو كنا في سلام ووئام من أجل عيون الوطن الجميل ومن غير الكياسه نذكر شئ قد نختلف عليه وهذا لايعني البته التنازل عنو ....ونحن أهل المنطق والحوار البقنع الحجر ..هيييع
بس إنتو للأسف الشديد بعد أتنين وعشرين سنة لسع مافهمتو عدوكم الذي أتخزتموه ...بقترح ليكم تخصصو كتيبة من الوعي والإستنارة تقفل نفسها في دورة حتمية لمدة عام لتحلل وتدرس وتطلع بمفاهيم والدورة بعنوان أعرف عدوك...
|
Post: #56
Title: Re: انا الان بالدمازين بالصوت والصورة
Author: أمير فتحي
Date: 09-05-2011, 11:41 AM
Parent: #55
Quote: احزاب الفكة
هههههههههههههههههههههههه... |
هسع ترجع لي قواعدا تلقاها أكتر من قواعد الشيوعي والأمة القومي والإتحادي الأصل
الناس دي مامواكبة ولا شنو ؟؟؟
|
Post: #57
Title: Re: انا الان بالدمازين بالصوت والصورة
Author: الزنجي
Date: 09-05-2011, 01:29 PM
Parent: #56
يــا عمكـــــــــــــــــــــــ ما شفنا لينا ولا صورة
فى اتصال من قنيص غرب وهي احد احياء مدينة الدماذين افادة محدثي بان رائحة الحثث اجبرت السكان والاهالي لترك منازلهم
والبحث عن ملاز أمن فى ظل غياب دور رسمي او سعبي
|
Post: #58
Title: Re: انا الان بالدمازين بالصوت والصورة
Author: Nasr
Date: 09-05-2011, 05:12 PM
Parent: #57
يا راعي البوست
التناقض بين المقطعين ديل في كلامك شايفو؟؟؟
| Quote: الدمازين الان شبه خالية من السكان |
| Quote: انا الان بالدمازين لم اري مظهر للحرب |
|
Post: #59
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 06:38 PM
Parent: #56
هولاء هم السكان في المدخل لمدينة الدمازين سنواليكم بالبقية
|
Post: #60
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 06:47 PM
Parent: #59
الي هؤلاء واخرين
سنقوم برفع افادة كل من
المك يوسف حمد عدلان مك عموم قبائل النيل الازرق
و وزراء الحركة الشعبية وهم الصادق الصديق عثمان مؤسس منظمة مناصري مالك عقار ووزير الشباب والرياضة
وعباس احمد مدني بائب رئيس المجلس التشريعي ورئيس كتلة نواب الحركة
ووزير المالية ومستشار الوالي الاقتصادي ابوحليمة
وعلي حسن مستشار الوالي
كل هؤلاء وهم حركة شعبية يقفون الان ضد عقار ويستنكرون ما قام به باشد واعنف الالفاظ
|
Post: #61
Title: Re: انا الان بالدمازين بالصوت والصورة
Author: ابراهيم سائحون
Date: 09-05-2011, 06:57 PM
Parent: #60
والاخطر افادة ضباط الجيش الشعبي عميد و3عقداء ونقباء وملازمين
كل هؤلاء يقولو عن مالك عقار ما لم يقوله ناس المؤتمر الوطني
الي المناضلين في الاسافير احنو رؤسكم
الكل يقول مالك استقل اتفاقية السلام وترتيباتها لنشر الجيش الشعبي لاهداف غير نبيلة
|
Post: #62
Title: Re: انا الان بالدمازين بالصوت والصورة
Author: عمر صديق
Date: 09-05-2011, 07:23 PM
Parent: #61
الاخ ابراهيم
كل سنة وانت طيب
اردم
ولاتبالي باعداء الحقيقة انصار التمرد
|
Post: #63
Title: Re: انا الان بالدمازين بالصوت والصورة
Author: هيثم طه
Date: 09-05-2011, 11:01 PM
Parent: #1
| Quote: انا الان بالدمازين لم اري مظهر للحرب |
سلامات سائحون -
يا ليت ما قلته كان صحيحا
http://youtu.be/BW9iyEIVU80
|
Post: #64
Title: Re: انا الان بالدمازين بالصوت والصورة
Author: Yassir Tayfour
Date: 09-05-2011, 11:29 PM
Parent: #63
__
يا سائحون أين كنت تسوح ؟ ؛)
|
Post: #65
Title: Re: انا الان بالدمازين بالصوت والصورة
Author: Salah Idris
Date: 09-06-2011, 01:45 AM
Parent: #64
يسم الله الرحمن الرحيم
ان شاء الله ربنا سوف يحفظ الدمازين من كل شر وبلاء .
|
Post: #66
Title: Re: انا الان بالدمازين بالصوت والصورة
Author: هشام المجمر
Date: 09-06-2011, 05:55 AM
Parent: #65
Quote: إنتا قايل مبادئ آخر لحظة والذي منو إتبدلت ؟؟ وهل تم الإعلان عن التنازل عنها رسمياً من قبلهم ؟؟
لا أظن ذلك .... |
تبدلت يا امير ولو انت ماك عارف تكون مصيبة
ولو عارف و بتكابر بتكون ماشى فى نفس الخط الاعلامى و لا تثريب عليك
برضو لم تجب على اسئلتى
|
Post: #67
Title: Re: انا الان بالدمازين بالصوت والصورة
Author: أمير فتحي
Date: 09-06-2011, 07:03 AM
Parent: #66
| Quote: برضو لم تجب على اسئلتى |
وهي :
Quote: ماذا فعل الخالدون من بنى كوز بالسودان؟
كيف تفسر تعاون جهاز الامن و المخابراتى المسلم التقى الوثيق مع جهاز المخابرات الامريكى والصهيونى طيلة السنين الفائتة؟
كيف تفسر تعاون السودان المسلم مع حلف الناتو وفتح الاجواء لضرب ليبيا؟
|
بالنسبة لي فعلو الكتير الكتير والذي عجز عنه غيرهم وخاصة في مجال التنمية والتي لا ينكرها الا كالذي أعمي ويصر هلى طلب دليلاً على وجود الشمس والبيان عملاً.... أما اليقول ماعملو شئ دا مكابر لايمت للمكابراب بصلة....
السؤال إتنين دا تفسيرو الواقعي جداً بقول أن هنالك مساعي سياسية و دبلوماسية بين دولتين ...حاولتا ردم الهوه والشقاق بينهما بتطبيع علائقي يفضي لمصالح دون المساس بثوابت الطرفين ...يعني لاهم قدرو يقولو لي جهاز المخابرات دا أترك الصلاة لاجهاز المخابرات قدر يقول ليهم ماتحبو وتدعمو إسرائيل ...وأوكد ليك بأن دولتنا وحكومتنا وجهازنا ماحتقفل نفسها في دائرة (ظلامية) مغلقة وحتظل تجتهد وتجتهد لمصالح البلاد والعباد دون المساس بالثوابت ولو عندك دلائل وقرائن شرعية وإنتا حريص على دينهم وأن لا يفتنو أذهب فقارعهم الحجه فأبوابهم مشرعة....
أما تعاون السودان مع الناتو بإختصار شديد أنا بعتبرو ضعيف لأنو مفروض نساهم معاهم حتى لو بي طيارة رش ...لسببين لوجود أمثال الشيخ ونيس المبروك وعبد الحكيم بلحاج وثانياً لضرب الصندوق الإداري لحركات التمرد وقطع رأس الأفعى قذافي
وضحححح...كامل الود
|
Post: #68
Title: Re: انا الان بالدمازين بالصوت والصورة
Author: هشام المجمر
Date: 09-06-2011, 08:19 AM
Parent: #67
السؤال الاول : الاجابة بالتأكيد من وجهة نظرك انت فقط ولكى لا ندخل فى مغالطات حول التنمية و ماهيتها ما وددت أن اقوله هنا ان ما فعلتم بعد 22 سنة من الحكم هو انفصال جزء عزيز من الوطن مما يحقق مصالح الصهيونية والاستعمار فى هذه المنطقة
Quote: السؤال إتنين دا تفسيرو الواقعي جداً بقول أن هنالك مساعي سياسية و دبلوماسية بين دولتين ...حاولتا ردم الهوه والشقاق بينهما بتطبيع علائقي يفضي لمصالح دون المساس بثوابت الطرفين ...يعني لاهم قدرو يقولو لي جهاز المخابرات دا أترك الصلاة لاجهاز المخابرات قدر يقول ليهم ماتحبو وتدعمو إسرائيل ...وأوكد ليك بأن دولتنا وحكومتنا وجهازنا ماحتقفل نفسها في دائرة (ظلامية) مغلقة وحتظل تجتهد وتجتهد لمصالح البلاد والعباد دون المساس بالثوابت ولو عندك دلائل وقرائن شرعية وإنتا حريص على دينهم وأن لا يفتنو أذهب فقارعهم الحجه فأبوابهم مشرعة....
أما تعاون السودان مع الناتو بإختصار شديد أنا بعتبرو ضعيف لأنو مفروض نساهم معاهم حتى لو بي طيارة رش ...لسببين لوجود أمثال الشيخ ونيس المبروك وعبد الحكيم بلحاج وثانياً لضرب الصندوق الإداري لحركات التمرد وقطع رأس الأفعى قذافي |
عندما تتعاملون مع اجهزة المخابرات العدوة و تتبادلون المعلومات معها انتم هنا لا تتعاملون مع وزارة خارجية و دبلوماسيةانتم تتعاملون مع اجهزة استخبارات سرية لها تاريخ مشين و بالتاكيد انتم لا تتعاملون معها ندا بند بل بمبدا مجبرا أخاك لا بطل وإلا قل لىلماذا تمدون اجهزة استخبارات دولة تنصحونها بلم جدادها وان قد دنا عذابها بمعلومات مهمة جدا تفيدها فى سمى بحربها على الارهاب!!!!!
اما الجزء الخاص بليبيا فاجابتك توضح مدى الازدواجية والانتهازية السياسية و تغليب المصلحة السياسية الآنية على المبادئ. تدخل امريكا و بريطانيا فى العراق تعدونه اعتداء و تدينونه اما تدخل الناتو فى ليبيا فمشروع لأنه يخدم مصالحكم رغم انه تدخل عسكرى اجنبى فى شئون دولة عربية حتى لو تم تحت ستار الامم المتحدة فانتم رفضتم من قبل تدخل الامم المتحدة فى دارفور و اعتبرتوه تدخلا اجنبيا و قال المشير البشير فى ذلك انه يفضل أن يموت جنديا يحارب قوات التدخل الاجنبى فى دارفور على ان يكون رئيس جمهورية يوافق على تدخلها!!!
اذن فى النهاية هى السياسة وليست المبادئ وخاصة لو كنت تدعى انك تعمل لصالح السماء فما تعملون لصالحه هو فقط من اجل الاستمرار فى الحكم مهما كانت الوسيلة ومن اجل هذا تذبح المبادئ و تصبح القيم خارج نطاق الذاكرة.
|
Post: #69
Title: Re: انا الان بالدمازين بالصوت والصورة
Author: أمير فتحي
Date: 09-06-2011, 09:28 AM
Parent: #68
Quote: ما فعلتم بعد 22 سنة من الحكم هو انفصال جزء عزيز من الوطن مما يحقق مصالح الصهيونية والاستعمار فى هذه المنطقة
|
والله يامجمر أنا أعدك من أوعى الناس في هذا المنبر فلا تفجعني فيك بكلام عام غير مؤسس ...إتفاقية السلام التي تحققت وأرضت كل الأطراف السودانية المعنية كان من أهم بنودها تقرير مصير الجنوب ...وعلى يد أهله وقد كان ...من تلوم إذن الحركة طالبت بالإنفصال ووافقت الحكومة تنازلاً لأجل الإتفاقية وضحت بذلك ...ذهب الشعب الجنوبي منتخباً وقال كلمته ...
هل أرغمت الحكومة الجنوبيين وأكرهتهم على الإستفتاء بالإنفصال ؟
بماذا تلوم الحكومة ...أوعك تقول إنها ماوفرت الجو المناسب وموش عارف إيه من الكلام الزئبقي النظري داك ...
كيف تقول فصلتم الجنوب بعد 22 سنة ...وماذا كان يجب علي الحكومة أن تفعل هل تلغي الإتفاقية وتحارب من جديد ؟
الشي التاني ...عن موضوع ليبيا
كانت الحكومة تملك أدلة قاطعة على دعم القذافي ونظامه لحركات دارفور وتتخذ الحكمة وعدم التهور في المعاملة معه برد فعل قوي وذلك ذكاء وحكمة يحسد عليها النظام والآن وقد حانت الفرصة لرد شافي على دكتاتور ليبيا الذي فاجأ العالم وقمع الثورة السلمية بأسلحة فتاكة ...لايمكن مقارنة الوضع في ليبيا بما حدث في العراق ...الذي حدث في العراق هو تدمير شامل فتنة طائفية كبرى تسبب فيهاالأمريكان ويذوق ويلاتها العراقيين مع فجر كل صباح ...
وبعدين حتى المعارضة الليبية مكرهه في تعاونها مع الناتو وأمريكا ...لأنها تدرك تماماً نواياه ...ولكنها مضطره للتعامل معه ضد كابوس أكبر يسمى القذافي
|
Post: #70
Title: Re: انا الان بالدمازين بالصوت والصورة
Author: مصطفى توفيق
Date: 09-06-2011, 09:41 AM
Parent: #69
سلام يا ابراهيم
انت بتغطى لأى قناة؟
وعاوزين تحليل سياسى ما وجهات نظر عاطفية
الاعلامى يجب ان يكون محايد وينقل الحقيقة بحذافيرها لأنك سوف تسأل عن كلمة كلمة كتبتها وقلتها
|
Post: #71
Title: Re: انا الان بالدمازين بالصوت والصورة
Author: علاء الدين صلاح محمد
Date: 09-06-2011, 10:22 AM
Parent: #70
| Quote: هل أرغمت الحكومة الجنوبيين وأكرهتهم على الإستفتاء بالإنفصال ؟ |
نعم ارغمتمهم وتغرم الاخرين
ارغمت الجنوبين بسياسات ما بعد نفاشا
على سبيل المثال لا الحصر
انت ما شفت باقان وعرمان كشوهم كيف من امام البرلمان ؟؟؟
تغم الاخرين
دونك درافور
النيل الازرق
جنوب كردفان
يا امير انت السودان كلو صادرتو لصالحكم
يا امير انا لو ما مؤتمر /كوز مواطتنتي غير كاملة ولذلك فر الما كيزان كما يفر الصحيح من الاجرب
|
Post: #72
Title: Re: انا الان بالدمازين بالصوت والصورة
Author: هشام المجمر
Date: 09-06-2011, 10:27 AM
Parent: #69
Quote: والله يامجمر أنا أعدك من أوعى الناس في هذا المنبر فلا تفجعني فيك بكلام عام غير مؤسس ...إتفاقية السلام التي تحققت وأرضت كل الأطراف السودانية المعنية كان من أهم بنودها تقرير مصير الجنوب ...وعلى يد أهله وقد كان ...من تلوم إذن الحركة طالبت بالإنفصال ووافقت الحكومة تنازلاً لأجل الإتفاقية وضحت بذلك ...ذهب الشعب الجنوبي منتخباً وقال كلمته ...
هل أرغمت الحكومة الجنوبيين وأكرهتهم على الإستفتاء بالإنفصال ؟
بماذا تلوم الحكومة ...أوعك تقول إنها ماوفرت الجو المناسب وموش عارف إيه من الكلام الزئبقي النظري داك ...
كيف تقول فصلتم الجنوب بعد 22 سنة ...وماذا كان يجب علي الحكومة أن تفعل هل تلغي الإتفاقية وتحارب من جديد ؟ |
يا امير
عندما استلم العميد عمر البشير السلطة عبر انقلاب عسكرى فى يونيو 1989 م قطع الطريق متعمدا على اتفاقية الميرغنى قرنق التى لم يكن من ضمن بنودها تقرير المصير!!! وصف العميد وقتها اتفاقية السلام بالاستسلام وجاء فى 2005 ليوقع اتفاقية نيفاشا التى ادت الى الانفصال!!
حق تقرير المصير اساسا جاء كنتيجة لإستيلاء الجبهة الاسلامية على الحكم و شنها الحرب الجهادية على الجنوب.
الجبهة الاسلامية قبل تنفيذها للانقلاب الشرير كانت ترى فى اتفاق السلام و التخلى عن الحرب و دخول وانخراط جون قرنق وحركته الشعبية للحياة السياسية فى جنوب و شمال السودان كتحرير لشهادة وفاة لها لذلك اسرعت بالانقلاب.
ان كنا جميعا قد عترفنا لشعب الجنوب بحقه فى تقرير مصيره و نبارك ما اختاره شعبنا فى جنوب السودان الا اننا لا يمكن أن ننسى أنكم من دفعتم هذا الشعب لهذا الخيار ولعلك لا تنسى أن اتفاقية نيفاشا نصت أن يعمل الجانبان على ان تكون الوحدة جاذبة ولكن حكومتك فعلت كل شئ لكى تجعلها منفرة.
حديثى عن تسببكم فى انفصال جزء عزيز من الوطن كان عن دراية تماما بما اقول وهذا تاريخكم و تاريخ ما فعلتم محفوظ اعترفتم ام لا.
|
Post: #73
Title: Re: انا الان بالدمازين بالصوت والصورة
Author: Nasr
Date: 09-06-2011, 04:11 PM
راعي البوست لم يهتم بتصحيح المعلومة الخاطئة الاوردها في مطلع البوست
ووضح لي أن الخبير الإعلامي ما بعرف إعلام
ولذلك إسمحوا لنا بمناقشات جانبية من مؤيدي الديكتاتور البشير
قال أمير في رده علي هشام حينما ما سأله عن ماذا فعل الكيزان في السودان
Quote:
بالنسبة لي فعلو الكتير الكتير والذي عجز عنه غيرهم وخاصة في مجال التنمية والتي لا ينكرها الا كالذي أعمي ويصر هلى طلب دليلاً على وجود الشمس والبيان عملاً.... أما اليقول ماعملو شئ دا مكابر لايمت للمكابراب بصلة....
|
ونتسآل (ما ببراءة طبعا)
هل مشروع الجزيرة ما في مجال التنمية ؟؟؟
وكذلك المشاريع في النيلين الأزرق والأبيض؟؟؟
والرهد والسوكي؟؟؟
ومحالج القطن؟؟؟
هل السكة حديد ما في مجال التنمية ؟؟؟؟
هل مصانع النسيج والغزل في الحصاحيصا وحاج عبدالله ومدني وشندي وبحري ما في مجال التنمية؟؟؟
هل البوستة والنقل النهري والنقل الميكانيكي
ما في مجال التنمية؟؟؟
طيب تبوظوا دا كلوا وتقولوا لينا عمل سد في مروي !!!!!!
|
Post: #74
Title: Re: انا الان بالدمازين بالصوت والصورة
Author: Balla Musa
Date: 09-06-2011, 04:19 PM
Parent: #73
| Quote: طيب تبوظوا دا كلوا وتقولوا لينا عمل سد في مروي !!!!!! |
الحكاية دى يانصر لو نظرت ليها بروح رياضية تلقاها عبارة عن فاول متعمد فى راس خط 18 وبعد داك تجى تعمل سد عشان تحمى المرمى!
|
Post: #75
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 04:42 PM
Parent: #73
Quote: راعي البوست لم يهتم بتصحيح المعلومة الخاطئة الاوردها في مطلع البوست
ووضح لي أن الخبير الإعلامي ما بعرف إعلام
ولذلك إسمحوا لنا بمناقشات جانبية من مؤيدي الديكتاتور البشير
|
nasr
الاخ الكريم
انا اعتذرت لكم عن عدم استطاعتي نقل الصور والفيديو حاليا
اما المعلومة الخاطئة التي تتحدث عنها انا لا افهم ماذا تعني ولو سلمنا جدلا ان الحرب قائمة الان في الدمازين او كما تقول بعض البوستات هنا في المنبر بان رائحة الموت تزكم الانوف وان الرصيرص الان تتعرض الي قصق والحرب تدور كل هذا لا تفهم يورده هؤلاء السادة المحترمون لفائدة من
اذكر اني قرات عن اهمية المعلومة وانه في حرب فيتنام ارسلت احدي وكالات الانباء الكبيرة مراسلا الي فيتنام لشي واحد هو التاكد من ان كبري او معبر بعينه تحت سيطرة من
ولكن الذين يجلسون وقمة نضالهم بنطلون الجينزوالاستماع الي اغاني الفنان الراحل مصطفي سيد احمد ويدندنون عم عبدالرحيم لا يعرفون امانة الكلمة ولا حرية الضمير وانا اتحدث هنا من الدمازين فان الحياة الان بدات تعود والذي تهمه الحقيقة عليه ان ياتي ويتاكد ان كان يحمل حبا لوطنه والا الحديث علي شاكلة ماذا فعل الكيزان وغيره من سمج الحديث الذي لا يغني شيئا
وحكاية مؤيدي الدكتاتور عمر البشير فانت تتحدث بمافي دواخلك ولكننا نتحدث اليك بعين المحبة والود فالكل في الوطن سواء واذا اندلع الحريق فانت لن تكون في مامن فسوف يشملنا كلنا لان الذين يرديدون قوات الناتو لتقصف لهم المدن حتي يسلموا الثوار البلد فلا اظنهم يبتسمون بعدها لان الموت لن يفرق بين الكيزان وبينهم
|
Post: #76
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 04:50 PM
Parent: #1
ذهبت عصر اليوم الي حي الربيع والتقيت بالمواطنين وقد عبر لي عدد كبير منهم بانهم تفأجئوا باطلاق النار الساعة الحادية عشر من ليل الخميس الاول من سبتمبر 2011 وبعدها خرجت النساء والاطفال ولكنهم الان بداو يعودون وقد حكي لي الحاج عبدالحفيظ محمد سليمان وهي يسكن الدمازين في حي الربيع منذ 41عام وهو من السوكي وتحدث بالم عن الاخبار التي تقول ان الجثث في الطريق وقال لي بالحرف والفم المليان بانهم صلوا الجمعة في مسجد الحي ولا احد خرج الي الاطفال والنساء والان بدأت الاسر في العودة بصورة واضحة وقد اكد بانه طوال الاربعون عاما التي عاشها وفي ظل الحرب السابقة لك يسمع اصوات رصاص داخل المدينة الا الان بعد احداث عقار الاخيرة
|
Post: #77
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 05:01 PM
Parent: #1
الدمازين ابراهيم سائحون
قال الحاكم العسكري لولاية النيل الازرق اللواء يحي محمد خير
منذ انتهاء اتفاقية السلام الشامل كان من المومل وكان ظننا انتهاء دور الجيش الشعبي بانتهاء الاتفاقية ولكن رفض عقار ذلك وربط الجيش الشعبي بالترتيبات السياسية (المشورة الشعبية ) التي قامت ولكنها سارت خلاف ما يريد (مالكا)
ولكن مالك عقار اخذ يدعم جيشه ويمده من حكومته ومن دولة الجنوب مباشرة بالمرتبات وكانت الطائرات تهبط في يابوس والكرمك
دون اذن من حكومة السودان فهذه تحتاج الي فهامة يا مناضلي الاسافير حتي لا نتهم في عقلنا قولوا لنا هل ترضون بنزول طائرات الدول الاجنبية الي ارض السودان
|
Post: #78
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 05:25 PM
Parent: #77
هذه الاستفسارات والاسئلة تحتاج الي توضيح من ناس الحركة الشعبية فقط
لا مجال للاجتهاد هنا
عطل مالك عقار اجتماع لجنة امن الولاية لاكثر من اربعة اشهر ؟؟؟؟
طلب من كل قادة الجيش الشعبي الحضور للكرمك يوم الخميس 1/9؟؟؟؟؟
بداء سحب الاسر التابعة للحركة من المدينة الخميس الساعة 10 مساء ؟؟؟؟؟
قام الجيش الشعبي بسحب افراده الموجودون في مدخل المدينة مع القوات المشتركة ؟؟؟؟
بعد كل هذا ياتي من يقول الجيش بداء الحرب دي بس عاوزة ليها تخريج لا نريد اجتهاد من اصحاب الخيال الخصب وما اكثرهم هنا في المنبر
|
Post: #79
Title: Re: انا الان بالدمازين بالصوت والصورة
Author: سفيان بشير نابرى
Date: 09-06-2011, 05:29 PM
Parent: #77
إبراهيم السلام عليكم
يا أخونا طالما تعذر الصوت والصورة
قدام واحد من حلين هما:-
يا ترسل لى بكر ابوبكر يسحب البوست دا
وتكتب بوست جديد بدون صوت وصورة .
يا كمان ما ترد هنا نهائي حتى تحل مشكلة
الصوت والصورة ديل .
حاجة مهمة جداً في نظري يا إبراهيم طالما أنك
أعلامي وتنقل ما تراه فقط فامضي فقط فى نقله
دون أى رآي يخصك ... واظنك اعلم منى بذلك
ودعك من الكلام عن مناضلى الاسافير وهذا
الكلام يا عزيزي.
مع تحياتي.
|
Post: #80
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 06:08 PM
Parent: #79
الحاكم العسكري اللواء يحي محمد خير والاستاذة سناء حمد العوض وزير الدولة بالاعلام في المؤتمر الصحفي امس
|
Post: #81
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 06:09 PM
Parent: #80
اها يا نابري
عارض الصورة اتفك
الله يفك عارض الصوت
وعارض البلد دي
|
Post: #82
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 06:22 PM
Parent: #81
عمنا الراكب في عربة الكارو عائد الي اهله بعد ما احس باطمئنان
|
Post: #83
Title: Re: انا الان بالدمازين بالصوت والصورة
Author: Ahmed musa
Date: 09-06-2011, 07:39 PM
Parent: #82
ياسائحون فتلت البوست
بعدين اها رايكم شنو في خبر الجزيرة الجه عاجل ده
والبقول قطع الكهرباء واطلاق نار كثيف في الدمازين
فهل في قطع للكهرباء؟
وهل في اطلاق نار؟
وهل هو كثيف ؟
|
Post: #84
Title: Re: انا الان بالدمازين بالصوت والصورة
Author: Alshafea Ibrahim
Date: 09-06-2011, 07:49 PM
Parent: #83
للأسف الشديد
الحرب مولعة الآن في الدمازين وسماع أصوات ضرب نار من جهة الروصيرص والأحياء الجنوبية ... وفق قناة الشروق نشرة 9:30 مساء ... ومراسل القناة تقريبا اسمو (عمر سعد) ماقادر يوصف الحصل شنو ؟؟؟
سائحون وينك أنت الآن ؟ نساءل الله لكم ولكافة الأبرياء السلامة ... وهات الأخبار من موقع الحدث ... منتظرين
الشفيع إبراهيم
|
Post: #85
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 08:01 PM
Parent: #84
للاسف سمعنا صوت النار
والاسلحة ولكن لو في زول بقول ليك من ضرب من وكم وكيف كاذب لان البلد في حالة طواري لكنه لم يستمر الي الان
|
Post: #86
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 08:07 PM
Parent: #85
الساعة الان العاشرة مو5 مساء
لا يوجد اطلاق نار ولا توجد كهرباء وربنا يحفظ الكل
|
Post: #87
Title: Re: انا الان بالدمازين بالصوت والصورة
Author: محمد إبراهيم علي
Date: 09-06-2011, 08:07 PM
Parent: #85
نتمنى ان يتوقف مرة واحد وللابد
الحرب لم و لن تحسم صراعا سياسيا
الحوار ثم الحوار ثم الحوار
يجب ان يتعلم الكل من حرب الجنوب استمرت من 1955 لغاية 2005 ولم تنهها البنادق
ربنا يسلمكم
|
Post: #88
Title: Re: انا الان بالدمازين بالصوت والصورة
Author: Ahmed musa
Date: 09-06-2011, 08:08 PM
Parent: #85
Quote: للاسف سمعنا صوت النار
والاسلحة ولكن لو في زول بقول ليك من ضرب من وكم وكيف كاذب لان البلد في حالة طواري لكنه لم يستمر الي الان |
يعني نعتبرك مصدر ضعيف؟
مصدر سامع وماعارف ؟
|
Post: #89
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 08:16 PM
Parent: #88
Quote: يعني نعتبرك مصدر ضعيف؟
مصدر سامع وماعارف ؟ |
شنو اللعب بالالفاظ
ماذا تريد مننا في بلد تحكمها الان الطواري وحظر التجول
المهنية تقتضي من الصحفي التقيد بالقوانين واللوائح
مش كدا
|
Post: #90
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 08:25 PM
Parent: #89
اتتني الان اتصالات من الخرطوم يستفسرون المعلومات ويسالون عن الاحوال وطبيعةالاخبار التي تتداولها القنوات خاصة الجزيرة والشروق
فاجبتهم بان الاحوال الان هادية وهنالك من يريد ان يتطمئن علينا ولكن ليس الاماني وحدها تكفي هذا لك يا صاحبي وانت تعلم طريقة حوارنا معا
|
Post: #91
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 08:54 PM
Parent: #90
بعيدا عن المكيدات السياسية وغيرها من كلام لا يراعي الجوانب الانسانية حتي للذين لديهم اهل واقارب وابناء واصدقاء في الدمازين
نقول لكم الجميع بخير والاحوال هداءت بس الكهرباء الي الان لم تاتي الان الساعة 10و 54 دقيقة
|
Post: #92
Title: Re: انا الان بالدمازين بالصوت والصورة
Author: ابراهيم سائحون
Date: 09-06-2011, 09:01 PM
Parent: #91
الحاكم العسكري للدمازين افاد
بان الاوامر الصادرة تتحدث بوضوح حول استخدام القوة في اضيق نطاق
مما يقرأ عدم وجود خسائر كبيرة في الارواح
|
Post: #93
Title: Re: انا الان بالدمازين بالصوت والصورة
Author: أحمد ابن عوف
Date: 09-06-2011, 09:18 PM
Parent: #92
سائحون،
بس نصيحة اخوية وزمالة بورد ساكت، سيب الحوامة بالاتوس دي وعليك الله شوف ليك ساتر سريع
|
Post: #94
Title: Re: انا الان بالدمازين بالصوت والصورة
Author: ابراهيم سائحون
Date: 09-07-2011, 09:27 AM
Parent: #93
| Quote: سيب الحوامة بالاتوس دي وعليك الله شوف ليك ساتر سريع |
احمد بن عوف لك التحية والود
لماذا تشير وتوحي للحرب هل التبشير بالحرب سياسة حكيمة لا توجد حرب اوكد لك لاحرب ولا احتاج الي ساتر ويكفيني الاتوس علي فكرة في واحد قبل يومين قال الرصيرص تشهد معارك اسهل حاجة بوست زي دي دا ولكن الوضع هذا الذي ننقله قد لا يعحب الناس فهذه هي الحقائق بالمناسبة الكهرباء عادت والامور تسير بصورة جيدة
|
Post: #95
Title: Re: انا الان بالدمازين بالصوت والصورة
Author: ابراهيم سائحون
Date: 09-07-2011, 10:10 AM
Parent: #94
القوافل الغذائية والطبية تاتي من الخرطوم والجزيرة والنيل الابيض وسنار لدعم الاهل بالدمازين
لكن تحدي الحكومة توفير الامن وارجاع الناس الي منازلهم ومزارعهم الاهالي لا يحتاجون الي اغاثة بل الي الامان والامن
|
Post: #96
Title: Re: انا الان بالدمازين بالصوت والصورة
Author: ابراهيم سائحون
Date: 09-07-2011, 10:48 AM
Parent: #1
انا الان ذاهب الي الرصيرص
ولابد من الدخول الي قنيص وما ادراك ما قنيص ودا حديث اخر بعد العودة من هنالك لو استمرت الكهرباء ساحدثكم
|
Post: #97
Title: Re: انا الان بالدمازين بالصوت والصورة
Author: محمد عبدالله الطندب
Date: 09-07-2011, 06:31 PM
Parent: #96
ابراهيم تسلم
المدينة الان بها 2 من بورداب سودانيز
كيف نلتقي
|
Post: #98
Title: Re: انا الان بالدمازين بالصوت والصورة
Author: Nasr
Date: 09-11-2011, 02:01 AM
Parent: #97
بأي طريقة بس جيبوا لينا تقارير رأي العين وسمع الأذان وشم الأنف
|
|